| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[337] 7. бийтаж̇аад̇агаван̣н̣анаа
[337] 7. Pīṭhajātakavaṇṇanā
на д̇з бийтамад̣̇ааяимхаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. со гира ж̇анабад̣̇ад̇о ж̇зд̇аванам̣ г̇анд̇ваа бад̇д̇ажийварам̣ бадисаамзд̇ваа сад̇т̇аарам̣ ванд̣̇ид̇ваа сааман̣зрад̣̇ахарз бужчи ‘‘аавусо, саавад̇т̇ияам̣ ааг̇анд̇угабхигкуунам̣ гз убагаарагаа’’д̇и . ‘‘аавусо, анаат̇абин̣д̣иго наама махаасздти, висаакаа наама махааубаасигаа зд̇з бхигкусан̇гхасса убагаарагаа маад̇аабид̇удтаанияаа’’д̇и. со ‘‘саад̇хуу’’д̇и бунад̣̇ивасз баад̇ова згабхигкуссаби абавидтагаалз анаат̇абин̣д̣игасса гхарад̣̇ваарам̣ аг̇амааси. д̇ам̣ авзлааяа г̇ад̇ад̇д̇аа гожи на ологзси . со д̇ад̇о гин̃жи алабхид̇ваа висаакааяа гхарад̣̇ваарам̣ г̇ад̇о. д̇ад̇рааби ад̇ибаад̇ова г̇ад̇ад̇д̇аа гин̃жи на лабхи. со д̇ад̇т̇а д̇ад̇т̇а вижарид̇ваа бунааг̇ажчанд̇о яааг̇уяаа нидтид̇ааяа г̇ад̇о, бунаби д̇ад̇т̇а д̇ад̇т̇а вижарид̇ваа бхад̇д̇з нидтид̇з г̇ад̇о. со вихаарам̣ г̇анд̇ваа ‘‘д̣̇взби гулаани ассад̣̇д̇хаани аббасаннаани зва, имз бхигкуу бана ‘сад̣̇д̇хаани басаннааний’д̇и гат̇знд̇ий’’д̇и д̇аани гулаани барибхаванд̇о жарад̇и.
Na te pīṭhamadāyimhāti idaṃ satthā jetavane viharanto aññataraṃ bhikkhuṃ ārabbha kathesi. So kira janapadato jetavanaṃ gantvā pattacīvaraṃ paṭisāmetvā satthāraṃ vanditvā sāmaṇeradahare pucchi ‘‘āvuso, sāvatthiyaṃ āgantukabhikkhūnaṃ ke upakārakā’’ti . ‘‘Āvuso, anāthapiṇḍiko nāma mahāseṭṭhi, visākhā nāma mahāupāsikā ete bhikkhusaṅghassa upakārakā mātāpituṭṭhāniyā’’ti. So ‘‘sādhū’’ti punadivase pātova ekabhikkhussapi apaviṭṭhakāle anāthapiṇḍikassa gharadvāraṃ agamāsi. Taṃ avelāya gatattā koci na olokesi . So tato kiñci alabhitvā visākhāya gharadvāraṃ gato. Tatrāpi atipātova gatattā kiñci na labhi. So tattha tattha vicaritvā punāgacchanto yāguyā niṭṭhitāya gato, punapi tattha tattha vicaritvā bhatte niṭṭhite gato. So vihāraṃ gantvā ‘‘dvepi kulāni assaddhāni appasannāni eva, ime bhikkhū pana ‘saddhāni pasannānī’ti kathentī’’ti tāni kulāni paribhavanto carati.
ат̇згад̣̇ивасам̣ д̇хаммасабхааяам̣ бхигкуу гат̇ам̣ самудтаабзсум̣ – ‘‘аавусо, асуго гира ж̇аанабад̣̇о бхигку ад̇игаалассзва гулад̣̇ваарам̣ г̇ад̇о бхигкам̣ алабхид̇ваа гулаани барибхаванд̇о жарад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з д̇ам̣ бхигкум̣ баггосаабзд̇ваа ‘‘сажжам̣ гира бхигкуу’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘гасмаа д̇вам̣ бхигку гуж̇жхаси, буб̣б̣з ануббаннз б̣уд̣̇д̇хз д̇аабасааби д̇аава гулад̣̇ваарам̣ г̇анд̇ваа бхигкам̣ алабхид̇ваа на гуж̇жхим̣суу’’д̇и вад̇ваа ад̇ийд̇ам̣ аахари.
