| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
9. бийд̇авимаанаван̣н̣анаа
9. Pītavimānavaṇṇanā
бийд̇авад̇т̇з бийд̇ад̇хаж̇зд̇и бийд̇авимаанам̣. д̇асса гаа уббад̇д̇и? бхаг̇авад̇и бариниб̣б̣уд̇з ран̃н̃аа аж̇аад̇асад̇д̇унаа ад̇д̇анаа бадилад̣̇д̇хаа бхаг̇авад̇о сарийрад̇хаад̇уяо г̇ахзд̇ваа т̇уубз жа махз жа гад̇з рааж̇аг̇ахаваасиний ан̃н̃ад̇араа убаасигаа баад̇ова гад̇асарийрабадиж̇аг̇г̇анаа ‘‘сад̇т̇у т̇уубам̣ бууж̇зссаамий’’д̇и яат̇аалад̣̇д̇хаани жад̇д̇аари госаад̇агийбубпаани г̇ахзд̇ваа сад̣̇д̇хаавзг̇зна самуссаахид̇амаанасаа маг̇г̇абариссаяам̣ анубад̇хаарзд̇ваава т̇уубаабхимукий г̇ажчад̇и. ат̇а нам̣ д̇арун̣аважчаа г̇аавий абхид̇хааванд̇ий взг̇зна аабад̇ид̇ваа син̇г̇зна бахарид̇ваа ж̇ийвид̇агкаяам̣ баабзси. саа д̇аавад̣̇зва д̇аавад̇им̣сабхаванз ниб̣б̣ад̇д̇анд̇ий саггасса д̣̇зваран̃н̃о уяяаанагийл̣ааяа г̇ажчанд̇асса бариваарабхууд̇аанам̣ ад̣дхад̇ияаанам̣ наадагагодийнам̣ маж̇жхз ад̇д̇ано сарийрабабхааяа д̇аа саб̣б̣аа абхибхаванд̇ий саха рат̇зна баад̇урахоси. д̇ам̣ д̣̇исваа сагго д̣̇зварааж̇аа вимхид̇ажид̇д̇о ажчарияаб̣бхуд̇аж̇аад̇о ‘‘гийд̣̇исзна ну ко ол̣ааригзна гаммунаа аяам̣ зд̣̇исим̣ сумахад̇им̣ д̣̇звид̣̇д̇химубааг̇ад̇аа’’д̇и д̇ам̣ имаахи г̇аат̇аахи бужчи –
Pītavatthepītadhajeti pītavimānaṃ. Tassa kā uppatti? Bhagavati parinibbute raññā ajātasattunā attanā paṭiladdhā bhagavato sarīradhātuyo gahetvā thūpe ca mahe ca kate rājagahavāsinī aññatarā upāsikā pātova katasarīrapaṭijagganā ‘‘satthu thūpaṃ pūjessāmī’’ti yathāladdhāni cattāri kosātakīpupphāni gahetvā saddhāvegena samussāhitamānasā maggaparissayaṃ anupadhāretvāva thūpābhimukhī gacchati. Atha naṃ taruṇavacchā gāvī abhidhāvantī vegena āpatitvā siṅgena paharitvā jīvitakkhayaṃ pāpesi. Sā tāvadeva tāvatiṃsabhavane nibbattantī sakkassa devarañño uyyānakīḷāya gacchantassa parivārabhūtānaṃ aḍḍhatiyānaṃ nāṭakakoṭīnaṃ majjhe attano sarīrapabhāya tā sabbā abhibhavantī saha rathena pāturahosi. Taṃ disvā sakko devarājā vimhitacitto acchariyabbhutajāto ‘‘kīdisena nu kho oḷārikena kammunā ayaṃ edisiṃ sumahatiṃ deviddhimupāgatā’’ti taṃ imāhi gāthāhi pucchi –
795.
795.
‘‘бийд̇авад̇т̇з бийд̇ад̇хаж̇з, бийд̇аалан̇гаарабхуусид̇з;
‘‘Pītavatthe pītadhaje, pītālaṅkārabhūsite;
бийд̇ажанд̣̇аналид̇д̇ан̇г̇з, бийд̇ауббаламаалиний.
Pītacandanalittaṅge, pītauppalamālinī.
796.
796.
‘‘бийд̇абаасаад̣̇асаяанз, бийд̇аасанз бийд̇абхааж̇анз;
‘‘Pītapāsādasayane, pītāsane pītabhājane;
бийд̇ачад̇д̇з бийд̇арат̇з, бийд̇ассз бийд̇аб̣ийж̇анз.
