| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
6. бин̣д̣оласуд̇д̇аван̣н̣анаа
6. Piṇḍolasuttavaṇṇanā
36. чадтз бин̣д̣олабхаарад̣̇вааж̇од̇и бин̣д̣ам̣ уламаано бариязсамаано баб̣б̣аж̇ид̇од̇и бин̣д̣оло. со гира бариж̇ин̣н̣абхог̇о б̣раахман̣о худ̇ваа маханд̇ам̣ бхигкусан̇гхасса лаабхасаггаарам̣ д̣̇исваа бин̣д̣ад̇т̇ааяа нигкамид̇ваа баб̣б̣аж̇ид̇о. со маханд̇ам̣ габаллам̣ ‘‘бад̇д̇а’’нд̇и г̇ахзд̇ваа жарад̇и, габаллабуурам̣ яааг̇ум̣ бивад̇и, бхад̇д̇ам̣ бхун̃ж̇ад̇и, буувакаж̇ж̇аган̃жа каад̣̇ад̇и. ат̇асса махаг̇гхасабхаавам̣ сад̇т̇у аарожзсум̣. сад̇т̇аа д̇асса бад̇д̇ад̇т̇авигам̣ наануж̇аани, хздтааман̃жз бад̇д̇ам̣ ниггуж̇ж̇ид̇ваа табзд̇и, со табзнд̇оби гхам̣сзнд̇ова бан̣аамзд̇ваа табзд̇и, г̇ан̣ханд̇оби гхам̣сзнд̇ова аагад̣дхид̇ваа г̇ан̣хаад̇и. д̇ам̣ г̇ажчанд̇з г̇ажчанд̇з гаалз гхам̣санзна баригкийн̣ам̣, наал̣игод̣̇анамад̇д̇ассзва г̇ан̣ханагам̣ ж̇аад̇ам̣. д̇ад̇о сад̇т̇у аарожзсум̣, ат̇асса сад̇т̇аа бад̇д̇ад̇т̇авигам̣ ануж̇аани. т̇зро абарзна самаязна инд̣̇рияабхааванам̣ бхаавзнд̇о аг̇г̇апалз арахад̇д̇з бад̇идтааси. ид̇и со буб̣б̣з сависзсам̣ бин̣д̣ад̇т̇ааяа улад̇ийд̇и бин̣д̣оло, г̇од̇д̇зна бана бхаарад̣̇вааж̇од̇и убхаяам̣ згад̇о гад̇ваа ‘‘бин̣д̣олабхаарад̣̇вааж̇о’’д̇и вужжад̇и.
36. Chaṭṭhe piṇḍolabhāradvājoti piṇḍaṃ ulamāno pariyesamāno pabbajitoti piṇḍolo. So kira parijiṇṇabhogo brāhmaṇo hutvā mahantaṃ bhikkhusaṅghassa lābhasakkāraṃ disvā piṇḍatthāya nikkhamitvā pabbajito. So mahantaṃ kapallaṃ ‘‘patta’’nti gahetvā carati, kapallapūraṃ yāguṃ pivati, bhattaṃ bhuñjati, pūvakhajjakañca khādati. Athassa mahagghasabhāvaṃ satthu ārocesuṃ. Satthā tassa pattatthavikaṃ nānujāni, heṭṭhāmañce pattaṃ nikkujjitvā ṭhapeti, so ṭhapentopi ghaṃsentova paṇāmetvā ṭhapeti, gaṇhantopi ghaṃsentova ākaḍḍhitvā gaṇhāti. Taṃ gacchante gacchante kāle ghaṃsanena parikkhīṇaṃ, nāḷikodanamattasseva gaṇhanakaṃ jātaṃ. Tato satthu ārocesuṃ, athassa satthā pattatthavikaṃ anujāni. Thero aparena samayena indriyabhāvanaṃ bhāvento aggaphale arahatte patiṭṭhāsi. Iti so pubbe savisesaṃ piṇḍatthāya ulatīti piṇḍolo, gottena pana bhāradvājoti ubhayaṃ ekato katvā ‘‘piṇḍolabhāradvājo’’ti vuccati.
