Library / Tipiṭaka / တိပိဋက • Tipiṭaka / ပဋ္ဌာနပာဠိ • Paṭṭhānapāḷi

    ၇. ပီတိတ္တိကံ

    7. Pītittikaṃ

    ၁. ပဋိစ္စဝာရော

    1. Paṭiccavāro

    ၁. ပစ္စယာနုလောမံ

    1. Paccayānulomaṃ

    ၁. ဝိဘင္ဂဝာရော

    1. Vibhaṅgavāro

    ဟေတုပစ္စယော

    Hetupaccayo

    ၁. ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ – ပီတိသဟဂတံ ဧကံ ခန္ဓံ ပဋိစ္စ တယော ခန္ဓာ, တယော ခန္ဓေ ပဋိစ္စ ဧကော ခန္ဓော, ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ ပဋိသန္ဓိက္ခဏေ ပီတိသဟဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၁)

    1. Pītisahagataṃ dhammaṃ paṭicca pītisahagato dhammo uppajjati hetupaccayā – pītisahagataṃ ekaṃ khandhaṃ paṭicca tayo khandhā, tayo khandhe paṭicca eko khandho, dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    ပီတိသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ – ပီတိသဟဂတံ ဧကံ ခန္ဓံ ပဋိစ္စ သုခသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ ပဋိသန္ဓိက္ခဏေ ပီတိသဟဂတံ ဧကံ ခန္ဓံ ပဋိစ္စ သုခသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၂)

    Pītisahagataṃ dhammaṃ paṭicca sukhasahagato dhammo uppajjati hetupaccayā – pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)

    ပီတိသဟဂတံ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – ပီတိသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ ပဋိသန္ဓိက္ခဏေ ပီတိသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ တယော ခန္ဓာ ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၃)

    Pītisahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā …pe… dve khandhe paṭicca dve khandhā. (3)

    ၂. သုခသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ – သုခသဟဂတံ ဧကံ ခန္ဓံ ပဋိစ္စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ ပဋိသန္ဓိက္ခဏေ သုခသဟဂတံ ဧကံ ခန္ဓံ ပဋိစ္စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၁)

    2. Sukhasahagataṃ dhammaṃ paṭicca sukhasahagato dhammo uppajjati hetupaccayā – sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    သုခသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ – သုခသဟဂတံ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ ပဋိသန္ဓိက္ခဏေ သုခသဟဂတံ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၂)

    Sukhasahagataṃ dhammaṃ paṭicca pītisahagato dhammo uppajjati hetupaccayā – sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)

    သုခသဟဂတံ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – သုခသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ ပဋိသန္ဓိက္ခဏေ သုခသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၃)

    Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    ၃. ဥပေက္ခာသဟဂတံ ဓမ္မံ ပဋိစ္စ ဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ – ဥပေက္ခာသဟဂတံ ဧကံ ခန္ဓံ ပဋိစ္စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ ပဋိသန္ဓိက္ခဏေ။ပေ.။။ (၁)

    3. Upekkhāsahagataṃ dhammaṃ paṭicca upekkhāsahagato dhammo uppajjati hetupaccayā – upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe…pe…. (1)

    ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ – ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ ပဋိသန္ဓိက္ခဏေ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၁)

    Pītisahagatañca sukhasahagatañca dhammaṃ paṭicca pītisahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)

    ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ – ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ သုခသဟဂတာ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ ပဋိသန္ဓိက္ခဏေ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ သုခသဟဂတာ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၂)

    Pītisahagatañca sukhasahagatañca dhammaṃ paṭicca sukhasahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)

    ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ ပဋိသန္ဓိက္ခဏေ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၃)

    Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    အာရမ္မဏပစ္စယာဒိ

    Ārammaṇapaccayādi

    ၄. ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ အာရမ္မဏပစ္စယာ။ အဓိပတိပစ္စယာ။ (ပဋိသန္ဓိက္ခဏေ နတ္ထိ) အနန္တရပစ္စယာ။ သမနန္တရပစ္စယာ။ သဟဇာတပစ္စယာ။ အညမညပစ္စယာ။ နိသ္သယပစ္စယာ။ ဥပနိသ္သယပစ္စယာ။ ပုရေဇာတပစ္စယာ။ (ပုရေဇာတေ ပဋိသန္ဓိက္ခဏေ နတ္ထိ) အာသေဝနပစ္စယာ။ (အာသေဝနေ ဝိပာကံ နတ္ထိ) ကမ္မပစ္စယာ။ ဝိပာကပစ္စယာ။ အာဟာရ။ပေ.။ ဣန္ဒ္ရိယ။ ဈာန။ မဂ္ဂ။ သမ္ပယုတ္တ။ ဝိပ္ပယုတ္တ။ အတ္ထိ။ နတ္ထိ။ ဝိဂတ။ အဝိဂတပစ္စယာ။

    4. Pītisahagataṃ dhammaṃ paṭicca pītisahagato dhammo uppajjati ārammaṇapaccayā… adhipatipaccayā… (paṭisandhikkhaṇe natthi) anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā… (purejāte paṭisandhikkhaṇe natthi) āsevanapaccayā… (āsevane vipākaṃ natthi) kammapaccayā… vipākapaccayā… āhāra…pe… indriya… jhāna… magga… sampayutta… vippayutta… atthi… natthi… vigata… avigatapaccayā.

    ၁. ပစ္စယာနုလောမံ

    1. Paccayānulomaṃ

    ၂. သင္ခ္ယာဝာရော

    2. Saṅkhyāvāro

    သုဒ္ဓံ

    Suddhaṃ

    ၅. ဟေတုယာ ဒသ, အာရမ္မဏေ ဒသ, အဓိပတိယာ ဒသ, အနန္တရေ သမနန္တရေ သဟဇာတေ အညမညေ နိသ္သယေ ဥပနိသ္သယေ ပုရေဇာတေ အာသေဝနေ ကမ္မေ ဝိပာကေ အာဟာရေ ဣန္ဒ္ရိယေ ဈာနေ မဂ္ဂေ သမ္ပယုတ္တေ ဝိပ္ပယုတ္တေ အတ္ထိယာ နတ္ထိယာ ဝိဂတေ အဝိဂတေ သဗ္ဗတ္ထ ဒသ။

    5. Hetuyā dasa, ārammaṇe dasa, adhipatiyā dasa, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate sabbattha dasa.

    (ဧဝံ အနုလောမဂဏနာ ဂဏေတဗ္ဗာ။)

    (Evaṃ anulomagaṇanā gaṇetabbā.)

    အနုလောမံ။

    Anulomaṃ.

    ၂. ပစ္စယပစ္စနီယံ

    2. Paccayapaccanīyaṃ

    ၁. ဝိဘင္ဂဝာရော

    1. Vibhaṅgavāro

    နဟေတုပစ္စယော

    Nahetupaccayo

    ၆. ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပီတိသဟဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၁)

    6. Pītisahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    ပီတိသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပီတိသဟဂတံ ဧကံ ခန္ဓံ ပဋိစ္စ သုခသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၂)

    Pītisahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)

    ပီတိသဟဂတံ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ပီတိသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၃)

    Pītisahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. (3)

    ၇. သုခသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သုခသဟဂတံ ဧကံ ခန္ဓံ ပဋိစ္စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၁)

    7. Sukhasahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    သုခသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သုခသဟဂတံ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၂)

    Sukhasahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)

    သုခသဟဂတံ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ သုခသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၃)

    Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    ၈. ဥပေက္ခာသဟဂတံ ဓမ္မံ ပဋိစ္စ ဥပေက္ခာသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပေက္ခာသဟဂတံ ဧကံ ခန္ဓံ ပဋိစ္စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ အဟေတုကပဋိသန္ဓိက္ခဏေ ဥပေက္ခာသဟဂတံ ဧကံ ခန္ဓံ ပဋိစ္စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

    8. Upekkhāsahagataṃ dhammaṃ paṭicca upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Ahetukapaṭisandhikkhaṇe upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    ၉. ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ။ပေ.။ ဒ္ဝေ ခန္ဓေ ပဋိစ္စ ဒ္ဝေ ခန္ဓာ။ (၁)

    9. Pītisahagatañca sukhasahagatañca dhammaṃ paṭicca pītisahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)

    ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ သုခသဟဂတာ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၂)

    Pītisahagatañca sukhasahagatañca dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)

    ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၃)

    Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    နအဓိပတိ-နအာသေဝနပစ္စယာ

    Naadhipati-naāsevanapaccayā

    ၁၀. ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နအဓိပတိပစ္စယာ (နအဓိပတိပဋိသန္ဓိက္ခဏေ ပရိပုဏ္ဏံ)။ နပုရေဇာတပစ္စယာ။ (‘‘အရူပေ’’တိ နိယာမေတဗ္ဗံ ‘‘ပဋိသန္ဓိက္ခဏေ’’တိ စ) နပစ္ဆာဇာတပစ္စယာ။ နအာသေဝနပစ္စယာ။

    10. Pītisahagataṃ dhammaṃ paṭicca pītisahagato dhammo uppajjati naadhipatipaccayā (naadhipatipaṭisandhikkhaṇe paripuṇṇaṃ)… napurejātapaccayā… (‘‘arūpe’’ti niyāmetabbaṃ ‘‘paṭisandhikkhaṇe’’ti ca) napacchājātapaccayā… naāsevanapaccayā.

    နကမ္မပစ္စယော

    Nakammapaccayo

    ၁၁. ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နကမ္မပစ္စယာ – ပီတိသဟဂတေ ခန္ဓေ ပဋိစ္စ ပီတိသဟဂတာ စေတနာ။

    11. Pītisahagataṃ dhammaṃ paṭicca pītisahagato dhammo uppajjati nakammapaccayā – pītisahagate khandhe paṭicca pītisahagatā cetanā.

    ပီတိသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နကမ္မပစ္စယာ – ပီတိသဟဂတေ ခန္ဓေ ပဋိစ္စ သုခသဟဂတာ စေတနာ။

    Pītisahagataṃ dhammaṃ paṭicca sukhasahagato dhammo uppajjati nakammapaccayā – pītisahagate khandhe paṭicca sukhasahagatā cetanā.

    (ဣမိနာ ကာရဏေန ဒသ ပဉ္ဟာ ဝိတ္ထာရေတဗ္ဗာ။)

    (Iminā kāraṇena dasa pañhā vitthāretabbā.)

    နဝိပာကပစ္စယော

    Navipākapaccayo

    ၁၂. ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နဝိပာကပစ္စယာ။ပေ.။ (ပရိပုဏ္ဏံ, ပဋိသန္ဓိ နတ္ထိ)။

    12. Pītisahagataṃ dhammaṃ paṭicca pītisahagato dhammo uppajjati navipākapaccayā…pe… (paripuṇṇaṃ, paṭisandhi natthi).

    နဈာနပစ္စယာဒိ

    Najhānapaccayādi

    ၁၃. သုခသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နဈာနပစ္စယာ – သုခသဟဂတံ ကာယဝိညာဏသဟဂတံ ဧကံ ခန္ဓံ ပဋိစ္စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၁)

    13. Sukhasahagataṃ dhammaṃ paṭicca sukhasahagato dhammo uppajjati najhānapaccayā – sukhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    ဥပေက္ခာသဟဂတံ ဓမ္မံ ပဋိစ္စ ဥပေက္ခာသဟဂတော ဓမ္မော ဥပ္ပဇ္ဇတိ နဈာနပစ္စယာ – စတုဝိညာဏသဟဂတံ ဧကံ ခန္ဓံ ပဋိစ္စ ဒ္ဝေ ခန္ဓာ, ဒ္ဝေ ခန္ဓေ ပဋိစ္စ ဧကော ခန္ဓော။ (၁)

    Upekkhāsahagataṃ dhammaṃ paṭicca upekkhāsahagato dhammo uppajjati najhānapaccayā – catuviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    (နမဂ္ဂပစ္စယာ နဟေတုပစ္စယသဒိသံ။ မောဟော နတ္ထိ။ နဝိပ္ပယုတ္တပစ္စယာ ပရိပုဏ္ဏံ အရူပပဉ္ဟမေဝ။)

    (Namaggapaccayā nahetupaccayasadisaṃ. Moho natthi. Navippayuttapaccayā paripuṇṇaṃ arūpapañhameva.)

    ၂. ပစ္စယပစ္စနီယံ

    2. Paccayapaccanīyaṃ

    ၂. သင္ခ္ယာဝာရော

    2. Saṅkhyāvāro

    သုဒ္ဓံ

    Suddhaṃ

    ၁၄. နဟေတုယာ ဒသ, နအဓိပတိယာ ဒသ, နပုရေဇာတေ နပစ္ဆာဇာတေ နအာသေဝနေ နကမ္မေ နဝိပာကေ ဒသ, နဈာနေ ဒ္ဝေ, နမဂ္ဂေ ဒသ, နဝိပ္ပယုတ္တေ ဒသ (ပစ္စနီယံ ပရိပုဏ္ဏံ ကာတဗ္ဗံ)။

    14. Nahetuyā dasa, naadhipatiyā dasa, napurejāte napacchājāte naāsevane nakamme navipāke dasa, najhāne dve, namagge dasa, navippayutte dasa (paccanīyaṃ paripuṇṇaṃ kātabbaṃ).

    ပစ္စနီယံ။

    Paccanīyaṃ.

    ၃. ပစ္စယာနုလောမပစ္စနီယံ

    3. Paccayānulomapaccanīyaṃ

    ဒုကံ

    Dukaṃ

    ၁၅. ဟေတုပစ္စယာ နအဓိပတိယာ ဒသ, နပုရေဇာတေ ဒသ, နပစ္ဆာဇာတေ နအာသေဝနေ နကမ္မေ နဝိပာကေ နဝိပ္ပယုတ္တေ ဒသ။

    15. Hetupaccayā naadhipatiyā dasa, napurejāte dasa, napacchājāte naāsevane nakamme navipāke navippayutte dasa.

    (အနုလောမပစ္စနီယံ ဝိတ္ထာရေန ဂဏေတဗ္ဗံ။)

    (Anulomapaccanīyaṃ vitthārena gaṇetabbaṃ.)

    အနုလောမပစ္စနီယံ။

    Anulomapaccanīyaṃ.

    ၄. ပစ္စယပစ္စနီယာနုလောမံ

    4. Paccayapaccanīyānulomaṃ

    ဒုကံ

    Dukaṃ

    ၁၆. နဟေတုပစ္စယာ အာရမ္မဏေ ဒသ, အနန္တရေ ဒသ, သမနန္တရေ ဒသ, သဟဇာတေ အညမညေ နိသ္သယေ ဥပနိသ္သယေ ပုရေဇာတေ အာသေဝနေ ကမ္မေ ဝိပာကေ အာဟာရေ ဣန္ဒ္ရိယေ ဈာနေ သဗ္ဗေ ဒသ, မဂ္ဂေ ဧကံ, သမ္ပယုတ္တေ ဒသ, ဝိပ္ပယုတ္တေ အတ္ထိယာ နတ္ထိယာ ဝိဂတေ အဝိဂတေ သဗ္ဗေ ဒသ။

    16. Nahetupaccayā ārammaṇe dasa, anantare dasa, samanantare dasa, sahajāte aññamaññe nissaye upanissaye purejāte āsevane kamme vipāke āhāre indriye jhāne sabbe dasa, magge ekaṃ, sampayutte dasa, vippayutte atthiyā natthiyā vigate avigate sabbe dasa.

    ပစ္စနီယာနုလောမံ။

    Paccanīyānulomaṃ.

    ပဋိစ္စဝာရော။

    Paṭiccavāro.

    ၂-၆. သဟဇာတ-ပစ္စယ-နိသ္သယ-သံသဋ္ဌ-သမ္ပယုတ္တဝာရော

    2-6. Sahajāta-paccaya-nissaya-saṃsaṭṭha-sampayuttavāro

    (သဟဇာတဝာရောပိ ပစ္စယဝာရောပိ နိသ္သယဝာရောပိ သံသဋ္ဌဝာရောပိ သမ္ပယုတ္တဝာရောပိ ပဋိစ္စဝာရသဒိသာ။)

    (Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā.)

    ၇. ပဉ္ဟာဝာရော

    7. Pañhāvāro

    ၁. ပစ္စယာနုလောမံ

    1. Paccayānulomaṃ

    ၁. ဝိဘင္ဂဝာရော

    1. Vibhaṅgavāro

    ဟေတုပစ္စယော

    Hetupaccayo

    ၁၇. ပီတိသဟဂတော ဓမ္မော ပီတိသဟဂတသ္သ ဓမ္မသ္သ ဟေတုပစ္စယေန ပစ္စယော – ပီတိသဟဂတာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ ပီတိသဟဂတာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)

    17. Pītisahagato dhammo pītisahagatassa dhammassa hetupaccayena paccayo – pītisahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe pītisahagatā hetū sampayuttakānaṃ khandhānaṃ hetupaccayena paccayo. (1)

    ပီတိသဟဂတော ဓမ္မော သုခသဟဂတသ္သ ဓမ္မသ္သ ဟေတုပစ္စယေန ပစ္စယော – ပီတိသဟဂတာ ဟေတူ သမ္ပယုတ္တကာနံ သုခသဟဂတာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ။ပေ.။။ (၂)

    Pītisahagato dhammo sukhasahagatassa dhammassa hetupaccayena paccayo – pītisahagatā hetū sampayuttakānaṃ sukhasahagatānaṃ khandhānaṃ hetupaccayena paccayo. Paṭisandhikkhaṇe…pe…. (2)

    ပီတိသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ ဟေတုပစ္စယေန ပစ္စယော – ပီတိသဟဂတာ ဟေတူ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ။ပေ.။။ (၃)

    Pītisahagato dhammo pītisahagatassa ca sukhasahagatassa ca dhammassa hetupaccayena paccayo – pītisahagatā hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (3)

    ၁၈. သုခသဟဂတော ဓမ္မော သုခသဟဂတသ္သ ဓမ္မသ္သ။ပေ.။ ပီတိသဟဂတသ္သ ဓမ္မသ္သ။ပေ.။ ပီတိသဟဂတသ္သ စ သုခသဟဂတသ္သ စ ဓမ္မသ္သ။ပေ.။ (သုခမူလေ တီဏိ)။

    18. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa…pe… (sukhamūle tīṇi).

    ဥပေက္ခာသဟဂတော ဓမ္မော ဥပေက္ခာသဟဂတသ္သ ဓမ္မသ္သ ဟေတုပစ္စယေန ပစ္စယော – ဥပေက္ခာသဟဂတာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ။ပေ.။။ (၁)

    Upekkhāsahagato dhammo upekkhāsahagatassa dhammassa hetupaccayena paccayo – upekkhāsahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe…pe…. (1)

    ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ ဓမ္မသ္သ။ပေ.။ သုခသဟဂတသ္သ ဓမ္မသ္သ။ပေ.။ ပီတိသဟဂတသ္သ စ သုခသဟဂတသ္သ စ ဓမ္မသ္သ ဟေတုပစ္စယေန ပစ္စယော – ပီတိသဟဂတာ စ သုခသဟဂတာ စ ဟေတူ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ။ပေ.။။ (၂)

    Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa hetupaccayena paccayo – pītisahagatā ca sukhasahagatā ca hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (2)

    အာရမ္မဏပစ္စယော

    Ārammaṇapaccayo

    ၁၉. ပီတိသဟဂတော ဓမ္မော ပီတိသဟဂတသ္သ ဓမ္မသ္သ အာရမ္မဏပစ္စယေန ပစ္စယော – ပီတိသဟဂတေန စိတ္တေန ဒာနံ ဒတ္ဝာ သီလံ သမာဒိယိတ္ဝာ ဥပောသထကမ္မံ ကတ္ဝာ တံ ပီတိသဟဂတေန စိတ္တေန ပစ္စဝေက္ခတိ, ပီတိသဟဂတာ ဈာနာ ဝုဋ္ဌဟိတ္ဝာ, မဂ္ဂာ ဝုဋ္ဌဟိတ္ဝာ, ဖလာ ဝုဋ္ဌဟိတ္ဝာ တံ ပီတိသဟဂတေန စိတ္တေန ပစ္စဝေက္ခတိ။ အရိယာ ပီတိသဟဂတေန စိတ္တေန ပီတိသဟဂတေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒာစိဏ္ဏေ ကိလေသေ ဇာနန္တိ။ ပီတိသဟဂတေ ခန္ဓေ ပီတိသဟဂတေန စိတ္တေန အနိစ္စတော ဒုက္ခတော အနတ္တတော ဝိပသ္သန္တိ အသ္သာဒေန္တိ အဘိနန္ဒန္တိ; တံ အာရဗ္ဘ ပီတိသဟဂတော ရာဂော ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ ပီတိသဟဂတေ ခန္ဓေ အာရဗ္ဘ ပီတိသဟဂတာ ခန္ဓာ ဥပ္ပဇ္ဇန္တိ။ (၁)

    19. Pītisahagato dhammo pītisahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena cittena paccavekkhati. Ariyā pītisahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe pītisahagatena cittena aniccato dukkhato anattato vipassanti assādenti abhinandanti; taṃ ārabbha pītisahagato rāgo uppajjati, diṭṭhi uppajjati. Pītisahagate khandhe ārabbha pītisahagatā khandhā uppajjanti. (1)

    ပီတိသဟဂတော ဓမ္မော သုခသဟဂတသ္သ ဓမ္မသ္သ အာရမ္မဏပစ္စယေန ပစ္စယော – ပီတိသဟဂတေန စိတ္တေန ဒာနံ ဒတ္ဝာ သီလံ သမာဒိယိတ္ဝာ ဥပောသထကမ္မံ ကတ္ဝာ တံ သုခသဟဂတေန စိတ္တေန ပစ္စဝေက္ခတိ, ပီတိသဟဂတာ ဈာနာ ဝုဋ္ဌဟိတ္ဝာ, မဂ္ဂာ ဝုဋ္ဌဟိတ္ဝာ, ဖလာ ဝုဋ္ဌဟိတ္ဝာ တံ သုခသဟဂတေန စိတ္တေန ပစ္စဝေက္ခတိ။ အရိယာ သုခသဟဂတေန စိတ္တေန ပီတိသဟဂတေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒာစိဏ္ဏေ ကိလေသေ ဇာနန္တိ။ ပီတိသဟဂတေ ခန္ဓေ သုခသဟဂတေန စိတ္တေန အနိစ္စတော ဒုက္ခတော အနတ္တတော ဝိပသ္သန္တိ အသ္သာဒေန္တိ အဘိနန္ဒန္တိ; တံ အာရဗ္ဘ သုခသဟဂတော ရာဂော ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ ပီတိသဟဂတေ ခန္ဓေ အာရဗ္ဘ သုခသဟဂတာ ခန္ဓာ ဥပ္ပဇ္ဇန္တိ။ (၂)

    Pītisahagato dhammo sukhasahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ sukhasahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ sukhasahagatena cittena paccavekkhati. Ariyā sukhasahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe sukhasahagatena cittena aniccato dukkhato anattato vipassanti assādenti abhinandanti; taṃ ārabbha sukhasahagato rāgo uppajjati, diṭṭhi uppajjati. Pītisahagate khandhe ārabbha sukhasahagatā khandhā uppajjanti. (2)

    ပီတိသဟဂတော ဓမ္မော ဥပေက္ခာသဟဂတသ္သ ဓမ္မသ္သ အာရမ္မဏပစ္စယေန ပစ္စယော – ပီတိသဟဂတေန စိတ္တေန ဒာနံ ဒတ္ဝာ သီလံ သမာဒိယိတ္ဝာ ဥပောသထကမ္မံ ကတ္ဝာ တံ ဥပေက္ခာသဟဂတေန စိတ္တေန ပစ္စဝေက္ခတိ, ပီတိသဟဂတာ ဈာနာ ဝုဋ္ဌဟိတ္ဝာ, မဂ္ဂာ ဝုဋ္ဌဟိတ္ဝာ, ဖလာ ဝုဋ္ဌဟိတ္ဝာ တံ ဥပေက္ခာသဟဂတေန စိတ္တေန ပစ္စဝေက္ခတိ။ အရိယာ ဥပေက္ခာသဟဂတေန စိတ္တေန ပီတိသဟဂတေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒာစိဏ္ဏေ ကိလေသေ ဇာနန္တိ။ ပီတိသဟဂတေ ခန္ဓေ ဥပေက္ခာသဟဂတေန စိတ္တေန အနိစ္စတော ဒုက္ခတော အနတ္တတော ဝိပသ္သန္တိ အသ္သာဒေန္တိ အဘိနန္ဒန္တိ; တံ အာရဗ္ဘ ဥပေက္ခာသဟဂတော ရာဂော ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ဝိစိကိစ္ဆာ ဥပ္ပဇ္ဇတိ, ဥဒ္ဓစ္စံ ဥပ္ပဇ္ဇတိ။ စေတောပရိယဉာဏေန ပီတိသဟဂတစိတ္တသမင္ဂိသ္သ စိတ္တံ ဇာနန္တိ, ပီတိသဟဂတာ ခန္ဓာ စေတောပရိယဉာဏသ္သ, ပုဗ္ဗေနိဝာသာနုသ္သတိဉာဏသ္သ, ယထာကမ္မူပဂဉာဏသ္သ, အနာဂတံသဉာဏသ္သ, အာဝဇ္ဇနာယ အာရမ္မဏပစ္စယေန ပစ္စယော။ ပီတိသဟဂတေ ခန္ဓေ အာရဗ္ဘ ဥပေက္ခာသဟဂတာ ခန္ဓာ ဥပ္ပဇ္ဇန္တိ။ (၃)

    Pītisahagato dhammo upekkhāsahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatacittasamaṅgissa cittaṃ jānanti, pītisahagatā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate khandhe ārabbha upekkhāsahagatā khandhā uppajjanti. (3)

    ပီတိသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အာရမ္မဏပစ္စယေန ပစ္စယော – ပီတိသဟဂတေန စိတ္တေန ဒာနံ ဒတ္ဝာ သီလံ သမာဒိယိတ္ဝာ ဥပောသထကမ္မံ ကတ္ဝာ တံ ပီတိသဟဂတေန စ သုခသဟဂတေန စ စိတ္တေန ပစ္စဝေက္ခတိ, ပီတိသဟဂတာ ဈာနာ ဝုဋ္ဌဟိတ္ဝာ, မဂ္ဂာ ဝုဋ္ဌဟိတ္ဝာ, ဖလာ ဝုဋ္ဌဟိတ္ဝာ တံ ပီတိသဟဂတေန စ သုခသဟဂတေန စ စိတ္တေန ပစ္စဝေက္ခတိ။ အရိယာ ပီတိသဟဂတေန စ သုခသဟဂတေန စ စိတ္တေန ပီတိသဟဂတေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ , ပုဗ္ဗေ သမုဒာစိဏ္ဏေ ကိလေသေ ဇာနန္တိ။ ပီတိသဟဂတေ ခန္ဓေ ပီတိသဟဂတေန စ သုခသဟဂတေန စ စိတ္တေန အနိစ္စတော ဒုက္ခတော အနတ္တတော ဝိပသ္သန္တိ အသ္သာဒေန္တိ အဘိနန္ဒန္တိ; တံ အာရဗ္ဘ ပီတိသဟဂတော စ သုခသဟဂတော စ ရာဂော ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ ပီတိသဟဂတေ ခန္ဓေ အာရဗ္ဘ ပီတိသဟဂတာ စ သုခသဟဂတာ စ ခန္ဓာ ဥပ္ပဇ္ဇန္တိ။ (၄)

    Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena pītisahagate pahīne kilese paccavekkhanti, vikkhambhite kilese paccavekkhanti , pubbe samudāciṇṇe kilese jānanti. Pītisahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Pītisahagate khandhe ārabbha pītisahagatā ca sukhasahagatā ca khandhā uppajjanti. (4)

    ၂၀. သုခသဟဂတော ဓမ္မော သုခသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ သုခသဟဂတော ဓမ္မော ပီတိသဟဂတသ္သ ဓမ္မသ္သ။ပေ.။ ဥပေက္ခာသဟဂတသ္သ ဓမ္မသ္သ။ပေ.။ ပီတိသဟဂတသ္သ စ သုခသဟဂတသ္သ စ ဓမ္မသ္သ အာရမ္မဏပစ္စယေန ပစ္စယော – သုခသဟဂတေ ခန္ဓေ အာရဗ္ဘ ပီတိသဟဂတာ စ သုခသဟဂတာ စ ခန္ဓာ ဥပ္ပဇ္ဇန္တိ။ (၄)

    20. Sukhasahagato dhammo sukhasahagatassa dhammassa ārammaṇapaccayena paccayo… sukhasahagato dhammo pītisahagatassa dhammassa…pe… upekkhāsahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – sukhasahagate khandhe ārabbha pītisahagatā ca sukhasahagatā ca khandhā uppajjanti. (4)

    ဥပေက္ခာသဟဂတော ဓမ္မော ဥပေက္ခာသဟဂတသ္သ ဓမ္မသ္သ အာရမ္မဏပစ္စယေန ပစ္စယော – ဥပေက္ခာသဟဂတေန စိတ္တေန ဒာနံ ဒတ္ဝာ သီလံ သမာဒိယိတ္ဝာ ဥပောသထကမ္မံ ကတ္ဝာ တံ ဥပေက္ခာသဟဂတေန စိတ္တေန ပစ္စဝေက္ခတိ, ဥပေက္ခာသဟဂတာ ဈာနာ ဝုဋ္ဌဟိတ္ဝာ, မဂ္ဂာ ဝုဋ္ဌဟိတ္ဝာ, ဖလာ ဝုဋ္ဌဟိတ္ဝာ တံ ဥပေက္ခာသဟဂတေန စိတ္တေန ပစ္စဝေက္ခတိ။ အရိယာ ဥပေက္ခာသဟဂတေန စိတ္တေန ဥပေက္ခာသဟဂတေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒာစိဏ္ဏေ ကိလေသေ ဇာနန္တိ။ ဥပေက္ခာသဟဂတေ ခန္ဓေ ဥပေက္ခာသဟဂတေန စိတ္တေန အနိစ္စတော ဒုက္ခတော အနတ္တတော ဝိပသ္သန္တိ အသ္သာဒေန္တိ အဘိနန္ဒန္တိ; တံ အာရဗ္ဘ ဥပေက္ခာသဟဂတော ရာဂော ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ဝိစိကိစ္ဆာ ဥပ္ပဇ္ဇတိ, ဥဒ္ဓစ္စံ ဥပ္ပဇ္ဇတိ။ စေတောပရိယဉာဏေန ဥပေက္ခာသဟဂတစိတ္တသမင္ဂိသ္သ စိတ္တံ ဇာနာတိ။ အာကာသာနဉ္စာယတနံ ဝိညာဏဉ္စာယတနသ္သ အာရမ္မဏပစ္စယေန ပစ္စယော။ပေ.။ အာကိဉ္စညာယတနံ နေဝသညာနာသညာယတနသ္သ အာရမ္မဏပစ္စယေန ပစ္စယော။ ဥပေက္ခာသဟဂတာ ခန္ဓာ ဣဒ္ဓိဝိဓဉာဏသ္သ, စေတောပရိယဉာဏသ္သ, ပုဗ္ဗေနိဝာသာနုသ္သတိဉာဏသ္သ, ယထာကမ္မူပဂဉာဏသ္သ, အနာဂတံသဉာဏသ္သ အာဝဇ္ဇနာယ အာရမ္မဏပစ္စယေန ပစ္စယော။ ဥပေက္ခာသဟဂတေ ခန္ဓေ အာရဗ္ဘ ဥပေက္ခာသဟဂတာ ခန္ဓာ ဥပ္ပဇ္ဇန္တိ။ (၁)

    Upekkhāsahagato dhammo upekkhāsahagatassa dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena upekkhāsahagatacittasamaṅgissa cittaṃ jānāti. Ākāsānañcāyatanaṃ viññāṇañcāyatanassa ārammaṇapaccayena paccayo…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Upekkhāsahagatā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa āvajjanāya ārammaṇapaccayena paccayo. Upekkhāsahagate khandhe ārabbha upekkhāsahagatā khandhā uppajjanti. (1)

    ဥပေက္ခာသဟဂတော ဓမ္မော ပီတိသဟဂတသ္သ ဓမ္မသ္သ။ပေ.။ သုခသဟဂတသ္သ ဓမ္မသ္သ။ပေ.။ ပီတိသဟဂတသ္သ စ သုခသဟဂတသ္သ စ ဓမ္မသ္သ အာရမ္မဏပစ္စယေန ပစ္စယော – ဥပေက္ခာသဟဂတေန စိတ္တေန ဒာနံ ဒတ္ဝာ သီလံ သမာဒိယိတ္ဝာ ဥပောသထကမ္မံ ကတ္ဝာ တံ ပီတိသဟဂတေန စ သုခသဟဂတေန စ စိတ္တေန ပစ္စဝေက္ခတိ, ဥပေက္ခာသဟဂတာ ဈာနာ ဝုဋ္ဌဟိတ္ဝာ, မဂ္ဂာ ဝုဋ္ဌဟိတ္ဝာ ဖလာ ဝုဋ္ဌဟိတ္ဝာ, တံ ပီတိသဟဂတေန စ သုခသဟဂတေန စ စိတ္တေန ပစ္စဝေက္ခတိ။ အရိယာ ပီတိသဟဂတေန စ သုခသဟဂတေန စ စိတ္တေန ဥပေက္ခာသဟဂတေ ပဟီနေ ကိလေသေ ပစ္စဝေက္ခန္တိ, ဝိက္ခမ္ဘိတေ ကိလေသေ ပစ္စဝေက္ခန္တိ, ပုဗ္ဗေ သမုဒာစိဏ္ဏေ ကိလေသေ ဇာနန္တိ။ ဥပေက္ခာသဟဂတေ ခန္ဓေ ပီတိသဟဂတေန စ သုခသဟဂတေန စ စိတ္တေန အနိစ္စတော ဒုက္ခတော အနတ္တတော ဝိပသ္သန္တိ အသ္သာဒေန္တိ အဘိနန္ဒန္တိ; တံ အာရဗ္ဘ ပီတိသဟဂတော စ သုခသဟဂတော စ ရာဂော ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ ဥပေက္ခာသဟဂတေ ခန္ဓေ အာရဗ္ဘ ပီတိသဟဂတာ စ သုခသဟဂတာ စ ခန္ဓာ ဥပ္ပဇ္ဇန္တိ။ (၃)

    Upekkhāsahagato dhammo pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā phalā vuṭṭhahitvā, taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Upekkhāsahagate khandhe ārabbha pītisahagatā ca sukhasahagatā ca khandhā uppajjanti. (3)

    ၂၁. ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ ဓမ္မသ္သ။ပေ.။ သုခသဟဂတသ္သ ဓမ္မသ္သ။ပေ.။ ဥပေက္ခာသဟဂတသ္သ ဓမ္မသ္သ အာရမ္မဏပစ္စယေန ပစ္စယော – ပီတိသဟဂတေန စ သုခသဟဂတေန စ စိတ္တေန ဒာနံ ဒတ္ဝာ သီလံ သမာဒိယိတ္ဝာ ဥပောသထကမ္မံ ကတ္ဝာ။ပေ.။ ပီတိသဟဂတေ စ သုခသဟဂတေ စ ခန္ဓေ ဥပေက္ခာသဟဂတေန စိတ္တေန အနိစ္စတော ဒုက္ခတော အနတ္တတော ဝိပသ္သတိ အသ္သာဒေတိ အဘိနန္ဒတိ; တံ အာရဗ္ဘ ဥပေက္ခာသဟဂတော ရာဂော ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ, ဝိစိကိစ္ဆာ ဥပ္ပဇ္ဇတိ, ဥဒ္ဓစ္စံ ဥပ္ပဇ္ဇတိ။ စေတောပရိယဉာဏေန ပီတိသဟဂတသုခသဟဂတစိတ္တသမင္ဂိသ္သ စိတ္တံ ဇာနာတိ။ ပီတိသဟဂတာ စ သုခသဟဂတာ စ ခန္ဓာ စေတောပရိယဉာဏသ္သ, ပုဗ္ဗေနိဝာသာနုသ္သတိဉာဏသ္သ, ယထာကမ္မူပဂဉာဏသ္သ, အနာဂတံသဉာဏသ္သ, အာဝဇ္ဇနာယ အာရမ္မဏပစ္စယေန ပစ္စယော။ ပီတိသဟဂတေ စ သုခသဟဂတေ စ ခန္ဓေ အာရဗ္ဘ ဥပေက္ခာသဟဂတာ ခန္ဓာ ဥပ္ပဇ္ဇန္တိ။ (၃)

    21. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa ārammaṇapaccayena paccayo – pītisahagatena ca sukhasahagatena ca cittena dānaṃ datvā sīlaṃ samādiyitvā uposathakammaṃ katvā…pe… pītisahagate ca sukhasahagate ca khandhe upekkhāsahagatena cittena aniccato dukkhato anattato vipassati assādeti abhinandati; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatasukhasahagatacittasamaṅgissa cittaṃ jānāti. Pītisahagatā ca sukhasahagatā ca khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate ca sukhasahagate ca khandhe ārabbha upekkhāsahagatā khandhā uppajjanti. (3)

    ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ စ သုခသဟဂတသ္သ စ ဓမ္မသ္သ အာရမ္မဏပစ္စယေန ပစ္စယော (သံခိတ္တံ)။ (၄)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo (saṃkhittaṃ). (4)

    အဓိပတိပစ္စယော

    Adhipatipaccayo

    ၂၂. ပီတိသဟဂတော ဓမ္မော ပီတိသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ပီတိသဟဂတေန စိတ္တေန ဒာနံ ဒတ္ဝာ သီလံ သမာဒိယိတ္ဝာ ဥပောသထကမ္မံ ကတ္ဝာ ပီတိသဟဂတေန စိတ္တေန တံ ဂရုံ ကတ္ဝာ ပစ္စဝေက္ခတိ, ပီတိသဟဂတာ ဈာနာ ဝုဋ္ဌဟိတ္ဝာ, မဂ္ဂာ ဝုဋ္ဌဟိတ္ဝာ, ဖလာ ဝုဋ္ဌဟိတ္ဝာ ပီတိသဟဂတေန စိတ္တေန တံ ဂရုံ ကတ္ဝာ ပစ္စဝေက္ခတိ။ ပီတိသဟဂတေ ခန္ဓေ ပီတိသဟဂတေန စိတ္တေန ဂရုံ ကတ္ဝာ အသ္သာဒေတိ အဘိနန္ဒတိ; တံ ဂရုံ ကတ္ဝာ ပီတိသဟဂတော ရာဂော ဥပ္ပဇ္ဇတိ, ဒိဋ္ဌိ ဥပ္ပဇ္ဇတိ။ သဟဇာတာဓိပတိ – ပီတိသဟဂတာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

    22. Pītisahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā sīlaṃ samādiyitvā uposathakammaṃ katvā pītisahagatena cittena taṃ garuṃ katvā paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā pītisahagatena cittena taṃ garuṃ katvā paccavekkhati. Pītisahagate khandhe pītisahagatena cittena garuṃ katvā assādeti abhinandati; taṃ garuṃ katvā pītisahagato rāgo uppajjati, diṭṭhi uppajjati. Sahajātādhipati – pītisahagatādhipati sampayuttakānaṃ khandhānaṃ adhipatipaccayena paccayo. (1)

    ပီတိသဟဂတော ဓမ္မော သုခသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ပီတိသဟဂတေန စိတ္တေန ဒာနံ ဒတ္ဝာ။ပေ.။။ သဟဇာတာဓိပတိ – ပီတိသဟဂတာဓိပတိ သမ္ပယုတ္တကာနံ သုခသဟဂတာနံ ခန္ဓာနံ အဓိပတိပစ္စယေန ပစ္စယော။ (၂)

    Pītisahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)

    ပီတိသဟဂတော ဓမ္မော ဥပေက္ခာသဟဂတသ္သ ဓမ္မသ္သ အဓိပတိပစ္စယေန ပစ္စယော။ အာရမ္မဏာဓိပတိ – ပီတိသဟဂတေန စိတ္တေန ဒာနံ ဒတ္ဝာ။ပေ.။ ဥပေက္ခာသဟဂတေန စိတ္တေန (သံခိတ္တံ)။ (၃)

    Pītisahagato dhammo upekkhāsahagatassa dhammassa adhipatipaccayena paccayo. Ārammaṇādhipati – pītisahagatena cittena dānaṃ datvā…pe… upekkhāsahagatena cittena (saṃkhittaṃ). (3)

    ပီတိသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – ပီတိသဟဂတေန စိတ္တေန ဒာနံ ဒတ္ဝာ။ပေ.။။ သဟဇာတာဓိပတိ – ပီတိသဟဂတာဓိပတိ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အဓိပတိပစ္စယေန ပစ္စယော။ (၄)

    Pītisahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    ၂၃. သုခသဟဂတော ဓမ္မော သုခသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ အာရမ္မဏာဓိပတိ – သုခသဟဂတေန စိတ္တေန ဒာနံ ဒတ္ဝာ။ပေ.။။ သဟဇာတာဓိပတိ – သုခသဟဂတာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

    23. Sukhasahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – sukhasahagatena cittena dānaṃ datvā…pe…. Sahajātādhipati – sukhasahagatādhipati sampayuttakānaṃ khandhānaṃ adhipatipaccayena paccayo. (1)

    သုခသဟဂတော ဓမ္မော ပီတိသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ပေ.။။ သဟဇာတာဓိပတိ – သုခသဟဂတာဓိပတိ သမ္ပယုတ္တကာနံ ပီတိသဟဂတာနံ ခန္ဓာနံ အဓိပတိပစ္စယေန ပစ္စယော။ (၂)

    Sukhasahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānaṃ khandhānaṃ adhipatipaccayena paccayo. (2)

    သုခသဟဂတော ဓမ္မော ဥပေက္ခာသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၃)

    Sukhasahagato dhammo upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    သုခသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ပေ.။။ သဟဇာတာဓိပတိ – သုခသဟဂတာဓိပတိ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အဓိပတိပစ္စယေန ပစ္စယော။ (၄)

    Sukhasahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    ၂၄. ဥပေက္ခာသဟဂတော ဓမ္မော ဥပေက္ခာသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ပေ.။။ သဟဇာတာဓိပတိ – ဥပေက္ခာသဟဂတာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

    24. Upekkhāsahagato dhammo upekkhāsahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – upekkhāsahagatādhipati sampayuttakānaṃ khandhānaṃ adhipatipaccayena paccayo. (1)

    ဥပေက္ခာသဟဂတော ဓမ္မော ပီတိသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၂)

    Upekkhāsahagato dhammo pītisahagatassa dhammassa adhipatipaccayena paccayo – ārammaṇādhipati (saṃkhittaṃ). (2)

    ဥပေက္ခာသဟဂတော ဓမ္မော သုခသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၃)

    Upekkhāsahagato dhammo sukhasahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    ဥပေက္ခာသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၄)

    Upekkhāsahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati (saṃkhittaṃ). (4)

    ၂၅. ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ပေ.။။ သဟဇာတာဓိပတိ – ပီတိသဟဂတာ စ သုခသဟဂတာ စ အဓိပတိ သမ္ပယုတ္တကာနံ ပီတိသဟဂတာနံ ခန္ဓာနံ အဓိပတိပစ္စယေန ပစ္စယော။ (၁)

    25. Pītisahagato ca sukhasahagato ca dhammā pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānaṃ khandhānaṃ adhipatipaccayena paccayo. (1)

    ပီတိသဟဂတော စ သုခသဟဂတော စ ဓမ္မာ သုခသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ။ပေ.။။ သဟဇာတာဓိပတိ – ပီတိသဟဂတာ စ သုခသဟဂတာ စ အဓိပတိ သမ္ပယုတ္တကာနံ သုခသဟဂတာနံ ခန္ဓာနံ အဓိပတိပစ္စယေန ပစ္စယော။ (၂)

    Pītisahagato ca sukhasahagato ca dhammā sukhasahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)

    ပီတိသဟဂတော စ သုခသဟဂတော စ ဓမ္မာ ဥပေက္ခာသဟဂတသ္သ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၃)

    Pītisahagato ca sukhasahagato ca dhammā upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ စ သုခသဟဂတသ္သ စ ဓမ္မသ္သ အဓိပတိပစ္စယေန ပစ္စယော – အာရမ္မဏာဓိပတိ, သဟဇာတာဓိပတိ ။ပေ.။။ သဟဇာတာဓိပတိ – ပီတိသဟဂတာ စ သုခသဟဂတာ စ အဓိပတိ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အဓိပတိပစ္စယေန ပစ္စယော။ (၄)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    အနန္တရပစ္စယော

    Anantarapaccayo

    ၂၆. ပီတိသဟဂတော ဓမ္မော ပီတိသဟဂတသ္သ ဓမ္မသ္သ အနန္တရပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနံ ခန္ဓာနံ အနန္တရပစ္စယေန ပစ္စယော။ ပီတိသဟဂတံ အနုလောမံ ဂောတ္ရဘုသ္သ အနန္တရပစ္စယေန ပစ္စယော။ (ဣမိနာ ကာရဏေန သဗ္ဗေသံ ပဒာနံ ပစ္စယောတိ ဒီပေတဗ္ဗော)။ အနုလောမံ ဝောဒာနသ္သ။ ဂောတ္ရဘု မဂ္ဂသ္သ။ ဝောဒာနံ မဂ္ဂသ္သ။ မဂ္ဂော ဖလသ္သ။ ဖလံ ဖလသ္သ။ အနုလောမံ ပီတိသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၁)

    26. Pītisahagato dhammo pītisahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo. Pītisahagataṃ anulomaṃ gotrabhussa anantarapaccayena paccayo. (Iminā kāraṇena sabbesaṃ padānaṃ paccayoti dīpetabbo). Anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ pītisahagatāya phalasamāpattiyā anantarapaccayena paccayo. (1)

    ပီတိသဟဂတော ဓမ္မော သုခသဟဂတသ္သ ဓမ္မသ္သ အနန္တရပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ အနန္တရပစ္စယေန ပစ္စယော။ ပီတိသဟဂတံ အနုလောမံ သုခသဟဂတသ္သ ဂောတ္ရဘုသ္သ အနန္တရပစ္စယေန ပစ္စယော။ ပီတိသဟဂတံ အနုလောမံ သုခသဟဂတသ္သ ဝောဒာနသ္သ အနန္တရပစ္စယေန ပစ္စယော။ ပီတိသဟဂတံ အနုလောမံ သုခသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၂)

    Pītisahagato dhammo sukhasahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Pītisahagataṃ anulomaṃ sukhasahagatassa gotrabhussa anantarapaccayena paccayo. Pītisahagataṃ anulomaṃ sukhasahagatassa vodānassa anantarapaccayena paccayo. Pītisahagataṃ anulomaṃ sukhasahagatāya phalasamāpattiyā anantarapaccayena paccayo. (2)

    ပီတိသဟဂတော ဓမ္မော ဥပေက္ခာသဟဂတသ္သ ဓမ္မသ္သ အနန္တရပစ္စယေန ပစ္စယော – ပီတိသဟဂတံ စုတိစိတ္တံ ဥပေက္ခာသဟဂတသ္သ ဥပပတ္တိစိတ္တသ္သ အနန္တရပစ္စယေန ပစ္စယော။ ပီတိသဟဂတံ ဘဝင္ဂံ အာဝဇ္ဇနာယ အနန္တရပစ္စယေန ပစ္စယော။ ပီတိသဟဂတာ ဝိပာကမနောဝိညာဏဓာတု ကိရိယမနောဝိညာဏဓာတုယာ အနန္တရပစ္စယေန ပစ္စယော။ ပီတိသဟဂတံ ဘဝင္ဂံ ဥပေက္ခာသဟဂတသ္သ ဘဝင္ဂသ္သ အနန္တရပစ္စယေန ပစ္စယော ။ ပီတိသဟဂတံ ကုသလာကုသလံ ဥပေက္ခာသဟဂတသ္သ ဝုဋ္ဌာနသ္သ။ ကိရိယံ ဝုဋ္ဌာနသ္သ။ ဖလံ ဝုဋ္ဌာနသ္သ အနန္တရပစ္စယေန ပစ္စယော။ (၃)

    Pītisahagato dhammo upekkhāsahagatassa dhammassa anantarapaccayena paccayo – pītisahagataṃ cuticittaṃ upekkhāsahagatassa upapatticittassa anantarapaccayena paccayo. Pītisahagataṃ bhavaṅgaṃ āvajjanāya anantarapaccayena paccayo. Pītisahagatā vipākamanoviññāṇadhātu kiriyamanoviññāṇadhātuyā anantarapaccayena paccayo. Pītisahagataṃ bhavaṅgaṃ upekkhāsahagatassa bhavaṅgassa anantarapaccayena paccayo . Pītisahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    ပီတိသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အနန္တရပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အနန္တရပစ္စယေန ပစ္စယော ။ ပီတိသဟဂတံ အနုလောမံ ပီတိသဟဂတသ္သ စ သုခသဟဂတသ္သ စ ဂောတ္ရဘုသ္သ အနန္တရပစ္စယေန ပစ္စယော။ပေ.။ ပီတိသဟဂတံ အနုလောမံ ပီတိသဟဂတာယ စ သုခသဟဂတာယ စ ဖလသမာပတ္တိယာ အနန္တရပစ္စယေန ပစ္စယော။ (၄)

    Pītisahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo . Pītisahagataṃ anulomaṃ pītisahagatassa ca sukhasahagatassa ca gotrabhussa anantarapaccayena paccayo…pe… pītisahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    ၂၇. သုခသဟဂတော ဓမ္မော သုခသဟဂတသ္သ ဓမ္မသ္သ အနန္တရပစ္စယေန ပစ္စယော – ပုရိမာ ပုရိမာ သုခသဟဂတာ ခန္ဓာ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ အနန္တရပစ္စယေန ပစ္စယော။ သုခသဟဂတံ အနုလောမံ သုခသဟဂတသ္သ ဂောတ္ရဘုသ္သ အနန္တရပစ္စယေန ပစ္စယော။ပေ.။ သုခသဟဂတံ အနုလောမံ သုခသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၁)

    27. Sukhasahagato dhammo sukhasahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Sukhasahagataṃ anulomaṃ sukhasahagatassa gotrabhussa anantarapaccayena paccayo…pe… sukhasahagataṃ anulomaṃ sukhasahagatāya phalasamāpattiyā anantarapaccayena paccayo. (1)

    သုခသဟဂတော ဓမ္မော ပီတိသဟဂတသ္သ ဓမ္မသ္သ အနန္တရပစ္စယေန ပစ္စယော – ပုရိမာ ပုရိမာ သုခသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနံ ခန္ဓာနံ အနန္တရပစ္စယေန ပစ္စယော။ပေ.။ သုခသဟဂတံ အနုလောမံ ပီတိသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၂)

    Sukhasahagato dhammo pītisahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo…pe… sukhasahagataṃ anulomaṃ pītisahagatāya phalasamāpattiyā anantarapaccayena paccayo. (2)

