| Library / Tipiṭaka / তিপিটক • Tipiṭaka / পট্ঠানপাল়ি • Paṭṭhānapāḷi |
৭. পীতিত্তিকং
7. Pītittikaṃ
১. পটিচ্চৰারো
1. Paṭiccavāro
১. পচ্চযানুলোমং
1. Paccayānulomaṃ
১. ৰিভঙ্গৰারো
1. Vibhaṅgavāro
হেতুপচ্চযো
Hetupaccayo
১. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি হেতুপচ্চযা – পীতিসহগতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা। পটিসন্ধিক্খণে পীতিসহগতং একং খন্ধং পটিচ্চ তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (১)
1. Pītisahagataṃ dhammaṃ paṭicca pītisahagato dhammo uppajjati hetupaccayā – pītisahagataṃ ekaṃ khandhaṃ paṭicca tayo khandhā, tayo khandhe paṭicca eko khandho, dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
পীতিসহগতং ধম্মং পটিচ্চ সুখসহগতো ধম্মো উপ্পজ্জতি হেতুপচ্চযা – পীতিসহগতং একং খন্ধং পটিচ্চ সুখসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। পটিসন্ধিক্খণে পীতিসহগতং একং খন্ধং পটিচ্চ সুখসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (২)
Pītisahagataṃ dhammaṃ paṭicca sukhasahagato dhammo uppajjati hetupaccayā – pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)
পীতিসহগতং ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি হেতুপচ্চযা – পীতিসহগতং একং খন্ধং পটিচ্চ পীতিসহগতা চ সুখসহগতা চ তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। পটিসন্ধিক্খণে পীতিসহগতং একং খন্ধং পটিচ্চ পীতিসহগতা চ সুখসহগতা চ তযো খন্ধা …পে॰… দ্ৰে খন্ধে পটিচ্চ দ্ৰে খন্ধা। (৩)
Pītisahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā …pe… dve khandhe paṭicca dve khandhā. (3)
২. সুখসহগতং ধম্মং পটিচ্চ সুখসহগতো ধম্মো উপ্পজ্জতি হেতুপচ্চযা – সুখসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো। পটিসন্ধিক্খণে সুখসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো। (১)
2. Sukhasahagataṃ dhammaṃ paṭicca sukhasahagato dhammo uppajjati hetupaccayā – sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)
সুখসহগতং ধম্মং পটিচ্চ পীতিসহগতো ধম্মো উপ্পজ্জতি হেতুপচ্চযা – সুখসহগতং একং খন্ধং পটিচ্চ পীতিসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। পটিসন্ধিক্খণে সুখসহগতং একং খন্ধং পটিচ্চ পীতিসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (২)
Sukhasahagataṃ dhammaṃ paṭicca pītisahagato dhammo uppajjati hetupaccayā – sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)
সুখসহগতং ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি হেতুপচ্চযা – সুখসহগতং একং খন্ধং পটিচ্চ পীতিসহগতা চ সুখসহগতা চ দ্ৰে খন্ধা, দ্ৰে খন্ধে পটিচ্চ একো খন্ধো। পটিসন্ধিক্খণে সুখসহগতং একং খন্ধং পটিচ্চ পীতিসহগতা চ সুখসহগতা চ দ্ৰে খন্ধা, দ্ৰে খন্ধে পটিচ্চ একো খন্ধো। (৩)
Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)
৩. উপেক্খাসহগতং ধম্মং পটিচ্চ উপেক্খাসহগতো ধম্মো উপ্পজ্জতি হেতুপচ্চযা – উপেক্খাসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো। পটিসন্ধিক্খণে…পে॰…। (১)
3. Upekkhāsahagataṃ dhammaṃ paṭicca upekkhāsahagato dhammo uppajjati hetupaccayā – upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe…pe…. (1)
পীতিসহগতঞ্চ সুখসহগতঞ্চ ধম্মং পটিচ্চ পীতিসহগতো ধম্মো উপ্পজ্জতি হেতুপচ্চযা – পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। পটিসন্ধিক্খণে পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (১)
Pītisahagatañca sukhasahagatañca dhammaṃ paṭicca pītisahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)
পীতিসহগতঞ্চ সুখসহগতঞ্চ ধম্মং পটিচ্চ সুখসহগতো ধম্মো উপ্পজ্জতি হেতুপচ্চযা – পীতিসহগতঞ্চ সুখসহগতঞ্চ একং খন্ধং পটিচ্চ সুখসহগতা দ্ৰে খন্ধা, দ্ৰে খন্ধে পটিচ্চ একো খন্ধো। পটিসন্ধিক্খণে পীতিসহগতঞ্চ সুখসহগতঞ্চ একং খন্ধং পটিচ্চ সুখসহগতা দ্ৰে খন্ধা, দ্ৰে খন্ধে পটিচ্চ একো খন্ধো। (২)
Pītisahagatañca sukhasahagatañca dhammaṃ paṭicca sukhasahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)
পীতিসহগতঞ্চ সুখসহগতঞ্চ ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি হেতুপচ্চযা – পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা চ সুখসহগতা চ দ্ৰে খন্ধা, দ্ৰে খন্ধে পটিচ্চ একো খন্ধো। পটিসন্ধিক্খণে পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা চ সুখসহগতা চ দ্ৰে খন্ধা, দ্ৰে খন্ধে পটিচ্চ একো খন্ধো। (৩)
Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)
আরম্মণপচ্চযাদি
Ārammaṇapaccayādi
৪. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি আরম্মণপচ্চযা… অধিপতিপচ্চযা… (পটিসন্ধিক্খণে নত্থি) অনন্তরপচ্চযা… সমনন্তরপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… (পুরেজাতে পটিসন্ধিক্খণে নত্থি) আসেৰনপচ্চযা… (আসেৰনে ৰিপাকং নত্থি) কম্মপচ্চযা… ৰিপাকপচ্চযা… আহার…পে॰… ইন্দ্রিয… ঝান… মগ্গ… সম্পযুত্ত… ৰিপ্পযুত্ত… অত্থি… নত্থি… ৰিগত… অৰিগতপচ্চযা।
4. Pītisahagataṃ dhammaṃ paṭicca pītisahagato dhammo uppajjati ārammaṇapaccayā… adhipatipaccayā… (paṭisandhikkhaṇe natthi) anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā… (purejāte paṭisandhikkhaṇe natthi) āsevanapaccayā… (āsevane vipākaṃ natthi) kammapaccayā… vipākapaccayā… āhāra…pe… indriya… jhāna… magga… sampayutta… vippayutta… atthi… natthi… vigata… avigatapaccayā.
১. পচ্চযানুলোমং
1. Paccayānulomaṃ
২. সঙ্খ্যাৰারো
2. Saṅkhyāvāro
সুদ্ধং
Suddhaṃ
৫. হেতুযা দস, আরম্মণে দস, অধিপতিযা দস, অনন্তরে সমনন্তরে সহজাতে অঞ্ঞমঞ্ঞে নিস্সযে উপনিস্সযে পুরেজাতে আসেৰনে কম্মে ৰিপাকে আহারে ইন্দ্রিযে ঝানে মগ্গে সম্পযুত্তে ৰিপ্পযুত্তে অত্থিযা নত্থিযা ৰিগতে অৰিগতে সব্বত্থ দস।
5. Hetuyā dasa, ārammaṇe dasa, adhipatiyā dasa, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate sabbattha dasa.
(এৰং অনুলোমগণনা গণেতব্বা।)
(Evaṃ anulomagaṇanā gaṇetabbā.)
অনুলোমং।
Anulomaṃ.
২. পচ্চযপচ্চনীযং
2. Paccayapaccanīyaṃ
১. ৰিভঙ্গৰারো
1. Vibhaṅgavāro
নহেতুপচ্চযো
Nahetupaccayo
৬. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি নহেতুপচ্চযা – অহেতুকং পীতিসহগতং একং খন্ধং পটিচ্চ তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (১)
6. Pītisahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
পীতিসহগতং ধম্মং পটিচ্চ সুখসহগতো ধম্মো উপ্পজ্জতি নহেতুপচ্চযা – অহেতুকং পীতিসহগতং একং খন্ধং পটিচ্চ সুখসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (২)
Pītisahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)
পীতিসহগতং ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি নহেতুপচ্চযা – অহেতুকং পীতিসহগতং একং খন্ধং পটিচ্চ পীতিসহগতা চ সুখসহগতা চ তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (৩)
Pītisahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. (3)
৭. সুখসহগতং ধম্মং পটিচ্চ সুখসহগতো ধম্মো উপ্পজ্জতি নহেতুপচ্চযা – অহেতুকং সুখসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো। (১)
7. Sukhasahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)
সুখসহগতং ধম্মং পটিচ্চ পীতিসহগতো ধম্মো উপ্পজ্জতি নহেতুপচ্চযা – অহেতুকং সুখসহগতং একং খন্ধং পটিচ্চ পীতিসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (২)
Sukhasahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)
সুখসহগতং ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি নহেতুপচ্চযা – অহেতুকং সুখসহগতং একং খন্ধং পটিচ্চ পীতিসহগতা চ সুখসহগতা চ দ্ৰে খন্ধা, দ্ৰে খন্ধে পটিচ্চ একো খন্ধো। (৩)
Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)
৮. উপেক্খাসহগতং ধম্মং পটিচ্চ উপেক্খাসহগতো ধম্মো উপ্পজ্জতি নহেতুপচ্চযা – অহেতুকং উপেক্খাসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো। অহেতুকপটিসন্ধিক্খণে উপেক্খাসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো। ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো। (১)
8. Upekkhāsahagataṃ dhammaṃ paṭicca upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Ahetukapaṭisandhikkhaṇe upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
৯. পীতিসহগতঞ্চ সুখসহগতঞ্চ ধম্মং পটিচ্চ পীতিসহগতো ধম্মো উপ্পজ্জতি নহেতুপচ্চযা – অহেতুকং পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (১)
9. Pītisahagatañca sukhasahagatañca dhammaṃ paṭicca pītisahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)
পীতিসহগতঞ্চ সুখসহগতঞ্চ ধম্মং পটিচ্চ সুখসহগতো ধম্মো উপ্পজ্জতি নহেতুপচ্চযা – অহেতুকং পীতিসহগতঞ্চ সুখসহগতঞ্চ একং খন্ধং পটিচ্চ সুখসহগতা দ্ৰে খন্ধা, দ্ৰে খন্ধে পটিচ্চ একো খন্ধো। (২)
Pītisahagatañca sukhasahagatañca dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)
পীতিসহগতঞ্চ সুখসহগতঞ্চ ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি নহেতুপচ্চযা – অহেতুকং পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা চ সুখসহগতা চ দ্ৰে খন্ধা, দ্ৰে খন্ধে পটিচ্চ একো খন্ধো। (৩)
Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)
নঅধিপতি-নআসেৰনপচ্চযা
Naadhipati-naāsevanapaccayā
১০. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি নঅধিপতিপচ্চযা (নঅধিপতিপটিসন্ধিক্খণে পরিপুণ্ণং)… নপুরেজাতপচ্চযা… (‘‘অরূপে’’তি নিযামেতব্বং ‘‘পটিসন্ধিক্খণে’’তি চ) নপচ্ছাজাতপচ্চযা… নআসেৰনপচ্চযা।
10. Pītisahagataṃ dhammaṃ paṭicca pītisahagato dhammo uppajjati naadhipatipaccayā (naadhipatipaṭisandhikkhaṇe paripuṇṇaṃ)… napurejātapaccayā… (‘‘arūpe’’ti niyāmetabbaṃ ‘‘paṭisandhikkhaṇe’’ti ca) napacchājātapaccayā… naāsevanapaccayā.
