| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
14. босааламаан̣авабужчаанид̣̇д̣̇зсо
14. Posālamāṇavapucchāniddeso
81.
81.
яо ад̇ийд̇ам̣ аад̣̇исад̇и, [ижжааяасмаа босаало]
Yoatītaṃ ādisati, [iccāyasmā posālo]
анзж̇о чиннасам̣саяо;
Anejo chinnasaṃsayo;
баараг̇ум̣ 1 саб̣б̣ад̇хаммаанам̣, ад̇т̇и бан̃хзна ааг̇амам̣.
Pāraguṃ2sabbadhammānaṃ, atthi pañhena āgamaṃ.
яо ад̇ийд̇ам̣ аад̣̇исад̇ийд̇и. яод̇и яо со бхаг̇аваа саяамбхуу. анаажарияаго буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхи, д̇ад̇т̇а жа саб̣б̣ан̃н̃уд̇ам̣ бад̇д̇о, б̣алзсу жа васийбхаавам̣. ад̇ийд̇ам̣ аад̣̇исад̇ийд̇и бхаг̇аваа ад̇д̇ано жа барзсан̃жа ад̇ийд̇амби аад̣̇исад̇и, анааг̇ад̇амби аад̣̇исад̇и, бажжуббаннамби аад̣̇исад̇и.
Yo atītaṃ ādisatīti. Yoti yo so bhagavā sayambhū. Anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ patto, balesu ca vasībhāvaṃ. Atītaṃ ādisatīti bhagavā attano ca paresañca atītampi ādisati, anāgatampi ādisati, paccuppannampi ādisati.
гат̇ам̣ бхаг̇аваа ад̇д̇ано ад̇ийд̇ам̣ аад̣̇исад̇и? бхаг̇аваа ад̇д̇ано ад̇ийд̇ам̣ згамби ж̇аад̇им̣ аад̣̇исад̇и, д̣̇взби ж̇аад̇ияо аад̣̇исад̇и, д̇иссоби ж̇аад̇ияо аад̣̇исад̇и, жад̇ассоби ж̇аад̇ияо аад̣̇исад̇и, бан̃жаби ж̇аад̇ияо аад̣̇исад̇и, д̣̇асаби ж̇аад̇ияо аад̣̇исад̇и, вийсамби ж̇аад̇ияо аад̣̇исад̇и, д̇им̣самби ж̇аад̇ияо аад̣̇исад̇и, жад̇д̇аалийсамби ж̇аад̇ияо аад̣̇исад̇и , бан̃н̃аасамби ж̇аад̇ияо аад̣̇исад̇и, ж̇аад̇исад̇амби…бз… ж̇аад̇исахассамби… ж̇аад̇исад̇асахассамби… анзгзби сам̣ваддагаббз… анзгзби виваддагаббз… анзгзби сам̣ваддавиваддагаббз аад̣̇исад̇и – ‘‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ аад̣̇исад̇и. звам̣ бхаг̇аваа ад̇д̇ано ад̇ийд̇ам̣ аад̣̇исад̇и.
Kathaṃ bhagavā attano atītaṃ ādisati? Bhagavā attano atītaṃ ekampi jātiṃ ādisati, dvepi jātiyo ādisati, tissopi jātiyo ādisati, catassopi jātiyo ādisati, pañcapi jātiyo ādisati, dasapi jātiyo ādisati, vīsampi jātiyo ādisati, tiṃsampi jātiyo ādisati, cattālīsampi jātiyo ādisati , paññāsampi jātiyo ādisati, jātisatampi…pe… jātisahassampi… jātisatasahassampi… anekepi saṃvaṭṭakappe… anekepi vivaṭṭakappe… anekepi saṃvaṭṭavivaṭṭakappe ādisati – ‘‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapanno’’ti. Iti sākāraṃ sauddesaṃ anekavihitaṃ pubbenivāsaṃ ādisati. Evaṃ bhagavā attano atītaṃ ādisati.
гат̇ам̣ бхаг̇аваа барзсам̣ ад̇ийд̇ам̣ аад̣̇исад̇и? бхаг̇аваа барзсам̣ ад̇ийд̇ам̣ згамби ж̇аад̇им̣ аад̣̇исад̇и, д̣̇взби ж̇аад̇ияо аад̣̇исад̇и…бз… анзгзби сам̣ваддавиваддагаббз аад̣̇исад̇и – ‘‘амуд̇рааси звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇и; д̇ад̇раабааси звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ аад̣̇исад̇и. звам̣ бхаг̇аваа барзсам̣ ад̇ийд̇ам̣ аад̣̇исад̇и.
Kathaṃ bhagavā paresaṃ atītaṃ ādisati? Bhagavā paresaṃ atītaṃ ekampi jātiṃ ādisati, dvepi jātiyo ādisati…pe… anekepi saṃvaṭṭavivaṭṭakappe ādisati – ‘‘amutrāsi evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādi; tatrāpāsi evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapanno’’ti. Iti sākāraṃ sauddesaṃ anekavihitaṃ pubbenivāsaṃ ādisati. Evaṃ bhagavā paresaṃ atītaṃ ādisati.
бхаг̇аваа бан̃жа ж̇аад̇агасад̇аани бхаасанд̇о ад̇д̇ано жа барзсан̃жа ад̇ийд̇ам̣ аад̣̇исад̇и, махаабад̣̇аанияасуд̇д̇анд̇ам̣ 3 бхаасанд̇о ад̇д̇ано жа барзсан̃жа ад̇ийд̇ам̣ аад̣̇исад̇и, махаасуд̣̇ассанияасуд̇д̇анд̇ам̣ бхаасанд̇о ад̇д̇ано жа барзсан̃жа ад̇ийд̇ам̣ аад̣̇исад̇и, махааг̇овинд̣̇ияасуд̇д̇анд̇ам̣ бхаасанд̇о ад̇д̇ано жа барзсан̃жа ад̇ийд̇ам̣ аад̣̇исад̇и, магхад̣̇звияасуд̇д̇анд̇ам̣ бхаасанд̇о ад̇д̇ано жа барзсан̃жа ад̇ийд̇ам̣ аад̣̇исад̇и.
Bhagavā pañca jātakasatāni bhāsanto attano ca paresañca atītaṃ ādisati, mahāpadāniyasuttantaṃ 4 bhāsanto attano ca paresañca atītaṃ ādisati, mahāsudassaniyasuttantaṃ bhāsanto attano ca paresañca atītaṃ ādisati, mahāgovindiyasuttantaṃ bhāsanto attano ca paresañca atītaṃ ādisati, maghadeviyasuttantaṃ bhāsanto attano ca paresañca atītaṃ ādisati.
вуд̇д̇ан̃хзд̇ам̣ бхаг̇авад̇аа – ‘‘ад̇ийд̇ам̣ ко, жунд̣̇а, ад̣̇д̇хаанам̣ аараб̣бха д̇ат̇ааг̇ад̇асса сад̇аанусаарин̃аан̣ам̣ 5 ход̇и. со яаавад̇агам̣ ааган̇кад̇и д̇аавад̇агам̣ ануссарад̇и. анааг̇ад̇ан̃жа ко, жунд̣̇а…бз… бажжуббаннан̃жа ко, жунд̣̇а, ад̣̇д̇хаанам̣ аараб̣бха д̇ат̇ааг̇ад̇асса б̣од̇хиж̇ам̣ н̃аан̣ам̣ уббаж̇ж̇ад̇и – ‘аяаманд̇имаа ж̇аад̇и, над̇т̇ид̣̇аани бунаб̣бхаво’’’д̇и.
Vuttañhetaṃ bhagavatā – ‘‘atītaṃ kho, cunda, addhānaṃ ārabbha tathāgatassa satānusāriñāṇaṃ 6 hoti. So yāvatakaṃ ākaṅkhati tāvatakaṃ anussarati. Anāgatañca kho, cunda…pe… paccuppannañca kho, cunda, addhānaṃ ārabbha tathāgatassa bodhijaṃ ñāṇaṃ uppajjati – ‘ayamantimā jāti, natthidāni punabbhavo’’’ti.
