| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. бин̣д̣оляасуд̇д̇аван̣н̣анаа
8. Piṇḍolyasuttavaṇṇanā
80. абагарийяад̇и зд̇знаад̇и абагаран̣ам̣, бад̣̇ам̣. абагаран̣ам̣ багаран̣ам̣ гааран̣анд̇и ад̇т̇ад̇о згам̣. д̇знааха ‘‘гисмин̃жид̣̇зва гааран̣з’’д̇и. нийхарид̇ваад̇и ад̇д̇ано самийбажаарабхаавад̇о абанзд̇ваа. д̇ат̇аагаран̣ан̃жа звамзд̇з зд̇д̇агамби аббадируубам̣ агад̇ваа ааяад̇им̣ саммаа бадибаж̇ж̇иссанд̇ийд̇и. лад̣̇д̇хаб̣алаад̇и лад̣̇д̇хан̃аан̣аб̣алаа.
80. Apakarīyati etenāti apakaraṇaṃ, padaṃ. Apakaraṇaṃ pakaraṇaṃ kāraṇanti atthato ekaṃ. Tenāha ‘‘kismiñcideva kāraṇe’’ti. Nīharitvāti attano samīpacārabhāvato apanetvā. Tathākaraṇañca evamete ettakampi appaṭirūpaṃ akatvā āyatiṃ sammā paṭipajjissantīti. Laddhabalāti laddhañāṇabalā.
згад̣̇вийхигааяаад̇и згзгасса жзва д̣̇виннам̣ д̣̇виннан̃жа ийхигаа г̇ад̇и убасан̇гаманаа згад̣̇вийхигаа. д̇знааха ‘‘згзго жзва д̣̇вз д̣̇вз жа худ̇ваа’’д̇и. бут̇уж̇ж̇анаанам̣ самуд̣̇ид̇аанам̣ наама гирияаа д̇аад̣̇исийби сияаад̇и вуд̇д̇ам̣ ‘‘гзл̣имби гарзяяу’’нд̇и. баригаббанавасзна саммаасамб̣уд̣̇д̇хам̣ уд̣̇д̣̇исса бзсалаа бхигкууби звам̣ гаронд̇ийд̇и.
Ekadvīhikāyāti ekekassa ceva dvinnaṃ dvinnañca īhikā gati upasaṅkamanā ekadvīhikā. Tenāha ‘‘ekeko ceva dve dve ca hutvā’’ti. Puthujjanānaṃ samuditānaṃ nāma kiriyā tādisīpi siyāti vuttaṃ ‘‘keḷimpi kareyyu’’nti. Parikappanavasena sammāsambuddhaṃ uddissa pesalā bhikkhūpi evaṃ karontīti.
яуг̇анд̇харабаб̣б̣ад̇аад̣̇ийнам̣ анд̇арз сийд̣̇анд̇арам̣ самуд̣̇д̣̇ам̣ наама. д̇ад̇т̇а гира ваад̇о на вааяад̇и, бад̇ид̇ам̣ яам̣ гин̃жиби сийд̣̇анд̇аранад̣̇ияам̣ вилийяанд̇аа сийд̣̇анд̇зва, д̇асмаа д̇ам̣ бариваарзд̇ваа тид̇аа яуг̇анд̇хараад̣̇аяоби сийд̣̇абаб̣б̣ад̇аа наама. д̇ам̣ санд̇хааяа вуд̇д̇ам̣ ‘‘сийд̣̇анд̇арз саннисиннам̣ махаасамуд̣̇д̣̇ам̣ вияаа’’д̇и. аахаарахзд̇ууд̇и аамисахзд̇у саббид̇злаад̣̇инимид̇д̇ам̣, д̇зсам̣ бан̣ааманаа.
Yugandharapabbatādīnaṃ antare sīdantaraṃ samuddaṃ nāma. Tattha kira vāto na vāyati, patitaṃ yaṃ kiñcipi sīdantaranadiyaṃ vilīyantā sīdanteva, tasmā taṃ parivāretvā ṭhitā yugandharādayopi sīdapabbatā nāma. Taṃ sandhāya vuttaṃ ‘‘sīdantare sannisinnaṃ mahāsamuddaṃ viyā’’ti. Āhārahetūti āmisahetu sappitelādinimittaṃ, tesaṃ paṇāmanā.
