| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปิยาลผลทายกเตฺถรอปทานํ
10. Piyālaphaladāyakattheraapadānaṃ
๖๖.
66.
ปพฺภาเร เสยฺยํ กเปฺปมิ, อวิทูเร สิขิสตฺถุโนฯ
Pabbhāre seyyaṃ kappemi, avidūre sikhisatthuno.
๖๗.
67.
‘‘สายํ ปาตญฺจ ปสฺสามิ, พุทฺธํ โลกคฺคนายกํ;
‘‘Sāyaṃ pātañca passāmi, buddhaṃ lokagganāyakaṃ;
เทยฺยธโมฺม จ เม นตฺถิ, ทฺวิปทินฺทสฺส ตาทิโนฯ
Deyyadhammo ca me natthi, dvipadindassa tādino.
๖๘.
68.
‘‘ปิยาลผลมาทาย , อคมํ พุทฺธสนฺติกํ;
‘‘Piyālaphalamādāya , agamaṃ buddhasantikaṃ;
ปฎิคฺคเหสิ ภควา, โลกเชโฎฺฐ นราสโภฯ
Paṭiggahesi bhagavā, lokajeṭṭho narāsabho.
๖๙.
69.
‘‘ตโต ปรํ อุปาทาย, ปริจาริํ วินายกํ;
‘‘Tato paraṃ upādāya, paricāriṃ vināyakaṃ;
เตน จิตฺตปฺปสาเทน, ตตฺถ กาลงฺกโต อหํฯ
Tena cittappasādena, tattha kālaṅkato ahaṃ.
๗๐.
70.
‘‘เอกตฺติํเส อิโต กเปฺป, ยํ ผลํ อททิํ อหํ;
‘‘Ekattiṃse ito kappe, yaṃ phalaṃ adadiṃ ahaṃ;
ทุคฺคติํ นาภิชานามิ, ผลทานสฺสิทํ ผลํฯ
Duggatiṃ nābhijānāmi, phaladānassidaṃ phalaṃ.
๗๑.
71.
‘‘อิโต ปนฺนรเส กเปฺป, ตโย อาสุํ ปิยาลิโน;
‘‘Ito pannarase kappe, tayo āsuṃ piyālino;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๗๒.
72.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปิยาลผลทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā piyālaphaladāyako thero imā gāthāyo abhāsitthāti.
ปิยาลผลทายกเตฺถรสฺสาปทานํ ทสมํฯ
Piyālaphaladāyakattherassāpadānaṃ dasamaṃ.
โสภิตวโคฺค จุทฺทสโมฯ
Sobhitavaggo cuddasamo.
ตสฺสุทฺทานํ –
Tassuddānaṃ –
โสภิตสุทสฺสโน จ, จนฺทโน ปุปฺผฉทโน;
Sobhitasudassano ca, candano pupphachadano;
รโห จมฺปกปุปฺผี จ, อตฺถสนฺทสฺสเกน จฯ
Raho campakapupphī ca, atthasandassakena ca.
คาถาโย สตฺตติ เทฺว จ, คณิตาโย วิภาวิภิฯ
Gāthāyo sattati dve ca, gaṇitāyo vibhāvibhi.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. ปิยาลผลทายกเตฺถรอปทานวณฺณนา • 10. Piyālaphaladāyakattheraapadānavaṇṇanā