নকম্মপচ্চযো
Nakammapaccayo
১১. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি নকম্মপচ্চযা – পীতিসহগতে খন্ধে পটিচ্চ পীতিসহগতা চেতনা।
11. Pītisahagataṃ dhammaṃ paṭicca pītisahagato dhammo uppajjati nakammapaccayā – pītisahagate khandhe paṭicca pītisahagatā cetanā.
পীতিসহগতং ধম্মং পটিচ্চ সুখসহগতো ধম্মো উপ্পজ্জতি নকম্মপচ্চযা – পীতিসহগতে খন্ধে পটিচ্চ সুখসহগতা চেতনা।
Pītisahagataṃ dhammaṃ paṭicca sukhasahagato dhammo uppajjati nakammapaccayā – pītisahagate khandhe paṭicca sukhasahagatā cetanā.
(ইমিনা কারণেন দস পঞ্হা ৰিত্থারেতব্বা।)
(Iminā kāraṇena dasa pañhā vitthāretabbā.)
নৰিপাকপচ্চযো
Navipākapaccayo
১২. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি নৰিপাকপচ্চযা…পে॰… (পরিপুণ্ণং, পটিসন্ধি নত্থি)।
12. Pītisahagataṃ dhammaṃ paṭicca pītisahagato dhammo uppajjati navipākapaccayā…pe… (paripuṇṇaṃ, paṭisandhi natthi).
নঝানপচ্চযাদি
Najhānapaccayādi
১৩. সুখসহগতং ধম্মং পটিচ্চ সুখসহগতো ধম্মো উপ্পজ্জতি নঝানপচ্চযা – সুখসহগতং কাযৰিঞ্ঞাণসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো। (১)
13. Sukhasahagataṃ dhammaṃ paṭicca sukhasahagato dhammo uppajjati najhānapaccayā – sukhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)
উপেক্খাসহগতং ধম্মং পটিচ্চ উপেক্খাসহগতো ধম্মো উপ্পজ্জতি নঝানপচ্চযা – চতুৰিঞ্ঞাণসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো। (১)
Upekkhāsahagataṃ dhammaṃ paṭicca upekkhāsahagato dhammo uppajjati najhānapaccayā – catuviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)
(নমগ্গপচ্চযা নহেতুপচ্চযসদিসং। মোহো নত্থি। নৰিপ্পযুত্তপচ্চযা পরিপুণ্ণং অরূপপঞ্হমেৰ।)
(Namaggapaccayā nahetupaccayasadisaṃ. Moho natthi. Navippayuttapaccayā paripuṇṇaṃ arūpapañhameva.)
২. পচ্চযপচ্চনীযং
2. Paccayapaccanīyaṃ
২. সঙ্খ্যাৰারো
2. Saṅkhyāvāro
সুদ্ধং
Suddhaṃ
১৪. নহেতুযা দস, নঅধিপতিযা দস, নপুরেজাতে নপচ্ছাজাতে নআসেৰনে নকম্মে নৰিপাকে দস, নঝানে দ্ৰে, নমগ্গে দস, নৰিপ্পযুত্তে দস (পচ্চনীযং পরিপুণ্ণং কাতব্বং)।
14. Nahetuyā dasa, naadhipatiyā dasa, napurejāte napacchājāte naāsevane nakamme navipāke dasa, najhāne dve, namagge dasa, navippayutte dasa (paccanīyaṃ paripuṇṇaṃ kātabbaṃ).
পচ্চনীযং।
Paccanīyaṃ.
৩. পচ্চযানুলোমপচ্চনীযং
3. Paccayānulomapaccanīyaṃ
দুকং
Dukaṃ
১৫. হেতুপচ্চযা নঅধিপতিযা দস, নপুরেজাতে দস, নপচ্ছাজাতে নআসেৰনে নকম্মে নৰিপাকে নৰিপ্পযুত্তে দস।
15. Hetupaccayā naadhipatiyā dasa, napurejāte dasa, napacchājāte naāsevane nakamme navipāke navippayutte dasa.
(অনুলোমপচ্চনীযং ৰিত্থারেন গণেতব্বং।)
(Anulomapaccanīyaṃ vitthārena gaṇetabbaṃ.)
অনুলোমপচ্চনীযং।
Anulomapaccanīyaṃ.
৪. পচ্চযপচ্চনীযানুলোমং
4. Paccayapaccanīyānulomaṃ
দুকং
Dukaṃ
১৬. নহেতুপচ্চযা আরম্মণে দস, অনন্তরে দস, সমনন্তরে দস, সহজাতে অঞ্ঞমঞ্ঞে নিস্সযে উপনিস্সযে পুরেজাতে আসেৰনে কম্মে ৰিপাকে আহারে ইন্দ্রিযে ঝানে সব্বে দস, মগ্গে একং, সম্পযুত্তে দস, ৰিপ্পযুত্তে অত্থিযা নত্থিযা ৰিগতে অৰিগতে সব্বে দস।
16. Nahetupaccayā ārammaṇe dasa, anantare dasa, samanantare dasa, sahajāte aññamaññe nissaye upanissaye purejāte āsevane kamme vipāke āhāre indriye jhāne sabbe dasa, magge ekaṃ, sampayutte dasa, vippayutte atthiyā natthiyā vigate avigate sabbe dasa.
পচ্চনীযানুলোমং।
Paccanīyānulomaṃ.
পটিচ্চৰারো।
Paṭiccavāro.
২-৬. সহজাত-পচ্চয-নিস্সয-সংসট্ঠ-সম্পযুত্তৰারো
2-6. Sahajāta-paccaya-nissaya-saṃsaṭṭha-sampayuttavāro
(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা।)
(Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā.)
৭. পঞ্হাৰারো
7. Pañhāvāro
১. পচ্চযানুলোমং
1. Paccayānulomaṃ
১. ৰিভঙ্গৰারো
1. Vibhaṅgavāro
হেতুপচ্চযো
Hetupaccayo
১৭. পীতিসহগতো ধম্মো পীতিসহগতস্স ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং খন্ধানং হেতুপচ্চযেন পচ্চযো। পটিসন্ধিক্খণে পীতিসহগতা হেতূ সম্পযুত্তকানং খন্ধানং হেতুপচ্চযেন পচ্চযো। (১)
17. Pītisahagato dhammo pītisahagatassa dhammassa hetupaccayena paccayo – pītisahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe pītisahagatā hetū sampayuttakānaṃ khandhānaṃ hetupaccayena paccayo. (1)
পীতিসহগতো ধম্মো সুখসহগতস্স ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং সুখসহগতানং খন্ধানং হেতুপচ্চযেন পচ্চযো। পটিসন্ধিক্খণে…পে॰…। (২)
Pītisahagato dhammo sukhasahagatassa dhammassa hetupaccayena paccayo – pītisahagatā hetū sampayuttakānaṃ sukhasahagatānaṃ khandhānaṃ hetupaccayena paccayo. Paṭisandhikkhaṇe…pe…. (2)
পীতিসহগতো ধম্মো পীতিসহগতস্স চ সুখসহগতস্স চ ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং পীতিসহগতানঞ্চ সুখসহগতানঞ্চ খন্ধানং হেতুপচ্চযেন পচ্চযো। পটিসন্ধিক্খণে…পে॰…। (৩)
Pītisahagato dhammo pītisahagatassa ca sukhasahagatassa ca dhammassa hetupaccayena paccayo – pītisahagatā hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (3)
১৮. সুখসহগতো ধম্মো সুখসহগতস্স ধম্মস্স…পে॰… পীতিসহগতস্স ধম্মস্স…পে॰… পীতিসহগতস্স চ সুখসহগতস্স চ ধম্মস্স…পে॰… (সুখমূলে তীণি)।
18. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa…pe… (sukhamūle tīṇi).
উপেক্খাসহগতো ধম্মো উপেক্খাসহগতস্স ধম্মস্স হেতুপচ্চযেন পচ্চযো – উপেক্খাসহগতা হেতূ সম্পযুত্তকানং খন্ধানং হেতুপচ্চযেন পচ্চযো। পটিসন্ধিক্খণে…পে॰…। (১)
Upekkhāsahagato dhammo upekkhāsahagatassa dhammassa hetupaccayena paccayo – upekkhāsahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe…pe…. (1)
পীতিসহগতো চ সুখসহগতো চ ধম্মা পীতিসহগতস্স ধম্মস্স…পে॰… সুখসহগতস্স ধম্মস্স…পে॰… পীতিসহগতস্স চ সুখসহগতস্স চ ধম্মস্স হেতুপচ্চযেন পচ্চযো – পীতিসহগতা চ সুখসহগতা চ হেতূ সম্পযুত্তকানং পীতিসহগতানঞ্চ সুখসহগতানঞ্চ খন্ধানং হেতুপচ্চযেন পচ্চযো। পটিসন্ধিক্খণে…পে॰…। (২)
Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa hetupaccayena paccayo – pītisahagatā ca sukhasahagatā ca hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (2)
আরম্মণপচ্চযো
Ārammaṇapaccayo
১৯. পীতিসহগতো ধম্মো পীতিসহগতস্স ধম্মস্স আরম্মণপচ্চযেন পচ্চযো – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং পীতিসহগতেন চিত্তেন পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং পীতিসহগতেন চিত্তেন পচ্চৰেক্খতি। অরিযা পীতিসহগতেন চিত্তেন পীতিসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি। পীতিসহগতে খন্ধে পীতিসহগতেন চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ পীতিসহগতো রাগো উপ্পজ্জতি, দিট্ঠি উপ্পজ্জতি। পীতিসহগতে খন্ধে আরব্ভ পীতিসহগতা খন্ধা উপ্পজ্জন্তি। (১)
19. Pītisahagato dhammo pītisahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena cittena paccavekkhati. Ariyā pītisahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe pītisahagatena cittena aniccato dukkhato anattato vipassanti assādenti abhinandanti; taṃ ārabbha pītisahagato rāgo uppajjati, diṭṭhi uppajjati. Pītisahagate khandhe ārabbha pītisahagatā khandhā uppajjanti. (1)
পীতিসহগতো ধম্মো সুখসহগতস্স ধম্মস্স আরম্মণপচ্চযেন পচ্চযো – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং সুখসহগতেন চিত্তেন পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং সুখসহগতেন চিত্তেন পচ্চৰেক্খতি। অরিযা সুখসহগতেন চিত্তেন পীতিসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি। পীতিসহগতে খন্ধে সুখসহগতেন চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ সুখসহগতো রাগো উপ্পজ্জতি, দিট্ঠি উপ্পজ্জতি। পীতিসহগতে খন্ধে আরব্ভ সুখসহগতা খন্ধা উপ্পজ্জন্তি। (২)
Pītisahagato dhammo sukhasahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ sukhasahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ sukhasahagatena cittena paccavekkhati. Ariyā sukhasahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe sukhasahagatena cittena aniccato dukkhato anattato vipassanti assādenti abhinandanti; taṃ ārabbha sukhasahagato rāgo uppajjati, diṭṭhi uppajjati. Pītisahagate khandhe ārabbha sukhasahagatā khandhā uppajjanti. (2)
পীতিসহগতো ধম্মো উপেক্খাসহগতস্স ধম্মস্স আরম্মণপচ্চযেন পচ্চযো – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং উপেক্খাসহগতেন চিত্তেন পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং উপেক্খাসহগতেন চিত্তেন পচ্চৰেক্খতি। অরিযা উপেক্খাসহগতেন চিত্তেন পীতিসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি। পীতিসহগতে খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ উপেক্খাসহগতো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি। চেতোপরিযঞাণেন পীতিসহগতচিত্তসমঙ্গিস্স চিত্তং জানন্তি, পীতিসহগতা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। পীতিসহগতে খন্ধে আরব্ভ উপেক্খাসহগতা খন্ধা উপ্পজ্জন্তি। (৩)
Pītisahagato dhammo upekkhāsahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatacittasamaṅgissa cittaṃ jānanti, pītisahagatā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate khandhe ārabbha upekkhāsahagatā khandhā uppajjanti. (3)
পীতিসহগতো ধম্মো পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং পীতিসহগতেন চ সুখসহগতেন চ চিত্তেন পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং পীতিসহগতেন চ সুখসহগতেন চ চিত্তেন পচ্চৰেক্খতি। অরিযা পীতিসহগতেন চ সুখসহগতেন চ চিত্তেন পীতিসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি , পুব্বে সমুদাচিণ্ণে কিলেসে জানন্তি। পীতিসহগতে খন্ধে পীতিসহগতেন চ সুখসহগতেন চ চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ পীতিসহগতো চ সুখসহগতো চ রাগো উপ্পজ্জতি, দিট্ঠি উপ্পজ্জতি। পীতিসহগতে খন্ধে আরব্ভ পীতিসহগতা চ সুখসহগতা চ খন্ধা উপ্পজ্জন্তি। (৪)
Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena pītisahagate pahīne kilese paccavekkhanti, vikkhambhite kilese paccavekkhanti , pubbe samudāciṇṇe kilese jānanti. Pītisahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Pītisahagate khandhe ārabbha pītisahagatā ca sukhasahagatā ca khandhā uppajjanti. (4)
২০. সুখসহগতো ধম্মো সুখসহগতস্স ধম্মস্স আরম্মণপচ্চযেন পচ্চযো… সুখসহগতো ধম্মো পীতিসহগতস্স ধম্মস্স…পে॰… উপেক্খাসহগতস্স ধম্মস্স…পে॰… পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো – সুখসহগতে খন্ধে আরব্ভ পীতিসহগতা চ সুখসহগতা চ খন্ধা উপ্পজ্জন্তি। (৪)
20. Sukhasahagato dhammo sukhasahagatassa dhammassa ārammaṇapaccayena paccayo… sukhasahagato dhammo pītisahagatassa dhammassa…pe… upekkhāsahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – sukhasahagate khandhe ārabbha pītisahagatā ca sukhasahagatā ca khandhā uppajjanti. (4)
উপেক্খাসহগতো ধম্মো উপেক্খাসহগতস্স ধম্মস্স আরম্মণপচ্চযেন পচ্চযো – উপেক্খাসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং উপেক্খাসহগতেন চিত্তেন পচ্চৰেক্খতি, উপেক্খাসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা তং উপেক্খাসহগতেন চিত্তেন পচ্চৰেক্খতি। অরিযা উপেক্খাসহগতেন চিত্তেন উপেক্খাসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি। উপেক্খাসহগতে খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ উপেক্খাসহগতো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি। চেতোপরিযঞাণেন উপেক্খাসহগতচিত্তসমঙ্গিস্স চিত্তং জানাতি। আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো…পে॰… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো। উপেক্খাসহগতা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰজ্জনায আরম্মণপচ্চযেন পচ্চযো। উপেক্খাসহগতে খন্ধে আরব্ভ উপেক্খাসহগতা খন্ধা উপ্পজ্জন্তি। (১)
Upekkhāsahagato dhammo upekkhāsahagatassa dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena upekkhāsahagatacittasamaṅgissa cittaṃ jānāti. Ākāsānañcāyatanaṃ viññāṇañcāyatanassa ārammaṇapaccayena paccayo…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Upekkhāsahagatā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa āvajjanāya ārammaṇapaccayena paccayo. Upekkhāsahagate khandhe ārabbha upekkhāsahagatā khandhā uppajjanti. (1)
উপেক্খাসহগতো ধম্মো পীতিসহগতস্স ধম্মস্স…পে॰… সুখসহগতস্স ধম্মস্স…পে॰… পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো – উপেক্খাসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা তং পীতিসহগতেন চ সুখসহগতেন চ চিত্তেন পচ্চৰেক্খতি, উপেক্খাসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা ফলা ৰুট্ঠহিত্ৰা, তং পীতিসহগতেন চ সুখসহগতেন চ চিত্তেন পচ্চৰেক্খতি। অরিযা পীতিসহগতেন চ সুখসহগতেন চ চিত্তেন উপেক্খাসহগতে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি। উপেক্খাসহগতে খন্ধে পীতিসহগতেন চ সুখসহগতেন চ চিত্তেন অনিচ্চতো দুক্খতো অনত্ততো ৰিপস্সন্তি অস্সাদেন্তি অভিনন্দন্তি; তং আরব্ভ পীতিসহগতো চ সুখসহগতো চ রাগো উপ্পজ্জতি, দিট্ঠি উপ্পজ্জতি। উপেক্খাসহগতে খন্ধে আরব্ভ পীতিসহগতা চ সুখসহগতা চ খন্ধা উপ্পজ্জন্তি। (৩)
Upekkhāsahagato dhammo pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā phalā vuṭṭhahitvā, taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Upekkhāsahagate khandhe ārabbha pītisahagatā ca sukhasahagatā ca khandhā uppajjanti. (3)
২১. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে॰… সুখসহগতস্স ধম্মস্স…পে॰… উপেক্খাসহগতস্স ধম্মস্স আরম্মণপচ্চযেন পচ্চযো – পীতিসহগতেন চ সুখসহগতেন চ চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা…পে॰… পীতিসহগতে চ সুখসহগতে চ খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৰিপস্সতি অস্সাদেতি অভিনন্দতি; তং আরব্ভ উপেক্খাসহগতো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি। চেতোপরিযঞাণেন পীতিসহগতসুখসহগতচিত্তসমঙ্গিস্স চিত্তং জানাতি। পীতিসহগতা চ সুখসহগতা চ খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। পীতিসহগতে চ সুখসহগতে চ খন্ধে আরব্ভ উপেক্খাসহগতা খন্ধা উপ্পজ্জন্তি। (৩)
21. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa ārammaṇapaccayena paccayo – pītisahagatena ca sukhasahagatena ca cittena dānaṃ datvā sīlaṃ samādiyitvā uposathakammaṃ katvā…pe… pītisahagate ca sukhasahagate ca khandhe upekkhāsahagatena cittena aniccato dukkhato anattato vipassati assādeti abhinandati; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatasukhasahagatacittasamaṅgissa cittaṃ jānāti. Pītisahagatā ca sukhasahagatā ca khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate ca sukhasahagate ca khandhe ārabbha upekkhāsahagatā khandhā uppajjanti. (3)
পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো (সংখিত্তং)। (৪)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo (saṃkhittaṃ). (4)
অধিপতিপচ্চযো
Adhipatipaccayo
২২. পীতিসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – পীতিসহগতেন চিত্তেন দানং দত্ৰা সীলং সমাদিযিত্ৰা উপোসথকম্মং কত্ৰা পীতিসহগতেন চিত্তেন তং গরুং কত্ৰা পচ্চৰেক্খতি, পীতিসহগতা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা পীতিসহগতেন চিত্তেন তং গরুং কত্ৰা পচ্চৰেক্খতি। পীতিসহগতে খন্ধে পীতিসহগতেন চিত্তেন গরুং কত্ৰা অস্সাদেতি অভিনন্দতি; তং গরুং কত্ৰা পীতিসহগতো রাগো উপ্পজ্জতি, দিট্ঠি উপ্পজ্জতি। সহজাতাধিপতি – পীতিসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো। (১)
22. Pītisahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā sīlaṃ samādiyitvā uposathakammaṃ katvā pītisahagatena cittena taṃ garuṃ katvā paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā pītisahagatena cittena taṃ garuṃ katvā paccavekkhati. Pītisahagate khandhe pītisahagatena cittena garuṃ katvā assādeti abhinandati; taṃ garuṃ katvā pītisahagato rāgo uppajjati, diṭṭhi uppajjati. Sahajātādhipati – pītisahagatādhipati sampayuttakānaṃ khandhānaṃ adhipatipaccayena paccayo. (1)
পীতিসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – পীতিসহগতেন চিত্তেন দানং দত্ৰা…পে॰…। সহজাতাধিপতি – পীতিসহগতাধিপতি সম্পযুত্তকানং সুখসহগতানং খন্ধানং অধিপতিপচ্চযেন পচ্চযো। (২)
Pītisahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)
পীতিসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো। আরম্মণাধিপতি – পীতিসহগতেন চিত্তেন দানং দত্ৰা…পে॰… উপেক্খাসহগতেন চিত্তেন (সংখিত্তং)। (৩)
Pītisahagato dhammo upekkhāsahagatassa dhammassa adhipatipaccayena paccayo. Ārammaṇādhipati – pītisahagatena cittena dānaṃ datvā…pe… upekkhāsahagatena cittena (saṃkhittaṃ). (3)
পীতিসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – পীতিসহগতেন চিত্তেন দানং দত্ৰা…পে॰…। সহজাতাধিপতি – পীতিসহগতাধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো। (৪)
Pītisahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)
২৩. সুখসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – সুখসহগতেন চিত্তেন দানং দত্ৰা…পে॰…। সহজাতাধিপতি – সুখসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো। (১)
23. Sukhasahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – sukhasahagatena cittena dānaṃ datvā…pe…. Sahajātādhipati – sukhasahagatādhipati sampayuttakānaṃ khandhānaṃ adhipatipaccayena paccayo. (1)
সুখসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে॰…। সহজাতাধিপতি – সুখসহগতাধিপতি সম্পযুত্তকানং পীতিসহগতানং খন্ধানং অধিপতিপচ্চযেন পচ্চযো। (২)
Sukhasahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānaṃ khandhānaṃ adhipatipaccayena paccayo. (2)
সুখসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং)। (৩)
Sukhasahagato dhammo upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)
সুখসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে॰…। সহজাতাধিপতি – সুখসহগতাধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো। (৪)
Sukhasahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)
২৪. উপেক্খাসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে॰…। সহজাতাধিপতি – উপেক্খাসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো। (১)
24. Upekkhāsahagato dhammo upekkhāsahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – upekkhāsahagatādhipati sampayuttakānaṃ khandhānaṃ adhipatipaccayena paccayo. (1)
উপেক্খাসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং)। (২)
Upekkhāsahagato dhammo pītisahagatassa dhammassa adhipatipaccayena paccayo – ārammaṇādhipati (saṃkhittaṃ). (2)
উপেক্খাসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং)। (৩)
Upekkhāsahagato dhammo sukhasahagatassa dhammassa adhipatipaccayena paccayo – ārammaṇādhipati (saṃkhittaṃ). (3)
উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং)। (৪)
Upekkhāsahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati (saṃkhittaṃ). (4)
২৫. পীতিসহগতো চ সুখসহগতো চ ধম্মা পীতিসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে॰…। সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং পীতিসহগতানং খন্ধানং অধিপতিপচ্চযেন পচ্চযো। (১)
25. Pītisahagato ca sukhasahagato ca dhammā pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānaṃ khandhānaṃ adhipatipaccayena paccayo. (1)
পীতিসহগতো চ সুখসহগতো চ ধম্মা সুখসহগতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি…পে॰…। সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং সুখসহগতানং খন্ধানং অধিপতিপচ্চযেন পচ্চযো। (২)
Pītisahagato ca sukhasahagato ca dhammā sukhasahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)
পীতিসহগতো চ সুখসহগতো চ ধম্মা উপেক্খাসহগতস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং)। (৩)
Pītisahagato ca sukhasahagato ca dhammā upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)
পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি …পে॰…। সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো। (৪)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)
অনন্তরপচ্চযো
Anantarapaccayo
২৬. পীতিসহগতো ধম্মো পীতিসহগতস্স ধম্মস্স অনন্তরপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং পীতিসহগতানং খন্ধানং অনন্তরপচ্চযেন পচ্চযো। পীতিসহগতং অনুলোমং গোত্রভুস্স অনন্তরপচ্চযেন পচ্চযো। (ইমিনা কারণেন সব্বেসং পদানং পচ্চযোতি দীপেতব্বো)। অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং পীতিসহগতায ফলসমাপত্তিযা অনন্তরপচ্চযেন পচ্চযো। (১)
26. Pītisahagato dhammo pītisahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo. Pītisahagataṃ anulomaṃ gotrabhussa anantarapaccayena paccayo. (Iminā kāraṇena sabbesaṃ padānaṃ paccayoti dīpetabbo). Anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ pītisahagatāya phalasamāpattiyā anantarapaccayena paccayo. (1)
পীতিসহগতো ধম্মো সুখসহগতস্স ধম্মস্স অনন্তরপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং সুখসহগতানং খন্ধানং অনন্তরপচ্চযেন পচ্চযো। পীতিসহগতং অনুলোমং সুখসহগতস্স গোত্রভুস্স অনন্তরপচ্চযেন পচ্চযো। পীতিসহগতং অনুলোমং সুখসহগতস্স ৰোদানস্স অনন্তরপচ্চযেন পচ্চযো। পীতিসহগতং অনুলোমং সুখসহগতায ফলসমাপত্তিযা অনন্তরপচ্চযেন পচ্চযো। (২)
Pītisahagato dhammo sukhasahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Pītisahagataṃ anulomaṃ sukhasahagatassa gotrabhussa anantarapaccayena paccayo. Pītisahagataṃ anulomaṃ sukhasahagatassa vodānassa anantarapaccayena paccayo. Pītisahagataṃ anulomaṃ sukhasahagatāya phalasamāpattiyā anantarapaccayena paccayo. (2)
পীতিসহগতো ধম্মো উপেক্খাসহগতস্স ধম্মস্স অনন্তরপচ্চযেন পচ্চযো – পীতিসহগতং চুতিচিত্তং উপেক্খাসহগতস্স উপপত্তিচিত্তস্স অনন্তরপচ্চযেন পচ্চযো। পীতিসহগতং ভৰঙ্গং আৰজ্জনায অনন্তরপচ্চযেন পচ্চযো। পীতিসহগতা ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা অনন্তরপচ্চযেন পচ্চযো। পীতিসহগতং ভৰঙ্গং উপেক্খাসহগতস্স ভৰঙ্গস্স অনন্তরপচ্চযেন পচ্চযো । পীতিসহগতং কুসলাকুসলং উপেক্খাসহগতস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স অনন্তরপচ্চযেন পচ্চযো। (৩)
