Library / Tipiṭaka / තිපිටක • Tipiṭaka / සුත්‌තනිපාතපාළි • Suttanipātapāḷi

    14. පොසාලමාණවපුච්‌ඡා

    14. Posālamāṇavapucchā

    1118.

    1118.

    ‘‘යො අතීතං ආදිසති, (ඉච්‌චායස්‌මා පොසාලො) අනෙජො ඡින්‌නසංසයො;

    ‘‘Yo atītaṃ ādisati, (iccāyasmā posālo) anejo chinnasaṃsayo;

    පාරගුං සබ්‌බධම්‌මානං, අත්‌ථි පඤ්‌හෙන ආගමං.

    Pāraguṃ sabbadhammānaṃ, atthi pañhena āgamaṃ.

    1119.

    1119.

    ‘‘විභූතරූපසඤ්‌ඤිස්‌ස , සබ්‌බකායප්‌පහායිනො;

    ‘‘Vibhūtarūpasaññissa , sabbakāyappahāyino;

    අජ්‌ඣත්‌තඤ්‌ච බහිද්‌ධා ච, නත්‌ථි කිඤ්‌චීති පස්‌සතො;

    Ajjhattañca bahiddhā ca, natthi kiñcīti passato;

    ඤාණං සක්‌කානුපුච්‌ඡාමි, කථං නෙය්‍යො තථාවිධො’’.

    Ñāṇaṃ sakkānupucchāmi, kathaṃ neyyo tathāvidho’’.

    1120.

    1120.

    ‘‘විඤ්‌ඤාණට්‌ඨිතියො සබ්‌බා, (පොසාලාති භගවා) අභිජානං තථාගතො;

    ‘‘Viññāṇaṭṭhitiyo sabbā, (posālāti bhagavā) abhijānaṃ tathāgato;

    තිට්‌ඨන්‌තමෙනං ජානාති, විමුත්‌තං තප්‌පරායණං.

    Tiṭṭhantamenaṃ jānāti, vimuttaṃ tapparāyaṇaṃ.

    1121.

    1121.

    ‘‘ආකිඤ්‌චඤ්‌ඤසම්‌භවං ඤත්‌වා, නන්‌දී සංයොජනං ඉති;

    ‘‘Ākiñcaññasambhavaṃ ñatvā, nandī saṃyojanaṃ iti;

    එවමෙතං අභිඤ්‌ඤාය, තතො තත්‌ථ විපස්‌සති;

    Evametaṃ abhiññāya, tato tattha vipassati;

    එතං 1 ඤාණං තථං තස්‌ස, බ්‍රාහ්‌මණස්‌ස වුසීමතො’’ති.

    Etaṃ 2 ñāṇaṃ tathaṃ tassa, brāhmaṇassa vusīmato’’ti.

    පොසාලමාණවපුච්‌ඡා චුද්‌දසමා නිට්‌ඨිතා.

    Posālamāṇavapucchā cuddasamā niṭṭhitā.







    Footnotes:
    1. එවං (ස්‍යා. ක.)
    2. evaṃ (syā. ka.)



    Related texts:



    අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / සුත්‌තනිපාත-අට්‌ඨකථා • Suttanipāta-aṭṭhakathā / 14. පොසාලසුත්‌තවණ්‌ණනා • 14. Posālasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact