| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೬. ಪೀತಿಸುತ್ತವಣ್ಣನಾ
6. Pītisuttavaṇṇanā
೧೭೬. ಛಟ್ಠೇ ಕಿನ್ತಿ ಮಯನ್ತಿ ಕೇನ ನಾಮ ಉಪಾಯೇನ ಮಯಂ। ಪವಿವೇಕಂ ಪೀತಿನ್ತಿ ಪಠಮದುತಿಯಜ್ಝಾನಾನಿ ನಿಸ್ಸಾಯ ಉಪ್ಪಜ್ಜನಕಪೀತಿಂ। ಕಾಮೂಪಸಂಹಿತನ್ತಿ ಕಾಮನಿಸ್ಸಿತಂ ದುವಿಧೇ ಕಾಮೇ ಆರಬ್ಭ ಉಪ್ಪಜ್ಜನಕಂ। ಅಕುಸಲೂಪಸಂಹಿತನ್ತಿ ‘‘ಮಿಗಸೂಕರಾದಯೋ ವಿಜ್ಝಿಸ್ಸಾಮೀ’’ತಿ ಸರಂ ಖಿಪಿತ್ವಾ ತಸ್ಮಿಂ ವಿರದ್ಧೇ ‘‘ವಿರದ್ಧಂ ಮಯಾ’’ತಿ ಏವಂ ಅಕುಸಲೇ ನಿಸ್ಸಾಯ ಉಪ್ಪಜ್ಜನಕಂ। ತಾದಿಸೇಸು ಪನ ಠಾನೇಸು ಅವಿರಜ್ಝನ್ತಸ್ಸ ‘‘ಸುಟ್ಠು ಮೇ ವಿದ್ಧಂ, ಸುಟ್ಠು ಮೇ ಪಹಟ’’ನ್ತಿ ಉಪ್ಪಜ್ಜನಕಂ ಅಕುಸಲೂಪಸಂಹಿತಂ ಸುಖಂ ಸೋಮನಸ್ಸಂ ನಾಮ। ದಾನಾದಿಉಪಕರಣಾನಂ ಅಸಮ್ಪತ್ತಿಯಾ ಉಪ್ಪಜ್ಜಮಾನಂ ಪನ ಕುಸಲೂಪಸಂಹಿತಂ ದುಕ್ಖಂ ದೋಮನಸ್ಸನ್ತಿ ವೇದಿತಬ್ಬಂ।
176. Chaṭṭhe kinti mayanti kena nāma upāyena mayaṃ. Pavivekaṃ pītinti paṭhamadutiyajjhānāni nissāya uppajjanakapītiṃ. Kāmūpasaṃhitanti kāmanissitaṃ duvidhe kāme ārabbha uppajjanakaṃ. Akusalūpasaṃhitanti ‘‘migasūkarādayo vijjhissāmī’’ti saraṃ khipitvā tasmiṃ viraddhe ‘‘viraddhaṃ mayā’’ti evaṃ akusale nissāya uppajjanakaṃ. Tādisesu pana ṭhānesu avirajjhantassa ‘‘suṭṭhu me viddhaṃ, suṭṭhu me pahaṭa’’nti uppajjanakaṃ akusalūpasaṃhitaṃ sukhaṃ somanassaṃ nāma. Dānādiupakaraṇānaṃ asampattiyā uppajjamānaṃ pana kusalūpasaṃhitaṃ dukkhaṃ domanassanti veditabbaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೬. ಪೀತಿಸುತ್ತಂ • 6. Pītisuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೬. ಸಾರಜ್ಜಸುತ್ತಾದಿವಣ್ಣನಾ • 1-6. Sārajjasuttādivaṇṇanā