Athekadivasaṃ dhammasabhāyaṃ bhikkhū kathaṃ samuṭṭhāpesuṃ – ‘‘āvuso, asuko kira jānapado bhikkhu atikālasseva kuladvāraṃ gato bhikkhaṃ alabhitvā kulāni paribhavanto caratī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte taṃ bhikkhuṃ pakkosāpetvā ‘‘saccaṃ kira bhikkhū’’ti pucchitvā ‘‘saccaṃ, bhante’’ti vutte ‘‘kasmā tvaṃ bhikkhu kujjhasi, pubbe anuppanne buddhe tāpasāpi tāva kuladvāraṃ gantvā bhikkhaṃ alabhitvā na kujjhiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа абарабхааг̇з д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇з жирам̣ васид̇ваа лон̣амб̣иласзванад̇т̇ааяа б̣аараан̣асим̣ бад̇ваа уяяаанз васид̇ваа бунад̣̇ивасз наг̇арам̣ бхигкааяа баависи. д̇ад̣̇аа б̣аараан̣асисздти сад̣̇д̇хо ход̇и басанно. б̣од̇хисад̇д̇о ‘‘гад̇арам̣ гулагхарам̣ сад̣̇д̇ха’’нд̇и бужчид̇ваа ‘‘сздтигхара’’нд̇и суд̇ваа сздтино гхарад̣̇ваарам̣ аг̇амааси. д̇асмим̣ кан̣з сздти рааж̇убадтаанам̣ г̇ад̇о, мануссааби нам̣ на бассим̣су, со нивад̇д̇ид̇ваа г̇ажчад̇и. ат̇а нам̣ сздти рааж̇агулад̇о нивад̇д̇анд̇о д̣̇исваа ванд̣̇ид̇ваа бхигкаабхааж̇анам̣ г̇ахзд̇ваа гхарам̣ нзд̇ваа нисийд̣̇аабзд̇ваа баад̣̇ад̇хованад̇зламагканаяааг̇укаж̇ж̇агаад̣̇ийхи санд̇аббзд̇ваа анд̇араабхад̇д̇з гин̃жи гааран̣ам̣ абужчид̇ваа гад̇абхад̇д̇агижжам̣ ванд̣̇ид̇ваа згаманд̇ам̣ нисинно ‘‘бханд̇з, амхаагам̣ гхарад̣̇ваарам̣ ааг̇ад̇аа наама яаажагаа ваа д̇хаммигасаман̣аб̣раахман̣аа ваа саггаарасаммаанам̣ алабхид̇ваа г̇ад̇абуб̣б̣аа наама над̇т̇и, д̇умхз бана аж̇ж̇а амхаагам̣ д̣̇аарагзхи ад̣̇идтад̇д̇аа аасанам̣ ваа баанийяам̣ ваа баад̣̇ад̇хованам̣ ваа яааг̇убхад̇д̇ам̣ ваа алабхид̇ваава г̇ад̇аа, аяам̣ амхаагам̣ д̣̇осо, д̇ам̣ но камид̇ум̣ ваддад̇ий’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto takkasilāyaṃ sabbasippāni uggaṇhitvā aparabhāge tāpasapabbajjaṃ pabbajitvā himavante ciraṃ vasitvā loṇambilasevanatthāya bārāṇasiṃ patvā uyyāne vasitvā punadivase nagaraṃ bhikkhāya pāvisi. Tadā bārāṇasiseṭṭhi saddho hoti pasanno. Bodhisatto ‘‘kataraṃ kulagharaṃ saddha’’nti pucchitvā ‘‘seṭṭhighara’’nti sutvā seṭṭhino gharadvāraṃ agamāsi. Tasmiṃ khaṇe seṭṭhi rājupaṭṭhānaṃ gato, manussāpi naṃ na passiṃsu, so nivattitvā gacchati. Atha naṃ seṭṭhi rājakulato nivattanto disvā vanditvā bhikkhābhājanaṃ gahetvā gharaṃ netvā nisīdāpetvā pādadhovanatelamakkhanayāgukhajjakādīhi santappetvā antarābhatte kiñci kāraṇaṃ apucchitvā katabhattakiccaṃ vanditvā ekamantaṃ nisinno ‘‘bhante, amhākaṃ gharadvāraṃ āgatā nāma yācakā vā dhammikasamaṇabrāhmaṇā vā sakkārasammānaṃ alabhitvā gatapubbā nāma natthi, tumhe pana ajja amhākaṃ dārakehi adiṭṭhattā āsanaṃ vā pānīyaṃ vā pādadhovanaṃ vā yāgubhattaṃ vā alabhitvāva gatā, ayaṃ amhākaṃ doso, taṃ no khamituṃ vaṭṭatī’’ti vatvā paṭhamaṃ gāthamāha –
145.
145.
‘‘на д̇з бийтамад̣̇ааяимхаа, на баанам̣ наби бхож̇анам̣;
‘‘Na te pīṭhamadāyimhā, na pānaṃ napi bhojanaṃ;
б̣рахмажаари камассу мз, зд̇ам̣ бассаами ажжаяа’’нд̇и.
Brahmacāri khamassu me, etaṃ passāmi accaya’’nti.
д̇ад̇т̇а на д̇з бийтамад̣̇ааяимхаад̇и бийтамби д̇з на д̣̇аабаяимха.
Tattha na te pīṭhamadāyimhāti pīṭhampi te na dāpayimha.
д̇ам̣ суд̇ваа б̣од̇хисад̇д̇о д̣̇уд̇ияам̣ г̇аат̇амааха –
Taṃ sutvā bodhisatto dutiyaṃ gāthamāha –
146.
146.