    သုခသဟဂတော ဓမ္မော ဥပေက္ခာသဟဂတသ္သ ဓမ္မသ္သ အနန္တရပစ္စယေန ပစ္စယော – သုခသဟဂတံ စုတိစိတ္တံ ဥပေက္ခာသဟဂတသ္သ ဥပပတ္တိစိတ္တသ္သ အနန္တရပစ္စယေန ပစ္စယော။ သုခသဟဂတံ ဘဝင္ဂံ အာဝဇ္ဇနာယ အနန္တရပစ္စယေန ပစ္စယော။ သုခသဟဂတံ ကာယဝိညာဏံ ဝိပာကမနောဓာတုယာ အနန္တရပစ္စယေန ပစ္စယော။ သုခသဟဂတာ ဝိပာကမနောဝိညာဏဓာတု ကိရိယမနောဝိညာဏဓာတုယာ အနန္တရပစ္စယေန ပစ္စယော သုခသဟဂတံ ဘဝင္ဂံ ဥပေက္ခာသဟဂတသ္သ ဘဝင္ဂသ္သ အနန္တရပစ္စယေန ပစ္စယော။ သုခသဟဂတံ ကုသလာကုသလံ ဥပေက္ခာသဟဂတသ္သ ဝုဋ္ဌာနသ္သ။ ကိရိယံ ဝုဋ္ဌာနသ္သ။ ဖလံ ဝုဋ္ဌာနသ္သ အနန္တရပစ္စယေန ပစ္စယော။ (၃)

    Sukhasahagato dhammo upekkhāsahagatassa dhammassa anantarapaccayena paccayo – sukhasahagataṃ cuticittaṃ upekkhāsahagatassa upapatticittassa anantarapaccayena paccayo. Sukhasahagataṃ bhavaṅgaṃ āvajjanāya anantarapaccayena paccayo. Sukhasahagataṃ kāyaviññāṇaṃ vipākamanodhātuyā anantarapaccayena paccayo. Sukhasahagatā vipākamanoviññāṇadhātu kiriyamanoviññāṇadhātuyā anantarapaccayena paccayo sukhasahagataṃ bhavaṅgaṃ upekkhāsahagatassa bhavaṅgassa anantarapaccayena paccayo. Sukhasahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    သုခသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အနန္တရပစ္စယေန ပစ္စယော – ပုရိမာ ပုရိမာ သုခသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အနန္တရပစ္စယေန ပစ္စယော။ပေ.။ သုခသဟဂတံ အနုလောမံ ပီတိသဟဂတာယ စ သုခသဟဂတာယ စ ဖလသမာပတ္တိယာ အနန္တရပစ္စယေန ပစ္စယော။ (၄)

    Sukhasahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo…pe… sukhasahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    ၂၈. ဥပေက္ခာသဟဂတော ဓမ္မော ဥပေက္ခာသဟဂတသ္သ ဓမ္မသ္သ အနန္တရပစ္စယေန ပစ္စယော – ပုရိမာ ပုရိမာ ဥပေက္ခာသဟဂတာ ခန္ဓာ ပစ္ဆိမာနံ ပစ္ဆိမာနံ ဥပေက္ခာသဟဂတာနံ ခန္ဓာနံ။ပေ.။ အာဝဇ္ဇနာ ပဉ္စန္နံ ဝိညာဏာနံ အနန္တရပစ္စယေန ပစ္စယော။ ဥပေက္ခာသဟဂတံ အနုလောမံ ဥပေက္ခာသဟဂတာယ ဖလသမာပတ္တိယာ။ နိရောဓာ ဝုဋ္ဌဟန္တသ္သ နေဝသညာနာသညာယတနံ ဥပေက္ခာသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၁)

    28. Upekkhāsahagato dhammo upekkhāsahagatassa dhammassa anantarapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… āvajjanā pañcannaṃ viññāṇānaṃ anantarapaccayena paccayo. Upekkhāsahagataṃ anulomaṃ upekkhāsahagatāya phalasamāpattiyā… nirodhā vuṭṭhahantassa nevasaññānāsaññāyatanaṃ upekkhāsahagatāya phalasamāpattiyā anantarapaccayena paccayo. (1)

    ဥပေက္ခာသဟဂတော ဓမ္မော ပီတိသဟဂတသ္သ ဓမ္မသ္သ အနန္တရပစ္စယေန ပစ္စယော – ဥပေက္ခာသဟဂတံ စုတိစိတ္တံ ပီတိသဟဂတသ္သ ဥပပတ္တိစိတ္တသ္သ။ပေ.။ အာဝဇ္ဇနာ ပီတိသဟဂတာနံ ခန္ဓာနံ။ပေ.။ ဝိပာကမနောဓာတု ပီတိသဟဂတာယ ဝိပာကမနောဝိညာဏဓာတုယာ။ပေ.။ ဥပေက္ခာသဟဂတံ ဘဝင္ဂံ ပီတိသဟဂတသ္သ ဘဝင္ဂသ္သ။ပေ.။ ဥပေက္ခာသဟဂတံ ကုသလာကုသလံ ပီတိသဟဂတသ္သ ဝုဋ္ဌာနသ္သ။ ကိရိယံ ဝုဋ္ဌာနသ္သ။ ဖလံ ဝုဋ္ဌာနသ္သ။ နိရောဓာ ဝုဋ္ဌဟန္တသ္သ နေဝသညာနာသညာယတနံ ပီတိသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၂)

    Upekkhāsahagato dhammo pītisahagatassa dhammassa anantarapaccayena paccayo – upekkhāsahagataṃ cuticittaṃ pītisahagatassa upapatticittassa…pe… āvajjanā pītisahagatānaṃ khandhānaṃ…pe… vipākamanodhātu pītisahagatāya vipākamanoviññāṇadhātuyā…pe… upekkhāsahagataṃ bhavaṅgaṃ pītisahagatassa bhavaṅgassa…pe… upekkhāsahagataṃ kusalākusalaṃ pītisahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa… nirodhā vuṭṭhahantassa nevasaññānāsaññāyatanaṃ pītisahagatāya phalasamāpattiyā anantarapaccayena paccayo. (2)

    ဥပေက္ခာသဟဂတော ဓမ္မော သုခသဟဂတသ္သ ဓမ္မသ္သ။ပေ.။ ပီတိသဟဂတသ္သ စ သုခသဟဂတသ္သ စ ဓမ္မသ္သ အနန္တရပစ္စယေန ပစ္စယော။ (၄)

    Upekkhāsahagato dhammo sukhasahagatassa dhammassa…pe… pītisahagatassa ca sukhasahagatassa ca dhammassa anantarapaccayena paccayo. (4)

    (တာနိယေဝ စ ဂမနာနိ နိယာမေတဗ္ဗာနိ။)

    (Tāniyeva ca gamanāni niyāmetabbāni.)

    ၂၉. ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ ဓမ္မသ္သ။ပေ.။ သုခသဟဂတသ္သ ဓမ္မသ္သ။ပေ.။ ဥပေက္ခာသဟဂတသ္သ ဓမ္မသ္သ အနန္တရပစ္စယေန ပစ္စယော – ပီတိသဟဂတဉ္စ သုခသဟဂတဉ္စ စုတိစိတ္တံ ဥပေက္ခာသဟဂတသ္သ ဥပပတ္တိစိတ္တသ္သ။ပေ.။ ပီတိသဟဂတဉ္စ သုခသဟဂတဉ္စ ဘဝင္ဂံ အာဝဇ္ဇနာယ။ပေ.။ ပီတိသဟဂတာ စ သုခသဟဂတာ စ ဝိပာကမနောဝိညာဏဓာတု ကိရိယမနောဝိညာဏဓာတုယာ။ပေ.။ ပီတိသဟဂတဉ္စ သုခသဟဂတဉ္စ ဘဝင္ဂံ ဥပေက္ခာသဟဂတသ္သ ဘဝင္ဂသ္သ။ပေ.။ ပီတိသဟဂတဉ္စ သုခသဟဂတဉ္စ ကုသလာကုသလံ ဥပေက္ခာသဟဂတသ္သ ဝုဋ္ဌာနသ္သ။ ကိရိယံ ဝုဋ္ဌာနသ္သ။ ဖလံ ဝုဋ္ဌာနသ္သ အနန္တရပစ္စယေန ပစ္စယော။ (၃)

    29. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa anantarapaccayena paccayo – pītisahagatañca sukhasahagatañca cuticittaṃ upekkhāsahagatassa upapatticittassa…pe… pītisahagatañca sukhasahagatañca bhavaṅgaṃ āvajjanāya…pe… pītisahagatā ca sukhasahagatā ca vipākamanoviññāṇadhātu kiriyamanoviññāṇadhātuyā…pe… pītisahagatañca sukhasahagatañca bhavaṅgaṃ upekkhāsahagatassa bhavaṅgassa…pe… pītisahagatañca sukhasahagatañca kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ စ သုခသဟဂတသ္သ စ ဓမ္မသ္သ အနန္တရပစ္စယေန ပစ္စယော – ပုရိမာ ပုရိမာ ပီတိသဟဂတာ စ သုခသဟဂတာ စ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ။ပေ.။ ပီတိသဟဂတဉ္စ သုခသဟဂတဉ္စ အနုလောမံ ပီတိသဟဂတာယ စ သုခသဟဂတာယ စ ဖလသမာပတ္တိယာ အနန္တရပစ္စယေန ပစ္စယော။ (၄)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ…pe… pītisahagatañca sukhasahagatañca anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    သမနန္တရပစ္စယော

    Samanantarapaccayo

    ၃၀. ပီတိသဟဂတော ဓမ္မော ပီတိသဟဂတသ္သ ဓမ္မသ္သ သမနန္တရပစ္စယေန ပစ္စယော (အနန္တရပစ္စယသဒိသံ)။

    30. Pītisahagato dhammo pītisahagatassa dhammassa samanantarapaccayena paccayo (anantarapaccayasadisaṃ).

    သဟဇာတပစ္စယော

    Sahajātapaccayo

    ၃၁. ပီတိသဟဂတော ဓမ္မော ပီတိသဟဂတသ္သ ဓမ္မသ္သ သဟဇာတပစ္စယေန ပစ္စယော – ပီတိသဟဂတော ဧကော ခန္ဓော တိဏ္ဏန္နံ ခန္ဓာနံ သဟဇာတပစ္စယေန ပစ္စယော။ပေ.။ ဒ္ဝေ ခန္ဓာ ဒ္ဝိန္နံ ခန္ဓာနံ သဟဇာတပစ္စယေန ပစ္စယော။ပေ.။ (ပဋိစ္စသဒိသံ သဟဇာတေ ဒသ ပဉ္ဟာ)။

    31. Pītisahagato dhammo pītisahagatassa dhammassa sahajātapaccayena paccayo – pītisahagato eko khandho tiṇṇannaṃ khandhānaṃ sahajātapaccayena paccayo…pe… dve khandhā dvinnaṃ khandhānaṃ sahajātapaccayena paccayo…pe… (paṭiccasadisaṃ sahajāte dasa pañhā).

    အညမည-နိသ္သယပစ္စယာ

    Aññamañña-nissayapaccayā

    ၃၂. ပီတိသဟဂတော ဓမ္မော ပီတိသဟဂတသ္သ ဓမ္မသ္သ အညမညပစ္စယေန ပစ္စယော။ နိသ္သယပစ္စယေန ပစ္စယော (ဒသ ပဉ္ဟာ ကာတဗ္ဗာ)။

    32. Pītisahagato dhammo pītisahagatassa dhammassa aññamaññapaccayena paccayo… nissayapaccayena paccayo (dasa pañhā kātabbā).

