| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
16. бин̇г̇ияамаан̣авасуд̇д̇анид̣̇д̣̇зсаван̣н̣анаа
16. Piṅgiyamāṇavasuttaniddesavaṇṇanā
89. сол̣асамз бин̇г̇ияасуд̇д̇анид̣̇д̣̇зсз – ж̇ин̣н̣охамасми аб̣ало вийд̇аван̣н̣од̇и со гира б̣раахман̣о ж̇араабхибхууд̇о вийсавассасад̇иго ж̇аад̇ияаа, д̣̇уб̣б̣ало жа ‘‘ид̇ха баад̣̇ам̣ гариссаамий’’д̇и ан̃н̃ад̇рзва гарод̇и, винадтабуримачавиван̣н̣о жа. д̇знааха – ‘‘ж̇ин̣н̣охамасми аб̣ало вийд̇аван̣н̣о’’д̇и. маахам̣ нассам̣ момухо анд̇арааваад̇и маахам̣ д̇уяхам̣ д̇хаммам̣ асажчигад̇ваа анд̇араа зва авид̣̇ваа худ̇ваа анассим̣. ж̇аад̇иж̇арааяа ид̇ха виббахаананд̇и ид̇хзва д̇ава баад̣̇амуулз баасаан̣агз жзд̇ияз ваа ж̇аад̇иж̇арааяа виббахаанам̣ ниб̣б̣аанам̣ д̇хаммарасам̣ ахам̣ виж̇ан̃н̃ам̣, д̇ам̣ мз аажигка.
89. Soḷasame piṅgiyasuttaniddese – jiṇṇohamasmi abalo vītavaṇṇoti so kira brāhmaṇo jarābhibhūto vīsavassasatiko jātiyā, dubbalo ca ‘‘idha pādaṃ karissāmī’’ti aññatreva karoti, vinaṭṭhapurimachavivaṇṇo ca. Tenāha – ‘‘jiṇṇohamasmi abalo vītavaṇṇo’’ti. Māhaṃnassaṃ momuho antarāvāti māhaṃ tuyhaṃ dhammaṃ asacchikatvā antarā eva avidvā hutvā anassiṃ. Jātijarāya idha vippahānanti idheva tava pādamūle pāsāṇake cetiye vā jātijarāya vippahānaṃ nibbānaṃ dhammarasaṃ ahaṃ vijaññaṃ, taṃ me ācikkha.
аб̣алод̇и б̣алавирахид̇о. д̣̇уб̣б̣алод̇и д̣̇уб̣б̣алаб̣ало. аббаб̣алод̇и барид̇д̇аб̣ало. аббат̇аамод̇и барид̇д̇авийрияо. вийд̇аван̣н̣од̇и баривад̇д̇ид̇ачавиван̣н̣о. виг̇ад̇аван̣н̣од̇и абаг̇ад̇ачавиван̣н̣о. виг̇ажчид̇аван̣н̣од̇и д̣̇уурийбхууд̇ачавиван̣н̣о. яаа саа буримаа субхаа ван̣н̣анибхаад̇и яаа саа субхаа сунд̣̇араа буримагаалз сад̇и, саа ван̣н̣анибхаа зд̇арахи анд̇арахид̇аа виг̇ад̇аа. аад̣̇ийнаво баад̇убхууд̇од̇и убад̣̇д̣̇аво баад̇урахоси. ‘‘яаа саа буримаа субхаа ван̣н̣анибхаа’’д̇и баатам̣ табзд̇ваа ‘‘яаа субхаа ассаа’’д̇и згз ван̣н̣аяанд̇и.