инд̣̇рияабаробарияад̇д̇ан̃аан̣ам̣ 7 д̇ат̇ааг̇ад̇асса д̇ат̇ааг̇ад̇аб̣алам̣, сад̇д̇аанам̣ аасаяаанусаяан̃аан̣ам̣ д̇ат̇ааг̇ад̇асса д̇ат̇ааг̇ад̇аб̣алам̣, яамагабаадихийрз н̃аан̣ам̣ 8 д̇ат̇ааг̇ад̇асса д̇ат̇ааг̇ад̇аб̣алам̣, махаагарун̣аасамаабад̇д̇ияаа н̃аан̣ам̣ д̇ат̇ааг̇ад̇асса д̇ат̇ааг̇ад̇аб̣алам̣, саб̣б̣ан̃н̃уд̇ан̃аан̣ам̣ д̇ат̇ааг̇ад̇асса д̇ат̇ааг̇ад̇аб̣алам̣, анааваран̣ан̃аан̣ам̣ д̇ат̇ааг̇ад̇асса д̇ат̇ааг̇ад̇аб̣алам̣, саб̣б̣ад̇т̇а асан̇г̇амаббадихад̇аманааваран̣ан̃аан̣ам̣ д̇ат̇ааг̇ад̇асса д̇ат̇ааг̇ад̇аб̣алам̣. звам̣ бхаг̇аваа ад̇д̇ано жа барзсан̃жа ад̇ийд̇амби аад̣̇исад̇и анааг̇ад̇амби аад̣̇исад̇и бажжуббаннамби аад̣̇исад̇и аажигкад̇и д̣̇зсзд̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и багаасзд̇ийд̇и – яо ад̇ийд̇ам̣ аад̣̇исад̇и.
Indriyaparopariyattañāṇaṃ 9 tathāgatassa tathāgatabalaṃ, sattānaṃ āsayānusayañāṇaṃ tathāgatassa tathāgatabalaṃ, yamakapāṭihīre ñāṇaṃ 10 tathāgatassa tathāgatabalaṃ, mahākaruṇāsamāpattiyā ñāṇaṃ tathāgatassa tathāgatabalaṃ, sabbaññutañāṇaṃ tathāgatassa tathāgatabalaṃ, anāvaraṇañāṇaṃ tathāgatassa tathāgatabalaṃ, sabbattha asaṅgamappaṭihatamanāvaraṇañāṇaṃ tathāgatassa tathāgatabalaṃ. Evaṃ bhagavā attano ca paresañca atītampi ādisati anāgatampi ādisati paccuppannampi ādisati ācikkhati deseti paññapeti paṭṭhapeti vivarati vibhajati uttānīkaroti pakāsetīti – yo atītaṃ ādisati.
ижжааяасмаа босаалод̇и. ижжаад̇и бад̣̇асанд̇хи…бз… ааяасмаад̇и бияаважанам̣…бз… босаалод̇и д̇асса б̣раахман̣асса наамам̣…бз… абхилаабод̇и – ижжааяасмаа босаало.
Iccāyasmā posāloti. Iccāti padasandhi…pe… āyasmāti piyavacanaṃ…pe… posāloti tassa brāhmaṇassa nāmaṃ…pe… abhilāpoti – iccāyasmā posālo.
анзж̇о чиннасам̣саяод̇и зж̇аа вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. саа зж̇аа д̇ан̣хаа б̣уд̣̇д̇хасса бхаг̇авад̇о бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇асмаа б̣уд̣̇д̇хо анзж̇о. зж̇ааяа бахийнад̇д̇аа анзж̇о. бхаг̇аваа лаабхзби на ин̃ж̇ад̇и…бз… д̣̇угкзби на ин̃ж̇ад̇и на жалад̇и на взд̇хад̇и наббавзд̇хад̇и на самбавзд̇хад̇ийд̇и анзж̇о. чиннасам̣саяод̇и сам̣саяо вужжад̇и вижигижчаа. д̣̇угкз ган̇каа…бз… чамбхид̇ад̇д̇ам̣ жид̇д̇асса мановилзко. со сам̣саяо б̣уд̣̇д̇хасса бхаг̇авад̇о бахийно чинно ужчинно самужчинно вуубасанд̇о бадиниссаг̇г̇о бадиббассад̣̇д̇хо абхаб̣б̣уббад̇д̇иго н̃аан̣аг̇г̇инаа д̣̇ад̣дхо. д̇асмаа б̣уд̣̇д̇хо чиннасам̣саяод̇и – анзж̇о чиннасам̣саяо.
