| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
16. бин̇г̇ияамаан̣авабужчаанид̣̇д̣̇зсо
16. Piṅgiyamāṇavapucchāniddeso
89.
89.
ж̇ин̣н̣охамасми аб̣ало вийд̇аван̣н̣о 1, [ижжааяасмаа бин̇г̇ияо]
Jiṇṇohamasmiabalo vītavaṇṇo2, [iccāyasmā piṅgiyo]
нзд̇д̇аа на суд̣̇д̇хаа саванам̣ на паасу;
Nettā na suddhā savanaṃ na phāsu;
маахам̣ нассам̣ момухо анд̇араава 3, аажигка д̇хаммам̣ яамахам̣ виж̇ан̃н̃ам̣;
Māhaṃ nassaṃ momuho antarāva4, ācikkha dhammaṃ yamahaṃ vijaññaṃ;
ж̇аад̇иж̇арааяа ид̇ха виббахаанам̣.
Jātijarāya idha vippahānaṃ.
ж̇ин̣н̣охамасми аб̣ало вийд̇аван̣н̣од̇и. ж̇ин̣н̣охамасмийд̇и ж̇ин̣н̣о вуд̣дхо махаллаго ад̣̇д̇хаг̇ад̇о ваяоануббад̇д̇о вийсавассасад̇иго ж̇аад̇ияаа. аб̣алод̇и д̣̇уб̣б̣ало аббаб̣ало аббат̇аамо. вийд̇аван̣н̣од̇и вийд̇аван̣н̣о виг̇ад̇аван̣н̣о виг̇ажчид̇аван̣н̣о. яаа саа буримаа субхаа ван̣н̣анибхаа саа анд̇арахид̇аа, аад̣̇ийнаво баад̇убхууд̇од̇и – ж̇ин̣н̣охамасми аб̣ало вийд̇аван̣н̣о.
Jiṇṇohamasmiabalo vītavaṇṇoti. Jiṇṇohamasmīti jiṇṇo vuḍḍho mahallako addhagato vayoanuppatto vīsavassasatiko jātiyā. Abaloti dubbalo appabalo appathāmo. Vītavaṇṇoti vītavaṇṇo vigatavaṇṇo vigacchitavaṇṇo. Yā sā purimā subhā vaṇṇanibhā sā antarahitā, ādīnavo pātubhūtoti – jiṇṇohamasmi abalo vītavaṇṇo.
ижжааяасмаа бин̇г̇ияод̇и. ижжаад̇и бад̣̇асанд̇хи…бз…. ааяасмаад̇и бияаважанам̣…бз…. бин̇г̇ияод̇и д̇асса б̣раахман̣асса наамам̣…бз… абхилаабод̇и – ижжааяасмаа бин̇г̇ияо.
Iccāyasmā piṅgiyoti. Iccāti padasandhi…pe…. Āyasmāti piyavacanaṃ…pe…. Piṅgiyoti tassa brāhmaṇassa nāmaṃ…pe… abhilāpoti – iccāyasmā piṅgiyo.
нзд̇д̇аа на суд̣̇д̇хаа саванам̣ на паасууд̇и нзд̇д̇аа асуд̣̇д̇хаа ависуд̣̇д̇хаа абарисуд̣̇д̇хаа авод̣̇аад̇аа. но д̇ат̇аа жагкунаа руубз бассаамийд̇и – нзд̇д̇аа на суд̣̇д̇хаа. саванам̣ на паасууд̇и сод̇ам̣ асуд̣̇д̇хам̣ ависуд̣̇д̇хам̣ абарисуд̣̇д̇хам̣ авод̣̇аад̇ам̣. но д̇ат̇аа сод̇зна сад̣̇д̣̇ам̣ сун̣омийд̇и – нзд̇д̇аа на суд̣̇д̇хаа саванам̣ на паасу.
Nettāna suddhā savanaṃ na phāsūti nettā asuddhā avisuddhā aparisuddhā avodātā. No tathā cakkhunā rūpe passāmīti – nettā na suddhā. Savanaṃ na phāsūti sotaṃ asuddhaṃ avisuddhaṃ aparisuddhaṃ avodātaṃ. No tathā sotena saddaṃ suṇomīti – nettā na suddhā savanaṃ na phāsu.
маахам̣ нассам̣ момухо анд̇арааваад̇и. маахам̣ нассанд̇и маахам̣ насса маахам̣ винассам̣ маахам̣ банассам̣. момуход̇и мохамухо авиж̇ж̇ааг̇ад̇о ан̃н̃аан̣ий авибхаавий д̣̇уббан̃н̃о. анд̇арааваад̇и д̇уяхам̣ д̇хаммам̣ д̣̇идтим̣ бадибад̣̇ам̣ маг̇г̇ам̣ анан̃н̃ааяа анад̇хиг̇анд̇ваа авид̣̇ид̇ваа аббадилабхид̇ваа апассаяид̇ваа асажчигарид̇ваа анд̇арааязва гаалан̇гарзяяанд̇и – маахам̣ нассам̣ момухо анд̇араава.