Pītachatte pītarathe, pītasse pītabījane.
797.
797.
‘‘гим̣ гаммамагарий бхад̣̇д̣̇з, буб̣б̣з маанусагз бхавз;
‘‘Kiṃ kammamakarī bhadde, pubbe mānusake bhave;
д̣̇звад̇з бужчид̇аажигка, гисса гаммассид̣̇ам̣ пала’’нд̇и.
Devate pucchitācikkha, kissa kammassidaṃ phala’’nti.
саабисса имаахи г̇аат̇аахи б̣яаагааси –
Sāpissa imāhi gāthāhi byākāsi –
798.
798.
‘‘госаад̇агий наама лад̇ад̇т̇и бханд̇з, д̇ид̇д̇игаа анабхижчид̇аа;
‘‘Kosātakī nāma latatthi bhante, tittikā anabhicchitā;
д̇ассаа жад̇д̇аари бубпаани, т̇уубам̣ абхихарим̣ ахам̣.
Tassā cattāri pupphāni, thūpaṃ abhihariṃ ahaṃ.
799.
799.
‘‘сад̇т̇у сарийрамуд̣̇д̣̇исса, виббасаннзна жзд̇асаа;
‘‘Satthu sarīramuddissa, vippasannena cetasā;
наасса маг̇г̇ам̣ авзгкиссам̣, на д̇аг̇г̇аманасаа сад̇ий.
Nāssa maggaṃ avekkhissaṃ, na taggamanasā satī.
800.
800.
‘‘д̇ад̇о мам̣ авад̇хий г̇аавий, т̇уубам̣ абад̇д̇амаанасам̣;
‘‘Tato maṃ avadhī gāvī, thūpaṃ apattamānasaṃ;
д̇ан̃жаахам̣ абхисан̃жзяяам̣, бхияяо нууна ид̇о сияаа.
Tañcāhaṃ abhisañceyyaṃ, bhiyyo nūna ito siyā.
801.
801.
‘‘д̇зна гаммзна д̣̇звинд̣̇а, магхаваа д̣̇звагун̃ж̇ара;
‘‘Tena kammena devinda, maghavā devakuñjara;
бахааяа маанусам̣ д̣̇зхам̣, д̇ава сахаб̣яамааг̇ад̇аа’’д̇и.
Pahāya mānusaṃ dehaṃ, tava sahabyamāgatā’’ti.
795-6. д̇ад̇т̇а бийд̇ажанд̣̇аналид̇д̇ан̇г̇зд̇и суван̣н̣аван̣н̣зна жанд̣̇анзна анулид̇д̇асарийрз. бийд̇абаасаад̣̇асаяанзд̇и саб̣б̣асован̣н̣амаязна баасаад̣̇зна суван̣н̣абаригкид̇д̇зхи саяанзхи жа саманнааг̇ад̇з. звам̣ саб̣б̣ад̇т̇а хздтаа убари жа бийд̇асад̣̇д̣̇зна суван̣н̣амзва г̇ахид̇анд̇и д̣̇адтаб̣б̣ам̣.
795-6. Tattha pītacandanalittaṅgeti suvaṇṇavaṇṇena candanena anulittasarīre. Pītapāsādasayaneti sabbasovaṇṇamayena pāsādena suvaṇṇaparikkhittehi sayanehi ca samannāgate. Evaṃ sabbattha heṭṭhā upari ca pītasaddena suvaṇṇameva gahitanti daṭṭhabbaṃ.
798. лад̇ад̇т̇ийд̇и лад̇аа ад̇т̇и. бханд̇зд̇и саггам̣ д̣̇зварааж̇аанам̣ г̇ааравзна аалабад̇и. анабхижчид̇аад̇и на абхиган̇кид̇аа.
798.Latatthīti latā atthi. Bhanteti sakkaṃ devarājānaṃ gāravena ālapati. Anabhicchitāti na abhikaṅkhitā.
