| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
4. бидтад̇хийд̇алигабзд̇авад̇т̇уван̣н̣анаа
4. Piṭṭhadhītalikapetavatthuvaṇṇanā
яам̣ гин̃жаарамман̣ам̣ гад̇ваад̇и ид̣̇ам̣ сад̇т̇аа саавад̇т̇ияам̣ ж̇зд̇аванз вихаранд̇о анаат̇абин̣д̣игасса г̇ахабад̇ино д̣̇аанам̣ аараб̣бха гат̇зси. анаат̇абин̣д̣игасса гира г̇ахабад̇ино д̇хийд̇у д̇хийд̇ааяа д̣̇ааригааяа д̇хаад̇и бидтад̇хийд̇алигам̣ ад̣̇ааси ‘‘аяам̣ д̇з д̇хийд̇аа, имам̣ г̇ахзд̇ваа гийл̣ассуу’’д̇и. саа д̇ад̇т̇а д̇хийд̇усан̃н̃ам̣ уббаад̣̇зси. ат̇ассаа згад̣̇ивасам̣ д̇ам̣ г̇ахзд̇ваа гийл̣анд̇ияаа бамаад̣̇зна бад̇ид̇ваа бхиж̇ж̇и. д̇ад̇о д̣̇ааригаа ‘‘мама д̇хийд̇аа мад̇аа’’д̇и барод̣̇и. д̇ам̣ род̣̇анд̇им̣ гожиби г̇зхаж̇ано сан̃н̃аабзд̇ум̣ наасагки. д̇асмин̃жа самаяз сад̇т̇аа анаат̇абин̣д̣игасса г̇ахабад̇ино г̇зхз бан̃н̃ад̇д̇з аасанз нисинно ход̇и, махаасздти жа бхаг̇авад̇о самийбз нисинно ахоси. д̇хаад̇и д̇ам̣ д̣̇ааригам̣ г̇ахзд̇ваа сздтисса санд̇игам̣ аг̇амааси. сздти д̇ам̣ д̣̇исваа ‘‘гиссааяам̣ д̣̇ааригаа род̣̇ад̇ий’’д̇и ааха. д̇хаад̇и д̇ам̣ бавад̇д̇им̣ сздтисса аарожзси. сздти д̇ам̣ д̣̇ааригам̣ ан̇гз нисийд̣̇аабзд̇ваа ‘‘д̇ава д̇хийд̇уд̣̇аанам̣ д̣̇ассаамий’’д̇и сан̃н̃аабзд̇ваа сад̇т̇у аарожзси – ‘‘бханд̇з, мама над̇д̇уд̇хийд̇арам̣ бидтад̇хийд̇алигам̣ уд̣̇д̣̇исса д̣̇аанам̣ д̣̇аад̇угаамо, д̇ам̣ мз бан̃жахи бхигкусад̇зхи сад̣̇д̇хим̣ сваад̇анааяа ад̇хиваасзт̇аа’’д̇и. ад̇хиваасзси бхаг̇аваа д̇ун̣хийбхаавзна.
Yaṃ kiñcārammaṇaṃ katvāti idaṃ satthā sāvatthiyaṃ jetavane viharanto anāthapiṇḍikassa gahapatino dānaṃ ārabbha kathesi. Anāthapiṇḍikassa kira gahapatino dhītu dhītāya dārikāya dhāti piṭṭhadhītalikaṃ adāsi ‘‘ayaṃ te dhītā, imaṃ gahetvā kīḷassū’’ti. Sā tattha dhītusaññaṃ uppādesi. Athassā ekadivasaṃ taṃ gahetvā kīḷantiyā pamādena patitvā bhijji. Tato dārikā ‘‘mama dhītā matā’’ti parodi. Taṃ rodantiṃ kocipi gehajano saññāpetuṃ nāsakkhi. Tasmiñca samaye satthā anāthapiṇḍikassa gahapatino gehe paññatte āsane nisinno hoti, mahāseṭṭhi ca bhagavato samīpe nisinno ahosi. Dhāti taṃ dārikaṃ gahetvā seṭṭhissa santikaṃ agamāsi. Seṭṭhi taṃ disvā ‘‘kissāyaṃ dārikā rodatī’’ti āha. Dhāti taṃ pavattiṃ seṭṭhissa ārocesi. Seṭṭhi taṃ dārikaṃ aṅke nisīdāpetvā ‘‘tava dhītudānaṃ dassāmī’’ti saññāpetvā satthu ārocesi – ‘‘bhante, mama nattudhītaraṃ piṭṭhadhītalikaṃ uddissa dānaṃ dātukāmo, taṃ me pañcahi bhikkhusatehi saddhiṃ svātanāya adhivāsethā’’ti. Adhivāsesi bhagavā tuṇhībhāvena.
