| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. பொக்க²ரணீஸுத்தங்
2. Pokkharaṇīsuttaṃ
1122. ‘‘ஸெய்யதா²பி, பி⁴க்க²வே, பொக்க²ரணீ பஞ்ஞாஸயோஜனானி ஆயாமேன, பஞ்ஞாஸயோஜனானி வித்தா²ரேன, பஞ்ஞாஸயோஜனானி உப்³பே³தே⁴ன, புண்ணா உத³கஸ்ஸ ஸமதித்திகா காகபெய்யா. ததோ புரிஸோ குஸக்³கே³ன உத³கங் உத்³த⁴ரெய்ய. தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங் – யங் வா குஸக்³கே³ன உப்³ப⁴தங், யங் வா பொக்க²ரணியா உத³க’’ந்தி? ‘‘ஏததே³வ, ப⁴ந்தே, ப³ஹுதரங், யதி³த³ங் – பொக்க²ரணியா உத³கங்; அப்பமத்தகங் குஸக்³கே³ன உத³கங் உப்³ப⁴தங். ஸங்க²ம்பி ந உபேதி, உபனித⁴ம்பி ந உபேதி, கலபா⁴க³ம்பி ந உபேதி பொக்க²ரணியா உத³கங் உபனிதா⁴ய குஸக்³கே³ன உத³கங் உப்³ப⁴த’’ந்தி. ‘‘ஏவமேவ கோ², பி⁴க்க²வே, அரியஸாவகஸ்ஸ…பே॰… யோகோ³ கரணீயோ’’தி. து³தியங்.
1122. ‘‘Seyyathāpi, bhikkhave, pokkharaṇī paññāsayojanāni āyāmena, paññāsayojanāni vitthārena, paññāsayojanāni ubbedhena, puṇṇā udakassa samatittikā kākapeyyā. Tato puriso kusaggena udakaṃ uddhareyya. Taṃ kiṃ maññatha, bhikkhave, katamaṃ nu kho bahutaraṃ – yaṃ vā kusaggena ubbhataṃ, yaṃ vā pokkharaṇiyā udaka’’nti? ‘‘Etadeva, bhante, bahutaraṃ, yadidaṃ – pokkharaṇiyā udakaṃ; appamattakaṃ kusaggena udakaṃ ubbhataṃ. Saṅkhampi na upeti, upanidhampi na upeti, kalabhāgampi na upeti pokkharaṇiyā udakaṃ upanidhāya kusaggena udakaṃ ubbhata’’nti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Dutiyaṃ.