ааран̃н̃агод̇и г̇ааманд̇асзнаасанабадигкибанзна аран̃н̃з ниваасо ассаад̇и ааран̃н̃аго, ааран̃н̃агад̇худ̇ан̇г̇ам̣ самаад̣̇ааяа вад̇д̇анд̇ассзд̇ам̣ наамам̣. д̇ат̇аа бхигкаасан̇каад̇аанам̣ аамисабин̣д̣аанам̣ баад̇о бин̣д̣абаад̇о, барзхи д̣̇иннаанам̣ бин̣д̣аанам̣ бад̇д̇з нибад̇ананд̇и ад̇т̇о. бин̣д̣абаад̇ам̣ ун̃чад̇и д̇ам̣ д̇ам̣ гулам̣ убасан̇гаманд̇о г̇авзсад̇ийд̇и бин̣д̣абаад̇иго, бин̣д̣ааяа ваа бад̇ид̇ум̣ жарид̇ум̣ вад̇амзд̇ассаад̇и бин̣д̣абаад̇ий, бин̣д̣абаад̇ийязва бин̣д̣абаад̇иго. сан̇гаарагуудаад̣̇ийсу бам̣суунам̣ убари тид̇ад̇д̇аа аб̣бхуг̇г̇ад̇адтзна бам̣сугуулам̣ вияаад̇и бам̣сугуулам̣, бам̣су вияа ваа гужчид̇абхаавам̣ улад̇и г̇ажчад̇ийд̇и бам̣сугуулам̣, бам̣сугууласса д̇хааран̣ам̣ бам̣сугуулам̣, д̇ам̣ сийлам̣ зд̇ассаад̇и бам̣сугуулиго. сан̇гхаадиуд̇д̇араасан̇г̇аанд̇араваасагасан̇каад̇аани д̇ийн̣и жийвараани д̇ижийварам̣, д̇ижийварасса д̇хааран̣ам̣ д̇ижийварам̣, д̇ам̣ сийлам̣ зд̇ассаад̇и д̇зжийвариго. аббижчод̇иаад̣̇ийнам̣ бад̣̇аанам̣ ад̇т̇о хздтаа вуд̇д̇оязва.
Āraññakoti gāmantasenāsanapaṭikkhipanena araññe nivāso assāti āraññako, āraññakadhutaṅgaṃ samādāya vattantassetaṃ nāmaṃ. Tathā bhikkhāsaṅkhātānaṃ āmisapiṇḍānaṃ pāto piṇḍapāto, parehi dinnānaṃ piṇḍānaṃ patte nipatananti attho. Piṇḍapātaṃ uñchati taṃ taṃ kulaṃ upasaṅkamanto gavesatīti piṇḍapātiko, piṇḍāya vā patituṃ carituṃ vatametassāti piṇḍapātī, piṇḍapātīyeva piṇḍapātiko. Saṅkārakūṭādīsu paṃsūnaṃ upari ṭhitattā abbhuggataṭṭhena paṃsukūlaṃ viyāti paṃsukūlaṃ, paṃsu viya vā kucchitabhāvaṃ ulati gacchatīti paṃsukūlaṃ, paṃsukūlassa dhāraṇaṃ paṃsukūlaṃ, taṃ sīlaṃ etassāti paṃsukūliko. Saṅghāṭiuttarāsaṅgaantaravāsakasaṅkhātāni tīṇi cīvarāni ticīvaraṃ, ticīvarassa dhāraṇaṃ ticīvaraṃ, taṃ sīlaṃ etassāti tecīvariko. Appicchotiādīnaṃ padānaṃ attho heṭṭhā vuttoyeva.
д̇худ̇аваад̣̇од̇и д̇худ̇о вужжад̇и д̇худ̇агилзсо буг̇г̇ало, гилзсад̇хунанагад̇хаммо ваа. д̇ад̇т̇а ад̇т̇и д̇худ̇о, на д̇худ̇аваад̣̇о, ад̇т̇и на д̇худ̇о, д̇худ̇аваад̣̇о, ад̇т̇и нзва д̇худ̇о, на д̇худ̇аваад̣̇о, ад̇т̇и д̇худ̇о жзва, д̇худ̇аваад̣̇о жаад̇и ид̣̇ам̣ жад̇уггам̣ взд̣̇ид̇аб̣б̣ам̣. д̇зсу яо саяам̣ д̇худ̇ад̇хаммз самаад̣̇ааяа вад̇д̇ад̇и, на барам̣ д̇ад̣̇ад̇т̇ааяа самаад̣̇абзд̇и, аяам̣ батамо. яо бана саяам̣ на д̇худ̇ад̇хаммз самаад̣̇ааяа вад̇д̇ад̇и, барам̣ самаад̣̇абзд̇и, аяам̣ д̣̇уд̇ияо. яо убхаяарахид̇о, аяам̣ д̇ад̇ияо. яо бана убхаяасамбанно, аяам̣ жад̇уд̇т̇о. зваруубо жа ааяасмаа бин̣д̣олабхаарад̣̇вааж̇од̇и. д̇зна вуд̇д̇ам̣ ‘‘д̇худ̇аваад̣̇о’’д̇и. згад̣̇зсасаруубзгасзсавасзна хи аяам̣ нид̣̇д̣̇зсо яат̇аа д̇ам̣ ‘‘наамарууба’’нд̇и.
