Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

16. бияаваг̇г̇о

16. Piyavaggo

1. д̇аяож̇анабаб̣б̣аж̇ид̇авад̇т̇у

1. Tayojanapabbajitavatthu

аяог̇зд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̇аяо баб̣б̣аж̇ид̇з аараб̣бха гат̇зси.

Ayogeti imaṃ dhammadesanaṃ satthā jetavane viharanto tayo pabbajite ārabbha kathesi.

саавад̇т̇ияам̣ гира згасмим̣ гулз маад̇аабид̇уунам̣ згабуд̇д̇аго ахоси бияо манаабо. со згад̣̇ивасам̣ г̇зхз ниманд̇ид̇аанам̣ бхигкуунам̣ анумод̣̇анам̣ гаронд̇аанам̣ д̇хаммагат̇ам̣ суд̇ваа баб̣б̣аж̇ид̇угаамо худ̇ваа маад̇аабид̇аро баб̣б̣аж̇ж̇ам̣ яаажи. д̇з наануж̇ааним̣су. д̇асса зд̇ад̣̇ахоси – ‘‘ахам̣ маад̇аабид̇уунам̣ абассанд̇аанам̣язва б̣ахи г̇анд̇ваа баб̣б̣аж̇иссаамий’’д̇и. ат̇асса бид̇аа б̣ахи нигкаманд̇о ‘‘имам̣ рагкзяяаасий’’д̇и маад̇арам̣ бадижчаабзси, маад̇аа б̣ахи нигкаманд̇ий бид̇арам̣ бадижчаабзси. ат̇асса згад̣̇ивасам̣ бид̇ари б̣ахи г̇ад̇з маад̇аа ‘‘буд̇д̇ам̣ рагкиссаамий’’д̇и згам̣ д̣̇ваараб̣аахам̣ ниссааяа згам̣ баад̣̇зхи уббийл̣зд̇ваа чамааяа нисиннаа суд̇д̇ам̣ ганд̇ад̇и. со ‘‘имам̣ ван̃жзд̇ваа г̇амиссаамий’’д̇и жинд̇зд̇ваа, ‘‘амма, т̇огам̣ д̇аава абзхи, сарийравалан̃ж̇ам̣ гариссаамий’’д̇и вад̇ваа д̇ааяа баад̣̇з самин̃ж̇ид̇з нигкамид̇ваа взг̇зна вихаарам̣ г̇анд̇ваа бхигкуу убасан̇гамид̇ваа ‘‘баб̣б̣ааж̇зт̇а мам̣, бханд̇з’’д̇и яаажид̇ваа д̇зсам̣ санд̇игз баб̣б̣аж̇и.

Sāvatthiyaṃ kira ekasmiṃ kule mātāpitūnaṃ ekaputtako ahosi piyo manāpo. So ekadivasaṃ gehe nimantitānaṃ bhikkhūnaṃ anumodanaṃ karontānaṃ dhammakathaṃ sutvā pabbajitukāmo hutvā mātāpitaro pabbajjaṃ yāci. Te nānujāniṃsu. Tassa etadahosi – ‘‘ahaṃ mātāpitūnaṃ apassantānaṃyeva bahi gantvā pabbajissāmī’’ti. Athassa pitā bahi nikkhamanto ‘‘imaṃ rakkheyyāsī’’ti mātaraṃ paṭicchāpesi, mātā bahi nikkhamantī pitaraṃ paṭicchāpesi. Athassa ekadivasaṃ pitari bahi gate mātā ‘‘puttaṃ rakkhissāmī’’ti ekaṃ dvārabāhaṃ nissāya ekaṃ pādehi uppīḷetvā chamāya nisinnā suttaṃ kantati. So ‘‘imaṃ vañcetvā gamissāmī’’ti cintetvā, ‘‘amma, thokaṃ tāva apehi, sarīravalañjaṃ karissāmī’’ti vatvā tāya pāde samiñjite nikkhamitvā vegena vihāraṃ gantvā bhikkhū upasaṅkamitvā ‘‘pabbājetha maṃ, bhante’’ti yācitvā tesaṃ santike pabbaji.

ат̇асса бид̇аа ааг̇анд̇ваа маад̇арам̣ бужчи – ‘‘гахам̣ мз буд̇д̇о’’д̇и? ‘‘саами, имасмим̣ бад̣̇зсз ахосий’’д̇и. со ‘‘гахам̣ ну ко мз буд̇д̇о’’д̇и ологзнд̇о д̇ам̣ ад̣̇исваа ‘‘вихаарам̣ г̇ад̇о бхависсад̇ий’’д̇и вихаарам̣ г̇анд̇ваа буд̇д̇ам̣ баб̣б̣аж̇ид̇ам̣ д̣̇исваа ганд̣̇ид̇ваа род̣̇ид̇ваа, ‘‘д̇аад̇а, гим̣ мам̣ наасзсий’’д̇и вад̇ваа ‘‘мама буд̇д̇з баб̣б̣аж̇ид̇з ахам̣ ид̣̇аани г̇зхз гим̣ гариссаамий’’д̇и саяамби бхигкуу яаажид̇ваа баб̣б̣аж̇и. ат̇асса маад̇ааби ‘‘гим̣ ну ко мз буд̇д̇о жа бад̇и жа жирааяанд̇и, гажжи вихаарам̣ г̇анд̇ваа баб̣б̣аж̇ид̇аа’’д̇и д̇з ологзнд̇ий вихаарам̣ г̇анд̇ваа убхоби баб̣б̣аж̇ид̇з д̣̇исваа ‘‘имзсам̣ баб̣б̣аж̇ид̇агаалз мама г̇зхзна го ад̇т̇о’’д̇и саяамби бхигкуниубассаяам̣ г̇анд̇ваа баб̣б̣аж̇и. д̇з баб̣б̣аж̇ид̇вааби винаа бхавид̇ум̣ на саггонд̇и, вихаарзби бхигкуниубассаязби згад̇ова нисийд̣̇ид̇ваа саллабанд̇аа д̣̇ивасам̣ вийд̇инаамзнд̇и. д̇зна бхигкууби бхигкуунияоби уб̣б̣аал̣хаа хонд̇и.

Athassa pitā āgantvā mātaraṃ pucchi – ‘‘kahaṃ me putto’’ti? ‘‘Sāmi, imasmiṃ padese ahosī’’ti. So ‘‘kahaṃ nu kho me putto’’ti olokento taṃ adisvā ‘‘vihāraṃ gato bhavissatī’’ti vihāraṃ gantvā puttaṃ pabbajitaṃ disvā kanditvā roditvā, ‘‘tāta, kiṃ maṃ nāsesī’’ti vatvā ‘‘mama putte pabbajite ahaṃ idāni gehe kiṃ karissāmī’’ti sayampi bhikkhū yācitvā pabbaji. Athassa mātāpi ‘‘kiṃ nu kho me putto ca pati ca cirāyanti, kacci vihāraṃ gantvā pabbajitā’’ti te olokentī vihāraṃ gantvā ubhopi pabbajite disvā ‘‘imesaṃ pabbajitakāle mama gehena ko attho’’ti sayampi bhikkhuniupassayaṃ gantvā pabbaji. Te pabbajitvāpi vinā bhavituṃ na sakkonti, vihārepi bhikkhuniupassayepi ekatova nisīditvā sallapantā divasaṃ vītināmenti. Tena bhikkhūpi bhikkhūniyopi ubbāḷhā honti.

ат̇згад̣̇ивасам̣ бхигкуу нзсам̣ гирияам̣ сад̇т̇ум̣ аарожзсум̣. сад̇т̇аа д̇з баггосаабзд̇ваа ‘‘сажжам̣ гира д̇умхз звам̣ гарот̇аа’’д̇и бужчид̇ваа ‘‘сажжа’’нд̇и вуд̇д̇з ‘‘гасмаа звам̣ гарот̇а? на хи зса баб̣б̣аж̇ид̇аанам̣ яог̇о’’д̇и. ‘‘бханд̇з, винаа бхавид̇ум̣ на саггомаа’’д̇и. ‘‘баб̣б̣аж̇ид̇агаалад̇о бадтааяа звам̣ гаран̣ам̣ аяуд̇д̇ам̣. бияаанан̃хи ад̣̇ассанам̣, аббияаанан̃жа д̣̇ассанам̣ д̣̇угкамзва. д̇асмаа сад̇д̇зсу жа сан̇каарзсу жа ган̃жи бияам̣ ваа аббияам̣ ваа гаад̇ум̣ на ваддад̇ий’’д̇и вад̇ваа имаа г̇аат̇аа абхааси –

Athekadivasaṃ bhikkhū nesaṃ kiriyaṃ satthuṃ ārocesuṃ. Satthā te pakkosāpetvā ‘‘saccaṃ kira tumhe evaṃ karothā’’ti pucchitvā ‘‘sacca’’nti vutte ‘‘kasmā evaṃ karotha? Na hi esa pabbajitānaṃ yogo’’ti. ‘‘Bhante, vinā bhavituṃ na sakkomā’’ti. ‘‘Pabbajitakālato paṭṭhāya evaṃ karaṇaṃ ayuttaṃ. Piyānañhi adassanaṃ, appiyānañca dassanaṃ dukkhameva. Tasmā sattesu ca saṅkhāresu ca kañci piyaṃ vā appiyaṃ vā kātuṃ na vaṭṭatī’’ti vatvā imā gāthā abhāsi –

209.

‘‘аяог̇з яун̃ж̇амад̇д̇аанам̣, яог̇асмин̃жа аяож̇аяам̣;

‘‘Ayoge yuñjamattānaṃ, yogasmiñca ayojayaṃ;

ад̇т̇ам̣ хид̇ваа бияаг̇г̇аахий, бихзд̇ад̇д̇аануяог̇инам̣.

Atthaṃ hitvā piyaggāhī, pihetattānuyoginaṃ.

210.

‘‘маа биязхи самааг̇ан̃чи, аббиязхи гуд̣̇аажанам̣;

‘‘Mā piyehi samāgañchi, appiyehi kudācanaṃ;

бияаанам̣ ад̣̇ассанам̣ д̣̇угкам̣, аббияаанан̃жа д̣̇ассанам̣.

Piyānaṃ adassanaṃ dukkhaṃ, appiyānañca dassanaṃ.

211.

‘‘д̇асмаа бияам̣ на гаяираат̇а, бияаабааяо хи баабаго;

‘‘Tasmā piyaṃ na kayirātha, piyāpāyo hi pāpako;

г̇ант̇аа д̇зсам̣ на виж̇ж̇анд̇и, язсам̣ над̇т̇и бияааббияа’’нд̇и.

Ganthā tesaṃ na vijjanti, yesaṃ natthi piyāppiya’’nti.

д̇ад̇т̇а аяог̇зд̇и аяун̃ж̇ид̇аб̣б̣з аяонисоманасигаарз. взсияааг̇ожараад̣̇ибхзд̣̇асса хи чаб̣б̣ид̇хасса аг̇ожарасса сзванам̣ ид̇ха аяонисоманасигааро наама, д̇асмим̣ аяонисоманасигаарз ад̇д̇аанам̣ яун̃ж̇анд̇од̇и ад̇т̇о. яог̇асминд̇и д̇аб̣б̣ибарийд̇з жа яонисоманасигаарз аяун̃ж̇анд̇од̇и ад̇т̇о. ад̇т̇ам̣ хид̇ваад̇и баб̣б̣аж̇ид̇агаалад̇о бадтааяа ад̇хисийлаад̣̇исигкад̇д̇аяам̣ ад̇т̇о наама, д̇ам̣ ад̇т̇ам̣ хид̇ваа. бияаг̇г̇аахийд̇и бан̃жагаамаг̇ун̣асан̇каад̇ам̣ бияамзва г̇ан̣ханд̇о. бихзд̇ад̇д̇аануяог̇инанд̇и д̇ааяа бадибад̇д̇ияаа саасанад̇о жуд̇о г̇ихибхаавам̣ бад̇ваа бажчаа яз ад̇д̇аануяог̇ам̣ ануяуд̇д̇аа сийлаад̣̇ийни самбаад̣̇зд̇ваа д̣̇звамануссаанам̣ санд̇игаа саггаарам̣ лабханд̇и, д̇зсам̣ бихзд̇и, ‘‘ахо вад̇аахамби зваруубо асса’’нд̇и ижчад̇ийд̇и ад̇т̇о.