Māhaṃnassaṃ momuho antarāvāti. Māhaṃ nassanti māhaṃ nassa māhaṃ vinassaṃ māhaṃ panassaṃ. Momuhoti mohamuho avijjāgato aññāṇī avibhāvī duppañño. Antarāvāti tuyhaṃ dhammaṃ diṭṭhiṃ paṭipadaṃ maggaṃ anaññāya anadhigantvā aviditvā appaṭilabhitvā aphassayitvā asacchikaritvā antarāyeva kālaṅkareyyanti – māhaṃ nassaṃ momuho antarāva.
аажигка д̇хаммам̣ яамахам̣ виж̇ан̃н̃анд̇и. д̇хамманд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣, жад̇д̇ааро сад̇ибадтаанз, жад̇д̇ааро саммаббад̇хаанз, жад̇д̇ааро ид̣̇д̇хибаад̣̇з, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇з, арияам̣ адтан̇г̇игам̣ маг̇г̇ам̣, ниб̣б̣аанан̃жа ниб̣б̣аанаг̇ааминин̃жа бадибад̣̇ам̣ аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхийд̇и – аажигка д̇хаммам̣. яамахам̣ виж̇ан̃н̃анд̇и яамахам̣ ж̇аанзяяам̣ ааж̇аанзяяам̣ виж̇аанзяяам̣ бадивиж̇аанзяяам̣ бадивиж̇жхзяяам̣ ад̇хиг̇ажчзяяам̣ пассзяяам̣ сажчигарзяяанд̇и – аажигка д̇хаммам̣ яамахам̣ виж̇ан̃н̃ам̣.
Ācikkha dhammaṃ yamahaṃ vijaññanti. Dhammanti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ, cattāro satipaṭṭhāne, cattāro sammappadhāne, cattāro iddhipāde, pañcindriyāni, pañca balāni, satta bojjhaṅge, ariyaṃ aṭṭhaṅgikaṃ maggaṃ, nibbānañca nibbānagāminiñca paṭipadaṃ ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – ācikkha dhammaṃ. Yamahaṃ vijaññanti yamahaṃ jāneyyaṃ ājāneyyaṃ vijāneyyaṃ paṭivijāneyyaṃ paṭivijjheyyaṃ adhigaccheyyaṃ phasseyyaṃ sacchikareyyanti – ācikkha dhammaṃ yamahaṃ vijaññaṃ.
ж̇аад̇иж̇арааяа ид̇ха виббахаананд̇и ид̇хзва ж̇аад̇иж̇араамаран̣асса бахаанам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аананд̇и – ж̇аад̇иж̇арааяа ид̇ха виббахаанам̣. д̇знааха со б̣раахман̣о –
Jātijarāya idha vippahānanti idheva jātijarāmaraṇassa pahānaṃ vūpasamaṃ paṭinissaggaṃ paṭippassaddhiṃ amataṃ nibbānanti – jātijarāya idha vippahānaṃ. Tenāha so brāhmaṇo –
‘‘ж̇ин̣н̣охамасми аб̣ало вийд̇аван̣н̣о, [ижжааяасмаа бин̇г̇ияо]
‘‘Jiṇṇohamasmi abalo vītavaṇṇo, [iccāyasmā piṅgiyo]
нзд̇д̇аа на суд̣̇д̇хаа саванам̣ на паасу;
Nettā na suddhā savanaṃ na phāsu;
маахам̣ нассам̣ момухо анд̇араава, аажигка д̇хаммам̣ яамахам̣ виж̇ан̃н̃ам̣;
Māhaṃ nassaṃ momuho antarāva, ācikkha dhammaṃ yamahaṃ vijaññaṃ;
ж̇аад̇иж̇арааяа ид̇ха виббахаана’’нд̇и.
Jātijarāya idha vippahāna’’nti.
90.
90.
д̣̇исваана руубзсу вихан̃н̃амаанз, [бин̇г̇ияаад̇и бхаг̇аваа]
Disvāna rūpesu vihaññamāne, [piṅgiyāti bhagavā]
руббанд̇и руубзсу ж̇анаа бамад̇д̇аа;
Ruppanti rūpesu janā pamattā;
д̇асмаа д̇увам̣ бин̇г̇ияа аббамад̇д̇о, ж̇ахассу руубам̣ абунаб̣бхавааяа.
Tasmā tuvaṃ piṅgiya appamatto, jahassu rūpaṃ apunabbhavāya.
