| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੭. ਪਿਯਜਾਤਿਕਸੁਤ੍ਤવਣ੍ਣਨਾ
7. Piyajātikasuttavaṇṇanā
੩੫੩. ਏવਂ ਮੇ ਸੁਤਨ੍ਤਿ ਪਿਯਜਾਤਿਕਸੁਤ੍ਤਂ। ਤਤ੍ਥ ਨੇવ ਕਮ੍ਮਨ੍ਤਾ ਪਟਿਭਨ੍ਤੀਤਿ ਨ ਸਬ੍ਬੇਨ ਸਬ੍ਬਂ ਪਟਿਭਨ੍ਤਿ, ਪਕਤਿਨਿਯਾਮੇਨ ਪਨ ਨ ਪਟਿਭਨ੍ਤਿ। ਦੁਤਿਯਪਦੇਪਿ ਏਸੇવ ਨਯੋ। ਏਤ੍ਥ ਚ ਨ ਪਟਿਭਾਤੀਤਿ ਨ ਰੁਚ੍ਚਤਿ। ਆਲ਼ਾਹਨਨ੍ਤਿ ਸੁਸਾਨਂ। ਅਞ੍ਞਥਤ੍ਤਨ੍ਤਿ વਿવਣ੍ਣਤਾਯ ਅਞ੍ਞਥਾਭਾવੋ। ਇਨ੍ਦ੍ਰਿਯਾਨਿ ਨਾਮ ਮਨੋવਿਞ੍ਞੇਯ੍ਯਾ ਧਮ੍ਮਾ, ਪਤਿਟ੍ਠਿਤੋਕਾਸਂ ਪਨ ਸਨ੍ਧਾਯ ਇਦਂ વੁਤ੍ਤਂ। ਪਿਯਜਾਤਿਕਾਤਿ ਪਿਯਤੋ ਜਾਯਨ੍ਤਿ। ਪਿਯਪ੍ਪਭਾવਿਕਾਤਿ ਪਿਯਤੋ ਪਭવਨ੍ਤਿ।
353.Evaṃme sutanti piyajātikasuttaṃ. Tattha neva kammantā paṭibhantīti na sabbena sabbaṃ paṭibhanti, pakatiniyāmena pana na paṭibhanti. Dutiyapadepi eseva nayo. Ettha ca na paṭibhātīti na ruccati. Āḷāhananti susānaṃ. Aññathattanti vivaṇṇatāya aññathābhāvo. Indriyāni nāma manoviññeyyā dhammā, patiṭṭhitokāsaṃ pana sandhāya idaṃ vuttaṃ. Piyajātikāti piyato jāyanti. Piyappabhāvikāti piyato pabhavanti.
੩੫੫. ਸਚੇ ਤਂ, ਮਹਾਰਾਜਾਤਿ ਤਸ੍ਸ ਅਤ੍ਥਂ ਅਸਲ੍ਲਕ੍ਖਯਮਾਨਾਪਿ ਸਤ੍ਥਰਿ ਸਦ੍ਧਾਯ ਏવਂ વਦਤਿ। ਚਰ ਪਿਰੇਤਿ ਅਪੇਹਿ ਅਮ੍ਹਾਕਂ ਪਰੇ, ਅਨਜ੍ਝਤ੍ਤਿਕਭੂਤੇਤਿ ਅਤ੍ਥੋ। ਅਥ વਾ ਚਰ ਪਿਰੇਤਿ ਪਰਤੋ ਗਚ੍ਛ, ਮਾ ਇਧ ਤਿਟ੍ਠਾਤਿਪਿ ਅਤ੍ਥੋ।
355.Sace taṃ, mahārājāti tassa atthaṃ asallakkhayamānāpi satthari saddhāya evaṃ vadati. Cara pireti apehi amhākaṃ pare, anajjhattikabhūteti attho. Atha vā cara pireti parato gaccha, mā idha tiṭṭhātipi attho.
