| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
5. сон̣аваг̇г̇о
5. Soṇavaggo
1. бияад̇арасуд̇д̇аван̣н̣анаа
1. Piyatarasuttavaṇṇanā
41. махааваг̇г̇асса батамз маллигааяа д̣̇звияаа сад̣̇д̇хинд̇и маллигааяа наама ад̇д̇ано махзсияаа саха. убарибаасаад̣̇авараг̇ад̇од̇и баасаад̣̇аварасса убари г̇ад̇о. гожан̃н̃о ад̇д̇анаа бияад̇арод̇и гожи ан̃н̃о ад̇д̇анаа бияааяид̇аб̣б̣ад̇аро. ад̇т̇и ну ко д̇зд̇и ‘‘гим̣ д̇з ад̇т̇ий’’д̇и д̣̇звим̣ бужчад̇и.
41. Mahāvaggassa paṭhame mallikāya deviyā saddhinti mallikāya nāma attano mahesiyā saha. Uparipāsādavaragatoti pāsādavarassa upari gato. Kocañño attanā piyataroti koci añño attanā piyāyitabbataro. Atthi nu kho teti ‘‘kiṃ te atthī’’ti deviṃ pucchati.
гасмаа бужчад̇и? аяан̃хи саавад̇т̇ияам̣ д̣̇уг̇г̇ад̇амаалаагаарасса д̇хийд̇аа. згад̣̇ивасам̣ аабан̣ад̇о буувам̣ г̇ахзд̇ваа маалаараамам̣ г̇анд̇ваа ‘‘каад̣̇иссаамий’’д̇и г̇ажчанд̇ий бадибат̇з бхигкусан̇гхабаривуд̇ам̣ бхаг̇аванд̇ам̣ бхигкаажаарам̣ бависанд̇ам̣ д̣̇исваа басаннажид̇д̇аа д̇ам̣ бхаг̇авад̇о ад̣̇ааси. сад̇т̇аа д̇ат̇ааруубз таанз нисийд̣̇анаагаарам̣ д̣̇ассзси. аананд̣̇ад̇т̇зро жийварам̣ бан̃н̃аабзд̇ваа ад̣̇ааси. бхаг̇аваа д̇ад̇т̇а нисийд̣̇ид̇ваа д̇ам̣ буувам̣ барибхун̃ж̇ид̇ваа мукам̣ вигкаалзд̇ваа сид̇ам̣ баад̇ваагааси. т̇зро ‘‘го имиссаа, бханд̇з, д̣̇аанасса вибааго бхависсад̇ий’’д̇и бужчи. ‘‘аж̇ж̇зсаа, аананд̣̇а, д̇ат̇ааг̇ад̇асса батамам̣ бхож̇анам̣ ад̣̇ааси, аж̇ж̇зва госаларан̃н̃о аг̇г̇амахзсий бхависсад̇и бияаа манаабаа’’д̇и. д̇ам̣ д̣̇ивасамзва жа рааж̇аа гаасиг̇аамз бхааг̇инзяязна сад̣̇д̇хим̣ яуж̇жхид̇ваа барааж̇ид̇о балааяид̇ваа ааг̇ад̇о наг̇арам̣ бависанд̇о ‘‘б̣алагааяасса ааг̇аманам̣ ааг̇амзссаамий’’д̇и д̇ам̣ маалаараамам̣ баависи. саа рааж̇аанам̣ ааг̇ад̇ам̣ бассид̇ваа д̇асса вад̇д̇амагааси. рааж̇аа д̇ассаа вад̇д̇з басийд̣̇ид̇ваа бид̇арам̣ баггосаабзд̇ваа маханд̇ам̣ иссарияам̣ д̣̇ад̇ваа д̇ам̣ анд̇збурам̣ бадихараабзд̇ваа аг̇г̇амахзсидтаанз табзси. ат̇згад̣̇ивасам̣ рааж̇аа жинд̇зси – ‘‘маяаа имиссаа маханд̇ам̣ иссарияам̣ д̣̇иннам̣, яам̣нуунаахам̣ имам̣ бужчзяяам̣ ‘го д̇з бияо’д̇и? саа ‘д̇вам̣ мз, махаарааж̇а, бияо’д̇и вад̇ваа, буна мам̣ бужчиссад̇и, ат̇ассаахам̣ ‘маяхамби д̇вам̣язва бияаа’д̇и вагкаамий’’д̇и. ид̇и со ан̃н̃аман̃н̃ам̣ виссаасаж̇ананад̇т̇ам̣ саммод̣̇анийяам̣ гаронд̇о бужчи.