    ဥပနိသ္သယပစ္စယော

    Upanissayapaccayo

    ၃၃. ပီတိသဟဂတော ဓမ္မော ပီတိသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ပီတိသဟဂတံ သဒ္ဓံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ, သီလံ သမာဒိယတိ, ဥပောသထကမ္မံ ကရောတိ, ပီတိသဟဂတံ ဈာနံ ဥပ္ပာဒေတိ, ဝိပသ္သနံ ဥပ္ပာဒေတိ, မဂ္ဂံ ဥပ္ပာဒေတိ, သမာပတ္တိံ ဥပ္ပာဒေတိ, မာနံ ဇပ္ပေတိ, ဒိဋ္ဌိံ ဂဏ္ဟာတိ။ ပီတိသဟဂတံ သီလံ။ သုတံ။ စာဂံ။ ပညံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ, သီလံ သမာဒိယတိ။ပေ.။ မာနံ ဇပ္ပေတိ, ဒိဋ္ဌိံ ဂဏ္ဟာတိ။ ပီတိသဟဂတံ ရာဂံ။ မောဟံ။ မာနံ။ ဒိဋ္ဌိံ။ ပတ္ထနံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ, သီလံ သမာဒိယတိ, ဥပောသထကမ္မံ ကရောတိ, ပီတိသဟဂတံ ဈာနံ ဥပ္ပာဒေတိ။ပေ.။ သမာပတ္တိံ ဥပ္ပာဒေတိ။ ပီတိသဟဂတေန စိတ္တေန အဒိန္နံ အာဒိယတိ, မုသာ ဘဏတိ , ပိသုဏံ ဘဏတိ, သမ္ဖံ ပလပတိ, သန္ဓိံ ဆိန္ဒတိ, နိလ္လောပံ ဟရတိ, ဧကာဂာရိကံ ကရောတိ, ပရိပန္ထေ တိဋ္ဌတိ, ပရဒာရံ ဂစ္ဆတိ, ဂာမဃာတံ ကရောတိ, နိဂမဃာတံ ကရောတိ။ ပီတိသဟဂတာ သဒ္ဓာ။ သီလံ။ သုတံ။ စာဂော။ ပညာ။ ရာဂော။ မောဟော။ မာနော။ ဒိဋ္ဌိ။ ပတ္ထနာ ပီတိသဟဂတာယ သဒ္ဓာယ။ သီလသ္သ။ သုတသ္သ။ စာဂသ္သ။ ပညာယ။ ရာဂသ္သ။ မောဟသ္သ။ မာနသ္သ။ ဒိဋ္ဌိယာ။ ပတ္ထနာယ ဥပနိသ္သယပစ္စယေန ပစ္စယော။ (၁)

    33. Pītisahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ upanissāya pītisahagatena cittena dānaṃ deti, sīlaṃ samādiyati…pe… mānaṃ jappeti, diṭṭhiṃ gaṇhāti. Pītisahagataṃ rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti…pe… samāpattiṃ uppādeti. Pītisahagatena cittena adinnaṃ ādiyati, musā bhaṇati , pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā pītisahagatāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya upanissayapaccayena paccayo. (1)

    ပီတိသဟဂတော ဓမ္မော သုခသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ပီတိသဟဂတံ သဒ္ဓံ ဥပနိသ္သာယ သုခသဟဂတေန စိတ္တေန ဒာနံ ဒေတိ။ပေ.။ သမာပတ္တိံ ဥပ္ပာဒေတိ, မာနံ ဇပ္ပေတိ, ဒိဋ္ဌိံ ဂဏ္ဟာတိ။ ပီတိသဟဂတံ သီလံ။ သုတံ။ စာဂံ။ ပညံ။ ရာဂံ။ မောဟံ။ မာနံ။ ဒိဋ္ဌိံ။ ပတ္ထနံ ဥပနိသ္သာယ သုခသဟဂတေန စိတ္တေန ဒာနံ ဒေတိ။ပေ.။ သမာပတ္တိံ ဥပ္ပာဒေတိ။ သုခသဟဂတေန စိတ္တေန အဒိန္နံ အာဒိယတိ။ပေ.။ နိဂမဃာတံ ကရောတိ။ ပီတိသဟဂတာ သဒ္ဓာ။ပေ.။ ပတ္ထနာ သုခသဟဂတာယ သဒ္ဓာယ။ပေ.။ ပတ္ထနာယ သုခသဟဂတသ္သ ကာယဝိညာဏသ္သ ဥပနိသ္သယပစ္စယေန ပစ္စယော။ (၂)

    Pītisahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya sukhasahagatena cittena dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya sukhasahagatena cittena dānaṃ deti…pe… samāpattiṃ uppādeti. Sukhasahagatena cittena adinnaṃ ādiyati…pe… nigamaghātaṃ karoti. Pītisahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)

    ပီတိသဟဂတော ဓမ္မော ဥပေက္ခာသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ပီတိသဟဂတံ သဒ္ဓံ ဥပနိသ္သာယ ဥပေက္ခာသဟဂတေန စိတ္တေန ဒာနံ ဒေတိ။ပေ.။ အဘိညံ ဥပ္ပာဒေတိ, သမာပတ္တိံ ဥပ္ပာဒေတိ, မာနံ ဇပ္ပေတိ, ဒိဋ္ဌိံ ဂဏ္ဟာတိ။ ပီတိသဟဂတံ သီလံ။ပေ.။ ပတ္ထနံ ဥပနိသ္သာယ ဥပေက္ခာသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ပီတိသဟဂတာ သဒ္ဓာ။ပေ.။ ပတ္ထနာ ဥပေက္ခာသဟဂတာယ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၃)

    Pītisahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)

    ပီတိသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ပီတိသဟဂတံ သဒ္ဓံ ဥပနိသ္သာယ ပီတိသဟဂတေန စ သုခသဟဂတေန စ စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ ပီတိသဟဂတံ သီလံ။ပေ.။ ပတ္ထနံ ဥပနိသ္သာယ ပီတိသဟဂတေန စ သုခသဟဂတေန စ စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ပီတိသဟဂတာ သဒ္ဓာ။ပေ.။ ပတ္ထနာ ပီတိသဟဂတာယ စ သုခသဟဂတာယ စ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၄)

    Pītisahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Pītisahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ၃၄. သုခသဟဂတော ဓမ္မော သုခသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – သုခသဟဂတံ သဒ္ဓံ ဥပနိသ္သာယ သုခသဟဂတေန စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ သုခသဟဂတံ သီလံ။ပေ.။ ပတ္ထနံ သုခသဟဂတံ ကာယဝိညာဏံ ဥပနိသ္သာယ သုခသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ သုခသဟဂတာ သဒ္ဓာ။ပေ.။ ပတ္ထနာ သုခသဟဂတံ ကာယဝိညာဏံ သုခသဟဂတာယ သဒ္ဓာယ။ပေ.။ ပတ္ထနာယ သုခသဟဂတသ္သ ကာယဝိညာဏသ္သ ဥပနိသ္သယပစ္စယေန ပစ္စယော။ (၁)

    34. Sukhasahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya sukhasahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (1)

    သုခသဟဂတော ဓမ္မော ပီတိသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – သုခသဟဂတံ သဒ္ဓံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ သုခသဟဂတံ သီလံ။ပေ.။ ပတ္ထနံ သုခသဟဂတံ ကာယဝိညာဏံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ သုခသဟဂတာ သဒ္ဓာ။ပေ.။ ပတ္ထနာ သုခသဟဂတံ ကာယဝိညာဏံ ပီတိသဟဂတာယ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၂)

    Sukhasahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya saddhāya…pe… patthanāya upanissayapaccayena paccayo. (2)

    သုခသဟဂတော ဓမ္မော ဥပေက္ခာသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – သုခသဟဂတံ သဒ္ဓံ ဥပနိသ္သာယ ဥပေက္ခာသဟဂတေန စိတ္တေန ဒာနံ ဒေတိ။ပေ.။ အဘိညံ ဥပ္ပာဒေတိ။ပေ.။ ဒိဋ္ဌိံ ဂဏ္ဟာတိ။ သုခသဟဂတံ သီလံ။ပေ.။ ပတ္ထနံ သုခသဟဂတံ ကာယဝိညာဏံ ဥပနိသ္သာယ ဥပေက္ခာသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ သုခသဟဂတာ သဒ္ဓာ။ပေ.။ ပတ္ထနာ သုခသဟဂတံ ကာယဝိညာဏံ ဥပေက္ခာသဟဂတာယ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၃)

    Sukhasahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya upekkhāsahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ upekkhāsahagatāya saddhāya…pe… patthanāya upanissayapaccayena paccayo. (3)

    သုခသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော ။ပေ.။။ ပကတူပနိသ္သယော – သုခသဟဂတံ သဒ္ဓံ ဥပနိသ္သာယ ပီတိသဟဂတေန စ သုခသဟဂတေန စ စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ သုခသဟဂတံ သီလံ။ပေ.။ ပတ္ထနံ သုခသဟဂတံ ကာယဝိညာဏံ ဥပနိသ္သာယ ပီတိသဟဂတေန စ သုခသဟဂတေန စ စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ သုခသဟဂတာ သဒ္ဓာ။ပေ.။ ပတ္ထနာ သုခသဟဂတံ ကာယဝိညာဏံ ပီတိသဟဂတာယ စ သုခသဟဂတာယ စ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၄)

    Sukhasahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – sukhasahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ၃၅. ဥပေက္ခာသဟဂတော ဓမ္မော ဥပေက္ခာသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ဥပေက္ခာသဟဂတံ သဒ္ဓံ ဥပနိသ္သာယ ဥပေက္ခာသဟဂတေန စိတ္တေန ဒာနံ ဒေတိ။ပေ.။ အဘိညံ ဥပ္ပာဒေတိ။ပေ.။ ဒိဋ္ဌိံ ဂဏ္ဟာတိ။ ဥပေက္ခာသဟဂတံ သီလံ။ပေ.။ ပတ္ထနံ ဥပနိသ္သာယ ဥပေက္ခာသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ဥပေက္ခာသဟဂတာ သဒ္ဓာ။ပေ.။ ပတ္ထနာ ဥပေက္ခာသဟဂတာယ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၁)

    35. Upekkhāsahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (1)

    ဥပေက္ခာသဟဂတော ဓမ္မော ပီတိသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ဥပေက္ခာသဟဂတံ သဒ္ဓံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ ဥပေက္ခာသဟဂတံ သီလံ။ပေ.။ ပတ္ထနံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ဥပေက္ခာသဟဂတာ သဒ္ဓာ။ပေ.။ ပတ္ထနာ ပီတိသဟဂတာယ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၂)

    Upekkhāsahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya saddhāya…pe… patthanāya upanissayapaccayena paccayo. (2)

    ဥပေက္ခာသဟဂတော ဓမ္မော သုခသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ဥပေက္ခာသဟဂတံ သဒ္ဓံ ဥပနိသ္သာယ သုခသဟဂတေန စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ ဥပေက္ခာသဟဂတံ သီလံ။ပေ.။ ပတ္ထနံ ဥပနိသ္သာယ သုခသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ဥပေက္ခာသဟဂတာ သဒ္ဓာ။ပေ.။ ပတ္ထနာ သုခသဟဂတာယ သဒ္ဓာယ။ပေ.။ ပတ္ထနာယ သုခသဟဂတသ္သ ကာယဝိညာဏသ္သ ဥပနိသ္သယပစ္စယေန ပစ္စယော။ (၃)

    Upekkhāsahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (3)

    ဥပေက္ခာသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ဥပေက္ခာသဟဂတံ သဒ္ဓံ ဥပနိသ္သာယ ပီတိသဟဂတေန စ သုခသဟဂတေန စ စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ ဥပေက္ခာသဟဂတံ သီလံ။ပေ.။ ပတ္ထနံ ဥပနိသ္သာယ ပီတိသဟဂတေန စ သုခသဟဂတေန စ စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ဥပေက္ခာသဟဂတာ သဒ္ဓာ။ပေ.။ ပတ္ထနာ ပီတိသဟဂတာယ စ သုခသဟဂတာယ စ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၄)

    Upekkhāsahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ၃၆. ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ပီတိသဟဂတဉ္စ သုခသဟဂတဉ္စ သဒ္ဓံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ ပီတိသဟဂတဉ္စ သုခသဟဂတဉ္စ သီလံ။ပေ.။ ပတ္ထနံ ဥပနိသ္သာယ ပီတိသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ပီတိသဟဂတာ စ သုခသဟဂတာ စ သဒ္ဓာ။ပေ.။ ပတ္ထနာ ပီတိသဟဂတာယ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၁)

    36. Pītisahagato ca sukhasahagato ca dhammā pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya saddhāya…pe… patthanāya upanissayapaccayena paccayo. (1)

    ပီတိသဟဂတော စ သုခသဟဂတော စ ဓမ္မာ သုခသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ပီတိသဟဂတဉ္စ သုခသဟဂတဉ္စ သဒ္ဓံ ဥပနိသ္သာယ သုခသဟဂတေန စိတ္တေန ဒာနံ ဒေတိ။ပေ.။ ဒိဋ္ဌိံ ဂဏ္ဟာတိ။ ပီတိသဟဂတဉ္စ သုခသဟဂတဉ္စ သီလံ။ပေ.။ ပတ္ထနံ ဥပနိသ္သာယ သုခသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ပီတိသဟဂတာ စ သုခသဟဂတာ စ သဒ္ဓာ။ပေ.။ ပတ္ထနာ သုခသဟဂတာယ သဒ္ဓာယ။ပေ.။ ပတ္ထနာယ သုခသဟဂတသ္သ ကာယဝိညာဏသ္သ ဥပနိသ္သယပစ္စယေန ပစ္စယော။ (၂)

    Pītisahagato ca sukhasahagato ca dhammā sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)

    ပီတိသဟဂတော စ သုခသဟဂတော စ ဓမ္မာ ဥပေက္ခာသဟဂတသ္သ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ပီတိသဟဂတဉ္စ သုခသဟဂတဉ္စ သဒ္ဓံ ဥပနိသ္သာယ ဥပေက္ခာသဟဂတေန စိတ္တေန ဒာနံ ဒေတိ ။ပေ.။ အဘိညံ ဥပ္ပာဒေတိ။ပေ.။ ဒိဋ္ဌိံ ဂဏ္ဟာတိ။ ပီတိသဟဂတဉ္စ သုခသဟဂတဉ္စ သီလံ။ပေ.။ ပတ္ထနံ ဥပနိသ္သာယ ဥပေက္ခာသဟဂတေန စိတ္တေန ဒာနံ ဒေတိ။ပေ.။ နိဂမဃာတံ ကရောတိ။ ပီတိသဟဂတာ စ သုခသဟဂတာ စ သဒ္ဓာ။ပေ.။ ပတ္ထနာ ဥပေက္ခာသဟဂတာယ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၃)