бажчиманд̇и нихийнам̣. д̇знааха ‘‘лаамага’’нд̇и, лаамаганд̇о ид̇хаад̇хиббзд̇о –
Pacchimanti nihīnaṃ. Tenāha ‘‘lāmaka’’nti, lāmakanto idhādhippeto –
‘‘миг̇аанам̣ годтуго анд̇о, багкийнам̣ бана вааяасо;
‘‘Migānaṃ koṭṭhuko anto, pakkhīnaṃ pana vāyaso;
зран̣д̣о анд̇о ругкаанам̣, д̇аяо анд̇аа самааг̇ад̇аа’’д̇и. –
Eraṇḍo anto rukkhānaṃ, tayo antā samāgatā’’ti. –
аад̣̇ийсу (ж̇аа. 1.3.135) вияа. улад̇ийд̇и абхижарад̇и. абхисабанд̇и зд̇знаад̇и абхисаабо. абхисаабавад̇т̇у бин̣д̣оляам̣. ад̇т̇о палам̣ васо зд̇ассаад̇и ад̇т̇авасам̣, гааран̣ам̣, д̇амби д̇зсу ад̇т̇и, д̇ад̇т̇а нияуд̇д̇аад̇и ад̇т̇авасигаа.
Ādīsu (jā. 1.3.135) viya. Ulatīti abhicarati. Abhisapanti etenāti abhisāpo. Abhisāpavatthu piṇḍolyaṃ. Attho phalaṃ vaso etassāti atthavasaṃ, kāraṇaṃ, tampi tesu atthi, tattha niyuttāti atthavasikā.
анд̇о хад̣̇аяасса аб̣бханд̇арз анубавидтаа согавад̇т̇уухи.
Anto hadayassa abbhantare anupaviṭṭhā sokavatthūhi.
абхиж̇жхааяид̇аад̇и абхиж̇жхааяанасийло. абхин̣хаббавад̇д̇ияаа жзва б̣ахулабхаавзна жа б̣ахуларааг̇о. бууд̇ибхаавзнаад̇и гут̇ид̇абхаавзна. б̣яаабаад̣̇о хи уббаж̇ж̇амаано жид̇д̇ам̣ абаг̇анд̇хам̣ гарод̇и, на сужиманун̃н̃абхаавам̣. бхад̇д̇анигкид̇д̇агааго вияаад̇и ид̣̇ам̣ бхад̇д̇адтаанасса асаран̣зна гаагасса надтасад̇ид̇аа бан̃н̃ааяад̇ийд̇и гад̇ваа вуд̇д̇ам̣, на бхад̇д̇анигкид̇д̇ад̇ааяа. асан̣тид̇од̇и асан̣тид̇ажид̇д̇о. гадтад̇т̇анд̇и гадтзна гад̇д̇аб̣б̣агижжам̣.
Abhijjhāyitāti abhijjhāyanasīlo. Abhiṇhappavattiyā ceva bahulabhāvena ca bahularāgo. Pūtibhāvenāti kuthitabhāvena. Byāpādo hi uppajjamāno cittaṃ apagandhaṃ karoti, na sucimanuññabhāvaṃ. Bhattanikkhittakāko viyāti idaṃ bhattaṭṭhānassa asaraṇena kākassa naṭṭhasatitā paññāyatīti katvā vuttaṃ, na bhattanikkhittatāya. Asaṇṭhitoti asaṇṭhitacitto. Kaṭṭhatthanti kaṭṭhena kattabbakiccaṃ.
баабавид̇аггзхи гад̇о, д̇асмаа д̇з анавасзсад̇о бахаад̇аб̣б̣аад̇и д̣̇ассанад̇т̇ам̣. д̣̇виннам̣ вуд̇д̇ад̇д̇аа зго буб̣б̣абхааг̇о, ид̇аро миссагод̇и вад̇д̇ум̣ яуд̇д̇анд̇и ад̇хиббааязна ‘‘зд̇т̇а жаа’’д̇иаад̣̇и вуд̇д̇ам̣. звам̣ д̇ам̣ бхаавзнд̇асса нируж̇жханд̇и зваад̇и згзгамиссагад̇аавасзна г̇ахзд̇аб̣б̣анд̇и бораан̣аа. убари д̇ибариваддад̣̇зсанааяа анимид̇д̇асамаад̇хиязва д̣̇ийбид̇о. д̇знааха ‘‘яааван̃жид̣̇а’’нд̇и. нид̣̇д̣̇осод̇и вийд̇арааг̇аад̣̇инаа нид̣̇д̣̇осо.
Pāpavitakkehi kato, tasmā te anavasesato pahātabbāti dassanatthaṃ. Dvinnaṃ vuttattā eko pubbabhāgo, itaro missakoti vattuṃ yuttanti adhippāyena ‘‘ettha cā’’tiādi vuttaṃ. Evaṃ taṃ bhāventassa nirujjhanti evāti ekekamissakatāvasena gahetabbanti porāṇā. Upari tiparivaṭṭadesanāya animittasamādhiyeva dīpito. Tenāha ‘‘yāvañcida’’nti. Niddosoti vītarāgādinā niddoso.
бин̣д̣оляасуд̇д̇аван̣н̣анаа нидтид̇аа.
Piṇḍolyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. бин̣д̣оляасуд̇д̇ам̣ • 8. Piṇḍolyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. бин̣д̣оляасуд̇д̇аван̣н̣анаа • 8. Piṇḍolyasuttavaṇṇanā