Tattha ayogeti ayuñjitabbe ayonisomanasikāre. Vesiyāgocarādibhedassa hi chabbidhassa agocarassa sevanaṃ idha ayonisomanasikāro nāma, tasmiṃ ayonisomanasikāre attānaṃ yuñjantoti attho. Yogasminti tabbiparīte ca yonisomanasikāre ayuñjantoti attho. Atthaṃ hitvāti pabbajitakālato paṭṭhāya adhisīlādisikkhattayaṃ attho nāma, taṃ atthaṃ hitvā. Piyaggāhīti pañcakāmaguṇasaṅkhātaṃ piyameva gaṇhanto. Pihetattānuyoginanti tāya paṭipattiyā sāsanato cuto gihibhāvaṃ patvā pacchā ye attānuyogaṃ anuyuttā sīlādīni sampādetvā devamanussānaṃ santikā sakkāraṃ labhanti, tesaṃ piheti, ‘‘aho vatāhampi evarūpo assa’’nti icchatīti attho.

маа биязхийд̇и биязхи сад̇д̇зхи ваа сан̇каарзхи ваа гуд̣̇аажанам̣ згагкан̣зби на самааг̇ажчзяяа, д̇ат̇аа аббиязхи. гим̣ гааран̣аа? бияаа нан̃хи вияог̇авасзна ад̣̇ассанам̣ аббияаанан̃жа убасан̇гаманавасзна д̣̇ассанам̣ наама д̣̇угкам̣. д̇асмаад̇и яасмаа ид̣̇ам̣ убхаяамби д̣̇угкам̣, д̇асмаа ган̃жи сад̇д̇ам̣ ваа сан̇каарам̣ ваа бияам̣ наама на гарзяяа. бияаабааяо хийд̇и биязхи абааяо вияог̇о . баабагод̇и лаамаго. г̇ант̇аа д̇зсам̣ на виж̇ж̇анд̇ийд̇и язсам̣ бияам̣ над̇т̇и, д̇зсам̣ абхиж̇жхаагааяаг̇ант̇о бахийяад̇и. язсам̣ аббияам̣ над̇т̇и, д̇зсам̣ б̣яаабаад̣̇о гааяаг̇ант̇о. д̇зсу бана д̣̇вийсу бахийнзсу сзсаг̇ант̇аа бахийнаа хонд̇и. д̇асмаа бияам̣ ваа аббияам̣ ваа на гад̇д̇аб̣б̣анд̇и ад̇т̇о.

Mā piyehīti piyehi sattehi vā saṅkhārehi vā kudācanaṃ ekakkhaṇepi na samāgaccheyya, tathā appiyehi. Kiṃ kāraṇā? Piyā nañhi viyogavasena adassanaṃ appiyānañca upasaṅkamanavasena dassanaṃ nāma dukkhaṃ. Tasmāti yasmā idaṃ ubhayampi dukkhaṃ, tasmā kañci sattaṃ vā saṅkhāraṃ vā piyaṃ nāma na kareyya. Piyāpāyo hīti piyehi apāyo viyogo . Pāpakoti lāmako. Ganthā tesaṃ na vijjantīti yesaṃ piyaṃ natthi, tesaṃ abhijjhākāyagantho pahīyati. Yesaṃ appiyaṃ natthi, tesaṃ byāpādo kāyagantho. Tesu pana dvīsu pahīnesu sesaganthā pahīnā honti. Tasmā piyaṃ vā appiyaṃ vā na kattabbanti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и. д̇зна бана д̇аяо ж̇анаа ‘‘маяам̣ винаа бхавид̇ум̣ на саггомаа’’д̇и виб̣бхамид̇ваа г̇зхамзва аг̇амим̣сууд̇и.

Desanāvasāne bahū sotāpattiphalādīni pāpuṇiṃsūti. Tena pana tayo janā ‘‘mayaṃ vinā bhavituṃ na sakkomā’’ti vibbhamitvā gehameva agamiṃsūti.

д̇аяож̇анабаб̣б̣аж̇ид̇авад̇т̇у батамам̣.

Tayojanapabbajitavatthu paṭhamaṃ.

2. ан̃н̃ад̇арагудумб̣игавад̇т̇у

2. Aññatarakuṭumbikavatthu

бияад̇о ж̇ааяад̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ гудумб̣игам̣ аараб̣бха гат̇зси.

Piyato jāyatīti imaṃ dhammadesanaṃ satthā jetavane viharanto aññataraṃ kuṭumbikaṃ ārabbha kathesi.

со хи ад̇д̇ано буд̇д̇з гаалагад̇з буд̇д̇асогаабхибхууд̇о аал̣ааханам̣ г̇анд̇ваа род̣̇ад̇и, буд̇д̇асогам̣ санд̇хаарзд̇ум̣ на саггод̇и. сад̇т̇аа бажжуусагаалз логам̣ вологзнд̇о д̇асса сод̇аабад̇д̇имаг̇г̇ассуубаниссаяам̣ д̣̇исваа бин̣д̣абаад̇абадигганд̇о згам̣ бажчаасаман̣ам̣ г̇ахзд̇ваа д̇асса г̇зхад̣̇ваарам̣ аг̇амааси. со сад̇т̇у ааг̇ад̇абхаавам̣ суд̇ваа ‘‘маяаа сад̣̇д̇хим̣ бадисант̇аарам̣ гаад̇угаамо бхависсад̇ий’’д̇и сад̇т̇аарам̣ бавзсзд̇ваа г̇зхамаж̇жхз аасанам̣ бан̃н̃аабзд̇ваа сад̇т̇ари нисиннз ааг̇анд̇ваа згаманд̇ам̣ нисийд̣̇и. ат̇а нам̣ сад̇т̇аа ‘‘гим̣ ну ко, убаасага, д̣̇угкид̇осий’’д̇и бужчид̇ваа д̇зна буд̇д̇авияог̇ад̣̇угкз аарожид̇з, ‘‘убаасага, маа жинд̇аяи, ид̣̇ам̣ маран̣ам̣ наама на згасмим̣язва таанз, на жа згассзва ход̇и, яаавад̇аа бана бхавуббад̇д̇и наама ад̇т̇и, саб̣б̣асад̇д̇аанам̣ ход̇иязва. згасан̇каароби нижжо наама над̇т̇и. д̇асмаа ‘маран̣ад̇хаммам̣ мад̇ам̣, бхиж̇ж̇анад̇хаммам̣ бхинна’нд̇и яонисо бажжавзгкид̇аб̣б̣ам̣, на сожид̇аб̣б̣ам̣. бораан̣абан̣д̣ид̇ааби хи буд̇д̇асса мад̇агаалз ‘маран̣ад̇хаммам̣ мад̇ам̣, бхиж̇ж̇анад̇хаммам̣ бхинна’нд̇и согам̣ агад̇ваа маран̣ассад̇имзва бхааваяим̣суу’’д̇и вад̇ваа, ‘‘бханд̇з, гз звамагам̣су, гад̣̇аа жа агам̣су, аажигкат̇а мз’’д̇и яаажид̇о д̇ассад̇т̇асса багаасанад̇т̇ам̣ ад̇ийд̇ам̣ аахарид̇ваа –

So hi attano putte kālakate puttasokābhibhūto āḷāhanaṃ gantvā rodati, puttasokaṃ sandhāretuṃ na sakkoti. Satthā paccūsakāle lokaṃ volokento tassa sotāpattimaggassūpanissayaṃ disvā piṇḍapātapaṭikkanto ekaṃ pacchāsamaṇaṃ gahetvā tassa gehadvāraṃ agamāsi. So satthu āgatabhāvaṃ sutvā ‘‘mayā saddhiṃ paṭisanthāraṃ kātukāmo bhavissatī’’ti satthāraṃ pavesetvā gehamajjhe āsanaṃ paññāpetvā satthari nisinne āgantvā ekamantaṃ nisīdi. Atha naṃ satthā ‘‘kiṃ nu kho, upāsaka, dukkhitosī’’ti pucchitvā tena puttaviyogadukkhe ārocite, ‘‘upāsaka, mā cintayi, idaṃ maraṇaṃ nāma na ekasmiṃyeva ṭhāne, na ca ekasseva hoti, yāvatā pana bhavuppatti nāma atthi, sabbasattānaṃ hotiyeva. Ekasaṅkhāropi nicco nāma natthi. Tasmā ‘maraṇadhammaṃ mataṃ, bhijjanadhammaṃ bhinna’nti yoniso paccavekkhitabbaṃ, na socitabbaṃ. Porāṇapaṇḍitāpi hi puttassa matakāle ‘maraṇadhammaṃ mataṃ, bhijjanadhammaṃ bhinna’nti sokaṃ akatvā maraṇassatimeva bhāvayiṃsū’’ti vatvā, ‘‘bhante, ke evamakaṃsu, kadā ca akaṃsu, ācikkhatha me’’ti yācito tassatthassa pakāsanatthaṃ atītaṃ āharitvā –

‘‘ураг̇ова д̇ажам̣ ж̇ин̣н̣ам̣, хид̇ваа г̇ажчад̇и сам̣ д̇анум̣;

‘‘Uragova tacaṃ jiṇṇaṃ, hitvā gacchati saṃ tanuṃ;

звам̣ сарийрз ниб̣бхог̇з, бзд̇з гаалагад̇з сад̇и.

Evaṃ sarīre nibbhoge, pete kālakate sati.

‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;

‘‘Ḍayhamāno na jānāti, ñātīnaṃ paridevitaṃ;

д̇асмаа зд̇ам̣ на сожаами, г̇ад̇о со д̇асса яаа г̇ад̇ий’’д̇и. (ж̇аа. 1.5.19-20) –

Tasmā etaṃ na socāmi, gato so tassa yā gatī’’ti. (jā. 1.5.19-20) –

имам̣ бан̃жаганибаад̇з ураг̇аж̇аад̇агам̣ вид̇т̇аарзд̇ваа ‘‘звам̣ буб̣б̣з бан̣д̣ид̇аа бияабуд̇д̇з гаалагад̇з яат̇аа зд̇арахи д̇вам̣ гамманд̇з виссаж̇ж̇зд̇ваа нираахааро род̣̇анд̇о вижараси, д̇ат̇аа авижарид̇ваа маран̣ассад̇ибхааванааб̣алзна согам̣ агад̇ваа аахаарам̣ барибхун̃ж̇им̣су, гамманд̇ан̃жа ад̇хидтахим̣су . д̇асмаа ‘бияабуд̇д̇о мз гаалагад̇о’д̇и маа жинд̇аяи. уббаж̇ж̇амаано хи сого ваа бхаяам̣ ваа бияамзва ниссааяа уббаж̇ж̇ад̇ий’’д̇и вад̇ваа имам̣ г̇аат̇амааха –

Imaṃ pañcakanipāte uragajātakaṃ vitthāretvā ‘‘evaṃ pubbe paṇḍitā piyaputte kālakate yathā etarahi tvaṃ kammante vissajjetvā nirāhāro rodanto vicarasi, tathā avicaritvā maraṇassatibhāvanābalena sokaṃ akatvā āhāraṃ paribhuñjiṃsu, kammantañca adhiṭṭhahiṃsu . Tasmā ‘piyaputto me kālakato’ti mā cintayi. Uppajjamāno hi soko vā bhayaṃ vā piyameva nissāya uppajjatī’’ti vatvā imaṃ gāthamāha –

212.

‘‘бияад̇о ж̇ааяад̇ий сого, бияад̇о ж̇ааяад̇ий бхаяам̣;

‘‘Piyato jāyatī soko, piyato jāyatī bhayaṃ;

бияад̇о виббамуд̇д̇асса, над̇т̇и сого гуд̇о бхаяа’’нд̇и.

Piyato vippamuttassa, natthi soko kuto bhaya’’nti.

д̇ад̇т̇а бияад̇од̇и ваддамуулаго хи сого ваа бхаяам̣ ваа уббаж̇ж̇амаанам̣ бияамзва сад̇д̇ам̣ ваа сан̇каарам̣ ваа ниссааяа уббаж̇ж̇ад̇и, д̇ад̇о бана виббамуд̇д̇асса убхаяамбзд̇ам̣ над̇т̇ийд̇и ад̇т̇о.