д̣̇исваана руубзсу вихан̃н̃амаанзд̇и. руубанд̇и жад̇д̇ааро жа махаабхууд̇аа жад̇уннан̃жа махаабхууд̇аанам̣ убаад̣̇ааяа руубам̣. сад̇д̇аа руубахзд̇у руубаббажжаяаа руубагааран̣аа хан̃н̃анд̇и вихан̃н̃анд̇и убахан̃н̃анд̇и убагхаад̇ияанд̇и 5. руубз сад̇и вивид̇хагаммагааран̣аа 6 гаарзнд̇и. гасаахиби д̇аал̣знд̇и, взд̇д̇зхиби д̇аал̣знд̇и, ад̣дхад̣̇ан̣д̣агзхиби д̇аал̣знд̇и, хад̇т̇амби чинд̣̇анд̇и, баад̣̇амби чинд̣̇анд̇и, хад̇т̇абаад̣̇амби чинд̣̇анд̇и, ган̣н̣амби чинд̣̇анд̇и, наасамби чинд̣̇анд̇и, ган̣н̣анаасамби чинд̣̇анд̇и, б̣илан̇г̇ат̇аалигамби гаронд̇и, сан̇камун̣д̣игамби гаронд̇и, раахумукамби гаронд̇и, ж̇од̇имаалигамби гаронд̇и, хад̇т̇абаж̇ж̇од̇игамби гаронд̇и, зрагавад̇д̇игамби гаронд̇и, жийрагаваасигамби гаронд̇и, зн̣зяяагамби гаронд̇и, б̣ал̣исамам̣сигамби гаронд̇и, гахаабан̣игамби гаронд̇и, каараабад̇ажчигамби 7 гаронд̇и, балигхабаривад̇д̇игамби гаронд̇и, балаалабийтагамби гаронд̇и, д̇ад̇д̇знаби д̇злзна осин̃жанд̇и, сунакзхиби каад̣̇аабзнд̇и, ж̇ийванд̇амби суулз уд̇д̇аасзнд̇и, асинааби сийсам̣ чинд̣̇анд̇и. звам̣ сад̇д̇аа руубахзд̇у руубаббажжаяаа руубагааран̣аа хан̃н̃анд̇и вихан̃н̃анд̇и убахан̃н̃анд̇и убагхаад̇ияанд̇и. звам̣ хан̃н̃амаанз вихан̃н̃амаанз убахан̃н̃амаанз убагхаад̇ияамаанз д̣̇исваа бассид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваад̇и – д̣̇исваана руубзсу вихан̃н̃амаанз.
Disvāna rūpesu vihaññamāneti. Rūpanti cattāro ca mahābhūtā catunnañca mahābhūtānaṃ upādāya rūpaṃ. Sattā rūpahetu rūpappaccayā rūpakāraṇā haññanti vihaññanti upahaññanti upaghātiyanti 8. Rūpe sati vividhakammakāraṇā 9 kārenti. Kasāhipi tāḷenti, vettehipi tāḷenti, aḍḍhadaṇḍakehipi tāḷenti, hatthampi chindanti, pādampi chindanti, hatthapādampi chindanti, kaṇṇampi chindanti, nāsampi chindanti, kaṇṇanāsampi chindanti, bilaṅgathālikampi karonti, saṅkhamuṇḍikampi karonti, rāhumukhampi karonti, jotimālikampi karonti, hatthapajjotikampi karonti, erakavattikampi karonti, cīrakavāsikampi karonti, eṇeyyakampi karonti, baḷisamaṃsikampi karonti, kahāpaṇikampi karonti, khārāpatacchikampi 10 karonti, palighaparivattikampi karonti, palālapīṭhakampi karonti, tattenapi telena osiñcanti, sunakhehipi khādāpenti, jīvantampi sūle uttāsenti, asināpi sīsaṃ chindanti. Evaṃ sattā rūpahetu rūpappaccayā rūpakāraṇā haññanti vihaññanti upahaññanti upaghātiyanti. Evaṃ haññamāne vihaññamāne upahaññamāne upaghātiyamāne disvā passitvā tulayitvā tīrayitvā vibhāvayitvā vibhūtaṃ katvāti – disvāna rūpesu vihaññamāne.
бин̇г̇ияаад̇и бхаг̇аваад̇и. бин̇г̇ияаад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – бин̇г̇ияаад̇и бхаг̇аваа.
Piṅgiyāti bhagavāti. Piṅgiyāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – piṅgiyāti bhagavā.
руббанд̇и руубзсу ж̇анаа бамад̇д̇аад̇и. руббанд̇ийд̇и руббанд̇и губбанд̇и бийл̣аяанд̇и 11 гхаддаяанд̇и, б̣яаад̇хид̇аа д̣̇оманассид̇аа хонд̇и. жагкурог̇зна руббанд̇и губбанд̇и бийл̣аяанд̇и гхаддаяанд̇и, б̣яаад̇хид̇аа д̣̇оманассид̇аа хонд̇и. сод̇арог̇зна…бз… гааяарог̇зна…бз… д̣ам̣самагасаваад̇аад̇абасарийсабасампассзхи руббанд̇и губбанд̇и бийл̣аяанд̇и гхаддаяанд̇и, б̣яаад̇хид̇аа д̣̇оманассид̇аа хонд̇ийд̇и – руббанд̇и руубзсу.
Ruppantirūpesu janā pamattāti. Ruppantīti ruppanti kuppanti pīḷayanti 12 ghaṭṭayanti, byādhitā domanassitā honti. Cakkhurogena ruppanti kuppanti pīḷayanti ghaṭṭayanti, byādhitā domanassitā honti. Sotarogena…pe… kāyarogena…pe… ḍaṃsamakasavātātapasarīsapasamphassehi ruppanti kuppanti pīḷayanti ghaṭṭayanti, byādhitā domanassitā hontīti – ruppanti rūpesu.