Dhutavādoti dhuto vuccati dhutakileso puggalo, kilesadhunanakadhammo vā. Tattha atthi dhuto, na dhutavādo, atthi na dhuto, dhutavādo, atthi neva dhuto, na dhutavādo, atthi dhuto ceva, dhutavādo cāti idaṃ catukkaṃ veditabbaṃ. Tesu yo sayaṃ dhutadhamme samādāya vattati, na paraṃ tadatthāya samādapeti, ayaṃ paṭhamo. Yo pana sayaṃ na dhutadhamme samādāya vattati, paraṃ samādapeti, ayaṃ dutiyo. Yo ubhayarahito, ayaṃ tatiyo. Yo pana ubhayasampanno, ayaṃ catuttho. Evarūpo ca āyasmā piṇḍolabhāradvājoti. Tena vuttaṃ ‘‘dhutavādo’’ti. Ekadesasarūpekasesavasena hi ayaṃ niddeso yathā taṃ ‘‘nāmarūpa’’nti.
ад̇хижид̇д̇амануяуд̇д̇од̇и зд̇т̇а адтасамаабад̇д̇исамбаяог̇ад̇о арахад̇д̇апаласамаабад̇д̇исамбаяог̇ад̇о ваа жид̇д̇асса ад̇хижид̇д̇абхааво взд̣̇ид̇аб̣б̣о, ид̇ха бана ‘‘арахад̇д̇апалажид̇д̇а’’нд̇и вад̣̇анд̇и. д̇ам̣д̇ам̣самаабад̇д̇ийсу самаад̇хи зва ад̇хижид̇д̇ам̣, ид̇ха бана арахад̇д̇апаласамаад̇хи взд̣̇ид̇аб̣б̣о. гзжи бана ‘‘ад̇хижид̇д̇амануяуд̇д̇зна, бхигкавз, бхигкунаа гаалзна гаалам̣ д̇ийн̣и нимид̇д̇аани манаси гаад̇аб̣б̣аанийд̇и зд̇асмим̣ ад̇хижид̇д̇асуд̇д̇з (а. ни. 3.103) вияа самат̇авибассанаажид̇д̇ам̣ ад̇хижид̇д̇анд̇и ид̇хаад̇хиббзд̇а’’нд̇и вад̣̇анд̇и, д̇ам̣ на сунд̣̇арам̣. буримоязвад̇т̇о г̇ахзд̇аб̣б̣о.
Adhicittamanuyuttoti ettha aṭṭhasamāpattisampayogato arahattaphalasamāpattisampayogato vā cittassa adhicittabhāvo veditabbo, idha pana ‘‘arahattaphalacitta’’nti vadanti. Taṃtaṃsamāpattīsu samādhi eva adhicittaṃ, idha pana arahattaphalasamādhi veditabbo. Keci pana ‘‘adhicittamanuyuttena, bhikkhave, bhikkhunā kālena kālaṃ tīṇi nimittāni manasi kātabbānīti etasmiṃ adhicittasutte (a. ni. 3.103) viya samathavipassanācittaṃ adhicittanti idhādhippeta’’nti vadanti, taṃ na sundaraṃ. Purimoyevattho gahetabbo.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о бин̣д̣олабхаарад̣̇вааж̇асса ад̇хидтаанабаригкаарасамбад̣̇аасамбаннам̣ ад̇хижид̇д̇аануяог̇асан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа. звам̣ ‘‘ад̇хижид̇д̇аануяог̇о мама саасанаанудтаана’’нд̇и д̣̇ийбзнд̇о имам̣ уд̣̇аанам̣ уд̣̇аанзси.
Etamatthaṃviditvāti etaṃ āyasmato piṇḍolabhāradvājassa adhiṭṭhānaparikkhārasampadāsampannaṃ adhicittānuyogasaṅkhātaṃ atthaṃ sabbākārato viditvā. Evaṃ ‘‘adhicittānuyogo mama sāsanānuṭṭhāna’’nti dīpento imaṃ udānaṃ udānesi.
