1. бияад̇арасуд̇д̇ам̣

1. Piyatarasuttaṃ

41. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна рааж̇аа басзнад̣̇и госало маллигааяа д̣̇звияаа сад̣̇д̇хим̣ убарибаасаад̣̇авараг̇ад̇о ход̇и. ат̇а ко рааж̇аа басзнад̣̇и госало маллигам̣ д̣̇звим̣ зд̇ад̣̇авожа – ‘‘ад̇т̇и ну ко д̇з, маллигз, гожан̃н̃о ад̇д̇анаа бияад̇аро’’д̇и?

41. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena rājā pasenadi kosalo mallikāya deviyā saddhiṃ uparipāsādavaragato hoti. Atha kho rājā pasenadi kosalo mallikaṃ deviṃ etadavoca – ‘‘atthi nu kho te, mallike, kocañño attanā piyataro’’ti?

‘‘над̇т̇и ко мз, махаарааж̇а, гожан̃н̃о ад̇д̇анаа бияад̇аро. д̇уяхам̣ бана, махаарааж̇а, ад̇т̇ан̃н̃о гожи ад̇д̇анаа бияад̇аро’’д̇и? ‘‘маяхамби ко, маллигз, над̇т̇ан̃н̃о гожи ад̇д̇анаа бияад̇аро’’д̇и.

‘‘Natthi kho me, mahārāja, kocañño attanā piyataro. Tuyhaṃ pana, mahārāja, atthañño koci attanā piyataro’’ti? ‘‘Mayhampi kho, mallike, natthañño koci attanā piyataro’’ti.

ат̇а ко рааж̇аа басзнад̣̇и госало баасаад̣̇аа орохид̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа –

Atha kho rājā pasenadi kosalo pāsādā orohitvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho rājā pasenadi kosalo bhagavantaṃ etadavoca –

‘‘ид̇хаахам̣, бханд̇з, маллигааяа д̣̇звияаа сад̣̇д̇хим̣ убарибаасаад̣̇авараг̇ад̇о маллигам̣ д̣̇звим̣ зд̇ад̣̇авожам̣ – ‘ад̇т̇и ну ко д̇з, маллигз, гожан̃н̃о ад̇д̇анаа бияад̇аро’д̇и? звам̣ вуд̇д̇з, маллигаа д̣̇звий мам̣ зд̇ад̣̇авожа – ‘над̇т̇и ко мз, махаарааж̇а, гожан̃н̃о ад̇д̇анаа бияад̇аро. д̇уяхам̣ бана, махаарааж̇а, ад̇т̇ан̃н̃о гожи ад̇д̇анаа бияад̇аро’д̇и? звам̣ вуд̇д̇з, ахам̣, бханд̇з, маллигам̣ д̣̇звим̣ зд̇ад̣̇авожам̣ – ‘маяхамби ко, маллигз, над̇т̇ан̃н̃о гожи ад̇д̇анаа бияад̇аро’’’д̇и.

‘‘Idhāhaṃ, bhante, mallikāya deviyā saddhiṃ uparipāsādavaragato mallikaṃ deviṃ etadavocaṃ – ‘atthi nu kho te, mallike, kocañño attanā piyataro’ti? Evaṃ vutte, mallikā devī maṃ etadavoca – ‘natthi kho me, mahārāja, kocañño attanā piyataro. Tuyhaṃ pana, mahārāja, atthañño koci attanā piyataro’ti? Evaṃ vutte, ahaṃ, bhante, mallikaṃ deviṃ etadavocaṃ – ‘mayhampi kho, mallike, natthañño koci attanā piyataro’’’ti.

ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘саб̣б̣аа д̣̇исаа анубариг̇амма жзд̇асаа,

‘‘Sabbā disā anuparigamma cetasā,

нзваж̇жхаг̇аа бияад̇арамад̇д̇анаа гважи;

Nevajjhagā piyataramattanā kvaci;

звам̣ бияо бут̇у ад̇д̇аа барзсам̣,

Evaṃ piyo puthu attā paresaṃ,

д̇асмаа на хим̣сз барамад̇д̇агаамо’’д̇и. батамам̣;

Tasmā na hiṃse paramattakāmo’’ti. paṭhamaṃ;

Next: 2. аббааяугасуд̇д̇ам̣ • 2. Appāyukasuttaṃ

Footnotes:

1. махааваг̇г̇а (адтагат̇ааяа самзд̇и)

2. mahāvagga (aṭṭhakathāya sameti)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 1. бияад̇арасуд̇д̇аван̣н̣анаа • 1. Piyatarasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact