| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. бийд̇исуд̇д̇ам̣
6. Pītisuttaṃ
176. ат̇а ко анаат̇абин̣д̣иго г̇ахабад̇и бан̃жамад̇д̇зхи убаасагасад̇зхи баривуд̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ бхаг̇аваа зд̇ад̣̇авожа –
176. Atha kho anāthapiṇḍiko gahapati pañcamattehi upāsakasatehi parivuto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –
‘‘д̇умхз ко, г̇ахабад̇и, бхигкусан̇гхам̣ бажжубадтид̇аа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна . на ко, г̇ахабад̇и, д̇аавад̇агзнзва д̇удти гаран̣ийяаа – ‘маяам̣ бхигкусан̇гхам̣ бажжубадтид̇аа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзнаа’д̇и . д̇асмаад̇иха, г̇ахабад̇и, звам̣ сигкид̇аб̣б̣ам̣ – ‘гинд̇и маяам̣ гаалзна гаалам̣ бавивзгам̣ бийд̇им̣ убасамбаж̇ж̇а вихарзяяаамаа’д̇и! зван̃хи во, г̇ахабад̇и, сигкид̇аб̣б̣а’’нд̇и.
‘‘Tumhe kho, gahapati, bhikkhusaṅghaṃ paccupaṭṭhitā cīvarapiṇḍapātasenāsanagilānappaccayabhesajjaparikkhārena . Na kho, gahapati, tāvatakeneva tuṭṭhi karaṇīyā – ‘mayaṃ bhikkhusaṅghaṃ paccupaṭṭhitā cīvarapiṇḍapātasenāsanagilānappaccayabhesajjaparikkhārenā’ti . Tasmātiha, gahapati, evaṃ sikkhitabbaṃ – ‘kinti mayaṃ kālena kālaṃ pavivekaṃ pītiṃ upasampajja vihareyyāmā’ti! Evañhi vo, gahapati, sikkhitabba’’nti.
звам̣ вуд̇д̇з ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з! яаава субхаасид̇ам̣ жид̣̇ам̣, бханд̇з, бхаг̇авад̇аа – ‘д̇умхз ко, г̇ахабад̇и, бхигкусан̇гхам̣ бажжубадтид̇аа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна. на ко, г̇ахабад̇и, д̇аавад̇агзнзва д̇удти гаран̣ийяаа – маяам̣ бхигкусан̇гхам̣ бажжубадтид̇аа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзнаад̇и. д̇асмаад̇иха, г̇ахабад̇и, звам̣ сигкид̇аб̣б̣ам̣ – гинд̇и маяам̣ гаалзна гаалам̣ бавивзгам̣ бийд̇им̣ убасамбаж̇ж̇а вихарзяяаамаад̇и! зван̃хи во, г̇ахабад̇и, сигкид̇аб̣б̣а’нд̇и. яасмим̣, бханд̇з, самаяз арияасааваго бавивзгам̣ бийд̇им̣ убасамбаж̇ж̇а вихарад̇и, бан̃жасса таанаани д̇асмим̣ самаяз на хонд̇и. яамбисса гаамуубасам̣хид̇ам̣ д̣̇угкам̣ д̣̇оманассам̣, д̇амбисса д̇асмим̣ самаяз на ход̇и. яамбисса гаамуубасам̣хид̇ам̣ сукам̣ соманассам̣, д̇амбисса д̇асмим̣ самаяз на ход̇и. яамбисса агусалуубасам̣хид̇ам̣ д̣̇угкам̣ д̣̇оманассам̣, д̇амбисса д̇асмим̣ самаяз на ход̇и. яамбисса агусалуубасам̣хид̇ам̣ сукам̣ соманассам̣, д̇амбисса д̇асмим̣ самаяз на ход̇и. яамбисса гусалуубасам̣хид̇ам̣ д̣̇угкам̣ д̣̇оманассам̣, д̇амбисса д̇асмим̣ самаяз на ход̇и. яасмим̣, бханд̇з, самаяз арияасааваго бавивзгам̣ бийд̇им̣ убасамбаж̇ж̇а вихарад̇и, имаанисса бан̃жа 1 таанаани д̇асмим̣ самаяз на хонд̇ий’’д̇и.