ат̇а ваа, жагкусмим̣ хийяамаанз хааяамаанз барихааяамаанз взмаанз 13 виг̇ажчамаанз анд̇арад̇хааяамаанз руббанд̇и…бз… д̣̇оманассид̇аа хонд̇и. сод̇асмим̣…бз… гхаанасмим̣… ж̇ивхааяа… гааяасмим̣… руубасмим̣… сад̣̇д̣̇асмим̣… г̇анд̇хасмим̣… расасмим̣… подтаб̣б̣асмим̣… гуласмим̣… г̇ан̣асмим̣… ааваасасмим̣… лаабхасмим̣… яасасмим̣… басам̣сааяа… сукасмим̣… жийварасмим̣… бин̣д̣абаад̇асмим̣… сзнаасанасмим̣… г̇илаанабажжаяабхзсаж̇ж̇абаригкаарасмим̣ хийяамаанз хааяамаанз барихааяамаанз взмаанз виг̇ажчамаанз анд̇арад̇хааяамаанз руббанд̇и губбанд̇и бийл̣аяанд̇и гхаддаяанд̇и, б̣яаад̇хид̇аа д̣̇оманассид̇аа хонд̇ийд̇и – звамби руббанд̇и руубзсу.
Atha vā, cakkhusmiṃ hīyamāne hāyamāne parihāyamāne vemāne 14 vigacchamāne antaradhāyamāne ruppanti…pe… domanassitā honti. Sotasmiṃ…pe… ghānasmiṃ… jivhāya… kāyasmiṃ… rūpasmiṃ… saddasmiṃ… gandhasmiṃ… rasasmiṃ… phoṭṭhabbasmiṃ… kulasmiṃ… gaṇasmiṃ… āvāsasmiṃ… lābhasmiṃ… yasasmiṃ… pasaṃsāya… sukhasmiṃ… cīvarasmiṃ… piṇḍapātasmiṃ… senāsanasmiṃ… gilānapaccayabhesajjaparikkhārasmiṃ hīyamāne hāyamāne parihāyamāne vemāne vigacchamāne antaradhāyamāne ruppanti kuppanti pīḷayanti ghaṭṭayanti, byādhitā domanassitā hontīti – evampi ruppanti rūpesu.
ж̇анаад̇и кад̇д̇ияаа жа б̣раахман̣аа жа взссаа жа суд̣̇д̣̇аа жа г̇ахадтаа жа баб̣б̣аж̇ид̇аа жа д̣̇зваа жа мануссаа жа. бамад̇д̇аад̇и бамаад̣̇о вад̇д̇аб̣б̣о гааяад̣̇ужжарид̇зна ваа важийд̣̇ужжарид̇зна ваа манод̣̇ужжарид̇зна ваа бан̃жасу гаамаг̇ун̣зсу жид̇д̇асса восаг̇г̇о восаг̇г̇аануббад̣̇аанам̣ гусалаанам̣ ваа д̇хаммаанам̣ бхааванааяа асаггажжагирияад̇аа асаад̇ажжагирияад̇аа анадтид̇агирияад̇аа олийнавуд̇д̇ид̇аа нигкид̇д̇ажчанд̣̇ад̇аа нигкид̇д̇ад̇хурад̇аа анаасзванаа абхааванаа аб̣ахулийгаммам̣ 15 анад̇хидтаанам̣ анануяог̇о бамаад̣̇о. яо зваруубо бамаад̣̇о бамаж̇ж̇анаа бамаж̇ж̇ид̇ад̇д̇ам̣ – аяам̣ вужжад̇и бамаад̣̇о. иминаа бамаад̣̇зна саманнааг̇ад̇аа ж̇анаа бамад̇д̇аад̇и – руббанд̇и руубзсу ж̇анаа бамад̇д̇аа.
Janāti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Pamattāti pamādo vattabbo kāyaduccaritena vā vacīduccaritena vā manoduccaritena vā pañcasu kāmaguṇesu cittassa vosaggo vosaggānuppadānaṃ kusalānaṃ vā dhammānaṃ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittacchandatā nikkhittadhuratā anāsevanā abhāvanā abahulīkammaṃ 16 anadhiṭṭhānaṃ ananuyogo pamādo. Yo evarūpo pamādo pamajjanā pamajjitattaṃ – ayaṃ vuccati pamādo. Iminā pamādena samannāgatā janā pamattāti – ruppanti rūpesu janā pamattā.
д̇асмаа д̇увам̣ бин̇г̇ияа аббамад̇д̇од̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа звам̣ аад̣̇ийнавам̣ самбассамаано руубзсууд̇и – д̇асмаа д̇увам̣ бин̇г̇ияа. аббамад̇д̇од̇и саггажжагаарий саад̇ажжагаарий…бз… аббамаад̣̇о гусалзсу д̇хаммзсууд̇и – д̇асмаа д̇увам̣ бин̇г̇ияа аббамад̇д̇о.
Tasmā tuvaṃ piṅgiya appamattoti. Tasmāti tasmā taṃkāraṇā taṃhetu tappaccayā taṃnidānā evaṃ ādīnavaṃ sampassamāno rūpesūti – tasmā tuvaṃ piṅgiya. Appamattoti sakkaccakārī sātaccakārī…pe… appamādo kusalesu dhammesūti – tasmā tuvaṃ piṅgiya appamatto.