Abaloti balavirahito. Dubbaloti dubbalabalo. Appabaloti parittabalo. Appathāmoti parittavīriyo. Vītavaṇṇoti parivattitachavivaṇṇo. Vigatavaṇṇoti apagatachavivaṇṇo. Vigacchitavaṇṇoti dūrībhūtachavivaṇṇo. Yā sā purimā subhā vaṇṇanibhāti yā sā subhā sundarā purimakāle sati, sā vaṇṇanibhā etarahi antarahitā vigatā. Ādīnavo pātubhūtoti upaddavo pāturahosi. ‘‘Yā sā purimā subhā vaṇṇanibhā’’ti pāṭhaṃ ṭhapetvā ‘‘yā subhā assā’’ti eke vaṇṇayanti.
асуд̣̇д̇хаад̇и бадалаад̣̇ийхи асуд̣̇д̇хаа. ависуд̣̇д̇хаад̇и д̇имираад̣̇ийхи ависуд̣̇д̇хаа. абарисуд̣̇д̇хаад̇и саманд̇ад̇о подабадалаад̣̇ийхи барияонад̣̇д̇хад̇д̇аа абарисуд̣̇д̇хаа. авод̣̇аад̇аад̇и наббасаннаа басаннасад̣̇исаа. но д̇ат̇аа жагкунаа руубз бассаамийд̇и яат̇аа бораан̣ажагкунаа руубаарамман̣ам̣ бассаами ологзми, д̇ат̇аа д̇зна багаарзна ид̣̇аани на бассаами. сод̇ам̣ асуд̣̇д̇ханд̇иаад̣̇ийсуби зсзва наяо. маахам̣ нассанд̇и ахам̣ маа винассам̣.
Asuddhāti paṭalādīhi asuddhā. Avisuddhāti timirādīhi avisuddhā. Aparisuddhāti samantato phoṭapaṭalādīhi pariyonaddhattā aparisuddhā. Avodātāti nappasannā pasannasadisā. No tathā cakkhunā rūpe passāmīti yathā porāṇacakkhunā rūpārammaṇaṃ passāmi olokemi, tathā tena pakārena idāni na passāmi. Sotaṃ asuddhantiādīsupi eseva nayo. Māhaṃ nassanti ahaṃ mā vinassaṃ.
90. ид̣̇аани яасмаа бин̇г̇ияо гааяз саабзгкад̇ааяа ‘‘ж̇ин̣н̣охамасмий’’д̇иаад̣̇имааха . д̇знасса бхаг̇аваа гааяз синзхаббахаанад̇т̇ам̣ ‘‘д̣̇исваана руубзсу вихан̃н̃амаанз’’д̇и г̇аат̇амааха. д̇ад̇т̇а руубзсууд̇и руубахзд̇у руубабажжаяаа. вихан̃н̃амаанзд̇и гаммагааран̣аад̣̇ийхи убахан̃н̃амаанз. руббанд̇и руубзсууд̇и жагкурог̇аад̣̇ийхи жа руубахзд̇уязва ж̇анаа руббанд̇и б̣аад̇хияанд̇и.
90. Idāni yasmā piṅgiyo kāye sāpekkhatāya ‘‘jiṇṇohamasmī’’tiādimāha . Tenassa bhagavā kāye sinehappahānatthaṃ ‘‘disvāna rūpesu vihaññamāne’’ti gāthamāha. Tattha rūpesūti rūpahetu rūpapaccayā. Vihaññamāneti kammakāraṇādīhi upahaññamāne. Ruppanti rūpesūti cakkhurogādīhi ca rūpahetuyeva janā ruppanti bādhiyanti.
хан̃н̃анд̇ийд̇и гхадийяанд̇и. вихан̃н̃анд̇ийд̇и вихзсияанд̇и. убавихан̃н̃анд̇ийд̇и хад̇т̇абаад̣̇ажчзд̣̇аад̣̇им̣ лабханд̇и. убагхаад̇ияанд̇ийд̇и маран̣ам̣ лабханд̇и. губбанд̇ийд̇и баривад̇д̇анд̇и. бийл̣аяанд̇ийд̇и вигхаад̇ам̣ аабаж̇ж̇анд̇и. гхаддаяанд̇ийд̇и гхадданам̣ баабун̣анд̇и. б̣яаад̇хид̇аад̇и бхийд̇аа. д̣̇оманассид̇аад̇и жид̇д̇авигхаад̇ам̣ бад̇д̇аа. взмаанзд̇и нассамаанз.
Haññantīti ghaṭīyanti. Vihaññantīti vihesiyanti. Upavihaññantīti hatthapādacchedādiṃ labhanti. Upaghātiyantīti maraṇaṃ labhanti. Kuppantīti parivattanti. Pīḷayantīti vighātaṃ āpajjanti. Ghaṭṭayantīti ghaṭṭanaṃ pāpuṇanti. Byādhitāti bhītā. Domanassitāti cittavighātaṃ pattā. Vemāneti nassamāne.
91. звам̣ бхаг̇авад̇аа яаава арахад̇д̇ам̣, д̇аава гат̇ид̇ам̣ бадибад̇д̇им̣ суд̇ваа бин̇г̇ияо ж̇араад̣̇уб̣б̣алад̇ааяа висзсам̣ анад̇хиг̇анд̇ваа жа буна ‘‘д̣̇исаа жад̇ассо’’д̇и имааяа г̇аат̇ааяа бхаг̇аванд̇ам̣ т̇омзнд̇о д̣̇зсанам̣ яаажад̇и.
91. Evaṃ bhagavatā yāva arahattaṃ, tāva kathitaṃ paṭipattiṃ sutvā piṅgiyo jarādubbalatāya visesaṃ anadhigantvā ca puna ‘‘disā catasso’’ti imāya gāthāya bhagavantaṃ thomento desanaṃ yācati.
92. ат̇асса бхаг̇аваа бунаби яаава арахад̇д̇ам̣, д̇аава бадибад̣̇ам̣ д̣̇ассзнд̇о ‘‘д̇ан̣хаад̇хибаннз’’д̇и г̇аат̇амааха.
92. Athassa bhagavā punapi yāva arahattaṃ, tāva paṭipadaṃ dassento ‘‘taṇhādhipanne’’ti gāthamāha.
д̇ан̣хаад̇хибаннзд̇и д̇ан̣хааяа вимужжид̇ваа тид̇з. д̇ан̣хаануг̇зд̇и д̇ан̣хааяа саха г̇ажчанд̇з. д̇ан̣хаануг̇ад̇зд̇и д̇ан̣хааяа ануб̣анд̇ханд̇з. д̇ан̣хаанусадзд̇и д̇ан̣хааяа саха д̇хааванд̇з. д̇ан̣хааяа баннзд̇и д̇ан̣хааяа нимуг̇г̇з. бадибаннзд̇и д̇ан̣хааяа авад̇т̇адз. абхибхууд̇зд̇и мад̣̇д̣̇ид̇з. барияаад̣̇иннажид̇д̇зд̇и барияаад̣̇ияид̇ваа г̇ахид̇агусалажид̇д̇з.
Taṇhādhipanneti taṇhāya vimuccitvā ṭhite. Taṇhānugeti taṇhāya saha gacchante. Taṇhānugateti taṇhāya anubandhante. Taṇhānusaṭeti taṇhāya saha dhāvante. Taṇhāya panneti taṇhāya nimugge. Paṭipanneti taṇhāya avatthaṭe. Abhibhūteti maddite. Pariyādinnacitteti pariyādiyitvā gahitakusalacitte.
санд̇аабаж̇аад̇зд̇и сан̃ж̇аад̇ажид̇д̇асанд̇аабз. ийд̇иж̇аад̇зд̇и рог̇уббаннз. убад̣̇д̣̇аваж̇аад̇зд̇и аад̣̇ийнаваж̇аад̇з. убасаг̇г̇аж̇аад̇зд̇и уббаннад̣̇угкаж̇аад̇з.
Santāpajāteti sañjātacittasantāpe. Ītijāteti roguppanne. Upaddavajāteti ādīnavajāte. Upasaggajāteti uppannadukkhajāte.
вираж̇ам̣ вийд̇амаланд̇и зд̇т̇а вираж̇анд̇и виг̇ад̇арааг̇аад̣̇ираж̇ам̣. вийд̇амаланд̇и вийд̇арааг̇аад̣̇ималам̣. рааг̇аад̣̇аяо хи аж̇жход̇т̇аран̣адтзна раж̇о наама, д̣̇уусадтзна малам̣ наама. д̇хаммажагкунд̇и гад̇т̇ажи батамамаг̇г̇ан̃аан̣ам̣ , гад̇т̇ажи аад̣̇ийни д̇ийн̣и маг̇г̇ан̃аан̣аани, гад̇т̇ажи жад̇уд̇т̇амаг̇г̇ан̃аан̣амби. ид̇ха бана ж̇адиласахассасса жад̇уд̇т̇амаг̇г̇ан̃аан̣ам̣. бин̇г̇ияасса д̇ад̇ияамаг̇г̇ан̃аан̣амзва. яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и вибассанаавасзна звам̣ бавад̇д̇асса д̇хаммажагкум̣ уд̣̇абаад̣̇ийд̇и ад̇т̇о. сзсам̣ саб̣б̣ад̇т̇а баагадамзва.
Virajaṃ vītamalanti ettha virajanti vigatarāgādirajaṃ. Vītamalanti vītarāgādimalaṃ. Rāgādayo hi ajjhottharaṇaṭṭhena rajo nāma, dūsaṭṭhena malaṃ nāma. Dhammacakkhunti katthaci paṭhamamaggañāṇaṃ , katthaci ādīni tīṇi maggañāṇāni, katthaci catutthamaggañāṇampi. Idha pana jaṭilasahassassa catutthamaggañāṇaṃ. Piṅgiyassa tatiyamaggañāṇameva. Yaṃ kiñci samudayadhammaṃ, sabbaṃ taṃ nirodhadhammanti vipassanāvasena evaṃ pavattassa dhammacakkhuṃ udapādīti attho. Sesaṃ sabbattha pākaṭameva.
звам̣ ид̣̇амби суд̇д̇ам̣ бхаг̇аваа арахад̇д̇анигуудзнзва д̣̇зсзси, д̣̇зсанаабарияосаанз жа бин̇г̇ияо анааг̇аамипалз бад̇идтааси. со гира анд̇аранд̇араа жинд̇зси – ‘‘звам̣ вижид̇рабадибхаанам̣ наама д̣̇зсанам̣ на лабхад̇и маяхам̣ маад̇уло б̣ааварий саванааяаа’’д̇и. д̇зна синзхавигкзбзна арахад̇д̇ам̣ баабун̣ид̇ум̣ наасагки. анд̇зваасигаа банасса сахассаж̇адилаа арахад̇д̇ам̣ баабун̣им̣су. саб̣б̣зва ид̣̇д̇химаяабад̇д̇ажийварад̇хараа зхибхигкуно ахзсунд̇и.
Evaṃ idampi suttaṃ bhagavā arahattanikūṭeneva desesi, desanāpariyosāne ca piṅgiyo anāgāmiphale patiṭṭhāsi. So kira antarantarā cintesi – ‘‘evaṃ vicitrapaṭibhānaṃ nāma desanaṃ na labhati mayhaṃ mātulo bāvarī savanāyā’’ti. Tena sinehavikkhepena arahattaṃ pāpuṇituṃ nāsakkhi. Antevāsikā panassa sahassajaṭilā arahattaṃ pāpuṇiṃsu. Sabbeva iddhimayapattacīvaradharā ehibhikkhuno ahesunti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
бин̇г̇ияамаан̣авасуд̇д̇анид̣̇д̣̇зсаван̣н̣анаа нидтид̇аа.
Piṅgiyamāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
16. бин̇г̇ияамаан̣авабужчаа • 16. Piṅgiyamāṇavapucchā
16. бин̇г̇ияамаан̣авабужчаанид̣̇д̣̇зсо • 16. Piṅgiyamāṇavapucchāniddeso