Anejo chinnasaṃsayoti ejā vuccati taṇhā. Yo rāgo sārāgo…pe… abhijjhā lobho akusalamūlaṃ. Sā ejā taṇhā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho anejo. Ejāya pahīnattā anejo. Bhagavā lābhepi na iñjati…pe… dukkhepi na iñjati na calati na vedhati nappavedhati na sampavedhatīti anejo. Chinnasaṃsayoti saṃsayo vuccati vicikicchā. Dukkhe kaṅkhā…pe… chambhitattaṃ cittassa manovilekho. So saṃsayo buddhassa bhagavato pahīno chinno ucchinno samucchinno vūpasanto paṭinissaggo paṭippassaddho abhabbuppattiko ñāṇagginā daḍḍho. Tasmā buddho chinnasaṃsayoti – anejo chinnasaṃsayo.
баараг̇ум̣ саб̣б̣ад̇хаммаананд̇и бхаг̇аваа саб̣б̣ад̇хаммаанам̣ абхин̃н̃аабаараг̇уу барин̃н̃аабаараг̇уу бахаанабаараг̇уу бхааванаабаараг̇уу сажчигирияаабаараг̇уу самаабад̇д̇ибаараг̇уу абхин̃н̃аабаараг̇уу саб̣б̣ад̇хаммаанам̣…бз… ж̇аад̇имаран̣асам̣сааро над̇т̇и д̇асса бунаб̣бхавод̇и – баараг̇уу саб̣б̣ад̇хаммаанам̣.
Pāraguṃsabbadhammānanti bhagavā sabbadhammānaṃ abhiññāpāragū pariññāpāragū pahānapāragū bhāvanāpāragū sacchikiriyāpāragū samāpattipāragū abhiññāpāragū sabbadhammānaṃ…pe… jātimaraṇasaṃsāro natthi tassa punabbhavoti – pāragū sabbadhammānaṃ.
ад̇т̇и бан̃хзна ааг̇аманд̇и бан̃хзна ад̇т̇иго ааг̇ад̇омхи…бз… ‘‘вахассзд̇ам̣ бхаара’’нд̇и – ад̇т̇и бан̃хзна ааг̇амам̣. д̇знааха со б̣раахман̣о –
Atthi pañhena āgamanti pañhena atthiko āgatomhi…pe… ‘‘vahassetaṃ bhāra’’nti – atthi pañhena āgamaṃ. Tenāha so brāhmaṇo –
‘‘яо ад̇ийд̇ам̣ аад̣̇исад̇и, [ижжааяасмаа босаало]
‘‘Yo atītaṃ ādisati, [iccāyasmā posālo]
анзж̇о чиннасам̣саяо;
Anejo chinnasaṃsayo;
баараг̇ум̣ саб̣б̣ад̇хаммаанам̣, ад̇т̇и бан̃хзна ааг̇ама’’нд̇и.
Pāraguṃ sabbadhammānaṃ, atthi pañhena āgama’’nti.
82.
82.
вибхууд̇аруубасан̃н̃исса, саб̣б̣агааяаббахааяино;
Vibhūtarūpasaññissa, sabbakāyappahāyino;
аж̇жхад̇д̇ан̃жа б̣ахид̣̇д̇хаа жа, над̇т̇и гин̃жийд̇и бассад̇о;
Ajjhattañca bahiddhā ca, natthi kiñcīti passato;
н̃аан̣ам̣ саггаанубужчаами, гат̇ам̣ нзяяо д̇ат̇аавид̇хо.