Pītisahagato dhammo upekkhāsahagatassa dhammassa anantarapaccayena paccayo – pītisahagataṃ cuticittaṃ upekkhāsahagatassa upapatticittassa anantarapaccayena paccayo. Pītisahagataṃ bhavaṅgaṃ āvajjanāya anantarapaccayena paccayo. Pītisahagatā vipākamanoviññāṇadhātu kiriyamanoviññāṇadhātuyā anantarapaccayena paccayo. Pītisahagataṃ bhavaṅgaṃ upekkhāsahagatassa bhavaṅgassa anantarapaccayena paccayo . Pītisahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)
পীতিসহগতো ধম্মো পীতিসহগতস্স চ সুখসহগতস্স চ ধম্মস্স অনন্তরপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং অনন্তরপচ্চযেন পচ্চযো । পীতিসহগতং অনুলোমং পীতিসহগতস্স চ সুখসহগতস্স চ গোত্রভুস্স অনন্তরপচ্চযেন পচ্চযো…পে॰… পীতিসহগতং অনুলোমং পীতিসহগতায চ সুখসহগতায চ ফলসমাপত্তিযা অনন্তরপচ্চযেন পচ্চযো। (৪)
Pītisahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo . Pītisahagataṃ anulomaṃ pītisahagatassa ca sukhasahagatassa ca gotrabhussa anantarapaccayena paccayo…pe… pītisahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)
২৭. সুখসহগতো ধম্মো সুখসহগতস্স ধম্মস্স অনন্তরপচ্চযেন পচ্চযো – পুরিমা পুরিমা সুখসহগতা খন্ধা পচ্ছিমানং পচ্ছিমানং সুখসহগতানং খন্ধানং অনন্তরপচ্চযেন পচ্চযো। সুখসহগতং অনুলোমং সুখসহগতস্স গোত্রভুস্স অনন্তরপচ্চযেন পচ্চযো…পে॰… সুখসহগতং অনুলোমং সুখসহগতায ফলসমাপত্তিযা অনন্তরপচ্চযেন পচ্চযো। (১)
27. Sukhasahagato dhammo sukhasahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Sukhasahagataṃ anulomaṃ sukhasahagatassa gotrabhussa anantarapaccayena paccayo…pe… sukhasahagataṃ anulomaṃ sukhasahagatāya phalasamāpattiyā anantarapaccayena paccayo. (1)
সুখসহগতো ধম্মো পীতিসহগতস্স ধম্মস্স অনন্তরপচ্চযেন পচ্চযো – পুরিমা পুরিমা সুখসহগতা খন্ধা পচ্ছিমানং পচ্ছিমানং পীতিসহগতানং খন্ধানং অনন্তরপচ্চযেন পচ্চযো…পে॰… সুখসহগতং অনুলোমং পীতিসহগতায ফলসমাপত্তিযা অনন্তরপচ্চযেন পচ্চযো। (২)
Sukhasahagato dhammo pītisahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo…pe… sukhasahagataṃ anulomaṃ pītisahagatāya phalasamāpattiyā anantarapaccayena paccayo. (2)
সুখসহগতো ধম্মো উপেক্খাসহগতস্স ধম্মস্স অনন্তরপচ্চযেন পচ্চযো – সুখসহগতং চুতিচিত্তং উপেক্খাসহগতস্স উপপত্তিচিত্তস্স অনন্তরপচ্চযেন পচ্চযো। সুখসহগতং ভৰঙ্গং আৰজ্জনায অনন্তরপচ্চযেন পচ্চযো। সুখসহগতং কাযৰিঞ্ঞাণং ৰিপাকমনোধাতুযা অনন্তরপচ্চযেন পচ্চযো। সুখসহগতা ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা অনন্তরপচ্চযেন পচ্চযো সুখসহগতং ভৰঙ্গং উপেক্খাসহগতস্স ভৰঙ্গস্স অনন্তরপচ্চযেন পচ্চযো। সুখসহগতং কুসলাকুসলং উপেক্খাসহগতস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স অনন্তরপচ্চযেন পচ্চযো। (৩)
Sukhasahagato dhammo upekkhāsahagatassa dhammassa anantarapaccayena paccayo – sukhasahagataṃ cuticittaṃ upekkhāsahagatassa upapatticittassa anantarapaccayena paccayo. Sukhasahagataṃ bhavaṅgaṃ āvajjanāya anantarapaccayena paccayo. Sukhasahagataṃ kāyaviññāṇaṃ vipākamanodhātuyā anantarapaccayena paccayo. Sukhasahagatā vipākamanoviññāṇadhātu kiriyamanoviññāṇadhātuyā anantarapaccayena paccayo sukhasahagataṃ bhavaṅgaṃ upekkhāsahagatassa bhavaṅgassa anantarapaccayena paccayo. Sukhasahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)
সুখসহগতো ধম্মো পীতিসহগতস্স চ সুখসহগতস্স চ ধম্মস্স অনন্তরপচ্চযেন পচ্চযো – পুরিমা পুরিমা সুখসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং অনন্তরপচ্চযেন পচ্চযো…পে॰… সুখসহগতং অনুলোমং পীতিসহগতায চ সুখসহগতায চ ফলসমাপত্তিযা অনন্তরপচ্চযেন পচ্চযো। (৪)
Sukhasahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo…pe… sukhasahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)
২৮. উপেক্খাসহগতো ধম্মো উপেক্খাসহগতস্স ধম্মস্স অনন্তরপচ্চযেন পচ্চযো – পুরিমা পুরিমা উপেক্খাসহগতা খন্ধা পচ্ছিমানং পচ্ছিমানং উপেক্খাসহগতানং খন্ধানং…পে॰… আৰজ্জনা পঞ্চন্নং ৰিঞ্ঞাণানং অনন্তরপচ্চযেন পচ্চযো। উপেক্খাসহগতং অনুলোমং উপেক্খাসহগতায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং উপেক্খাসহগতায ফলসমাপত্তিযা অনন্তরপচ্চযেন পচ্চযো। (১)
28. Upekkhāsahagato dhammo upekkhāsahagatassa dhammassa anantarapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… āvajjanā pañcannaṃ viññāṇānaṃ anantarapaccayena paccayo. Upekkhāsahagataṃ anulomaṃ upekkhāsahagatāya phalasamāpattiyā… nirodhā vuṭṭhahantassa nevasaññānāsaññāyatanaṃ upekkhāsahagatāya phalasamāpattiyā anantarapaccayena paccayo. (1)
উপেক্খাসহগতো ধম্মো পীতিসহগতস্স ধম্মস্স অনন্তরপচ্চযেন পচ্চযো – উপেক্খাসহগতং চুতিচিত্তং পীতিসহগতস্স উপপত্তিচিত্তস্স…পে॰… আৰজ্জনা পীতিসহগতানং খন্ধানং…পে॰… ৰিপাকমনোধাতু পীতিসহগতায ৰিপাকমনোৰিঞ্ঞাণধাতুযা…পে॰… উপেক্খাসহগতং ভৰঙ্গং পীতিসহগতস্স ভৰঙ্গস্স…পে॰… উপেক্খাসহগতং কুসলাকুসলং পীতিসহগতস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং পীতিসহগতায ফলসমাপত্তিযা অনন্তরপচ্চযেন পচ্চযো। (২)
Upekkhāsahagato dhammo pītisahagatassa dhammassa anantarapaccayena paccayo – upekkhāsahagataṃ cuticittaṃ pītisahagatassa upapatticittassa…pe… āvajjanā pītisahagatānaṃ khandhānaṃ…pe… vipākamanodhātu pītisahagatāya vipākamanoviññāṇadhātuyā…pe… upekkhāsahagataṃ bhavaṅgaṃ pītisahagatassa bhavaṅgassa…pe… upekkhāsahagataṃ kusalākusalaṃ pītisahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa… nirodhā vuṭṭhahantassa nevasaññānāsaññāyatanaṃ pītisahagatāya phalasamāpattiyā anantarapaccayena paccayo. (2)
উপেক্খাসহগতো ধম্মো সুখসহগতস্স ধম্মস্স…পে॰… পীতিসহগতস্স চ সুখসহগতস্স চ ধম্মস্স অনন্তরপচ্চযেন পচ্চযো। (৪)
Upekkhāsahagato dhammo sukhasahagatassa dhammassa…pe… pītisahagatassa ca sukhasahagatassa ca dhammassa anantarapaccayena paccayo. (4)
(তানিযেৰ চ গমনানি নিযামেতব্বানি।)
(Tāniyeva ca gamanāni niyāmetabbāni.)
২৯. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে॰… সুখসহগতস্স ধম্মস্স…পে॰… উপেক্খাসহগতস্স ধম্মস্স অনন্তরপচ্চযেন পচ্চযো – পীতিসহগতঞ্চ সুখসহগতঞ্চ চুতিচিত্তং উপেক্খাসহগতস্স উপপত্তিচিত্তস্স…পে॰… পীতিসহগতঞ্চ সুখসহগতঞ্চ ভৰঙ্গং আৰজ্জনায…পে॰… পীতিসহগতা চ সুখসহগতা চ ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা…পে॰… পীতিসহগতঞ্চ সুখসহগতঞ্চ ভৰঙ্গং উপেক্খাসহগতস্স ভৰঙ্গস্স…পে॰… পীতিসহগতঞ্চ সুখসহগতঞ্চ কুসলাকুসলং উপেক্খাসহগতস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স অনন্তরপচ্চযেন পচ্চযো। (৩)
29. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa anantarapaccayena paccayo – pītisahagatañca sukhasahagatañca cuticittaṃ upekkhāsahagatassa upapatticittassa…pe… pītisahagatañca sukhasahagatañca bhavaṅgaṃ āvajjanāya…pe… pītisahagatā ca sukhasahagatā ca vipākamanoviññāṇadhātu kiriyamanoviññāṇadhātuyā…pe… pītisahagatañca sukhasahagatañca bhavaṅgaṃ upekkhāsahagatassa bhavaṅgassa…pe… pītisahagatañca sukhasahagatañca kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)
পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স অনন্তরপচ্চযেন পচ্চযো – পুরিমা পুরিমা পীতিসহগতা চ সুখসহগতা চ খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং…পে॰… পীতিসহগতঞ্চ সুখসহগতঞ্চ অনুলোমং পীতিসহগতায চ সুখসহগতায চ ফলসমাপত্তিযা অনন্তরপচ্চযেন পচ্চযো। (৪)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ…pe… pītisahagatañca sukhasahagatañca anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)
সমনন্তরপচ্চযো
Samanantarapaccayo
৩০. পীতিসহগতো ধম্মো পীতিসহগতস্স ধম্মস্স সমনন্তরপচ্চযেন পচ্চযো (অনন্তরপচ্চযসদিসং)।
30. Pītisahagato dhammo pītisahagatassa dhammassa samanantarapaccayena paccayo (anantarapaccayasadisaṃ).
সহজাতপচ্চযো
Sahajātapaccayo
৩১. পীতিসহগতো ধম্মো পীতিসহগতস্স ধম্মস্স সহজাতপচ্চযেন পচ্চযো – পীতিসহগতো একো খন্ধো তিণ্ণন্নং খন্ধানং সহজাতপচ্চযেন পচ্চযো…পে॰… দ্ৰে খন্ধা দ্ৰিন্নং খন্ধানং সহজাতপচ্চযেন পচ্চযো…পে॰… (পটিচ্চসদিসং সহজাতে দস পঞ্হা)।
31. Pītisahagato dhammo pītisahagatassa dhammassa sahajātapaccayena paccayo – pītisahagato eko khandho tiṇṇannaṃ khandhānaṃ sahajātapaccayena paccayo…pe… dve khandhā dvinnaṃ khandhānaṃ sahajātapaccayena paccayo…pe… (paṭiccasadisaṃ sahajāte dasa pañhā).
অঞ্ঞমঞ্ঞ-নিস্সযপচ্চযা
Aññamañña-nissayapaccayā
৩২. পীতিসহগতো ধম্মো পীতিসহগতস্স ধম্মস্স অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো (দস পঞ্হা কাতব্বা)।
32. Pītisahagato dhammo pītisahagatassa dhammassa aññamaññapaccayena paccayo… nissayapaccayena paccayo (dasa pañhā kātabbā).
উপনিস্সযপচ্চযো
Upanissayapaccayo
৩৩. পীতিসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পীতিসহগতং সদ্ধং উপনিস্সায পীতিসহগতেন চিত্তেন দানং দেতি, সীলং সমাদিযতি, উপোসথকম্মং করোতি, পীতিসহগতং ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি। পীতিসহগতং সীলং… সুতং… চাগং… পঞ্ঞং উপনিস্সায পীতিসহগতেন চিত্তেন দানং দেতি, সীলং সমাদিযতি…পে॰… মানং জপ্পেতি, দিট্ঠিং গণ্হাতি। পীতিসহগতং রাগং… মোহং… মানং… দিট্ঠিং… পত্থনং উপনিস্সায পীতিসহগতেন চিত্তেন দানং দেতি, সীলং সমাদিযতি, উপোসথকম্মং করোতি, পীতিসহগতং ঝানং উপ্পাদেতি…পে॰… সমাপত্তিং উপ্পাদেতি। পীতিসহগতেন চিত্তেন অদিন্নং আদিযতি, মুসা ভণতি , পিসুণং ভণতি, সম্ফং পলপতি, সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি। পীতিসহগতা সদ্ধা… সীলং… সুতং… চাগো… পঞ্ঞা… রাগো… মোহো… মানো… দিট্ঠি… পত্থনা পীতিসহগতায সদ্ধায… সীলস্স… সুতস্স… চাগস্স… পঞ্ঞায… রাগস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো। (১)
33. Pītisahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ upanissāya pītisahagatena cittena dānaṃ deti, sīlaṃ samādiyati…pe… mānaṃ jappeti, diṭṭhiṃ gaṇhāti. Pītisahagataṃ rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti…pe… samāpattiṃ uppādeti. Pītisahagatena cittena adinnaṃ ādiyati, musā bhaṇati , pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā pītisahagatāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya upanissayapaccayena paccayo. (1)
পীতিসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পীতিসহগতং সদ্ধং উপনিস্সায সুখসহগতেন চিত্তেন দানং দেতি…পে॰… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি। পীতিসহগতং সীলং… সুতং… চাগং… পঞ্ঞং… রাগং… মোহং… মানং… দিট্ঠিং… পত্থনং উপনিস্সায সুখসহগতেন চিত্তেন দানং দেতি…পে॰… সমাপত্তিং উপ্পাদেতি। সুখসহগতেন চিত্তেন অদিন্নং আদিযতি…পে॰… নিগমঘাতং করোতি। পীতিসহগতা সদ্ধা…পে॰… পত্থনা সুখসহগতায সদ্ধায…পে॰… পত্থনায সুখসহগতস্স কাযৰিঞ্ঞাণস্স উপনিস্সযপচ্চযেন পচ্চযো। (২)
Pītisahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya sukhasahagatena cittena dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya sukhasahagatena cittena dānaṃ deti…pe… samāpattiṃ uppādeti. Sukhasahagatena cittena adinnaṃ ādiyati…pe… nigamaghātaṃ karoti. Pītisahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)
পীতিসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পীতিসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে॰… অভিঞ্ঞং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি। পীতিসহগতং সীলং…পে॰… পত্থনং উপনিস্সায উপেক্খাসহগতেন চিত্তেন দানং দেতি…পে॰… নিগমঘাতং করোতি। পীতিসহগতা সদ্ধা…পে॰… পত্থনা উপেক্খাসহগতায সদ্ধায…পে॰… পত্থনায উপনিস্সযপচ্চযেন পচ্চযো। (৩)
Pītisahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)
পীতিসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পীতিসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে॰… দিট্ঠিং গণ্হাতি। পীতিসহগতং সীলং…পে॰… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি…পে॰… নিগমঘাতং করোতি। পীতিসহগতা সদ্ধা…পে॰… পত্থনা পীতিসহগতায চ সুখসহগতায চ সদ্ধায…পে॰… পত্থনায উপনিস্সযপচ্চযেন পচ্চযো। (৪)
Pītisahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Pītisahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)
৩৪. সুখসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সুখসহগতং সদ্ধং উপনিস্সায সুখসহগতেন চিত্তেন দানং দেতি…পে॰… দিট্ঠিং গণ্হাতি। সুখসহগতং সীলং…পে॰… পত্থনং সুখসহগতং কাযৰিঞ্ঞাণং উপনিস্সায সুখসহগতেন চিত্তেন দানং দেতি…পে॰… নিগমঘাতং করোতি। সুখসহগতা সদ্ধা…পে॰… পত্থনা সুখসহগতং কাযৰিঞ্ঞাণং সুখসহগতায সদ্ধায…পে॰… পত্থনায সুখসহগতস্স কাযৰিঞ্ঞাণস্স উপনিস্সযপচ্চযেন পচ্চযো। (১)
34. Sukhasahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya sukhasahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (1)
সুখসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সুখসহগতং সদ্ধং উপনিস্সায পীতিসহগতেন চিত্তেন দানং দেতি…পে॰… দিট্ঠিং গণ্হাতি। সুখসহগতং সীলং…পে॰… পত্থনং সুখসহগতং কাযৰিঞ্ঞাণং উপনিস্সায পীতিসহগতেন চিত্তেন দানং দেতি…পে॰… নিগমঘাতং করোতি। সুখসহগতা সদ্ধা…পে॰… পত্থনা সুখসহগতং কাযৰিঞ্ঞাণং পীতিসহগতায সদ্ধায…পে॰… পত্থনায উপনিস্সযপচ্চযেন পচ্চযো। (২)
Sukhasahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya saddhāya…pe… patthanāya upanissayapaccayena paccayo. (2)
সুখসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সুখসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে॰… অভিঞ্ঞং উপ্পাদেতি…পে॰… দিট্ঠিং গণ্হাতি। সুখসহগতং সীলং…পে॰… পত্থনং সুখসহগতং কাযৰিঞ্ঞাণং উপনিস্সায উপেক্খাসহগতেন চিত্তেন দানং দেতি…পে॰… নিগমঘাতং করোতি। সুখসহগতা সদ্ধা…পে॰… পত্থনা সুখসহগতং কাযৰিঞ্ঞাণং উপেক্খাসহগতায সদ্ধায…পে॰… পত্থনায উপনিস্সযপচ্চযেন পচ্চযো। (৩)
Sukhasahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya upekkhāsahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ upekkhāsahagatāya saddhāya…pe… patthanāya upanissayapaccayena paccayo. (3)
সুখসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো …পে॰…। পকতূপনিস্সযো – সুখসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে॰… দিট্ঠিং গণ্হাতি। সুখসহগতং সীলং…পে॰… পত্থনং সুখসহগতং কাযৰিঞ্ঞাণং উপনিস্সায পীতিসহগতেন চ সুখসহগতেন চ চিত্তেন দানং দেতি…পে॰… নিগমঘাতং করোতি। সুখসহগতা সদ্ধা…পে॰… পত্থনা সুখসহগতং কাযৰিঞ্ঞাণং পীতিসহগতায চ সুখসহগতায চ সদ্ধায…পে॰… পত্থনায উপনিস্সযপচ্চযেন পচ্চযো। (৪)
Sukhasahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – sukhasahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)
৩৫. উপেক্খাসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – উপেক্খাসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে॰… অভিঞ্ঞং উপ্পাদেতি…পে॰… দিট্ঠিং গণ্হাতি। উপেক্খাসহগতং সীলং…পে॰… পত্থনং উপনিস্সায উপেক্খাসহগতেন চিত্তেন দানং দেতি…পে॰… নিগমঘাতং করোতি। উপেক্খাসহগতা সদ্ধা…পে॰… পত্থনা উপেক্খাসহগতায সদ্ধায…পে॰… পত্থনায উপনিস্সযপচ্চযেন পচ্চযো। (১)
35. Upekkhāsahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (1)
উপেক্খাসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – উপেক্খাসহগতং সদ্ধং উপনিস্সায পীতিসহগতেন চিত্তেন দানং দেতি…পে॰… দিট্ঠিং গণ্হাতি। উপেক্খাসহগতং সীলং…পে॰… পত্থনং উপনিস্সায পীতিসহগতেন চিত্তেন দানং দেতি…পে॰… নিগমঘাতং করোতি। উপেক্খাসহগতা সদ্ধা…পে॰… পত্থনা পীতিসহগতায সদ্ধায…পে॰… পত্থনায উপনিস্সযপচ্চযেন পচ্চযো। (২)
Upekkhāsahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya saddhāya…pe… patthanāya upanissayapaccayena paccayo. (2)
উপেক্খাসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – উপেক্খাসহগতং সদ্ধং উপনিস্সায সুখসহগতেন চিত্তেন দানং দেতি…পে॰… দিট্ঠিং গণ্হাতি। উপেক্খাসহগতং সীলং…পে॰… পত্থনং উপনিস্সায সুখসহগতেন চিত্তেন দানং দেতি…পে॰… নিগমঘাতং করোতি। উপেক্খাসহগতা সদ্ধা…পে॰… পত্থনা সুখসহগতায সদ্ধায…পে॰… পত্থনায সুখসহগতস্স কাযৰিঞ্ঞাণস্স উপনিস্সযপচ্চযেন পচ্চযো। (৩)
Upekkhāsahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (3)
উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – উপেক্খাসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে॰… দিট্ঠিং গণ্হাতি। উপেক্খাসহগতং সীলং…পে॰… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি…পে॰… নিগমঘাতং করোতি। উপেক্খাসহগতা সদ্ধা…পে॰… পত্থনা পীতিসহগতায চ সুখসহগতায চ সদ্ধায…পে॰… পত্থনায উপনিস্সযপচ্চযেন পচ্চযো। (৪)
Upekkhāsahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)
৩৬. পীতিসহগতো চ সুখসহগতো চ ধম্মা পীতিসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায পীতিসহগতেন চিত্তেন দানং দেতি…পে॰… দিট্ঠিং গণ্হাতি। পীতিসহগতঞ্চ সুখসহগতঞ্চ সীলং…পে॰… পত্থনং উপনিস্সায পীতিসহগতেন চিত্তেন দানং দেতি…পে॰… নিগমঘাতং করোতি। পীতিসহগতা চ সুখসহগতা চ সদ্ধা…পে॰… পত্থনা পীতিসহগতায সদ্ধায…পে॰… পত্থনায উপনিস্সযপচ্চযেন পচ্চযো। (১)
36. Pītisahagato ca sukhasahagato ca dhammā pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya saddhāya…pe… patthanāya upanissayapaccayena paccayo. (1)
পীতিসহগতো চ সুখসহগতো চ ধম্মা সুখসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায সুখসহগতেন চিত্তেন দানং দেতি…পে॰… দিট্ঠিং গণ্হাতি। পীতিসহগতঞ্চ সুখসহগতঞ্চ সীলং…পে॰… পত্থনং উপনিস্সায সুখসহগতেন চিত্তেন দানং দেতি…পে॰… নিগমঘাতং করোতি। পীতিসহগতা চ সুখসহগতা চ সদ্ধা…পে॰… পত্থনা সুখসহগতায সদ্ধায…পে॰… পত্থনায সুখসহগতস্স কাযৰিঞ্ঞাণস্স উপনিস্সযপচ্চযেন পচ্চযো। (২)
Pītisahagato ca sukhasahagato ca dhammā sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)
পীতিসহগতো চ সুখসহগতো চ ধম্মা উপেক্খাসহগতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায উপেক্খাসহগতেন চিত্তেন দানং দেতি …পে॰… অভিঞ্ঞং উপ্পাদেতি…পে॰… দিট্ঠিং গণ্হাতি। পীতিসহগতঞ্চ সুখসহগতঞ্চ সীলং…পে॰… পত্থনং উপনিস্সায উপেক্খাসহগতেন চিত্তেন দানং দেতি…পে॰… নিগমঘাতং করোতি। পীতিসহগতা চ সুখসহগতা চ সদ্ধা…পে॰… পত্থনা উপেক্খাসহগতায সদ্ধায…পে॰… পত্থনায উপনিস্সযপচ্চযেন পচ্চযো। (৩)
Pītisahagato ca sukhasahagato ca dhammā upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya upekkhāsahagatena cittena dānaṃ deti …pe… abhiññaṃ uppādeti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)
পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি, সীলং সমাদিযতি, উপোসথকম্মং করোতি। পীতিসহগতঞ্চ সুখসহগতঞ্চ ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি। পীতিসহগতঞ্চ সুখসহগতঞ্চ সীলং… সুতং… চাগং… পঞ্ঞং… রাগং… মোহং… মানং… দিট্ঠিং… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি, সীলং সমাদিযতি, উপোসথকম্মং করোতি। পীতিসহগতঞ্চ সুখসহগতঞ্চ ঝানং উপ্পাদেতি…পে॰… সমাপত্তিং উপ্পাদেতি। পীতিসহগতেন চ সুখসহগতেন চ চিত্তেন অদিন্নং আদিযতি, মুসা ভণতি, পিসুণং ভণতি, সম্ফং পলপতি, সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি। পীতিসহগতা চ সুখসহগতা চ সদ্ধা…পে॰… পত্থনা পীতিসহগতায চ সুখসহগতায চ সদ্ধায…পে॰… পত্থনায উপনিস্সযপচ্চযেন পচ্চযো। (৪)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagatañca sukhasahagatañca sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti…pe… samāpattiṃ uppādeti. Pītisahagatena ca sukhasahagatena ca cittena adinnaṃ ādiyati, musā bhaṇati, pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)
আসেৰনপচ্চযো
Āsevanapaccayo
৩৭. পীতিসহগতো ধম্মো পীতিসহগতস্স ধম্মস্স আসেৰনপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং পীতিসহগতানং খন্ধানং আসেৰনপচ্চযেন পচ্চযো। পীতিসহগতং অনুলোমং পীতিসহগতস্স গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো। (১)
37. Pītisahagato dhammo pītisahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ āsevanapaccayena paccayo. Pītisahagataṃ anulomaṃ pītisahagatassa gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)
পীতিসহগতো ধম্মো সুখসহগতস্স ধম্মস্স আসেৰনপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং সুখসহগতানং খন্ধানং আসেৰনপচ্চযেন পচ্চযো। পীতিসহগতং অনুলোমং সুখসহগতস্স গোত্রভুস্স আসেৰনপচ্চযেন পচ্চযো। পীতিসহগতং অনুলোমং সুখসহগতস্স ৰোদানস্স আসেৰনপচ্চযেন পচ্চযো। পীতিসহগতং গোত্রভু সুখসহগতস্স মগ্গস্স… পীতিসহগতং ৰোদানং সুখসহগতস্স মগ্গস্স আসেৰনপচ্চযেন পচ্চযো। (২)
Pītisahagato dhammo sukhasahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ āsevanapaccayena paccayo. Pītisahagataṃ anulomaṃ sukhasahagatassa gotrabhussa āsevanapaccayena paccayo. Pītisahagataṃ anulomaṃ sukhasahagatassa vodānassa āsevanapaccayena paccayo. Pītisahagataṃ gotrabhu sukhasahagatassa maggassa… pītisahagataṃ vodānaṃ sukhasahagatassa maggassa āsevanapaccayena paccayo. (2)
পীতিসহগতো ধম্মো পীতিসহগতস্স চ সুখসহগতস্স চ ধম্মস্স আসেৰনপচ্চযেন পচ্চযো – পুরিমা পুরিমা পীতিসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ আসেৰনপচ্চযেন পচ্চযো…পে॰… পীতিসহগতং ৰোদানং পীতিসহগতস্স চ সুখসহগতস্স চ মগ্গস্স আসেৰনপচ্চযেন পচ্চযো। (৩)
Pītisahagato dhammo pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca āsevanapaccayena paccayo…pe… pītisahagataṃ vodānaṃ pītisahagatassa ca sukhasahagatassa ca maggassa āsevanapaccayena paccayo. (3)
৩৮. সুখসহগতো ধম্মো সুখসহগতস্স ধম্মস্স…পে॰… পীতিসহগতস্স ধম্মস্স…পে॰… পীতিসহগতস্স চ সুখসহগতস্স চ ধম্মস্স আসেৰনপচ্চযেন পচ্চযো (সংখিত্তং। পীতিনযং পস্সিত্ৰা কাতব্বং)।
38. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo (saṃkhittaṃ. Pītinayaṃ passitvā kātabbaṃ).
উপেক্খাসহগতো ধম্মো উপেক্খাসহগতস্স ধম্মস্স আসেৰনপচ্চযেন পচ্চযো – পুরিমা পুরিমা উপেক্খাসহগতা খন্ধা পচ্ছিমানং পচ্ছিমানং উপেক্খাসহগতানং খন্ধানং…পে॰… উপেক্খাসহগতং ৰোদানং উপেক্খাসহগতস্স মগ্গস্স আসেৰনপচ্চযেন পচ্চযো। (১)
Upekkhāsahagato dhammo upekkhāsahagatassa dhammassa āsevanapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… upekkhāsahagataṃ vodānaṃ upekkhāsahagatassa maggassa āsevanapaccayena paccayo. (1)
৩৯. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে॰… সুখসহগতস্স ধম্মস্স…পে॰… পীতিসহগতস্স চ সুখসহগতস্স চ ধম্মস্স আসেৰনপচ্চযেন পচ্চযো – পুরিমা পুরিমা পীতিসহগতা চ সুখসহগতা চ খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং আসেৰনপচ্চযেন পচ্চযো…পে॰… পীতিসহগতঞ্চ সুখসহগতঞ্চ ৰোদানং পীতিসহগতস্স চ সুখসহগতস্স চ মগ্গস্স আসেৰনপচ্চযেন পচ্চযো। (৩)
39. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ āsevanapaccayena paccayo…pe… pītisahagatañca sukhasahagatañca vodānaṃ pītisahagatassa ca sukhasahagatassa ca maggassa āsevanapaccayena paccayo. (3)
কম্মপচ্চযো
Kammapaccayo
৪০. পীতিসহগতো ধম্মো পীতিসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা 1। সহজাতা – পীতিসহগতা চেতনা সম্পযুত্তকানং খন্ধানং কম্মপচ্চযেন পচ্চযো। পটিসন্ধিক্খণে পীতিসহগতা চেতনা সম্পযুত্তকানং খন্ধানং কম্মপচ্চযেন পচ্চযো। নানাক্খণিকা – পীতিসহগতা চেতনা ৰিপাকানং পীতিসহগতানং খন্ধানং কম্মপচ্চযেন পচ্চযো। (১)
40. Pītisahagato dhammo pītisahagatassa dhammassa kammapaccayena paccayo – sahajātā, nānākkhaṇikā 2. Sahajātā – pītisahagatā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ pītisahagatānaṃ khandhānaṃ kammapaccayena paccayo. (1)
পীতিসহগতো ধম্মো সুখসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – পীতিসহগতা চেতনা সম্পযুত্তকানং সুখসহগতানং খন্ধানং কম্মপচ্চযেন পচ্চযো। পটিসন্ধিক্খণে পীতিসহগতা চেতনা সম্পযুত্তকানং সুখসহগতানং খন্ধানং কম্মপচ্চযেন পচ্চযো। নানাক্খণিকা – পীতিসহগতা চেতনা ৰিপাকানং সুখসহগতানং খন্ধানং কম্মপচ্চযেন পচ্চযো। (২)
Pītisahagato dhammo sukhasahagatassa dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ sukhasahagatānaṃ khandhānaṃ kammapaccayena paccayo. (2)
পীতিসহগতো ধম্মো উপেক্খাসহগতস্স ধম্মস্স কম্মপচ্চযেন পচ্চযো। নানাক্খণিকা – পীতিসহগতা চেতনা ৰিপাকানং উপেক্খাসহগতানং খন্ধানং কম্মপচ্চযেন পচ্চযো। (৩)
Pītisahagato dhammo upekkhāsahagatassa dhammassa kammapaccayena paccayo. Nānākkhaṇikā – pītisahagatā cetanā vipākānaṃ upekkhāsahagatānaṃ khandhānaṃ kammapaccayena paccayo. (3)
পীতিসহগতো ধম্মো পীতিসহগতস্স চ সুখসহগতস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – পীতিসহগতা চেতনা সম্পযুত্তকানং পীতিসহগতানঞ্চ সুখসহগতানঞ্চ খন্ধানং কম্মপচ্চযেন পচ্চযো। পটিসন্ধিক্খণে …পে॰…। নানাক্খণিকা – পীতিসহগতা চেতনা ৰিপাকানং পীতিসহগতানঞ্চ সুখসহগতানঞ্চ খন্ধানং কম্মপচ্চযেন পচ্চযো। (৪)
Pītisahagato dhammo pītisahagatassa ca sukhasahagatassa ca dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ pītisahagatānañca sukhasahagatānañca khandhānaṃ kammapaccayena paccayo. Paṭisandhikkhaṇe …pe…. Nānākkhaṇikā – pītisahagatā cetanā vipākānaṃ pītisahagatānañca sukhasahagatānañca khandhānaṃ kammapaccayena paccayo. (4)
৪১. সুখসহগতো ধম্মো সুখসহগতস্স ধম্মস্স (চত্তারিপি গণনানি পস্সিত্ৰা কাতব্বানি)।
41. Sukhasahagato dhammo sukhasahagatassa dhammassa (cattāripi gaṇanāni passitvā kātabbāni).
৪২. উপেক্খাসহগতো ধম্মো উপেক্খাসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা…পে॰…।
42. Upekkhāsahagato dhammo upekkhāsahagatassa dhammassa kammapaccayena paccayo – sahajātā, nānākkhaṇikā…pe….
উপেক্খাসহগতো ধম্মো পীতিসহগতস্স ধম্মস্স কম্মপচ্চযেন পচ্চযো। নানাক্খণিকা – উপেক্খাসহগতা চেতনা…পে॰…।
Upekkhāsahagato dhammo pītisahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….
