| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༦. པཱིཏིསུཏྟཝཎྞནཱ
6. Pītisuttavaṇṇanā
༡༧༦. ཚཊྛེ ཀིནྟི མཡནྟི ཀེན ནཱམ ཨུཔཱཡེན མཡཾ། པཝིཝེཀཾ པཱིཏིནྟི པཋམདུཏིཡཛ྄ཛྷཱནཱནི ནིསྶཱཡ ཨུཔྤཛྫནཀཔཱིཏིཾ། ཀཱམཱུཔསཾཧིཏནྟི ཀཱམནིསྶིཏཾ དུཝིདྷེ ཀཱམེ ཨཱརབྦྷ ཨུཔྤཛྫནཀཾ། ཨཀུསལཱུཔསཾཧིཏནྟི ‘‘མིགསཱུཀརཱདཡོ ཝིཛ྄ཛྷིསྶཱམཱི’’ཏི སརཾ ཁིཔིཏྭཱ ཏསྨིཾ ཝིརདྡྷེ ‘‘ཝིརདྡྷཾ མཡཱ’’ཏི ཨེཝཾ ཨཀུསལེ ནིསྶཱཡ ཨུཔྤཛྫནཀཾ། ཏཱདིསེསུ པན ཋཱནེསུ ཨཝིརཛ྄ཛྷནྟསྶ ‘‘སུཊྛུ མེ ཝིདྡྷཾ, སུཊྛུ མེ པཧཊ’’ནྟི ཨུཔྤཛྫནཀཾ ཨཀུསལཱུཔསཾཧིཏཾ སུཁཾ སོམནསྶཾ ནཱམ། དཱནཱདིཨུཔཀརཎཱནཾ ཨསམྤཏྟིཡཱ ཨུཔྤཛྫམཱནཾ པན ཀུསལཱུཔསཾཧིཏཾ དུཀྑཾ དོམནསྶནྟི ཝེདིཏབྦཾ།
176. Chaṭṭhe kinti mayanti kena nāma upāyena mayaṃ. Pavivekaṃ pītinti paṭhamadutiyajjhānāni nissāya uppajjanakapītiṃ. Kāmūpasaṃhitanti kāmanissitaṃ duvidhe kāme ārabbha uppajjanakaṃ. Akusalūpasaṃhitanti ‘‘migasūkarādayo vijjhissāmī’’ti saraṃ khipitvā tasmiṃ viraddhe ‘‘viraddhaṃ mayā’’ti evaṃ akusale nissāya uppajjanakaṃ. Tādisesu pana ṭhānesu avirajjhantassa ‘‘suṭṭhu me viddhaṃ, suṭṭhu me pahaṭa’’nti uppajjanakaṃ akusalūpasaṃhitaṃ sukhaṃ somanassaṃ nāma. Dānādiupakaraṇānaṃ asampattiyā uppajjamānaṃ pana kusalūpasaṃhitaṃ dukkhaṃ domanassanti veditabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༦. པཱིཏིསུཏྟཾ • 6. Pītisuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༦. སཱརཛྫསུཏྟཱདིཝཎྞནཱ • 1-6. Sārajjasuttādivaṇṇanā