Ñāṇaṃsakkānupucchāmi, kathaṃ neyyo tathāvidho.
вибхууд̇аруубасан̃н̃иссаад̇и гад̇амаа руубасан̃н̃аа? руубааважарасамаабад̇д̇им̣ самаабаннасса ваа убабаннасса ваа д̣̇идтад̇хаммасукавихаарисса ваа сан̃н̃аа сан̃ж̇аананаа сан̃ж̇аанид̇ад̇д̇ам̣ – аяам̣ руубасан̃н̃аа. вибхууд̇аруубасан̃н̃иссаад̇и жад̇ассо аруубасамаабад̇д̇ияо бадилад̣̇д̇хасса 11 руубасан̃н̃аа вибхууд̇аа хонд̇и виг̇ад̇аа ад̇игганд̇аа самад̇игганд̇аа вийд̇ивад̇д̇аад̇и – вибхууд̇аруубасан̃н̃исса.
Vibhūtarūpasaññissāti katamā rūpasaññā? Rūpāvacarasamāpattiṃ samāpannassa vā upapannassa vā diṭṭhadhammasukhavihārissa vā saññā sañjānanā sañjānitattaṃ – ayaṃ rūpasaññā. Vibhūtarūpasaññissāti catasso arūpasamāpattiyo paṭiladdhassa 12 rūpasaññā vibhūtā honti vigatā atikkantā samatikkantā vītivattāti – vibhūtarūpasaññissa.
саб̣б̣агааяаббахааяинод̇и саб̣б̣о д̇асса бадисанд̇хиго руубагааяо бахийно, д̇ад̣̇ан̇г̇асамад̇иггамаа вигкамбханаббахаанзна бахийно д̇асса руубагааяод̇и – саб̣б̣агааяаббахааяино.
Sabbakāyappahāyinoti sabbo tassa paṭisandhiko rūpakāyo pahīno, tadaṅgasamatikkamā vikkhambhanappahānena pahīno tassa rūpakāyoti – sabbakāyappahāyino.
аж̇жхад̇д̇ан̃жа б̣ахид̣̇д̇хаа жа, над̇т̇и гин̃жийд̇и бассад̇од̇и. над̇т̇и гин̃жийд̇и аагин̃жан̃н̃ааяад̇анасамаабад̇д̇и. гим̣гааран̣аа? над̇т̇и гин̃жийд̇и аагин̃жан̃н̃ааяад̇анасамаабад̇д̇и. яам̣ вин̃н̃аан̣ан̃жааяад̇анасамаабад̇д̇им̣ сад̇о самаабаж̇ж̇ид̇ваа д̇ад̇о вудтахид̇ваа д̇ан̃н̃зва вин̃н̃аан̣ам̣ абхаавзд̇и, вибхаавзд̇и, анд̇арад̇хаабзд̇и, ‘‘над̇т̇и гин̃жий’’д̇и бассад̇и – д̇ам̣гааран̣аа над̇т̇и гин̃жийд̇и аагин̃жан̃н̃ааяад̇анасамаабад̇д̇ийд̇и – аж̇жхад̇д̇ан̃жа б̣ахид̣̇д̇хаа жа над̇т̇и гин̃жийд̇и бассад̇о.
Ajjhattañca bahiddhā ca, natthi kiñcīti passatoti. Natthi kiñcīti ākiñcaññāyatanasamāpatti. Kiṃkāraṇā? Natthi kiñcīti ākiñcaññāyatanasamāpatti. Yaṃ viññāṇañcāyatanasamāpattiṃ sato samāpajjitvā tato vuṭṭhahitvā taññeva viññāṇaṃ abhāveti, vibhāveti, antaradhāpeti, ‘‘natthi kiñcī’’ti passati – taṃkāraṇā natthi kiñcīti ākiñcaññāyatanasamāpattīti – ajjhattañca bahiddhā ca natthi kiñcīti passato.