    Pītisahagato ca sukhasahagato ca dhammā upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya upekkhāsahagatena cittena dānaṃ deti …pe… abhiññaṃ uppādeti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)

    ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ စ သုခသဟဂတသ္သ စ ဓမ္မသ္သ ဥပနိသ္သယပစ္စယေန ပစ္စယော – အာရမ္မဏူပနိသ္သယော, အနန္တရူပနိသ္သယော, ပကတူပနိသ္သယော။ပေ.။။ ပကတူပနိသ္သယော – ပီတိသဟဂတဉ္စ သုခသဟဂတဉ္စ သဒ္ဓံ ဥပနိသ္သာယ ပီတိသဟဂတေန စ သုခသဟဂတေန စ စိတ္တေန ဒာနံ ဒေတိ, သီလံ သမာဒိယတိ, ဥပောသထကမ္မံ ကရောတိ။ ပီတိသဟဂတဉ္စ သုခသဟဂတဉ္စ ဈာနံ ဥပ္ပာဒေတိ, ဝိပသ္သနံ ဥပ္ပာဒေတိ, မဂ္ဂံ ဥပ္ပာဒေတိ, သမာပတ္တိံ ဥပ္ပာဒေတိ, မာနံ ဇပ္ပေတိ, ဒိဋ္ဌိံ ဂဏ္ဟာတိ။ ပီတိသဟဂတဉ္စ သုခသဟဂတဉ္စ သီလံ။ သုတံ။ စာဂံ။ ပညံ။ ရာဂံ။ မောဟံ။ မာနံ။ ဒိဋ္ဌိံ။ ပတ္ထနံ ဥပနိသ္သာယ ပီတိသဟဂတေန စ သုခသဟဂတေန စ စိတ္တေန ဒာနံ ဒေတိ, သီလံ သမာဒိယတိ, ဥပောသထကမ္မံ ကရောတိ။ ပီတိသဟဂတဉ္စ သုခသဟဂတဉ္စ ဈာနံ ဥပ္ပာဒေတိ။ပေ.။ သမာပတ္တိံ ဥပ္ပာဒေတိ။ ပီတိသဟဂတေန စ သုခသဟဂတေန စ စိတ္တေန အဒိန္နံ အာဒိယတိ, မုသာ ဘဏတိ, ပိသုဏံ ဘဏတိ, သမ္ဖံ ပလပတိ, သန္ဓိံ ဆိန္ဒတိ, နိလ္လောပံ ဟရတိ, ဧကာဂာရိကံ ကရောတိ, ပရိပန္ထေ တိဋ္ဌတိ, ပရဒာရံ ဂစ္ဆတိ, ဂာမဃာတံ ကရောတိ, နိဂမဃာတံ ကရောတိ။ ပီတိသဟဂတာ စ သုခသဟဂတာ စ သဒ္ဓာ။ပေ.။ ပတ္ထနာ ပီတိသဟဂတာယ စ သုခသဟဂတာယ စ သဒ္ဓာယ။ပေ.။ ပတ္ထနာယ ဥပနိသ္သယပစ္စယေန ပစ္စယော။ (၄)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagatañca sukhasahagatañca sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti…pe… samāpattiṃ uppādeti. Pītisahagatena ca sukhasahagatena ca cittena adinnaṃ ādiyati, musā bhaṇati, pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    အာသေဝနပစ္စယော

    Āsevanapaccayo

    ၃၇. ပီတိသဟဂတော ဓမ္မော ပီတိသဟဂတသ္သ ဓမ္မသ္သ အာသေဝနပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနံ ခန္ဓာနံ အာသေဝနပစ္စယေန ပစ္စယော။ ပီတိသဟဂတံ အနုလောမံ ပီတိသဟဂတသ္သ ဂောတ္ရဘုသ္သ။ အနုလောမံ ဝောဒာနသ္သ။ ဂောတ္ရဘု မဂ္ဂသ္သ။ ဝောဒာနံ မဂ္ဂသ္သ အာသေဝနပစ္စယေန ပစ္စယော။ (၁)

    37. Pītisahagato dhammo pītisahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ āsevanapaccayena paccayo. Pītisahagataṃ anulomaṃ pītisahagatassa gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)

    ပီတိသဟဂတော ဓမ္မော သုခသဟဂတသ္သ ဓမ္မသ္သ အာသေဝနပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ အာသေဝနပစ္စယေန ပစ္စယော။ ပီတိသဟဂတံ အနုလောမံ သုခသဟဂတသ္သ ဂောတ္ရဘုသ္သ အာသေဝနပစ္စယေန ပစ္စယော။ ပီတိသဟဂတံ အနုလောမံ သုခသဟဂတသ္သ ဝောဒာနသ္သ အာသေဝနပစ္စယေန ပစ္စယော။ ပီတိသဟဂတံ ဂောတ္ရဘု သုခသဟဂတသ္သ မဂ္ဂသ္သ။ ပီတိသဟဂတံ ဝောဒာနံ သုခသဟဂတသ္သ မဂ္ဂသ္သ အာသေဝနပစ္စယေန ပစ္စယော။ (၂)

    Pītisahagato dhammo sukhasahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ āsevanapaccayena paccayo. Pītisahagataṃ anulomaṃ sukhasahagatassa gotrabhussa āsevanapaccayena paccayo. Pītisahagataṃ anulomaṃ sukhasahagatassa vodānassa āsevanapaccayena paccayo. Pītisahagataṃ gotrabhu sukhasahagatassa maggassa… pītisahagataṃ vodānaṃ sukhasahagatassa maggassa āsevanapaccayena paccayo. (2)

    ပီတိသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အာသေဝနပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ အာသေဝနပစ္စယေန ပစ္စယော။ပေ.။ ပီတိသဟဂတံ ဝောဒာနံ ပီတိသဟဂတသ္သ စ သုခသဟဂတသ္သ စ မဂ္ဂသ္သ အာသေဝနပစ္စယေန ပစ္စယော။ (၃)

    Pītisahagato dhammo pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca āsevanapaccayena paccayo…pe… pītisahagataṃ vodānaṃ pītisahagatassa ca sukhasahagatassa ca maggassa āsevanapaccayena paccayo. (3)

    ၃၈. သုခသဟဂတော ဓမ္မော သုခသဟဂတသ္သ ဓမ္မသ္သ။ပေ.။ ပီတိသဟဂတသ္သ ဓမ္မသ္သ။ပေ.။ ပီတိသဟဂတသ္သ စ သုခသဟဂတသ္သ စ ဓမ္မသ္သ အာသေဝနပစ္စယေန ပစ္စယော (သံခိတ္တံ။ ပီတိနယံ ပသ္သိတ္ဝာ ကာတဗ္ဗံ)။

    38. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo (saṃkhittaṃ. Pītinayaṃ passitvā kātabbaṃ).

    ဥပေက္ခာသဟဂတော ဓမ္မော ဥပေက္ခာသဟဂတသ္သ ဓမ္မသ္သ အာသေဝနပစ္စယေန ပစ္စယော – ပုရိမာ ပုရိမာ ဥပေက္ခာသဟဂတာ ခန္ဓာ ပစ္ဆိမာနံ ပစ္ဆိမာနံ ဥပေက္ခာသဟဂတာနံ ခန္ဓာနံ။ပေ.။ ဥပေက္ခာသဟဂတံ ဝောဒာနံ ဥပေက္ခာသဟဂတသ္သ မဂ္ဂသ္သ အာသေဝနပစ္စယေန ပစ္စယော။ (၁)

    Upekkhāsahagato dhammo upekkhāsahagatassa dhammassa āsevanapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… upekkhāsahagataṃ vodānaṃ upekkhāsahagatassa maggassa āsevanapaccayena paccayo. (1)

    ၃၉. ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ ဓမ္မသ္သ။ပေ.။ သုခသဟဂတသ္သ ဓမ္မသ္သ။ပေ.။ ပီတိသဟဂတသ္သ စ သုခသဟဂတသ္သ စ ဓမ္မသ္သ အာသေဝနပစ္စယေန ပစ္စယော – ပုရိမာ ပုရိမာ ပီတိသဟဂတာ စ သုခသဟဂတာ စ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အာသေဝနပစ္စယေန ပစ္စယော။ပေ.။ ပီတိသဟဂတဉ္စ သုခသဟဂတဉ္စ ဝောဒာနံ ပီတိသဟဂတသ္သ စ သုခသဟဂတသ္သ စ မဂ္ဂသ္သ အာသေဝနပစ္စယေန ပစ္စယော။ (၃)

    39. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ āsevanapaccayena paccayo…pe… pītisahagatañca sukhasahagatañca vodānaṃ pītisahagatassa ca sukhasahagatassa ca maggassa āsevanapaccayena paccayo. (3)

    ကမ္မပစ္စယော

    Kammapaccayo

    ၄၀. ပီတိသဟဂတော ဓမ္မော ပီတိသဟဂတသ္သ ဓမ္မသ္သ ကမ္မပစ္စယေန ပစ္စယော – သဟဇာတာ, နာနာက္ခဏိကာ 1။ သဟဇာတာ – ပီတိသဟဂတာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ ပီတိသဟဂတာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – ပီတိသဟဂတာ စေတနာ ဝိပာကာနံ ပီတိသဟဂတာနံ ခန္ဓာနံ ကမ္မပစ္စယေန ပစ္စယော။ (၁)

    40. Pītisahagato dhammo pītisahagatassa dhammassa kammapaccayena paccayo – sahajātā, nānākkhaṇikā 2. Sahajātā – pītisahagatā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ pītisahagatānaṃ khandhānaṃ kammapaccayena paccayo. (1)

    ပီတိသဟဂတော ဓမ္မော သုခသဟဂတသ္သ ဓမ္မသ္သ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ပီတိသဟဂတာ စေတနာ သမ္ပယုတ္တကာနံ သုခသဟဂတာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ ပီတိသဟဂတာ စေတနာ သမ္ပယုတ္တကာနံ သုခသဟဂတာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – ပီတိသဟဂတာ စေတနာ ဝိပာကာနံ သုခသဟဂတာနံ ခန္ဓာနံ ကမ္မပစ္စယေန ပစ္စယော။ (၂)

    Pītisahagato dhammo sukhasahagatassa dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ sukhasahagatānaṃ khandhānaṃ kammapaccayena paccayo. (2)

    ပီတိသဟဂတော ဓမ္မော ဥပေက္ခာသဟဂတသ္သ ဓမ္မသ္သ ကမ္မပစ္စယေန ပစ္စယော။ နာနာက္ခဏိကာ – ပီတိသဟဂတာ စေတနာ ဝိပာကာနံ ဥပေက္ခာသဟဂတာနံ ခန္ဓာနံ ကမ္မပစ္စယေန ပစ္စယော။ (၃)

    Pītisahagato dhammo upekkhāsahagatassa dhammassa kammapaccayena paccayo. Nānākkhaṇikā – pītisahagatā cetanā vipākānaṃ upekkhāsahagatānaṃ khandhānaṃ kammapaccayena paccayo. (3)

    ပီတိသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ သဟဇာတာ – ပီတိသဟဂတာ စေတနာ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ ။ပေ.။။ နာနာက္ခဏိကာ – ပီတိသဟဂတာ စေတနာ ဝိပာကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ ကမ္မပစ္စယေန ပစ္စယော။ (၄)

    Pītisahagato dhammo pītisahagatassa ca sukhasahagatassa ca dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ pītisahagatānañca sukhasahagatānañca khandhānaṃ kammapaccayena paccayo. Paṭisandhikkhaṇe …pe…. Nānākkhaṇikā – pītisahagatā cetanā vipākānaṃ pītisahagatānañca sukhasahagatānañca khandhānaṃ kammapaccayena paccayo. (4)

    ၄၁. သုခသဟဂတော ဓမ္မော သုခသဟဂတသ္သ ဓမ္မသ္သ (စတ္တာရိပိ ဂဏနာနိ ပသ္သိတ္ဝာ ကာတဗ္ဗာနိ)။

    41. Sukhasahagato dhammo sukhasahagatassa dhammassa (cattāripi gaṇanāni passitvā kātabbāni).

    ၄၂. ဥပေက္ခာသဟဂတော ဓမ္မော ဥပေက္ခာသဟဂတသ္သ ဓမ္မသ္သ ကမ္မပစ္စယေန ပစ္စယော – သဟဇာတာ, နာနာက္ခဏိကာ။ပေ.။။

    42. Upekkhāsahagato dhammo upekkhāsahagatassa dhammassa kammapaccayena paccayo – sahajātā, nānākkhaṇikā…pe….

    ဥပေက္ခာသဟဂတော ဓမ္မော ပီတိသဟဂတသ္သ ဓမ္မသ္သ ကမ္မပစ္စယေန ပစ္စယော။ နာနာက္ခဏိကာ – ဥပေက္ခာသဟဂတာ စေတနာ။ပေ.။။

    Upekkhāsahagato dhammo pītisahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….

    ဥပေက္ခာသဟဂတော ဓမ္မော သုခသဟဂတသ္သ ဓမ္မသ္သ ကမ္မပစ္စယေန ပစ္စယော။ နာနာက္ခဏိကာ – ဥပေက္ခာသဟဂတာ စေတနာ။ပေ.။။

    Upekkhāsahagato dhammo sukhasahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….

    ဥပေက္ခာသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ ကမ္မပစ္စယေန ပစ္စယော။ နာနာက္ခဏိကာ – ဥပေက္ခာသဟဂတာ စေတနာ။ပေ.။။ (၄)

    Upekkhāsahagato dhammo pītisahagatassa ca sukhasahagatassa ca dhammassa kammapaccayena paccayo. Nānākkhaṇikā – upekkhāsahagatā cetanā…pe…. (4)

    ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ ဓမ္မသ္သ (စတ္တာရိ ကာတဗ္ဗာနိ, ပီတိသဟဂတံ အနုမဇ္ဇန္တေန ဝိဘဇိတဗ္ဗံ)။ (၄)

    Pītisahagato ca sukhasahagato ca dhammā pītisahagatassa dhammassa (cattāri kātabbāni, pītisahagataṃ anumajjantena vibhajitabbaṃ). (4)

    ဝိပာကပစ္စယော

    Vipākapaccayo

    ၄၃. ပီတိသဟဂတော ဓမ္မော ပီတိသဟဂတသ္သ ဓမ္မသ္သ ဝိပာကပစ္စယေန ပစ္စယော – ပီတိသဟဂတော ဝိပာကော ဧကော ခန္ဓော တိဏ္ဏန္နံ ခန္ဓာနံ ဝိပာကပစ္စယေန ပစ္စယော။ပေ.။ ဒ္ဝေ ခန္ဓာ ဒ္ဝိန္နံ ခန္ဓာနံ။ပေ.။ ပဋိသန္ဓိက္ခဏေ ပီတိသဟဂတော ဧကော ခန္ဓော တိဏ္ဏန္နံ ခန္ဓာနံ။ပေ.။ ဒ္ဝေ ခန္ဓာ ဒ္ဝိန္နံ ခန္ဓာနံ။ပေ.။။

    43. Pītisahagato dhammo pītisahagatassa dhammassa vipākapaccayena paccayo – pītisahagato vipāko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe pītisahagato eko khandho tiṇṇannaṃ khandhānaṃ…pe… dve khandhā dvinnaṃ khandhānaṃ…pe….

    (ယထာ ပဋိစ္စဝာရေ ဟေတုပစ္စယေ ဧဝံ ဝိတ္ထာရေတဗ္ဗာ ဒသ ပဉ္ဟာ။)

    (Yathā paṭiccavāre hetupaccaye evaṃ vitthāretabbā dasa pañhā.)

    အာဟာရပစ္စယာဒိ

    Āhārapaccayādi

    ၄၄. ပီတိသဟဂတော ဓမ္မော ပီတိသဟဂတသ္သ ဓမ္မသ္သ အာဟာရပစ္စယေန ပစ္စယော။ ဣန္ဒ္ရိယပစ္စယေန ပစ္စယော။ ဈာနပစ္စယေန ပစ္စယော။ မဂ္ဂပစ္စယေန ပစ္စယော။ သမ္ပယုတ္တပစ္စယေန ပစ္စယော။ အတ္ထိပစ္စယေန ပစ္စယော။ (ဒသ ပဉ္ဟာ ဝိတ္ထာရေတဗ္ဗာ) နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ (နတ္ထိပိ ဝိဂတမ္ပိ အနန္တရသဒိသံ) အဝိဂတပစ္စယေန ပစ္စယော။

    44. Pītisahagato dhammo pītisahagatassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… atthipaccayena paccayo… (dasa pañhā vitthāretabbā) natthipaccayena paccayo… vigatapaccayena paccayo… (natthipi vigatampi anantarasadisaṃ) avigatapaccayena paccayo.

    ၁. ပစ္စယာနုလောမံ

    1. Paccayānulomaṃ

    ၂. သင္ခ္ယာဝာရော

    2. Saṅkhyāvāro

    သုဒ္ဓံ

    Suddhaṃ

    ၄၅. ဟေတုယာ ဒသ, အာရမ္မဏေ သောဠသ, အဓိပတိယာ သောဠသ, အနန္တရေ သောဠသ, သမနန္တရေ သောဠသ, သဟဇာတေ ဒသ, အညမညေ ဒသ, နိသ္သယေ ဒသ, ဥပနိသ္သယေ သောဠသ, အာသေဝနေ ဒသ, ကမ္မေ သောဠသ, ဝိပာကေ ဒသ, အာဟာရေ ဣန္ဒ္ရိယေ ဈာနေ မဂ္ဂေ သမ္ပယုတ္တေ အတ္ထိယာ ဒသ, နတ္ထိယာ သောဠသ, ဝိဂတေ သောဠသ, အဝိဂတေ ဒသ။

    45. Hetuyā dasa, ārammaṇe soḷasa, adhipatiyā soḷasa, anantare soḷasa, samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre indriye jhāne magge sampayutte atthiyā dasa, natthiyā soḷasa, vigate soḷasa, avigate dasa.

    (ကုသလတ္တိကံ အနုလောမံ အနုမဇ္ဇန္တေန ဂဏေတဗ္ဗံ။)

    (Kusalattikaṃ anulomaṃ anumajjantena gaṇetabbaṃ.)

    အနုလောမံ။

    Anulomaṃ.

    ပစ္စနီယုဒ္ဓာရော

    Paccanīyuddhāro

    ၄၆. ပီတိသဟဂတော ဓမ္မော ပီတိသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၁)

    46. Pītisahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ပီတိသဟဂတော ဓမ္မော သုခသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၂)

    Pītisahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    ပီတိသဟဂတော ဓမ္မော ဥပေက္ခာသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၃)

    Pītisahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ပီတိသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၄)

    Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ၄၇. သုခသဟဂတော ဓမ္မော သုခသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၁)

    47. Sukhasahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    သုခသဟဂတော ဓမ္မော ပီတိသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၂)

    Sukhasahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    သုခသဟဂတော ဓမ္မော ဥပေက္ခာသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၃)

    Sukhasahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    သုခသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၄)

    Sukhasahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ၄၈. ဥပေက္ခာသဟဂတော ဓမ္မော ဥပေက္ခာသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၁)

    48. Upekkhāsahagato dhammo upekkhāsahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ဥပေက္ခာသဟဂတော ဓမ္မော ပီတိသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၂)

    Upekkhāsahagato dhammo pītisahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)

    ဥပေက္ခာသဟဂတော ဓမ္မော သုခသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၃)

    Upekkhāsahagato dhammo sukhasahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ဥပေက္ခာသဟဂတော ဓမ္မော ပီတိသဟဂတသ္သ စ သုခသဟဂတသ္သ စ ဓမ္မသ္သ အာရမ္မဏပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၄)

    Upekkhāsahagato dhammo pītisahagatassa ca sukhasahagatassa ca dhammassa ārammaṇapaccayena paccayo… upanissayapaccayena paccayo… kammapaccayena paccayo. (4)

    ၄၉. ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၁)

    49. Pītisahagato ca sukhasahagato ca dhammā pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ပီတိသဟဂတော စ သုခသဟဂတော စ ဓမ္မာ သုခသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၂)

    Pītisahagato ca sukhasahagato ca dhammā sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    ပီတိသဟဂတော စ သုခသဟဂတော စ ဓမ္မာ ဥပေက္ခာသဟဂတသ္သ ဓမ္မသ္သ အာရမ္မဏပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၃)

    Pītisahagato ca sukhasahagato ca dhammā upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ပီတိသဟဂတော စ သုခသဟဂတော စ ဓမ္မာ ပီတိသဟဂတသ္သ စ သုခသဟဂတသ္သ စ ဓမ္မသ္သ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိသ္သယပစ္စယေန ပစ္စယော။ ကမ္မပစ္စယေန ပစ္စယော။ (၄)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ၂. ပစ္စယပစ္စနီယံ

    2. Paccayapaccanīyaṃ

    ၂. သင္ခ္ယာဝာရော

    2. Saṅkhyāvāro

    သုဒ္ဓံ

    Suddhaṃ

    ၅၀. နဟေတုယာ သောဠသ, နအာရမ္မဏေ နအဓိပတိယာ နအနန္တရေ နသမနန္တရေ နသဟဇာတေ နအညမညေ နနိသ္သယေ နဥပနိသ္သယေ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပာကေ နအာဟာရေ နဣန္ဒ္ရိယေ နဈာနေ နမဂ္ဂေ နသမ္ပယုတ္တေ နဝိပ္ပယုတ္တေ နောအတ္ထိယာ နောနတ္ထိယာ နောဝိဂတေ နောအဝိဂတေ သဗ္ဗတ္ထ သောဠသ။

    50. Nahetuyā soḷasa, naārammaṇe naadhipatiyā naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate sabbattha soḷasa.

    (ပစ္စနီယံ အနုမဇ္ဇန္တေန ဂဏေတဗ္ဗံ။)

    (Paccanīyaṃ anumajjantena gaṇetabbaṃ.)

    ပစ္စနီယံ။

    Paccanīyaṃ.

    ၃. ပစ္စယာနုလောမပစ္စနီယံ

    3. Paccayānulomapaccanīyaṃ

    ဒုကံ

    Dukaṃ

    ၅၁. ဟေတုပစ္စယာ နအာရမ္မဏေ ဒသ, နအဓိပတိယာ ဒသ, နအနန္တရေ နသမနန္တရေ နဥပနိသ္သယေ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပာကေ နအာဟာရေ နဣန္ဒ္ရိယေ နဈာနေ နမဂ္ဂေ နဝိပ္ပယုတ္တေ နောနတ္ထိယာ နောဝိဂတေ သဗ္ဗတ္ထ ဒသ။

    51. Hetupaccayā naārammaṇe dasa, naadhipatiyā dasa, naanantare nasamanantare naupanissaye napurejāte napacchājāte naāsevane nakamme navipāke naāhāre naindriye najhāne namagge navippayutte nonatthiyā novigate sabbattha dasa.

    (အနုလောမပစ္စနီယံ အနုမဇ္ဇန္တေန ဂဏေတဗ္ဗံ။)

    (Anulomapaccanīyaṃ anumajjantena gaṇetabbaṃ.)

    အနုလောမပစ္စနီယံ။

    Anulomapaccanīyaṃ.

    ၄. ပစ္စယပစ္စနီယာနုလောမံ

    4. Paccayapaccanīyānulomaṃ

    ဒုကံ

    Dukaṃ

    ၅၂. နဟေတုပစ္စယာ အာရမ္မဏေ သောဠသ, အဓိပတိယာ အနန္တရေ သမနန္တရေ သောဠသ, သဟဇာတေ ဒသ, အညမညေ ဒသ, နိသ္သယေ ဒသ, ဥပနိသ္သယေ သောဠသ, အာသေဝနေ ဒသ, ကမ္မေ သောဠသ, ဝိပာကေ ဒသ, အာဟာရေ ဒသ, ဣန္ဒ္ရိယေ ဒသ, ဈာနေ ဒသ, မဂ္ဂေ ဒသ, သမ္ပယုတ္တေ ဒသ, အတ္ထိယာ ဒသ, နတ္ထိယာ သောဠသ, ဝိဂတေ သောဠသ, အဝိဂတေ ဒသ။

    52. Nahetupaccayā ārammaṇe soḷasa, adhipatiyā anantare samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre dasa, indriye dasa, jhāne dasa, magge dasa, sampayutte dasa, atthiyā dasa, natthiyā soḷasa, vigate soḷasa, avigate dasa.

    (ပစ္စနီယာနုလောမံ အနုမဇ္ဇန္တေန ဂဏေတဗ္ဗံ။)

    (Paccanīyānulomaṃ anumajjantena gaṇetabbaṃ.)

    ပစ္စနီယာနုလောမံ။

    Paccanīyānulomaṃ.

    ပီတိတ္တိကံ နိဋ္ဌိတံ။

    Pītittikaṃ niṭṭhitaṃ.




    Next: ၈. ဒသ္သနေနပဟာတဗ္ဗတ္တိကံ • 8. Dassanenapahātabbattikaṃ




    Footnotes:
    1. နာနာခဏိကာ (သ္ယာ. က.)
    2. nānākhaṇikā (syā. ka.)



    Related texts:



    အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၅-၂၂. သင္ကိလိဋ္ဌတ္တိကာဒိဝဏ္ဏနာ • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact