| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
5. පිඞ්‌ගියානීසුත්‌තවණ්‌ණනා
5. Piṅgiyānīsuttavaṇṇanā
195. පඤ්‌චමෙ නීලාති ඉදං සබ්‌බසඞ්‌ගාහිකං. නීලවණ්‌ණාතිආදි තස්‌සෙව විභාගදස්‌සනං. තත්‌ථ න තෙසං පකතිවණ්‌ණො නීලො, නීලවිලෙපනවිලිත්‌තත්‌තා පනෙතං වුත්‌තං. නීලවත්‌ථාති පටදුකූලකොසෙය්‍යාදීනිපි තෙසං නීලානෙව හොන්‌ති. නීලාලඞ්‌කාරාති නීලමණීහි නීලපුප්‌ඵෙහි අලඞ්‌කතා, තෙසං හත්‌ථාලඞ්‌කාර-අස්‌සාලඞ්‌කාර-රථාලඞ්‌කාර-සාණිවිතානකඤ්‌චුකාපි සබ්‌බෙ නීලායෙව හොන්‌ති. ඉමිනා නයෙන සබ්‌බපදෙසු අත්‌ථො වෙදිතබ්‌බො.
195. Pañcame nīlāti idaṃ sabbasaṅgāhikaṃ. Nīlavaṇṇātiādi tasseva vibhāgadassanaṃ. Tattha na tesaṃ pakativaṇṇo nīlo, nīlavilepanavilittattā panetaṃ vuttaṃ. Nīlavatthāti paṭadukūlakoseyyādīnipi tesaṃ nīlāneva honti. Nīlālaṅkārāti nīlamaṇīhi nīlapupphehi alaṅkatā, tesaṃ hatthālaṅkāra-assālaṅkāra-rathālaṅkāra-sāṇivitānakañcukāpi sabbe nīlāyeva honti. Iminā nayena sabbapadesu attho veditabbo.
පදුමං යථාති යථා සතපත්‌තං රත්‌තපදුමං. කොකනදන්‌ති තස්‌සෙව වෙවචනං. පාතොති පගෙව සුරියුග්‌ගමනකාලෙ . සියාති භවෙය්‍ය. අවීතගන්‌ධන්‌ති අවිගතගන්‌ධං. අඞ්‌ගීරසන්‌ති භගවතො අඞ්‌ගමඞ්‌ගෙහි රස්‌මියො නිච්‌ඡරන්‌ති, තස්‌මා අඞ්‌ගීරසොති වුච්‌චති. තපන්‌තමාදිච්‌චමිවන්‌තලික්‌ඛෙති ද්‌විසහස්‌සදීපපරිවාරෙසු චතූසු මහාදීපෙසු ආලොකකරණවසෙන අන්‌තලික්‌ඛෙ තපන්‌තං ආදිච්‌චං විය විරොචමානං. අඞ්‌ගීරසං පස්‌සාති අත්‌තානමෙව වා මහාජනං වා සන්‌ධාය එවං වදති.
Padumaṃyathāti yathā satapattaṃ rattapadumaṃ. Kokanadanti tasseva vevacanaṃ. Pātoti pageva suriyuggamanakāle . Siyāti bhaveyya. Avītagandhanti avigatagandhaṃ. Aṅgīrasanti bhagavato aṅgamaṅgehi rasmiyo niccharanti, tasmā aṅgīrasoti vuccati. Tapantamādiccamivantalikkheti dvisahassadīpaparivāresu catūsu mahādīpesu ālokakaraṇavasena antalikkhe tapantaṃ ādiccaṃ viya virocamānaṃ. Aṅgīrasaṃ passāti attānameva vā mahājanaṃ vā sandhāya evaṃ vadati.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 5. පිඞ්‌ගියානීසුත්‌තං • 5. Piṅgiyānīsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5. පිඞ්‌ගියානීසුත්‌තවණ්‌ණනා • 5. Piṅgiyānīsuttavaṇṇanā