ат̇а бхаг̇аваа д̣̇уд̇ияад̣̇ивасз бан̃жахи бхигкусад̇зхи сад̣̇д̇хим̣ сздтисса гхарам̣ г̇анд̇ваа бхад̇д̇агижжам̣ гад̇ваа анумод̣̇анам̣ гаронд̇о –
Atha bhagavā dutiyadivase pañcahi bhikkhusatehi saddhiṃ seṭṭhissa gharaṃ gantvā bhattakiccaṃ katvā anumodanaṃ karonto –
10.
10.
‘‘яам̣ гин̃жаарамман̣ам̣ гад̇ваа, д̣̇аж̇ж̇аа д̣̇аанам̣ амажчарий;
‘‘Yaṃ kiñcārammaṇaṃ katvā, dajjā dānaṃ amaccharī;
буб̣б̣абзд̇з жа аараб̣бха, ат̇а ваа вад̇т̇уд̣̇звад̇аа.
Pubbapete ca ārabbha, atha vā vatthudevatā.
11.
11.
‘‘жад̇д̇ааро жа махаарааж̇з, логабаалз яасассинз;
‘‘Cattāro ca mahārāje, lokapāle yasassine;
гувзрам̣ д̇хад̇арадтан̃жа, вируубагкам̣ вируул̣хагам̣;
Kuveraṃ dhataraṭṭhañca, virūpakkhaṃ virūḷhakaṃ;
д̇з жзва бууж̇ид̇аа хонд̇и, д̣̇ааяагаа жа анибпалаа.
Te ceva pūjitā honti, dāyakā ca anipphalā.
12.
12.
‘‘на хи рун̣н̣ам̣ ваа сого ваа, яаа жан̃н̃аа барид̣̇званаа;
‘‘Na hi ruṇṇaṃ vā soko vā, yā caññā paridevanā;
на д̇ам̣ бзд̇асса ад̇т̇ааяа, звам̣ д̇идтанд̇и н̃аад̇аяо.
Na taṃ petassa atthāya, evaṃ tiṭṭhanti ñātayo.
13.
13.
‘‘аяан̃жа ко д̣̇агкин̣аа д̣̇иннаа, сан̇гхамхи суббад̇идтид̇аа;
‘‘Ayañca kho dakkhiṇā dinnā, saṅghamhi suppatiṭṭhitā;
д̣̇ийгхарад̇д̇ам̣ хид̇ааяасса, таанасо убагаббад̇ий’’д̇и. – имаа г̇аат̇аа абхааси;
Dīgharattaṃ hitāyassa, ṭhānaso upakappatī’’ti. – imā gāthā abhāsi;
10. д̇ад̇т̇а яам̣ гин̃жаарамман̣ам̣ гад̇ваад̇и ман̇г̇алаад̣̇ийсу ан̃н̃ад̇арам̣ яам̣ гин̃жи аараб̣бха уд̣̇д̣̇исса. д̣̇аж̇ж̇аад̇и д̣̇ад̣̇зяяа. амажчарийд̇и ад̇д̇ано самбад̇д̇ияаа барзхи саад̇хааран̣абхааваасаханалагкан̣асса мажчзрасса абхаавад̇о амажчарий, барижжааг̇асийло мажчарияалобхаад̣̇ижид̇д̇амалам̣ д̣̇уурад̇о гад̇ваа д̣̇аанам̣ д̣̇ад̣̇зяяаад̇и ад̇хиббааяо. буб̣б̣абзд̇з жа аараб̣бхаад̇и буб̣б̣агзби бзд̇з уд̣̇д̣̇исса. вад̇т̇уд̣̇звад̇аад̇и гхаравад̇т̇уаад̣̇ийсу ад̇хивад̇т̇аа д̣̇звад̇аа аараб̣бхаад̇и яож̇анаа. ат̇а ваад̇и иминаа ан̃н̃зби д̣̇звамануссаад̣̇игз яз гзжи аараб̣бха д̣̇аанам̣ д̣̇ад̣̇зяяаад̇и д̣̇ассзд̇и.
