| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಪಿಯಾಲಫಲದಾಯಕತ್ಥೇರಅಪದಾನಂ
10. Piyālaphaladāyakattheraapadānaṃ
೬೬.
66.
ಪಬ್ಭಾರೇ ಸೇಯ್ಯಂ ಕಪ್ಪೇಮಿ, ಅವಿದೂರೇ ಸಿಖಿಸತ್ಥುನೋ॥
Pabbhāre seyyaṃ kappemi, avidūre sikhisatthuno.
೬೭.
67.
‘‘ಸಾಯಂ ಪಾತಞ್ಚ ಪಸ್ಸಾಮಿ, ಬುದ್ಧಂ ಲೋಕಗ್ಗನಾಯಕಂ।
‘‘Sāyaṃ pātañca passāmi, buddhaṃ lokagganāyakaṃ;
ದೇಯ್ಯಧಮ್ಮೋ ಚ ಮೇ ನತ್ಥಿ, ದ್ವಿಪದಿನ್ದಸ್ಸ ತಾದಿನೋ॥
Deyyadhammo ca me natthi, dvipadindassa tādino.
೬೮.
68.
‘‘ಪಿಯಾಲಫಲಮಾದಾಯ , ಅಗಮಂ ಬುದ್ಧಸನ್ತಿಕಂ।
‘‘Piyālaphalamādāya , agamaṃ buddhasantikaṃ;
ಪಟಿಗ್ಗಹೇಸಿ ಭಗವಾ, ಲೋಕಜೇಟ್ಠೋ ನರಾಸಭೋ॥
Paṭiggahesi bhagavā, lokajeṭṭho narāsabho.
೬೯.
69.
‘‘ತತೋ ಪರಂ ಉಪಾದಾಯ, ಪರಿಚಾರಿಂ ವಿನಾಯಕಂ।
‘‘Tato paraṃ upādāya, paricāriṃ vināyakaṃ;
ತೇನ ಚಿತ್ತಪ್ಪಸಾದೇನ, ತತ್ಥ ಕಾಲಙ್ಕತೋ ಅಹಂ॥
Tena cittappasādena, tattha kālaṅkato ahaṃ.
೭೦.
70.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಫಲಂ ಅದದಿಂ ಅಹಂ।
‘‘Ekattiṃse ito kappe, yaṃ phalaṃ adadiṃ ahaṃ;
ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ॥
Duggatiṃ nābhijānāmi, phaladānassidaṃ phalaṃ.
೭೧.
71.
‘‘ಇತೋ ಪನ್ನರಸೇ ಕಪ್ಪೇ, ತಯೋ ಆಸುಂ ಪಿಯಾಲಿನೋ।
‘‘Ito pannarase kappe, tayo āsuṃ piyālino;
ಸತ್ತರತನಸಮ್ಪನ್ನಾ, ಚಕ್ಕವತ್ತೀ ಮಹಬ್ಬಲಾ॥
Sattaratanasampannā, cakkavattī mahabbalā.
೭೨.
72.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಿಯಾಲಫಲದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā piyālaphaladāyako thero imā gāthāyo abhāsitthāti.
ಪಿಯಾಲಫಲದಾಯಕತ್ಥೇರಸ್ಸಾಪದಾನಂ ದಸಮಂ।
Piyālaphaladāyakattherassāpadānaṃ dasamaṃ.
ಸೋಭಿತವಗ್ಗೋ ಚುದ್ದಸಮೋ।
Sobhitavaggo cuddasamo.
ತಸ್ಸುದ್ದಾನಂ –
Tassuddānaṃ –
ಸೋಭಿತಸುದಸ್ಸನೋ ಚ, ಚನ್ದನೋ ಪುಪ್ಫಛದನೋ।
Sobhitasudassano ca, candano pupphachadano;
ರಹೋ ಚಮ್ಪಕಪುಪ್ಫೀ ಚ, ಅತ್ಥಸನ್ದಸ್ಸಕೇನ ಚ॥
Raho campakapupphī ca, atthasandassakena ca.
ಗಾಥಾಯೋ ಸತ್ತತಿ ದ್ವೇ ಚ, ಗಣಿತಾಯೋ ವಿಭಾವಿಭಿ॥
Gāthāyo sattati dve ca, gaṇitāyo vibhāvibhi.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧೦. ಪಿಯಾಲಫಲದಾಯಕತ್ಥೇರಅಪದಾನವಣ್ಣನಾ • 10. Piyālaphaladāyakattheraapadānavaṇṇanā
