| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā |
੧੬. ਪਿਙ੍ਗਿਯਸੁਤ੍ਤવਣ੍ਣਨਾ
16. Piṅgiyasuttavaṇṇanā
੧੧੨੭. ਜਿਣ੍ਣੋਹਮਸ੍ਮੀਤਿ ਪਿਙ੍ਗਿਯਸੁਤ੍ਤਂ। ਤਤ੍ਥ ਜਿਣ੍ਣੋਹਮਸ੍ਮਿ ਅਬਲੋ વੀਤવਣ੍ਣੋਤਿ ਸੋ ਕਿਰ ਬ੍ਰਾਹ੍ਮਣੋ ਜਰਾਭਿਭੂਤੋ વੀਸવਸ੍ਸਸਤਿਕੋ ਜਾਤਿਯਾ, ਦੁਬ੍ਬਲੋ ਚ ‘‘ਇਧ ਪਦਂ ਕਰਿਸ੍ਸਾਮੀ’’ਤਿ ਅਞ੍ਞਤ੍ਥੇવ ਕਰੋਤਿ, વਿਨਟ੍ਠਪੁਰਿਮਚ੍ਛવਿવਣ੍ਣੋ ਚ । ਤੇਨਾਹ – ‘‘ਜਿਣ੍ਣੋਹਮਸ੍ਮਿ ਅਬਲੋ વੀਤવਣ੍ਣੋ’’ਤਿ। ਮਾਹਂ ਨਸ੍ਸਂ ਮੋਮੁਹੋ ਅਨ੍ਤਰਾવਾਤਿ ਮਾਹਂ ਤੁਯ੍ਹਂ ਧਮ੍ਮਂ ਅਸਚ੍ਛਿਕਤ੍વਾ ਅਨ੍ਤਰਾਯੇવ ਅવਿਦ੍વਾ ਹੁਤ੍વਾ ਅਨਸ੍ਸਿਂ। ਜਾਤਿਜਰਾਯ ਇਧ વਿਪ੍ਪਹਾਨਨ੍ਤਿ ਇਧੇવ ਤવ ਪਾਦਮੂਲੇ ਪਾਸਾਣਕੇ વਾ ਚੇਤਿਯ ਜਾਤਿਜਰਾਯ વਿਪ੍ਪਹਾਨਂ ਨਿਬ੍ਬਾਨਧਮ੍ਮਂ ਯਮਹਂ વਿਜਞ੍ਞਂ, ਤਂ ਮੇ ਆਚਿਕ੍ਖ।
1127.Jiṇṇohamasmīti piṅgiyasuttaṃ. Tattha jiṇṇohamasmi abalo vītavaṇṇoti so kira brāhmaṇo jarābhibhūto vīsavassasatiko jātiyā, dubbalo ca ‘‘idha padaṃ karissāmī’’ti aññattheva karoti, vinaṭṭhapurimacchavivaṇṇo ca . Tenāha – ‘‘jiṇṇohamasmi abalo vītavaṇṇo’’ti. Māhaṃ nassaṃ momuho antarāvāti māhaṃ tuyhaṃ dhammaṃ asacchikatvā antarāyeva avidvā hutvā anassiṃ. Jātijarāya idha vippahānanti idheva tava pādamūle pāsāṇake vā cetiya jātijarāya vippahānaṃ nibbānadhammaṃ yamahaṃ vijaññaṃ, taṃ me ācikkha.
੧੧੨੮. ਇਦਾਨਿ ਯਸ੍ਮਾ ਪਿਙ੍ਗਿਯੋ ਕਾਯੇ ਸਾਪੇਕ੍ਖਤਾਯ ‘‘ਜਿਣ੍ਣੋਹਮਸ੍ਮੀ’’ਤਿ ਗਾਥਮਾਹ ਤੇਨਸ੍ਸ ਭਗવਾ ਕਾਯੇ ਸਿਨੇਹਪ੍ਪਹਾਨਤ੍ਥਂ ‘‘ਦਿਸ੍વਾਨ ਰੂਪੇਸੁ વਿਹਞ੍ਞਮਾਨੇ’’ਤਿ ਗਾਥਮਾਹ। ਤਤ੍ਥ ਰੂਪੇਸੂਤਿ ਰੂਪਹੇਤੁ ਰੂਪਪਚ੍ਚਯਾ। વਿਹਞ੍ਞਮਾਨੇਤਿ ਕਮ੍ਮਕਾਰਣਾਦੀਹਿ ਉਪਹਞ੍ਞਮਾਨੇ। ਰੁਪ੍ਪਨ੍ਤਿ ਰੂਪੇਸੂਤਿ ਚਕ੍ਖੁਰੋਗਾਦੀਹਿ ਚ ਰੂਪਹੇਤੁਯੇવ ਜਨਾ ਰੁਪ੍ਪਨ੍ਤਿ ਬਾਧੀਯਨ੍ਤਿ।
1128. Idāni yasmā piṅgiyo kāye sāpekkhatāya ‘‘jiṇṇohamasmī’’ti gāthamāha tenassa bhagavā kāye sinehappahānatthaṃ ‘‘disvānarūpesu vihaññamāne’’ti gāthamāha. Tattha rūpesūti rūpahetu rūpapaccayā. Vihaññamāneti kammakāraṇādīhi upahaññamāne. Ruppanti rūpesūti cakkhurogādīhi ca rūpahetuyeva janā ruppanti bādhīyanti.
੧੧੨੯-੩੦. ਏવਂ ਭਗવਤਾ ਯਾવ ਅਰਹਤ੍ਤਂ ਤਾવ ਕਥਿਤਂ ਪਟਿਪਤ੍ਤਿਂ ਸੁਤ੍વਾਪਿ ਪਿਙ੍ਗਿਯੋ ਜਰਾਦੁਬ੍ਬਲਤਾਯ વਿਸੇਸਂ ਅਨਧਿਗਨ੍ਤ੍વਾવ ਪੁਨ ‘‘ਦਿਸਾ ਚਤਸ੍ਸੋ’’ਤਿ ਇਮਾਯ ਗਾਥਾਯ ਭਗવਨ੍ਤਂ ਥੋਮੇਨ੍ਤੋ ਦੇਸਨਂ ਯਾਚਤਿ। ਅਥਸ੍ਸ ਭਗવਾ ਪੁਨਪਿ ਯਾવ ਅਰਹਤ੍ਤਂ, ਤਾવ ਪਟਿਪਦਂ ਦਸ੍ਸੇਨ੍ਤੋ ‘‘ਤਣ੍ਹਾਧਿਪਨ੍ਨੇ’’ਤਿ ਗਾਥਮਾਹ। ਸੇਸਂ ਸਬ੍ਬਤ੍ਥ ਪਾਕਟਮੇવ।
1129-30. Evaṃ bhagavatā yāva arahattaṃ tāva kathitaṃ paṭipattiṃ sutvāpi piṅgiyo jarādubbalatāya visesaṃ anadhigantvāva puna ‘‘disā catasso’’ti imāya gāthāya bhagavantaṃ thomento desanaṃ yācati. Athassa bhagavā punapi yāva arahattaṃ, tāva paṭipadaṃ dassento ‘‘taṇhādhipanne’’ti gāthamāha. Sesaṃ sabbattha pākaṭameva.
ਇਮਮ੍ਪਿ ਸੁਤ੍ਤਂ ਭਗવਾ ਅਰਹਤ੍ਤਨਿਕੂਟੇਨੇવ ਦੇਸੇਸਿ। ਦੇਸਨਾਪਰਿਯੋਸਾਨੇ ਚ ਪਿਙ੍ਗਿਯੋ ਅਨਾਗਾਮਿਫਲੇ ਪਤਿਟ੍ਠਾਸਿ। ਸੋ ਕਿਰ ਅਨ੍ਤਰਨ੍ਤਰਾ ਚਿਨ੍ਤੇਸਿ – ‘‘ਏવਂ વਿਚਿਤ੍ਰਪਟਿਭਾਨਂ ਨਾਮ ਦੇਸਨਂ ਨ ਲਭਿ ਮਯ੍ਹਂ ਮਾਤੁਲੋ ਬਾવਰੀ ਸવਨਾਯਾ’’ਤਿ। ਤੇਨ ਸਿਨੇਹવਿਕ੍ਖੇਪੇਨ ਅਰਹਤ੍ਤਂ ਪਾਪੁਣਿਤੁਂ ਨਾਸਕ੍ਖਿ। ਅਨ੍ਤੇવਾਸਿਨੋ ਪਨਸ੍ਸ ਸਹਸ੍ਸਜਟਿਲਾ ਅਰਹਤ੍ਤਂ ਪਾਪੁਣਿਂਸੁ। ਸਬ੍ਬੇવ ਇਦ੍ਧਿਮਯਪਤ੍ਤਚੀવਰਧਰਾ ਏਹਿਭਿਕ੍ਖવੋ ਅਹੇਸੁਨ੍ਤਿ।
Imampi suttaṃ bhagavā arahattanikūṭeneva desesi. Desanāpariyosāne ca piṅgiyo anāgāmiphale patiṭṭhāsi. So kira antarantarā cintesi – ‘‘evaṃ vicitrapaṭibhānaṃ nāma desanaṃ na labhi mayhaṃ mātulo bāvarī savanāyā’’ti. Tena sinehavikkhepena arahattaṃ pāpuṇituṃ nāsakkhi. Antevāsino panassa sahassajaṭilā arahattaṃ pāpuṇiṃsu. Sabbeva iddhimayapattacīvaradharā ehibhikkhavo ahesunti.
ਪਰਮਤ੍ਥਜੋਤਿਕਾਯ ਖੁਦ੍ਦਕ-ਅਟ੍ਠਕਥਾਯ
Paramatthajotikāya khuddaka-aṭṭhakathāya
ਸੁਤ੍ਤਨਿਪਾਤ-ਅਟ੍ਠਕਥਾਯ ਪਿਙ੍ਗਿਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Suttanipāta-aṭṭhakathāya piṅgiyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਸੁਤ੍ਤਨਿਪਾਤਪਾਲ਼ਿ • Suttanipātapāḷi / ੧੬. ਪਿਙ੍ਗਿਯਮਾਣવਪੁਚ੍ਛਾ • 16. Piṅgiyamāṇavapucchā