੩੫੬. ਦ੍વਿਧਾ ਛੇਤ੍વਾਤਿ ਅਸਿਨਾ ਦ੍વੇ ਕੋਟ੍ਠਾਸੇ ਕਰੋਨ੍ਤੋ ਛਿਨ੍ਦਿਤ੍વਾ। ਅਤ੍ਤਾਨਂ ਉਪ੍ਫਾਲੇਸੀਤਿ ਤੇਨੇવ ਅਸਿਨਾ ਅਤ੍ਤਨੋ ਉਦਰਂ ਫਾਲੇਸਿ। ਯਦਿ ਹਿ ਤਸ੍ਸ ਸਾ ਅਪ੍ਪਿਯਾ ਭવੇਯ੍ਯ, ਇਦਾਨਿ ਅਞ੍ਞਂ ਮਾਤੁਗਾਮਂ ਗਣ੍ਹਿਸ੍ਸਾਮੀਤਿ ਅਤ੍ਤਾਨਂ ਨ ਘਾਤੇਯ੍ਯ। ਯਸ੍ਮਾ ਪਨਸ੍ਸ ਸਾ ਪਿਯਾ ਅਹੋਸਿ, ਤਸ੍ਮਾ ਪਰਲੋਕੇਪਿ ਤਾਯ ਸਦ੍ਧਿਂ ਸਮਙ੍ਗਿਭਾવਂ ਪਤ੍ਥਯਮਾਨੋ ਏવਮਕਾਸਿ।
356.Dvidhāchetvāti asinā dve koṭṭhāse karonto chinditvā. Attānaṃupphālesīti teneva asinā attano udaraṃ phālesi. Yadi hi tassa sā appiyā bhaveyya, idāni aññaṃ mātugāmaṃ gaṇhissāmīti attānaṃ na ghāteyya. Yasmā panassa sā piyā ahosi, tasmā paralokepi tāya saddhiṃ samaṅgibhāvaṃ patthayamāno evamakāsi.
੩੫੭. ਪਿਯਾ ਤੇ વਜਿਰੀਤਿ ਏવਂ ਕਿਰਸ੍ਸਾ ਅਹੋਸਿ – ‘‘ਸਚਾਹਂ, ‘ਭੂਤਪੁਬ੍ਬਂ, ਮਹਾਰਾਜ, ਇਮਿਸ੍ਸਾਯੇવ ਸਾવਤ੍ਥਿਯਂ ਅਞ੍ਞਤਰਿਸ੍ਸਾ ਇਤ੍ਥਿਯਾ’ਤਿਆਦਿਕਥਂ ਕਥੇਯ੍ਯਂ, ‘ਕੋ ਤੇ ਏવਂ ਅਕਾਸਿ, ਅਪੇਹਿ ਨਤ੍ਥਿ ਏਤ’ਨ੍ਤਿ ਮਂ ਪਟਿਸੇਧੇਯ੍ਯ, વਤ੍ਤਮਾਨੇਨੇવ ਨਂ ਸਞ੍ਞਾਪੇਸ੍ਸਾਮੀ’’ਤਿ ਚਿਨ੍ਤੇਤ੍વਾ ਏવਮਾਹ। વਿਪਰਿਣਾਮਞ੍ਞਥਾਭਾવਾਤਿ ਏਤ੍ਥ ਮਰਣવਸੇਨ વਿਪਰਿਣਾਮੋ, ਕੇਨਚਿ ਸਦ੍ਧਿਂ ਪਲਾਯਿਤ੍વਾ ਗਮਨવਸੇਨ ਅਞ੍ਞਥਾਭਾવੋ વੇਦਿਤਬ੍ਬੋ।
357.Piyā te vajirīti evaṃ kirassā ahosi – ‘‘sacāhaṃ, ‘bhūtapubbaṃ, mahārāja, imissāyeva sāvatthiyaṃ aññatarissā itthiyā’tiādikathaṃ katheyyaṃ, ‘ko te evaṃ akāsi, apehi natthi eta’nti maṃ paṭisedheyya, vattamāneneva naṃ saññāpessāmī’’ti cintetvā evamāha. Vipariṇāmaññathābhāvāti ettha maraṇavasena vipariṇāmo, kenaci saddhiṃ palāyitvā gamanavasena aññathābhāvo veditabbo.
