| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. бияан̇гарасуд̇д̇аван̣н̣анаа
6. Piyaṅkarasuttavaṇṇanā
240. чадтз ж̇зд̇аванзд̇и ж̇зд̇аванасса бажжанд̇з госамб̣агагуди наама ад̇т̇и, д̇ад̇т̇а вихарад̇и. д̇хаммабад̣̇аанийд̇и ид̇ха баадиязггам̣ сан̇г̇ахам̣ аарул̣хаа чаб̣б̣ийсад̇иваг̇г̇аа д̇анд̇и ад̇хиббзд̇аа . д̇ад̇ра т̇зро д̇асмим̣ самаяз анд̇овихаарз нисинно мад̇хурассарзна сарабхан̃н̃ам̣ гад̇ваа аббамаад̣̇аваг̇г̇ам̣ бхаасад̇и. звам̣ д̇осзсийд̇и саа гира буд̇д̇ам̣ бияан̇гарам̣ ан̇гзнаад̣̇ааяа ж̇зд̇аванасса бажчимабхааг̇ад̇о бадтааяа г̇ожарам̣ бариязсанд̇ий анубуб̣б̣зна наг̇араабхимукий худ̇ваа ужжаарабассаавакзл̣асин̇гхаан̣игад̣̇уб̣бхож̇анаани бариязсамаанаа т̇зрасса васанадтаанам̣ бад̇ваа мад̇хурассарам̣ ассоси. д̇ассаа со сад̣̇д̣̇о чавиаад̣̇ийни чзд̇ваа адтимин̃ж̇ам̣ аахажжа хад̣̇аяан̇г̇аманийяо худ̇ваа адтааси. ат̇ассаа г̇ожарабариязсанз жид̇д̇амби на уббаж̇ж̇и, охид̇асод̇аа д̇хаммамзва сун̣анд̇ий тид̇аа. яагкад̣̇аарагасса бана д̣̇ахарад̇ааяа д̇хаммассаванз жид̇д̇ам̣ над̇т̇и. со ж̇игхажчааяа бийл̣ид̇ад̇д̇аа, ‘‘гасмаа аммаа г̇ад̇аг̇ад̇адтаанз каан̣уго вияа д̇идтаси? на маяхам̣ каад̣̇анийяам̣ ваа бхож̇анийяам̣ ваа бариязсасий’’д̇и бунаббунам̣ маад̇арам̣ жод̣̇зд̇и. саа ‘‘д̇хаммассаванасса мз анд̇арааяам̣ гарод̇ий’’д̇и буд̇д̇агам̣ ‘‘маа сад̣̇д̣̇ам̣ гари, бияан̇гараа’’д̇и звам̣ д̇осзси. д̇ад̇т̇а маа сад̣̇д̣̇ам̣ гарийд̇и сад̣̇д̣̇ам̣ маа гари.
240. Chaṭṭhe jetavaneti jetavanassa paccante kosambakakuṭi nāma atthi, tattha viharati. Dhammapadānīti idha pāṭiyekkaṃ saṅgahaṃ āruḷhā chabbīsativaggā tanti adhippetā . Tatra thero tasmiṃ samaye antovihāre nisinno madhurassarena sarabhaññaṃ katvā appamādavaggaṃ bhāsati. Evaṃ tosesīti sā kira puttaṃ piyaṅkaraṃ aṅkenādāya jetavanassa pacchimabhāgato paṭṭhāya gocaraṃ pariyesantī anupubbena nagarābhimukhī hutvā uccārapassāvakheḷasiṅghāṇikadubbhojanāni pariyesamānā therassa vasanaṭṭhānaṃ patvā madhurassaraṃ assosi. Tassā so saddo chaviādīni chetvā aṭṭhimiñjaṃ āhacca hadayaṅgamanīyo hutvā aṭṭhāsi. Athassā gocarapariyesane cittampi na uppajji, ohitasotā dhammameva suṇantī ṭhitā. Yakkhadārakassa pana daharatāya dhammassavane cittaṃ natthi. So jighacchāya pīḷitattā, ‘‘kasmā ammā gatagataṭṭhāne khāṇuko viya tiṭṭhasi? Na mayhaṃ khādanīyaṃ vā bhojanīyaṃ vā pariyesasī’’ti punappunaṃ mātaraṃ codeti. Sā ‘‘dhammassavanassa me antarāyaṃ karotī’’ti puttakaṃ ‘‘mā saddaṃ kari, piyaṅkarā’’ti evaṃ tosesi. Tattha mā saddaṃ karīti saddaṃ mā kari.
баан̣зсу жаад̇и г̇аат̇ааяа саа ад̇д̇ано д̇хаммад̇ааяа самаад̣̇ин̣н̣ам̣ бан̃жасийлам̣ д̣̇ассзд̇и. д̇ад̇т̇а сам̣яамаамасзд̇и сам̣яамаама сам̣яад̇аа хома. иминаа баан̣аад̇ибаад̇аа вирад̇и г̇ахид̇аа, д̣̇уд̇ияабад̣̇зна мусааваад̣̇аа вирад̇и, д̇ад̇ияабад̣̇зна сзсаа д̇иссо вирад̇ияо. аби мужжзма бисаажаяонияаад̇и аби наама яагкалогз уббаннаани бан̃жа взраани бахааяа, яонисо бадибаж̇ж̇ид̇ваа имааяа чаад̇агад̣̇уб̣бхигкааяа бисаажаяагкаяонияаа мужжзма, д̇аад̇аад̇и вад̣̇ад̇и. чадтам̣.
Pāṇesu cāti gāthāya sā attano dhammatāya samādiṇṇaṃ pañcasīlaṃ dasseti. Tattha saṃyamāmaseti saṃyamāma saṃyatā homa. Iminā pāṇātipātā virati gahitā, dutiyapadena musāvādā virati, tatiyapadena sesā tisso viratiyo. Api muccema pisācayoniyāti api nāma yakkhaloke uppannāni pañca verāni pahāya, yoniso paṭipajjitvā imāya chātakadubbhikkhāya pisācayakkhayoniyā muccema, tātāti vadati. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. бияан̇гарасуд̇д̇ам̣ • 6. Piyaṅkarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. бияан̇гарасуд̇д̇аван̣н̣анаа • 6. Piyaṅkarasuttavaṇṇanā