799. сарийранд̇и сарийрабхууд̇ам̣ д̇хаад̇ум̣. аваяавз жааяам̣ самуд̣̇ааяавохааро яат̇аа ‘‘бадо д̣ад̣дхо, самуд̣̇д̣̇о д̣̇идто’’д̇и жа. ассаад̇и г̇оруубасса. маг̇г̇анд̇и ааг̇аманамаг̇г̇ам̣. на авзгкиссанд̇и на ологаяим̣. гасмаа? на д̇аг̇г̇аманасаа сад̇ийд̇и, д̇ассам̣ г̇аавияам̣ г̇ад̇аманаа табид̇аманаа на хонд̇ий, ан̃н̃ад̣̇ад̇т̇у бхаг̇авад̇о т̇уубаг̇ад̇аманаа зва самаанаад̇и ад̇т̇о. ‘‘д̇ад̣̇ан̇г̇аманасаа сад̇ий’’д̇и жа баато, д̇ад̣̇ан̇г̇з д̇асса бхаг̇авад̇о д̇хаад̇уяаа ан̇г̇з мано зд̇иссаад̇и д̇ад̣̇ан̇г̇аманасаа. звам̣бхууд̇аа ахам̣ д̇ад̣̇аа д̇ассаа маг̇г̇ам̣ наавзгкиссанд̇и д̣̇ассзд̇и.
799.Sarīranti sarīrabhūtaṃ dhātuṃ. Avayave cāyaṃ samudāyavohāro yathā ‘‘paṭo ḍaḍḍho, samuddo diṭṭho’’ti ca. Assāti gorūpassa. Magganti āgamanamaggaṃ. Na avekkhissanti na olokayiṃ. Kasmā? Na taggamanasā satīti, tassaṃ gāviyaṃ gatamanā ṭhapitamanā na hontī, aññadatthu bhagavato thūpagatamanā eva samānāti attho. ‘‘Tadaṅgamanasā satī’’ti ca pāṭho, tadaṅge tassa bhagavato dhātuyā aṅge mano etissāti tadaṅgamanasā. Evaṃbhūtā ahaṃ tadā tassā maggaṃ nāvekkhissanti dasseti.
800. т̇уубам̣ абад̇д̇амаанасанд̇и т̇уубам̣ жзд̇ияам̣ асамбад̇д̇ааж̇жхаасаяам̣, манаси бхавод̇и хи маанасо, аж̇жхаасаяо манорат̇о. ‘‘т̇уубам̣ убаг̇анд̇ваа бубпзхи бууж̇зссаамий’’д̇и уббаннаманорат̇асса асамбун̣н̣ад̇ааяа звам̣ вуд̇д̇ам̣. т̇уубам̣ жзд̇ияам̣ бана бубпзхи бууж̇анажид̇д̇ам̣ сид̣̇д̇хамзва, язна саа д̣̇звалогз уббанна. д̇ан̃жаахам̣ абхисан̃жзяяанд̇и д̇ан̃жз ахам̣ абхисан̃жинзяяам̣, бубпабууж̇анзна хи бун̃н̃ам̣ ахам̣ т̇уубам̣ абхиг̇анд̇ваа яат̇аад̇хиббааяам̣ бууж̇анзна саммад̣̇зва жинзяяам̣ убажинзяяанд̇и ад̇т̇о. бхияяо нууна ид̇о сияаад̇и ид̇о яат̇аалад̣̇д̇хасамбад̇д̇ид̇оби бхияяо убари уд̇д̇арид̇араа самбад̇д̇и сияаад̇и ман̃н̃зд̇и ад̇т̇о.
800.Thūpaṃ apattamānasanti thūpaṃ cetiyaṃ asampattaajjhāsayaṃ, manasi bhavoti hi mānaso, ajjhāsayo manoratho. ‘‘Thūpaṃ upagantvā pupphehi pūjessāmī’’ti uppannamanorathassa asampuṇṇatāya evaṃ vuttaṃ. Thūpaṃ cetiyaṃ pana pupphehi pūjanacittaṃ siddhameva, yena sā devaloke uppanna. Tañcāhaṃ abhisañceyyanti tañce ahaṃ abhisañcineyyaṃ, pupphapūjanena hi puññaṃ ahaṃ thūpaṃ abhigantvā yathādhippāyaṃ pūjanena sammadeva cineyyaṃ upacineyyanti attho. Bhiyyo nūna ito siyāti ito yathāladdhasampattitopi bhiyyo upari uttaritarā sampatti siyāti maññeti attho.
801. магхаваа д̣̇звагун̃ж̇араад̇и аалабанам̣. д̇ад̇т̇а д̣̇звагун̃ж̇араад̇и саб̣б̣аб̣алабараггамаад̣̇ивисзсзхи д̣̇звзсу гун̃ж̇арасад̣̇исо. сахаб̣яанд̇и сахабхаавам̣.