ж̇ахассу руубам̣ абунаб̣бхавааяаад̇и. руубанд̇и жад̇д̇ааро жа махаабхууд̇аа жад̇уннан̃жа махаабхууд̇аанам̣ убаад̣̇ааяа руубам̣. ж̇ахассу руубанд̇и ж̇ахассу руубам̣, баж̇ахассу руубам̣, винод̣̇зхи руубам̣, б̣яанд̇ийгарохи руубам̣, анабхаавам̣ г̇амзхи руубам̣. абунаб̣бхавааяаад̇и яат̇аа д̇з руубам̣ ид̇хзва нируж̇жхзяяа, бунабадисанд̇хиго бхаво на ниб̣б̣ад̇д̇зяяа гаамад̇хаад̇уяаа ваа руубад̇хаад̇уяаа ваа аруубад̇хаад̇уяаа ваа, гаамабхавз ваа руубабхавз ваа аруубабхавз ваа, сан̃н̃аабхавз ваа асан̃н̃аабхавз ваа нзвасан̃н̃аанаасан̃н̃аабхавз ваа, згавогаарабхавз ваа жад̇увогаарабхавз ваа бан̃жавогаарабхавз ваа, буна г̇ад̇ияаа ваа убабад̇д̇ияаа ваа бадисанд̇хияаа ваа бхавз ваа сам̣саарз ваа ваддз ваа на ж̇анзяяа на сан̃ж̇анзяяа на ниб̣б̣ад̇д̇зяяа наабхиниб̣б̣ад̇д̇зяяа, ид̇хзва нируж̇жхзяяа вуубасамзяяа ад̇т̇ам̣ г̇ажчзяяа бадиббассамбхзяяаад̇и – ж̇ахассу руубам̣ абунаб̣бхавааяа. д̇знааха бхаг̇аваа –
Jahassu rūpaṃ apunabbhavāyāti. Rūpanti cattāro ca mahābhūtā catunnañca mahābhūtānaṃ upādāya rūpaṃ. Jahassu rūpanti jahassu rūpaṃ, pajahassu rūpaṃ, vinodehi rūpaṃ, byantīkarohi rūpaṃ, anabhāvaṃ gamehi rūpaṃ. Apunabbhavāyāti yathā te rūpaṃ idheva nirujjheyya, punapaṭisandhiko bhavo na nibbatteyya kāmadhātuyā vā rūpadhātuyā vā arūpadhātuyā vā, kāmabhave vā rūpabhave vā arūpabhave vā, saññābhave vā asaññābhave vā nevasaññānāsaññābhave vā, ekavokārabhave vā catuvokārabhave vā pañcavokārabhave vā, puna gatiyā vā upapattiyā vā paṭisandhiyā vā bhave vā saṃsāre vā vaṭṭe vā na janeyya na sañjaneyya na nibbatteyya nābhinibbatteyya, idheva nirujjheyya vūpasameyya atthaṃ gaccheyya paṭippassambheyyāti – jahassu rūpaṃ apunabbhavāya. Tenāha bhagavā –
‘‘д̣̇исваана руубзсу вихан̃н̃амаанз, [бин̇г̇ияаад̇и бхаг̇аваа]
‘‘Disvāna rūpesu vihaññamāne, [piṅgiyāti bhagavā]
руббанд̇и руубзсу ж̇анаа бамад̇д̇аа;
Ruppanti rūpesu janā pamattā;
д̇асмаа д̇увам̣ бин̇г̇ияа аббамад̇д̇о, ж̇ахассу руубам̣ абунаб̣бхавааяаа’’д̇и.
Tasmā tuvaṃ piṅgiya appamatto, jahassu rūpaṃ apunabbhavāyā’’ti.
91.
91.
д̣̇исаа жад̇ассо вид̣̇исаа жад̇ассо, уд̣̇д̇хам̣ ад̇хо д̣̇аса д̣̇исаа имааяо;
Disā catasso vidisā catasso, uddhaṃ adho dasa disā imāyo;
на д̇уяхам̣ ад̣̇идтам̣ ассуд̇ам̣ амуд̇ам̣, ат̇о авин̃н̃аад̇ам̣ гин̃жи намад̇т̇и логз;
Na tuyhaṃ adiṭṭhaṃ assutaṃ amutaṃ, atho aviññātaṃ kiñci namatthi loke;
аажигка д̇хаммам̣ яамахам̣ виж̇ан̃н̃ам̣, ж̇аад̇иж̇арааяа ид̇ха виббахаанам̣.
Ācikkha dhammaṃ yamahaṃ vijaññaṃ, jātijarāya idha vippahānaṃ.
д̣̇исаа жад̇ассо вид̣̇исаа жад̇ассо, уд̣̇д̇хам̣ ад̇хо д̣̇аса д̣̇исаа имааяод̇и д̣̇аса д̣̇исаа.
Disācatasso vidisā catasso, uddhaṃ adho dasa disā imāyoti dasa disā.
на д̇уяхам̣ ад̣̇идтам̣ ассуд̇ам̣ амуд̇ам̣, ат̇о авин̃н̃аад̇ам̣ гин̃жи намад̇т̇и логзд̇и на д̇уяхам̣ ад̣̇идтам̣ ассуд̇ам̣ амуд̇ам̣ авин̃н̃аад̇ам̣ гин̃жи ад̇д̇ад̇т̇о ваа барад̇т̇о ваа убхаяад̇т̇о ваа д̣̇идтад̇хаммиго ваа ад̇т̇о самбарааяиго ваа ад̇т̇о уд̇д̇аано ваа ад̇т̇о г̇амбхийро ваа ад̇т̇о г̇уул̣хо ваа ад̇т̇о бадижчанно ваа ад̇т̇о нзяяо ваа ад̇т̇о нийд̇о ваа ад̇т̇о анаваж̇ж̇о ваа ад̇т̇о ниггилзсо ваа ад̇т̇о вод̣̇аано ваа ад̇т̇о барамад̇т̇о ваа над̇т̇и на сад̇и на сам̣виж̇ж̇ад̇и нубалаб̣бхад̇ийд̇и – на д̇уяхам̣ ад̣̇идтам̣ ассуд̇ам̣ амуд̇ам̣, ат̇о авин̃н̃аад̇ам̣ гин̃жи намад̇т̇и логз.
Na tuyhaṃ adiṭṭhaṃ assutaṃ amutaṃ, atho aviññātaṃ kiñci namatthi loketi na tuyhaṃ adiṭṭhaṃ assutaṃ amutaṃ aviññātaṃ kiñci attattho vā parattho vā ubhayattho vā diṭṭhadhammiko vā attho samparāyiko vā attho uttāno vā attho gambhīro vā attho gūḷho vā attho paṭicchanno vā attho neyyo vā attho nīto vā attho anavajjo vā attho nikkileso vā attho vodāno vā attho paramattho vā natthi na sati na saṃvijjati nupalabbhatīti – na tuyhaṃ adiṭṭhaṃ assutaṃ amutaṃ, atho aviññātaṃ kiñci namatthi loke.
аажигка д̇хаммам̣ яамахам̣ виж̇ан̃н̃анд̇и. д̇хамманд̇и аад̣̇игаляаан̣ам̣…бз… ниб̣б̣аанан̃жа ниб̣б̣аанаг̇ааминин̃жа бадибад̣̇ам̣ аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхи. яамахам̣ виж̇ан̃н̃анд̇и яамахам̣ ж̇аанзяяам̣ ааж̇аанзяяам̣ виж̇аанзяяам̣ бадивиж̇аанзяяам̣ бадивиж̇жхзяяам̣ ад̇хиг̇ажчзяяам̣ пассзяяам̣ сажчигарзяяанд̇и – аажигка д̇хаммам̣ яамахам̣ виж̇ан̃н̃ам̣.
Ācikkha dhammaṃ yamahaṃ vijaññanti. Dhammanti ādikalyāṇaṃ…pe… nibbānañca nibbānagāminiñca paṭipadaṃ ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehi. Yamahaṃ vijaññanti yamahaṃ jāneyyaṃ ājāneyyaṃ vijāneyyaṃ paṭivijāneyyaṃ paṭivijjheyyaṃ adhigaccheyyaṃ phasseyyaṃ sacchikareyyanti – ācikkha dhammaṃ yamahaṃ vijaññaṃ.
ж̇аад̇иж̇арааяа ид̇ха виббахаананд̇и ид̇хзва ж̇аад̇иж̇араамаран̣асса бахаанам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аананд̇и – ж̇аад̇иж̇арааяа ид̇ха виббахаанам̣. д̇знааха со б̣раахман̣о –
Jātijarāya idha vippahānanti idheva jātijarāmaraṇassa pahānaṃ vūpasamaṃ paṭinissaggaṃ paṭippassaddhiṃ amataṃ nibbānanti – jātijarāya idha vippahānaṃ. Tenāha so brāhmaṇo –
‘‘д̣̇исаа жад̇ассо вид̣̇исаа жад̇ассо, уд̣̇д̇хам̣ ад̇хо д̣̇аса д̣̇исаа имааяо;
‘‘Disā catasso vidisā catasso, uddhaṃ adho dasa disā imāyo;
на д̇уяхам̣ ад̣̇идтам̣ ассуд̇ам̣ амуд̇ам̣, ат̇о авин̃н̃аад̇ам̣ гин̃жи намад̇т̇и логз;
Na tuyhaṃ adiṭṭhaṃ assutaṃ amutaṃ, atho aviññātaṃ kiñci namatthi loke;
аажигка д̇хаммам̣ яамахам̣ виж̇ан̃н̃ам̣, ж̇аад̇иж̇арааяа ид̇ха виббахаана’’нд̇и.
Ācikkha dhammaṃ yamahaṃ vijaññaṃ, jātijarāya idha vippahāna’’nti.
92.
92.
д̇ан̣хаад̇хибаннз мануж̇з бзгкамаано, [бин̇г̇ияаад̇и бхаг̇аваа]
Taṇhādhipanne manuje pekkhamāno, [piṅgiyāti bhagavā]
санд̇аабаж̇аад̇з ж̇арасаа барзд̇з;
Santāpajāte jarasā parete;
д̇асмаа д̇увам̣ бин̇г̇ияа аббамад̇д̇о, ж̇ахассу д̇ан̣хам̣ абунаб̣бхавааяа.
