| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਪਿਯਾਲਫਲਦਾਯਕਤ੍ਥੇਰਅਪਦਾਨવਣ੍ਣਨਾ
10. Piyālaphaladāyakattheraapadānavaṇṇanā
ਪਰੋਧਕੋ ਤਦਾ ਆਸਿਨ੍ਤਿਆਦਿਕਂ ਆਯਸ੍ਮਤੋ ਪਿਯਾਲਫਲਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਨੇਸਾਦਕੁਲੇ ਨਿਬ੍ਬਤ੍ਤੋ ਹਿਮવਨ੍ਤੇ ਏਕਸ੍ਮਿਂ ਪਬ੍ਭਾਰੇ ਮਿਗੇ વਧਿਤ੍વਾ ਜੀવਿਕਂ ਕਪ੍ਪੇਤ੍વਾ વਸਤਿ। ਤਸ੍ਮਿਂ ਕਾਲੇ ਤਤ੍ਥ ਗਤਂ ਸਿਖਿਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਸਾਯਂ ਪਾਤਂ ਨਮਸ੍ਸਮਾਨੋ ਕਞ੍ਚਿ ਦੇਯ੍ਯਧਮ੍ਮਂ ਅਪਸ੍ਸਨ੍ਤੋ ਮਧੁਰਾਨਿ ਪਿਯਾਲਫਲਾਨਿ ਉਚ੍ਚਿਨਿਤ੍વਾ ਅਦਾਸਿ। ਭਗવਾ ਤਾਨਿ ਪਰਿਭੁਞ੍ਜਿ। ਸੋ ਨੇਸਾਦੋ ਬੁਦ੍ਧਾਰਮ੍ਮਣਾਯ ਪੀਤਿਯਾ ਨਿਰਨ੍ਤਰਂ ਫੁਟ੍ਠਸਰੀਰੋ ਪਾਪਕਮ੍ਮੇ વਿਰਤ੍ਤਚਿਤ੍ਤੋ ਮੂਲਫਲਾਹਾਰੋ ਨਚਿਰਸ੍ਸੇવ ਕਾਲਂ ਕਤ੍વਾ ਦੇવਲੋਕੇ ਨਿਬ੍ਬਤ੍ਤਿ।
Parodhakotadā āsintiādikaṃ āyasmato piyālaphaladāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle nesādakule nibbatto himavante ekasmiṃ pabbhāre mige vadhitvā jīvikaṃ kappetvā vasati. Tasmiṃ kāle tattha gataṃ sikhiṃ bhagavantaṃ disvā pasannamānaso sāyaṃ pātaṃ namassamāno kañci deyyadhammaṃ apassanto madhurāni piyālaphalāni uccinitvā adāsi. Bhagavā tāni paribhuñji. So nesādo buddhārammaṇāya pītiyā nirantaraṃ phuṭṭhasarīro pāpakamme virattacitto mūlaphalāhāro nacirasseva kālaṃ katvā devaloke nibbatti.
੬੬. ਸੋ ਤਤ੍ਥ ਦਿਬ੍ਬਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਅਨੇਕવਿਧਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਗਹਪਤਿਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਤਤ੍ਥ ਅਨਭਿਰਤੋ ਗੇਹਂ ਪਹਾਯ ਸਤ੍ਥੁ ਸਨ੍ਤਿਕੇ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਤ੍ਤੋ ਅਤ੍ਤਨੋ ਕਤਫਲਦਾਨਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਰੋਧਕੋ ਤਦਾ ਆਸਿਨ੍ਤਿਆਦਿਮਾਹ। ਤਤ੍ਥ ਯਦਾ ਅਹਂ ਪਿਯਾਲਫਲਂ ਦਤ੍વਾ ਚਿਤ੍ਤਂ ਪਸਾਦੇਸਿਂ, ਤਦਾ ਅਹਂ ਪਰੋਧਕੋ ਆਸਿਨ੍ਤਿ ਸਮ੍ਬਨ੍ਧੋ। ਪਰੋਧਕੋਤਿ ਪਰਸਤ੍ਤਰੋਧਕੋ વਿਹੇਸਕੋ। ‘‘ਪਰਰੋਧਕੋ’’ਤਿ વਤ੍ਤਬ੍ਬੇ ਪੁਬ੍ਬਸ੍ਸ ਰ-ਕਾਰਸ੍ਸ ਲੋਪਂ ਕਤ੍વਾ ‘‘ਪਰੋਧਕੋ’’ਤਿ વੁਤ੍ਤਂ।
66. So tattha dibbasampattiyo anubhavitvā manussesu ca anekavidhasampattiyo anubhavitvā imasmiṃ buddhuppāde gahapatikule nibbatto viññutaṃ patto gharāvāsaṃ saṇṭhapetvā tattha anabhirato gehaṃ pahāya satthu santike pabbajitvā vipassanaṃ vaḍḍhetvā nacirasseva arahattaṃ patto attano kataphaladānakammaṃ saritvā somanassajāto pubbacaritāpadānaṃ pakāsento parodhako tadā āsintiādimāha. Tattha yadā ahaṃ piyālaphalaṃ datvā cittaṃ pasādesiṃ, tadā ahaṃ parodhako āsinti sambandho. Parodhakoti parasattarodhako vihesako. ‘‘Pararodhako’’ti vattabbe pubbassa ra-kārassa lopaṃ katvā ‘‘parodhako’’ti vuttaṃ.
੬੯. ਪਰਿਚਾਰਿਂ વਿਨਾਯਕਨ੍ਤਿ ਤਂ ਨਿਬ੍ਬਾਨਪਾਪਕਂ ਸਤ੍ਥਾਰਂ, ‘‘ਭਨ੍ਤੇ , ਇਮਂ ਫਲਂ ਪਰਿਭੁਞ੍ਜਥਾ’’ਤਿ ਪવਾਰਿਂ ਨਿਮਨ੍ਤੇਸਿਂ ਆਰਾਧੇਸਿਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
69.Paricāriṃ vināyakanti taṃ nibbānapāpakaṃ satthāraṃ, ‘‘bhante , imaṃ phalaṃ paribhuñjathā’’ti pavāriṃ nimantesiṃ ārādhesinti attho. Sesaṃ suviññeyyamevāti.
ਪਿਯਾਲਫਲਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Piyālaphaladāyakattheraapadānavaṇṇanā samattā.
ਚੁਦ੍ਦਸਮવਗ੍ਗવਣ੍ਣਨਾ ਸਮਤ੍ਤਾ।
Cuddasamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਪਿਯਾਲਫਲਦਾਯਕਤ੍ਥੇਰਅਪਦਾਨਂ • 10. Piyālaphaladāyakattheraapadānaṃ