10. Tattha yaṃ kiñcārammaṇaṃ katvāti maṅgalādīsu aññataraṃ yaṃ kiñci ārabbha uddissa. Dajjāti dadeyya. Amaccharīti attano sampattiyā parehi sādhāraṇabhāvāsahanalakkhaṇassa maccherassa abhāvato amaccharī, pariccāgasīlo macchariyalobhādicittamalaṃ dūrato katvā dānaṃ dadeyyāti adhippāyo. Pubbapete ca ārabbhāti pubbakepi pete uddissa. Vatthudevatāti gharavatthuādīsu adhivatthā devatā ārabbhāti yojanā. Atha vāti iminā aññepi devamanussādike ye keci ārabbha dānaṃ dadeyyāti dasseti.
11. д̇ад̇т̇а д̣̇звзсу д̇аава згажжз баагадз д̣̇звз д̣̇ассзнд̇о ‘‘жад̇д̇ааро жа махаарааж̇з’’д̇и вад̇ваа буна д̇з наамад̇о г̇ан̣ханд̇о ‘‘гувзра’’нд̇иаад̣̇имааха. д̇ад̇т̇а гувзранд̇и взссаван̣ам̣. д̇хад̇арадтанд̇иаад̣̇ийни сзсаанам̣ д̇ин̣н̣ам̣ логабаалаанам̣ наамаани. д̇з жзва бууж̇ид̇аа хонд̇ийд̇и д̇з жа махаарааж̇аано буб̣б̣абзд̇авад̇т̇уд̣̇звад̇ааяо жа уд̣̇д̣̇исанагирияааяа бадимаанигаа хонд̇и. д̣̇ааяагаа жа анибпалаад̇и яз д̣̇аанам̣ д̣̇знд̇и, д̇з д̣̇ааяагаа жа барзсам̣ уд̣̇д̣̇исанамад̇д̇зна на нибпалаа, ад̇д̇ано д̣̇аанапаласса бхааг̇ино зва хонд̇и.
11. Tattha devesu tāva ekacce pākaṭe deve dassento ‘‘cattāro ca mahārāje’’ti vatvā puna te nāmato gaṇhanto ‘‘kuvera’’ntiādimāha. Tattha kuveranti vessavaṇaṃ. Dhataraṭṭhantiādīni sesānaṃ tiṇṇaṃ lokapālānaṃ nāmāni. Te ceva pūjitā hontīti te ca mahārājāno pubbapetavatthudevatāyo ca uddisanakiriyāya paṭimānikā honti. Dāyakā ca anipphalāti ye dānaṃ denti, te dāyakā ca paresaṃ uddisanamattena na nipphalā, attano dānaphalassa bhāgino eva honti.
12. ид̣̇аани ‘‘яз ад̇д̇ано н̃аад̇ийнам̣ маран̣зна род̣̇анд̇и барид̣̇званд̇и сожанд̇и, д̇зсам̣ д̇ам̣ нирад̇т̇агам̣, ад̇д̇абарид̇аабанамад̇д̇амзваа’’д̇и д̣̇ассзд̇ум̣ ‘‘на хи рун̣н̣ам̣ ваа’’д̇и г̇аат̇амааха. д̇ад̇т̇а рун̣н̣анд̇и руд̣̇ид̇ам̣ ассуможанам̣ на хи гаад̇аб̣б̣анд̇и важанасзсо. согод̇и сожанам̣ жид̇д̇асанд̇аабо, анд̇ониж̇жхаананд̇и ад̇т̇о. яаа жан̃н̃аа барид̣̇званаад̇и яаа жа рун̣н̣асогад̇о ан̃н̃аа барид̣̇званаа, ‘‘гахам̣ згабуд̇д̇агаа’’д̇иаад̣̇иваажаавиббалаабо, соби на гаад̇аб̣б̣од̇и ад̇т̇о. саб̣б̣ад̇т̇а ваа-сад̣̇д̣̇о вигаббанад̇т̇о . на д̇ам̣ бзд̇асса ад̇т̇ааяаад̇и яасмаа рун̣н̣ам̣ ваа сого ваа барид̣̇званаа ваад̇и саб̣б̣амби д̇ам̣ бзд̇асса гаалагад̇асса ад̇т̇ааяа убагаарааяа на ход̇и, д̇асмаа на хи д̇ам̣ гаад̇аб̣б̣ам̣, д̇ат̇ааби звам̣ д̇идтанд̇и н̃аад̇аяо авид̣̇д̣̇асунод̇и ад̇хиббааяо.
