Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

    ៧. បីតិត្តិកំ

    7. Pītittikaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា – បីតិសហគតំ ឯកំ ខន្ធំ បដិច្ច តយោ ខន្ធា, តយោ ខន្ធេ បដិច្ច ឯកោ ខន្ធោ, ទ្វេ ខន្ធេ បដិច្ច ទ្វេ ខន្ធា។ បដិសន្ធិក្ខណេ បីតិសហគតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)

    1. Pītisahagataṃ dhammaṃ paṭicca pītisahagato dhammo uppajjati hetupaccayā – pītisahagataṃ ekaṃ khandhaṃ paṭicca tayo khandhā, tayo khandhe paṭicca eko khandho, dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    បីតិសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ ហេតុបច្ចយា – បីតិសហគតំ ឯកំ ខន្ធំ បដិច្ច សុខសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ បដិសន្ធិក្ខណេ បីតិសហគតំ ឯកំ ខន្ធំ បដិច្ច សុខសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (២)

    Pītisahagataṃ dhammaṃ paṭicca sukhasahagato dhammo uppajjati hetupaccayā – pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)

    បីតិសហគតំ ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ ហេតុបច្ចយា – បីតិសហគតំ ឯកំ ខន្ធំ បដិច្ច បីតិសហគតា ច សុខសហគតា ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ បដិសន្ធិក្ខណេ បីតិសហគតំ ឯកំ ខន្ធំ បដិច្ច បីតិសហគតា ច សុខសហគតា ច តយោ ខន្ធា …បេ.… ទ្វេ ខន្ធេ បដិច្ច ទ្វេ ខន្ធា។ (៣)

    Pītisahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā …pe… dve khandhe paṭicca dve khandhā. (3)

    ២. សុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ ហេតុបច្ចយា – សុខសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ បដិសន្ធិក្ខណេ សុខសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (១)

    2. Sukhasahagataṃ dhammaṃ paṭicca sukhasahagato dhammo uppajjati hetupaccayā – sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    សុខសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា – សុខសហគតំ ឯកំ ខន្ធំ បដិច្ច បីតិសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ បដិសន្ធិក្ខណេ សុខសហគតំ ឯកំ ខន្ធំ បដិច្ច បីតិសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (២)

    Sukhasahagataṃ dhammaṃ paṭicca pītisahagato dhammo uppajjati hetupaccayā – sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)

    សុខសហគតំ ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ ហេតុបច្ចយា – សុខសហគតំ ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ បដិសន្ធិក្ខណេ សុខសហគតំ ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (៣)

    Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    ៣. ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ ហេតុបច្ចយា – ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ បដិសន្ធិក្ខណេ…បេ.…។ (១)

    3. Upekkhāsahagataṃ dhammaṃ paṭicca upekkhāsahagato dhammo uppajjati hetupaccayā – upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe…pe…. (1)

    បីតិសហគតញ្ច សុខសហគតញ្ច ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា – បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ បដិសន្ធិក្ខណេ បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)

    Pītisahagatañca sukhasahagatañca dhammaṃ paṭicca pītisahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)

    បីតិសហគតញ្ច សុខសហគតញ្ច ធម្មំ បដិច្ច សុខសហគតោ ធម្មោ ឧប្បជ្ជតិ ហេតុបច្ចយា – បីតិសហគតញ្ច សុខសហគតញ្ច ឯកំ ខន្ធំ បដិច្ច សុខសហគតា ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ បដិសន្ធិក្ខណេ បីតិសហគតញ្ច សុខសហគតញ្ច ឯកំ ខន្ធំ បដិច្ច សុខសហគតា ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (២)

    Pītisahagatañca sukhasahagatañca dhammaṃ paṭicca sukhasahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)

    បីតិសហគតញ្ច សុខសហគតញ្ច ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ ហេតុបច្ចយា – បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ បដិសន្ធិក្ខណេ បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (៣)

    Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    អារម្មណបច្ចយាទិ

    Ārammaṇapaccayādi

    ៤. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា… (បដិសន្ធិក្ខណេ នត្ថិ) អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… (បុរេជាតេ បដិសន្ធិក្ខណេ នត្ថិ) អាសេវនបច្ចយា… (អាសេវនេ វិបាកំ នត្ថិ) កម្មបច្ចយា… វិបាកបច្ចយា… អាហារ…បេ.… ឥន្ទ្រិយ… ឈាន… មគ្គ… សម្បយុត្ត… វិប្បយុត្ត… អត្ថិ… នត្ថិ… វិគត… អវិគតបច្ចយា។

    4. Pītisahagataṃ dhammaṃ paṭicca pītisahagato dhammo uppajjati ārammaṇapaccayā… adhipatipaccayā… (paṭisandhikkhaṇe natthi) anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā… (purejāte paṭisandhikkhaṇe natthi) āsevanapaccayā… (āsevane vipākaṃ natthi) kammapaccayā… vipākapaccayā… āhāra…pe… indriya… jhāna… magga… sampayutta… vippayutta… atthi… natthi… vigata… avigatapaccayā.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៥. ហេតុយា ទស, អារម្មណេ ទស, អធិបតិយា ទស, អនន្តរេ សមនន្តរេ សហជាតេ អញ្ញមញ្ញេ និស្សយេ ឧបនិស្សយេ បុរេជាតេ អាសេវនេ កម្មេ វិបាកេ អាហារេ ឥន្ទ្រិយេ ឈានេ មគ្គេ សម្បយុត្តេ វិប្បយុត្តេ អត្ថិយា នត្ថិយា វិគតេ អវិគតេ សព្ពត្ថ ទស។

    5. Hetuyā dasa, ārammaṇe dasa, adhipatiyā dasa, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate sabbattha dasa.

    (ឯវំ អនុលោមគណនា គណេតព្ពា។)

    (Evaṃ anulomagaṇanā gaṇetabbā.)

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៦. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នហេតុបច្ចយា – អហេតុកំ បីតិសហគតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)

    6. Pītisahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    បីតិសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ នហេតុបច្ចយា – អហេតុកំ បីតិសហគតំ ឯកំ ខន្ធំ បដិច្ច សុខសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (២)

    Pītisahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)

    បីតិសហគតំ ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ បីតិសហគតំ ឯកំ ខន្ធំ បដិច្ច បីតិសហគតា ច សុខសហគតា ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (៣)

    Pītisahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. (3)

    ៧. សុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ នហេតុបច្ចយា – អហេតុកំ សុខសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (១)

    7. Sukhasahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    សុខសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នហេតុបច្ចយា – អហេតុកំ សុខសហគតំ ឯកំ ខន្ធំ បដិច្ច បីតិសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (២)

    Sukhasahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)

    សុខសហគតំ ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ សុខសហគតំ ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (៣)

    Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    ៨. ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    8. Upekkhāsahagataṃ dhammaṃ paṭicca upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Ahetukapaṭisandhikkhaṇe upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    ៩. បីតិសហគតញ្ច សុខសហគតញ្ច ធម្មំ បដិច្ច បីតិសហគតោ ធម្មោ ឧប្បជ្ជតិ នហេតុបច្ចយា – អហេតុកំ បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)

    9. Pītisahagatañca sukhasahagatañca dhammaṃ paṭicca pītisahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)

    បីតិសហគតញ្ច សុខសហគតញ្ច ធម្មំ បដិច្ច សុខសហគតោ ធម្មោ ឧប្បជ្ជតិ នហេតុបច្ចយា – អហេតុកំ បីតិសហគតញ្ច សុខសហគតញ្ច ឯកំ ខន្ធំ បដិច្ច សុខសហគតា ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (២)

    Pītisahagatañca sukhasahagatañca dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)

    បីតិសហគតញ្ច សុខសហគតញ្ច ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (៣)

    Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    នអធិបតិ-នអាសេវនបច្ចយា

    Naadhipati-naāsevanapaccayā

    ១០. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នអធិបតិបច្ចយា (នអធិបតិបដិសន្ធិក្ខណេ បរិបុណ្ណំ)… នបុរេជាតបច្ចយា… (‘‘អរូបេ’’តិ និយាមេតព្ពំ ‘‘បដិសន្ធិក្ខណេ’’តិ ច) នបច្ឆាជាតបច្ចយា… នអាសេវនបច្ចយា។

    10. Pītisahagataṃ dhammaṃ paṭicca pītisahagato dhammo uppajjati naadhipatipaccayā (naadhipatipaṭisandhikkhaṇe paripuṇṇaṃ)… napurejātapaccayā… (‘‘arūpe’’ti niyāmetabbaṃ ‘‘paṭisandhikkhaṇe’’ti ca) napacchājātapaccayā… naāsevanapaccayā.

    នកម្មបច្ចយោ

    Nakammapaccayo

    ១១. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នកម្មបច្ចយា – បីតិសហគតេ ខន្ធេ បដិច្ច បីតិសហគតា ចេតនា។

    11. Pītisahagataṃ dhammaṃ paṭicca pītisahagato dhammo uppajjati nakammapaccayā – pītisahagate khandhe paṭicca pītisahagatā cetanā.

    បីតិសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ នកម្មបច្ចយា – បីតិសហគតេ ខន្ធេ បដិច្ច សុខសហគតា ចេតនា។

    Pītisahagataṃ dhammaṃ paṭicca sukhasahagato dhammo uppajjati nakammapaccayā – pītisahagate khandhe paṭicca sukhasahagatā cetanā.

    (ឥមិនា ការណេន ទស បញ្ហា វិត្ថារេតព្ពា។)

    (Iminā kāraṇena dasa pañhā vitthāretabbā.)

