| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. бияаалапалад̣̇ааяагад̇т̇зраабад̣̇аанаван̣н̣анаа
10. Piyālaphaladāyakattheraapadānavaṇṇanā
барод̇хаго д̇ад̣̇аа аасинд̇иаад̣̇игам̣ ааяасмад̇о бияаалапалад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сикисса бхаг̇авад̇о гаалз нзсаад̣̇агулз ниб̣б̣ад̇д̇о химаванд̇з згасмим̣ баб̣бхаарз миг̇з вад̇хид̇ваа ж̇ийвигам̣ габбзд̇ваа васад̇и. д̇асмим̣ гаалз д̇ад̇т̇а г̇ад̇ам̣ сиким̣ бхаг̇аванд̇ам̣ д̣̇исваа басаннамаанасо сааяам̣ баад̇ам̣ намассамаано ган̃жи д̣̇зяяад̇хаммам̣ абассанд̇о мад̇хураани бияаалапалаани ужжинид̇ваа ад̣̇ааси. бхаг̇аваа д̇аани барибхун̃ж̇и. со нзсаад̣̇о б̣уд̣̇д̇хаарамман̣ааяа бийд̇ияаа ниранд̇арам̣ пудтасарийро баабагаммз вирад̇д̇ажид̇д̇о муулапалаахааро нажирассзва гаалам̣ гад̇ваа д̣̇звалогз ниб̣б̣ад̇д̇и.
Parodhakotadā āsintiādikaṃ āyasmato piyālaphaladāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle nesādakule nibbatto himavante ekasmiṃ pabbhāre mige vadhitvā jīvikaṃ kappetvā vasati. Tasmiṃ kāle tattha gataṃ sikhiṃ bhagavantaṃ disvā pasannamānaso sāyaṃ pātaṃ namassamāno kañci deyyadhammaṃ apassanto madhurāni piyālaphalāni uccinitvā adāsi. Bhagavā tāni paribhuñji. So nesādo buddhārammaṇāya pītiyā nirantaraṃ phuṭṭhasarīro pāpakamme virattacitto mūlaphalāhāro nacirasseva kālaṃ katvā devaloke nibbatti.
66. со д̇ад̇т̇а д̣̇иб̣б̣асамбад̇д̇ияо анубхавид̇ваа мануссзсу жа анзгавид̇хасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з г̇ахабад̇игулз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ сан̣табзд̇ваа д̇ад̇т̇а анабхирад̇о г̇зхам̣ бахааяа сад̇т̇у санд̇игз баб̣б̣аж̇ид̇ваа вибассанам̣ вад̣дхзд̇ваа нажирассзва арахад̇д̇ам̣ бад̇д̇о ад̇д̇ано гад̇апалад̣̇аанагаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о барод̇хаго д̇ад̣̇аа аасинд̇иаад̣̇имааха. д̇ад̇т̇а яад̣̇аа ахам̣ бияаалапалам̣ д̣̇ад̇ваа жид̇д̇ам̣ басаад̣̇зсим̣, д̇ад̣̇аа ахам̣ барод̇хаго аасинд̇и самб̣анд̇хо. барод̇хагод̇и барасад̇д̇арод̇хаго вихзсаго. ‘‘барарод̇хаго’’д̇и вад̇д̇аб̣б̣з буб̣б̣асса ра-гаарасса лобам̣ гад̇ваа ‘‘барод̇хаго’’д̇и вуд̇д̇ам̣.
66. So tattha dibbasampattiyo anubhavitvā manussesu ca anekavidhasampattiyo anubhavitvā imasmiṃ buddhuppāde gahapatikule nibbatto viññutaṃ patto gharāvāsaṃ saṇṭhapetvā tattha anabhirato gehaṃ pahāya satthu santike pabbajitvā vipassanaṃ vaḍḍhetvā nacirasseva arahattaṃ patto attano kataphaladānakammaṃ saritvā somanassajāto pubbacaritāpadānaṃ pakāsento parodhako tadā āsintiādimāha. Tattha yadā ahaṃ piyālaphalaṃ datvā cittaṃ pasādesiṃ, tadā ahaṃ parodhako āsinti sambandho. Parodhakoti parasattarodhako vihesako. ‘‘Pararodhako’’ti vattabbe pubbassa ra-kārassa lopaṃ katvā ‘‘parodhako’’ti vuttaṃ.
69. барижаарим̣ винааяаганд̇и д̇ам̣ ниб̣б̣аанабаабагам̣ сад̇т̇аарам̣, ‘‘бханд̇з , имам̣ палам̣ барибхун̃ж̇ат̇аа’’д̇и баваарим̣ ниманд̇зсим̣ аараад̇хзсинд̇и ад̇т̇о. сзсам̣ сувин̃н̃зяяамзваад̇и.
69.Paricāriṃ vināyakanti taṃ nibbānapāpakaṃ satthāraṃ, ‘‘bhante , imaṃ phalaṃ paribhuñjathā’’ti pavāriṃ nimantesiṃ ārādhesinti attho. Sesaṃ suviññeyyamevāti.
бияаалапалад̣̇ааяагад̇т̇зраабад̣̇аанаван̣н̣анаа самад̇д̇аа.
Piyālaphaladāyakattheraapadānavaṇṇanā samattā.
жуд̣̇д̣̇асамаваг̇г̇аван̣н̣анаа самад̇д̇аа.
Cuddasamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. бияаалапалад̣̇ааяагад̇т̇зраабад̣̇аанам̣ • 10. Piyālaphaladāyakattheraapadānaṃ