801.Maghavādevakuñjarāti ālapanaṃ. Tattha devakuñjarāti sabbabalaparakkamādivisesehi devesu kuñjarasadiso. Sahabyanti sahabhāvaṃ.
802.
802.
‘‘ид̣̇ам̣ суд̇ваа д̇ид̣̇асаад̇хибад̇и, магхаваа д̣̇звагун̃ж̇аро;
‘‘Idaṃ sutvā tidasādhipati, maghavā devakuñjaro;
д̇аавад̇им̣сз басаад̣̇знд̇о, маад̇алим̣ зд̇ад̣̇аб̣равий’’д̇и. –
Tāvatiṃse pasādento, mātaliṃ etadabravī’’ti. –
ид̣̇ам̣ д̇хаммасан̇г̇аахагаважанам̣. д̇ад̇о сагго маад̇алибамукасса д̣̇зваг̇ан̣асса имаахи г̇аат̇аахи д̇хаммам̣ д̣̇зсзси –
Idaṃ dhammasaṅgāhakavacanaṃ. Tato sakko mātalipamukhassa devagaṇassa imāhi gāthāhi dhammaṃ desesi –
803.
803.
‘‘басса маад̇али ажчзрам̣, жид̇д̇ам̣ гаммапалам̣ ид̣̇ам̣;
‘‘Passa mātali accheraṃ, cittaṃ kammaphalaṃ idaṃ;
аббагамби гад̇ам̣ д̣̇зяяам̣, бун̃н̃ам̣ ход̇и махабпалам̣.
Appakampi kataṃ deyyaṃ, puññaṃ hoti mahapphalaṃ.
804.
804.
‘‘над̇т̇и жид̇д̇з басаннамхи, аббагаа наама д̣̇агкин̣аа;
‘‘Natthi citte pasannamhi, appakā nāma dakkhiṇā;
д̇ат̇ааг̇ад̇з ваа самб̣уд̣̇д̇хз, ат̇а ваа д̇асса саавагз.
Tathāgate vā sambuddhe, atha vā tassa sāvake.
805.
805.
‘‘зхи маад̇али амхзби, бхияяо бхияяо махзмасз;
‘‘Ehi mātali amhepi, bhiyyo bhiyyo mahemase;
д̇ат̇ааг̇ад̇асса д̇хаад̇уяо, суко бун̃н̃аанамужжаяо.
Tathāgatassa dhātuyo, sukho puññānamuccayo.
806.
806.
‘‘д̇идтанд̇з ниб̣б̣уд̇з жааби, самз жид̇д̇з самам̣ палам̣;
‘‘Tiṭṭhante nibbute cāpi, same citte samaṃ phalaṃ;
жзд̇обан̣ид̇хихзд̇ухи, сад̇д̇аа г̇ажчанд̇и суг̇г̇ад̇им̣.
Cetopaṇidhihetuhi, sattā gacchanti suggatiṃ.
807.
807.
‘‘б̣ахуунам̣ вад̇а ад̇т̇ааяа, уббаж̇ж̇анд̇и д̇ат̇ааг̇ад̇аа;
‘‘Bahūnaṃ vata atthāya, uppajjanti tathāgatā;
яад̇т̇а гаарам̣ гарид̇ваана, саг̇г̇ам̣ г̇ажчанд̇и д̣̇ааяагаа’’д̇и.
Yattha kāraṃ karitvāna, saggaṃ gacchanti dāyakā’’ti.
802. д̇ад̇т̇а басаад̣̇знд̇од̇и басаннз гаронд̇о, рад̇анад̇д̇аяз сад̣̇д̇хам̣ уббаад̣̇знд̇од̇и ад̇т̇о.
802. Tattha pasādentoti pasanne karonto, ratanattaye saddhaṃ uppādentoti attho.
803. жид̇д̇анд̇и вижид̇д̇ам̣ ажинд̇зяяам̣. гаммапаланд̇и д̣̇зяяад̇хаммасса анул̣аарад̇д̇зби кзд̇д̇асамбад̇д̇ияаа жа жид̇д̇асамбад̇д̇ияаа жа ул̣аарасса бун̃н̃агаммасса палам̣ бассаад̇и яож̇анаа. аббагамби гад̇ам̣ д̣̇зяяам̣, бун̃н̃ам̣ ход̇и махабпаланд̇и зд̇т̇а гад̇анд̇и гааравасзна саггааравасзна ааяад̇анз винияуд̇д̇ам̣. д̣̇зяяанд̇и д̣̇аад̇аб̣б̣авад̇т̇ум̣. бун̃н̃анд̇и д̇ат̇аабавад̇д̇ам̣ бун̃н̃агаммам̣.