Evaṃ vutte āyasmā sāriputto bhagavantaṃ etadavoca – ‘‘acchariyaṃ, bhante, abbhutaṃ, bhante! Yāva subhāsitaṃ cidaṃ, bhante, bhagavatā – ‘tumhe kho, gahapati, bhikkhusaṅghaṃ paccupaṭṭhitā cīvarapiṇḍapātasenāsanagilānappaccayabhesajjaparikkhārena. Na kho, gahapati, tāvatakeneva tuṭṭhi karaṇīyā – mayaṃ bhikkhusaṅghaṃ paccupaṭṭhitā cīvarapiṇḍapātasenāsanagilānappaccayabhesajjaparikkhārenāti. Tasmātiha, gahapati, evaṃ sikkhitabbaṃ – kinti mayaṃ kālena kālaṃ pavivekaṃ pītiṃ upasampajja vihareyyāmāti! Evañhi vo, gahapati, sikkhitabba’nti. Yasmiṃ, bhante, samaye ariyasāvako pavivekaṃ pītiṃ upasampajja viharati, pañcassa ṭhānāni tasmiṃ samaye na honti. Yampissa kāmūpasaṃhitaṃ dukkhaṃ domanassaṃ, tampissa tasmiṃ samaye na hoti. Yampissa kāmūpasaṃhitaṃ sukhaṃ somanassaṃ, tampissa tasmiṃ samaye na hoti. Yampissa akusalūpasaṃhitaṃ dukkhaṃ domanassaṃ, tampissa tasmiṃ samaye na hoti. Yampissa akusalūpasaṃhitaṃ sukhaṃ somanassaṃ, tampissa tasmiṃ samaye na hoti. Yampissa kusalūpasaṃhitaṃ dukkhaṃ domanassaṃ, tampissa tasmiṃ samaye na hoti. Yasmiṃ, bhante, samaye ariyasāvako pavivekaṃ pītiṃ upasampajja viharati, imānissa pañca 2 ṭhānāni tasmiṃ samaye na hontī’’ti.
‘‘саад̇ху саад̇ху, саарибуд̇д̇а! яасмим̣, саарибуд̇д̇а, самаяз арияасааваго бавивзгам̣ бийд̇им̣ убасамбаж̇ж̇а вихарад̇и, бан̃жасса таанаани д̇асмим̣ самаяз на хонд̇и. яамбисса гаамуубасам̣хид̇ам̣ д̣̇угкам̣ д̣̇оманассам̣, д̇амбисса д̇асмим̣ самаяз на ход̇и. яамбисса гаамуубасам̣хид̇ам̣ сукам̣ соманассам̣, д̇амбисса д̇асмим̣ самаяз на ход̇и. яамбисса агусалуубасам̣хид̇ам̣ д̣̇угкам̣ д̣̇оманассам̣, д̇амбисса д̇асмим̣ самаяз на ход̇и. яамбисса агусалуубасам̣хид̇ам̣ сукам̣ соманассам̣, д̇амбисса д̇асмим̣ самаяз на ход̇и. яамбисса гусалуубасам̣хид̇ам̣ д̣̇угкам̣ д̣̇оманассам̣, д̇амбисса д̇асмим̣ самаяз на ход̇и. яасмим̣, саарибуд̇д̇а, самаяз арияасааваго бавивзгам̣ бийд̇им̣ убасамбаж̇ж̇а вихарад̇и, имаанисса 3 бан̃жа таанаани д̇асмим̣ самаяз на хонд̇ий’’д̇и. чадтам̣.
‘‘Sādhu sādhu, sāriputta! Yasmiṃ, sāriputta, samaye ariyasāvako pavivekaṃ pītiṃ upasampajja viharati, pañcassa ṭhānāni tasmiṃ samaye na honti. Yampissa kāmūpasaṃhitaṃ dukkhaṃ domanassaṃ, tampissa tasmiṃ samaye na hoti. Yampissa kāmūpasaṃhitaṃ sukhaṃ somanassaṃ, tampissa tasmiṃ samaye na hoti. Yampissa akusalūpasaṃhitaṃ dukkhaṃ domanassaṃ, tampissa tasmiṃ samaye na hoti. Yampissa akusalūpasaṃhitaṃ sukhaṃ somanassaṃ, tampissa tasmiṃ samaye na hoti. Yampissa kusalūpasaṃhitaṃ dukkhaṃ domanassaṃ, tampissa tasmiṃ samaye na hoti. Yasmiṃ, sāriputta, samaye ariyasāvako pavivekaṃ pītiṃ upasampajja viharati, imānissa 4 pañca ṭhānāni tasmiṃ samaye na hontī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. бийд̇исуд̇д̇аван̣н̣анаа • 6. Pītisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-6. саараж̇ж̇асуд̇д̇аад̣̇иван̣н̣анаа • 1-6. Sārajjasuttādivaṇṇanā
