| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. бин̇г̇ияаанийсуд̇д̇аван̣н̣анаа
5. Piṅgiyānīsuttavaṇṇanā
195. бан̃жамз саб̣б̣асан̇г̇аахиганд̇и сарийраг̇ад̇асса жзва вад̇т̇аалан̇гаараг̇ад̇асса жаад̇и саб̣б̣асса нийлабхаавасса сан̇г̇аахагаважанам̣. д̇ассзваад̇и нийлаад̣̇исаб̣б̣асан̇г̇аахигавасзна вуд̇д̇аад̇т̇ассзва. вибхааг̇ад̣̇ассананд̇и бабхзд̣̇ад̣̇ассанам̣. яат̇аа д̇з лижчавирааж̇аано абийд̇аад̣̇иван̣н̣аа зва гзжи гзжи вилзбанавасзна бийд̇аад̣̇иван̣н̣аа кааяим̣су, звам̣ анийлаад̣̇иван̣н̣аа зва гзжи вилзбанавасзна нийлаад̣̇иван̣н̣аа кааяим̣су. д̇з гира суван̣н̣авижид̇д̇зхи ман̣иобхаасзхи зганийлаа вияа кааяанд̇и.
195. Pañcame sabbasaṅgāhikanti sarīragatassa ceva vatthālaṅkāragatassa cāti sabbassa nīlabhāvassa saṅgāhakavacanaṃ. Tassevāti nīlādisabbasaṅgāhikavasena vuttaatthasseva. Vibhāgadassananti pabhedadassanaṃ. Yathā te licchavirājāno apītādivaṇṇā eva keci keci vilepanavasena pītādivaṇṇā khāyiṃsu, evaṃ anīlādivaṇṇā eva keci vilepanavasena nīlādivaṇṇā khāyiṃsu. Te kira suvaṇṇavicittehi maṇiobhāsehi ekanīlā viya khāyanti.
гоганад̣̇анд̇и ваа бад̣̇умависзсанам̣ яат̇аа ‘‘гогаасага’’нд̇и. д̇ам̣ гира б̣ахубад̇д̇ам̣ ван̣н̣асамбаннам̣ ад̇ивияа суг̇анд̇хан̃жа ход̇и. аяан̃хзд̇т̇а ад̇т̇о – яат̇аа гоганад̣̇асан̇каад̇ам̣ бад̣̇умам̣ баад̇о суурияуг̇г̇аманавзлааяа пуллам̣ вигасид̇ам̣ авийд̇аг̇анд̇хам̣ сияаа вирожамаанам̣, звам̣ сарийраг̇анд̇хзна г̇ун̣аг̇анд̇хзна жа суг̇анд̇хам̣, сарад̣̇агаалз анд̇алигкз аад̣̇ижжамива ад̇д̇ано д̇зж̇асаа д̇абанд̇ам̣, ан̇г̇зхи нижчаранд̇аж̇уд̇ид̇ааяа ан̇г̇ийрасам̣ самб̣уд̣̇д̇хам̣ бассаад̇и.
Kokanadanti vā padumavisesanaṃ yathā ‘‘kokāsaka’’nti. Taṃ kira bahupattaṃ vaṇṇasampannaṃ ativiya sugandhañca hoti. Ayañhettha attho – yathā kokanadasaṅkhātaṃ padumaṃ pāto sūriyuggamanavelāya phullaṃ vikasitaṃ avītagandhaṃ siyā virocamānaṃ, evaṃ sarīragandhena guṇagandhena ca sugandhaṃ, saradakāle antalikkhe ādiccamiva attano tejasā tapantaṃ, aṅgehi niccharantajutitāya aṅgīrasaṃ sambuddhaṃ passāti.
бин̇г̇ияаанийсуд̇д̇аван̣н̣анаа нидтид̇аа.
Piṅgiyānīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. бин̇г̇ияаанийсуд̇д̇ам̣ • 5. Piṅgiyānīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. бин̇г̇ияаанийсуд̇д̇аван̣н̣анаа • 5. Piṅgiyānīsuttavaṇṇanā
