| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๖. ปิยงฺกรสุตฺตวณฺณนา
6. Piyaṅkarasuttavaṇṇanā
๒๔๐. ปจฺจเนฺตติ ปริยเนฺตฯ ปาฎิเยกฺกนฺติ สงฺคีติกาเล วิสุํฯ ยมกวคฺคาทิกา พฺราหฺมณวคฺคปริโยสานา ฉพฺพีสติ วคฺคา เอติสฺสาติ ฉพฺพีสติวคฺคา, ตนฺตีติ ปาฬิฯ อุจฺจารปสฺสาวาทิ เอวรูปํ ทุโพฺภชนํ, ‘‘อสุจิเชคุจฺฉภาเวน ทุฎฺฐุ โภชน’’นฺติ กตฺวา, ทุโพฺภชนคฺคหเณน วา วนฺตคพฺภมลาทีนิ อติทิสติฯ ฉวิอาทีนิ เฉตฺวาติ ฉวิอาทีนิ อติวิชฺฌ อติวิย ปวิสิตฺวาฯ อฎฺฐิมิญฺชํ อาหจฺจ อฎฺฐาสิ ปีติสมุฎฺฐานอุฬาโรฬารรูปปฺปวตฺติยาฯ เตนาห ‘‘หทยงฺคมนีโย หุตฺวา’’ติฯ
240.Paccanteti pariyante. Pāṭiyekkanti saṅgītikāle visuṃ. Yamakavaggādikā brāhmaṇavaggapariyosānā chabbīsati vaggā etissāti chabbīsativaggā, tantīti pāḷi. Uccārapassāvādi evarūpaṃ dubbhojanaṃ, ‘‘asucijegucchabhāvena duṭṭhu bhojana’’nti katvā, dubbhojanaggahaṇena vā vantagabbhamalādīni atidisati. Chaviādīni chetvāti chaviādīni ativijjha ativiya pavisitvā. Aṭṭhimiñjaṃ āhacca aṭṭhāsi pītisamuṭṭhānauḷāroḷārarūpappavattiyā. Tenāha ‘‘hadayaṅgamanīyo hutvā’’ti.
ธมฺมตาย สมาทิณฺณนฺติ กสฺสจิ สนฺติเก อคฺคเหตฺวา สยเมว ตสฺมิํ ขเณ สํยตา โหมาติ ยถาสํยตาฯ ตติยปเทนาติ ‘‘สิเกฺขม สุสีลฺย’’นฺติ อิมินา ปเทนฯ เสสาติ วุตฺตาวเสสาฯ ติโสฺส อทินฺนาทานมิจฺฉาจารสุราปานวิรติโยฯ คหิตา โคพลีพทฺทญาเยนฯ ฉาตกํ ทุพฺภิกฺขญฺจ เอตฺถาติ ฉาตกทุพฺภิกฺขา, ชิฆจฺฉาทุพฺภิกฺขาพหุลายาติ อโตฺถฯ ปิสาจยกฺขโยนิยาติ เปตฺติวิสยสทิสยกฺขโยนิยา อปิ นาม มุเจฺจมาติ โยชนาฯ
Dhammatāyasamādiṇṇanti kassaci santike aggahetvā sayameva tasmiṃ khaṇe saṃyatā homāti yathāsaṃyatā. Tatiyapadenāti ‘‘sikkhema susīlya’’nti iminā padena. Sesāti vuttāvasesā. Tisso adinnādānamicchācārasurāpānaviratiyo. Gahitā gobalībaddañāyena. Chātakaṃ dubbhikkhañca etthāti chātakadubbhikkhā, jighacchādubbhikkhābahulāyāti attho. Pisācayakkhayoniyāti pettivisayasadisayakkhayoniyā api nāma muccemāti yojanā.
ปิยงฺกรสุตฺตวณฺณนา นิฎฺฐิตาฯ
Piyaṅkarasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. ปิยงฺกรสุตฺตํ • 6. Piyaṅkarasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. ปิยงฺกรสุตฺตวณฺณนา • 6. Piyaṅkarasuttavaṇṇanā
