| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. богкаран̣ийсуд̇д̇ам̣
2. Pokkharaṇīsuttaṃ
1122. ‘‘сзяяат̇ааби, бхигкавз, богкаран̣ий бан̃н̃аасаяож̇анаани ааяаамзна, бан̃н̃аасаяож̇анаани вид̇т̇аарзна, бан̃н̃аасаяож̇анаани уб̣б̣зд̇хзна, бун̣н̣аа уд̣̇агасса самад̇ид̇д̇игаа гаагабзяяаа. д̇ад̇о бурисо гусаг̇г̇зна уд̣̇агам̣ уд̣̇д̇харзяяа. д̇ам̣ гим̣ ман̃н̃ат̇а, бхигкавз, гад̇амам̣ ну ко б̣ахуд̇арам̣ – яам̣ ваа гусаг̇г̇зна уб̣бхад̇ам̣, яам̣ ваа богкаран̣ияаа уд̣̇ага’’нд̇и? ‘‘зд̇ад̣̇зва, бханд̇з, б̣ахуд̇арам̣, яад̣̇ид̣̇ам̣ – богкаран̣ияаа уд̣̇агам̣; аббамад̇д̇агам̣ гусаг̇г̇зна уд̣̇агам̣ уб̣бхад̇ам̣. сан̇камби на убзд̇и, убанид̇хамби на убзд̇и, галабхааг̇амби на убзд̇и богкаран̣ияаа уд̣̇агам̣ убанид̇хааяа гусаг̇г̇зна уд̣̇агам̣ уб̣бхад̇а’’нд̇и. ‘‘звамзва ко, бхигкавз, арияасаавагасса…бз… яог̇о гаран̣ийяо’’д̇и. д̣̇уд̇ияам̣.
1122. ‘‘Seyyathāpi, bhikkhave, pokkharaṇī paññāsayojanāni āyāmena, paññāsayojanāni vitthārena, paññāsayojanāni ubbedhena, puṇṇā udakassa samatittikā kākapeyyā. Tato puriso kusaggena udakaṃ uddhareyya. Taṃ kiṃ maññatha, bhikkhave, katamaṃ nu kho bahutaraṃ – yaṃ vā kusaggena ubbhataṃ, yaṃ vā pokkharaṇiyā udaka’’nti? ‘‘Etadeva, bhante, bahutaraṃ, yadidaṃ – pokkharaṇiyā udakaṃ; appamattakaṃ kusaggena udakaṃ ubbhataṃ. Saṅkhampi na upeti, upanidhampi na upeti, kalabhāgampi na upeti pokkharaṇiyā udakaṃ upanidhāya kusaggena udakaṃ ubbhata’’nti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Dutiyaṃ.