12. Idāni ‘‘ye attano ñātīnaṃ maraṇena rodanti paridevanti socanti, tesaṃ taṃ niratthakaṃ, attaparitāpanamattamevā’’ti dassetuṃ ‘‘na hi ruṇṇaṃ vā’’ti gāthamāha. Tattha ruṇṇanti ruditaṃ assumocanaṃ na hi kātabbanti vacanaseso. Sokoti socanaṃ cittasantāpo, antonijjhānanti attho. Yā caññā paridevanāti yā ca ruṇṇasokato aññā paridevanā, ‘‘kahaṃ ekaputtakā’’tiādivācāvippalāpo, sopi na kātabboti attho. Sabbattha vā-saddo vikappanattho . Na taṃ petassa atthāyāti yasmā ruṇṇaṃ vā soko vā paridevanā vāti sabbampi taṃ petassa kālakatassa atthāya upakārāya na hoti, tasmā na hi taṃ kātabbaṃ, tathāpi evaṃ tiṭṭhanti ñātayo aviddasunoti adhippāyo.
13. звам̣ рун̣н̣аад̣̇ийнам̣ нирад̇т̇агабхаавам̣ д̣̇ассзд̇ваа ид̣̇аани яаа буб̣б̣абзд̇аад̣̇игз аараб̣бха д̣̇ааяагзна сан̇гхасса д̣̇агкин̣аа д̣̇иннаа, д̇ассаа саад̇т̇агабхаавам̣ д̣̇ассзнд̇о ‘‘аяан̃жа ко д̣̇агкин̣аа’’д̇и г̇аат̇амааха. д̇ад̇т̇а аяанд̇и д̣̇ааяагзна д̇ам̣ д̣̇иннам̣ д̣̇аанам̣ бажжагкад̇о д̣̇ассзнд̇о вад̣̇ад̇и. жа-сад̣̇д̣̇о б̣яад̇ирзгад̇т̇о, д̇зна яат̇аа рун̣н̣аад̣̇и бзд̇асса на гассажи ад̇т̇ааяа ход̇и, на звамаяам̣, аяам̣ бана д̣̇агкин̣аа д̣̇ийгхарад̇д̇ам̣ хид̇ааяасса ход̇ийд̇и вагкамаанамзва висзсам̣ ж̇од̇зд̇и. код̇и авад̇хааран̣з. д̣̇агкин̣аад̇и д̣̇аанам̣. сан̇гхамхи суббад̇идтид̇аад̇и ануд̇д̇арз бун̃н̃агкзд̇д̇з сан̇гхз судту бад̇идтид̇аа. д̣̇ийгхарад̇д̇ам̣ хид̇ааяассаад̇и асса бзд̇асса жирагаалам̣ хид̇ааяа ад̇т̇ааяа. таанасо убагаббад̇ийд̇и д̇ан̇кан̣ан̃н̃зва нибпаж̇ж̇ад̇и, на гааланд̇арзд̇и ад̇т̇о. аяан̃хи д̇ад̇т̇а д̇хаммад̇аа – яам̣ бзд̇з уд̣̇д̣̇исса д̣̇аанз д̣̇иннз бзд̇аа жз анумод̣̇анд̇и, д̇аавад̣̇зва д̇асса палзна бзд̇аа баримужжанд̇ийд̇и.
13. Evaṃ ruṇṇādīnaṃ niratthakabhāvaṃ dassetvā idāni yā pubbapetādike ārabbha dāyakena saṅghassa dakkhiṇā dinnā, tassā sātthakabhāvaṃ dassento ‘‘ayañca kho dakkhiṇā’’ti gāthamāha. Tattha ayanti dāyakena taṃ dinnaṃ dānaṃ paccakkhato dassento vadati. Ca-saddo byatirekattho, tena yathā ruṇṇādi petassa na kassaci atthāya hoti, na evamayaṃ, ayaṃ pana dakkhiṇā dīgharattaṃ hitāyassa hotīti vakkhamānameva visesaṃ joteti. Khoti avadhāraṇe. Dakkhiṇāti dānaṃ. Saṅghamhi suppatiṭṭhitāti anuttare puññakkhette saṅghe suṭṭhu patiṭṭhitā. Dīgharattaṃ hitāyassāti assa petassa cirakālaṃ hitāya atthāya. Ṭhānaso upakappatīti taṅkhaṇaññeva nipphajjati, na kālantareti attho. Ayañhi tattha dhammatā – yaṃ pete uddissa dāne dinne petā ce anumodanti, tāvadeva tassa phalena petā parimuccantīti.
звам̣ бхаг̇аваа д̇хаммам̣ д̣̇зсзд̇ваа махааж̇анам̣ бзд̇з уд̣̇д̣̇исса д̣̇аанаабхирад̇амаанасам̣ гад̇ваа удтааяаасанаа баггаами. бунад̣̇ивасз сздтибхарияаа авасзсаа жа н̃аад̇агаа сздтим̣ анувад̇д̇анд̇аа звам̣ д̇змаасамад̇д̇ам̣ махаад̣̇аанам̣ бавад̇д̇зсум̣. ат̇а рааж̇аа басзнад̣̇и госало бхаг̇аванд̇ам̣ убасан̇гамид̇ваа ‘‘гасмаа, бханд̇з, бхигкуу маасамад̇д̇ам̣ мама гхарам̣ нааг̇амим̣суу’’д̇и бужчи. сад̇т̇аараа д̇асмим̣ гааран̣з гат̇ид̇з рааж̇ааби сздтим̣ анувад̇д̇анд̇о б̣уд̣̇д̇хаббамукасса бхигкусан̇гхасса махаад̣̇аанам̣ бавад̇д̇зси, д̇ам̣ д̣̇исваа нааг̇араа рааж̇аанам̣ анувад̇д̇анд̇аа маасамад̇д̇ам̣ махаад̣̇аанам̣ бавад̇д̇зсум̣. звам̣ маасад̣̇ваяам̣ бидтад̇хийд̇алигамуулагам̣ махаад̣̇аанам̣ бавад̇д̇зсунд̇и.
Evaṃ bhagavā dhammaṃ desetvā mahājanaṃ pete uddissa dānābhiratamānasaṃ katvā uṭṭhāyāsanā pakkāmi. Punadivase seṭṭhibhariyā avasesā ca ñātakā seṭṭhiṃ anuvattantā evaṃ temāsamattaṃ mahādānaṃ pavattesuṃ. Atha rājā pasenadi kosalo bhagavantaṃ upasaṅkamitvā ‘‘kasmā, bhante, bhikkhū māsamattaṃ mama gharaṃ nāgamiṃsū’’ti pucchi. Satthārā tasmiṃ kāraṇe kathite rājāpi seṭṭhiṃ anuvattanto buddhappamukhassa bhikkhusaṅghassa mahādānaṃ pavattesi, taṃ disvā nāgarā rājānaṃ anuvattantā māsamattaṃ mahādānaṃ pavattesuṃ. Evaṃ māsadvayaṃ piṭṭhadhītalikamūlakaṃ mahādānaṃ pavattesunti.
бидтад̇хийд̇алигабзд̇авад̇т̇уван̣н̣анаа нидтид̇аа.
Piṭṭhadhītalikapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 4. бидтад̇хийд̇алигабзд̇авад̇т̇у • 4. Piṭṭhadhītalikapetavatthu
