| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৫. পিঙ্গিযানীসুত্তৰণ্ণনা
5. Piṅgiyānīsuttavaṇṇanā
১৯৫. পঞ্চমে নীলাতি ইদং সব্বসঙ্গাহিকং। নীলৰণ্ণাতিআদি তস্সেৰ ৰিভাগদস্সনং। তত্থ ন তেসং পকতিৰণ্ণো নীলো, নীলৰিলেপনৰিলিত্তত্তা পনেতং ৰুত্তং। নীলৰত্থাতি পটদুকূলকোসেয্যাদীনিপি তেসং নীলানেৰ হোন্তি। নীলালঙ্কারাতি নীলমণীহি নীলপুপ্ফেহি অলঙ্কতা, তেসং হত্থালঙ্কার-অস্সালঙ্কার-রথালঙ্কার-সাণিৰিতানকঞ্চুকাপি সব্বে নীলাযেৰ হোন্তি। ইমিনা নযেন সব্বপদেসু অত্থো ৰেদিতব্বো।
195. Pañcame nīlāti idaṃ sabbasaṅgāhikaṃ. Nīlavaṇṇātiādi tasseva vibhāgadassanaṃ. Tattha na tesaṃ pakativaṇṇo nīlo, nīlavilepanavilittattā panetaṃ vuttaṃ. Nīlavatthāti paṭadukūlakoseyyādīnipi tesaṃ nīlāneva honti. Nīlālaṅkārāti nīlamaṇīhi nīlapupphehi alaṅkatā, tesaṃ hatthālaṅkāra-assālaṅkāra-rathālaṅkāra-sāṇivitānakañcukāpi sabbe nīlāyeva honti. Iminā nayena sabbapadesu attho veditabbo.
পদুমং যথাতি যথা সতপত্তং রত্তপদুমং। কোকনদন্তি তস্সেৰ ৰেৰচনং। পাতোতি পগেৰ সুরিযুগ্গমনকালে । সিযাতি ভৰেয্য। অৰীতগন্ধন্তি অৰিগতগন্ধং। অঙ্গীরসন্তি ভগৰতো অঙ্গমঙ্গেহি রস্মিযো নিচ্ছরন্তি, তস্মা অঙ্গীরসোতি ৰুচ্চতি। তপন্তমাদিচ্চমিৰন্তলিক্খেতি দ্ৰিসহস্সদীপপরিৰারেসু চতূসু মহাদীপেসু আলোককরণৰসেন অন্তলিক্খে তপন্তং আদিচ্চং ৰিয ৰিরোচমানং। অঙ্গীরসং পস্সাতি অত্তানমেৰ ৰা মহাজনং ৰা সন্ধায এৰং ৰদতি।
Padumaṃyathāti yathā satapattaṃ rattapadumaṃ. Kokanadanti tasseva vevacanaṃ. Pātoti pageva suriyuggamanakāle . Siyāti bhaveyya. Avītagandhanti avigatagandhaṃ. Aṅgīrasanti bhagavato aṅgamaṅgehi rasmiyo niccharanti, tasmā aṅgīrasoti vuccati. Tapantamādiccamivantalikkheti dvisahassadīpaparivāresu catūsu mahādīpesu ālokakaraṇavasena antalikkhe tapantaṃ ādiccaṃ viya virocamānaṃ. Aṅgīrasaṃ passāti attānameva vā mahājanaṃ vā sandhāya evaṃ vadati.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৫. পিঙ্গিযানীসুত্তং • 5. Piṅgiyānīsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫. পিঙ্গিযানীসুত্তৰণ্ণনা • 5. Piṅgiyānīsuttavaṇṇanā