Tattha piyatoti vaṭṭamūlako hi soko vā bhayaṃ vā uppajjamānaṃ piyameva sattaṃ vā saṅkhāraṃ vā nissāya uppajjati, tato pana vippamuttassa ubhayampetaṃ natthīti attho.

д̣̇зсанаавасаанз гудумб̣иго сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne kuṭumbiko sotāpattiphale patiṭṭhahi, sampattānampi sātthikā dhammadesanā ahosīti.

ан̃н̃ад̇арагудумб̣игавад̇т̇у д̣̇уд̇ияам̣.

Aññatarakuṭumbikavatthu dutiyaṃ.

3. висаакаавад̇т̇у

3. Visākhāvatthu

бзмад̇о ж̇ааяад̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о висаакам̣ убаасигам̣ аараб̣бха гат̇зси.

Pemato jāyatīti imaṃ dhammadesanaṃ satthā jetavane viharanto visākhaṃ upāsikaṃ ārabbha kathesi.

саа гира буд̇д̇асса д̇хийд̇арам̣ суд̣̇ад̇д̇ам̣ наама гумааригам̣ ад̇д̇ано таанз табзд̇ваа г̇зхз бхигкусан̇гхасса взяяааважжам̣ гаарзси. саа абарзна самаязна гааламагааси. саа д̇ассаа сарийранигкзбам̣ гаарзд̇ваа согам̣ санд̇хаарзд̇ум̣ асаггонд̇ий д̣̇угкиний д̣̇умманаа сад̇т̇у санд̇игам̣ г̇анд̇ваа ванд̣̇ид̇ваа згаманд̇ам̣ нисийд̣̇и. ат̇а нам̣ сад̇т̇аа ‘‘гим̣ ну ко д̇вам̣, висаакз, д̣̇угкиний д̣̇умманаа ассумукаа род̣̇амаанаа нисиннаа’’д̇и ааха. саа д̇амад̇т̇ам̣ аарожзд̇ваа ‘‘бияаа мз, бханд̇з, саа гумааригаа вад̇д̇асамбаннаа, ид̣̇аани д̇ат̇ааруубам̣ на бассаамий’’д̇и ааха. ‘‘гид̇д̇агаа бана, висаакз, саавад̇т̇ияам̣ мануссаа’’д̇и? ‘‘бханд̇з, д̇умхзхиязва мз гат̇ид̇ам̣ сад̇д̇а ж̇анагодияо’’д̇и. ‘‘сажз банааяам̣ зд̇д̇аго ж̇ано д̇ава над̇д̇ааяа сад̣̇исо бхавзяяа, ижчзяяааси на’’нд̇и? ‘‘аама, бханд̇з’’д̇и. ‘‘гад̇и бана ж̇анаа саавад̇т̇ияам̣ д̣̇звасигам̣ гаалам̣ гаронд̇ий’’д̇и? ‘‘б̣ахуу, бханд̇з’’д̇и. ‘‘нану звам̣, бханд̇з, д̇ава асожанагаало на бхавзяяа, рад̇д̇инд̣̇ивам̣ род̣̇анд̇ийязва вижарзяяаасий’’д̇и. ‘‘ход̇у, бханд̇з, н̃аад̇ам̣ маяаа’’д̇и. ат̇а нам̣ сад̇т̇аа ‘‘д̇зна хи маа сожи, сого ваа бхаяам̣ ваа бзмад̇ова ж̇ааяад̇ий’’д̇и вад̇ваа имам̣ г̇аат̇амааха –

Sā kira puttassa dhītaraṃ sudattaṃ nāma kumārikaṃ attano ṭhāne ṭhapetvā gehe bhikkhusaṅghassa veyyāvaccaṃ kāresi. Sā aparena samayena kālamakāsi. Sā tassā sarīranikkhepaṃ kāretvā sokaṃ sandhāretuṃ asakkontī dukkhinī dummanā satthu santikaṃ gantvā vanditvā ekamantaṃ nisīdi. Atha naṃ satthā ‘‘kiṃ nu kho tvaṃ, visākhe, dukkhinī dummanā assumukhā rodamānā nisinnā’’ti āha. Sā tamatthaṃ ārocetvā ‘‘piyā me, bhante, sā kumārikā vattasampannā, idāni tathārūpaṃ na passāmī’’ti āha. ‘‘Kittakā pana, visākhe, sāvatthiyaṃ manussā’’ti? ‘‘Bhante, tumhehiyeva me kathitaṃ satta janakoṭiyo’’ti. ‘‘Sace panāyaṃ ettako jano tava nattāya sadiso bhaveyya, iccheyyāsi na’’nti? ‘‘Āma, bhante’’ti. ‘‘Kati pana janā sāvatthiyaṃ devasikaṃ kālaṃ karontī’’ti? ‘‘Bahū, bhante’’ti. ‘‘Nanu evaṃ, bhante, tava asocanakālo na bhaveyya, rattindivaṃ rodantīyeva vicareyyāsī’’ti. ‘‘Hotu, bhante, ñātaṃ mayā’’ti. Atha naṃ satthā ‘‘tena hi mā soci, soko vā bhayaṃ vā pematova jāyatī’’ti vatvā imaṃ gāthamāha –

213.

‘‘бзмад̇о ж̇ааяад̇ий сого, бзмад̇о ж̇ааяад̇ий бхаяам̣;

‘‘Pemato jāyatī soko, pemato jāyatī bhayaṃ;

бзмад̇о виббамуд̇д̇асса, над̇т̇и сого гуд̇о бхаяа’’нд̇и.

Pemato vippamuttassa, natthi soko kuto bhaya’’nti.

д̇ад̇т̇а бзмад̇од̇и буд̇д̇ад̇хийд̇аад̣̇ийсу гад̇ам̣ бзмамзва ниссааяа сого ж̇ааяад̇ийд̇и ад̇т̇о.

Tattha pematoti puttadhītādīsu kataṃ pemameva nissāya soko jāyatīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

висаакаавад̇т̇у д̇ад̇ияам̣.

Visākhāvatthu tatiyaṃ.

4. лижчавийвад̇т̇у

4. Licchavīvatthu

рад̇ияаа ж̇ааяад̇ийд̇и имам̣ д̇хаммад̣̇зсанам̣ сад̇т̇аа взсаалим̣ ниссааяа гуудааг̇аарасаалааяам̣ вихаранд̇о лижчавий аараб̣бха гат̇зси.

Ratiyā jāyatīti imaṃ dhammadesanaṃ satthā vesāliṃ nissāya kūṭāgārasālāyaṃ viharanto licchavī ārabbha kathesi.

д̇з гира згасмим̣ чан̣ад̣̇ивасз ан̃н̃аман̃н̃ам̣ асад̣̇исзхи алан̇гаарзхи алан̇гарид̇ваа уяяаанаг̇аманад̇т̇ааяа наг̇араа нигкамим̣су. сад̇т̇аа бин̣д̣ааяа бависанд̇о д̇з д̣̇исваа бхигкуу ааманд̇зси – ‘‘бассат̇а, бхигкавз, лижчаваяо, язхи д̣̇зваа д̇аавад̇им̣саа на д̣̇идтабуб̣б̣аа, д̇з имз ологзнд̇уу’’д̇и вад̇ваа наг̇арам̣ баависи. д̇зби уяяаанам̣ г̇ажчанд̇аа згам̣ наг̇арасобхиним̣ ид̇т̇им̣ аад̣̇ааяа г̇анд̇ваа д̇ам̣ ниссааяа иссаабхибхууд̇аа ан̃н̃аман̃н̃ам̣ бахарид̇ваа лохид̇ам̣ над̣̇им̣ вияа бавад̇д̇аяим̣су. ат̇а нз ман̃жзнаад̣̇ааяа угкибид̇ваа ааг̇амам̣су. сад̇т̇ааби гад̇абхад̇д̇агижжо наг̇араа нигками. бхигкууби лижчаваяо д̇ат̇аа нийяамаанз д̣̇исваа сад̇т̇аарам̣ аахам̣су – ‘‘бханд̇з, лижчавирааж̇аано баад̇ова алан̇гад̇абадияад̇д̇аа д̣̇зваа вияа наг̇араа нигкамид̇ваа ид̣̇аани згам̣ ид̇т̇им̣ ниссааяа имам̣ б̣яасанам̣ бад̇д̇аа’’д̇и. сад̇т̇аа, ‘‘бхигкавз, сого ваа бхаяам̣ ваа уббаж̇ж̇амаанам̣ рад̇им̣ ниссааяа уббаж̇ж̇ад̇иязваа’’д̇и вад̇ваа имам̣ г̇аат̇амааха –

Te kira ekasmiṃ chaṇadivase aññamaññaṃ asadisehi alaṅkārehi alaṅkaritvā uyyānagamanatthāya nagarā nikkhamiṃsu. Satthā piṇḍāya pavisanto te disvā bhikkhū āmantesi – ‘‘passatha, bhikkhave, licchavayo, yehi devā tāvatiṃsā na diṭṭhapubbā, te ime olokentū’’ti vatvā nagaraṃ pāvisi. Tepi uyyānaṃ gacchantā ekaṃ nagarasobhiniṃ itthiṃ ādāya gantvā taṃ nissāya issābhibhūtā aññamaññaṃ paharitvā lohitaṃ nadiṃ viya pavattayiṃsu. Atha ne mañcenādāya ukkhipitvā āgamaṃsu. Satthāpi katabhattakicco nagarā nikkhami. Bhikkhūpi licchavayo tathā nīyamāne disvā satthāraṃ āhaṃsu – ‘‘bhante, licchavirājāno pātova alaṅkatapaṭiyattā devā viya nagarā nikkhamitvā idāni ekaṃ itthiṃ nissāya imaṃ byasanaṃ pattā’’ti. Satthā, ‘‘bhikkhave, soko vā bhayaṃ vā uppajjamānaṃ ratiṃ nissāya uppajjatiyevā’’ti vatvā imaṃ gāthamāha –

214.

‘‘рад̇ияаа ж̇ааяад̇ий сого, рад̇ияаа ж̇ааяад̇ий бхаяам̣;

‘‘Ratiyā jāyatī soko, ratiyā jāyatī bhayaṃ;

рад̇ияаа виббамуд̇д̇асса, над̇т̇и сого гуд̇о бхаяа’’нд̇и.

Ratiyā vippamuttassa, natthi soko kuto bhaya’’nti.

д̇ад̇т̇а рад̇ияаад̇и бан̃жагаамаг̇ун̣арад̇ид̇о, д̇ам̣ ниссааяаад̇и ад̇т̇о.

Tattha ratiyāti pañcakāmaguṇaratito, taṃ nissāyāti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

лижчавийвад̇т̇у жад̇уд̇т̇ам̣.

Licchavīvatthu catutthaṃ.

5. анид̇т̇иг̇анд̇хагумааравад̇т̇у

5. Anitthigandhakumāravatthu

гаамад̇од̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о анид̇т̇иг̇анд̇хагумаарам̣ наама аараб̣бха гат̇зси.

Kāmatoti imaṃ dhammadesanaṃ satthā jetavane viharanto anitthigandhakumāraṃ nāma ārabbha kathesi.