‘‘нзваабхисаж̇ж̇аами на жааби губбз, на жааби мз аббияамааси гин̃жи;
‘‘Nevābhisajjāmi na cāpi kuppe, na cāpi me appiyamāsi kiñci;
ат̇оби мз ааси мановид̇агго, зд̇аад̣̇исо нууна гуласса д̇хаммо’’д̇и.
Athopi me āsi manovitakko, etādiso nūna kulassa dhammo’’ti.
д̇ад̇т̇а нзваабхисаж̇ж̇аамийд̇и нзва лаг̇г̇аами. зд̇аад̣̇исод̇и ‘‘имасса гуласса зд̇аад̣̇исо нууна сабхааво, ад̣̇ааяагавам̣со зса бхависсад̇ий’’д̇и звам̣ мз мановид̇агго уббанно.
Tattha nevābhisajjāmīti neva laggāmi. Etādisoti ‘‘imassa kulassa etādiso nūna sabhāvo, adāyakavaṃso esa bhavissatī’’ti evaṃ me manovitakko uppanno.
д̇ам̣ суд̇ваа сздти ид̇араа д̣̇вз г̇аат̇аа абхааси –
Taṃ sutvā seṭṭhi itarā dve gāthā abhāsi –
147.
147.
‘‘зсасмаагам̣ гулз д̇хаммо, бид̇убид̇аамахо сад̣̇аа;
‘‘Esasmākaṃ kule dhammo, pitupitāmaho sadā;
аасанам̣ уд̣̇агам̣ баж̇ж̇ам̣, саб̣б̣зд̇ам̣ нибад̣̇аамасз.
Āsanaṃ udakaṃ pajjaṃ, sabbetaṃ nipadāmase.
148.
148.
‘‘зсасмаагам̣ гулз д̇хаммо, бид̇убид̇аамахо сад̣̇аа;
‘‘Esasmākaṃ kule dhammo, pitupitāmaho sadā;
саггажжам̣ убад̇идтаама, уд̇д̇амам̣ вияа н̃аад̇ага’’нд̇и.
Sakkaccaṃ upatiṭṭhāma, uttamaṃ viya ñātaka’’nti.
д̇ад̇т̇а д̇хаммод̇и сабхааво. бид̇убид̇аамаход̇и бид̇уунан̃жа бид̇аамахаанан̃жа санд̇аго. уд̣̇аганд̇и баад̣̇ад̇хованауд̣̇агам̣. баж̇ж̇анд̇и баад̣̇амагканад̇злам̣. саб̣б̣зд̇анд̇и саб̣б̣ам̣ зд̇ам̣. нибад̣̇аамасзд̇и нигаарабагаараа убасаг̇г̇аа, д̣̇аамасзд̇и ад̇т̇о, д̣̇ад̣̇аамаад̇и вуд̇д̇ам̣ ход̇и. иминаа яаава сад̇д̇амаа гулабариваддаа д̣̇ааяагавам̣со амхаагам̣ вам̣сод̇и д̣̇ассзд̇и. уд̇д̇амам̣ вияа н̃аад̇аганд̇и маад̇арам̣ вияа бид̇арам̣ вияа жа маяам̣ д̇хаммигам̣ саман̣ам̣ ваа б̣раахман̣ам̣ ваа д̣̇исваа саггажжам̣ сахад̇т̇зна убадтахаамаад̇и ад̇т̇о.
Tattha dhammoti sabhāvo. Pitupitāmahoti pitūnañca pitāmahānañca santako. Udakanti pādadhovanaudakaṃ. Pajjanti pādamakkhanatelaṃ. Sabbetanti sabbaṃ etaṃ. Nipadāmaseti nikārapakārā upasaggā, dāmaseti attho, dadāmāti vuttaṃ hoti. Iminā yāva sattamā kulaparivaṭṭā dāyakavaṃso amhākaṃ vaṃsoti dasseti. Uttamaṃ viya ñātakanti mātaraṃ viya pitaraṃ viya ca mayaṃ dhammikaṃ samaṇaṃ vā brāhmaṇaṃ vā disvā sakkaccaṃ sahatthena upaṭṭhahāmāti attho.
б̣од̇хисад̇д̇о бана гад̇ибаахам̣ б̣аараан̣асисздтино д̇хаммам̣ д̣̇зсзнд̇о д̇ад̇т̇а васид̇ваа буна химаванд̇амзва г̇анд̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣о ахоси.
Bodhisatto pana katipāhaṃ bārāṇasiseṭṭhino dhammaṃ desento tattha vasitvā puna himavantameva gantvā abhiññā ca samāpattiyo ca nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со бхигку сод̇аабад̇д̇ипалз бад̇идтахи. д̇ад̣̇аа б̣аараан̣асисздти аананд̣̇о ахоси, д̇аабасо бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so bhikkhu sotāpattiphale patiṭṭhahi. Tadā bārāṇasiseṭṭhi ānando ahosi, tāpaso pana ahameva ahosinti.
бийтаж̇аад̇агаван̣н̣анаа сад̇д̇амаа.
Pīṭhajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 337. бийтаж̇аад̇агам̣ • 337. Pīṭhajātakaṃ
