| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. богкаран̣ийсуд̇д̇ам̣
2. Pokkharaṇīsuttaṃ
75. саавад̇т̇ияам̣ вихарад̇и…бз… ‘‘сзяяат̇ааби, бхигкавз, богкаран̣ий бан̃н̃аасаяож̇анаани ааяаамзна бан̃н̃аасаяож̇анаани вид̇т̇аарзна бан̃н̃аасаяож̇анаани уб̣б̣зд̇хзна, бун̣н̣аа уд̣̇агасса самад̇ид̇д̇игаа гаагабзяяаа. д̇ад̇о бурисо гусаг̇г̇зна уд̣̇агам̣ уд̣̇д̇харзяяа. д̇ам̣ гим̣ ман̃н̃ат̇а, бхигкавз , гад̇амам̣ ну ко б̣ахуд̇арам̣, яам̣ ваа гусаг̇г̇зна уд̣̇агам̣ уб̣бхад̇ам̣ яам̣ ваа богкаран̣ияаа уд̣̇ага’’нд̇и?
75. Sāvatthiyaṃ viharati…pe… ‘‘seyyathāpi, bhikkhave, pokkharaṇī paññāsayojanāni āyāmena paññāsayojanāni vitthārena paññāsayojanāni ubbedhena, puṇṇā udakassa samatittikā kākapeyyā. Tato puriso kusaggena udakaṃ uddhareyya. Taṃ kiṃ maññatha, bhikkhave , katamaṃ nu kho bahutaraṃ, yaṃ vā kusaggena udakaṃ ubbhataṃ yaṃ vā pokkharaṇiyā udaka’’nti?
‘‘зд̇ад̣̇зва, бханд̇з, б̣ахуд̇арам̣, яад̣̇ид̣̇ам̣ богкаран̣ияаа уд̣̇агам̣. аббамад̇д̇агам̣ гусаг̇г̇зна уд̣̇агам̣ уб̣бхад̇ам̣. нзва сад̇имам̣ галам̣ убзд̇и на сахассимам̣ галам̣ убзд̇и на сад̇асахассимам̣ галам̣ убзд̇и богкаран̣ияаа уд̣̇агам̣ убанид̇хааяа гусаг̇г̇зна уд̣̇агам̣ уб̣бхад̇а’’нд̇и. ‘‘звамзва ко, бхигкавз, арияасаавагасса д̣̇идтисамбаннасса буг̇г̇аласса абхисамзд̇аавино зд̇ад̣̇зва б̣ахуд̇арам̣ д̣̇угкам̣ яад̣̇ид̣̇ам̣ баригкийн̣ам̣ барияаад̣̇ин̣н̣ам̣; аббамад̇д̇агам̣ авасидтам̣. нзва сад̇имам̣ галам̣ убзд̇и на сахассимам̣ галам̣ убзд̇и на сад̇асахассимам̣ галам̣ убзд̇и буримам̣ д̣̇угкагканд̇хам̣ баригкийн̣ам̣ барияаад̣̇ин̣н̣ам̣ убанид̇хааяа, яад̣̇ид̣̇ам̣ сад̇д̇агкад̇д̇ум̣барамад̇аа. звам̣ махад̇т̇ияо ко, бхигкавз, д̇хаммаабхисамаяо; звам̣ махад̇т̇ияо д̇хаммажагкубадилаабхо’’д̇и. д̣̇уд̇ияам̣.
‘‘Etadeva, bhante, bahutaraṃ, yadidaṃ pokkharaṇiyā udakaṃ. Appamattakaṃ kusaggena udakaṃ ubbhataṃ. Neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti pokkharaṇiyā udakaṃ upanidhāya kusaggena udakaṃ ubbhata’’nti. ‘‘Evameva kho, bhikkhave, ariyasāvakassa diṭṭhisampannassa puggalassa abhisametāvino etadeva bahutaraṃ dukkhaṃ yadidaṃ parikkhīṇaṃ pariyādiṇṇaṃ; appamattakaṃ avasiṭṭhaṃ. Neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti purimaṃ dukkhakkhandhaṃ parikkhīṇaṃ pariyādiṇṇaṃ upanidhāya, yadidaṃ sattakkhattuṃparamatā. Evaṃ mahatthiyo kho, bhikkhave, dhammābhisamayo; evaṃ mahatthiyo dhammacakkhupaṭilābho’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. богкаран̣ийсуд̇д̇аван̣н̣анаа • 2. Pokkharaṇīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. богкаран̣ийсуд̇д̇аван̣н̣анаа • 2. Pokkharaṇīsuttavaṇṇanā