н̃аан̣ам̣ саггаанубужчаамийд̇и. саггаад̇и – сагго. бхаг̇аваа сагяагулаа баб̣б̣аж̇ид̇од̇иби сагго …бз… бахийнабхаяабхзраво виг̇ад̇аломахам̣сод̇иби сагго. н̃аан̣ам̣ саггаанубужчаамийд̇и д̇асса н̃аан̣ам̣ бужчаами, бан̃н̃ам̣ бужчаами, самб̣уд̣̇д̇хам̣ бужчаами. ‘‘гийд̣̇исам̣ гим̣сан̣тид̇ам̣ гим̣багаарам̣ гим̣бадибхааг̇ам̣ н̃аан̣ам̣ ижчид̇аб̣б̣а’’нд̇и – н̃аан̣ам̣ саггаанубужчаами.
Ñāṇaṃ sakkānupucchāmīti. Sakkāti – sakko. Bhagavā sakyakulā pabbajitotipi sakko …pe… pahīnabhayabheravo vigatalomahaṃsotipi sakko. Ñāṇaṃ sakkānupucchāmīti tassa ñāṇaṃ pucchāmi, paññaṃ pucchāmi, sambuddhaṃ pucchāmi. ‘‘Kīdisaṃ kiṃsaṇṭhitaṃ kiṃpakāraṃ kiṃpaṭibhāgaṃ ñāṇaṃ icchitabba’’nti – ñāṇaṃ sakkānupucchāmi.
гат̇ам̣ нзяяо д̇ат̇аавид̇ход̇и гат̇ам̣ со нзд̇аб̣б̣о винзд̇аб̣б̣о анунзд̇аб̣б̣о бан̃н̃абзд̇аб̣б̣о ниж̇жхаабзд̇аб̣б̣о бзгкзд̇аб̣б̣о басаад̣̇зд̇аб̣б̣о? гат̇ам̣ д̇зна 13 уд̇д̇ари н̃аан̣ам̣ уббаад̣̇зд̇аб̣б̣ам̣? д̇ат̇аавид̇ход̇и д̇ат̇аавид̇хо д̇аад̣̇исо д̇ассан̣тид̇о д̇аббагааро д̇аббадибхааг̇о яо со аагин̃жан̃н̃ааяад̇анасамаабад̇д̇илаабхийд̇и – гат̇ам̣ нзяяо д̇ат̇аавид̇хо. д̇знааха со б̣раахман̣о –
Kathaṃ neyyo tathāvidhoti kathaṃ so netabbo vinetabbo anunetabbo paññapetabbo nijjhāpetabbo pekkhetabbo pasādetabbo? Kathaṃ tena 14 uttari ñāṇaṃ uppādetabbaṃ? Tathāvidhoti tathāvidho tādiso tassaṇṭhito tappakāro tappaṭibhāgo yo so ākiñcaññāyatanasamāpattilābhīti – kathaṃ neyyo tathāvidho. Tenāha so brāhmaṇo –
‘‘вибхууд̇аруубасан̃н̃исса, саб̣б̣агааяаббахааяино;
‘‘Vibhūtarūpasaññissa, sabbakāyappahāyino;
аж̇жхад̇д̇ан̃жа б̣ахид̣̇д̇хаа жа, над̇т̇и гин̃жийд̇и бассад̇о;
Ajjhattañca bahiddhā ca, natthi kiñcīti passato;
н̃аан̣ам̣ саггаанубужчаами, гат̇ам̣ нзяяо д̇ат̇аавид̇хо’’д̇и.
Ñāṇaṃ sakkānupucchāmi, kathaṃ neyyo tathāvidho’’ti.
83.
83.
