| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
51. бид̇угхаад̇агавад̇т̇у
51. Pitughātakavatthu
113. д̇зна ко бана самаязна ан̃н̃ад̇аро маан̣аваго бид̇арам̣ ж̇ийвид̇аа воробзси. со д̇зна баабагзна гаммзна аддийяад̇и харааяад̇и ж̇иг̇ужчад̇и. ат̇а ко д̇асса маан̣авагасса зд̇ад̣̇ахоси ‘‘гзна ну ко ахам̣ убааязна имасса баабагасса гаммасса нигканд̇им̣ гарзяяа’’нд̇и. ат̇а ко д̇асса маан̣авагасса зд̇ад̣̇ахоси ‘‘имз ко саман̣аа сагяабуд̇д̇ияаа д̇хаммажаарино самажаарино б̣рахмажаарино сажжаваад̣̇ино сийлаванд̇о галяаан̣ад̇хаммаа, сажз ко ахам̣ саман̣зсу сагяабуд̇д̇иязсу баб̣б̣аж̇зяяам̣, зваахам̣ имасса баабагасса гаммасса нигканд̇им̣ гарзяяа’’нд̇и. ат̇а ко со маан̣аваго бхигкуу убасан̇гамид̇ваа баб̣б̣аж̇ж̇ам̣ яаажи. бхигкуу ааяасманд̇ам̣ убаалим̣ зд̇ад̣̇авожум̣ – ‘‘буб̣б̣зби ко, аавусо убаали, нааг̇о маан̣авагаван̣н̣зна бхигкуусу баб̣б̣аж̇ид̇о, ин̇гхаавусо, убаали, имам̣ маан̣авагам̣ ануяун̃ж̇аахий’’д̇и. ат̇а ко со маан̣аваго ааяасмад̇аа убаалинаа ануяун̃ж̇ийяамаано зд̇амад̇т̇ам̣ аарожзси. ааяасмаа убаали бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. бид̇угхаад̇аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣од̇и.
113. Tena kho pana samayena aññataro māṇavako pitaraṃ jīvitā voropesi. So tena pāpakena kammena aṭṭīyati harāyati jigucchati. Atha kho tassa māṇavakassa etadahosi ‘‘kena nu kho ahaṃ upāyena imassa pāpakassa kammassa nikkhantiṃ kareyya’’nti. Atha kho tassa māṇavakassa etadahosi ‘‘ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā, sace kho ahaṃ samaṇesu sakyaputtiyesu pabbajeyyaṃ, evāhaṃ imassa pāpakassa kammassa nikkhantiṃ kareyya’’nti. Atha kho so māṇavako bhikkhū upasaṅkamitvā pabbajjaṃ yāci. Bhikkhū āyasmantaṃ upāliṃ etadavocuṃ – ‘‘pubbepi kho, āvuso upāli, nāgo māṇavakavaṇṇena bhikkhūsu pabbajito, iṅghāvuso, upāli, imaṃ māṇavakaṃ anuyuñjāhī’’ti. Atha kho so māṇavako āyasmatā upālinā anuyuñjīyamāno etamatthaṃ ārocesi. Āyasmā upāli bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Pitughātako, bhikkhave, anupasampanno na upasampādetabbo, upasampanno nāsetabboti.
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