Tasmā tuvaṃ piṅgiya appamatto, jahassutaṇhaṃ apunabbhavāya.
д̇ан̣хаад̇хибаннз мануж̇з бзгкамаанод̇и. д̇ан̣хаад̇и руубад̇ан̣хаа…бз… д̇хаммад̇ан̣хаа. д̇ан̣хаад̇хибаннзд̇и д̇ан̣хаад̇хибаннз 17 д̇ан̣хаануг̇з д̇ан̣хаануг̇ад̇з д̇ан̣хаанусадз д̇ан̣хааяа баннз бадибаннз абхибхууд̇з барияаад̣̇иннажид̇д̇з. мануж̇зд̇и сад̇д̇аад̇хиважанам̣. бзгкамаанод̇и бзгкамаано д̣̇агкамаано ологаяамаано ниж̇жхааяамаано убабаригкамаанод̇и – д̇ан̣хаад̇хибаннз мануж̇з бзгкамаано. бин̇г̇ияаад̇и бхаг̇аваад̇и. бин̇г̇ияаад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – бин̇г̇ияаад̇и бхаг̇аваа.
Taṇhādhipanne manuje pekkhamānoti. Taṇhāti rūpataṇhā…pe… dhammataṇhā. Taṇhādhipanneti taṇhādhipanne 18 taṇhānuge taṇhānugate taṇhānusaṭe taṇhāya panne paṭipanne abhibhūte pariyādinnacitte. Manujeti sattādhivacanaṃ. Pekkhamānoti pekkhamāno dakkhamāno olokayamāno nijjhāyamāno upaparikkhamānoti – taṇhādhipanne manuje pekkhamāno. Piṅgiyāti bhagavāti. Piṅgiyāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – piṅgiyāti bhagavā.
санд̇аабаж̇аад̇з ж̇арасаа барзд̇зд̇и. санд̇аабаж̇аад̇зд̇и ж̇аад̇ияаа санд̇аабаж̇аад̇з, ж̇арааяа санд̇аабаж̇аад̇з, б̣яаад̇хинаа санд̇аабаж̇аад̇з, маран̣зна санд̇аабаж̇аад̇з, согабарид̣̇звад̣̇угкад̣̇оманассубааяаасзхи санд̇аабаж̇аад̇з, нзраяигзна д̣̇угкзна санд̇аабаж̇аад̇з…бз… д̣̇идтиб̣яасанзна д̣̇угкзна санд̇аабаж̇аад̇з ийд̇иж̇аад̇з убад̣̇д̣̇аваж̇аад̇з убасаг̇г̇аж̇аад̇зд̇и – санд̇аабаж̇аад̇з. ж̇арасаа барзд̇зд̇и ж̇арааяа пудтз барзд̇з самохид̇з саманнааг̇ад̇з. ж̇аад̇ияаа ануг̇ад̇з ж̇арааяа анусадз б̣яаад̇хинаа абхибхууд̇з маран̣зна аб̣бхаахад̇з ад̇аан̣з алзн̣з асаран̣з асаран̣ийбхууд̇зд̇и – санд̇аабаж̇аад̇з ж̇арасаа барзд̇з.
Santāpajāte jarasā pareteti. Santāpajāteti jātiyā santāpajāte, jarāya santāpajāte, byādhinā santāpajāte, maraṇena santāpajāte, sokaparidevadukkhadomanassupāyāsehi santāpajāte, nerayikena dukkhena santāpajāte…pe… diṭṭhibyasanena dukkhena santāpajāte ītijāte upaddavajāte upasaggajāteti – santāpajāte. Jarasā pareteti jarāya phuṭṭhe parete samohite samannāgate. Jātiyā anugate jarāya anusaṭe byādhinā abhibhūte maraṇena abbhāhate atāṇe aleṇe asaraṇe asaraṇībhūteti – santāpajāte jarasā parete.
д̇асмаа д̇увам̣ бин̇г̇ияа аббамад̇д̇од̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа звам̣ аад̣̇ийнавам̣ самбассамаано д̇ан̣хааяаад̇и – д̇асмаа д̇увам̣ бин̇г̇ияа. аббамад̇д̇од̇и саггажжагаарий…бз… аббамаад̣̇о гусалзсу д̇хаммзсууд̇и – д̇асмаа д̇увам̣ бин̇г̇ияа аббамад̇д̇о.
Tasmā tuvaṃ piṅgiya appamattoti. Tasmāti tasmā taṃkāraṇā taṃhetu tappaccayā taṃnidānā evaṃ ādīnavaṃ sampassamāno taṇhāyāti – tasmā tuvaṃ piṅgiya. Appamattoti sakkaccakārī…pe… appamādo kusalesu dhammesūti – tasmā tuvaṃ piṅgiya appamatto.