વਾਸਭਾਯਾਤਿ વਾਸਭਾ ਨਾਮ ਰਞ੍ਞੋ ਏਕਾ ਦੇવੀ, ਤਂ ਸਨ੍ਧਾਯਾਹ।
Vāsabhāyāti vāsabhā nāma rañño ekā devī, taṃ sandhāyāha.
ਪਿਯਾ ਤੇ ਅਹਨ੍ਤਿ ਕਸ੍ਮਾ ਸਬ੍ਬਪਚ੍ਛਾ ਆਹ? ਏવਂ ਕਿਰਸ੍ਸਾ ਅਹੋਸਿ – ‘‘ਅਯਂ ਰਾਜਾ ਮਯ੍ਹਂ ਕੁਪਿਤੋ, ਸਚਾਹਂ ਸਬ੍ਬਪਠਮਂ ‘ਪਿਯਾ ਤੇ ਅਹ’ਨ੍ਤਿ ਪੁਚ੍ਛੇਯ੍ਯਂ, ‘ਨ ਮੇ ਤ੍વਂ ਪਿਯਾ, ਚਰ ਪਿਰੇ’ਤਿ વਦੇਯ੍ਯ, ਏવਂ ਸਨ੍ਤੇ ਕਥਾ ਪਤਿਟ੍ਠਾਨਂ ਨ ਲਭਿਸ੍ਸਤੀ’’ਤਿ ਕਥਾਯ ਪਤਿਟ੍ਠਾਨਤ੍ਥਂ ਸਬ੍ਬਪਚ੍ਛਾ ਪੁਚ੍ਛਿ। ਕਾਸਿਕੋਸਲੇਸੁ ਛਡ੍ਡਿਤਭਾવੇਨ વਿਪਰਿਣਾਮੋ, ਪਟਿਰਾਜੂਨਂ ਹਤ੍ਥਗਮਨવਸੇਨ ਅਞ੍ਞਥਾਭਾવੋ વੇਦਿਤਬ੍ਬੋ।
Piyāte ahanti kasmā sabbapacchā āha? Evaṃ kirassā ahosi – ‘‘ayaṃ rājā mayhaṃ kupito, sacāhaṃ sabbapaṭhamaṃ ‘piyā te aha’nti puccheyyaṃ, ‘na me tvaṃ piyā, cara pire’ti vadeyya, evaṃ sante kathā patiṭṭhānaṃ na labhissatī’’ti kathāya patiṭṭhānatthaṃ sabbapacchā pucchi. Kāsikosalesu chaḍḍitabhāvena vipariṇāmo, paṭirājūnaṃ hatthagamanavasena aññathābhāvo veditabbo.
ਆਚਮੇਹੀਤਿ ਆਚਮਨੋਦਕਂ ਦੇਹਿ। ਆਚਮਿਤ੍વਾ ਹਤ੍ਥਪਾਦੇ ਧੋવਿਤ੍વਾ ਮੁਖਂ વਿਕ੍ਖਾਲੇਤ੍વਾ ਸਤ੍ਥਾਰਂ ਨਮਸ੍ਸਿਤੁਕਾਮੋ ਏવਮਾਹ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Ācamehīti ācamanodakaṃ dehi. Ācamitvā hatthapāde dhovitvā mukhaṃ vikkhāletvā satthāraṃ namassitukāmo evamāha. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਪਿਯਜਾਤਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Piyajātikasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੭. ਪਿਯਜਾਤਿਕਸੁਤ੍ਤਂ • 7. Piyajātikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੭. ਪਿਯਜਾਤਿਕਸੁਤ੍ਤવਣ੍ਣਨਾ • 7. Piyajātikasuttavaṇṇanā