д̇ад̇т̇а ануубаваад̣̇од̇и ваажааяа гассажиби анубавад̣̇анам̣. ануубагхаад̇од̇и гааязна гассажи убагхаад̇аагаран̣ам̣. баад̇имогкзд̇и зд̇т̇а баад̇имогкабад̣̇асса ад̇т̇о хздтаа наанаббагаарзхи вуд̇д̇о, д̇асмим̣ баад̇имогкз. сад̇д̇аннам̣ аабад̇д̇игканд̇хаанам̣ авийд̇иггамалагкан̣о сам̣варо. мад̇д̇ан̃н̃уд̇аад̇и бадиг̇г̇ахан̣абарибхог̇авасзна бамаан̣ан̃н̃уд̇аа. банд̇ан̃жа саяанаасананд̇и вивид̇д̇ам̣ сан̇гхадданавирахид̇ам̣ сзнаасанам̣. ад̇хижид̇д̇з жа ааяог̇од̇и адтаннам̣ самаабад̇д̇ийнам̣ ад̇хиг̇амааяа бхааванаануяог̇о.
Tattha anūpavādoti vācāya kassacipi anupavadanaṃ. Anūpaghātoti kāyena kassaci upaghātākaraṇaṃ. Pātimokkheti ettha pātimokkhapadassa attho heṭṭhā nānappakārehi vutto, tasmiṃ pātimokkhe. Sattannaṃ āpattikkhandhānaṃ avītikkamalakkhaṇo saṃvaro. Mattaññutāti paṭiggahaṇaparibhogavasena pamāṇaññutā. Pantañca sayanāsananti vivittaṃ saṅghaṭṭanavirahitaṃ senāsanaṃ. Adhicitte ca āyogoti aṭṭhannaṃ samāpattīnaṃ adhigamāya bhāvanānuyogo.
абаро наяо – ануубаваад̣̇од̇и гассажиби убаруж̇жханаважанасса авад̣̇анам̣. д̇зна саб̣б̣амби ваажасигам̣ сийлам̣ сан̇г̇ан̣хаад̇и. ануубагхаад̇од̇и гааязна гассажи убагхаад̇асса баравихзтанасса агаран̣ам̣. д̇зна саб̣б̣амби гааяигам̣ сийлам̣ сан̇г̇ан̣хаад̇и. яаад̣̇исам̣ банид̣̇ам̣ убхаяам̣ б̣уд̣̇д̇хаанам̣ саасананд̇ог̇ад̇хам̣ ход̇и, д̇ам̣ д̣̇ассзд̇ум̣ – ‘‘баад̇имогкз жа сам̣варо’’д̇и вуд̇д̇ам̣. жасад̣̇д̣̇о нибаад̇амад̇д̇ам̣. баад̇имогкз жа сам̣варод̇и баад̇имогкасам̣варабхууд̇о ануубаваад̣̇о ануубагхаад̇о жаад̇и ад̇т̇о.
Aparo nayo – anūpavādoti kassacipi uparujjhanavacanassa avadanaṃ. Tena sabbampi vācasikaṃ sīlaṃ saṅgaṇhāti. Anūpaghātoti kāyena kassaci upaghātassa paraviheṭhanassa akaraṇaṃ. Tena sabbampi kāyikaṃ sīlaṃ saṅgaṇhāti. Yādisaṃ panidaṃ ubhayaṃ buddhānaṃ sāsanantogadhaṃ hoti, taṃ dassetuṃ – ‘‘pātimokkhe ca saṃvaro’’ti vuttaṃ. Casaddo nipātamattaṃ. Pātimokkhe ca saṃvaroti pātimokkhasaṃvarabhūto anūpavādo anūpaghāto cāti attho.
ат̇а ваа баад̇имогкзд̇и ад̇хигаран̣з бхуммам̣. баад̇имогкз ниссаяабхууд̇з сам̣варо. го бана сод̇и? ануубаваад̣̇о ануубагхаад̇о. убасамбад̣̇авзлааяан̃хи ависзсзна баад̇имогкасийлам̣ самаад̣̇иннам̣ наама ход̇и, д̇асмим̣ баад̇имогкз тид̇асса д̇ад̇о барам̣ убаваад̣̇уубагхаад̇аанам̣ агаран̣авасзна сам̣варо, со ануубаваад̣̇о ануубагхаад̇о жаад̇и вуд̇д̇о.
Atha vā pātimokkheti adhikaraṇe bhummaṃ. Pātimokkhe nissayabhūte saṃvaro. Ko pana soti? Anūpavādo anūpaghāto. Upasampadavelāyañhi avisesena pātimokkhasīlaṃ samādinnaṃ nāma hoti, tasmiṃ pātimokkhe ṭhitassa tato paraṃ upavādūpaghātānaṃ akaraṇavasena saṃvaro, so anūpavādo anūpaghāto cāti vutto.
ат̇а ваа баад̇имогкзд̇и нибпаад̣̇зд̇аб̣б̣з бхуммам̣ яат̇аа ‘‘жзд̇асо авуубасамо аяонисоманасигаарабад̣̇адтаана’’нд̇и (сам̣. ни. 5.232). д̇зна баад̇имогкзна саад̇хзд̇аб̣б̣о ануубаваад̣̇о ануубагхаад̇о, баад̇имогкасам̣варасан̇г̇ахид̇о ануубаваад̣̇о ануубагхаад̇оижжзва ад̇т̇о. сам̣варод̇и иминаа бана сад̇исам̣варо , н̃аан̣асам̣варо, канд̇исам̣варо, вийрияасам̣варод̇и имзсам̣ жад̇уннам̣ сам̣вараанам̣ г̇ахан̣ам̣, баад̇имогкасаад̇ханам̣ ид̣̇ам̣ сам̣варажад̇уггам̣.
Atha vā pātimokkheti nipphādetabbe bhummaṃ yathā ‘‘cetaso avūpasamo ayonisomanasikārapadaṭṭhāna’’nti (saṃ. ni. 5.232). Tena pātimokkhena sādhetabbo anūpavādo anūpaghāto, pātimokkhasaṃvarasaṅgahito anūpavādo anūpaghātoicceva attho. Saṃvaroti iminā pana satisaṃvaro , ñāṇasaṃvaro, khantisaṃvaro, vīriyasaṃvaroti imesaṃ catunnaṃ saṃvarānaṃ gahaṇaṃ, pātimokkhasādhanaṃ idaṃ saṃvaracatukkaṃ.
мад̇д̇ан̃н̃уд̇аа жа бхад̇д̇асминд̇и бариязсанабадиг̇г̇ахан̣абарибхог̇ависсаж̇ж̇анаанам̣ васзна бхож̇анз бамаан̣ан̃н̃уд̇аа. банд̇ан̃жа саяанаасананд̇и бхааванаанугуулам̣ аран̃н̃аругкамуулаад̣̇ививид̇д̇асзнаасанам̣. ад̇хижид̇д̇з жа ааяог̇од̇и саб̣б̣ажид̇д̇аанам̣ ад̇хигад̇д̇аа уд̇д̇амад̇д̇аа ад̇хижид̇д̇асан̇каад̇з арахад̇д̇апалажид̇д̇з саад̇хзд̇аб̣б̣з д̇асса нибпаад̣̇анад̇т̇ам̣ самат̇авибассанаабхааванаавасзна ааяог̇о. зд̇ам̣ б̣уд̣̇д̇хаана саасананд̇и зд̇ам̣ барасса ануубавад̣̇анам̣, ануубагхаад̇анам̣, баад̇имогкасам̣варо , бариязсанабадиг̇г̇ахан̣аад̣̇ийсу мад̇д̇ан̃н̃уд̇аа, вивид̇д̇аваасо, яат̇аавуд̇д̇аад̇хижид̇д̇аануяог̇о жа б̣уд̣̇д̇хаанам̣ саасанам̣ оваад̣̇о анусидтийд̇и ад̇т̇о. звам̣ имааяа г̇аат̇ааяа д̇иссо сигкаа гат̇ид̇аад̇и взд̣̇ид̇аб̣б̣аа.
Mattaññutā ca bhattasminti pariyesanapaṭiggahaṇaparibhogavissajjanānaṃ vasena bhojane pamāṇaññutā. Pantañca sayanāsananti bhāvanānukūlaṃ araññarukkhamūlādivivittasenāsanaṃ. Adhicitte ca āyogoti sabbacittānaṃ adhikattā uttamattā adhicittasaṅkhāte arahattaphalacitte sādhetabbe tassa nipphādanatthaṃ samathavipassanābhāvanāvasena āyogo. Etaṃ buddhāna sāsananti etaṃ parassa anūpavadanaṃ, anūpaghātanaṃ, pātimokkhasaṃvaro , pariyesanapaṭiggahaṇādīsu mattaññutā, vivittavāso, yathāvuttaadhicittānuyogo ca buddhānaṃ sāsanaṃ ovādo anusiṭṭhīti attho. Evaṃ imāya gāthāya tisso sikkhā kathitāti veditabbā.
чадтасуд̇д̇аван̣н̣анаа нидтид̇аа.
Chaṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 6. бин̣д̣оласуд̇д̇ам̣ • 6. Piṇḍolasuttaṃ