со гира б̣рахмалогаа жуд̇асад̇д̇о саавад̇т̇ияам̣ махаабхог̇агулз ниб̣б̣ад̇д̇о ж̇аад̇ад̣̇ивасад̇о бадтааяа ид̇т̇исамийбам̣ убаг̇анд̇ум̣ на ижчад̇и, ид̇т̇ияаа г̇аяхамаано род̣̇ад̇и. вад̇т̇ажумб̣адагзна нам̣ г̇ахзд̇ваа т̇ан̃н̃ам̣ бааязнд̇и. со ваяаббад̇д̇о маад̇аабид̇уухи, ‘‘д̇аад̇а, ааваахам̣ д̇з гариссаамаа’’д̇и вуд̇д̇з ‘‘на мз ид̇т̇ияаа ад̇т̇о’’д̇и бадигкибид̇ваа бунаббунам̣ яаажияамаано бан̃жасад̇з суван̣н̣агаарз баггосаабзд̇ваа рад̇д̇асуван̣н̣анигкасахассам̣ д̣̇аабзд̇ваа ад̇ивияа баасаад̣̇игам̣ гханагоддимам̣ ид̇т̇ируубам̣ гаарзд̇ваа буна маад̇аабид̇уухи, ‘‘д̇аад̇а, д̇аяи ааваахам̣ агаронд̇з гулавам̣со на бад̇идтахиссад̇и, гумааригам̣ д̇з аанзссаамаа’’д̇и вуд̇д̇з ‘‘д̇зна хи сажз мз зваруубам̣ гумааригам̣ аанзссат̇а, гариссаами во важана’’нд̇и д̇ам̣ суван̣н̣аруубагам̣ д̣̇ассзд̇и. ат̇асса маад̇аабид̇аро абхин̃н̃аад̇з б̣раахман̣з баггосаабзд̇ваа ‘‘амхаагам̣ буд̇д̇о махаабун̃н̃о, авассам̣ иминаа сад̣̇д̇хим̣ гад̇абун̃н̃аа гумааригаа бхависсад̇и, г̇ажчат̇а имам̣ суван̣н̣аруубагам̣ г̇ахзд̇ваа зваруубам̣ гумааригам̣ аахарат̇аа’’д̇и бахин̣им̣су. д̇з ‘‘саад̇хуу’’д̇и жааригам̣ жаранд̇аа мад̣̇д̣̇арадтз сааг̇аланаг̇арам̣ г̇ад̇аа. д̇асмин̃жа наг̇арз згаа сол̣асавассуд̣̇д̣̇зсигаа абхируубаа гумааригаа ахоси, д̇ам̣ маад̇аабид̇аро сад̇д̇абхуумигасса баасаад̣̇ассуубаримад̇алз бариваасзсум̣. д̇зби ко б̣раахман̣аа ‘‘сажз ид̇ха зваруубаа гумааригаа бхависсад̇и, имам̣ д̣̇исваа ‘аяам̣ асугасса гуласса д̇хийд̇аа вияа абхируубаа’д̇и вагканд̇ий’’д̇и д̇ам̣ суван̣н̣аруубагам̣ д̇ид̇т̇амаг̇г̇з табзд̇ваа згаманд̇ам̣ нисийд̣̇им̣су.

So kira brahmalokā cutasatto sāvatthiyaṃ mahābhogakule nibbatto jātadivasato paṭṭhāya itthisamīpaṃ upagantuṃ na icchati, itthiyā gayhamāno rodati. Vatthacumbaṭakena naṃ gahetvā thaññaṃ pāyenti. So vayappatto mātāpitūhi, ‘‘tāta, āvāhaṃ te karissāmā’’ti vutte ‘‘na me itthiyā attho’’ti paṭikkhipitvā punappunaṃ yāciyamāno pañcasate suvaṇṇakāre pakkosāpetvā rattasuvaṇṇanikkhasahassaṃ dāpetvā ativiya pāsādikaṃ ghanakoṭṭimaṃ itthirūpaṃ kāretvā puna mātāpitūhi, ‘‘tāta, tayi āvāhaṃ akaronte kulavaṃso na patiṭṭhahissati, kumārikaṃ te ānessāmā’’ti vutte ‘‘tena hi sace me evarūpaṃ kumārikaṃ ānessatha, karissāmi vo vacana’’nti taṃ suvaṇṇarūpakaṃ dasseti. Athassa mātāpitaro abhiññāte brāhmaṇe pakkosāpetvā ‘‘amhākaṃ putto mahāpuñño, avassaṃ iminā saddhiṃ katapuññā kumārikā bhavissati, gacchatha imaṃ suvaṇṇarūpakaṃ gahetvā evarūpaṃ kumārikaṃ āharathā’’ti pahiṇiṃsu. Te ‘‘sādhū’’ti cārikaṃ carantā maddaraṭṭhe sāgalanagaraṃ gatā. Tasmiñca nagare ekā soḷasavassuddesikā abhirūpā kumārikā ahosi, taṃ mātāpitaro sattabhūmikassa pāsādassūparimatale parivāsesuṃ. Tepi kho brāhmaṇā ‘‘sace idha evarūpā kumārikā bhavissati, imaṃ disvā ‘ayaṃ asukassa kulassa dhītā viya abhirūpā’ti vakkhantī’’ti taṃ suvaṇṇarūpakaṃ titthamagge ṭhapetvā ekamantaṃ nisīdiṃsu.

ат̇асса гумааригааяа д̇хаад̇ий д̇ам̣ гумааригам̣ нхаабзд̇ваа саяамби нхааяид̇угаамаа худ̇ваа д̇ид̇т̇ам̣ ааг̇ад̇аа д̇ам̣ руубагам̣ д̣̇исваа ‘‘д̇хийд̇аа мз’’д̇и сан̃н̃ааяа ‘‘д̣̇уб̣б̣инийд̇ааси, ид̣̇аанзваахам̣ нхаабзд̇ваа нигканд̇аа, д̇вам̣ маяаа бурзд̇арам̣ ид̇хааг̇ад̇аасий’’д̇и хад̇т̇зна бахарид̇ваа т̇ад̣̇д̇хабхааван̃жзва ниб̣б̣игаарад̇ан̃жа н̃ад̇ваа ‘‘ахам̣ мз, д̇хийд̇аад̇и сан̃н̃амагаасим̣, гим̣ наамзд̇а’’нд̇и ааха. ат̇а нам̣ д̇з б̣раахман̣аа ‘‘зваруубаа д̇з, амма, д̇хийд̇аа’’д̇и бужчим̣су. аяам̣ мама д̇хийд̇у санд̇игз гим̣ аг̇гхад̇ийд̇и? д̇зна хи д̇з д̇хийд̇арам̣ амхаагам̣ д̣̇ассзхийд̇и. саа д̇зхи сад̣̇д̇хим̣ г̇зхам̣ г̇анд̇ваа саамигаанам̣ аарожзси. д̇з б̣раахман̣зхи сад̣̇д̇хим̣ гад̇абадисаммод̣̇анаа д̇хийд̇арам̣ од̇аарзд̇ваа хздтаабаасаад̣̇з суван̣н̣аруубагасса санд̇игз табзсум̣. суван̣н̣аруубагам̣ ниббабхам̣ ахоси, гумааригаа саббабхаа ахоси. б̣раахман̣аа д̇ам̣ д̇зсам̣ д̣̇ад̇ваа гумааригам̣ бадижчаабзд̇ваа г̇анд̇ваа анид̇т̇иг̇анд̇хагумаарасса маад̇аабид̇уунам̣ аарожаяим̣су. д̇з д̇удтамаанасаа ‘‘г̇ажчат̇а, нам̣ сийгхам̣ аанзт̇аа’’д̇и маханд̇зна саггаарзна бахин̣им̣су.

Athassa kumārikāya dhātī taṃ kumārikaṃ nhāpetvā sayampi nhāyitukāmā hutvā titthaṃ āgatā taṃ rūpakaṃ disvā ‘‘dhītā me’’ti saññāya ‘‘dubbinītāsi, idānevāhaṃ nhāpetvā nikkhantā, tvaṃ mayā puretaraṃ idhāgatāsī’’ti hatthena paharitvā thaddhabhāvañceva nibbikāratañca ñatvā ‘‘ahaṃ me, dhītāti saññamakāsiṃ, kiṃ nāmeta’’nti āha. Atha naṃ te brāhmaṇā ‘‘evarūpā te, amma, dhītā’’ti pucchiṃsu. Ayaṃ mama dhītu santike kiṃ agghatīti? Tena hi te dhītaraṃ amhākaṃ dassehīti. Sā tehi saddhiṃ gehaṃ gantvā sāmikānaṃ ārocesi. Te brāhmaṇehi saddhiṃ katapaṭisammodanā dhītaraṃ otāretvā heṭṭhāpāsāde suvaṇṇarūpakassa santike ṭhapesuṃ. Suvaṇṇarūpakaṃ nippabhaṃ ahosi, kumārikā sappabhā ahosi. Brāhmaṇā taṃ tesaṃ datvā kumārikaṃ paṭicchāpetvā gantvā anitthigandhakumārassa mātāpitūnaṃ ārocayiṃsu. Te tuṭṭhamānasā ‘‘gacchatha, naṃ sīghaṃ ānethā’’ti mahantena sakkārena pahiṇiṃsu.

гумаароби д̇ам̣ бавад̇д̇им̣ суд̇ваа ‘‘ган̃жанаруубад̇оби гира абхируубад̇араа д̣̇ааригаа ад̇т̇ий’’д̇и саванавасзнзва синзхам̣ уббаад̣̇зд̇ваа ‘‘сийгхам̣ аанзнд̇уу’’д̇и ааха. сааби ко яаанам̣ ааробзд̇ваа аанийяамаанаа ад̇исукумаалад̇ааяа яаануг̇гхаад̇зна самуббаад̣̇ид̇аваад̇арог̇аа анд̇араамаг̇г̇зязва гааламагааси. гумаароби ‘‘ааг̇ад̇аа’’д̇и ниранд̇арам̣ бужчад̇и, д̇асса ад̇исинзхзна бужчанд̇асса сахасаава анаарожзд̇ваа гад̇ибаахам̣ вигкзбам̣ гад̇ваа д̇амад̇т̇ам̣ аарожаяим̣су. со ‘‘д̇ат̇ааруубааяа наама ид̇т̇ияаа сад̣̇д̇хим̣ самааг̇амам̣ наалад̇т̇а’’нд̇и уббаннад̣̇оманассо баб̣б̣ад̇зна вияа согад̣̇угкзна аж̇жход̇т̇адо ахоси. сад̇т̇аа д̇ассуубаниссаяам̣ д̣̇исваа бин̣д̣ааяа жаранд̇о д̇ам̣ г̇зхад̣̇ваарам̣ аг̇амааси. ат̇асса маад̇аабид̇аро сад̇т̇аарам̣ анд̇ог̇зхам̣ бавзсзд̇ваа саггажжам̣ баривисим̣су. сад̇т̇аа бхад̇д̇агижжаавасаанз ‘‘гахам̣ анид̇т̇иг̇анд̇хагумааро’’д̇и бужчи. ‘‘зсо, бханд̇з, аахааруубажчзд̣̇ам̣ гад̇ваа анд̇ог̇аб̣бхз нисинно’’д̇и. ‘‘баггосат̇а на’’нд̇и. со ааг̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. сад̇т̇аа ‘‘гим̣ ну ко, гумаара, б̣алавасого уббанно’’д̇и вуд̇д̇з, ‘‘аама, бханд̇з, ‘зваруубаа наама ид̇т̇ий анд̇араамаг̇г̇з гаалагад̇аа’д̇и суд̇ваа б̣алавасого уббанно, бхад̇д̇амби мз нажчаад̣̇зд̇ий’’д̇и. ат̇а нам̣ сад̇т̇аа ‘‘ж̇аанааси бана д̇вам̣, гумаара, гим̣ д̇з ниссааяа сого уббанно’’д̇и? ‘‘на ж̇аанаами, бханд̇з’’д̇и. ‘‘гаамам̣ ниссааяа, гумаара, б̣алавасого уббанно, сого ваа бхаяам̣ ваа гаамам̣ ниссааяа уббаж̇ж̇ад̇ий’’д̇и вад̇ваа имам̣ г̇аат̇амааха –

Kumāropi taṃ pavattiṃ sutvā ‘‘kañcanarūpatopi kira abhirūpatarā dārikā atthī’’ti savanavaseneva sinehaṃ uppādetvā ‘‘sīghaṃ ānentū’’ti āha. Sāpi kho yānaṃ āropetvā ānīyamānā atisukhumālatāya yānugghātena samuppāditavātarogā antarāmaggeyeva kālamakāsi. Kumāropi ‘‘āgatā’’ti nirantaraṃ pucchati, tassa atisinehena pucchantassa sahasāva anārocetvā katipāhaṃ vikkhepaṃ katvā tamatthaṃ ārocayiṃsu. So ‘‘tathārūpāya nāma itthiyā saddhiṃ samāgamaṃ nālattha’’nti uppannadomanasso pabbatena viya sokadukkhena ajjhotthaṭo ahosi. Satthā tassūpanissayaṃ disvā piṇḍāya caranto taṃ gehadvāraṃ agamāsi. Athassa mātāpitaro satthāraṃ antogehaṃ pavesetvā sakkaccaṃ parivisiṃsu. Satthā bhattakiccāvasāne ‘‘kahaṃ anitthigandhakumāro’’ti pucchi. ‘‘Eso, bhante, āhārūpacchedaṃ katvā antogabbhe nisinno’’ti. ‘‘Pakkosatha na’’nti. So āgantvā satthāraṃ vanditvā ekamantaṃ nisīdi. Satthā ‘‘kiṃ nu kho, kumāra, balavasoko uppanno’’ti vutte, ‘‘āma, bhante, ‘evarūpā nāma itthī antarāmagge kālakatā’ti sutvā balavasoko uppanno, bhattampi me nacchādetī’’ti. Atha naṃ satthā ‘‘jānāsi pana tvaṃ, kumāra, kiṃ te nissāya soko uppanno’’ti? ‘‘Na jānāmi, bhante’’ti. ‘‘Kāmaṃ nissāya, kumāra, balavasoko uppanno, soko vā bhayaṃ vā kāmaṃ nissāya uppajjatī’’ti vatvā imaṃ gāthamāha –

215.

‘‘гаамад̇о ж̇ааяад̇ий сого, гаамад̇о ж̇ааяад̇ий бхаяам̣;

‘‘Kāmato jāyatī soko, kāmato jāyatī bhayaṃ;

гаамад̇о виббамуд̇д̇асса, над̇т̇и сого гуд̇о бхаяа’’нд̇и.

Kāmato vippamuttassa, natthi soko kuto bhaya’’nti.

д̇ад̇т̇а гаамад̇од̇и вад̇т̇угаамагилзсагаамад̇о, д̣̇увид̇хамбзд̇ам̣ гаамам̣ ниссааяаад̇и ад̇т̇о.

Tattha kāmatoti vatthukāmakilesakāmato, duvidhampetaṃ kāmaṃ nissāyāti attho.

д̣̇зсанаавасаанз анид̇т̇иг̇анд̇хагумааро сод̇аабад̇д̇ипалз бад̇идтахи.

Desanāvasāne anitthigandhakumāro sotāpattiphale patiṭṭhahi.

анид̇т̇иг̇анд̇хагумааравад̇т̇у бан̃жамам̣.

Anitthigandhakumāravatthu pañcamaṃ.

6. ан̃н̃ад̇араб̣раахман̣авад̇т̇у

6. Aññatarabrāhmaṇavatthu

д̇ан̣хааяа ж̇ааяад̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ б̣раахман̣ам̣ аараб̣бха гат̇зси.

Taṇhāya jāyatīti imaṃ dhammadesanaṃ satthā jetavane viharanto aññataraṃ brāhmaṇaṃ ārabbha kathesi.

со гира мижчаад̣̇идтиго згад̣̇ивасам̣ над̣̇ийд̇ийрам̣ г̇анд̇ваа кзд̇д̇ам̣ сод̇хзд̇и. сад̇т̇аа д̇асса убаниссаяасамбад̇д̇им̣ д̣̇исваа д̇асса санд̇игам̣ аг̇амааси. со сад̇т̇аарам̣ д̣̇исвааби саамийжигаммам̣ агад̇ваа д̇ун̣хий ахоси. ат̇а нам̣ сад̇т̇аа бурзд̇арам̣ аалабид̇ваа, ‘‘б̣раахман̣а, гим̣ гаросий’’д̇и ааха. ‘‘кзд̇д̇ам̣, бхо г̇од̇ама, сод̇хзмий’’д̇и. сад̇т̇аа зд̇д̇агамзва вад̇ваа г̇ад̇о. бунад̣̇ивасзби д̇асса кзд̇д̇ам̣ гасид̇ум̣ ааг̇ад̇асса санд̇игам̣ г̇анд̇ваа, ‘‘б̣раахман̣а, гим̣ гаросий’’д̇и бужчид̇ваа ‘‘кзд̇д̇ам̣ гасаами, бхо г̇од̇амаа’’д̇и суд̇ваа баггаами. бунад̣̇ивасаад̣̇ийсуби д̇ат̇зва г̇анд̇ваа бужчид̇ваа, ‘‘бхо г̇од̇ама, кзд̇д̇ам̣ вабаами нид̣̇д̣̇зми рагкаамий’’д̇и суд̇ваа баггаами. ат̇а нам̣ згад̣̇ивасам̣ б̣раахман̣о ааха – ‘‘бхо г̇од̇ама, д̇вам̣ мама кзд̇д̇асод̇ханад̣̇ивасад̇о бадтааяа ааг̇ад̇о. сажз мз сассам̣ самбаж̇ж̇иссад̇и, д̇уяхамби сам̣вибхааг̇ам̣ гариссаами, д̇уяхам̣ ад̣̇ад̇ваа саяам̣ на каад̣̇иссаами, ид̇о д̣̇аани бадтааяа д̇вам̣ мама сахааяо’’д̇и.

So kira micchādiṭṭhiko ekadivasaṃ nadītīraṃ gantvā khettaṃ sodheti. Satthā tassa upanissayasampattiṃ disvā tassa santikaṃ agamāsi. So satthāraṃ disvāpi sāmīcikammaṃ akatvā tuṇhī ahosi. Atha naṃ satthā puretaraṃ ālapitvā, ‘‘brāhmaṇa, kiṃ karosī’’ti āha. ‘‘Khettaṃ, bho gotama, sodhemī’’ti. Satthā ettakameva vatvā gato. Punadivasepi tassa khettaṃ kasituṃ āgatassa santikaṃ gantvā, ‘‘brāhmaṇa, kiṃ karosī’’ti pucchitvā ‘‘khettaṃ kasāmi, bho gotamā’’ti sutvā pakkāmi. Punadivasādīsupi tatheva gantvā pucchitvā, ‘‘bho gotama, khettaṃ vapāmi niddemi rakkhāmī’’ti sutvā pakkāmi. Atha naṃ ekadivasaṃ brāhmaṇo āha – ‘‘bho gotama, tvaṃ mama khettasodhanadivasato paṭṭhāya āgato. Sace me sassaṃ sampajjissati, tuyhampi saṃvibhāgaṃ karissāmi, tuyhaṃ adatvā sayaṃ na khādissāmi, ito dāni paṭṭhāya tvaṃ mama sahāyo’’ti.

ат̇асса абарзна самаязна сассам̣ самбаж̇ж̇и , д̇асса ‘‘самбаннам̣ мз сассам̣, свз д̣̇аани лааяаабзссаамий’’д̇и лааяанад̇т̇ам̣ гад̇д̇аб̣б̣агижжасса рад̇д̇им̣ махаамзгхо вассид̇ваа саб̣б̣ам̣ сассам̣ хари, кзд̇д̇ам̣ д̇ажчзд̇ваа табид̇асад̣̇исам̣ ахоси. сад̇т̇аа бана батамад̣̇ивасам̣язва ‘‘д̇ам̣ сассам̣ на самбаж̇ж̇иссад̇ий’’д̇и ан̃н̃ааси. б̣раахман̣о баад̇ова ‘‘кзд̇д̇ам̣ ологзссаамий’’д̇и г̇ад̇о д̇ужчам̣ кзд̇д̇ам̣ д̣̇исваа уббаннаб̣алавасого жинд̇зси – ‘‘саман̣о г̇од̇амо мама кзд̇д̇асод̇ханагаалад̇о бадтааяа ааг̇ад̇о , ахамби нам̣ ‘имасмим̣ сассз нибпаннз д̇уяхамби сам̣вибхааг̇ам̣ гариссаами, д̇уяхам̣ ад̣̇ад̇ваа саяам̣ на каад̣̇иссаами, ид̇о бадтааяа д̣̇аани д̇вам̣ мама сахааяо’д̇и аважам̣. соби мз манорат̇о мад̇т̇агам̣ на баабун̣ий’’д̇и аахааруубажчзд̣̇ам̣ гад̇ваа ман̃жагз нибаж̇ж̇и. ат̇асса сад̇т̇аа г̇зхад̣̇ваарам̣ аг̇амааси. со сад̇т̇у ааг̇аманам̣ суд̇ваа ‘‘сахааяам̣ мз аанзд̇ваа ид̇ха нисийд̣̇аабзт̇аа’’д̇и ааха. бариж̇ано д̇ат̇аа агааси. сад̇т̇аа нисийд̣̇ид̇ваа ‘‘гахам̣ б̣раахман̣о’’д̇и бужчид̇ваа ‘‘г̇аб̣бхз нибанно’’д̇и вуд̇д̇з ‘‘баггосат̇а на’’нд̇и баггосаабзд̇ваа ааг̇анд̇ваа згаманд̇ам̣ нисиннам̣ ааха ‘‘гим̣, б̣раахман̣аа’’д̇и? бхо г̇од̇ама, д̇умхз мама кзд̇д̇асод̇ханад̣̇ивасад̇о бадтааяа ааг̇ад̇аа, ахамби ‘‘сассз нибпаннз д̇умхаагам̣ сам̣вибхааг̇ам̣ гариссаамий’’д̇и аважам̣. со мз манорат̇о анибпанно, д̇зна мз сого уббанно, бхад̇д̇амби мз нажчаад̣̇зд̇ийд̇и. ат̇а нам̣ сад̇т̇аа ‘‘ж̇аанааси бана, б̣раахман̣а, гим̣ д̇з ниссааяа сого уббанно’’д̇и бужчид̇ваа ‘‘на ж̇аанаами, бхо г̇од̇ама, д̇вам̣ бана ж̇аанаасий’’д̇и вуд̇д̇з, ‘‘аама, б̣раахман̣а, уббаж̇ж̇амаано сого ваа бхаяам̣ ваа д̇ан̣хам̣ ниссааяа уббаж̇ж̇ад̇ий’’д̇и вад̇ваа имам̣ г̇аат̇амааха –

Athassa aparena samayena sassaṃ sampajji , tassa ‘‘sampannaṃ me sassaṃ, sve dāni lāyāpessāmī’’ti lāyanatthaṃ kattabbakiccassa rattiṃ mahāmegho vassitvā sabbaṃ sassaṃ hari, khettaṃ tacchetvā ṭhapitasadisaṃ ahosi. Satthā pana paṭhamadivasaṃyeva ‘‘taṃ sassaṃ na sampajjissatī’’ti aññāsi. Brāhmaṇo pātova ‘‘khettaṃ olokessāmī’’ti gato tucchaṃ khettaṃ disvā uppannabalavasoko cintesi – ‘‘samaṇo gotamo mama khettasodhanakālato paṭṭhāya āgato , ahampi naṃ ‘imasmiṃ sasse nipphanne tuyhampi saṃvibhāgaṃ karissāmi, tuyhaṃ adatvā sayaṃ na khādissāmi, ito paṭṭhāya dāni tvaṃ mama sahāyo’ti avacaṃ. Sopi me manoratho matthakaṃ na pāpuṇī’’ti āhārūpacchedaṃ katvā mañcake nipajji. Athassa satthā gehadvāraṃ agamāsi. So satthu āgamanaṃ sutvā ‘‘sahāyaṃ me ānetvā idha nisīdāpethā’’ti āha. Parijano tathā akāsi. Satthā nisīditvā ‘‘kahaṃ brāhmaṇo’’ti pucchitvā ‘‘gabbhe nipanno’’ti vutte ‘‘pakkosatha na’’nti pakkosāpetvā āgantvā ekamantaṃ nisinnaṃ āha ‘‘kiṃ, brāhmaṇā’’ti? Bho gotama, tumhe mama khettasodhanadivasato paṭṭhāya āgatā, ahampi ‘‘sasse nipphanne tumhākaṃ saṃvibhāgaṃ karissāmī’’ti avacaṃ. So me manoratho anipphanno, tena me soko uppanno, bhattampi me nacchādetīti. Atha naṃ satthā ‘‘jānāsi pana, brāhmaṇa, kiṃ te nissāya soko uppanno’’ti pucchitvā ‘‘na jānāmi, bho gotama, tvaṃ pana jānāsī’’ti vutte, ‘‘āma, brāhmaṇa, uppajjamāno soko vā bhayaṃ vā taṇhaṃ nissāya uppajjatī’’ti vatvā imaṃ gāthamāha –

216.

‘‘д̇ан̣хааяа ж̇ааяад̇ий сого, д̇ан̣хааяа ж̇ааяад̇ий бхаяам̣;

‘‘Taṇhāya jāyatī soko, taṇhāya jāyatī bhayaṃ;

д̇ан̣хааяа виббамуд̇д̇асса, над̇т̇и сого гуд̇о бхаяа’’нд̇и.

Taṇhāya vippamuttassa, natthi soko kuto bhaya’’nti.

д̇ад̇т̇а д̇ан̣хааяаад̇и чад̣̇вааригааяа д̇ан̣хааяа, зд̇ам̣ д̇ан̣хам̣ ниссааяа уббаж̇ж̇ад̇ийд̇и ад̇т̇о.

Tattha taṇhāyāti chadvārikāya taṇhāya, etaṃ taṇhaṃ nissāya uppajjatīti attho.

д̣̇зсанаавасаанз б̣раахман̣о сод̇аабад̇д̇ипалз бад̇идтахийд̇и.

Desanāvasāne brāhmaṇo sotāpattiphale patiṭṭhahīti.

ан̃н̃ад̇араб̣раахман̣авад̇т̇у чадтам̣.

Aññatarabrāhmaṇavatthu chaṭṭhaṃ.

7. бан̃жасад̇ад̣̇аарагавад̇т̇у

7. Pañcasatadārakavatthu

сийлад̣̇ассанасамбаннанд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о анд̇араамаг̇г̇з бан̃жасад̇ад̣̇аарагз аараб̣бха гат̇зси.

Sīladassanasampannanti imaṃ dhammadesanaṃ satthā veḷuvane viharanto antarāmagge pañcasatadārake ārabbha kathesi.

згад̣̇ивасан̃хи сад̇т̇аа асийд̇имахаат̇зрзхи сад̣̇д̇хим̣ бан̃жасад̇абхигкубаривааро рааж̇аг̇ахам̣ бин̣д̣ааяа бависанд̇о згасмим̣ чан̣ад̣̇ивасз бан̃жасад̇з д̣̇аарагз буувабажчияо угкибаабзд̇ваа наг̇араа нигкамма уяяаанам̣ г̇ажчанд̇з ад̣̇д̣̇аса. д̇зби сад̇т̇аарам̣ ванд̣̇ид̇ваа баггамим̣су, д̇з згам̣ бхигкумби ‘‘буувам̣ г̇ан̣хат̇аа’’д̇и на вад̣̇им̣су. сад̇т̇аа д̇зсам̣ г̇ад̇агаалз бхигкуу ааха – ‘‘каад̣̇иссат̇а, бхигкавз, буувз’’д̇и. ‘‘гахам̣ бханд̇з, бууваа’’д̇и? ‘‘гим̣ на бассат̇а д̇з д̣̇аарагз буувабажчияо угкибаабзд̇ваа ад̇игганд̇з’’д̇и? ‘‘бханд̇з, зваруубаа наама д̣̇аарагаа гассажи буувам̣ на д̣̇знд̇ий’’д̇и. ‘‘бхигкавз, гин̃жааби зд̇з мам̣ ваа д̇умхз ваа буувзхи на ниманд̇аяим̣су, буувасаамиго бана бхигку бажчад̇о ааг̇ажчад̇и, буувз каад̣̇ид̇ваава г̇анд̇ум̣ ваддад̇ий’’д̇и. б̣уд̣̇д̇хаанан̃хи згабуг̇г̇алзби иссаа ваа д̣̇осо ваа над̇т̇и, д̇асмаа имам̣ вад̇ваа бхигкусан̇гхам̣ аад̣̇ааяа згасмим̣ ругкамуулз чааяааяа нисийд̣̇и. д̣̇аарагаа махаагассабад̇т̇зрам̣ бажчад̇о ааг̇ажчанд̇ам̣ д̣̇исваа уббаннасинзхаа бийд̇ивзг̇зна барибун̣н̣асарийраа худ̇ваа бажчияо од̇аарзд̇ваа т̇зрам̣ бан̃жабад̇идтид̇зна ванд̣̇ид̇ваа буувз бажчийхи сад̣̇д̇хим̣язва угкибид̇ваа ‘‘г̇ан̣хат̇а, бханд̇з’’д̇и т̇зрам̣ вад̣̇им̣су. ат̇а нз т̇зро ааха – ‘‘зса сад̇т̇аа бхигкусан̇гхам̣ г̇ахзд̇ваа ругкамуулз нисинно, д̇умхаагам̣ д̣̇зяяад̇хаммам̣ аад̣̇ааяа г̇анд̇ваа бхигкусан̇гхасса сам̣вибхааг̇ам̣ гарот̇аа’’д̇и. д̇з ‘‘саад̇ху, бханд̇з’’д̇и нивад̇д̇ид̇ваа т̇зрзна сад̣̇д̇хим̣язва г̇анд̇ваа буувз д̣̇ад̇ваа ологаяамаанаа згаманд̇з тад̇ваа барибхог̇аавасаанз уд̣̇агам̣ ад̣̇ам̣су. бхигкуу уж̇жхааяим̣су ‘‘д̣̇аарагзхи мукологанзна бхигкаа д̣̇иннаа, саммаасамб̣уд̣̇д̇хам̣ ваа махаат̇зрз ваа буувзхи анаабужчид̇ваа махаагассабад̇т̇зрам̣ д̣̇исваа бажчийхи сад̣̇д̇хим̣язва аад̣̇ааяа ааг̇амим̣суу’’д̇и. сад̇т̇аа д̇зсам̣ гат̇ам̣ суд̇ваа, ‘‘бхигкавз, мама буд̇д̇зна махаагассабзна сад̣̇исо бхигку д̣̇звамануссаанам̣ бияо ход̇и, д̇з жа д̇асса жад̇убажжаязна бууж̇ам̣ гаронд̇иязваа’’д̇и вад̇ваа имам̣ г̇аат̇амааха –

Ekadivasañhi satthā asītimahātherehi saddhiṃ pañcasatabhikkhuparivāro rājagahaṃ piṇḍāya pavisanto ekasmiṃ chaṇadivase pañcasate dārake pūvapacchiyo ukkhipāpetvā nagarā nikkhamma uyyānaṃ gacchante addasa. Tepi satthāraṃ vanditvā pakkamiṃsu, te ekaṃ bhikkhumpi ‘‘pūvaṃ gaṇhathā’’ti na vadiṃsu. Satthā tesaṃ gatakāle bhikkhū āha – ‘‘khādissatha, bhikkhave, pūve’’ti. ‘‘Kahaṃ bhante, pūvā’’ti? ‘‘Kiṃ na passatha te dārake pūvapacchiyo ukkhipāpetvā atikkante’’ti? ‘‘Bhante, evarūpā nāma dārakā kassaci pūvaṃ na dentī’’ti. ‘‘Bhikkhave, kiñcāpi ete maṃ vā tumhe vā pūvehi na nimantayiṃsu, pūvasāmiko pana bhikkhu pacchato āgacchati, pūve khāditvāva gantuṃ vaṭṭatī’’ti. Buddhānañhi ekapuggalepi issā vā doso vā natthi, tasmā imaṃ vatvā bhikkhusaṅghaṃ ādāya ekasmiṃ rukkhamūle chāyāya nisīdi. Dārakā mahākassapattheraṃ pacchato āgacchantaṃ disvā uppannasinehā pītivegena paripuṇṇasarīrā hutvā pacchiyo otāretvā theraṃ pañcapatiṭṭhitena vanditvā pūve pacchīhi saddhiṃyeva ukkhipitvā ‘‘gaṇhatha, bhante’’ti theraṃ vadiṃsu. Atha ne thero āha – ‘‘esa satthā bhikkhusaṅghaṃ gahetvā rukkhamūle nisinno, tumhākaṃ deyyadhammaṃ ādāya gantvā bhikkhusaṅghassa saṃvibhāgaṃ karothā’’ti. Te ‘‘sādhu, bhante’’ti nivattitvā therena saddhiṃyeva gantvā pūve datvā olokayamānā ekamante ṭhatvā paribhogāvasāne udakaṃ adaṃsu. Bhikkhū ujjhāyiṃsu ‘‘dārakehi mukholokanena bhikkhā dinnā, sammāsambuddhaṃ vā mahāthere vā pūvehi anāpucchitvā mahākassapattheraṃ disvā pacchīhi saddhiṃyeva ādāya āgamiṃsū’’ti. Satthā tesaṃ kathaṃ sutvā, ‘‘bhikkhave, mama puttena mahākassapena sadiso bhikkhu devamanussānaṃ piyo hoti, te ca tassa catupaccayena pūjaṃ karontiyevā’’ti vatvā imaṃ gāthamāha –

217.

‘‘сийлад̣̇ассанасамбаннам̣, д̇хаммадтам̣ сажжавзд̣̇инам̣;

‘‘Sīladassanasampannaṃ, dhammaṭṭhaṃ saccavedinaṃ;

ад̇д̇ано гамма губ̣б̣аанам̣, д̇ам̣ ж̇ано гуруд̇з бияа’’нд̇и.

Attano kamma kubbānaṃ, taṃ jano kurute piya’’nti.

д̇ад̇т̇а сийлад̣̇ассанасамбаннанд̇и жад̇убаарисуд̣̇д̇хисийлзна жзва маг̇г̇апаласамбаяуд̇д̇зна жа саммаад̣̇ассанзна самбаннам̣. д̇хаммадтанд̇и нававид̇халогуд̇д̇арад̇хаммз тид̇ам̣, сажчигад̇алогуд̇д̇арад̇хамманд̇и ад̇т̇о. сажжавзд̣̇инанд̇и жад̇уннам̣ сажжаанам̣ сол̣асахаагаарзхи сажчигад̇ад̇д̇аа сажжан̃аан̣зна сажжавзд̣̇инам̣. ад̇д̇ано гамма губ̣б̣аананд̇и ад̇д̇ано гаммам̣ наама д̇иссо сигкаа, д̇аа буураяамаананд̇и ад̇т̇о. д̇ам̣ ж̇анод̇и д̇ам̣ буг̇г̇алам̣ логияамахааж̇ано бияам̣ гарод̇и, д̣̇адтугаамо ванд̣̇ид̇угаамо бажжаязна бууж̇зд̇угаамо ход̇иязваад̇и ад̇т̇о.

Tattha sīladassanasampannanti catupārisuddhisīlena ceva maggaphalasampayuttena ca sammādassanena sampannaṃ. Dhammaṭṭhanti navavidhalokuttaradhamme ṭhitaṃ, sacchikatalokuttaradhammanti attho. Saccavedinanti catunnaṃ saccānaṃ soḷasahākārehi sacchikatattā saccañāṇena saccavedinaṃ. Attano kamma kubbānanti attano kammaṃ nāma tisso sikkhā, tā pūrayamānanti attho. Taṃ janoti taṃ puggalaṃ lokiyamahājano piyaṃ karoti, daṭṭhukāmo vanditukāmo paccayena pūjetukāmo hotiyevāti attho.

д̣̇зсанаавасаанз саб̣б̣зби д̇з д̣̇аарагаа сод̇аабад̇д̇ипалз бад̇идтахим̣сууд̇и.

Desanāvasāne sabbepi te dārakā sotāpattiphale patiṭṭhahiṃsūti.

бан̃жасад̇ад̣̇аарагавад̇т̇у сад̇д̇амам̣.

Pañcasatadārakavatthu sattamaṃ.

8. згаанааг̇аамид̇т̇зравад̇т̇у

8. Ekaanāgāmittheravatthu

чанд̣̇аж̇аад̇од̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ анааг̇аамид̇т̇зрам̣ аараб̣бха гат̇зси.

Chandajātoti imaṃ dhammadesanaṃ satthā jetavane viharanto ekaṃ anāgāmittheraṃ ārabbha kathesi.

згад̣̇ивасан̃хи д̇ам̣ т̇зрам̣ сад̣̇д̇хивихааригаа бужчим̣су – ‘‘ад̇т̇и бана во, бханд̇з, висзсаад̇хиг̇амо’’д̇и. т̇зро ‘‘анааг̇аамипалам̣ наама г̇ахадтааби баабун̣анд̇и, арахад̇д̇ам̣ бад̇д̇агаалзязва д̇зхи сад̣̇д̇хим̣ гат̇зссаамий’’д̇и харааяамаано гин̃жи агат̇зд̇ваава гаалагад̇о суд̣̇д̇хааваасад̣̇звалогз ниб̣б̣ад̇д̇и. ат̇асса сад̣̇д̇хивихааригаа род̣̇ид̇ваа барид̣̇звид̇ваа сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа род̣̇анд̇аава згаманд̇ам̣ нисийд̣̇им̣су. ат̇а нз сад̇т̇аа ‘‘гим̣, бхигкавз, род̣̇ат̇аа’’д̇и ааха. ‘‘убаж̇жхааяо но, бханд̇з, гаалагад̇о’’д̇и. ‘‘ход̇у, бхигкавз, маа жинд̇аяид̇т̇а, д̇хувад̇хаммо наамзсо’’д̇и? ‘‘аама, бханд̇з, маяамби ж̇аанаама, абижа маяам̣ убаж̇жхааяам̣ висзсаад̇хиг̇амам̣ бужчимхаа, со гин̃жи агат̇зд̇ваава гаалагад̇о, д̇знамха д̣̇угкид̇аа’’д̇и. сад̇т̇аа, ‘‘бхигкавз, маа жинд̇аяид̇т̇а, убаж̇жхааязна во анааг̇аамипалам̣ бад̇д̇ам̣, со ‘г̇ихийбзд̇ам̣ баабун̣анд̇и, арахад̇д̇ам̣ бад̇ваава нзсам̣ гат̇зссаамий’д̇и харааяанд̇о д̇умхаагам̣ гин̃жи агат̇зд̇ваа гаалам̣ гад̇ваа суд̣̇д̇хааваасз ниб̣б̣ад̇д̇о, ассаасат̇а, бхигкавз, убаж̇жхааяо во гаамзсу аббадиб̣ад̣̇д̇хажид̇д̇ад̇ам̣ бад̇д̇о’’д̇и вад̇ваа имам̣ г̇аат̇амааха –

Ekadivasañhi taṃ theraṃ saddhivihārikā pucchiṃsu – ‘‘atthi pana vo, bhante, visesādhigamo’’ti. Thero ‘‘anāgāmiphalaṃ nāma gahaṭṭhāpi pāpuṇanti, arahattaṃ pattakāleyeva tehi saddhiṃ kathessāmī’’ti harāyamāno kiñci akathetvāva kālakato suddhāvāsadevaloke nibbatti. Athassa saddhivihārikā roditvā paridevitvā satthu santikaṃ gantvā satthāraṃ vanditvā rodantāva ekamantaṃ nisīdiṃsu. Atha ne satthā ‘‘kiṃ, bhikkhave, rodathā’’ti āha. ‘‘Upajjhāyo no, bhante, kālakato’’ti. ‘‘Hotu, bhikkhave, mā cintayittha, dhuvadhammo nāmeso’’ti? ‘‘Āma, bhante, mayampi jānāma, apica mayaṃ upajjhāyaṃ visesādhigamaṃ pucchimhā, so kiñci akathetvāva kālakato, tenamha dukkhitā’’ti. Satthā, ‘‘bhikkhave, mā cintayittha, upajjhāyena vo anāgāmiphalaṃ pattaṃ, so ‘gihīpetaṃ pāpuṇanti, arahattaṃ patvāva nesaṃ kathessāmī’ti harāyanto tumhākaṃ kiñci akathetvā kālaṃ katvā suddhāvāse nibbatto, assāsatha, bhikkhave, upajjhāyo vo kāmesu appaṭibaddhacittataṃ patto’’ti vatvā imaṃ gāthamāha –

218.

‘‘чанд̣̇аж̇аад̇о анагкаад̇з, манасаа жа пудо сияаа;

‘‘Chandajāto anakkhāte, manasā ca phuṭo siyā;

гаамзсу жа аббадиб̣ад̣̇д̇хажид̇д̇о, уд̣̇д̇хам̣сод̇од̇и вужжад̇ий’’д̇и.

Kāmesu ca appaṭibaddhacitto, uddhaṃsototi vuccatī’’ti.

д̇ад̇т̇а чанд̣̇аж̇аад̇од̇и гад̇д̇угаамад̇аавасзна ж̇аад̇ачанд̣̇о уссаахабад̇д̇о. анагкаад̇зд̇и ниб̣б̣аанз. д̇ан̃хи ‘‘асугзна гад̇ам̣ ваа нийлаад̣̇ийсу зваруубам̣ ваа’’д̇и авад̇д̇аб̣б̣ад̇ааяа анагкаад̇ам̣ наама. манасаа жа пудо сияаад̇и хздтимзхи д̇ийхи маг̇г̇апалажид̇д̇зхи пудо буурид̇о бхавзяяа. аббадиб̣ад̣̇д̇хажид̇д̇од̇и анааг̇аамимаг̇г̇авасзна гаамзсу аббадиб̣ад̣̇д̇хажид̇д̇о. уд̣̇д̇хам̣сод̇од̇и зваруубо бхигку авихзсу ниб̣б̣ад̇д̇ид̇ваа д̇ад̇о бадтааяа бадисанд̇хивасзна аганидтам̣ г̇ажчанд̇о уд̣̇д̇хам̣сод̇од̇и вужжад̇и, д̇аад̣̇исо во убаж̇жхааяод̇и ад̇т̇о.

Tattha chandajātoti kattukāmatāvasena jātachando ussāhapatto. Anakkhāteti nibbāne. Tañhi ‘‘asukena kataṃ vā nīlādīsu evarūpaṃ vā’’ti avattabbatāya anakkhātaṃ nāma. Manasā ca phuṭo siyāti heṭṭhimehi tīhi maggaphalacittehi phuṭo pūrito bhaveyya. Appaṭibaddhacittoti anāgāmimaggavasena kāmesu appaṭibaddhacitto. Uddhaṃsototi evarūpo bhikkhu avihesu nibbattitvā tato paṭṭhāya paṭisandhivasena akaniṭṭhaṃ gacchanto uddhaṃsototi vuccati, tādiso vo upajjhāyoti attho.

д̣̇зсанаавасаанз д̇з бхигкуу арахад̇д̇апалз бад̇идтахим̣су, махааж̇анассааби саад̇т̇игаа д̇хаммад̣̇зсанаа ахосийд̇и.

Desanāvasāne te bhikkhū arahattaphale patiṭṭhahiṃsu, mahājanassāpi sātthikā dhammadesanā ahosīti.

згаанааг̇аамид̇т̇зравад̇т̇у адтамам̣.

Ekaanāgāmittheravatthu aṭṭhamaṃ.

9. нанд̣̇ияавад̇т̇у

9. Nandiyavatthu

жираббаваасинд̇и имам̣ д̇хаммад̣̇зсанам̣ сад̇т̇аа исибад̇анз вихаранд̇о нанд̣̇ияам̣ аараб̣бха гат̇зси.

Cirappavāsinti imaṃ dhammadesanaṃ satthā isipatane viharanto nandiyaṃ ārabbha kathesi.

б̣аараан̣асияам̣ гира сад̣̇д̇хаасамбаннасса гуласса нанд̣̇ияо наама буд̇д̇о ахоси, со маад̇аабид̇уунам̣ ануруубо сад̣̇д̇хаасамбанно сан̇гхубадтааго ахоси. ат̇асса маад̇аабид̇аро ваяаббад̇д̇агаалз саммукаг̇зхад̇о маад̇улад̇хийд̇арам̣ рзвад̇им̣ наама аанзд̇угаамаа ахзсум̣. саа бана ассад̣̇д̇хаа ад̣̇аанасийлаа, нанд̣̇ияо д̇ам̣ на ижчи. ат̇асса маад̇аа рзвад̇им̣ ааха – ‘‘амма, д̇вам̣ имасмим̣ г̇зхз бхигкусан̇гхасса нисаж̇ж̇анадтаанам̣ убалимбид̇ваа аасанаани бан̃н̃аабзхи, аад̇хаарагз табзхи, бхигкуунам̣ ааг̇ад̇агаалз бад̇д̇ам̣ г̇ахзд̇ваа нисийд̣̇аабзд̇ваа д̇хаммагаран̣зна баанийяам̣ бариссаавзд̇ваа бхуд̇д̇агаалз бад̇д̇з д̇хова, звам̣ мз буд̇д̇асса аараад̇хид̇аа бхависсасий’’д̇и. саа д̇ат̇аа агааси. ат̇а нам̣ ‘‘оваад̣̇агкамаа ж̇аад̇аа’’д̇и буд̇д̇асса аарожзд̇ваа д̇зна саад̇хууд̇и самбадижчид̇з д̣̇ивасам̣ табзд̇ваа ааваахам̣ гарим̣су .

Bārāṇasiyaṃ kira saddhāsampannassa kulassa nandiyo nāma putto ahosi, so mātāpitūnaṃ anurūpo saddhāsampanno saṅghupaṭṭhāko ahosi. Athassa mātāpitaro vayappattakāle sammukhagehato mātuladhītaraṃ revatiṃ nāma ānetukāmā ahesuṃ. Sā pana assaddhā adānasīlā, nandiyo taṃ na icchi. Athassa mātā revatiṃ āha – ‘‘amma, tvaṃ imasmiṃ gehe bhikkhusaṅghassa nisajjanaṭṭhānaṃ upalimpitvā āsanāni paññāpehi, ādhārake ṭhapehi, bhikkhūnaṃ āgatakāle pattaṃ gahetvā nisīdāpetvā dhammakaraṇena pānīyaṃ parissāvetvā bhuttakāle patte dhova, evaṃ me puttassa ārādhitā bhavissasī’’ti. Sā tathā akāsi. Atha naṃ ‘‘ovādakkhamā jātā’’ti puttassa ārocetvā tena sādhūti sampaṭicchite divasaṃ ṭhapetvā āvāhaṃ kariṃsu .

ат̇а нам̣ нанд̣̇ияо ааха – ‘‘сажз бхигкусан̇гхан̃жа маад̇аабид̇аро жа мз убадтахиссаси, звам̣ имасмим̣ г̇зхз васид̇ум̣ лабхиссаси, аббамад̇д̇аа хохий’’д̇и. саа ‘‘саад̇хуу’’д̇и бадиссун̣ид̇ваа гад̇ибаахам̣ сад̣̇д̇хаа вияа худ̇ваа бхад̇д̇аарам̣ убадтаханд̇ий д̣̇вз буд̇д̇з виж̇ааяи. нанд̣̇ияассааби маад̇аабид̇аро гааламагам̣су, г̇зхз саб̣б̣иссарияам̣ д̇ассааязва ахоси. нанд̣̇ияоби маад̇аабид̇уунам̣ гаалагирияад̇о бадтааяа махаад̣̇аанабад̇и худ̇ваа бхигкусан̇гхасса д̣̇аанам̣ бадтабзси. габан̣ад̣̇д̇хигаад̣̇ийнамби г̇зхад̣̇ваарз баагавад̇д̇ам̣ бадтабзси. со абарабхааг̇з сад̇т̇у д̇хаммад̣̇зсанам̣ суд̇ваа ааваасад̣̇аанз аанисам̣сам̣ саллагкзд̇ваа исибад̇анз махаавихаарз жад̇уухи г̇аб̣бхзхи бадиман̣д̣ид̇ам̣ жад̇усаалам̣ гаарзд̇ваа ман̃жабийтаад̣̇ийни ад̇т̇араабзд̇ваа д̇ам̣ ааваасам̣ нияяаад̣̇знд̇о б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа д̇ат̇ааг̇ад̇асса д̣̇агкин̣од̣̇агам̣ ад̣̇ааси. сад̇т̇у хад̇т̇з д̣̇агкин̣од̣̇агабад̇идтаанзна сад̣̇д̇хим̣язва д̇аавад̇им̣сад̣̇звалогз саб̣б̣ад̣̇исаасу д̣̇ваад̣̇асаяож̇аниго уд̣̇д̇хам̣ яож̇анасад̇уб̣б̣зд̇хо сад̇д̇арад̇анамаяо наарийг̇ан̣асамбанно д̣̇иб̣б̣абаасаад̣̇о уг̇г̇ажчи.