Kasmā pucchati? Ayañhi sāvatthiyaṃ duggatamālākārassa dhītā. Ekadivasaṃ āpaṇato pūvaṃ gahetvā mālārāmaṃ gantvā ‘‘khādissāmī’’ti gacchantī paṭipathe bhikkhusaṅghaparivutaṃ bhagavantaṃ bhikkhācāraṃ pavisantaṃ disvā pasannacittā taṃ bhagavato adāsi. Satthā tathārūpe ṭhāne nisīdanākāraṃ dassesi. Ānandatthero cīvaraṃ paññāpetvā adāsi. Bhagavā tattha nisīditvā taṃ pūvaṃ paribhuñjitvā mukhaṃ vikkhāletvā sitaṃ pātvākāsi. Thero ‘‘ko imissā, bhante, dānassa vipāko bhavissatī’’ti pucchi. ‘‘Ajjesā, ānanda, tathāgatassa paṭhamaṃ bhojanaṃ adāsi, ajjeva kosalarañño aggamahesī bhavissati piyā manāpā’’ti. Taṃ divasameva ca rājā kāsigāme bhāgineyyena saddhiṃ yujjhitvā parājito palāyitvā āgato nagaraṃ pavisanto ‘‘balakāyassa āgamanaṃ āgamessāmī’’ti taṃ mālārāmaṃ pāvisi. Sā rājānaṃ āgataṃ passitvā tassa vattamakāsi. Rājā tassā vatte pasīditvā pitaraṃ pakkosāpetvā mahantaṃ issariyaṃ datvā taṃ antepuraṃ paṭiharāpetvā aggamahesiṭṭhāne ṭhapesi. Athekadivasaṃ rājā cintesi – ‘‘mayā imissā mahantaṃ issariyaṃ dinnaṃ, yaṃnūnāhaṃ imaṃ puccheyyaṃ ‘ko te piyo’ti? Sā ‘tvaṃ me, mahārāja, piyo’ti vatvā, puna maṃ pucchissati, athassāhaṃ ‘mayhampi tvaṃyeva piyā’ti vakkhāmī’’ti. Iti so aññamaññaṃ vissāsajananatthaṃ sammodanīyaṃ karonto pucchi.
д̣̇звий бана бан̣д̣ид̇аа б̣уд̣̇д̇хубадтааяигаа сан̇гхубадтааяигаа ‘‘нааяам̣ бан̃хо ран̃н̃о мукам̣ уллогзд̇ваа гат̇зд̇аб̣б̣о’’д̇и жинд̇зд̇ваа яат̇аабхууд̇амзва вад̣̇анд̇ий ‘‘над̇т̇и ко мз, махаарааж̇а, гожан̃н̃о ад̇д̇анаа бияад̇аро’’д̇и ааха. вад̇вааби ад̇д̇анаа б̣яаагад̇амад̇т̇ам̣ убааязна ран̃н̃о бажжагкам̣ гаад̇угаамаа ‘‘д̇уяхам̣ бана, махаарааж̇а, ад̇т̇ан̃н̃о гожи ад̇д̇анаа бияад̇аро’’д̇и д̇ат̇зва рааж̇аанам̣ бужчи яат̇аа ран̃н̃аа саяам̣ будтаа. рааж̇ааби д̇ааяа сарасалагкан̣зна гат̇ид̇ад̇д̇аа нивад̇д̇ид̇ум̣ асаггонд̇о саяамби сарасалагкан̣знзва гат̇знд̇о д̇ат̇зва б̣яаагааси яат̇аа д̣̇звияаа б̣яаагад̇ам̣.
Devī pana paṇḍitā buddhupaṭṭhāyikā saṅghupaṭṭhāyikā ‘‘nāyaṃ pañho rañño mukhaṃ ulloketvā kathetabbo’’ti cintetvā yathābhūtameva vadantī ‘‘natthi kho me, mahārāja, kocañño attanā piyataro’’ti āha. Vatvāpi attanā byākatamatthaṃ upāyena rañño paccakkhaṃ kātukāmā ‘‘tuyhaṃ pana, mahārāja, atthañño koci attanā piyataro’’ti tatheva rājānaṃ pucchi yathā raññā sayaṃ puṭṭhā. Rājāpi tāya sarasalakkhaṇena kathitattā nivattituṃ asakkonto sayampi sarasalakkhaṇeneva kathento tatheva byākāsi yathā deviyā byākataṃ.
