| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៦. បីតិសុត្តវណ្ណនា
6. Pītisuttavaṇṇanā
១៧៦. ឆដ្ឋេ កិន្តិ មយន្តិ កេន នាម ឧបាយេន មយំ។ បវិវេកំ បីតិន្តិ បឋមទុតិយជ្ឈានានិ និស្សាយ ឧប្បជ្ជនកបីតិំ។ កាមូបសំហិតន្តិ កាមនិស្សិតំ ទុវិធេ កាមេ អារព្ភ ឧប្បជ្ជនកំ។ អកុសលូបសំហិតន្តិ ‘‘មិគសូករាទយោ វិជ្ឈិស្សាមី’’តិ សរំ ខិបិត្វា តស្មិំ វិរទ្ធេ ‘‘វិរទ្ធំ មយា’’តិ ឯវំ អកុសលេ និស្សាយ ឧប្បជ្ជនកំ។ តាទិសេសុ បន ឋានេសុ អវិរជ្ឈន្តស្ស ‘‘សុដ្ឋុ មេ វិទ្ធំ, សុដ្ឋុ មេ បហដ’’ន្តិ ឧប្បជ្ជនកំ អកុសលូបសំហិតំ សុខំ សោមនស្សំ នាម។ ទានាទិឧបករណានំ អសម្បត្តិយា ឧប្បជ្ជមានំ បន កុសលូបសំហិតំ ទុក្ខំ ទោមនស្សន្តិ វេទិតព្ពំ។
176. Chaṭṭhe kinti mayanti kena nāma upāyena mayaṃ. Pavivekaṃ pītinti paṭhamadutiyajjhānāni nissāya uppajjanakapītiṃ. Kāmūpasaṃhitanti kāmanissitaṃ duvidhe kāme ārabbha uppajjanakaṃ. Akusalūpasaṃhitanti ‘‘migasūkarādayo vijjhissāmī’’ti saraṃ khipitvā tasmiṃ viraddhe ‘‘viraddhaṃ mayā’’ti evaṃ akusale nissāya uppajjanakaṃ. Tādisesu pana ṭhānesu avirajjhantassa ‘‘suṭṭhu me viddhaṃ, suṭṭhu me pahaṭa’’nti uppajjanakaṃ akusalūpasaṃhitaṃ sukhaṃ somanassaṃ nāma. Dānādiupakaraṇānaṃ asampattiyā uppajjamānaṃ pana kusalūpasaṃhitaṃ dukkhaṃ domanassanti veditabbaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៦. បីតិសុត្តំ • 6. Pītisuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-៦. សារជ្ជសុត្តាទិវណ្ណនា • 1-6. Sārajjasuttādivaṇṇanā
