| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਪੋਕ੍ਖਰਣੀਸੁਤ੍ਤਂ
2. Pokkharaṇīsuttaṃ
੭੫. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਸੇਯ੍ਯਥਾਪਿ, ਭਿਕ੍ਖવੇ, ਪੋਕ੍ਖਰਣੀ ਪਞ੍ਞਾਸਯੋਜਨਾਨਿ ਆਯਾਮੇਨ ਪਞ੍ਞਾਸਯੋਜਨਾਨਿ વਿਤ੍ਥਾਰੇਨ ਪਞ੍ਞਾਸਯੋਜਨਾਨਿ ਉਬ੍ਬੇਧੇਨ, ਪੁਣ੍ਣਾ ਉਦਕਸ੍ਸ ਸਮਤਿਤ੍ਤਿਕਾ ਕਾਕਪੇਯ੍ਯਾ। ਤਤੋ ਪੁਰਿਸੋ ਕੁਸਗ੍ਗੇਨ ਉਦਕਂ ਉਦ੍ਧਰੇਯ੍ਯ। ਤਂ ਕਿਂ ਮਞ੍ਞਥ, ਭਿਕ੍ਖવੇ , ਕਤਮਂ ਨੁ ਖੋ ਬਹੁਤਰਂ, ਯਂ વਾ ਕੁਸਗ੍ਗੇਨ ਉਦਕਂ ਉਬ੍ਭਤਂ ਯਂ વਾ ਪੋਕ੍ਖਰਣਿਯਾ ਉਦਕ’’ਨ੍ਤਿ?
75. Sāvatthiyaṃ viharati…pe… ‘‘seyyathāpi, bhikkhave, pokkharaṇī paññāsayojanāni āyāmena paññāsayojanāni vitthārena paññāsayojanāni ubbedhena, puṇṇā udakassa samatittikā kākapeyyā. Tato puriso kusaggena udakaṃ uddhareyya. Taṃ kiṃ maññatha, bhikkhave , katamaṃ nu kho bahutaraṃ, yaṃ vā kusaggena udakaṃ ubbhataṃ yaṃ vā pokkharaṇiyā udaka’’nti?
‘‘ਏਤਦੇવ, ਭਨ੍ਤੇ, ਬਹੁਤਰਂ, ਯਦਿਦਂ ਪੋਕ੍ਖਰਣਿਯਾ ਉਦਕਂ। ਅਪ੍ਪਮਤ੍ਤਕਂ ਕੁਸਗ੍ਗੇਨ ਉਦਕਂ ਉਬ੍ਭਤਂ। ਨੇવ ਸਤਿਮਂ ਕਲਂ ਉਪੇਤਿ ਨ ਸਹਸ੍ਸਿਮਂ ਕਲਂ ਉਪੇਤਿ ਨ ਸਤਸਹਸ੍ਸਿਮਂ ਕਲਂ ਉਪੇਤਿ ਪੋਕ੍ਖਰਣਿਯਾ ਉਦਕਂ ਉਪਨਿਧਾਯ ਕੁਸਗ੍ਗੇਨ ਉਦਕਂ ਉਬ੍ਭਤ’’ਨ੍ਤਿ। ‘‘ਏવਮੇવ ਖੋ, ਭਿਕ੍ਖવੇ, ਅਰਿਯਸਾવਕਸ੍ਸ ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਅਭਿਸਮੇਤਾવਿਨੋ ਏਤਦੇવ ਬਹੁਤਰਂ ਦੁਕ੍ਖਂ ਯਦਿਦਂ ਪਰਿਕ੍ਖੀਣਂ ਪਰਿਯਾਦਿਣ੍ਣਂ; ਅਪ੍ਪਮਤ੍ਤਕਂ ਅવਸਿਟ੍ਠਂ। ਨੇવ ਸਤਿਮਂ ਕਲਂ ਉਪੇਤਿ ਨ ਸਹਸ੍ਸਿਮਂ ਕਲਂ ਉਪੇਤਿ ਨ ਸਤਸਹਸ੍ਸਿਮਂ ਕਲਂ ਉਪੇਤਿ ਪੁਰਿਮਂ ਦੁਕ੍ਖਕ੍ਖਨ੍ਧਂ ਪਰਿਕ੍ਖੀਣਂ ਪਰਿਯਾਦਿਣ੍ਣਂ ਉਪਨਿਧਾਯ, ਯਦਿਦਂ ਸਤ੍ਤਕ੍ਖਤ੍ਤੁਂਪਰਮਤਾ। ਏવਂ ਮਹਤ੍ਥਿਯੋ ਖੋ, ਭਿਕ੍ਖવੇ, ਧਮ੍ਮਾਭਿਸਮਯੋ; ਏવਂ ਮਹਤ੍ਥਿਯੋ ਧਮ੍ਮਚਕ੍ਖੁਪਟਿਲਾਭੋ’’ਤਿ। ਦੁਤਿਯਂ।
‘‘Etadeva, bhante, bahutaraṃ, yadidaṃ pokkharaṇiyā udakaṃ. Appamattakaṃ kusaggena udakaṃ ubbhataṃ. Neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti pokkharaṇiyā udakaṃ upanidhāya kusaggena udakaṃ ubbhata’’nti. ‘‘Evameva kho, bhikkhave, ariyasāvakassa diṭṭhisampannassa puggalassa abhisametāvino etadeva bahutaraṃ dukkhaṃ yadidaṃ parikkhīṇaṃ pariyādiṇṇaṃ; appamattakaṃ avasiṭṭhaṃ. Neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti purimaṃ dukkhakkhandhaṃ parikkhīṇaṃ pariyādiṇṇaṃ upanidhāya, yadidaṃ sattakkhattuṃparamatā. Evaṃ mahatthiyo kho, bhikkhave, dhammābhisamayo; evaṃ mahatthiyo dhammacakkhupaṭilābho’’ti. Dutiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਪੋਕ੍ਖਰਣੀਸੁਤ੍ਤવਣ੍ਣਨਾ • 2. Pokkharaṇīsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਪੋਕ੍ਖਰਣੀਸੁਤ੍ਤવਣ੍ਣਨਾ • 2. Pokkharaṇīsuttavaṇṇanā
