| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਪਿਯਙ੍ਕਰਸੁਤ੍ਤવਣ੍ਣਨਾ
6. Piyaṅkarasuttavaṇṇanā
੨੪੦. ਛਟ੍ਠੇ ਜੇਤવਨੇਤਿ ਜੇਤવਨਸ੍ਸ ਪਚ੍ਚਨ੍ਤੇ ਕੋਸਮ੍ਬਕਕੁਟਿ ਨਾਮ ਅਤ੍ਥਿ, ਤਤ੍ਥ વਿਹਰਤਿ। ਧਮ੍ਮਪਦਾਨੀਤਿ ਇਧ ਪਾਟਿਯੇਕ੍ਕਂ ਸਙ੍ਗਹਂ ਆਰੁਲ਼੍ਹਾ ਛਬ੍ਬੀਸਤਿવਗ੍ਗਾ ਤਨ੍ਤਿ ਅਧਿਪ੍ਪੇਤਾ । ਤਤ੍ਰ ਥੇਰੋ ਤਸ੍ਮਿਂ ਸਮਯੇ ਅਨ੍ਤੋવਿਹਾਰੇ ਨਿਸਿਨ੍ਨੋ ਮਧੁਰਸ੍ਸਰੇਨ ਸਰਭਞ੍ਞਂ ਕਤ੍વਾ ਅਪ੍ਪਮਾਦવਗ੍ਗਂ ਭਾਸਤਿ। ਏવਂ ਤੋਸੇਸੀਤਿ ਸਾ ਕਿਰ ਪੁਤ੍ਤਂ ਪਿਯਙ੍ਕਰਂ ਅਙ੍ਕੇਨਾਦਾਯ ਜੇਤવਨਸ੍ਸ ਪਚ੍ਛਿਮਭਾਗਤੋ ਪਟ੍ਠਾਯ ਗੋਚਰਂ ਪਰਿਯੇਸਨ੍ਤੀ ਅਨੁਪੁਬ੍ਬੇਨ ਨਗਰਾਭਿਮੁਖੀ ਹੁਤ੍વਾ ਉਚ੍ਚਾਰਪਸ੍ਸਾવਖੇਲ਼ਸਿਙ੍ਘਾਣਿਕਦੁਬ੍ਭੋਜਨਾਨਿ ਪਰਿਯੇਸਮਾਨਾ ਥੇਰਸ੍ਸ વਸਨਟ੍ਠਾਨਂ ਪਤ੍વਾ ਮਧੁਰਸ੍ਸਰਂ ਅਸ੍ਸੋਸਿ। ਤਸ੍ਸਾ ਸੋ ਸਦ੍ਦੋ ਛવਿਆਦੀਨਿ ਛੇਤ੍વਾ ਅਟ੍ਠਿਮਿਞ੍ਜਂ ਆਹਚ੍ਚ ਹਦਯਙ੍ਗਮਨੀਯੋ ਹੁਤ੍વਾ ਅਟ੍ਠਾਸਿ। ਅਥਸ੍ਸਾ ਗੋਚਰਪਰਿਯੇਸਨੇ ਚਿਤ੍ਤਮ੍ਪਿ ਨ ਉਪ੍ਪਜ੍ਜਿ, ਓਹਿਤਸੋਤਾ ਧਮ੍ਮਮੇવ ਸੁਣਨ੍ਤੀ ਠਿਤਾ। ਯਕ੍ਖਦਾਰਕਸ੍ਸ ਪਨ ਦਹਰਤਾਯ ਧਮ੍ਮਸ੍ਸવਨੇ ਚਿਤ੍ਤਂ ਨਤ੍ਥਿ। ਸੋ ਜਿਘਚ੍ਛਾਯ ਪੀਲ਼ਿਤਤ੍ਤਾ, ‘‘ਕਸ੍ਮਾ ਅਮ੍ਮਾ ਗਤਗਤਟ੍ਠਾਨੇ ਖਾਣੁਕੋ વਿਯ ਤਿਟ੍ਠਸਿ? ਨ ਮਯ੍ਹਂ ਖਾਦਨੀਯਂ વਾ ਭੋਜਨੀਯਂ વਾ ਪਰਿਯੇਸਸੀ’’ਤਿ ਪੁਨਪ੍ਪੁਨਂ ਮਾਤਰਂ ਚੋਦੇਤਿ। ਸਾ ‘‘ਧਮ੍ਮਸ੍ਸવਨਸ੍ਸ ਮੇ ਅਨ੍ਤਰਾਯਂ ਕਰੋਤੀ’’ਤਿ ਪੁਤ੍ਤਕਂ ‘‘ਮਾ ਸਦ੍ਦਂ ਕਰਿ, ਪਿਯਙ੍ਕਰਾ’’ਤਿ ਏવਂ ਤੋਸੇਸਿ। ਤਤ੍ਥ ਮਾ ਸਦ੍ਦਂ ਕਰੀਤਿ ਸਦ੍ਦਂ ਮਾ ਕਰਿ।
240. Chaṭṭhe jetavaneti jetavanassa paccante kosambakakuṭi nāma atthi, tattha viharati. Dhammapadānīti idha pāṭiyekkaṃ saṅgahaṃ āruḷhā chabbīsativaggā tanti adhippetā . Tatra thero tasmiṃ samaye antovihāre nisinno madhurassarena sarabhaññaṃ katvā appamādavaggaṃ bhāsati. Evaṃ tosesīti sā kira puttaṃ piyaṅkaraṃ aṅkenādāya jetavanassa pacchimabhāgato paṭṭhāya gocaraṃ pariyesantī anupubbena nagarābhimukhī hutvā uccārapassāvakheḷasiṅghāṇikadubbhojanāni pariyesamānā therassa vasanaṭṭhānaṃ patvā madhurassaraṃ assosi. Tassā so saddo chaviādīni chetvā aṭṭhimiñjaṃ āhacca hadayaṅgamanīyo hutvā aṭṭhāsi. Athassā gocarapariyesane cittampi na uppajji, ohitasotā dhammameva suṇantī ṭhitā. Yakkhadārakassa pana daharatāya dhammassavane cittaṃ natthi. So jighacchāya pīḷitattā, ‘‘kasmā ammā gatagataṭṭhāne khāṇuko viya tiṭṭhasi? Na mayhaṃ khādanīyaṃ vā bhojanīyaṃ vā pariyesasī’’ti punappunaṃ mātaraṃ codeti. Sā ‘‘dhammassavanassa me antarāyaṃ karotī’’ti puttakaṃ ‘‘mā saddaṃ kari, piyaṅkarā’’ti evaṃ tosesi. Tattha mā saddaṃ karīti saddaṃ mā kari.
ਪਾਣੇਸੁ ਚਾਤਿ ਗਾਥਾਯ ਸਾ ਅਤ੍ਤਨੋ ਧਮ੍ਮਤਾਯ ਸਮਾਦਿਣ੍ਣਂ ਪਞ੍ਚਸੀਲਂ ਦਸ੍ਸੇਤਿ। ਤਤ੍ਥ ਸਂਯਮਾਮਸੇਤਿ ਸਂਯਮਾਮ ਸਂਯਤਾ ਹੋਮ। ਇਮਿਨਾ ਪਾਣਾਤਿਪਾਤਾ વਿਰਤਿ ਗਹਿਤਾ, ਦੁਤਿਯਪਦੇਨ ਮੁਸਾવਾਦਾ વਿਰਤਿ, ਤਤਿਯਪਦੇਨ ਸੇਸਾ ਤਿਸ੍ਸੋ વਿਰਤਿਯੋ। ਅਪਿ ਮੁਚ੍ਚੇਮ ਪਿਸਾਚਯੋਨਿਯਾਤਿ ਅਪਿ ਨਾਮ ਯਕ੍ਖਲੋਕੇ ਉਪ੍ਪਨ੍ਨਾਨਿ ਪਞ੍ਚ વੇਰਾਨਿ ਪਹਾਯ, ਯੋਨਿਸੋ ਪਟਿਪਜ੍ਜਿਤ੍વਾ ਇਮਾਯ ਛਾਤਕਦੁਬ੍ਭਿਕ੍ਖਾਯ ਪਿਸਾਚਯਕ੍ਖਯੋਨਿਯਾ ਮੁਚ੍ਚੇਮ, ਤਾਤਾਤਿ વਦਤਿ। ਛਟ੍ਠਂ।
Pāṇesu cāti gāthāya sā attano dhammatāya samādiṇṇaṃ pañcasīlaṃ dasseti. Tattha saṃyamāmaseti saṃyamāma saṃyatā homa. Iminā pāṇātipātā virati gahitā, dutiyapadena musāvādā virati, tatiyapadena sesā tisso viratiyo. Api muccema pisācayoniyāti api nāma yakkhaloke uppannāni pañca verāni pahāya, yoniso paṭipajjitvā imāya chātakadubbhikkhāya pisācayakkhayoniyā muccema, tātāti vadati. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਪਿਯਙ੍ਕਰਸੁਤ੍ਤਂ • 6. Piyaṅkarasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਪਿਯਙ੍ਕਰਸੁਤ੍ਤવਣ੍ਣਨਾ • 6. Piyaṅkarasuttavaṇṇanā