803.Cittanti vicittaṃ acinteyyaṃ. Kammaphalanti deyyadhammassa anuḷārattepi khettasampattiyā ca cittasampattiyā ca uḷārassa puññakammassa phalaṃ passāti yojanā. Appakampi kataṃ deyyaṃ, puññaṃ hoti mahapphalanti ettha katanti kāravasena sakkāravasena āyatane viniyuttaṃ. Deyyanti dātabbavatthuṃ. Puññanti tathāpavattaṃ puññakammaṃ.
804. ид̣̇аани яад̇т̇а аббагамби гад̇ам̣ бун̃н̃ам̣ махабпалам̣ ход̇и, д̇ам̣ баагадам̣ гад̇ваа д̣̇ассзнд̇о ‘‘над̇т̇и жид̇д̇з басаннамхий’’д̇и г̇аат̇амааха. д̇ам̣ сувин̃н̃зяяамзва.
804. Idāni yattha appakampi kataṃ puññaṃ mahapphalaṃ hoti, taṃ pākaṭaṃ katvā dassento ‘‘natthi citte pasannamhī’’ti gāthamāha. Taṃ suviññeyyameva.
805-6. амхзбийд̇и маяамби. махзмасзд̇и махаамасз бууж̇аамасз. жзд̇обан̣ид̇хихзд̇у хийд̇и ад̇д̇ано жид̇д̇асса саммад̣̇зва табананимид̇д̇ам̣, ад̇д̇асаммаабан̣ид̇хаанзнаад̇и ад̇т̇о. д̇знааха бхаг̇аваа –
805-6.Amhepīti mayampi. Mahemaseti mahāmase pūjāmase. Cetopaṇidhihetu hīti attano cittassa sammadeva ṭhapananimittaṃ, attasammāpaṇidhānenāti attho. Tenāha bhagavā –
‘‘на д̇ам̣ маад̇аабид̇аа гаяираа, ан̃н̃з вааби жа н̃аад̇агаа;
‘‘Na taṃ mātāpitā kayirā, aññe vāpi ca ñātakā;
саммаа бан̣ихид̇ам̣ жид̇д̇ам̣, сзяяасо нам̣ д̇ад̇о гарз’’д̇и. (д̇ха. ба. 43);
Sammā paṇihitaṃ cittaṃ, seyyaso naṃ tato kare’’ti. (dha. pa. 43);
зван̃жа бана вад̇ваа сагго д̣̇зваанаминд̣̇о уяяаанагийл̣ааяа уссаахам̣ бадиббассамбхзд̇ваа д̇ад̇ова бадинивад̇д̇ид̇ваа ад̇д̇анаа абхин̣хам̣ бууж̇анзяяадтаанабхууд̇з жуул̣ааман̣ижзд̇ияз сад̇д̇аахам̣ бууж̇ам̣ агааси. ат̇а абарзна самаязна д̣̇зважааригам̣ г̇ад̇асса ааяасмад̇о наарад̣̇ад̇т̇зрасса д̇ам̣ бавад̇д̇им̣ г̇аат̇аахзва гат̇зси, т̇зро д̇хаммасан̇г̇аахагаанам̣ аарожзси, д̇з д̇ат̇аа нам̣ сан̇г̇ахам̣ ааробзсунд̇и.
Evañca pana vatvā sakko devānamindo uyyānakīḷāya ussāhaṃ paṭippassambhetvā tatova paṭinivattitvā attanā abhiṇhaṃ pūjaneyyaṭṭhānabhūte cūḷāmaṇicetiye sattāhaṃ pūjaṃ akāsi. Atha aparena samayena devacārikaṃ gatassa āyasmato nāradattherassa taṃ pavattiṃ gāthāheva kathesi, thero dhammasaṅgāhakānaṃ ārocesi, te tathā naṃ saṅgahaṃ āropesunti.
бийд̇авимаанаван̣н̣анаа нидтид̇аа.
Pītavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 9. бийд̇авимаанавад̇т̇у • 9. Pītavimānavatthu