    នវិបាកបច្ចយោ

    Navipākapaccayo

    ១២. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នវិបាកបច្ចយា…បេ.… (បរិបុណ្ណំ, បដិសន្ធិ នត្ថិ)។

    12. Pītisahagataṃ dhammaṃ paṭicca pītisahagato dhammo uppajjati navipākapaccayā…pe… (paripuṇṇaṃ, paṭisandhi natthi).

    នឈានបច្ចយាទិ

    Najhānapaccayādi

    ១៣. សុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ នឈានបច្ចយា – សុខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (១)

    13. Sukhasahagataṃ dhammaṃ paṭicca sukhasahagato dhammo uppajjati najhānapaccayā – sukhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នឈានបច្ចយា – ចតុវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ (១)

    Upekkhāsahagataṃ dhammaṃ paṭicca upekkhāsahagato dhammo uppajjati najhānapaccayā – catuviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    (នមគ្គបច្ចយា នហេតុបច្ចយសទិសំ។ មោហោ នត្ថិ។ នវិប្បយុត្តបច្ចយា បរិបុណ្ណំ អរូបបញ្ហមេវ។)

    (Namaggapaccayā nahetupaccayasadisaṃ. Moho natthi. Navippayuttapaccayā paripuṇṇaṃ arūpapañhameva.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៤. នហេតុយា ទស, នអធិបតិយា ទស, នបុរេជាតេ នបច្ឆាជាតេ នអាសេវនេ នកម្មេ នវិបាកេ ទស, នឈានេ ទ្វេ, នមគ្គេ ទស, នវិប្បយុត្តេ ទស (បច្ចនីយំ បរិបុណ្ណំ កាតព្ពំ)។

    14. Nahetuyā dasa, naadhipatiyā dasa, napurejāte napacchājāte naāsevane nakamme navipāke dasa, najhāne dve, namagge dasa, navippayutte dasa (paccanīyaṃ paripuṇṇaṃ kātabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ទុកំ

    Dukaṃ

    ១៥. ហេតុបច្ចយា នអធិបតិយា ទស, នបុរេជាតេ ទស, នបច្ឆាជាតេ នអាសេវនេ នកម្មេ នវិបាកេ នវិប្បយុត្តេ ទស។

    15. Hetupaccayā naadhipatiyā dasa, napurejāte dasa, napacchājāte naāsevane nakamme navipāke navippayutte dasa.

    (អនុលោមបច្ចនីយំ វិត្ថារេន គណេតព្ពំ។)

    (Anulomapaccanīyaṃ vitthārena gaṇetabbaṃ.)

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ទុកំ

    Dukaṃ

    ១៦. នហេតុបច្ចយា អារម្មណេ ទស, អនន្តរេ ទស, សមនន្តរេ ទស, សហជាតេ អញ្ញមញ្ញេ និស្សយេ ឧបនិស្សយេ បុរេជាតេ អាសេវនេ កម្មេ វិបាកេ អាហារេ ឥន្ទ្រិយេ ឈានេ សព្ពេ ទស, មគ្គេ ឯកំ, សម្បយុត្តេ ទស, វិប្បយុត្តេ អត្ថិយា នត្ថិយា វិគតេ អវិគតេ សព្ពេ ទស។

    16. Nahetupaccayā ārammaṇe dasa, anantare dasa, samanantare dasa, sahajāte aññamaññe nissaye upanissaye purejāte āsevane kamme vipāke āhāre indriye jhāne sabbe dasa, magge ekaṃ, sampayutte dasa, vippayutte atthiyā natthiyā vigate avigate sabbe dasa.

    បច្ចនីយានុលោមំ។

    Paccanīyānulomaṃ.

    បដិច្ចវារោ។

    Paṭiccavāro.

    ២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

    2-6. Sahajāta-paccaya-nissaya-saṃsaṭṭha-sampayuttavāro

    (សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា។)

    (Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៧. បីតិសហគតោ ធម្មោ បីតិសហគតស្ស ធម្មស្ស ហេតុបច្ចយេន បច្ចយោ – បីតិសហគតា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ បដិសន្ធិក្ខណេ បីតិសហគតា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    17. Pītisahagato dhammo pītisahagatassa dhammassa hetupaccayena paccayo – pītisahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe pītisahagatā hetū sampayuttakānaṃ khandhānaṃ hetupaccayena paccayo. (1)

    បីតិសហគតោ ធម្មោ សុខសហគតស្ស ធម្មស្ស ហេតុបច្ចយេន បច្ចយោ – បីតិសហគតា ហេតូ សម្បយុត្តកានំ សុខសហគតានំ ខន្ធានំ ហេតុបច្ចយេន បច្ចយោ។ បដិសន្ធិក្ខណេ…បេ.…។ (២)

    Pītisahagato dhammo sukhasahagatassa dhammassa hetupaccayena paccayo – pītisahagatā hetū sampayuttakānaṃ sukhasahagatānaṃ khandhānaṃ hetupaccayena paccayo. Paṭisandhikkhaṇe…pe…. (2)

    បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស ហេតុបច្ចយេន បច្ចយោ – បីតិសហគតា ហេតូ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ ហេតុបច្ចយេន បច្ចយោ។ បដិសន្ធិក្ខណេ…បេ.…។ (៣)

    Pītisahagato dhammo pītisahagatassa ca sukhasahagatassa ca dhammassa hetupaccayena paccayo – pītisahagatā hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (3)

    ១៨. សុខសហគតោ ធម្មោ សុខសហគតស្ស ធម្មស្ស…បេ.… បីតិសហគតស្ស ធម្មស្ស…បេ.… បីតិសហគតស្ស ច សុខសហគតស្ស ច ធម្មស្ស…បេ.… (សុខមូលេ តីណិ)។

    18. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa…pe… (sukhamūle tīṇi).

    ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស ហេតុបច្ចយេន បច្ចយោ – ឧបេក្ខាសហគតា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ បដិសន្ធិក្ខណេ…បេ.…។ (១)

    Upekkhāsahagato dhammo upekkhāsahagatassa dhammassa hetupaccayena paccayo – upekkhāsahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe…pe…. (1)

    បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស…បេ.… សុខសហគតស្ស ធម្មស្ស…បេ.… បីតិសហគតស្ស ច សុខសហគតស្ស ច ធម្មស្ស ហេតុបច្ចយេន បច្ចយោ – បីតិសហគតា ច សុខសហគតា ច ហេតូ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ ហេតុបច្ចយេន បច្ចយោ។ បដិសន្ធិក្ខណេ…បេ.…។ (២)

    Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa hetupaccayena paccayo – pītisahagatā ca sukhasahagatā ca hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (2)

    អារម្មណបច្ចយោ

    Ārammaṇapaccayo

    ១៩. បីតិសហគតោ ធម្មោ បីតិសហគតស្ស ធម្មស្ស អារម្មណបច្ចយេន បច្ចយោ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ បីតិសហគតេន ចិត្តេន បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ បីតិសហគតេន ចិត្តេន បច្ចវេក្ខតិ។ អរិយា បីតិសហគតេន ចិត្តេន បីតិសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ បីតិសហគតេ ខន្ធេ បីតិសហគតេន ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ បីតិសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ។ បីតិសហគតេ ខន្ធេ អារព្ភ បីតិសហគតា ខន្ធា ឧប្បជ្ជន្តិ។ (១)

    19. Pītisahagato dhammo pītisahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena cittena paccavekkhati. Ariyā pītisahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe pītisahagatena cittena aniccato dukkhato anattato vipassanti assādenti abhinandanti; taṃ ārabbha pītisahagato rāgo uppajjati, diṭṭhi uppajjati. Pītisahagate khandhe ārabbha pītisahagatā khandhā uppajjanti. (1)

    បីតិសហគតោ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ សុខសហគតេន ចិត្តេន បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ សុខសហគតេន ចិត្តេន បច្ចវេក្ខតិ។ អរិយា សុខសហគតេន ចិត្តេន បីតិសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ បីតិសហគតេ ខន្ធេ សុខសហគតេន ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ សុខសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ។ បីតិសហគតេ ខន្ធេ អារព្ភ សុខសហគតា ខន្ធា ឧប្បជ្ជន្តិ។ (២)

    Pītisahagato dhammo sukhasahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ sukhasahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ sukhasahagatena cittena paccavekkhati. Ariyā sukhasahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe sukhasahagatena cittena aniccato dukkhato anattato vipassanti assādenti abhinandanti; taṃ ārabbha sukhasahagato rāgo uppajjati, diṭṭhi uppajjati. Pītisahagate khandhe ārabbha sukhasahagatā khandhā uppajjanti. (2)

    បីតិសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ ឧបេក្ខាសហគតេន ចិត្តេន បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ ឧបេក្ខាសហគតេន ចិត្តេន បច្ចវេក្ខតិ។ អរិយា ឧបេក្ខាសហគតេន ចិត្តេន បីតិសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ បីតិសហគតេ ខន្ធេ ឧបេក្ខាសហគតេន ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ ឧបេក្ខាសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ។ ចេតោបរិយញាណេន បីតិសហគតចិត្តសមង្គិស្ស ចិត្តំ ជានន្តិ, បីតិសហគតា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ បីតិសហគតេ ខន្ធេ អារព្ភ ឧបេក្ខាសហគតា ខន្ធា ឧប្បជ្ជន្តិ។ (៣)

    Pītisahagato dhammo upekkhāsahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatacittasamaṅgissa cittaṃ jānanti, pītisahagatā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate khandhe ārabbha upekkhāsahagatā khandhā uppajjanti. (3)

    បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ បីតិសហគតេន ច សុខសហគតេន ច ចិត្តេន បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ បីតិសហគតេន ច សុខសហគតេន ច ចិត្តេន បច្ចវេក្ខតិ។ អរិយា បីតិសហគតេន ច សុខសហគតេន ច ចិត្តេន បីតិសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ , បុព្ពេ សមុទាចិណ្ណេ កិលេសេ ជានន្តិ។ បីតិសហគតេ ខន្ធេ បីតិសហគតេន ច សុខសហគតេន ច ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ បីតិសហគតោ ច សុខសហគតោ ច រាគោ ឧប្បជ្ជតិ, ទិដ្ឋិ ឧប្បជ្ជតិ។ បីតិសហគតេ ខន្ធេ អារព្ភ បីតិសហគតា ច សុខសហគតា ច ខន្ធា ឧប្បជ្ជន្តិ។ (៤)

    Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena pītisahagate pahīne kilese paccavekkhanti, vikkhambhite kilese paccavekkhanti , pubbe samudāciṇṇe kilese jānanti. Pītisahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Pītisahagate khandhe ārabbha pītisahagatā ca sukhasahagatā ca khandhā uppajjanti. (4)

    ២០. សុខសហគតោ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ… សុខសហគតោ ធម្មោ បីតិសហគតស្ស ធម្មស្ស…បេ.… ឧបេក្ខាសហគតស្ស ធម្មស្ស…បេ.… បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ – សុខសហគតេ ខន្ធេ អារព្ភ បីតិសហគតា ច សុខសហគតា ច ខន្ធា ឧប្បជ្ជន្តិ។ (៤)

    20. Sukhasahagato dhammo sukhasahagatassa dhammassa ārammaṇapaccayena paccayo… sukhasahagato dhammo pītisahagatassa dhammassa…pe… upekkhāsahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – sukhasahagate khandhe ārabbha pītisahagatā ca sukhasahagatā ca khandhā uppajjanti. (4)

    ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ – ឧបេក្ខាសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ ឧបេក្ខាសហគតេន ចិត្តេន បច្ចវេក្ខតិ, ឧបេក្ខាសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ ឧបេក្ខាសហគតេន ចិត្តេន បច្ចវេក្ខតិ។ អរិយា ឧបេក្ខាសហគតេន ចិត្តេន ឧបេក្ខាសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ ឧបេក្ខាសហគតេ ខន្ធេ ឧបេក្ខាសហគតេន ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ ឧបេក្ខាសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ។ ចេតោបរិយញាណេន ឧបេក្ខាសហគតចិត្តសមង្គិស្ស ចិត្តំ ជានាតិ។ អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ។ ឧបេក្ខាសហគតា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អាវជ្ជនាយ អារម្មណបច្ចយេន បច្ចយោ។ ឧបេក្ខាសហគតេ ខន្ធេ អារព្ភ ឧបេក្ខាសហគតា ខន្ធា ឧប្បជ្ជន្តិ។ (១)

    Upekkhāsahagato dhammo upekkhāsahagatassa dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena upekkhāsahagatacittasamaṅgissa cittaṃ jānāti. Ākāsānañcāyatanaṃ viññāṇañcāyatanassa ārammaṇapaccayena paccayo…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Upekkhāsahagatā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa āvajjanāya ārammaṇapaccayena paccayo. Upekkhāsahagate khandhe ārabbha upekkhāsahagatā khandhā uppajjanti. (1)

    ឧបេក្ខាសហគតោ ធម្មោ បីតិសហគតស្ស ធម្មស្ស…បេ.… សុខសហគតស្ស ធម្មស្ស…បេ.… បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ – ឧបេក្ខាសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ បីតិសហគតេន ច សុខសហគតេន ច ចិត្តេន បច្ចវេក្ខតិ, ឧបេក្ខាសហគតា ឈានា វុដ្ឋហិត្វា, មគ្គា វុដ្ឋហិត្វា ផលា វុដ្ឋហិត្វា, តំ បីតិសហគតេន ច សុខសហគតេន ច ចិត្តេន បច្ចវេក្ខតិ។ អរិយា បីតិសហគតេន ច សុខសហគតេន ច ចិត្តេន ឧបេក្ខាសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ ឧបេក្ខាសហគតេ ខន្ធេ បីតិសហគតេន ច សុខសហគតេន ច ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ បីតិសហគតោ ច សុខសហគតោ ច រាគោ ឧប្បជ្ជតិ, ទិដ្ឋិ ឧប្បជ្ជតិ។ ឧបេក្ខាសហគតេ ខន្ធេ អារព្ភ បីតិសហគតា ច សុខសហគតា ច ខន្ធា ឧប្បជ្ជន្តិ។ (៣)

    Upekkhāsahagato dhammo pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā phalā vuṭṭhahitvā, taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Upekkhāsahagate khandhe ārabbha pītisahagatā ca sukhasahagatā ca khandhā uppajjanti. (3)

    ២១. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស…បេ.… សុខសហគតស្ស ធម្មស្ស…បេ.… ឧបេក្ខាសហគតស្ស ធម្មស្ស អារម្មណបច្ចយេន បច្ចយោ – បីតិសហគតេន ច សុខសហគតេន ច ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា…បេ.… បីតិសហគតេ ច សុខសហគតេ ច ខន្ធេ ឧបេក្ខាសហគតេន ចិត្តេន អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ ឧបេក្ខាសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ។ ចេតោបរិយញាណេន បីតិសហគតសុខសហគតចិត្តសមង្គិស្ស ចិត្តំ ជានាតិ។ បីតិសហគតា ច សុខសហគតា ច ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ បីតិសហគតេ ច សុខសហគតេ ច ខន្ធេ អារព្ភ ឧបេក្ខាសហគតា ខន្ធា ឧប្បជ្ជន្តិ។ (៣)

    21. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa ārammaṇapaccayena paccayo – pītisahagatena ca sukhasahagatena ca cittena dānaṃ datvā sīlaṃ samādiyitvā uposathakammaṃ katvā…pe… pītisahagate ca sukhasahagate ca khandhe upekkhāsahagatena cittena aniccato dukkhato anattato vipassati assādeti abhinandati; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatasukhasahagatacittasamaṅgissa cittaṃ jānāti. Pītisahagatā ca sukhasahagatā ca khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate ca sukhasahagate ca khandhe ārabbha upekkhāsahagatā khandhā uppajjanti. (3)

    បីតិសហគតោ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ (សំខិត្តំ)។ (៤)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo (saṃkhittaṃ). (4)

    អធិបតិបច្ចយោ

    Adhipatipaccayo

    ២២. បីតិសហគតោ ធម្មោ បីតិសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា បីតិសហគតេន ចិត្តេន តំ គរុំ កត្វា បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា បីតិសហគតេន ចិត្តេន តំ គរុំ កត្វា បច្ចវេក្ខតិ។ បីតិសហគតេ ខន្ធេ បីតិសហគតេន ចិត្តេន គរុំ កត្វា អស្សាទេតិ អភិនន្ទតិ; តំ គរុំ កត្វា បីតិសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – បីតិសហគតាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    22. Pītisahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā sīlaṃ samādiyitvā uposathakammaṃ katvā pītisahagatena cittena taṃ garuṃ katvā paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā pītisahagatena cittena taṃ garuṃ katvā paccavekkhati. Pītisahagate khandhe pītisahagatena cittena garuṃ katvā assādeti abhinandati; taṃ garuṃ katvā pītisahagato rāgo uppajjati, diṭṭhi uppajjati. Sahajātādhipati – pītisahagatādhipati sampayuttakānaṃ khandhānaṃ adhipatipaccayena paccayo. (1)

    បីតិសហគតោ ធម្មោ សុខសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – បីតិសហគតេន ចិត្តេន ទានំ ទត្វា…បេ.…។ សហជាតាធិបតិ – បីតិសហគតាធិបតិ សម្បយុត្តកានំ សុខសហគតានំ ខន្ធានំ អធិបតិបច្ចយេន បច្ចយោ។ (២)

    Pītisahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)

    បីតិសហគតោ ធម្មោ ឧបេក្ខាសហគតស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – បីតិសហគតេន ចិត្តេន ទានំ ទត្វា…បេ.… ឧបេក្ខាសហគតេន ចិត្តេន (សំខិត្តំ)។ (៣)

    Pītisahagato dhammo upekkhāsahagatassa dhammassa adhipatipaccayena paccayo. Ārammaṇādhipati – pītisahagatena cittena dānaṃ datvā…pe… upekkhāsahagatena cittena (saṃkhittaṃ). (3)

    បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – បីតិសហគតេន ចិត្តេន ទានំ ទត្វា…បេ.…។ សហជាតាធិបតិ – បីតិសហគតាធិបតិ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ អធិបតិបច្ចយេន បច្ចយោ។ (៤)

    Pītisahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    ២៣. សុខសហគតោ ធម្មោ សុខសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – សុខសហគតេន ចិត្តេន ទានំ ទត្វា…បេ.…។ សហជាតាធិបតិ – សុខសហគតាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    23. Sukhasahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – sukhasahagatena cittena dānaṃ datvā…pe…. Sahajātādhipati – sukhasahagatādhipati sampayuttakānaṃ khandhānaṃ adhipatipaccayena paccayo. (1)

    សុខសហគតោ ធម្មោ បីតិសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ.…។ សហជាតាធិបតិ – សុខសហគតាធិបតិ សម្បយុត្តកានំ បីតិសហគតានំ ខន្ធានំ អធិបតិបច្ចយេន បច្ចយោ។ (២)

    Sukhasahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānaṃ khandhānaṃ adhipatipaccayena paccayo. (2)

    សុខសហគតោ ធម្មោ ឧបេក្ខាសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ)។ (៣)