б̣яаагарид̇ваа жа манд̣̇ад̇хаад̇угад̇ааяа звам̣ жинд̇зси – ‘‘ахам̣ рааж̇аа бат̇ависсаро маханд̇ам̣ бат̇авиман̣д̣алам̣ абхивиж̇ияа аж̇жхаавасаами, маяхам̣ д̇аава яуд̇д̇ам̣ ‘ад̇д̇анаа бияад̇арам̣ ан̃н̃ам̣ на бассаамий’д̇и, аяам̣ бана васалий хийнаж̇ажжаа самаанаа маяаа ужжз таанз табид̇аа саамибхууд̇ам̣ мам̣ на д̇ат̇аа бияааяад̇и, ‘ад̇д̇аава бияад̇аро’д̇и мама саммукаа вад̣̇ад̇и, яаава гагкал̣аа вад̇ааяа’’нд̇и анад̇д̇амано худ̇ваа ‘‘нану д̇з д̇ийн̣и рад̇анаани бияад̇арааний’’д̇и жод̣̇зси. д̣̇звий ‘рад̇анад̇д̇аяам̣баахам̣ д̣̇зва ад̇д̇ано саг̇г̇асукам̣ могкасукан̃жа бад̇т̇аяанд̇ий самбияааяаами, д̇асмаа ад̇д̇аава мз бияад̇аро’’д̇и ааха. саб̣б̣о жааяам̣ лого ад̇д̇ад̣̇ад̇т̇амзва барам̣ бияааяад̇и, буд̇д̇ам̣ бад̇т̇знд̇оби ‘‘аяам̣ мам̣ ж̇ин̣н̣агаалз босзссад̇ий’’д̇и бад̇т̇зд̇и, д̇хийд̇арам̣ ‘‘мама гулам̣ вад̣дхиссад̇ий’’д̇и, бхарияам̣ ‘‘маяхам̣ баад̣̇з барижариссад̇ий’’д̇и, ан̃н̃зби н̃аад̇имид̇д̇аб̣анд̇хавз д̇ам̣д̇ам̣гижжавасзна, ид̇и ад̇д̇ад̣̇ад̇т̇амзва самбассанд̇о лого барам̣ бияааяад̇ийд̇и. аяан̃хи д̣̇звияаа ад̇хиббааяо.
Byākaritvā ca mandadhātukatāya evaṃ cintesi – ‘‘ahaṃ rājā pathavissaro mahantaṃ pathavimaṇḍalaṃ abhivijiya ajjhāvasāmi, mayhaṃ tāva yuttaṃ ‘attanā piyataraṃ aññaṃ na passāmī’ti, ayaṃ pana vasalī hīnajaccā samānā mayā ucce ṭhāne ṭhapitā sāmibhūtaṃ maṃ na tathā piyāyati, ‘attāva piyataro’ti mama sammukhā vadati, yāva kakkhaḷā vatāya’’nti anattamano hutvā ‘‘nanu te tīṇi ratanāni piyatarānī’’ti codesi. Devī ‘ratanattayaṃpāhaṃ deva attano saggasukhaṃ mokkhasukhañca patthayantī sampiyāyāmi, tasmā attāva me piyataro’’ti āha. Sabbo cāyaṃ loko attadatthameva paraṃ piyāyati, puttaṃ patthentopi ‘‘ayaṃ maṃ jiṇṇakāle posessatī’’ti pattheti, dhītaraṃ ‘‘mama kulaṃ vaḍḍhissatī’’ti, bhariyaṃ ‘‘mayhaṃ pāde paricarissatī’’ti, aññepi ñātimittabandhave taṃtaṃkiccavasena, iti attadatthameva sampassanto loko paraṃ piyāyatīti. Ayañhi deviyā adhippāyo.
ат̇а рааж̇аа жинд̇зси – ‘‘аяам̣ маллигаа гусалаа бан̣д̣ид̇аа нибун̣аа ‘ад̇д̇аава мз бияад̇аро’д̇и вад̣̇ад̇и, маяхамби ад̇д̇аава бияад̇аро худ̇ваа убадтаад̇и, ханд̣̇аахам̣ имамад̇т̇ам̣ сад̇т̇у аарожзссаами, яат̇аа жа мз сад̇т̇аа б̣яаагариссад̇и, д̇ат̇аа нам̣ д̇хаарзссаамий’’д̇и. звам̣ бана жинд̇зд̇ваа сад̇т̇у санд̇игам̣ убасан̇гамид̇ваа д̇амад̇т̇ам̣ аарожзси. д̇зна вуд̇д̇ам̣ – ‘‘ат̇а ко рааж̇аа басзнад̣̇и госало…бз… бияад̇аро’’д̇и.
Atha rājā cintesi – ‘‘ayaṃ mallikā kusalā paṇḍitā nipuṇā ‘attāva me piyataro’ti vadati, mayhampi attāva piyataro hutvā upaṭṭhāti, handāhaṃ imamatthaṃ satthu ārocessāmi, yathā ca me satthā byākarissati, tathā naṃ dhāressāmī’’ti. Evaṃ pana cintetvā satthu santikaṃ upasaṅkamitvā tamatthaṃ ārocesi. Tena vuttaṃ – ‘‘atha kho rājā pasenadi kosalo…pe… piyataro’’ti.
зд̇амад̇т̇ам̣ вид̣̇ид̇ваад̇и зд̇ам̣ ‘‘логз саб̣б̣асад̇д̇аанам̣ ад̇д̇аава ад̇д̇ано бияад̇аро’’д̇и ран̃н̃аа вуд̇д̇амад̇т̇ам̣ саб̣б̣асо ж̇аанид̇ваа д̇ад̣̇ад̇т̇абарид̣̇ийбанам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ ‘‘loke sabbasattānaṃ attāva attano piyataro’’ti raññā vuttamatthaṃ sabbaso jānitvā tadatthaparidīpanaṃ imaṃ udānaṃ udānesi.
д̇ад̇т̇а саб̣б̣аа д̣̇исаа анубариг̇амма жзд̇асаад̇и саб̣б̣аа анавасзсаа д̣̇асаби д̣̇исаа бариязсанавасзна жид̇д̇зна ануг̇анд̇ваа. нзваж̇жхаг̇аа бияад̇арамад̇д̇анаа гважийд̇и ад̇д̇анаа ад̇исаязна бияам̣ ан̃н̃ам̣ гожи бурисо саб̣б̣уссаахзна бариязсанд̇о гважи гад̇т̇ажи саб̣б̣ад̣̇исаасу нзва ад̇хиг̇ажчзяяа на бассзяяа. звам̣ бияо бут̇у ад̇д̇аа барзсанд̇и звам̣ гассажи ад̇д̇анаа бияад̇арасса анубалаб̣бханавасзна бут̇у висум̣ висум̣ д̇зсам̣ д̇зсам̣ сад̇д̇аанам̣ ад̇д̇аава бияо. д̇асмаа на хим̣сз барамад̇д̇агаамод̇и яасмаа звам̣ саб̣б̣оби сад̇д̇о ад̇д̇аанам̣ бияааяад̇и ад̇д̇ано сукагаамо д̣̇угкаббадигууло, д̇асмаа ад̇д̇агаамо ад̇д̇ано хид̇асукам̣ ижчанд̇о барам̣ сад̇д̇ам̣ анд̇амасо гунт̇агибиллигам̣ убаад̣̇ааяа на хим̣сз на ханзяяа на баан̣илзд̣д̣уд̣̇ан̣д̣аад̣̇ийхиби вихзтзяяа. барасса хи ад̇д̇анаа гад̇з д̣̇угкз д̇ам̣ д̇ад̇о сан̇гаманд̇ам̣ вияа гааланд̇арз ад̇д̇ани санд̣̇иссад̇и. аяан̃хи гаммаанам̣ д̇хаммад̇аад̇и.
Tattha sabbā disā anuparigamma cetasāti sabbā anavasesā dasapi disā pariyesanavasena cittena anugantvā. Nevajjhagā piyataramattanā kvacīti attanā atisayena piyaṃ aññaṃ koci puriso sabbussāhena pariyesanto kvaci katthaci sabbadisāsu neva adhigaccheyya na passeyya. Evaṃ piyo puthu attā paresanti evaṃ kassaci attanā piyatarassa anupalabbhanavasena puthu visuṃ visuṃ tesaṃ tesaṃ sattānaṃ attāva piyo. Tasmā na hiṃse paramattakāmoti yasmā evaṃ sabbopi satto attānaṃ piyāyati attano sukhakāmo dukkhappaṭikūlo, tasmā attakāmo attano hitasukhaṃ icchanto paraṃ sattaṃ antamaso kunthakipillikaṃ upādāya na hiṃse na haneyya na pāṇileḍḍudaṇḍādīhipi viheṭheyya. Parassa hi attanā kate dukkhe taṃ tato saṅkamantaṃ viya kālantare attani sandissati. Ayañhi kammānaṃ dhammatāti.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 1. бияад̇арасуд̇д̇ам̣ • 1. Piyatarasuttaṃ