উপেক্খাসহগতো ধম্মো সুখসহগতস্স ধম্মস্স কম্মপচ্চযেন পচ্চযো। নানাক্খণিকা – উপেক্খাসহগতা চেতনা…পে॰…।
Upekkhāsahagato dhammo sukhasahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….
উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স কম্মপচ্চযেন পচ্চযো। নানাক্খণিকা – উপেক্খাসহগতা চেতনা…পে॰…। (৪)
Upekkhāsahagato dhammo pītisahagatassa ca sukhasahagatassa ca dhammassa kammapaccayena paccayo. Nānākkhaṇikā – upekkhāsahagatā cetanā…pe…. (4)
পীতিসহগতো চ সুখসহগতো চ ধম্মা পীতিসহগতস্স ধম্মস্স (চত্তারি কাতব্বানি, পীতিসহগতং অনুমজ্জন্তেন ৰিভজিতব্বং)। (৪)
Pītisahagato ca sukhasahagato ca dhammā pītisahagatassa dhammassa (cattāri kātabbāni, pītisahagataṃ anumajjantena vibhajitabbaṃ). (4)
ৰিপাকপচ্চযো
Vipākapaccayo
৪৩. পীতিসহগতো ধম্মো পীতিসহগতস্স ধম্মস্স ৰিপাকপচ্চযেন পচ্চযো – পীতিসহগতো ৰিপাকো একো খন্ধো তিণ্ণন্নং খন্ধানং ৰিপাকপচ্চযেন পচ্চযো…পে॰… দ্ৰে খন্ধা দ্ৰিন্নং খন্ধানং…পে॰… পটিসন্ধিক্খণে পীতিসহগতো একো খন্ধো তিণ্ণন্নং খন্ধানং…পে॰… দ্ৰে খন্ধা দ্ৰিন্নং খন্ধানং…পে॰…।
43. Pītisahagato dhammo pītisahagatassa dhammassa vipākapaccayena paccayo – pītisahagato vipāko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe pītisahagato eko khandho tiṇṇannaṃ khandhānaṃ…pe… dve khandhā dvinnaṃ khandhānaṃ…pe….
(যথা পটিচ্চৰারে হেতুপচ্চযে এৰং ৰিত্থারেতব্বা দস পঞ্হা।)
(Yathā paṭiccavāre hetupaccaye evaṃ vitthāretabbā dasa pañhā.)
আহারপচ্চযাদি
Āhārapaccayādi
৪৪. পীতিসহগতো ধম্মো পীতিসহগতস্স ধম্মস্স আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… অত্থিপচ্চযেন পচ্চযো… (দস পঞ্হা ৰিত্থারেতব্বা) নত্থিপচ্চযেন পচ্চযো… ৰিগতপচ্চযেন পচ্চযো… (নত্থিপি ৰিগতম্পি অনন্তরসদিসং) অৰিগতপচ্চযেন পচ্চযো।
44. Pītisahagato dhammo pītisahagatassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… atthipaccayena paccayo… (dasa pañhā vitthāretabbā) natthipaccayena paccayo… vigatapaccayena paccayo… (natthipi vigatampi anantarasadisaṃ) avigatapaccayena paccayo.
১. পচ্চযানুলোমং
1. Paccayānulomaṃ
২. সঙ্খ্যাৰারো
2. Saṅkhyāvāro
সুদ্ধং
Suddhaṃ
৪৫. হেতুযা দস, আরম্মণে সোল়স, অধিপতিযা সোল়স, অনন্তরে সোল়স, সমনন্তরে সোল়স, সহজাতে দস, অঞ্ঞমঞ্ঞে দস, নিস্সযে দস, উপনিস্সযে সোল়স, আসেৰনে দস, কম্মে সোল়স, ৰিপাকে দস, আহারে ইন্দ্রিযে ঝানে মগ্গে সম্পযুত্তে অত্থিযা দস, নত্থিযা সোল়স, ৰিগতে সোল়স, অৰিগতে দস।
45. Hetuyā dasa, ārammaṇe soḷasa, adhipatiyā soḷasa, anantare soḷasa, samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre indriye jhāne magge sampayutte atthiyā dasa, natthiyā soḷasa, vigate soḷasa, avigate dasa.
(কুসলত্তিকং অনুলোমং অনুমজ্জন্তেন গণেতব্বং।)
(Kusalattikaṃ anulomaṃ anumajjantena gaṇetabbaṃ.)
অনুলোমং।
Anulomaṃ.
পচ্চনীযুদ্ধারো
Paccanīyuddhāro
৪৬. পীতিসহগতো ধম্মো পীতিসহগতস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (১)
46. Pītisahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
পীতিসহগতো ধম্মো সুখসহগতস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (২)
Pītisahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)
পীতিসহগতো ধম্মো উপেক্খাসহগতস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (৩)
Pītisahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
পীতিসহগতো ধম্মো পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (৪)
Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)
৪৭. সুখসহগতো ধম্মো সুখসহগতস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (১)
47. Sukhasahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
সুখসহগতো ধম্মো পীতিসহগতস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (২)
Sukhasahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)
সুখসহগতো ধম্মো উপেক্খাসহগতস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (৩)
Sukhasahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
সুখসহগতো ধম্মো পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (৪)
Sukhasahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)
৪৮. উপেক্খাসহগতো ধম্মো উপেক্খাসহগতস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (১)
48. Upekkhāsahagato dhammo upekkhāsahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
উপেক্খাসহগতো ধম্মো পীতিসহগতস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (২)
Upekkhāsahagato dhammo pītisahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)
উপেক্খাসহগতো ধম্মো সুখসহগতস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (৩)
Upekkhāsahagato dhammo sukhasahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (৪)
Upekkhāsahagato dhammo pītisahagatassa ca sukhasahagatassa ca dhammassa ārammaṇapaccayena paccayo… upanissayapaccayena paccayo… kammapaccayena paccayo. (4)
৪৯. পীতিসহগতো চ সুখসহগতো চ ধম্মা পীতিসহগতস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (১)
49. Pītisahagato ca sukhasahagato ca dhammā pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
পীতিসহগতো চ সুখসহগতো চ ধম্মা সুখসহগতস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (২)
Pītisahagato ca sukhasahagato ca dhammā sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)
পীতিসহগতো চ সুখসহগতো চ ধম্মা উপেক্খাসহগতস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (৩)
Pītisahagato ca sukhasahagato ca dhammā upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো। (৪)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)
২. পচ্চযপচ্চনীযং
2. Paccayapaccanīyaṃ
২. সঙ্খ্যাৰারো
2. Saṅkhyāvāro
সুদ্ধং
Suddhaṃ
৫০. নহেতুযা সোল়স, নআরম্মণে নঅধিপতিযা নঅনন্তরে নসমনন্তরে নসহজাতে নঅঞ্ঞমঞ্ঞে ননিস্সযে নউপনিস্সযে নপুরেজাতে নপচ্ছাজাতে নআসেৰনে নকম্মে নৰিপাকে নআহারে নইন্দ্রিযে নঝানে নমগ্গে নসম্পযুত্তে নৰিপ্পযুত্তে নোঅত্থিযা নোনত্থিযা নোৰিগতে নোঅৰিগতে সব্বত্থ সোল়স।
50. Nahetuyā soḷasa, naārammaṇe naadhipatiyā naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate sabbattha soḷasa.
(পচ্চনীযং অনুমজ্জন্তেন গণেতব্বং।)
(Paccanīyaṃ anumajjantena gaṇetabbaṃ.)
পচ্চনীযং।
Paccanīyaṃ.
৩. পচ্চযানুলোমপচ্চনীযং
3. Paccayānulomapaccanīyaṃ
দুকং
Dukaṃ
৫১. হেতুপচ্চযা নআরম্মণে দস, নঅধিপতিযা দস, নঅনন্তরে নসমনন্তরে নউপনিস্সযে নপুরেজাতে নপচ্ছাজাতে নআসেৰনে নকম্মে নৰিপাকে নআহারে নইন্দ্রিযে নঝানে নমগ্গে নৰিপ্পযুত্তে নোনত্থিযা নোৰিগতে সব্বত্থ দস।
51. Hetupaccayā naārammaṇe dasa, naadhipatiyā dasa, naanantare nasamanantare naupanissaye napurejāte napacchājāte naāsevane nakamme navipāke naāhāre naindriye najhāne namagge navippayutte nonatthiyā novigate sabbattha dasa.
(অনুলোমপচ্চনীযং অনুমজ্জন্তেন গণেতব্বং।)
(Anulomapaccanīyaṃ anumajjantena gaṇetabbaṃ.)
অনুলোমপচ্চনীযং।
Anulomapaccanīyaṃ.
৪. পচ্চযপচ্চনীযানুলোমং
4. Paccayapaccanīyānulomaṃ
দুকং
Dukaṃ
৫২. নহেতুপচ্চযা আরম্মণে সোল়স, অধিপতিযা অনন্তরে সমনন্তরে সোল়স, সহজাতে দস, অঞ্ঞমঞ্ঞে দস, নিস্সযে দস, উপনিস্সযে সোল়স, আসেৰনে দস, কম্মে সোল়স, ৰিপাকে দস, আহারে দস, ইন্দ্রিযে দস, ঝানে দস, মগ্গে দস, সম্পযুত্তে দস, অত্থিযা দস, নত্থিযা সোল়স, ৰিগতে সোল়স, অৰিগতে দস।
52. Nahetupaccayā ārammaṇe soḷasa, adhipatiyā anantare samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre dasa, indriye dasa, jhāne dasa, magge dasa, sampayutte dasa, atthiyā dasa, natthiyā soḷasa, vigate soḷasa, avigate dasa.
(পচ্চনীযানুলোমং অনুমজ্জন্তেন গণেতব্বং।)
(Paccanīyānulomaṃ anumajjantena gaṇetabbaṃ.)
পচ্চনীযানুলোমং।
Paccanīyānulomaṃ.
পীতিত্তিকং নিট্ঠিতং।
Pītittikaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫-২২. সঙ্কিলিট্ঠত্তিকাদিৰণ্ণনা • 5-22. Saṅkiliṭṭhattikādivaṇṇanā
