| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫. ਪਿਙ੍ਗਿਯਾਨੀਸੁਤ੍ਤવਣ੍ਣਨਾ
5. Piṅgiyānīsuttavaṇṇanā
੧੯੫. ਪਞ੍ਚਮੇ ਸਬ੍ਬਸਙ੍ਗਾਹਿਕਨ੍ਤਿ ਸਰੀਰਗਤਸ੍ਸ ਚੇવ વਤ੍ਥਾਲਙ੍ਕਾਰਗਤਸ੍ਸ ਚਾਤਿ ਸਬ੍ਬਸ੍ਸ ਨੀਲਭਾવਸ੍ਸ ਸਙ੍ਗਾਹਕવਚਨਂ। ਤਸ੍ਸੇવਾਤਿ ਨੀਲਾਦਿਸਬ੍ਬਸਙ੍ਗਾਹਿਕવਸੇਨ વੁਤ੍ਤਅਤ੍ਥਸ੍ਸੇવ। વਿਭਾਗਦਸ੍ਸਨਨ੍ਤਿ ਪਭੇਦਦਸ੍ਸਨਂ। ਯਥਾ ਤੇ ਲਿਚ੍ਛવਿਰਾਜਾਨੋ ਅਪੀਤਾਦਿવਣ੍ਣਾ ਏવ ਕੇਚਿ ਕੇਚਿ વਿਲੇਪਨવਸੇਨ ਪੀਤਾਦਿવਣ੍ਣਾ ਖਾਯਿਂਸੁ, ਏવਂ ਅਨੀਲਾਦਿવਣ੍ਣਾ ਏવ ਕੇਚਿ વਿਲੇਪਨવਸੇਨ ਨੀਲਾਦਿવਣ੍ਣਾ ਖਾਯਿਂਸੁ। ਤੇ ਕਿਰ ਸੁવਣ੍ਣવਿਚਿਤ੍ਤੇਹਿ ਮਣਿਓਭਾਸੇਹਿ ਏਕਨੀਲਾ વਿਯ ਖਾਯਨ੍ਤਿ।
195. Pañcame sabbasaṅgāhikanti sarīragatassa ceva vatthālaṅkāragatassa cāti sabbassa nīlabhāvassa saṅgāhakavacanaṃ. Tassevāti nīlādisabbasaṅgāhikavasena vuttaatthasseva. Vibhāgadassananti pabhedadassanaṃ. Yathā te licchavirājāno apītādivaṇṇā eva keci keci vilepanavasena pītādivaṇṇā khāyiṃsu, evaṃ anīlādivaṇṇā eva keci vilepanavasena nīlādivaṇṇā khāyiṃsu. Te kira suvaṇṇavicittehi maṇiobhāsehi ekanīlā viya khāyanti.
ਕੋਕਨਦਨ੍ਤਿ વਾ ਪਦੁਮવਿਸੇਸਨਂ ਯਥਾ ‘‘ਕੋਕਾਸਕ’’ਨ੍ਤਿ। ਤਂ ਕਿਰ ਬਹੁਪਤ੍ਤਂ વਣ੍ਣਸਮ੍ਪਨ੍ਨਂ ਅਤਿવਿਯ ਸੁਗਨ੍ਧਞ੍ਚ ਹੋਤਿ। ਅਯਞ੍ਹੇਤ੍ਥ ਅਤ੍ਥੋ – ਯਥਾ ਕੋਕਨਦਸਙ੍ਖਾਤਂ ਪਦੁਮਂ ਪਾਤੋ ਸੂਰਿਯੁਗ੍ਗਮਨવੇਲਾਯ ਫੁਲ੍ਲਂ વਿਕਸਿਤਂ ਅવੀਤਗਨ੍ਧਂ ਸਿਯਾ વਿਰੋਚਮਾਨਂ, ਏવਂ ਸਰੀਰਗਨ੍ਧੇਨ ਗੁਣਗਨ੍ਧੇਨ ਚ ਸੁਗਨ੍ਧਂ, ਸਰਦਕਾਲੇ ਅਨ੍ਤਲਿਕ੍ਖੇ ਆਦਿਚ੍ਚਮਿવ ਅਤ੍ਤਨੋ ਤੇਜਸਾ ਤਪਨ੍ਤਂ, ਅਙ੍ਗੇਹਿ ਨਿਚ੍ਛਰਨ੍ਤਜੁਤਿਤਾਯ ਅਙ੍ਗੀਰਸਂ ਸਮ੍ਬੁਦ੍ਧਂ ਪਸ੍ਸਾਤਿ।
Kokanadanti vā padumavisesanaṃ yathā ‘‘kokāsaka’’nti. Taṃ kira bahupattaṃ vaṇṇasampannaṃ ativiya sugandhañca hoti. Ayañhettha attho – yathā kokanadasaṅkhātaṃ padumaṃ pāto sūriyuggamanavelāya phullaṃ vikasitaṃ avītagandhaṃ siyā virocamānaṃ, evaṃ sarīragandhena guṇagandhena ca sugandhaṃ, saradakāle antalikkhe ādiccamiva attano tejasā tapantaṃ, aṅgehi niccharantajutitāya aṅgīrasaṃ sambuddhaṃ passāti.
ਪਿਙ੍ਗਿਯਾਨੀਸੁਤ੍ਤવਣ੍ਣਨਾ ਨਿਟ੍ਠਿਤਾ।
Piṅgiyānīsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਪਿਙ੍ਗਿਯਾਨੀਸੁਤ੍ਤਂ • 5. Piṅgiyānīsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਪਿਙ੍ਗਿਯਾਨੀਸੁਤ੍ਤવਣ੍ਣਨਾ • 5. Piṅgiyānīsuttavaṇṇanā