    Sukhasahagato dhammo upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    សុខសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ.…។ សហជាតាធិបតិ – សុខសហគតាធិបតិ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ អធិបតិបច្ចយេន បច្ចយោ។ (៤)

    Sukhasahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    ២៤. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ.…។ សហជាតាធិបតិ – ឧបេក្ខាសហគតាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    24. Upekkhāsahagato dhammo upekkhāsahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – upekkhāsahagatādhipati sampayuttakānaṃ khandhānaṃ adhipatipaccayena paccayo. (1)

    ឧបេក្ខាសហគតោ ធម្មោ បីតិសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ)។ (២)

    Upekkhāsahagato dhammo pītisahagatassa dhammassa adhipatipaccayena paccayo – ārammaṇādhipati (saṃkhittaṃ). (2)

    ឧបេក្ខាសហគតោ ធម្មោ សុខសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ)។ (៣)

    Upekkhāsahagato dhammo sukhasahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    ឧបេក្ខាសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ)។ (៤)

    Upekkhāsahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati (saṃkhittaṃ). (4)

    ២៥. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ.…។ សហជាតាធិបតិ – បីតិសហគតា ច សុខសហគតា ច អធិបតិ សម្បយុត្តកានំ បីតិសហគតានំ ខន្ធានំ អធិបតិបច្ចយេន បច្ចយោ។ (១)

    25. Pītisahagato ca sukhasahagato ca dhammā pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānaṃ khandhānaṃ adhipatipaccayena paccayo. (1)

    បីតិសហគតោ ច សុខសហគតោ ច ធម្មា សុខសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ.…។ សហជាតាធិបតិ – បីតិសហគតា ច សុខសហគតា ច អធិបតិ សម្បយុត្តកានំ សុខសហគតានំ ខន្ធានំ អធិបតិបច្ចយេន បច្ចយោ។ (២)

    Pītisahagato ca sukhasahagato ca dhammā sukhasahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)

    បីតិសហគតោ ច សុខសហគតោ ច ធម្មា ឧបេក្ខាសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ)។ (៣)

    Pītisahagato ca sukhasahagato ca dhammā upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    បីតិសហគតោ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ …បេ.…។ សហជាតាធិបតិ – បីតិសហគតា ច សុខសហគតា ច អធិបតិ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ អធិបតិបច្ចយេន បច្ចយោ។ (៤)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    អនន្តរបច្ចយោ

    Anantarapaccayo

    ២៦. បីតិសហគតោ ធម្មោ បីតិសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ បីតិសហគតានំ ខន្ធានំ អនន្តរបច្ចយេន បច្ចយោ។ បីតិសហគតំ អនុលោមំ គោត្រភុស្ស អនន្តរបច្ចយេន បច្ចយោ។ (ឥមិនា ការណេន សព្ពេសំ បទានំ បច្ចយោតិ ទីបេតព្ពោ)។ អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស… អនុលោមំ បីតិសហគតាយ ផលសមាបត្តិយា អនន្តរបច្ចយេន បច្ចយោ។ (១)

    26. Pītisahagato dhammo pītisahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo. Pītisahagataṃ anulomaṃ gotrabhussa anantarapaccayena paccayo. (Iminā kāraṇena sabbesaṃ padānaṃ paccayoti dīpetabbo). Anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ pītisahagatāya phalasamāpattiyā anantarapaccayena paccayo. (1)

    បីតិសហគតោ ធម្មោ សុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ អនន្តរបច្ចយេន បច្ចយោ។ បីតិសហគតំ អនុលោមំ សុខសហគតស្ស គោត្រភុស្ស អនន្តរបច្ចយេន បច្ចយោ។ បីតិសហគតំ អនុលោមំ សុខសហគតស្ស វោទានស្ស អនន្តរបច្ចយេន បច្ចយោ។ បីតិសហគតំ អនុលោមំ សុខសហគតាយ ផលសមាបត្តិយា អនន្តរបច្ចយេន បច្ចយោ។ (២)

    Pītisahagato dhammo sukhasahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Pītisahagataṃ anulomaṃ sukhasahagatassa gotrabhussa anantarapaccayena paccayo. Pītisahagataṃ anulomaṃ sukhasahagatassa vodānassa anantarapaccayena paccayo. Pītisahagataṃ anulomaṃ sukhasahagatāya phalasamāpattiyā anantarapaccayena paccayo. (2)

    បីតិសហគតោ ធម្មោ ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បីតិសហគតំ ចុតិចិត្តំ ឧបេក្ខាសហគតស្ស ឧបបត្តិចិត្តស្ស អនន្តរបច្ចយេន បច្ចយោ។ បីតិសហគតំ ភវង្គំ អាវជ្ជនាយ អនន្តរបច្ចយេន បច្ចយោ។ បីតិសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា អនន្តរបច្ចយេន បច្ចយោ។ បីតិសហគតំ ភវង្គំ ឧបេក្ខាសហគតស្ស ភវង្គស្ស អនន្តរបច្ចយេន បច្ចយោ ។ បីតិសហគតំ កុសលាកុសលំ ឧបេក្ខាសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ។ (៣)

    Pītisahagato dhammo upekkhāsahagatassa dhammassa anantarapaccayena paccayo – pītisahagataṃ cuticittaṃ upekkhāsahagatassa upapatticittassa anantarapaccayena paccayo. Pītisahagataṃ bhavaṅgaṃ āvajjanāya anantarapaccayena paccayo. Pītisahagatā vipākamanoviññāṇadhātu kiriyamanoviññāṇadhātuyā anantarapaccayena paccayo. Pītisahagataṃ bhavaṅgaṃ upekkhāsahagatassa bhavaṅgassa anantarapaccayena paccayo . Pītisahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច ខន្ធានំ អនន្តរបច្ចយេន បច្ចយោ ។ បីតិសហគតំ អនុលោមំ បីតិសហគតស្ស ច សុខសហគតស្ស ច គោត្រភុស្ស អនន្តរបច្ចយេន បច្ចយោ…បេ.… បីតិសហគតំ អនុលោមំ បីតិសហគតាយ ច សុខសហគតាយ ច ផលសមាបត្តិយា អនន្តរបច្ចយេន បច្ចយោ។ (៤)

    Pītisahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo . Pītisahagataṃ anulomaṃ pītisahagatassa ca sukhasahagatassa ca gotrabhussa anantarapaccayena paccayo…pe… pītisahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    ២៧. សុខសហគតោ ធម្មោ សុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ អនន្តរបច្ចយេន បច្ចយោ។ សុខសហគតំ អនុលោមំ សុខសហគតស្ស គោត្រភុស្ស អនន្តរបច្ចយេន បច្ចយោ…បេ.… សុខសហគតំ អនុលោមំ សុខសហគតាយ ផលសមាបត្តិយា អនន្តរបច្ចយេន បច្ចយោ។ (១)

    27. Sukhasahagato dhammo sukhasahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Sukhasahagataṃ anulomaṃ sukhasahagatassa gotrabhussa anantarapaccayena paccayo…pe… sukhasahagataṃ anulomaṃ sukhasahagatāya phalasamāpattiyā anantarapaccayena paccayo. (1)

    សុខសហគតោ ធម្មោ បីតិសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា បច្ឆិមានំ បច្ឆិមានំ បីតិសហគតានំ ខន្ធានំ អនន្តរបច្ចយេន បច្ចយោ…បេ.… សុខសហគតំ អនុលោមំ បីតិសហគតាយ ផលសមាបត្តិយា អនន្តរបច្ចយេន បច្ចយោ។ (២)

    Sukhasahagato dhammo pītisahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo…pe… sukhasahagataṃ anulomaṃ pītisahagatāya phalasamāpattiyā anantarapaccayena paccayo. (2)

    សុខសហគតោ ធម្មោ ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – សុខសហគតំ ចុតិចិត្តំ ឧបេក្ខាសហគតស្ស ឧបបត្តិចិត្តស្ស អនន្តរបច្ចយេន បច្ចយោ។ សុខសហគតំ ភវង្គំ អាវជ្ជនាយ អនន្តរបច្ចយេន បច្ចយោ។ សុខសហគតំ កាយវិញ្ញាណំ វិបាកមនោធាតុយា អនន្តរបច្ចយេន បច្ចយោ។ សុខសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា អនន្តរបច្ចយេន បច្ចយោ សុខសហគតំ ភវង្គំ ឧបេក្ខាសហគតស្ស ភវង្គស្ស អនន្តរបច្ចយេន បច្ចយោ។ សុខសហគតំ កុសលាកុសលំ ឧបេក្ខាសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ។ (៣)

    Sukhasahagato dhammo upekkhāsahagatassa dhammassa anantarapaccayena paccayo – sukhasahagataṃ cuticittaṃ upekkhāsahagatassa upapatticittassa anantarapaccayena paccayo. Sukhasahagataṃ bhavaṅgaṃ āvajjanāya anantarapaccayena paccayo. Sukhasahagataṃ kāyaviññāṇaṃ vipākamanodhātuyā anantarapaccayena paccayo. Sukhasahagatā vipākamanoviññāṇadhātu kiriyamanoviññāṇadhātuyā anantarapaccayena paccayo sukhasahagataṃ bhavaṅgaṃ upekkhāsahagatassa bhavaṅgassa anantarapaccayena paccayo. Sukhasahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    សុខសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច ខន្ធានំ អនន្តរបច្ចយេន បច្ចយោ…បេ.… សុខសហគតំ អនុលោមំ បីតិសហគតាយ ច សុខសហគតាយ ច ផលសមាបត្តិយា អនន្តរបច្ចយេន បច្ចយោ។ (៤)

    Sukhasahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo…pe… sukhasahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    ២៨. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបេក្ខាសហគតា ខន្ធា បច្ឆិមានំ បច្ឆិមានំ ឧបេក្ខាសហគតានំ ខន្ធានំ…បេ.… អាវជ្ជនា បញ្ចន្នំ វិញ្ញាណានំ អនន្តរបច្ចយេន បច្ចយោ។ ឧបេក្ខាសហគតំ អនុលោមំ ឧបេក្ខាសហគតាយ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ឧបេក្ខាសហគតាយ ផលសមាបត្តិយា អនន្តរបច្ចយេន បច្ចយោ។ (១)

    28. Upekkhāsahagato dhammo upekkhāsahagatassa dhammassa anantarapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… āvajjanā pañcannaṃ viññāṇānaṃ anantarapaccayena paccayo. Upekkhāsahagataṃ anulomaṃ upekkhāsahagatāya phalasamāpattiyā… nirodhā vuṭṭhahantassa nevasaññānāsaññāyatanaṃ upekkhāsahagatāya phalasamāpattiyā anantarapaccayena paccayo. (1)

    ឧបេក្ខាសហគតោ ធម្មោ បីតិសហគតស្ស ធម្មស្ស អនន្តរបច្ចយេន បច្ចយោ – ឧបេក្ខាសហគតំ ចុតិចិត្តំ បីតិសហគតស្ស ឧបបត្តិចិត្តស្ស…បេ.… អាវជ្ជនា បីតិសហគតានំ ខន្ធានំ…បេ.… វិបាកមនោធាតុ បីតិសហគតាយ វិបាកមនោវិញ្ញាណធាតុយា…បេ.… ឧបេក្ខាសហគតំ ភវង្គំ បីតិសហគតស្ស ភវង្គស្ស…បេ.… ឧបេក្ខាសហគតំ កុសលាកុសលំ បីតិសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស… និរោធា វុដ្ឋហន្តស្ស នេវសញ្ញានាសញ្ញាយតនំ បីតិសហគតាយ ផលសមាបត្តិយា អនន្តរបច្ចយេន បច្ចយោ។ (២)

    Upekkhāsahagato dhammo pītisahagatassa dhammassa anantarapaccayena paccayo – upekkhāsahagataṃ cuticittaṃ pītisahagatassa upapatticittassa…pe… āvajjanā pītisahagatānaṃ khandhānaṃ…pe… vipākamanodhātu pītisahagatāya vipākamanoviññāṇadhātuyā…pe… upekkhāsahagataṃ bhavaṅgaṃ pītisahagatassa bhavaṅgassa…pe… upekkhāsahagataṃ kusalākusalaṃ pītisahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa… nirodhā vuṭṭhahantassa nevasaññānāsaññāyatanaṃ pītisahagatāya phalasamāpattiyā anantarapaccayena paccayo. (2)

    ឧបេក្ខាសហគតោ ធម្មោ សុខសហគតស្ស ធម្មស្ស…បេ.… បីតិសហគតស្ស ច សុខសហគតស្ស ច ធម្មស្ស អនន្តរបច្ចយេន បច្ចយោ។ (៤)

    Upekkhāsahagato dhammo sukhasahagatassa dhammassa…pe… pītisahagatassa ca sukhasahagatassa ca dhammassa anantarapaccayena paccayo. (4)

    (តានិយេវ ច គមនានិ និយាមេតព្ពានិ។)

    (Tāniyeva ca gamanāni niyāmetabbāni.)

    ២៩. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស…បេ.… សុខសហគតស្ស ធម្មស្ស…បេ.… ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បីតិសហគតញ្ច សុខសហគតញ្ច ចុតិចិត្តំ ឧបេក្ខាសហគតស្ស ឧបបត្តិចិត្តស្ស…បេ.… បីតិសហគតញ្ច សុខសហគតញ្ច ភវង្គំ អាវជ្ជនាយ…បេ.… បីតិសហគតា ច សុខសហគតា ច វិបាកមនោវិញ្ញាណធាតុ កិរិយមនោវិញ្ញាណធាតុយា…បេ.… បីតិសហគតញ្ច សុខសហគតញ្ច ភវង្គំ ឧបេក្ខាសហគតស្ស ភវង្គស្ស…បេ.… បីតិសហគតញ្ច សុខសហគតញ្ច កុសលាកុសលំ ឧបេក្ខាសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ។ (៣)

    29. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa anantarapaccayena paccayo – pītisahagatañca sukhasahagatañca cuticittaṃ upekkhāsahagatassa upapatticittassa…pe… pītisahagatañca sukhasahagatañca bhavaṅgaṃ āvajjanāya…pe… pītisahagatā ca sukhasahagatā ca vipākamanoviññāṇadhātu kiriyamanoviññāṇadhātuyā…pe… pītisahagatañca sukhasahagatañca bhavaṅgaṃ upekkhāsahagatassa bhavaṅgassa…pe… pītisahagatañca sukhasahagatañca kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    បីតិសហគតោ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា បីតិសហគតា ច សុខសហគតា ច ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច ខន្ធានំ…បេ.… បីតិសហគតញ្ច សុខសហគតញ្ច អនុលោមំ បីតិសហគតាយ ច សុខសហគតាយ ច ផលសមាបត្តិយា អនន្តរបច្ចយេន បច្ចយោ។ (៤)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ…pe… pītisahagatañca sukhasahagatañca anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    សមនន្តរបច្ចយោ

    Samanantarapaccayo

    ៣០. បីតិសហគតោ ធម្មោ បីតិសហគតស្ស ធម្មស្ស សមនន្តរបច្ចយេន បច្ចយោ (អនន្តរបច្ចយសទិសំ)។

    30. Pītisahagato dhammo pītisahagatassa dhammassa samanantarapaccayena paccayo (anantarapaccayasadisaṃ).

    សហជាតបច្ចយោ

    Sahajātapaccayo

    ៣១. បីតិសហគតោ ធម្មោ បីតិសហគតស្ស ធម្មស្ស សហជាតបច្ចយេន បច្ចយោ – បីតិសហគតោ ឯកោ ខន្ធោ តិណ្ណន្នំ ខន្ធានំ សហជាតបច្ចយេន បច្ចយោ…បេ.… ទ្វេ ខន្ធា ទ្វិន្នំ ខន្ធានំ សហជាតបច្ចយេន បច្ចយោ…បេ.… (បដិច្ចសទិសំ សហជាតេ ទស បញ្ហា)។

    31. Pītisahagato dhammo pītisahagatassa dhammassa sahajātapaccayena paccayo – pītisahagato eko khandho tiṇṇannaṃ khandhānaṃ sahajātapaccayena paccayo…pe… dve khandhā dvinnaṃ khandhānaṃ sahajātapaccayena paccayo…pe… (paṭiccasadisaṃ sahajāte dasa pañhā).

    អញ្ញមញ្ញ-និស្សយបច្ចយា

    Aññamañña-nissayapaccayā

    ៣២. បីតិសហគតោ ធម្មោ បីតិសហគតស្ស ធម្មស្ស អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ (ទស បញ្ហា កាតព្ពា)។

    32. Pītisahagato dhammo pītisahagatassa dhammassa aññamaññapaccayena paccayo… nissayapaccayena paccayo (dasa pañhā kātabbā).

    ឧបនិស្សយបច្ចយោ

    Upanissayapaccayo

    ៣៣. បីតិសហគតោ ធម្មោ បីតិសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បីតិសហគតំ សទ្ធំ ឧបនិស្សាយ បីតិសហគតេន ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ, បីតិសហគតំ ឈានំ ឧប្បាទេតិ, វិបស្សនំ ឧប្បាទេតិ, មគ្គំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ បីតិសហគតំ សីលំ… សុតំ… ចាគំ… បញ្ញំ ឧបនិស្សាយ បីតិសហគតេន ចិត្តេន ទានំ ទេតិ, សីលំ សមាទិយតិ…បេ.… មានំ ជប្បេតិ, ទិដ្ឋិំ គណ្ហាតិ។ បីតិសហគតំ រាគំ… មោហំ… មានំ… ទិដ្ឋិំ… បត្ថនំ ឧបនិស្សាយ បីតិសហគតេន ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ, បីតិសហគតំ ឈានំ ឧប្បាទេតិ…បេ.… សមាបត្តិំ ឧប្បាទេតិ។ បីតិសហគតេន ចិត្តេន អទិន្នំ អាទិយតិ, មុសា ភណតិ , បិសុណំ ភណតិ, សម្ផំ បលបតិ, សន្ធិំ ឆិន្ទតិ, និល្លោបំ ហរតិ, ឯកាគារិកំ ករោតិ, បរិបន្ថេ តិដ្ឋតិ, បរទារំ គច្ឆតិ, គាមឃាតំ ករោតិ, និគមឃាតំ ករោតិ។ បីតិសហគតា សទ្ធា… សីលំ… សុតំ… ចាគោ… បញ្ញា… រាគោ… មោហោ… មានោ… ទិដ្ឋិ… បត្ថនា បីតិសហគតាយ សទ្ធាយ… សីលស្ស… សុតស្ស… ចាគស្ស… បញ្ញាយ… រាគស្ស… មោហស្ស… មានស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ។ (១)

    33. Pītisahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ upanissāya pītisahagatena cittena dānaṃ deti, sīlaṃ samādiyati…pe… mānaṃ jappeti, diṭṭhiṃ gaṇhāti. Pītisahagataṃ rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti…pe… samāpattiṃ uppādeti. Pītisahagatena cittena adinnaṃ ādiyati, musā bhaṇati , pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā pītisahagatāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya upanissayapaccayena paccayo. (1)

    បីតិសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បីតិសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ បីតិសហគតំ សីលំ… សុតំ… ចាគំ… បញ្ញំ… រាគំ… មោហំ… មានំ… ទិដ្ឋិំ… បត្ថនំ ឧបនិស្សាយ សុខសហគតេន ចិត្តេន ទានំ ទេតិ…បេ.… សមាបត្តិំ ឧប្បាទេតិ។ សុខសហគតេន ចិត្តេន អទិន្នំ អាទិយតិ…បេ.… និគមឃាតំ ករោតិ។ បីតិសហគតា សទ្ធា…បេ.… បត្ថនា សុខសហគតាយ សទ្ធាយ…បេ.… បត្ថនាយ សុខសហគតស្ស កាយវិញ្ញាណស្ស ឧបនិស្សយបច្ចយេន បច្ចយោ។ (២)

    Pītisahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya sukhasahagatena cittena dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya sukhasahagatena cittena dānaṃ deti…pe… samāpattiṃ uppādeti. Sukhasahagatena cittena adinnaṃ ādiyati…pe… nigamaghātaṃ karoti. Pītisahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)

    បីតិសហគតោ ធម្មោ ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បីតិសហគតំ សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… អភិញ្ញំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ បីតិសហគតំ សីលំ…បេ.… បត្ថនំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… និគមឃាតំ ករោតិ។ បីតិសហគតា សទ្ធា…បេ.… បត្ថនា ឧបេក្ខាសហគតាយ សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (៣)

    Pītisahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)

    បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បីតិសហគតំ សទ្ធំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ.… ទិដ្ឋិំ គណ្ហាតិ។ បីតិសហគតំ សីលំ…បេ.… បត្ថនំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ.… និគមឃាតំ ករោតិ។ បីតិសហគតា សទ្ធា…បេ.… បត្ថនា បីតិសហគតាយ ច សុខសហគតាយ ច សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (៤)

    Pītisahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Pītisahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ៣៤. សុខសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សុខសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ.… ទិដ្ឋិំ គណ្ហាតិ។ សុខសហគតំ សីលំ…បេ.… បត្ថនំ សុខសហគតំ កាយវិញ្ញាណំ ឧបនិស្សាយ សុខសហគតេន ចិត្តេន ទានំ ទេតិ…បេ.… និគមឃាតំ ករោតិ។ សុខសហគតា សទ្ធា…បេ.… បត្ថនា សុខសហគតំ កាយវិញ្ញាណំ សុខសហគតាយ សទ្ធាយ…បេ.… បត្ថនាយ សុខសហគតស្ស កាយវិញ្ញាណស្ស ឧបនិស្សយបច្ចយេន បច្ចយោ។ (១)

    34. Sukhasahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya sukhasahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (1)

    សុខសហគតោ ធម្មោ បីតិសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សុខសហគតំ សទ្ធំ ឧបនិស្សាយ បីតិសហគតេន ចិត្តេន ទានំ ទេតិ…បេ.… ទិដ្ឋិំ គណ្ហាតិ។ សុខសហគតំ សីលំ…បេ.… បត្ថនំ សុខសហគតំ កាយវិញ្ញាណំ ឧបនិស្សាយ បីតិសហគតេន ចិត្តេន ទានំ ទេតិ…បេ.… និគមឃាតំ ករោតិ។ សុខសហគតា សទ្ធា…បេ.… បត្ថនា សុខសហគតំ កាយវិញ្ញាណំ បីតិសហគតាយ សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (២)

    Sukhasahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya saddhāya…pe… patthanāya upanissayapaccayena paccayo. (2)

    សុខសហគតោ ធម្មោ ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សុខសហគតំ សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… អភិញ្ញំ ឧប្បាទេតិ…បេ.… ទិដ្ឋិំ គណ្ហាតិ។ សុខសហគតំ សីលំ…បេ.… បត្ថនំ សុខសហគតំ កាយវិញ្ញាណំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… និគមឃាតំ ករោតិ។ សុខសហគតា សទ្ធា…បេ.… បត្ថនា សុខសហគតំ កាយវិញ្ញាណំ ឧបេក្ខាសហគតាយ សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (៣)

    Sukhasahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya upekkhāsahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ upekkhāsahagatāya saddhāya…pe… patthanāya upanissayapaccayena paccayo. (3)

    សុខសហគតោ ធម្មោ បីតិសហគតស្ស ច សុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ …បេ.…។ បកតូបនិស្សយោ – សុខសហគតំ សទ្ធំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ.… ទិដ្ឋិំ គណ្ហាតិ។ សុខសហគតំ សីលំ…បេ.… បត្ថនំ សុខសហគតំ កាយវិញ្ញាណំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ.… និគមឃាតំ ករោតិ។ សុខសហគតា សទ្ធា…បេ.… បត្ថនា សុខសហគតំ កាយវិញ្ញាណំ បីតិសហគតាយ ច សុខសហគតាយ ច សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (៤)

    Sukhasahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – sukhasahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ៣៥. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧបេក្ខាសហគតំ សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… អភិញ្ញំ ឧប្បាទេតិ…បេ.… ទិដ្ឋិំ គណ្ហាតិ។ ឧបេក្ខាសហគតំ សីលំ…បេ.… បត្ថនំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… និគមឃាតំ ករោតិ។ ឧបេក្ខាសហគតា សទ្ធា…បេ.… បត្ថនា ឧបេក្ខាសហគតាយ សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (១)

    35. Upekkhāsahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (1)

    ឧបេក្ខាសហគតោ ធម្មោ បីតិសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧបេក្ខាសហគតំ សទ្ធំ ឧបនិស្សាយ បីតិសហគតេន ចិត្តេន ទានំ ទេតិ…បេ.… ទិដ្ឋិំ គណ្ហាតិ។ ឧបេក្ខាសហគតំ សីលំ…បេ.… បត្ថនំ ឧបនិស្សាយ បីតិសហគតេន ចិត្តេន ទានំ ទេតិ…បេ.… និគមឃាតំ ករោតិ។ ឧបេក្ខាសហគតា សទ្ធា…បេ.… បត្ថនា បីតិសហគតាយ សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (២)

    Upekkhāsahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya saddhāya…pe… patthanāya upanissayapaccayena paccayo. (2)

    ឧបេក្ខាសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧបេក្ខាសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ.… ទិដ្ឋិំ គណ្ហាតិ។ ឧបេក្ខាសហគតំ សីលំ…បេ.… បត្ថនំ ឧបនិស្សាយ សុខសហគតេន ចិត្តេន ទានំ ទេតិ…បេ.… និគមឃាតំ ករោតិ។ ឧបេក្ខាសហគតា សទ្ធា…បេ.… បត្ថនា សុខសហគតាយ សទ្ធាយ…បេ.… បត្ថនាយ សុខសហគតស្ស កាយវិញ្ញាណស្ស ឧបនិស្សយបច្ចយេន បច្ចយោ។ (៣)

    Upekkhāsahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (3)

    ឧបេក្ខាសហគតោ ធម្មោ បីតិសហគតស្ស ច សុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ឧបេក្ខាសហគតំ សទ្ធំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ.… ទិដ្ឋិំ គណ្ហាតិ។ ឧបេក្ខាសហគតំ សីលំ…បេ.… បត្ថនំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ.… និគមឃាតំ ករោតិ។ ឧបេក្ខាសហគតា សទ្ធា…បេ.… បត្ថនា បីតិសហគតាយ ច សុខសហគតាយ ច សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (៤)

    Upekkhāsahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ៣៦. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បីតិសហគតញ្ច សុខសហគតញ្ច សទ្ធំ ឧបនិស្សាយ បីតិសហគតេន ចិត្តេន ទានំ ទេតិ…បេ.… ទិដ្ឋិំ គណ្ហាតិ។ បីតិសហគតញ្ច សុខសហគតញ្ច សីលំ…បេ.… បត្ថនំ ឧបនិស្សាយ បីតិសហគតេន ចិត្តេន ទានំ ទេតិ…បេ.… និគមឃាតំ ករោតិ។ បីតិសហគតា ច សុខសហគតា ច សទ្ធា…បេ.… បត្ថនា បីតិសហគតាយ សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (១)

    36. Pītisahagato ca sukhasahagato ca dhammā pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya saddhāya…pe… patthanāya upanissayapaccayena paccayo. (1)

    បីតិសហគតោ ច សុខសហគតោ ច ធម្មា សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បីតិសហគតញ្ច សុខសហគតញ្ច សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ.… ទិដ្ឋិំ គណ្ហាតិ។ បីតិសហគតញ្ច សុខសហគតញ្ច សីលំ…បេ.… បត្ថនំ ឧបនិស្សាយ សុខសហគតេន ចិត្តេន ទានំ ទេតិ…បេ.… និគមឃាតំ ករោតិ។ បីតិសហគតា ច សុខសហគតា ច សទ្ធា…បេ.… បត្ថនា សុខសហគតាយ សទ្ធាយ…បេ.… បត្ថនាយ សុខសហគតស្ស កាយវិញ្ញាណស្ស ឧបនិស្សយបច្ចយេន បច្ចយោ។ (២)

    Pītisahagato ca sukhasahagato ca dhammā sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)

    បីតិសហគតោ ច សុខសហគតោ ច ធម្មា ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បីតិសហគតញ្ច សុខសហគតញ្ច សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ …បេ.… អភិញ្ញំ ឧប្បាទេតិ…បេ.… ទិដ្ឋិំ គណ្ហាតិ។ បីតិសហគតញ្ច សុខសហគតញ្ច សីលំ…បេ.… បត្ថនំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ.… និគមឃាតំ ករោតិ។ បីតិសហគតា ច សុខសហគតា ច សទ្ធា…បេ.… បត្ថនា ឧបេក្ខាសហគតាយ សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (៣)

    Pītisahagato ca sukhasahagato ca dhammā upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya upekkhāsahagatena cittena dānaṃ deti …pe… abhiññaṃ uppādeti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)

    បីតិសហគតោ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បីតិសហគតញ្ច សុខសហគតញ្ច សទ្ធំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ។ បីតិសហគតញ្ច សុខសហគតញ្ច ឈានំ ឧប្បាទេតិ, វិបស្សនំ ឧប្បាទេតិ, មគ្គំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ បីតិសហគតញ្ច សុខសហគតញ្ច សីលំ… សុតំ… ចាគំ… បញ្ញំ… រាគំ… មោហំ… មានំ… ទិដ្ឋិំ… បត្ថនំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ។ បីតិសហគតញ្ច សុខសហគតញ្ច ឈានំ ឧប្បាទេតិ…បេ.… សមាបត្តិំ ឧប្បាទេតិ។ បីតិសហគតេន ច សុខសហគតេន ច ចិត្តេន អទិន្នំ អាទិយតិ, មុសា ភណតិ, បិសុណំ ភណតិ, សម្ផំ បលបតិ, សន្ធិំ ឆិន្ទតិ, និល្លោបំ ហរតិ, ឯកាគារិកំ ករោតិ, បរិបន្ថេ តិដ្ឋតិ, បរទារំ គច្ឆតិ, គាមឃាតំ ករោតិ, និគមឃាតំ ករោតិ។ បីតិសហគតា ច សុខសហគតា ច សទ្ធា…បេ.… បត្ថនា បីតិសហគតាយ ច សុខសហគតាយ ច សទ្ធាយ…បេ.… បត្ថនាយ ឧបនិស្សយបច្ចយេន បច្ចយោ។ (៤)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagatañca sukhasahagatañca sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti…pe… samāpattiṃ uppādeti. Pītisahagatena ca sukhasahagatena ca cittena adinnaṃ ādiyati, musā bhaṇati, pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    អាសេវនបច្ចយោ

    Āsevanapaccayo

    ៣៧. បីតិសហគតោ ធម្មោ បីតិសហគតស្ស ធម្មស្ស អាសេវនបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ បីតិសហគតានំ ខន្ធានំ អាសេវនបច្ចយេន បច្ចយោ។ បីតិសហគតំ អនុលោមំ បីតិសហគតស្ស គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ។ (១)

    37. Pītisahagato dhammo pītisahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ āsevanapaccayena paccayo. Pītisahagataṃ anulomaṃ pītisahagatassa gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)

    បីតិសហគតោ ធម្មោ សុខសហគតស្ស ធម្មស្ស អាសេវនបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ អាសេវនបច្ចយេន បច្ចយោ។ បីតិសហគតំ អនុលោមំ សុខសហគតស្ស គោត្រភុស្ស អាសេវនបច្ចយេន បច្ចយោ។ បីតិសហគតំ អនុលោមំ សុខសហគតស្ស វោទានស្ស អាសេវនបច្ចយេន បច្ចយោ។ បីតិសហគតំ គោត្រភុ សុខសហគតស្ស មគ្គស្ស… បីតិសហគតំ វោទានំ សុខសហគតស្ស មគ្គស្ស អាសេវនបច្ចយេន បច្ចយោ។ (២)

    Pītisahagato dhammo sukhasahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ āsevanapaccayena paccayo. Pītisahagataṃ anulomaṃ sukhasahagatassa gotrabhussa āsevanapaccayena paccayo. Pītisahagataṃ anulomaṃ sukhasahagatassa vodānassa āsevanapaccayena paccayo. Pītisahagataṃ gotrabhu sukhasahagatassa maggassa… pītisahagataṃ vodānaṃ sukhasahagatassa maggassa āsevanapaccayena paccayo. (2)

    បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច អាសេវនបច្ចយេន បច្ចយោ…បេ.… បីតិសហគតំ វោទានំ បីតិសហគតស្ស ច សុខសហគតស្ស ច មគ្គស្ស អាសេវនបច្ចយេន បច្ចយោ។ (៣)

    Pītisahagato dhammo pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca āsevanapaccayena paccayo…pe… pītisahagataṃ vodānaṃ pītisahagatassa ca sukhasahagatassa ca maggassa āsevanapaccayena paccayo. (3)

    ៣៨. សុខសហគតោ ធម្មោ សុខសហគតស្ស ធម្មស្ស…បេ.… បីតិសហគតស្ស ធម្មស្ស…បេ.… បីតិសហគតស្ស ច សុខសហគតស្ស ច ធម្មស្ស អាសេវនបច្ចយេន បច្ចយោ (សំខិត្តំ។ បីតិនយំ បស្សិត្វា កាតព្ពំ)។

    38. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo (saṃkhittaṃ. Pītinayaṃ passitvā kātabbaṃ).

    ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អាសេវនបច្ចយេន បច្ចយោ – បុរិមា បុរិមា ឧបេក្ខាសហគតា ខន្ធា បច្ឆិមានំ បច្ឆិមានំ ឧបេក្ខាសហគតានំ ខន្ធានំ…បេ.… ឧបេក្ខាសហគតំ វោទានំ ឧបេក្ខាសហគតស្ស មគ្គស្ស អាសេវនបច្ចយេន បច្ចយោ។ (១)

    Upekkhāsahagato dhammo upekkhāsahagatassa dhammassa āsevanapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… upekkhāsahagataṃ vodānaṃ upekkhāsahagatassa maggassa āsevanapaccayena paccayo. (1)

    ៣៩. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស…បេ.… សុខសហគតស្ស ធម្មស្ស…បេ.… បីតិសហគតស្ស ច សុខសហគតស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា បីតិសហគតា ច សុខសហគតា ច ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច ខន្ធានំ អាសេវនបច្ចយេន បច្ចយោ…បេ.… បីតិសហគតញ្ច សុខសហគតញ្ច វោទានំ បីតិសហគតស្ស ច សុខសហគតស្ស ច មគ្គស្ស អាសេវនបច្ចយេន បច្ចយោ។ (៣)

    39. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ āsevanapaccayena paccayo…pe… pītisahagatañca sukhasahagatañca vodānaṃ pītisahagatassa ca sukhasahagatassa ca maggassa āsevanapaccayena paccayo. (3)

    កម្មបច្ចយោ

    Kammapaccayo

    ៤០. បីតិសហគតោ ធម្មោ បីតិសហគតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា 1។ សហជាតា – បីតិសហគតា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ បដិសន្ធិក្ខណេ បីតិសហគតា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ នានាក្ខណិកា – បីតិសហគតា ចេតនា វិបាកានំ បីតិសហគតានំ ខន្ធានំ កម្មបច្ចយេន បច្ចយោ។ (១)

    40. Pītisahagato dhammo pītisahagatassa dhammassa kammapaccayena paccayo – sahajātā, nānākkhaṇikā 2. Sahajātā – pītisahagatā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ pītisahagatānaṃ khandhānaṃ kammapaccayena paccayo. (1)

    បីតិសហគតោ ធម្មោ សុខសហគតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – បីតិសហគតា ចេតនា សម្បយុត្តកានំ សុខសហគតានំ ខន្ធានំ កម្មបច្ចយេន បច្ចយោ។ បដិសន្ធិក្ខណេ បីតិសហគតា ចេតនា សម្បយុត្តកានំ សុខសហគតានំ ខន្ធានំ កម្មបច្ចយេន បច្ចយោ។ នានាក្ខណិកា – បីតិសហគតា ចេតនា វិបាកានំ សុខសហគតានំ ខន្ធានំ កម្មបច្ចយេន បច្ចយោ។ (២)

    Pītisahagato dhammo sukhasahagatassa dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ sukhasahagatānaṃ khandhānaṃ kammapaccayena paccayo. (2)

    បីតិសហគតោ ធម្មោ ឧបេក្ខាសហគតស្ស ធម្មស្ស កម្មបច្ចយេន បច្ចយោ។ នានាក្ខណិកា – បីតិសហគតា ចេតនា វិបាកានំ ឧបេក្ខាសហគតានំ ខន្ធានំ កម្មបច្ចយេន បច្ចយោ។ (៣)

    Pītisahagato dhammo upekkhāsahagatassa dhammassa kammapaccayena paccayo. Nānākkhaṇikā – pītisahagatā cetanā vipākānaṃ upekkhāsahagatānaṃ khandhānaṃ kammapaccayena paccayo. (3)

    បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – បីតិសហគតា ចេតនា សម្បយុត្តកានំ បីតិសហគតានញ្ច សុខសហគតានញ្ច ខន្ធានំ កម្មបច្ចយេន បច្ចយោ។ បដិសន្ធិក្ខណេ …បេ.…។ នានាក្ខណិកា – បីតិសហគតា ចេតនា វិបាកានំ បីតិសហគតានញ្ច សុខសហគតានញ្ច ខន្ធានំ កម្មបច្ចយេន បច្ចយោ។ (៤)

    Pītisahagato dhammo pītisahagatassa ca sukhasahagatassa ca dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ pītisahagatānañca sukhasahagatānañca khandhānaṃ kammapaccayena paccayo. Paṭisandhikkhaṇe …pe…. Nānākkhaṇikā – pītisahagatā cetanā vipākānaṃ pītisahagatānañca sukhasahagatānañca khandhānaṃ kammapaccayena paccayo. (4)

    ៤១. សុខសហគតោ ធម្មោ សុខសហគតស្ស ធម្មស្ស (ចត្តារិបិ គណនានិ បស្សិត្វា កាតព្ពានិ)។

    41. Sukhasahagato dhammo sukhasahagatassa dhammassa (cattāripi gaṇanāni passitvā kātabbāni).

    ៤២. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា…បេ.…។

    42. Upekkhāsahagato dhammo upekkhāsahagatassa dhammassa kammapaccayena paccayo – sahajātā, nānākkhaṇikā…pe….

    ឧបេក្ខាសហគតោ ធម្មោ បីតិសហគតស្ស ធម្មស្ស កម្មបច្ចយេន បច្ចយោ។ នានាក្ខណិកា – ឧបេក្ខាសហគតា ចេតនា…បេ.…។

    Upekkhāsahagato dhammo pītisahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….

    ឧបេក្ខាសហគតោ ធម្មោ សុខសហគតស្ស ធម្មស្ស កម្មបច្ចយេន បច្ចយោ។ នានាក្ខណិកា – ឧបេក្ខាសហគតា ចេតនា…បេ.…។

    Upekkhāsahagato dhammo sukhasahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….

    ឧបេក្ខាសហគតោ ធម្មោ បីតិសហគតស្ស ច សុខសហគតស្ស ច ធម្មស្ស កម្មបច្ចយេន បច្ចយោ។ នានាក្ខណិកា – ឧបេក្ខាសហគតា ចេតនា…បេ.…។ (៤)

    Upekkhāsahagato dhammo pītisahagatassa ca sukhasahagatassa ca dhammassa kammapaccayena paccayo. Nānākkhaṇikā – upekkhāsahagatā cetanā…pe…. (4)

    បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស (ចត្តារិ កាតព្ពានិ, បីតិសហគតំ អនុមជ្ជន្តេន វិភជិតព្ពំ)។ (៤)

    Pītisahagato ca sukhasahagato ca dhammā pītisahagatassa dhammassa (cattāri kātabbāni, pītisahagataṃ anumajjantena vibhajitabbaṃ). (4)

    វិបាកបច្ចយោ

    Vipākapaccayo

    ៤៣. បីតិសហគតោ ធម្មោ បីតិសហគតស្ស ធម្មស្ស វិបាកបច្ចយេន បច្ចយោ – បីតិសហគតោ វិបាកោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ.… ទ្វេ ខន្ធា ទ្វិន្នំ ខន្ធានំ…បេ.… បដិសន្ធិក្ខណេ បីតិសហគតោ ឯកោ ខន្ធោ តិណ្ណន្នំ ខន្ធានំ…បេ.… ទ្វេ ខន្ធា ទ្វិន្នំ ខន្ធានំ…បេ.…។

    43. Pītisahagato dhammo pītisahagatassa dhammassa vipākapaccayena paccayo – pītisahagato vipāko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe pītisahagato eko khandho tiṇṇannaṃ khandhānaṃ…pe… dve khandhā dvinnaṃ khandhānaṃ…pe….

    (យថា បដិច្ចវារេ ហេតុបច្ចយេ ឯវំ វិត្ថារេតព្ពា ទស បញ្ហា។)

    (Yathā paṭiccavāre hetupaccaye evaṃ vitthāretabbā dasa pañhā.)

    អាហារបច្ចយាទិ

    Āhārapaccayādi

    ៤៤. បីតិសហគតោ ធម្មោ បីតិសហគតស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… អត្ថិបច្ចយេន បច្ចយោ… (ទស បញ្ហា វិត្ថារេតព្ពា) នត្ថិបច្ចយេន បច្ចយោ… វិគតបច្ចយេន បច្ចយោ… (នត្ថិបិ វិគតម្បិ អនន្តរសទិសំ) អវិគតបច្ចយេន បច្ចយោ។

    44. Pītisahagato dhammo pītisahagatassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… atthipaccayena paccayo… (dasa pañhā vitthāretabbā) natthipaccayena paccayo… vigatapaccayena paccayo… (natthipi vigatampi anantarasadisaṃ) avigatapaccayena paccayo.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៤៥. ហេតុយា ទស, អារម្មណេ សោឡស, អធិបតិយា សោឡស, អនន្តរេ សោឡស, សមនន្តរេ សោឡស, សហជាតេ ទស, អញ្ញមញ្ញេ ទស, និស្សយេ ទស, ឧបនិស្សយេ សោឡស, អាសេវនេ ទស, កម្មេ សោឡស, វិបាកេ ទស, អាហារេ ឥន្ទ្រិយេ ឈានេ មគ្គេ សម្បយុត្តេ អត្ថិយា ទស, នត្ថិយា សោឡស, វិគតេ សោឡស, អវិគតេ ទស។

    45. Hetuyā dasa, ārammaṇe soḷasa, adhipatiyā soḷasa, anantare soḷasa, samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre indriye jhāne magge sampayutte atthiyā dasa, natthiyā soḷasa, vigate soḷasa, avigate dasa.

    (កុសលត្តិកំ អនុលោមំ អនុមជ្ជន្តេន គណេតព្ពំ។)

    (Kusalattikaṃ anulomaṃ anumajjantena gaṇetabbaṃ.)

    អនុលោមំ។

    Anulomaṃ.

    បច្ចនីយុទ្ធារោ

    Paccanīyuddhāro

    ៤៦. បីតិសហគតោ ធម្មោ បីតិសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (១)

    46. Pītisahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    បីតិសហគតោ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (២)

    Pītisahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    បីតិសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៣)

    Pītisahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៤)

    Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ៤៧. សុខសហគតោ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (១)

    47. Sukhasahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    សុខសហគតោ ធម្មោ បីតិសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (២)

    Sukhasahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    សុខសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៣)

    Sukhasahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    សុខសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៤)

    Sukhasahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ៤៨. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (១)

    48. Upekkhāsahagato dhammo upekkhāsahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ឧបេក្ខាសហគតោ ធម្មោ បីតិសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (២)

    Upekkhāsahagato dhammo pītisahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)

    ឧបេក្ខាសហគតោ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៣)

    Upekkhāsahagato dhammo sukhasahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ឧបេក្ខាសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៤)

    Upekkhāsahagato dhammo pītisahagatassa ca sukhasahagatassa ca dhammassa ārammaṇapaccayena paccayo… upanissayapaccayena paccayo… kammapaccayena paccayo. (4)

    ៤៩. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (១)

    49. Pītisahagato ca sukhasahagato ca dhammā pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    បីតិសហគតោ ច សុខសហគតោ ច ធម្មា សុខសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (២)

    Pītisahagato ca sukhasahagato ca dhammā sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    បីតិសហគតោ ច សុខសហគតោ ច ធម្មា ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៣)

    Pītisahagato ca sukhasahagato ca dhammā upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    បីតិសហគតោ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៤)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៥០. នហេតុយា សោឡស, នអារម្មណេ នអធិបតិយា នអនន្តរេ នសមនន្តរេ នសហជាតេ នអញ្ញមញ្ញេ ននិស្សយេ នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ នសម្បយុត្តេ នវិប្បយុត្តេ នោអត្ថិយា នោនត្ថិយា នោវិគតេ នោអវិគតេ សព្ពត្ថ សោឡស។

    50. Nahetuyā soḷasa, naārammaṇe naadhipatiyā naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate sabbattha soḷasa.

    (បច្ចនីយំ អនុមជ្ជន្តេន គណេតព្ពំ។)

    (Paccanīyaṃ anumajjantena gaṇetabbaṃ.)

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ទុកំ

    Dukaṃ

    ៥១. ហេតុបច្ចយា នអារម្មណេ ទស, នអធិបតិយា ទស, នអនន្តរេ នសមនន្តរេ នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ នវិប្បយុត្តេ នោនត្ថិយា នោវិគតេ សព្ពត្ថ ទស។

    51. Hetupaccayā naārammaṇe dasa, naadhipatiyā dasa, naanantare nasamanantare naupanissaye napurejāte napacchājāte naāsevane nakamme navipāke naāhāre naindriye najhāne namagge navippayutte nonatthiyā novigate sabbattha dasa.

    (អនុលោមបច្ចនីយំ អនុមជ្ជន្តេន គណេតព្ពំ។)

    (Anulomapaccanīyaṃ anumajjantena gaṇetabbaṃ.)

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ទុកំ

    Dukaṃ

    ៥២. នហេតុបច្ចយា អារម្មណេ សោឡស, អធិបតិយា អនន្តរេ សមនន្តរេ សោឡស, សហជាតេ ទស, អញ្ញមញ្ញេ ទស, និស្សយេ ទស, ឧបនិស្សយេ សោឡស, អាសេវនេ ទស, កម្មេ សោឡស, វិបាកេ ទស, អាហារេ ទស, ឥន្ទ្រិយេ ទស, ឈានេ ទស, មគ្គេ ទស, សម្បយុត្តេ ទស, អត្ថិយា ទស, នត្ថិយា សោឡស, វិគតេ សោឡស, អវិគតេ ទស។

    52. Nahetupaccayā ārammaṇe soḷasa, adhipatiyā anantare samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre dasa, indriye dasa, jhāne dasa, magge dasa, sampayutte dasa, atthiyā dasa, natthiyā soḷasa, vigate soḷasa, avigate dasa.

    (បច្ចនីយានុលោមំ អនុមជ្ជន្តេន គណេតព្ពំ។)

    (Paccanīyānulomaṃ anumajjantena gaṇetabbaṃ.)

    បច្ចនីយានុលោមំ។

    Paccanīyānulomaṃ.

    បីតិត្តិកំ និដ្ឋិតំ។

    Pītittikaṃ niṭṭhitaṃ.




    Next: ៨. ទស្សនេនបហាតព្ពត្តិកំ • 8. Dassanenapahātabbattikaṃ




    Footnotes:
    1. នានាខណិកា (ស្យា. ក.)
    2. nānākhaṇikā (syā. ka.)



    Related texts:



    អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact