| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൬. പീതിസുത്തവണ്ണനാ
6. Pītisuttavaṇṇanā
൧൭൬. ഛട്ഠേ കിന്തി മയന്തി കേന നാമ ഉപായേന മയം. പവിവേകം പീതിന്തി പഠമദുതിയജ്ഝാനാനി നിസ്സായ ഉപ്പജ്ജനകപീതിം. കാമൂപസംഹിതന്തി കാമനിസ്സിതം ദുവിധേ കാമേ ആരബ്ഭ ഉപ്പജ്ജനകം. അകുസലൂപസംഹിതന്തി ‘‘മിഗസൂകരാദയോ വിജ്ഝിസ്സാമീ’’തി സരം ഖിപിത്വാ തസ്മിം വിരദ്ധേ ‘‘വിരദ്ധം മയാ’’തി ഏവം അകുസലേ നിസ്സായ ഉപ്പജ്ജനകം. താദിസേസു പന ഠാനേസു അവിരജ്ഝന്തസ്സ ‘‘സുട്ഠു മേ വിദ്ധം, സുട്ഠു മേ പഹട’’ന്തി ഉപ്പജ്ജനകം അകുസലൂപസംഹിതം സുഖം സോമനസ്സം നാമ. ദാനാദിഉപകരണാനം അസമ്പത്തിയാ ഉപ്പജ്ജമാനം പന കുസലൂപസംഹിതം ദുക്ഖം ദോമനസ്സന്തി വേദിതബ്ബം.
176. Chaṭṭhe kinti mayanti kena nāma upāyena mayaṃ. Pavivekaṃ pītinti paṭhamadutiyajjhānāni nissāya uppajjanakapītiṃ. Kāmūpasaṃhitanti kāmanissitaṃ duvidhe kāme ārabbha uppajjanakaṃ. Akusalūpasaṃhitanti ‘‘migasūkarādayo vijjhissāmī’’ti saraṃ khipitvā tasmiṃ viraddhe ‘‘viraddhaṃ mayā’’ti evaṃ akusale nissāya uppajjanakaṃ. Tādisesu pana ṭhānesu avirajjhantassa ‘‘suṭṭhu me viddhaṃ, suṭṭhu me pahaṭa’’nti uppajjanakaṃ akusalūpasaṃhitaṃ sukhaṃ somanassaṃ nāma. Dānādiupakaraṇānaṃ asampattiyā uppajjamānaṃ pana kusalūpasaṃhitaṃ dukkhaṃ domanassanti veditabbaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൬. പീതിസുത്തം • 6. Pītisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൬. സാരജ്ജസുത്താദിവണ്ണനാ • 1-6. Sārajjasuttādivaṇṇanā