Atha naṃ nandiyo āha – ‘‘sace bhikkhusaṅghañca mātāpitaro ca me upaṭṭhahissasi, evaṃ imasmiṃ gehe vasituṃ labhissasi, appamattā hohī’’ti. Sā ‘‘sādhū’’ti paṭissuṇitvā katipāhaṃ saddhā viya hutvā bhattāraṃ upaṭṭhahantī dve putte vijāyi. Nandiyassāpi mātāpitaro kālamakaṃsu, gehe sabbissariyaṃ tassāyeva ahosi. Nandiyopi mātāpitūnaṃ kālakiriyato paṭṭhāya mahādānapati hutvā bhikkhusaṅghassa dānaṃ paṭṭhapesi. Kapaṇaddhikādīnampi gehadvāre pākavattaṃ paṭṭhapesi. So aparabhāge satthu dhammadesanaṃ sutvā āvāsadāne ānisaṃsaṃ sallakkhetvā isipatane mahāvihāre catūhi gabbhehi paṭimaṇḍitaṃ catusālaṃ kāretvā mañcapīṭhādīni attharāpetvā taṃ āvāsaṃ niyyādento buddhappamukhassa bhikkhusaṅghassa dānaṃ datvā tathāgatassa dakkhiṇodakaṃ adāsi. Satthu hatthe dakkhiṇodakapatiṭṭhānena saddhiṃyeva tāvatiṃsadevaloke sabbadisāsu dvādasayojaniko uddhaṃ yojanasatubbedho sattaratanamayo nārīgaṇasampanno dibbapāsādo uggacchi.

ат̇згад̣̇ивасз махаамог̇г̇аллаанад̇т̇зро д̣̇зважааригам̣ г̇анд̇ваа д̇асса баасаад̣̇асса авид̣̇уурз тид̇о ад̇д̇ано санд̇игз ааг̇ад̇з д̣̇звабуд̇д̇з бужчи – ‘‘гассзсо ажчарааг̇ан̣абаривуд̇о д̣̇иб̣б̣абаасаад̣̇о ниб̣б̣ад̇д̇о’’д̇и. ат̇асса д̣̇звабуд̇д̇аа вимаанасаамигам̣ аажигканд̇аа аахам̣су – ‘‘бханд̇з, язна нанд̣̇иязна наама г̇ахабад̇ибуд̇д̇зна исибад̇анз сад̇т̇у вихаарам̣ гаарзд̇ваа д̣̇инно, д̇ассад̇т̇ааяа зд̇ам̣ вимаанам̣ ниб̣б̣ад̇д̇а’’нд̇и . ажчараасан̇гхоби нам̣ д̣̇исваа баасаад̣̇ад̇о орохид̇ваа ааха – ‘‘бханд̇з, маяам̣ ‘нанд̣̇ияасса барижааригаа бхависсаамаа’д̇и ид̇ха ниб̣б̣ад̇д̇аа, д̇ам̣ бана абассанд̇ий ад̇ивияа угган̣тид̇амхаа, мад̇д̇игабаад̇им̣ бхинд̣̇ид̇ваа суван̣н̣абаад̇иг̇ахан̣ам̣ вияа мануссасамбад̇д̇им̣ ж̇ахид̇ваа д̣̇иб̣б̣асамбад̇д̇иг̇ахан̣ам̣, ид̇хааг̇аманад̇т̇ааяа нам̣ вад̣̇зяяаат̇аа’’д̇и. т̇зро д̇ад̇о ааг̇анд̇ваа сад̇т̇аарам̣ убасан̇гамид̇ваа бужчи – ‘‘ниб̣б̣ад̇д̇ад̇и ну ко, бханд̇з, мануссалогз тид̇аанам̣язва гад̇агаляаан̣аанам̣ д̣̇иб̣б̣асамбад̇д̇ий’’д̇и. ‘‘мог̇г̇аллаана, нану д̇з д̣̇звалогз нанд̣̇ияасса ниб̣б̣ад̇д̇аа д̣̇иб̣б̣асамбад̇д̇и саамам̣ д̣̇идтаа, гасмаа мам̣ бужчасий’’д̇и. ‘‘звам̣, бханд̇з, ниб̣б̣ад̇д̇ад̇ий’’д̇и.

Athekadivase mahāmoggallānatthero devacārikaṃ gantvā tassa pāsādassa avidūre ṭhito attano santike āgate devaputte pucchi – ‘‘kasseso accharāgaṇaparivuto dibbapāsādo nibbatto’’ti. Athassa devaputtā vimānasāmikaṃ ācikkhantā āhaṃsu – ‘‘bhante, yena nandiyena nāma gahapatiputtena isipatane satthu vihāraṃ kāretvā dinno, tassatthāya etaṃ vimānaṃ nibbatta’’nti . Accharāsaṅghopi naṃ disvā pāsādato orohitvā āha – ‘‘bhante, mayaṃ ‘nandiyassa paricārikā bhavissāmā’ti idha nibbattā, taṃ pana apassantī ativiya ukkaṇṭhitamhā, mattikapātiṃ bhinditvā suvaṇṇapātigahaṇaṃ viya manussasampattiṃ jahitvā dibbasampattigahaṇaṃ, idhāgamanatthāya naṃ vadeyyāthā’’ti. Thero tato āgantvā satthāraṃ upasaṅkamitvā pucchi – ‘‘nibbattati nu kho, bhante, manussaloke ṭhitānaṃyeva katakalyāṇānaṃ dibbasampattī’’ti. ‘‘Moggallāna, nanu te devaloke nandiyassa nibbattā dibbasampatti sāmaṃ diṭṭhā, kasmā maṃ pucchasī’’ti. ‘‘Evaṃ, bhante, nibbattatī’’ti.

ат̇а нам̣ сад̇т̇аа ‘‘мог̇г̇аллаанам̣ гим̣ наамзд̇ам̣ гат̇зси. яат̇аа хи жираббавудтам̣ буд̇д̇ам̣ ваа бхаад̇арам̣ ваа виббаваасад̇о ааг̇ажчанд̇ам̣ г̇аамад̣̇ваарз тид̇о гожид̣̇зва д̣̇исваа взг̇зна г̇зхам̣ ааг̇анд̇ваа ‘асуго наама ааг̇ад̇о’д̇и аарожзяяа, ат̇асса н̃аад̇агаа хадтабахадтаа взг̇зна нигкамид̇ваа ‘ааг̇ад̇оси, д̇аад̇а, арог̇оси, д̇аад̇аа’д̇и д̇ам̣ абхинанд̣̇зяяум̣, звамзва ид̇ха гад̇агаляаан̣ам̣ ид̇т̇им̣ ваа бурисам̣ ваа имам̣ логам̣ ж̇ахид̇ваа баралогам̣ г̇ад̇ам̣ д̣̇асавид̇хам̣ д̣̇иб̣б̣абан̣н̣аагаарам̣ аад̣̇ааяа ‘ахам̣ бурад̇о , ахам̣ бурад̇о’д̇и бажжуг̇г̇анд̇ваа д̣̇звад̇аа абхинанд̣̇анд̇ий’’д̇и вад̇ваа имаа г̇аат̇аа абхааси –

Atha naṃ satthā ‘‘moggallānaṃ kiṃ nāmetaṃ kathesi. Yathā hi cirappavuṭṭhaṃ puttaṃ vā bhātaraṃ vā vippavāsato āgacchantaṃ gāmadvāre ṭhito kocideva disvā vegena gehaṃ āgantvā ‘asuko nāma āgato’ti āroceyya, athassa ñātakā haṭṭhapahaṭṭhā vegena nikkhamitvā ‘āgatosi, tāta, arogosi, tātā’ti taṃ abhinandeyyuṃ, evameva idha katakalyāṇaṃ itthiṃ vā purisaṃ vā imaṃ lokaṃ jahitvā paralokaṃ gataṃ dasavidhaṃ dibbapaṇṇākāraṃ ādāya ‘ahaṃ purato , ahaṃ purato’ti paccuggantvā devatā abhinandantī’’ti vatvā imā gāthā abhāsi –

219.

‘‘жираббаваасим̣ бурисам̣, д̣̇уурад̇о сод̇т̇имааг̇ад̇ам̣;

‘‘Cirappavāsiṃ purisaṃ, dūrato sotthimāgataṃ;

н̃аад̇имид̇д̇аа сухаж̇ж̇аа жа, абхинанд̣̇анд̇и ааг̇ад̇ам̣.

Ñātimittā suhajjā ca, abhinandanti āgataṃ.

220.

‘‘д̇ат̇зва гад̇абун̃н̃амби, асмаа логаа барам̣ г̇ад̇ам̣;

‘‘Tatheva katapuññampi, asmā lokā paraṃ gataṃ;

бун̃н̃аани бадиг̇ан̣ханд̇и, бияам̣ н̃аад̇ийва ааг̇ад̇а’’нд̇и.

Puññāni paṭigaṇhanti, piyaṃ ñātīva āgata’’nti.

д̇ад̇т̇а жираббаваасинд̇и жираббавудтам̣. д̣̇уурад̇о сод̇т̇имааг̇ад̇анд̇и ван̣иж̇ж̇ам̣ ваа рааж̇аборисам̣ ваа гад̇ваа лад̣̇д̇халаабхам̣ нибпаннасамбад̇д̇им̣ анубад̣̇д̣̇авзна д̣̇уурадтаанад̇о ааг̇ад̇ам̣. н̃аад̇имид̇д̇аа сухаж̇ж̇аа жаад̇и гуласамб̣анд̇хавасзна н̃аад̇ий жа санд̣̇идтаад̣̇ибхаавзна мид̇д̇аа жа сухад̣̇аяабхаавзна сухаж̇ж̇аа жа. абхинанд̣̇анд̇и ааг̇ад̇анд̇и нам̣ д̣̇исваа ааг̇ад̇анд̇и важанамад̇д̇зна ваа ан̃ж̇алигаран̣амад̇д̇зна ваа г̇зхасамбад̇д̇ам̣ бана наанаббагаарабан̣н̣аагаараабхихаран̣авасзна абхинанд̣̇анд̇и. д̇ат̇зваад̇и д̇знзваагаарзна гад̇абун̃н̃амби буг̇г̇алам̣ имасмаа логаа баралогам̣ г̇ад̇ам̣ д̣̇иб̣б̣ам̣ ааяуван̣н̣асукаяасааад̇хибад̇зяяам̣, д̣̇иб̣б̣ам̣ руубасад̣̇д̣̇аг̇анд̇харасаподтаб̣б̣анд̇и имам̣ д̣̇асавид̇хам̣ бан̣н̣аагаарам̣ аад̣̇ааяа маад̇аабид̇удтаанз тид̇аани бун̃н̃аани абхинанд̣̇анд̇аани бадиг̇г̇ан̣ханд̇и. бияам̣ н̃аад̇ийваад̇и ид̇халогз бияан̃аад̇агам̣ ааг̇ад̇ам̣ сзсан̃аад̇агаа вияаад̇и ад̇т̇о.

Tattha cirappavāsinti cirappavuṭṭhaṃ. Dūrato sotthimāgatanti vaṇijjaṃ vā rājaporisaṃ vā katvā laddhalābhaṃ nipphannasampattiṃ anupaddavena dūraṭṭhānato āgataṃ. Ñātimittā suhajjā cāti kulasambandhavasena ñātī ca sandiṭṭhādibhāvena mittā ca suhadayabhāvena suhajjā ca. Abhinandanti āgatanti naṃ disvā āgatanti vacanamattena vā añjalikaraṇamattena vā gehasampattaṃ pana nānappakārapaṇṇākārābhiharaṇavasena abhinandanti. Tathevāti tenevākārena katapuññampi puggalaṃ imasmā lokā paralokaṃ gataṃ dibbaṃ āyuvaṇṇasukhayasaādhipateyyaṃ, dibbaṃ rūpasaddagandharasaphoṭṭhabbanti imaṃ dasavidhaṃ paṇṇākāraṃ ādāya mātāpituṭṭhāne ṭhitāni puññāni abhinandantāni paṭiggaṇhanti. Piyaṃ ñātīvāti idhaloke piyañātakaṃ āgataṃ sesañātakā viyāti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

нанд̣̇ияавад̇т̇у навамам̣.

Nandiyavatthu navamaṃ.

бияаваг̇г̇аван̣н̣анаа нидтид̇аа.

Piyavaggavaṇṇanā niṭṭhitā.

сол̣асамо ваг̇г̇о.

Soḷasamo vaggo.

Next: 17. год̇хаваг̇г̇о • 17. Kodhavaggo

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 16. бияаваг̇г̇о • 16. Piyavaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact