| Library / Tipiṭaka / तिपिटक • Tipiṭaka / पट्ठानपाळि • Paṭṭhānapāḷi |
७. पीतित्तिकं
7. Pītittikaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१. पीतिसहगतं धम्मं पटिच्च पीतिसहगतो धम्मो उप्पज्जति हेतुपच्चया – पीतिसहगतं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा। पटिसन्धिक्खणे पीतिसहगतं एकं खन्धं पटिच्च तयो खन्धा…पे॰… द्वे खन्धे पटिच्च द्वे खन्धा। (१)
1. Pītisahagataṃ dhammaṃ paṭicca pītisahagato dhammo uppajjati hetupaccayā – pītisahagataṃ ekaṃ khandhaṃ paṭicca tayo khandhā, tayo khandhe paṭicca eko khandho, dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
पीतिसहगतं धम्मं पटिच्च सुखसहगतो धम्मो उप्पज्जति हेतुपच्चया – पीतिसहगतं एकं खन्धं पटिच्च सुखसहगता तयो खन्धा…पे॰… द्वे खन्धे पटिच्च द्वे खन्धा। पटिसन्धिक्खणे पीतिसहगतं एकं खन्धं पटिच्च सुखसहगता तयो खन्धा…पे॰… द्वे खन्धे पटिच्च द्वे खन्धा। (२)
Pītisahagataṃ dhammaṃ paṭicca sukhasahagato dhammo uppajjati hetupaccayā – pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)
पीतिसहगतं धम्मं पटिच्च पीतिसहगतो च सुखसहगतो च धम्मा उप्पज्जन्ति हेतुपच्चया – पीतिसहगतं एकं खन्धं पटिच्च पीतिसहगता च सुखसहगता च तयो खन्धा…पे॰… द्वे खन्धे पटिच्च द्वे खन्धा। पटिसन्धिक्खणे पीतिसहगतं एकं खन्धं पटिच्च पीतिसहगता च सुखसहगता च तयो खन्धा …पे॰… द्वे खन्धे पटिच्च द्वे खन्धा। (३)
Pītisahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā …pe… dve khandhe paṭicca dve khandhā. (3)
२. सुखसहगतं धम्मं पटिच्च सुखसहगतो धम्मो उप्पज्जति हेतुपच्चया – सुखसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो। पटिसन्धिक्खणे सुखसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो। (१)
2. Sukhasahagataṃ dhammaṃ paṭicca sukhasahagato dhammo uppajjati hetupaccayā – sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)
सुखसहगतं धम्मं पटिच्च पीतिसहगतो धम्मो उप्पज्जति हेतुपच्चया – सुखसहगतं एकं खन्धं पटिच्च पीतिसहगता तयो खन्धा…पे॰… द्वे खन्धे पटिच्च द्वे खन्धा। पटिसन्धिक्खणे सुखसहगतं एकं खन्धं पटिच्च पीतिसहगता तयो खन्धा…पे॰… द्वे खन्धे पटिच्च द्वे खन्धा। (२)
Sukhasahagataṃ dhammaṃ paṭicca pītisahagato dhammo uppajjati hetupaccayā – sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)
सुखसहगतं धम्मं पटिच्च पीतिसहगतो च सुखसहगतो च धम्मा उप्पज्जन्ति हेतुपच्चया – सुखसहगतं एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो। पटिसन्धिक्खणे सुखसहगतं एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो। (३)
Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)
३. उपेक्खासहगतं धम्मं पटिच्च उपेक्खासहगतो धम्मो उप्पज्जति हेतुपच्चया – उपेक्खासहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो। पटिसन्धिक्खणे…पे॰…। (१)
3. Upekkhāsahagataṃ dhammaṃ paṭicca upekkhāsahagato dhammo uppajjati hetupaccayā – upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe…pe…. (1)
पीतिसहगतञ्च सुखसहगतञ्च धम्मं पटिच्च पीतिसहगतो धम्मो उप्पज्जति हेतुपच्चया – पीतिसहगतञ्च सुखसहगतञ्च एकं खन्धं पटिच्च पीतिसहगता तयो खन्धा…पे॰… द्वे खन्धे पटिच्च द्वे खन्धा। पटिसन्धिक्खणे पीतिसहगतञ्च सुखसहगतञ्च एकं खन्धं पटिच्च पीतिसहगता तयो खन्धा…पे॰… द्वे खन्धे पटिच्च द्वे खन्धा। (१)
Pītisahagatañca sukhasahagatañca dhammaṃ paṭicca pītisahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)
पीतिसहगतञ्च सुखसहगतञ्च धम्मं पटिच्च सुखसहगतो धम्मो उप्पज्जति हेतुपच्चया – पीतिसहगतञ्च सुखसहगतञ्च एकं खन्धं पटिच्च सुखसहगता द्वे खन्धा, द्वे खन्धे पटिच्च एको खन्धो। पटिसन्धिक्खणे पीतिसहगतञ्च सुखसहगतञ्च एकं खन्धं पटिच्च सुखसहगता द्वे खन्धा, द्वे खन्धे पटिच्च एको खन्धो। (२)
Pītisahagatañca sukhasahagatañca dhammaṃ paṭicca sukhasahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)
पीतिसहगतञ्च सुखसहगतञ्च धम्मं पटिच्च पीतिसहगतो च सुखसहगतो च धम्मा उप्पज्जन्ति हेतुपच्चया – पीतिसहगतञ्च सुखसहगतञ्च एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो। पटिसन्धिक्खणे पीतिसहगतञ्च सुखसहगतञ्च एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो। (३)
Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)
आरम्मणपच्चयादि
Ārammaṇapaccayādi
४. पीतिसहगतं धम्मं पटिच्च पीतिसहगतो धम्मो उप्पज्जति आरम्मणपच्चया… अधिपतिपच्चया… (पटिसन्धिक्खणे नत्थि) अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… (पुरेजाते पटिसन्धिक्खणे नत्थि) आसेवनपच्चया… (आसेवने विपाकं नत्थि) कम्मपच्चया… विपाकपच्चया… आहार…पे॰… इन्द्रिय… झान… मग्ग… सम्पयुत्त… विप्पयुत्त… अत्थि… नत्थि… विगत… अविगतपच्चया।
4. Pītisahagataṃ dhammaṃ paṭicca pītisahagato dhammo uppajjati ārammaṇapaccayā… adhipatipaccayā… (paṭisandhikkhaṇe natthi) anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā… (purejāte paṭisandhikkhaṇe natthi) āsevanapaccayā… (āsevane vipākaṃ natthi) kammapaccayā… vipākapaccayā… āhāra…pe… indriya… jhāna… magga… sampayutta… vippayutta… atthi… natthi… vigata… avigatapaccayā.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
५. हेतुया दस, आरम्मणे दस, अधिपतिया दस, अनन्तरे समनन्तरे सहजाते अञ्ञमञ्ञे निस्सये उपनिस्सये पुरेजाते आसेवने कम्मे विपाके आहारे इन्द्रिये झाने मग्गे सम्पयुत्ते विप्पयुत्ते अत्थिया नत्थिया विगते अविगते सब्बत्थ दस।
5. Hetuyā dasa, ārammaṇe dasa, adhipatiyā dasa, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate sabbattha dasa.
(एवं अनुलोमगणना गणेतब्बा।)
(Evaṃ anulomagaṇanā gaṇetabbā.)
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
६. पीतिसहगतं धम्मं पटिच्च पीतिसहगतो धम्मो उप्पज्जति नहेतुपच्चया – अहेतुकं पीतिसहगतं एकं खन्धं पटिच्च तयो खन्धा…पे॰… द्वे खन्धे पटिच्च द्वे खन्धा। (१)
6. Pītisahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
पीतिसहगतं धम्मं पटिच्च सुखसहगतो धम्मो उप्पज्जति नहेतुपच्चया – अहेतुकं पीतिसहगतं एकं खन्धं पटिच्च सुखसहगता तयो खन्धा…पे॰… द्वे खन्धे पटिच्च द्वे खन्धा। (२)
Pītisahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)
पीतिसहगतं धम्मं पटिच्च पीतिसहगतो च सुखसहगतो च धम्मा उप्पज्जन्ति नहेतुपच्चया – अहेतुकं पीतिसहगतं एकं खन्धं पटिच्च पीतिसहगता च सुखसहगता च तयो खन्धा…पे॰… द्वे खन्धे पटिच्च द्वे खन्धा। (३)
Pītisahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. (3)
७. सुखसहगतं धम्मं पटिच्च सुखसहगतो धम्मो उप्पज्जति नहेतुपच्चया – अहेतुकं सुखसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो। (१)
7. Sukhasahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)
सुखसहगतं धम्मं पटिच्च पीतिसहगतो धम्मो उप्पज्जति नहेतुपच्चया – अहेतुकं सुखसहगतं एकं खन्धं पटिच्च पीतिसहगता तयो खन्धा…पे॰… द्वे खन्धे पटिच्च द्वे खन्धा। (२)
Sukhasahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)
सुखसहगतं धम्मं पटिच्च पीतिसहगतो च सुखसहगतो च धम्मा उप्पज्जन्ति नहेतुपच्चया – अहेतुकं सुखसहगतं एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो। (३)
Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)
८. उपेक्खासहगतं धम्मं पटिच्च उपेक्खासहगतो धम्मो उप्पज्जति नहेतुपच्चया – अहेतुकं उपेक्खासहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो। अहेतुकपटिसन्धिक्खणे उपेक्खासहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो। विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
8. Upekkhāsahagataṃ dhammaṃ paṭicca upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Ahetukapaṭisandhikkhaṇe upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
९. पीतिसहगतञ्च सुखसहगतञ्च धम्मं पटिच्च पीतिसहगतो धम्मो उप्पज्जति नहेतुपच्चया – अहेतुकं पीतिसहगतञ्च सुखसहगतञ्च एकं खन्धं पटिच्च पीतिसहगता तयो खन्धा…पे॰… द्वे खन्धे पटिच्च द्वे खन्धा। (१)
9. Pītisahagatañca sukhasahagatañca dhammaṃ paṭicca pītisahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)
पीतिसहगतञ्च सुखसहगतञ्च धम्मं पटिच्च सुखसहगतो धम्मो उप्पज्जति नहेतुपच्चया – अहेतुकं पीतिसहगतञ्च सुखसहगतञ्च एकं खन्धं पटिच्च सुखसहगता द्वे खन्धा, द्वे खन्धे पटिच्च एको खन्धो। (२)
Pītisahagatañca sukhasahagatañca dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)
पीतिसहगतञ्च सुखसहगतञ्च धम्मं पटिच्च पीतिसहगतो च सुखसहगतो च धम्मा उप्पज्जन्ति नहेतुपच्चया – अहेतुकं पीतिसहगतञ्च सुखसहगतञ्च एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो। (३)
Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)
नअधिपति-नआसेवनपच्चया
Naadhipati-naāsevanapaccayā
१०. पीतिसहगतं धम्मं पटिच्च पीतिसहगतो धम्मो उप्पज्जति नअधिपतिपच्चया (नअधिपतिपटिसन्धिक्खणे परिपुण्णं)… नपुरेजातपच्चया… (‘‘अरूपे’’ति नियामेतब्बं ‘‘पटिसन्धिक्खणे’’ति च) नपच्छाजातपच्चया… नआसेवनपच्चया।
10. Pītisahagataṃ dhammaṃ paṭicca pītisahagato dhammo uppajjati naadhipatipaccayā (naadhipatipaṭisandhikkhaṇe paripuṇṇaṃ)… napurejātapaccayā… (‘‘arūpe’’ti niyāmetabbaṃ ‘‘paṭisandhikkhaṇe’’ti ca) napacchājātapaccayā… naāsevanapaccayā.
नकम्मपच्चयो
Nakammapaccayo
११. पीतिसहगतं धम्मं पटिच्च पीतिसहगतो धम्मो उप्पज्जति नकम्मपच्चया – पीतिसहगते खन्धे पटिच्च पीतिसहगता चेतना।
11. Pītisahagataṃ dhammaṃ paṭicca pītisahagato dhammo uppajjati nakammapaccayā – pītisahagate khandhe paṭicca pītisahagatā cetanā.
पीतिसहगतं धम्मं पटिच्च सुखसहगतो धम्मो उप्पज्जति नकम्मपच्चया – पीतिसहगते खन्धे पटिच्च सुखसहगता चेतना।
Pītisahagataṃ dhammaṃ paṭicca sukhasahagato dhammo uppajjati nakammapaccayā – pītisahagate khandhe paṭicca sukhasahagatā cetanā.
(इमिना कारणेन दस पञ्हा वित्थारेतब्बा।)
(Iminā kāraṇena dasa pañhā vitthāretabbā.)
नविपाकपच्चयो
Navipākapaccayo
१२. पीतिसहगतं धम्मं पटिच्च पीतिसहगतो धम्मो उप्पज्जति नविपाकपच्चया…पे॰… (परिपुण्णं, पटिसन्धि नत्थि)।
12. Pītisahagataṃ dhammaṃ paṭicca pītisahagato dhammo uppajjati navipākapaccayā…pe… (paripuṇṇaṃ, paṭisandhi natthi).
नझानपच्चयादि
Najhānapaccayādi
१३. सुखसहगतं धम्मं पटिच्च सुखसहगतो धम्मो उप्पज्जति नझानपच्चया – सुखसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो। (१)
13. Sukhasahagataṃ dhammaṃ paṭicca sukhasahagato dhammo uppajjati najhānapaccayā – sukhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)
उपेक्खासहगतं धम्मं पटिच्च उपेक्खासहगतो धम्मो उप्पज्जति नझानपच्चया – चतुविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो। (१)
Upekkhāsahagataṃ dhammaṃ paṭicca upekkhāsahagato dhammo uppajjati najhānapaccayā – catuviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)
(नमग्गपच्चया नहेतुपच्चयसदिसं। मोहो नत्थि। नविप्पयुत्तपच्चया परिपुण्णं अरूपपञ्हमेव।)
(Namaggapaccayā nahetupaccayasadisaṃ. Moho natthi. Navippayuttapaccayā paripuṇṇaṃ arūpapañhameva.)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१४. नहेतुया दस, नअधिपतिया दस, नपुरेजाते नपच्छाजाते नआसेवने नकम्मे नविपाके दस, नझाने द्वे, नमग्गे दस, नविप्पयुत्ते दस (पच्चनीयं परिपुण्णं कातब्बं)।
14. Nahetuyā dasa, naadhipatiyā dasa, napurejāte napacchājāte naāsevane nakamme navipāke dasa, najhāne dve, namagge dasa, navippayutte dasa (paccanīyaṃ paripuṇṇaṃ kātabbaṃ).
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
दुकं
Dukaṃ
१५. हेतुपच्चया नअधिपतिया दस, नपुरेजाते दस, नपच्छाजाते नआसेवने नकम्मे नविपाके नविप्पयुत्ते दस।
15. Hetupaccayā naadhipatiyā dasa, napurejāte dasa, napacchājāte naāsevane nakamme navipāke navippayutte dasa.
(अनुलोमपच्चनीयं वित्थारेन गणेतब्बं।)
(Anulomapaccanīyaṃ vitthārena gaṇetabbaṃ.)
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
दुकं
Dukaṃ
१६. नहेतुपच्चया आरम्मणे दस, अनन्तरे दस, समनन्तरे दस, सहजाते अञ्ञमञ्ञे निस्सये उपनिस्सये पुरेजाते आसेवने कम्मे विपाके आहारे इन्द्रिये झाने सब्बे दस, मग्गे एकं, सम्पयुत्ते दस, विप्पयुत्ते अत्थिया नत्थिया विगते अविगते सब्बे दस।
16. Nahetupaccayā ārammaṇe dasa, anantare dasa, samanantare dasa, sahajāte aññamaññe nissaye upanissaye purejāte āsevane kamme vipāke āhāre indriye jhāne sabbe dasa, magge ekaṃ, sampayutte dasa, vippayutte atthiyā natthiyā vigate avigate sabbe dasa.
पच्चनीयानुलोमं।
Paccanīyānulomaṃ.
पटिच्चवारो।
Paṭiccavāro.
२-६. सहजात-पच्चय-निस्सय-संसट्ठ-सम्पयुत्तवारो
2-6. Sahajāta-paccaya-nissaya-saṃsaṭṭha-sampayuttavāro
(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा।)
(Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१७. पीतिसहगतो धम्मो पीतिसहगतस्स धम्मस्स हेतुपच्चयेन पच्चयो – पीतिसहगता हेतू सम्पयुत्तकानं खन्धानं हेतुपच्चयेन पच्चयो। पटिसन्धिक्खणे पीतिसहगता हेतू सम्पयुत्तकानं खन्धानं हेतुपच्चयेन पच्चयो। (१)
17. Pītisahagato dhammo pītisahagatassa dhammassa hetupaccayena paccayo – pītisahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe pītisahagatā hetū sampayuttakānaṃ khandhānaṃ hetupaccayena paccayo. (1)
पीतिसहगतो धम्मो सुखसहगतस्स धम्मस्स हेतुपच्चयेन पच्चयो – पीतिसहगता हेतू सम्पयुत्तकानं सुखसहगतानं खन्धानं हेतुपच्चयेन पच्चयो। पटिसन्धिक्खणे…पे॰…। (२)
Pītisahagato dhammo sukhasahagatassa dhammassa hetupaccayena paccayo – pītisahagatā hetū sampayuttakānaṃ sukhasahagatānaṃ khandhānaṃ hetupaccayena paccayo. Paṭisandhikkhaṇe…pe…. (2)
पीतिसहगतो धम्मो पीतिसहगतस्स च सुखसहगतस्स च धम्मस्स हेतुपच्चयेन पच्चयो – पीतिसहगता हेतू सम्पयुत्तकानं पीतिसहगतानञ्च सुखसहगतानञ्च खन्धानं हेतुपच्चयेन पच्चयो। पटिसन्धिक्खणे…पे॰…। (३)
Pītisahagato dhammo pītisahagatassa ca sukhasahagatassa ca dhammassa hetupaccayena paccayo – pītisahagatā hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (3)
१८. सुखसहगतो धम्मो सुखसहगतस्स धम्मस्स…पे॰… पीतिसहगतस्स धम्मस्स…पे॰… पीतिसहगतस्स च सुखसहगतस्स च धम्मस्स…पे॰… (सुखमूले तीणि)।
18. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa…pe… (sukhamūle tīṇi).
उपेक्खासहगतो धम्मो उपेक्खासहगतस्स धम्मस्स हेतुपच्चयेन पच्चयो – उपेक्खासहगता हेतू सम्पयुत्तकानं खन्धानं हेतुपच्चयेन पच्चयो। पटिसन्धिक्खणे…पे॰…। (१)
Upekkhāsahagato dhammo upekkhāsahagatassa dhammassa hetupaccayena paccayo – upekkhāsahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe…pe…. (1)
पीतिसहगतो च सुखसहगतो च धम्मा पीतिसहगतस्स धम्मस्स…पे॰… सुखसहगतस्स धम्मस्स…पे॰… पीतिसहगतस्स च सुखसहगतस्स च धम्मस्स हेतुपच्चयेन पच्चयो – पीतिसहगता च सुखसहगता च हेतू सम्पयुत्तकानं पीतिसहगतानञ्च सुखसहगतानञ्च खन्धानं हेतुपच्चयेन पच्चयो। पटिसन्धिक्खणे…पे॰…। (२)
Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa hetupaccayena paccayo – pītisahagatā ca sukhasahagatā ca hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (2)
आरम्मणपच्चयो
Ārammaṇapaccayo
१९. पीतिसहगतो धम्मो पीतिसहगतस्स धम्मस्स आरम्मणपच्चयेन पच्चयो – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा तं पीतिसहगतेन चित्तेन पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं पीतिसहगतेन चित्तेन पच्चवेक्खति। अरिया पीतिसहगतेन चित्तेन पीतिसहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। पीतिसहगते खन्धे पीतिसहगतेन चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ पीतिसहगतो रागो उप्पज्जति, दिट्ठि उप्पज्जति। पीतिसहगते खन्धे आरब्भ पीतिसहगता खन्धा उप्पज्जन्ति। (१)
19. Pītisahagato dhammo pītisahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena cittena paccavekkhati. Ariyā pītisahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe pītisahagatena cittena aniccato dukkhato anattato vipassanti assādenti abhinandanti; taṃ ārabbha pītisahagato rāgo uppajjati, diṭṭhi uppajjati. Pītisahagate khandhe ārabbha pītisahagatā khandhā uppajjanti. (1)
पीतिसहगतो धम्मो सुखसहगतस्स धम्मस्स आरम्मणपच्चयेन पच्चयो – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा तं सुखसहगतेन चित्तेन पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं सुखसहगतेन चित्तेन पच्चवेक्खति। अरिया सुखसहगतेन चित्तेन पीतिसहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। पीतिसहगते खन्धे सुखसहगतेन चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ सुखसहगतो रागो उप्पज्जति, दिट्ठि उप्पज्जति। पीतिसहगते खन्धे आरब्भ सुखसहगता खन्धा उप्पज्जन्ति। (२)
Pītisahagato dhammo sukhasahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ sukhasahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ sukhasahagatena cittena paccavekkhati. Ariyā sukhasahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe sukhasahagatena cittena aniccato dukkhato anattato vipassanti assādenti abhinandanti; taṃ ārabbha sukhasahagato rāgo uppajjati, diṭṭhi uppajjati. Pītisahagate khandhe ārabbha sukhasahagatā khandhā uppajjanti. (2)
पीतिसहगतो धम्मो उपेक्खासहगतस्स धम्मस्स आरम्मणपच्चयेन पच्चयो – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा तं उपेक्खासहगतेन चित्तेन पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं उपेक्खासहगतेन चित्तेन पच्चवेक्खति। अरिया उपेक्खासहगतेन चित्तेन पीतिसहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। पीतिसहगते खन्धे उपेक्खासहगतेन चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ उपेक्खासहगतो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति। चेतोपरियञाणेन पीतिसहगतचित्तसमङ्गिस्स चित्तं जानन्ति, पीतिसहगता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। पीतिसहगते खन्धे आरब्भ उपेक्खासहगता खन्धा उप्पज्जन्ति। (३)
Pītisahagato dhammo upekkhāsahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatacittasamaṅgissa cittaṃ jānanti, pītisahagatā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate khandhe ārabbha upekkhāsahagatā khandhā uppajjanti. (3)
पीतिसहगतो धम्मो पीतिसहगतस्स च सुखसहगतस्स च धम्मस्स आरम्मणपच्चयेन पच्चयो – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा तं पीतिसहगतेन च सुखसहगतेन च चित्तेन पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं पीतिसहगतेन च सुखसहगतेन च चित्तेन पच्चवेक्खति। अरिया पीतिसहगतेन च सुखसहगतेन च चित्तेन पीतिसहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति , पुब्बे समुदाचिण्णे किलेसे जानन्ति। पीतिसहगते खन्धे पीतिसहगतेन च सुखसहगतेन च चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ पीतिसहगतो च सुखसहगतो च रागो उप्पज्जति, दिट्ठि उप्पज्जति। पीतिसहगते खन्धे आरब्भ पीतिसहगता च सुखसहगता च खन्धा उप्पज्जन्ति। (४)
Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena pītisahagate pahīne kilese paccavekkhanti, vikkhambhite kilese paccavekkhanti , pubbe samudāciṇṇe kilese jānanti. Pītisahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Pītisahagate khandhe ārabbha pītisahagatā ca sukhasahagatā ca khandhā uppajjanti. (4)
२०. सुखसहगतो धम्मो सुखसहगतस्स धम्मस्स आरम्मणपच्चयेन पच्चयो… सुखसहगतो धम्मो पीतिसहगतस्स धम्मस्स…पे॰… उपेक्खासहगतस्स धम्मस्स…पे॰… पीतिसहगतस्स च सुखसहगतस्स च धम्मस्स आरम्मणपच्चयेन पच्चयो – सुखसहगते खन्धे आरब्भ पीतिसहगता च सुखसहगता च खन्धा उप्पज्जन्ति। (४)
20. Sukhasahagato dhammo sukhasahagatassa dhammassa ārammaṇapaccayena paccayo… sukhasahagato dhammo pītisahagatassa dhammassa…pe… upekkhāsahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – sukhasahagate khandhe ārabbha pītisahagatā ca sukhasahagatā ca khandhā uppajjanti. (4)
उपेक्खासहगतो धम्मो उपेक्खासहगतस्स धम्मस्स आरम्मणपच्चयेन पच्चयो – उपेक्खासहगतेन चित्तेन दानं दत्वा सीलं समादियित्वा उपोसथकम्मं कत्वा तं उपेक्खासहगतेन चित्तेन पच्चवेक्खति, उपेक्खासहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं उपेक्खासहगतेन चित्तेन पच्चवेक्खति। अरिया उपेक्खासहगतेन चित्तेन उपेक्खासहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। उपेक्खासहगते खन्धे उपेक्खासहगतेन चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ उपेक्खासहगतो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति। चेतोपरियञाणेन उपेक्खासहगतचित्तसमङ्गिस्स चित्तं जानाति। आकासानञ्चायतनं विञ्ञाणञ्चायतनस्स आरम्मणपच्चयेन पच्चयो…पे॰… आकिञ्चञ्ञायतनं नेवसञ्ञानासञ्ञायतनस्स आरम्मणपच्चयेन पच्चयो। उपेक्खासहगता खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स आवज्जनाय आरम्मणपच्चयेन पच्चयो। उपेक्खासहगते खन्धे आरब्भ उपेक्खासहगता खन्धा उप्पज्जन्ति। (१)
Upekkhāsahagato dhammo upekkhāsahagatassa dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena upekkhāsahagatacittasamaṅgissa cittaṃ jānāti. Ākāsānañcāyatanaṃ viññāṇañcāyatanassa ārammaṇapaccayena paccayo…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Upekkhāsahagatā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa āvajjanāya ārammaṇapaccayena paccayo. Upekkhāsahagate khandhe ārabbha upekkhāsahagatā khandhā uppajjanti. (1)
उपेक्खासहगतो धम्मो पीतिसहगतस्स धम्मस्स…पे॰… सुखसहगतस्स धम्मस्स…पे॰… पीतिसहगतस्स च सुखसहगतस्स च धम्मस्स आरम्मणपच्चयेन पच्चयो – उपेक्खासहगतेन चित्तेन दानं दत्वा सीलं समादियित्वा उपोसथकम्मं कत्वा तं पीतिसहगतेन च सुखसहगतेन च चित्तेन पच्चवेक्खति, उपेक्खासहगता झाना वुट्ठहित्वा, मग्गा वुट्ठहित्वा फला वुट्ठहित्वा, तं पीतिसहगतेन च सुखसहगतेन च चित्तेन पच्चवेक्खति। अरिया पीतिसहगतेन च सुखसहगतेन च चित्तेन उपेक्खासहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। उपेक्खासहगते खन्धे पीतिसहगतेन च सुखसहगतेन च चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ पीतिसहगतो च सुखसहगतो च रागो उप्पज्जति, दिट्ठि उप्पज्जति। उपेक्खासहगते खन्धे आरब्भ पीतिसहगता च सुखसहगता च खन्धा उप्पज्जन्ति। (३)
Upekkhāsahagato dhammo pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā phalā vuṭṭhahitvā, taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Upekkhāsahagate khandhe ārabbha pītisahagatā ca sukhasahagatā ca khandhā uppajjanti. (3)
२१. पीतिसहगतो च सुखसहगतो च धम्मा पीतिसहगतस्स धम्मस्स…पे॰… सुखसहगतस्स धम्मस्स…पे॰… उपेक्खासहगतस्स धम्मस्स आरम्मणपच्चयेन पच्चयो – पीतिसहगतेन च सुखसहगतेन च चित्तेन दानं दत्वा सीलं समादियित्वा उपोसथकम्मं कत्वा…पे॰… पीतिसहगते च सुखसहगते च खन्धे उपेक्खासहगतेन चित्तेन अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ उपेक्खासहगतो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति। चेतोपरियञाणेन पीतिसहगतसुखसहगतचित्तसमङ्गिस्स चित्तं जानाति। पीतिसहगता च सुखसहगता च खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। पीतिसहगते च सुखसहगते च खन्धे आरब्भ उपेक्खासहगता खन्धा उप्पज्जन्ति। (३)
21. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa ārammaṇapaccayena paccayo – pītisahagatena ca sukhasahagatena ca cittena dānaṃ datvā sīlaṃ samādiyitvā uposathakammaṃ katvā…pe… pītisahagate ca sukhasahagate ca khandhe upekkhāsahagatena cittena aniccato dukkhato anattato vipassati assādeti abhinandati; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatasukhasahagatacittasamaṅgissa cittaṃ jānāti. Pītisahagatā ca sukhasahagatā ca khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate ca sukhasahagate ca khandhe ārabbha upekkhāsahagatā khandhā uppajjanti. (3)
पीतिसहगतो च सुखसहगतो च धम्मा पीतिसहगतस्स च सुखसहगतस्स च धम्मस्स आरम्मणपच्चयेन पच्चयो (संखित्तं)। (४)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo (saṃkhittaṃ). (4)
अधिपतिपच्चयो
Adhipatipaccayo
२२. पीतिसहगतो धम्मो पीतिसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा पीतिसहगतेन चित्तेन तं गरुं कत्वा पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा पीतिसहगतेन चित्तेन तं गरुं कत्वा पच्चवेक्खति। पीतिसहगते खन्धे पीतिसहगतेन चित्तेन गरुं कत्वा अस्सादेति अभिनन्दति; तं गरुं कत्वा पीतिसहगतो रागो उप्पज्जति, दिट्ठि उप्पज्जति। सहजाताधिपति – पीतिसहगताधिपति सम्पयुत्तकानं खन्धानं अधिपतिपच्चयेन पच्चयो। (१)
22. Pītisahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā sīlaṃ samādiyitvā uposathakammaṃ katvā pītisahagatena cittena taṃ garuṃ katvā paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā pītisahagatena cittena taṃ garuṃ katvā paccavekkhati. Pītisahagate khandhe pītisahagatena cittena garuṃ katvā assādeti abhinandati; taṃ garuṃ katvā pītisahagato rāgo uppajjati, diṭṭhi uppajjati. Sahajātādhipati – pītisahagatādhipati sampayuttakānaṃ khandhānaṃ adhipatipaccayena paccayo. (1)
पीतिसहगतो धम्मो सुखसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – पीतिसहगतेन चित्तेन दानं दत्वा…पे॰…। सहजाताधिपति – पीतिसहगताधिपति सम्पयुत्तकानं सुखसहगतानं खन्धानं अधिपतिपच्चयेन पच्चयो। (२)
Pītisahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)
पीतिसहगतो धम्मो उपेक्खासहगतस्स धम्मस्स अधिपतिपच्चयेन पच्चयो। आरम्मणाधिपति – पीतिसहगतेन चित्तेन दानं दत्वा…पे॰… उपेक्खासहगतेन चित्तेन (संखित्तं)। (३)
Pītisahagato dhammo upekkhāsahagatassa dhammassa adhipatipaccayena paccayo. Ārammaṇādhipati – pītisahagatena cittena dānaṃ datvā…pe… upekkhāsahagatena cittena (saṃkhittaṃ). (3)
पीतिसहगतो धम्मो पीतिसहगतस्स च सुखसहगतस्स च धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – पीतिसहगतेन चित्तेन दानं दत्वा…पे॰…। सहजाताधिपति – पीतिसहगताधिपति सम्पयुत्तकानं पीतिसहगतानञ्च सुखसहगतानञ्च खन्धानं अधिपतिपच्चयेन पच्चयो। (४)
Pītisahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)
२३. सुखसहगतो धम्मो सुखसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – सुखसहगतेन चित्तेन दानं दत्वा…पे॰…। सहजाताधिपति – सुखसहगताधिपति सम्पयुत्तकानं खन्धानं अधिपतिपच्चयेन पच्चयो। (१)
23. Sukhasahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – sukhasahagatena cittena dānaṃ datvā…pe…. Sahajātādhipati – sukhasahagatādhipati sampayuttakānaṃ khandhānaṃ adhipatipaccayena paccayo. (1)
सुखसहगतो धम्मो पीतिसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे॰…। सहजाताधिपति – सुखसहगताधिपति सम्पयुत्तकानं पीतिसहगतानं खन्धानं अधिपतिपच्चयेन पच्चयो। (२)
Sukhasahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānaṃ khandhānaṃ adhipatipaccayena paccayo. (2)
सुखसहगतो धम्मो उपेक्खासहगतस्स धम्मस्स अधिपतिपच्चयेन पच्चयो – आरम्मणाधिपति (संखित्तं)। (३)
Sukhasahagato dhammo upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)
सुखसहगतो धम्मो पीतिसहगतस्स च सुखसहगतस्स च धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे॰…। सहजाताधिपति – सुखसहगताधिपति सम्पयुत्तकानं पीतिसहगतानञ्च सुखसहगतानञ्च खन्धानं अधिपतिपच्चयेन पच्चयो। (४)
Sukhasahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)
२४. उपेक्खासहगतो धम्मो उपेक्खासहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे॰…। सहजाताधिपति – उपेक्खासहगताधिपति सम्पयुत्तकानं खन्धानं अधिपतिपच्चयेन पच्चयो। (१)
24. Upekkhāsahagato dhammo upekkhāsahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – upekkhāsahagatādhipati sampayuttakānaṃ khandhānaṃ adhipatipaccayena paccayo. (1)
उपेक्खासहगतो धम्मो पीतिसहगतस्स धम्मस्स अधिपतिपच्चयेन पच्चयो – आरम्मणाधिपति (संखित्तं)। (२)
Upekkhāsahagato dhammo pītisahagatassa dhammassa adhipatipaccayena paccayo – ārammaṇādhipati (saṃkhittaṃ). (2)
उपेक्खासहगतो धम्मो सुखसहगतस्स धम्मस्स अधिपतिपच्चयेन पच्चयो – आरम्मणाधिपति (संखित्तं)। (३)
Upekkhāsahagato dhammo sukhasahagatassa dhammassa adhipatipaccayena paccayo – ārammaṇādhipati (saṃkhittaṃ). (3)
उपेक्खासहगतो धम्मो पीतिसहगतस्स च सुखसहगतस्स च धम्मस्स अधिपतिपच्चयेन पच्चयो – आरम्मणाधिपति (संखित्तं)। (४)
Upekkhāsahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati (saṃkhittaṃ). (4)
२५. पीतिसहगतो च सुखसहगतो च धम्मा पीतिसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे॰…। सहजाताधिपति – पीतिसहगता च सुखसहगता च अधिपति सम्पयुत्तकानं पीतिसहगतानं खन्धानं अधिपतिपच्चयेन पच्चयो। (१)
25. Pītisahagato ca sukhasahagato ca dhammā pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānaṃ khandhānaṃ adhipatipaccayena paccayo. (1)
पीतिसहगतो च सुखसहगतो च धम्मा सुखसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे॰…। सहजाताधिपति – पीतिसहगता च सुखसहगता च अधिपति सम्पयुत्तकानं सुखसहगतानं खन्धानं अधिपतिपच्चयेन पच्चयो। (२)
Pītisahagato ca sukhasahagato ca dhammā sukhasahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)
पीतिसहगतो च सुखसहगतो च धम्मा उपेक्खासहगतस्स धम्मस्स अधिपतिपच्चयेन पच्चयो – आरम्मणाधिपति (संखित्तं)। (३)
Pītisahagato ca sukhasahagato ca dhammā upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)
पीतिसहगतो च सुखसहगतो च धम्मा पीतिसहगतस्स च सुखसहगतस्स च धम्मस्स अधिपतिपच्चयेन पच्चयो – आरम्मणाधिपति, सहजाताधिपति …पे॰…। सहजाताधिपति – पीतिसहगता च सुखसहगता च अधिपति सम्पयुत्तकानं पीतिसहगतानञ्च सुखसहगतानञ्च खन्धानं अधिपतिपच्चयेन पच्चयो। (४)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)
अनन्तरपच्चयो
Anantarapaccayo
२६. पीतिसहगतो धम्मो पीतिसहगतस्स धम्मस्स अनन्तरपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं पीतिसहगतानं खन्धानं अनन्तरपच्चयेन पच्चयो। पीतिसहगतं अनुलोमं गोत्रभुस्स अनन्तरपच्चयेन पच्चयो। (इमिना कारणेन सब्बेसं पदानं पच्चयोति दीपेतब्बो)। अनुलोमं वोदानस्स… गोत्रभु मग्गस्स… वोदानं मग्गस्स… मग्गो फलस्स… फलं फलस्स… अनुलोमं पीतिसहगताय फलसमापत्तिया अनन्तरपच्चयेन पच्चयो। (१)
26. Pītisahagato dhammo pītisahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo. Pītisahagataṃ anulomaṃ gotrabhussa anantarapaccayena paccayo. (Iminā kāraṇena sabbesaṃ padānaṃ paccayoti dīpetabbo). Anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ pītisahagatāya phalasamāpattiyā anantarapaccayena paccayo. (1)
पीतिसहगतो धम्मो सुखसहगतस्स धम्मस्स अनन्तरपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं सुखसहगतानं खन्धानं अनन्तरपच्चयेन पच्चयो। पीतिसहगतं अनुलोमं सुखसहगतस्स गोत्रभुस्स अनन्तरपच्चयेन पच्चयो। पीतिसहगतं अनुलोमं सुखसहगतस्स वोदानस्स अनन्तरपच्चयेन पच्चयो। पीतिसहगतं अनुलोमं सुखसहगताय फलसमापत्तिया अनन्तरपच्चयेन पच्चयो। (२)
Pītisahagato dhammo sukhasahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Pītisahagataṃ anulomaṃ sukhasahagatassa gotrabhussa anantarapaccayena paccayo. Pītisahagataṃ anulomaṃ sukhasahagatassa vodānassa anantarapaccayena paccayo. Pītisahagataṃ anulomaṃ sukhasahagatāya phalasamāpattiyā anantarapaccayena paccayo. (2)
पीतिसहगतो धम्मो उपेक्खासहगतस्स धम्मस्स अनन्तरपच्चयेन पच्चयो – पीतिसहगतं चुतिचित्तं उपेक्खासहगतस्स उपपत्तिचित्तस्स अनन्तरपच्चयेन पच्चयो। पीतिसहगतं भवङ्गं आवज्जनाय अनन्तरपच्चयेन पच्चयो। पीतिसहगता विपाकमनोविञ्ञाणधातु किरियमनोविञ्ञाणधातुया अनन्तरपच्चयेन पच्चयो। पीतिसहगतं भवङ्गं उपेक्खासहगतस्स भवङ्गस्स अनन्तरपच्चयेन पच्चयो । पीतिसहगतं कुसलाकुसलं उपेक्खासहगतस्स वुट्ठानस्स… किरियं वुट्ठानस्स… फलं वुट्ठानस्स अनन्तरपच्चयेन पच्चयो। (३)
Pītisahagato dhammo upekkhāsahagatassa dhammassa anantarapaccayena paccayo – pītisahagataṃ cuticittaṃ upekkhāsahagatassa upapatticittassa anantarapaccayena paccayo. Pītisahagataṃ bhavaṅgaṃ āvajjanāya anantarapaccayena paccayo. Pītisahagatā vipākamanoviññāṇadhātu kiriyamanoviññāṇadhātuyā anantarapaccayena paccayo. Pītisahagataṃ bhavaṅgaṃ upekkhāsahagatassa bhavaṅgassa anantarapaccayena paccayo . Pītisahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)
पीतिसहगतो धम्मो पीतिसहगतस्स च सुखसहगतस्स च धम्मस्स अनन्तरपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं पीतिसहगतानञ्च सुखसहगतानञ्च खन्धानं अनन्तरपच्चयेन पच्चयो । पीतिसहगतं अनुलोमं पीतिसहगतस्स च सुखसहगतस्स च गोत्रभुस्स अनन्तरपच्चयेन पच्चयो…पे॰… पीतिसहगतं अनुलोमं पीतिसहगताय च सुखसहगताय च फलसमापत्तिया अनन्तरपच्चयेन पच्चयो। (४)
Pītisahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo . Pītisahagataṃ anulomaṃ pītisahagatassa ca sukhasahagatassa ca gotrabhussa anantarapaccayena paccayo…pe… pītisahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)
२७. सुखसहगतो धम्मो सुखसहगतस्स धम्मस्स अनन्तरपच्चयेन पच्चयो – पुरिमा पुरिमा सुखसहगता खन्धा पच्छिमानं पच्छिमानं सुखसहगतानं खन्धानं अनन्तरपच्चयेन पच्चयो। सुखसहगतं अनुलोमं सुखसहगतस्स गोत्रभुस्स अनन्तरपच्चयेन पच्चयो…पे॰… सुखसहगतं अनुलोमं सुखसहगताय फलसमापत्तिया अनन्तरपच्चयेन पच्चयो। (१)
27. Sukhasahagato dhammo sukhasahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Sukhasahagataṃ anulomaṃ sukhasahagatassa gotrabhussa anantarapaccayena paccayo…pe… sukhasahagataṃ anulomaṃ sukhasahagatāya phalasamāpattiyā anantarapaccayena paccayo. (1)
सुखसहगतो धम्मो पीतिसहगतस्स धम्मस्स अनन्तरपच्चयेन पच्चयो – पुरिमा पुरिमा सुखसहगता खन्धा पच्छिमानं पच्छिमानं पीतिसहगतानं खन्धानं अनन्तरपच्चयेन पच्चयो…पे॰… सुखसहगतं अनुलोमं पीतिसहगताय फलसमापत्तिया अनन्तरपच्चयेन पच्चयो। (२)
Sukhasahagato dhammo pītisahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo…pe… sukhasahagataṃ anulomaṃ pītisahagatāya phalasamāpattiyā anantarapaccayena paccayo. (2)
सुखसहगतो धम्मो उपेक्खासहगतस्स धम्मस्स अनन्तरपच्चयेन पच्चयो – सुखसहगतं चुतिचित्तं उपेक्खासहगतस्स उपपत्तिचित्तस्स अनन्तरपच्चयेन पच्चयो। सुखसहगतं भवङ्गं आवज्जनाय अनन्तरपच्चयेन पच्चयो। सुखसहगतं कायविञ्ञाणं विपाकमनोधातुया अनन्तरपच्चयेन पच्चयो। सुखसहगता विपाकमनोविञ्ञाणधातु किरियमनोविञ्ञाणधातुया अनन्तरपच्चयेन पच्चयो सुखसहगतं भवङ्गं उपेक्खासहगतस्स भवङ्गस्स अनन्तरपच्चयेन पच्चयो। सुखसहगतं कुसलाकुसलं उपेक्खासहगतस्स वुट्ठानस्स… किरियं वुट्ठानस्स… फलं वुट्ठानस्स अनन्तरपच्चयेन पच्चयो। (३)
Sukhasahagato dhammo upekkhāsahagatassa dhammassa anantarapaccayena paccayo – sukhasahagataṃ cuticittaṃ upekkhāsahagatassa upapatticittassa anantarapaccayena paccayo. Sukhasahagataṃ bhavaṅgaṃ āvajjanāya anantarapaccayena paccayo. Sukhasahagataṃ kāyaviññāṇaṃ vipākamanodhātuyā anantarapaccayena paccayo. Sukhasahagatā vipākamanoviññāṇadhātu kiriyamanoviññāṇadhātuyā anantarapaccayena paccayo sukhasahagataṃ bhavaṅgaṃ upekkhāsahagatassa bhavaṅgassa anantarapaccayena paccayo. Sukhasahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)
सुखसहगतो धम्मो पीतिसहगतस्स च सुखसहगतस्स च धम्मस्स अनन्तरपच्चयेन पच्चयो – पुरिमा पुरिमा सुखसहगता खन्धा पच्छिमानं पच्छिमानं पीतिसहगतानञ्च सुखसहगतानञ्च खन्धानं अनन्तरपच्चयेन पच्चयो…पे॰… सुखसहगतं अनुलोमं पीतिसहगताय च सुखसहगताय च फलसमापत्तिया अनन्तरपच्चयेन पच्चयो। (४)
Sukhasahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo…pe… sukhasahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)
२८. उपेक्खासहगतो धम्मो उपेक्खासहगतस्स धम्मस्स अनन्तरपच्चयेन पच्चयो – पुरिमा पुरिमा उपेक्खासहगता खन्धा पच्छिमानं पच्छिमानं उपेक्खासहगतानं खन्धानं…पे॰… आवज्जना पञ्चन्नं विञ्ञाणानं अनन्तरपच्चयेन पच्चयो। उपेक्खासहगतं अनुलोमं उपेक्खासहगताय फलसमापत्तिया… निरोधा वुट्ठहन्तस्स नेवसञ्ञानासञ्ञायतनं उपेक्खासहगताय फलसमापत्तिया अनन्तरपच्चयेन पच्चयो। (१)
28. Upekkhāsahagato dhammo upekkhāsahagatassa dhammassa anantarapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… āvajjanā pañcannaṃ viññāṇānaṃ anantarapaccayena paccayo. Upekkhāsahagataṃ anulomaṃ upekkhāsahagatāya phalasamāpattiyā… nirodhā vuṭṭhahantassa nevasaññānāsaññāyatanaṃ upekkhāsahagatāya phalasamāpattiyā anantarapaccayena paccayo. (1)
उपेक्खासहगतो धम्मो पीतिसहगतस्स धम्मस्स अनन्तरपच्चयेन पच्चयो – उपेक्खासहगतं चुतिचित्तं पीतिसहगतस्स उपपत्तिचित्तस्स…पे॰… आवज्जना पीतिसहगतानं खन्धानं…पे॰… विपाकमनोधातु पीतिसहगताय विपाकमनोविञ्ञाणधातुया…पे॰… उपेक्खासहगतं भवङ्गं पीतिसहगतस्स भवङ्गस्स…पे॰… उपेक्खासहगतं कुसलाकुसलं पीतिसहगतस्स वुट्ठानस्स… किरियं वुट्ठानस्स… फलं वुट्ठानस्स… निरोधा वुट्ठहन्तस्स नेवसञ्ञानासञ्ञायतनं पीतिसहगताय फलसमापत्तिया अनन्तरपच्चयेन पच्चयो। (२)
Upekkhāsahagato dhammo pītisahagatassa dhammassa anantarapaccayena paccayo – upekkhāsahagataṃ cuticittaṃ pītisahagatassa upapatticittassa…pe… āvajjanā pītisahagatānaṃ khandhānaṃ…pe… vipākamanodhātu pītisahagatāya vipākamanoviññāṇadhātuyā…pe… upekkhāsahagataṃ bhavaṅgaṃ pītisahagatassa bhavaṅgassa…pe… upekkhāsahagataṃ kusalākusalaṃ pītisahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa… nirodhā vuṭṭhahantassa nevasaññānāsaññāyatanaṃ pītisahagatāya phalasamāpattiyā anantarapaccayena paccayo. (2)
उपेक्खासहगतो धम्मो सुखसहगतस्स धम्मस्स…पे॰… पीतिसहगतस्स च सुखसहगतस्स च धम्मस्स अनन्तरपच्चयेन पच्चयो। (४)
Upekkhāsahagato dhammo sukhasahagatassa dhammassa…pe… pītisahagatassa ca sukhasahagatassa ca dhammassa anantarapaccayena paccayo. (4)
(तानियेव च गमनानि नियामेतब्बानि।)
(Tāniyeva ca gamanāni niyāmetabbāni.)
२९. पीतिसहगतो च सुखसहगतो च धम्मा पीतिसहगतस्स धम्मस्स…पे॰… सुखसहगतस्स धम्मस्स…पे॰… उपेक्खासहगतस्स धम्मस्स अनन्तरपच्चयेन पच्चयो – पीतिसहगतञ्च सुखसहगतञ्च चुतिचित्तं उपेक्खासहगतस्स उपपत्तिचित्तस्स…पे॰… पीतिसहगतञ्च सुखसहगतञ्च भवङ्गं आवज्जनाय…पे॰… पीतिसहगता च सुखसहगता च विपाकमनोविञ्ञाणधातु किरियमनोविञ्ञाणधातुया…पे॰… पीतिसहगतञ्च सुखसहगतञ्च भवङ्गं उपेक्खासहगतस्स भवङ्गस्स…पे॰… पीतिसहगतञ्च सुखसहगतञ्च कुसलाकुसलं उपेक्खासहगतस्स वुट्ठानस्स… किरियं वुट्ठानस्स… फलं वुट्ठानस्स अनन्तरपच्चयेन पच्चयो। (३)
29. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa anantarapaccayena paccayo – pītisahagatañca sukhasahagatañca cuticittaṃ upekkhāsahagatassa upapatticittassa…pe… pītisahagatañca sukhasahagatañca bhavaṅgaṃ āvajjanāya…pe… pītisahagatā ca sukhasahagatā ca vipākamanoviññāṇadhātu kiriyamanoviññāṇadhātuyā…pe… pītisahagatañca sukhasahagatañca bhavaṅgaṃ upekkhāsahagatassa bhavaṅgassa…pe… pītisahagatañca sukhasahagatañca kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)
पीतिसहगतो च सुखसहगतो च धम्मा पीतिसहगतस्स च सुखसहगतस्स च धम्मस्स अनन्तरपच्चयेन पच्चयो – पुरिमा पुरिमा पीतिसहगता च सुखसहगता च खन्धा पच्छिमानं पच्छिमानं पीतिसहगतानञ्च सुखसहगतानञ्च खन्धानं…पे॰… पीतिसहगतञ्च सुखसहगतञ्च अनुलोमं पीतिसहगताय च सुखसहगताय च फलसमापत्तिया अनन्तरपच्चयेन पच्चयो। (४)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ…pe… pītisahagatañca sukhasahagatañca anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)
समनन्तरपच्चयो
Samanantarapaccayo
३०. पीतिसहगतो धम्मो पीतिसहगतस्स धम्मस्स समनन्तरपच्चयेन पच्चयो (अनन्तरपच्चयसदिसं)।
30. Pītisahagato dhammo pītisahagatassa dhammassa samanantarapaccayena paccayo (anantarapaccayasadisaṃ).
सहजातपच्चयो
Sahajātapaccayo
३१. पीतिसहगतो धम्मो पीतिसहगतस्स धम्मस्स सहजातपच्चयेन पच्चयो – पीतिसहगतो एको खन्धो तिण्णन्नं खन्धानं सहजातपच्चयेन पच्चयो…पे॰… द्वे खन्धा द्विन्नं खन्धानं सहजातपच्चयेन पच्चयो…पे॰… (पटिच्चसदिसं सहजाते दस पञ्हा)।
31. Pītisahagato dhammo pītisahagatassa dhammassa sahajātapaccayena paccayo – pītisahagato eko khandho tiṇṇannaṃ khandhānaṃ sahajātapaccayena paccayo…pe… dve khandhā dvinnaṃ khandhānaṃ sahajātapaccayena paccayo…pe… (paṭiccasadisaṃ sahajāte dasa pañhā).
अञ्ञमञ्ञ-निस्सयपच्चया
Aññamañña-nissayapaccayā
३२. पीतिसहगतो धम्मो पीतिसहगतस्स धम्मस्स अञ्ञमञ्ञपच्चयेन पच्चयो… निस्सयपच्चयेन पच्चयो (दस पञ्हा कातब्बा)।
32. Pītisahagato dhammo pītisahagatassa dhammassa aññamaññapaccayena paccayo… nissayapaccayena paccayo (dasa pañhā kātabbā).
उपनिस्सयपच्चयो
Upanissayapaccayo
३३. पीतिसहगतो धम्मो पीतिसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पीतिसहगतं सद्धं उपनिस्साय पीतिसहगतेन चित्तेन दानं देति, सीलं समादियति, उपोसथकम्मं करोति, पीतिसहगतं झानं उप्पादेति, विपस्सनं उप्पादेति, मग्गं उप्पादेति, समापत्तिं उप्पादेति, मानं जप्पेति, दिट्ठिं गण्हाति। पीतिसहगतं सीलं… सुतं… चागं… पञ्ञं उपनिस्साय पीतिसहगतेन चित्तेन दानं देति, सीलं समादियति…पे॰… मानं जप्पेति, दिट्ठिं गण्हाति। पीतिसहगतं रागं… मोहं… मानं… दिट्ठिं… पत्थनं उपनिस्साय पीतिसहगतेन चित्तेन दानं देति, सीलं समादियति, उपोसथकम्मं करोति, पीतिसहगतं झानं उप्पादेति…पे॰… समापत्तिं उप्पादेति। पीतिसहगतेन चित्तेन अदिन्नं आदियति, मुसा भणति , पिसुणं भणति, सम्फं पलपति, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति। पीतिसहगता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना पीतिसहगताय सद्धाय… सीलस्स… सुतस्स… चागस्स… पञ्ञाय… रागस्स… मोहस्स… मानस्स… दिट्ठिया… पत्थनाय उपनिस्सयपच्चयेन पच्चयो। (१)
33. Pītisahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ upanissāya pītisahagatena cittena dānaṃ deti, sīlaṃ samādiyati…pe… mānaṃ jappeti, diṭṭhiṃ gaṇhāti. Pītisahagataṃ rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti…pe… samāpattiṃ uppādeti. Pītisahagatena cittena adinnaṃ ādiyati, musā bhaṇati , pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā pītisahagatāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya upanissayapaccayena paccayo. (1)
पीतिसहगतो धम्मो सुखसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पीतिसहगतं सद्धं उपनिस्साय सुखसहगतेन चित्तेन दानं देति…पे॰… समापत्तिं उप्पादेति, मानं जप्पेति, दिट्ठिं गण्हाति। पीतिसहगतं सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं उपनिस्साय सुखसहगतेन चित्तेन दानं देति…पे॰… समापत्तिं उप्पादेति। सुखसहगतेन चित्तेन अदिन्नं आदियति…पे॰… निगमघातं करोति। पीतिसहगता सद्धा…पे॰… पत्थना सुखसहगताय सद्धाय…पे॰… पत्थनाय सुखसहगतस्स कायविञ्ञाणस्स उपनिस्सयपच्चयेन पच्चयो। (२)
Pītisahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya sukhasahagatena cittena dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya sukhasahagatena cittena dānaṃ deti…pe… samāpattiṃ uppādeti. Sukhasahagatena cittena adinnaṃ ādiyati…pe… nigamaghātaṃ karoti. Pītisahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)
पीतिसहगतो धम्मो उपेक्खासहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पीतिसहगतं सद्धं उपनिस्साय उपेक्खासहगतेन चित्तेन दानं देति…पे॰… अभिञ्ञं उप्पादेति, समापत्तिं उप्पादेति, मानं जप्पेति, दिट्ठिं गण्हाति। पीतिसहगतं सीलं…पे॰… पत्थनं उपनिस्साय उपेक्खासहगतेन चित्तेन दानं देति…पे॰… निगमघातं करोति। पीतिसहगता सद्धा…पे॰… पत्थना उपेक्खासहगताय सद्धाय…पे॰… पत्थनाय उपनिस्सयपच्चयेन पच्चयो। (३)
Pītisahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)
पीतिसहगतो धम्मो पीतिसहगतस्स च सुखसहगतस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पीतिसहगतं सद्धं उपनिस्साय पीतिसहगतेन च सुखसहगतेन च चित्तेन दानं देति…पे॰… दिट्ठिं गण्हाति। पीतिसहगतं सीलं…पे॰… पत्थनं उपनिस्साय पीतिसहगतेन च सुखसहगतेन च चित्तेन दानं देति…पे॰… निगमघातं करोति। पीतिसहगता सद्धा…पे॰… पत्थना पीतिसहगताय च सुखसहगताय च सद्धाय…पे॰… पत्थनाय उपनिस्सयपच्चयेन पच्चयो। (४)
Pītisahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Pītisahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)
३४. सुखसहगतो धम्मो सुखसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सुखसहगतं सद्धं उपनिस्साय सुखसहगतेन चित्तेन दानं देति…पे॰… दिट्ठिं गण्हाति। सुखसहगतं सीलं…पे॰… पत्थनं सुखसहगतं कायविञ्ञाणं उपनिस्साय सुखसहगतेन चित्तेन दानं देति…पे॰… निगमघातं करोति। सुखसहगता सद्धा…पे॰… पत्थना सुखसहगतं कायविञ्ञाणं सुखसहगताय सद्धाय…पे॰… पत्थनाय सुखसहगतस्स कायविञ्ञाणस्स उपनिस्सयपच्चयेन पच्चयो। (१)
34. Sukhasahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya sukhasahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (1)
सुखसहगतो धम्मो पीतिसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सुखसहगतं सद्धं उपनिस्साय पीतिसहगतेन चित्तेन दानं देति…पे॰… दिट्ठिं गण्हाति। सुखसहगतं सीलं…पे॰… पत्थनं सुखसहगतं कायविञ्ञाणं उपनिस्साय पीतिसहगतेन चित्तेन दानं देति…पे॰… निगमघातं करोति। सुखसहगता सद्धा…पे॰… पत्थना सुखसहगतं कायविञ्ञाणं पीतिसहगताय सद्धाय…पे॰… पत्थनाय उपनिस्सयपच्चयेन पच्चयो। (२)
Sukhasahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya saddhāya…pe… patthanāya upanissayapaccayena paccayo. (2)
सुखसहगतो धम्मो उपेक्खासहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सुखसहगतं सद्धं उपनिस्साय उपेक्खासहगतेन चित्तेन दानं देति…पे॰… अभिञ्ञं उप्पादेति…पे॰… दिट्ठिं गण्हाति। सुखसहगतं सीलं…पे॰… पत्थनं सुखसहगतं कायविञ्ञाणं उपनिस्साय उपेक्खासहगतेन चित्तेन दानं देति…पे॰… निगमघातं करोति। सुखसहगता सद्धा…पे॰… पत्थना सुखसहगतं कायविञ्ञाणं उपेक्खासहगताय सद्धाय…पे॰… पत्थनाय उपनिस्सयपच्चयेन पच्चयो। (३)
Sukhasahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya upekkhāsahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ upekkhāsahagatāya saddhāya…pe… patthanāya upanissayapaccayena paccayo. (3)
सुखसहगतो धम्मो पीतिसहगतस्स च सुखसहगतस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो …पे॰…। पकतूपनिस्सयो – सुखसहगतं सद्धं उपनिस्साय पीतिसहगतेन च सुखसहगतेन च चित्तेन दानं देति…पे॰… दिट्ठिं गण्हाति। सुखसहगतं सीलं…पे॰… पत्थनं सुखसहगतं कायविञ्ञाणं उपनिस्साय पीतिसहगतेन च सुखसहगतेन च चित्तेन दानं देति…पे॰… निगमघातं करोति। सुखसहगता सद्धा…पे॰… पत्थना सुखसहगतं कायविञ्ञाणं पीतिसहगताय च सुखसहगताय च सद्धाय…पे॰… पत्थनाय उपनिस्सयपच्चयेन पच्चयो। (४)
Sukhasahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – sukhasahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)
३५. उपेक्खासहगतो धम्मो उपेक्खासहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – उपेक्खासहगतं सद्धं उपनिस्साय उपेक्खासहगतेन चित्तेन दानं देति…पे॰… अभिञ्ञं उप्पादेति…पे॰… दिट्ठिं गण्हाति। उपेक्खासहगतं सीलं…पे॰… पत्थनं उपनिस्साय उपेक्खासहगतेन चित्तेन दानं देति…पे॰… निगमघातं करोति। उपेक्खासहगता सद्धा…पे॰… पत्थना उपेक्खासहगताय सद्धाय…पे॰… पत्थनाय उपनिस्सयपच्चयेन पच्चयो। (१)
35. Upekkhāsahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (1)
उपेक्खासहगतो धम्मो पीतिसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – उपेक्खासहगतं सद्धं उपनिस्साय पीतिसहगतेन चित्तेन दानं देति…पे॰… दिट्ठिं गण्हाति। उपेक्खासहगतं सीलं…पे॰… पत्थनं उपनिस्साय पीतिसहगतेन चित्तेन दानं देति…पे॰… निगमघातं करोति। उपेक्खासहगता सद्धा…पे॰… पत्थना पीतिसहगताय सद्धाय…पे॰… पत्थनाय उपनिस्सयपच्चयेन पच्चयो। (२)
Upekkhāsahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya saddhāya…pe… patthanāya upanissayapaccayena paccayo. (2)
उपेक्खासहगतो धम्मो सुखसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – उपेक्खासहगतं सद्धं उपनिस्साय सुखसहगतेन चित्तेन दानं देति…पे॰… दिट्ठिं गण्हाति। उपेक्खासहगतं सीलं…पे॰… पत्थनं उपनिस्साय सुखसहगतेन चित्तेन दानं देति…पे॰… निगमघातं करोति। उपेक्खासहगता सद्धा…पे॰… पत्थना सुखसहगताय सद्धाय…पे॰… पत्थनाय सुखसहगतस्स कायविञ्ञाणस्स उपनिस्सयपच्चयेन पच्चयो। (३)
Upekkhāsahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (3)
उपेक्खासहगतो धम्मो पीतिसहगतस्स च सुखसहगतस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – उपेक्खासहगतं सद्धं उपनिस्साय पीतिसहगतेन च सुखसहगतेन च चित्तेन दानं देति…पे॰… दिट्ठिं गण्हाति। उपेक्खासहगतं सीलं…पे॰… पत्थनं उपनिस्साय पीतिसहगतेन च सुखसहगतेन च चित्तेन दानं देति…पे॰… निगमघातं करोति। उपेक्खासहगता सद्धा…पे॰… पत्थना पीतिसहगताय च सुखसहगताय च सद्धाय…पे॰… पत्थनाय उपनिस्सयपच्चयेन पच्चयो। (४)
Upekkhāsahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)
३६. पीतिसहगतो च सुखसहगतो च धम्मा पीतिसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पीतिसहगतञ्च सुखसहगतञ्च सद्धं उपनिस्साय पीतिसहगतेन चित्तेन दानं देति…पे॰… दिट्ठिं गण्हाति। पीतिसहगतञ्च सुखसहगतञ्च सीलं…पे॰… पत्थनं उपनिस्साय पीतिसहगतेन चित्तेन दानं देति…पे॰… निगमघातं करोति। पीतिसहगता च सुखसहगता च सद्धा…पे॰… पत्थना पीतिसहगताय सद्धाय…पे॰… पत्थनाय उपनिस्सयपच्चयेन पच्चयो। (१)
36. Pītisahagato ca sukhasahagato ca dhammā pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya saddhāya…pe… patthanāya upanissayapaccayena paccayo. (1)
पीतिसहगतो च सुखसहगतो च धम्मा सुखसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पीतिसहगतञ्च सुखसहगतञ्च सद्धं उपनिस्साय सुखसहगतेन चित्तेन दानं देति…पे॰… दिट्ठिं गण्हाति। पीतिसहगतञ्च सुखसहगतञ्च सीलं…पे॰… पत्थनं उपनिस्साय सुखसहगतेन चित्तेन दानं देति…पे॰… निगमघातं करोति। पीतिसहगता च सुखसहगता च सद्धा…पे॰… पत्थना सुखसहगताय सद्धाय…पे॰… पत्थनाय सुखसहगतस्स कायविञ्ञाणस्स उपनिस्सयपच्चयेन पच्चयो। (२)
Pītisahagato ca sukhasahagato ca dhammā sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)
पीतिसहगतो च सुखसहगतो च धम्मा उपेक्खासहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पीतिसहगतञ्च सुखसहगतञ्च सद्धं उपनिस्साय उपेक्खासहगतेन चित्तेन दानं देति …पे॰… अभिञ्ञं उप्पादेति…पे॰… दिट्ठिं गण्हाति। पीतिसहगतञ्च सुखसहगतञ्च सीलं…पे॰… पत्थनं उपनिस्साय उपेक्खासहगतेन चित्तेन दानं देति…पे॰… निगमघातं करोति। पीतिसहगता च सुखसहगता च सद्धा…पे॰… पत्थना उपेक्खासहगताय सद्धाय…पे॰… पत्थनाय उपनिस्सयपच्चयेन पच्चयो। (३)
Pītisahagato ca sukhasahagato ca dhammā upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya upekkhāsahagatena cittena dānaṃ deti …pe… abhiññaṃ uppādeti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)
पीतिसहगतो च सुखसहगतो च धम्मा पीतिसहगतस्स च सुखसहगतस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पीतिसहगतञ्च सुखसहगतञ्च सद्धं उपनिस्साय पीतिसहगतेन च सुखसहगतेन च चित्तेन दानं देति, सीलं समादियति, उपोसथकम्मं करोति। पीतिसहगतञ्च सुखसहगतञ्च झानं उप्पादेति, विपस्सनं उप्पादेति, मग्गं उप्पादेति, समापत्तिं उप्पादेति, मानं जप्पेति, दिट्ठिं गण्हाति। पीतिसहगतञ्च सुखसहगतञ्च सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं उपनिस्साय पीतिसहगतेन च सुखसहगतेन च चित्तेन दानं देति, सीलं समादियति, उपोसथकम्मं करोति। पीतिसहगतञ्च सुखसहगतञ्च झानं उप्पादेति…पे॰… समापत्तिं उप्पादेति। पीतिसहगतेन च सुखसहगतेन च चित्तेन अदिन्नं आदियति, मुसा भणति, पिसुणं भणति, सम्फं पलपति, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति। पीतिसहगता च सुखसहगता च सद्धा…पे॰… पत्थना पीतिसहगताय च सुखसहगताय च सद्धाय…पे॰… पत्थनाय उपनिस्सयपच्चयेन पच्चयो। (४)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagatañca sukhasahagatañca sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti…pe… samāpattiṃ uppādeti. Pītisahagatena ca sukhasahagatena ca cittena adinnaṃ ādiyati, musā bhaṇati, pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)
आसेवनपच्चयो
Āsevanapaccayo
३७. पीतिसहगतो धम्मो पीतिसहगतस्स धम्मस्स आसेवनपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं पीतिसहगतानं खन्धानं आसेवनपच्चयेन पच्चयो। पीतिसहगतं अनुलोमं पीतिसहगतस्स गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो। (१)
37. Pītisahagato dhammo pītisahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ āsevanapaccayena paccayo. Pītisahagataṃ anulomaṃ pītisahagatassa gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)
पीतिसहगतो धम्मो सुखसहगतस्स धम्मस्स आसेवनपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं सुखसहगतानं खन्धानं आसेवनपच्चयेन पच्चयो। पीतिसहगतं अनुलोमं सुखसहगतस्स गोत्रभुस्स आसेवनपच्चयेन पच्चयो। पीतिसहगतं अनुलोमं सुखसहगतस्स वोदानस्स आसेवनपच्चयेन पच्चयो। पीतिसहगतं गोत्रभु सुखसहगतस्स मग्गस्स… पीतिसहगतं वोदानं सुखसहगतस्स मग्गस्स आसेवनपच्चयेन पच्चयो। (२)
Pītisahagato dhammo sukhasahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ āsevanapaccayena paccayo. Pītisahagataṃ anulomaṃ sukhasahagatassa gotrabhussa āsevanapaccayena paccayo. Pītisahagataṃ anulomaṃ sukhasahagatassa vodānassa āsevanapaccayena paccayo. Pītisahagataṃ gotrabhu sukhasahagatassa maggassa… pītisahagataṃ vodānaṃ sukhasahagatassa maggassa āsevanapaccayena paccayo. (2)
पीतिसहगतो धम्मो पीतिसहगतस्स च सुखसहगतस्स च धम्मस्स आसेवनपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं पीतिसहगतानञ्च सुखसहगतानञ्च आसेवनपच्चयेन पच्चयो…पे॰… पीतिसहगतं वोदानं पीतिसहगतस्स च सुखसहगतस्स च मग्गस्स आसेवनपच्चयेन पच्चयो। (३)
Pītisahagato dhammo pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca āsevanapaccayena paccayo…pe… pītisahagataṃ vodānaṃ pītisahagatassa ca sukhasahagatassa ca maggassa āsevanapaccayena paccayo. (3)
३८. सुखसहगतो धम्मो सुखसहगतस्स धम्मस्स…पे॰… पीतिसहगतस्स धम्मस्स…पे॰… पीतिसहगतस्स च सुखसहगतस्स च धम्मस्स आसेवनपच्चयेन पच्चयो (संखित्तं। पीतिनयं पस्सित्वा कातब्बं)।
38. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo (saṃkhittaṃ. Pītinayaṃ passitvā kātabbaṃ).
उपेक्खासहगतो धम्मो उपेक्खासहगतस्स धम्मस्स आसेवनपच्चयेन पच्चयो – पुरिमा पुरिमा उपेक्खासहगता खन्धा पच्छिमानं पच्छिमानं उपेक्खासहगतानं खन्धानं…पे॰… उपेक्खासहगतं वोदानं उपेक्खासहगतस्स मग्गस्स आसेवनपच्चयेन पच्चयो। (१)
Upekkhāsahagato dhammo upekkhāsahagatassa dhammassa āsevanapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… upekkhāsahagataṃ vodānaṃ upekkhāsahagatassa maggassa āsevanapaccayena paccayo. (1)
३९. पीतिसहगतो च सुखसहगतो च धम्मा पीतिसहगतस्स धम्मस्स…पे॰… सुखसहगतस्स धम्मस्स…पे॰… पीतिसहगतस्स च सुखसहगतस्स च धम्मस्स आसेवनपच्चयेन पच्चयो – पुरिमा पुरिमा पीतिसहगता च सुखसहगता च खन्धा पच्छिमानं पच्छिमानं पीतिसहगतानञ्च सुखसहगतानञ्च खन्धानं आसेवनपच्चयेन पच्चयो…पे॰… पीतिसहगतञ्च सुखसहगतञ्च वोदानं पीतिसहगतस्स च सुखसहगतस्स च मग्गस्स आसेवनपच्चयेन पच्चयो। (३)
39. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ āsevanapaccayena paccayo…pe… pītisahagatañca sukhasahagatañca vodānaṃ pītisahagatassa ca sukhasahagatassa ca maggassa āsevanapaccayena paccayo. (3)
कम्मपच्चयो
Kammapaccayo
४०. पीतिसहगतो धम्मो पीतिसहगतस्स धम्मस्स कम्मपच्चयेन पच्चयो – सहजाता, नानाक्खणिका 1। सहजाता – पीतिसहगता चेतना सम्पयुत्तकानं खन्धानं कम्मपच्चयेन पच्चयो। पटिसन्धिक्खणे पीतिसहगता चेतना सम्पयुत्तकानं खन्धानं कम्मपच्चयेन पच्चयो। नानाक्खणिका – पीतिसहगता चेतना विपाकानं पीतिसहगतानं खन्धानं कम्मपच्चयेन पच्चयो। (१)
40. Pītisahagato dhammo pītisahagatassa dhammassa kammapaccayena paccayo – sahajātā, nānākkhaṇikā 2. Sahajātā – pītisahagatā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ pītisahagatānaṃ khandhānaṃ kammapaccayena paccayo. (1)
पीतिसहगतो धम्मो सुखसहगतस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – पीतिसहगता चेतना सम्पयुत्तकानं सुखसहगतानं खन्धानं कम्मपच्चयेन पच्चयो। पटिसन्धिक्खणे पीतिसहगता चेतना सम्पयुत्तकानं सुखसहगतानं खन्धानं कम्मपच्चयेन पच्चयो। नानाक्खणिका – पीतिसहगता चेतना विपाकानं सुखसहगतानं खन्धानं कम्मपच्चयेन पच्चयो। (२)
Pītisahagato dhammo sukhasahagatassa dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ sukhasahagatānaṃ khandhānaṃ kammapaccayena paccayo. (2)
पीतिसहगतो धम्मो उपेक्खासहगतस्स धम्मस्स कम्मपच्चयेन पच्चयो। नानाक्खणिका – पीतिसहगता चेतना विपाकानं उपेक्खासहगतानं खन्धानं कम्मपच्चयेन पच्चयो। (३)
Pītisahagato dhammo upekkhāsahagatassa dhammassa kammapaccayena paccayo. Nānākkhaṇikā – pītisahagatā cetanā vipākānaṃ upekkhāsahagatānaṃ khandhānaṃ kammapaccayena paccayo. (3)
पीतिसहगतो धम्मो पीतिसहगतस्स च सुखसहगतस्स च धम्मस्स कम्मपच्चयेन पच्चयो – सहजाता, नानाक्खणिका। सहजाता – पीतिसहगता चेतना सम्पयुत्तकानं पीतिसहगतानञ्च सुखसहगतानञ्च खन्धानं कम्मपच्चयेन पच्चयो। पटिसन्धिक्खणे …पे॰…। नानाक्खणिका – पीतिसहगता चेतना विपाकानं पीतिसहगतानञ्च सुखसहगतानञ्च खन्धानं कम्मपच्चयेन पच्चयो। (४)
Pītisahagato dhammo pītisahagatassa ca sukhasahagatassa ca dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ pītisahagatānañca sukhasahagatānañca khandhānaṃ kammapaccayena paccayo. Paṭisandhikkhaṇe …pe…. Nānākkhaṇikā – pītisahagatā cetanā vipākānaṃ pītisahagatānañca sukhasahagatānañca khandhānaṃ kammapaccayena paccayo. (4)
४१. सुखसहगतो धम्मो सुखसहगतस्स धम्मस्स (चत्तारिपि गणनानि पस्सित्वा कातब्बानि)।
41. Sukhasahagato dhammo sukhasahagatassa dhammassa (cattāripi gaṇanāni passitvā kātabbāni).
४२. उपेक्खासहगतो धम्मो उपेक्खासहगतस्स धम्मस्स कम्मपच्चयेन पच्चयो – सहजाता, नानाक्खणिका…पे॰…।
42. Upekkhāsahagato dhammo upekkhāsahagatassa dhammassa kammapaccayena paccayo – sahajātā, nānākkhaṇikā…pe….
उपेक्खासहगतो धम्मो पीतिसहगतस्स धम्मस्स कम्मपच्चयेन पच्चयो। नानाक्खणिका – उपेक्खासहगता चेतना…पे॰…।
Upekkhāsahagato dhammo pītisahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….
उपेक्खासहगतो धम्मो सुखसहगतस्स धम्मस्स कम्मपच्चयेन पच्चयो। नानाक्खणिका – उपेक्खासहगता चेतना…पे॰…।
Upekkhāsahagato dhammo sukhasahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….
उपेक्खासहगतो धम्मो पीतिसहगतस्स च सुखसहगतस्स च धम्मस्स कम्मपच्चयेन पच्चयो। नानाक्खणिका – उपेक्खासहगता चेतना…पे॰…। (४)
Upekkhāsahagato dhammo pītisahagatassa ca sukhasahagatassa ca dhammassa kammapaccayena paccayo. Nānākkhaṇikā – upekkhāsahagatā cetanā…pe…. (4)
पीतिसहगतो च सुखसहगतो च धम्मा पीतिसहगतस्स धम्मस्स (चत्तारि कातब्बानि, पीतिसहगतं अनुमज्जन्तेन विभजितब्बं)। (४)
Pītisahagato ca sukhasahagato ca dhammā pītisahagatassa dhammassa (cattāri kātabbāni, pītisahagataṃ anumajjantena vibhajitabbaṃ). (4)
विपाकपच्चयो
Vipākapaccayo
४३. पीतिसहगतो धम्मो पीतिसहगतस्स धम्मस्स विपाकपच्चयेन पच्चयो – पीतिसहगतो विपाको एको खन्धो तिण्णन्नं खन्धानं विपाकपच्चयेन पच्चयो…पे॰… द्वे खन्धा द्विन्नं खन्धानं…पे॰… पटिसन्धिक्खणे पीतिसहगतो एको खन्धो तिण्णन्नं खन्धानं…पे॰… द्वे खन्धा द्विन्नं खन्धानं…पे॰…।
43. Pītisahagato dhammo pītisahagatassa dhammassa vipākapaccayena paccayo – pītisahagato vipāko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe pītisahagato eko khandho tiṇṇannaṃ khandhānaṃ…pe… dve khandhā dvinnaṃ khandhānaṃ…pe….
(यथा पटिच्चवारे हेतुपच्चये एवं वित्थारेतब्बा दस पञ्हा।)
(Yathā paṭiccavāre hetupaccaye evaṃ vitthāretabbā dasa pañhā.)
आहारपच्चयादि
Āhārapaccayādi
४४. पीतिसहगतो धम्मो पीतिसहगतस्स धम्मस्स आहारपच्चयेन पच्चयो… इन्द्रियपच्चयेन पच्चयो… झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चयो… अत्थिपच्चयेन पच्चयो… (दस पञ्हा वित्थारेतब्बा) नत्थिपच्चयेन पच्चयो… विगतपच्चयेन पच्चयो… (नत्थिपि विगतम्पि अनन्तरसदिसं) अविगतपच्चयेन पच्चयो।
44. Pītisahagato dhammo pītisahagatassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… atthipaccayena paccayo… (dasa pañhā vitthāretabbā) natthipaccayena paccayo… vigatapaccayena paccayo… (natthipi vigatampi anantarasadisaṃ) avigatapaccayena paccayo.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
४५. हेतुया दस, आरम्मणे सोळस, अधिपतिया सोळस, अनन्तरे सोळस, समनन्तरे सोळस, सहजाते दस, अञ्ञमञ्ञे दस, निस्सये दस, उपनिस्सये सोळस, आसेवने दस, कम्मे सोळस, विपाके दस, आहारे इन्द्रिये झाने मग्गे सम्पयुत्ते अत्थिया दस, नत्थिया सोळस, विगते सोळस, अविगते दस।
45. Hetuyā dasa, ārammaṇe soḷasa, adhipatiyā soḷasa, anantare soḷasa, samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre indriye jhāne magge sampayutte atthiyā dasa, natthiyā soḷasa, vigate soḷasa, avigate dasa.
(कुसलत्तिकं अनुलोमं अनुमज्जन्तेन गणेतब्बं।)
(Kusalattikaṃ anulomaṃ anumajjantena gaṇetabbaṃ.)
अनुलोमं।
Anulomaṃ.
पच्चनीयुद्धारो
Paccanīyuddhāro
४६. पीतिसहगतो धम्मो पीतिसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
46. Pītisahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
पीतिसहगतो धम्मो सुखसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
Pītisahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)
पीतिसहगतो धम्मो उपेक्खासहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (३)
Pītisahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
पीतिसहगतो धम्मो पीतिसहगतस्स च सुखसहगतस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (४)
Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)
४७. सुखसहगतो धम्मो सुखसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
47. Sukhasahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
सुखसहगतो धम्मो पीतिसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
Sukhasahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)
सुखसहगतो धम्मो उपेक्खासहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (३)
Sukhasahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
सुखसहगतो धम्मो पीतिसहगतस्स च सुखसहगतस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (४)
Sukhasahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)
४८. उपेक्खासहगतो धम्मो उपेक्खासहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
48. Upekkhāsahagato dhammo upekkhāsahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
उपेक्खासहगतो धम्मो पीतिसहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
Upekkhāsahagato dhammo pītisahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)
उपेक्खासहगतो धम्मो सुखसहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (३)
Upekkhāsahagato dhammo sukhasahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
उपेक्खासहगतो धम्मो पीतिसहगतस्स च सुखसहगतस्स च धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (४)
Upekkhāsahagato dhammo pītisahagatassa ca sukhasahagatassa ca dhammassa ārammaṇapaccayena paccayo… upanissayapaccayena paccayo… kammapaccayena paccayo. (4)
४९. पीतिसहगतो च सुखसहगतो च धम्मा पीतिसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
49. Pītisahagato ca sukhasahagato ca dhammā pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
पीतिसहगतो च सुखसहगतो च धम्मा सुखसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
Pītisahagato ca sukhasahagato ca dhammā sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)
पीतिसहगतो च सुखसहगतो च धम्मा उपेक्खासहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (३)
Pītisahagato ca sukhasahagato ca dhammā upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
पीतिसहगतो च सुखसहगतो च धम्मा पीतिसहगतस्स च सुखसहगतस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (४)
Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
५०. नहेतुया सोळस, नआरम्मणे नअधिपतिया नअनन्तरे नसमनन्तरे नसहजाते नअञ्ञमञ्ञे ननिस्सये नउपनिस्सये नपुरेजाते नपच्छाजाते नआसेवने नकम्मे नविपाके नआहारे नइन्द्रिये नझाने नमग्गे नसम्पयुत्ते नविप्पयुत्ते नोअत्थिया नोनत्थिया नोविगते नोअविगते सब्बत्थ सोळस।
50. Nahetuyā soḷasa, naārammaṇe naadhipatiyā naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate sabbattha soḷasa.
(पच्चनीयं अनुमज्जन्तेन गणेतब्बं।)
(Paccanīyaṃ anumajjantena gaṇetabbaṃ.)
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
दुकं
Dukaṃ
५१. हेतुपच्चया नआरम्मणे दस, नअधिपतिया दस, नअनन्तरे नसमनन्तरे नउपनिस्सये नपुरेजाते नपच्छाजाते नआसेवने नकम्मे नविपाके नआहारे नइन्द्रिये नझाने नमग्गे नविप्पयुत्ते नोनत्थिया नोविगते सब्बत्थ दस।
51. Hetupaccayā naārammaṇe dasa, naadhipatiyā dasa, naanantare nasamanantare naupanissaye napurejāte napacchājāte naāsevane nakamme navipāke naāhāre naindriye najhāne namagge navippayutte nonatthiyā novigate sabbattha dasa.
(अनुलोमपच्चनीयं अनुमज्जन्तेन गणेतब्बं।)
(Anulomapaccanīyaṃ anumajjantena gaṇetabbaṃ.)
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
दुकं
Dukaṃ
५२. नहेतुपच्चया आरम्मणे सोळस, अधिपतिया अनन्तरे समनन्तरे सोळस, सहजाते दस, अञ्ञमञ्ञे दस, निस्सये दस, उपनिस्सये सोळस, आसेवने दस, कम्मे सोळस, विपाके दस, आहारे दस, इन्द्रिये दस, झाने दस, मग्गे दस, सम्पयुत्ते दस, अत्थिया दस, नत्थिया सोळस, विगते सोळस, अविगते दस।
52. Nahetupaccayā ārammaṇe soḷasa, adhipatiyā anantare samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre dasa, indriye dasa, jhāne dasa, magge dasa, sampayutte dasa, atthiyā dasa, natthiyā soḷasa, vigate soḷasa, avigate dasa.
(पच्चनीयानुलोमं अनुमज्जन्तेन गणेतब्बं।)
(Paccanīyānulomaṃ anumajjantena gaṇetabbaṃ.)
पच्चनीयानुलोमं।
Paccanīyānulomaṃ.
पीतित्तिकं निट्ठितं।
Pītittikaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ५-२२. सङ्किलिट्ठत्तिकादिवण्णना • 5-22. Saṅkiliṭṭhattikādivaṇṇanā