ж̇ахассу д̇ан̣хам̣ абунаб̣бхавааяаад̇и. д̇ан̣хаад̇и руубад̇ан̣хаа…бз… д̇хаммад̇ан̣хаа. ж̇ахассу д̇ан̣ханд̇и ж̇ахассу д̇ан̣хам̣ баж̇ахассу д̇ан̣хам̣ винод̣̇зхи д̇ан̣хам̣ б̣яанд̇ийгарохи д̇ан̣хам̣ анабхаавам̣ г̇амзхи д̇ан̣хам̣. абунаб̣бхавааяаад̇и яат̇аа д̇з…бз… бунабадисанд̇хиго бхаво на ниб̣б̣ад̇д̇зяяа гаамад̇хаад̇уяаа ваа руубад̇хаад̇уяаа ваа аруубад̇хаад̇уяаа ваа, гаамабхавз ваа руубабхавз ваа аруубабхавз ваа, сан̃н̃аабхавз ваа асан̃н̃аабхавз ваа нзвасан̃н̃аанаасан̃н̃аабхавз ваа, згавогаарабхавз ваа жад̇увогаарабхавз ваа бан̃жавогаарабхавз ваа, бунаг̇ад̇ияаа ваа убабад̇д̇ияаа ваа бадисанд̇хияаа ваа бхавз ваа сам̣саарз ваа ваддз ваа на ж̇анзяяа на сан̃ж̇анзяяа на ниб̣б̣ад̇д̇зяяа наабхиниб̣б̣ад̇д̇зяяа, ид̇хзва нируж̇жхзяяа вуубасамзяяа ад̇т̇ам̣ г̇ажчзяяа бадиббассамбхзяяаад̇и – ж̇ахассу д̇ан̣хам̣ абунаб̣бхавааяа. д̇знааха бхаг̇аваа –
Jahassu taṇhaṃ apunabbhavāyāti. Taṇhāti rūpataṇhā…pe… dhammataṇhā. Jahassu taṇhanti jahassu taṇhaṃ pajahassu taṇhaṃ vinodehi taṇhaṃ byantīkarohi taṇhaṃ anabhāvaṃ gamehi taṇhaṃ. Apunabbhavāyāti yathā te…pe… punapaṭisandhiko bhavo na nibbatteyya kāmadhātuyā vā rūpadhātuyā vā arūpadhātuyā vā, kāmabhave vā rūpabhave vā arūpabhave vā, saññābhave vā asaññābhave vā nevasaññānāsaññābhave vā, ekavokārabhave vā catuvokārabhave vā pañcavokārabhave vā, punagatiyā vā upapattiyā vā paṭisandhiyā vā bhave vā saṃsāre vā vaṭṭe vā na janeyya na sañjaneyya na nibbatteyya nābhinibbatteyya, idheva nirujjheyya vūpasameyya atthaṃ gaccheyya paṭippassambheyyāti – jahassu taṇhaṃ apunabbhavāya. Tenāha bhagavā –
‘‘д̇ан̣хаад̇хибаннз мануж̇з бзгкамаано, [бин̇г̇ияаад̇и бхаг̇аваа]
‘‘Taṇhādhipanne manuje pekkhamāno, [piṅgiyāti bhagavā]
санд̇аабаж̇аад̇з ж̇арасаа барзд̇з;
Santāpajāte jarasā parete;
д̇асмаа д̇увам̣ бин̇г̇ияа аббамад̇д̇о, ж̇ахассу д̇ан̣хам̣ абунаб̣бхавааяаа’’д̇и.
Tasmā tuvaṃ piṅgiya appamatto, jahassu taṇhaṃ apunabbhavāyā’’ti.
саха г̇аат̇аабарияосаанаа яз д̇з б̣раахман̣зна сад̣̇д̇хим̣ згажчанд̣̇аа згабаяог̇аа згаад̇хиббааяаа згаваасанаваасид̇аа, д̇зсам̣ анзгабаан̣асахассаанам̣ вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и. д̇асса жа б̣раахман̣асса вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и. саха д̇хаммажагкусса бадилаабхаа аж̇инаж̇адааваагажийрад̇ид̣̇ан̣д̣агаман̣д̣алугзсаа жа массуу жа анд̇арахид̇аа бхан̣д̣угаасааяавад̇т̇авасано сан̇гхаадибад̇д̇ажийварад̇харо анвад̇т̇абадибад̇д̇ияаа бан̃ж̇алиго бхаг̇аванд̇ам̣ намассамаано нисинно ход̇и – ‘‘сад̇т̇аа мз бханд̇з бхаг̇аваа, саавагохамасмий’’д̇и.
Saha gāthāpariyosānā ye te brāhmaṇena saddhiṃ ekacchandā ekapayogā ekādhippāyā ekavāsanavāsitā, tesaṃ anekapāṇasahassānaṃ virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ sabbaṃ taṃ nirodhadhamma’’nti. Tassa ca brāhmaṇassa virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ sabbaṃ taṃ nirodhadhamma’’nti. Saha dhammacakkhussa paṭilābhā ajinajaṭāvākacīratidaṇḍakamaṇḍalukesā ca massū ca antarahitā bhaṇḍukāsāyavatthavasano saṅghāṭipattacīvaradharo anvatthapaṭipattiyā pañjaliko bhagavantaṃ namassamāno nisinno hoti – ‘‘satthā me bhante bhagavā, sāvakohamasmī’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 16. бин̇г̇ияамаан̣авасуд̇д̇анид̣̇д̣̇зсаван̣н̣анаа • 16. Piṅgiyamāṇavasuttaniddesavaṇṇanā