вин̃н̃аан̣адтид̇ияо саб̣б̣аа, [босаалаад̇и бхаг̇аваа]
Viññāṇaṭṭhitiyo sabbā, [posālāti bhagavā]
абхиж̇аанам̣ д̇ат̇ааг̇ад̇о;
Abhijānaṃ tathāgato;
д̇идтанд̇амзнам̣ ж̇аанаад̇и, д̇химуд̇д̇ам̣ д̇аббарааяан̣ам̣;
Tiṭṭhantamenaṃ jānāti, dhimuttaṃ tapparāyaṇaṃ;
вин̃н̃аан̣адтид̇ияо саб̣б̣аад̇и бхаг̇аваа абхисан̇кааравасзна жад̇ассо вин̃н̃аан̣адтид̇ияо ж̇аанаад̇и, бадисанд̇хивасзна сад̇д̇а вин̃н̃аан̣адтид̇ияо ж̇аанаад̇и. гат̇ам̣ бхаг̇аваа абхисан̇кааравасзна жад̇ассо вин̃н̃аан̣адтид̇ияо ж̇аанаад̇и? вуд̇д̇ан̃хзд̇ам̣ бхаг̇авад̇аа – ‘‘руубубаяам̣ 15 ваа, бхигкавз, вин̃н̃аан̣ам̣ д̇идтамаанам̣ д̇идтзяяа 16, руубаарамман̣ам̣ руубаббад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇зяяа. взд̣̇анубаяам̣ ваа, бхигкавз…бз… сан̃н̃убаяам̣ ваа, бхигкавз…бз… сан̇каарубаяам̣ ваа, бхигкавз, вин̃н̃аан̣ам̣ д̇идтамаанам̣ д̇идтзяяа, сан̇каараарамман̣ам̣ сан̇каараббад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇зяяаа’’д̇и. звам̣ бхаг̇аваа абхисан̇кааравасзна жад̇ассо вин̃н̃аан̣адтид̇ияо ж̇аанаад̇и.
Viññāṇaṭṭhitiyo sabbāti bhagavā abhisaṅkhāravasena catasso viññāṇaṭṭhitiyo jānāti, paṭisandhivasena satta viññāṇaṭṭhitiyo jānāti. Kathaṃ bhagavā abhisaṅkhāravasena catasso viññāṇaṭṭhitiyo jānāti? Vuttañhetaṃ bhagavatā – ‘‘rūpupayaṃ 17 vā, bhikkhave, viññāṇaṃ tiṭṭhamānaṃ tiṭṭheyya 18, rūpārammaṇaṃ rūpappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjeyya. Vedanupayaṃ vā, bhikkhave…pe… saññupayaṃ vā, bhikkhave…pe… saṅkhārupayaṃ vā, bhikkhave, viññāṇaṃ tiṭṭhamānaṃ tiṭṭheyya, saṅkhārārammaṇaṃ saṅkhārappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjeyyā’’ti. Evaṃ bhagavā abhisaṅkhāravasena catasso viññāṇaṭṭhitiyo jānāti.
гат̇ам̣ бхаг̇аваа бадисанд̇хивасзна сад̇д̇а вин̃н̃аан̣адтид̇ияо ж̇аанаад̇и? вуд̇д̇ан̃хзд̇ам̣ бхаг̇авад̇аа – ‘‘санд̇и, бхигкавз, сад̇д̇аа наанад̇д̇агааяаа наанад̇д̇асан̃н̃ино – сзяяат̇ааби мануссаа згажжз жа д̣̇зваа згажжз жа винибаад̇игаа. аяам̣ батамаа вин̃н̃аан̣адтид̇и.
Kathaṃ bhagavā paṭisandhivasena satta viññāṇaṭṭhitiyo jānāti? Vuttañhetaṃ bhagavatā – ‘‘santi, bhikkhave, sattā nānattakāyā nānattasaññino – seyyathāpi manussā ekacce ca devā ekacce ca vinipātikā. Ayaṃ paṭhamā viññāṇaṭṭhiti.
‘‘санд̇и , бхигкавз, сад̇д̇аа наанад̇д̇агааяаа згад̇д̇асан̃н̃ино, сзяяат̇ааби д̣̇зваа б̣рахмагааяигаа батамаабхиниб̣б̣ад̇д̇аа. аяам̣ д̣̇уд̇ияаа вин̃н̃аан̣адтид̇и.
‘‘Santi , bhikkhave, sattā nānattakāyā ekattasaññino, seyyathāpi devā brahmakāyikā paṭhamābhinibbattā. Ayaṃ dutiyā viññāṇaṭṭhiti.
‘‘санд̇и, бхигкавз, сад̇д̇аа згад̇д̇агааяаа наанад̇д̇асан̃н̃ино, сзяяат̇ааби д̣̇зваа аабхассараа. аяам̣ д̇ад̇ияаа вин̃н̃аан̣адтид̇и.
‘‘Santi, bhikkhave, sattā ekattakāyā nānattasaññino, seyyathāpi devā ābhassarā. Ayaṃ tatiyā viññāṇaṭṭhiti.
‘‘санд̇и , бхигкавз, сад̇д̇аа згад̇д̇агааяаа згад̇д̇асан̃н̃ино, сзяяат̇ааби д̣̇зваа субхагин̣хаа. аяам̣ жад̇уд̇т̇ий 19 вин̃н̃аан̣адтид̇и.
‘‘Santi , bhikkhave, sattā ekattakāyā ekattasaññino, seyyathāpi devā subhakiṇhā. Ayaṃ catutthī 20 viññāṇaṭṭhiti.
‘‘санд̇и, бхигкавз, сад̇д̇аа саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа, ананд̇о аагаасод̇и аагаасаанан̃жааяад̇ануубаг̇аа. аяам̣ бан̃жамий 21 вин̃н̃аан̣адтид̇и.
‘‘Santi, bhikkhave, sattā sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā, ananto ākāsoti ākāsānañcāyatanūpagā. Ayaṃ pañcamī 22 viññāṇaṭṭhiti.
‘‘санд̇и, бхигкавз, сад̇д̇аа саб̣б̣асо аагаасаанан̃жааяад̇анам̣ самад̇иггамма, ананд̇ам̣ вин̃н̃аан̣анд̇и вин̃н̃аан̣ан̃жааяад̇ануубаг̇аа. аяам̣ чадтий 23 вин̃н̃аан̣адтид̇и.
‘‘Santi, bhikkhave, sattā sabbaso ākāsānañcāyatanaṃ samatikkamma, anantaṃ viññāṇanti viññāṇañcāyatanūpagā. Ayaṃ chaṭṭhī 24 viññāṇaṭṭhiti.
‘‘санд̇и, бхигкавз, сад̇д̇аа саб̣б̣асо вин̃н̃аан̣ан̃жааяад̇анам̣ самад̇иггамма, над̇т̇и гин̃жийд̇и аагин̃жан̃н̃ааяад̇ануубаг̇аа. аяам̣ сад̇д̇амий 25 вин̃н̃аан̣адтид̇и’’. звам̣ бхаг̇аваа бадисанд̇хивасзна сад̇д̇а вин̃н̃аан̣адтид̇ияо ж̇аанаад̇ийд̇и – вин̃н̃аан̣адтид̇ияо саб̣б̣аа.
‘‘Santi, bhikkhave, sattā sabbaso viññāṇañcāyatanaṃ samatikkamma, natthi kiñcīti ākiñcaññāyatanūpagā. Ayaṃ sattamī 26 viññāṇaṭṭhiti’’. Evaṃ bhagavā paṭisandhivasena satta viññāṇaṭṭhitiyo jānātīti – viññāṇaṭṭhitiyo sabbā.
босаалаад̇и бхаг̇аваад̇и. босаалаад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – босаалаад̇и бхаг̇аваа.
Posālāti bhagavāti. Posālāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – posālāti bhagavā.
абхиж̇аанам̣ д̇ат̇ааг̇ад̇од̇и. абхиж̇аананд̇и абхиж̇аананд̇о виж̇аананд̇о бадивиж̇аананд̇о бадивиж̇жханд̇о д̇ат̇ааг̇ад̇о. вуд̇д̇ан̃хзд̇ам̣ бхаг̇авад̇аа – ‘‘ад̇ийд̇ам̣ жзби ко, жунд̣̇а, ход̇и абхууд̇ам̣ ад̇ажчам̣ анад̇т̇асан̃хид̇ам̣, на д̇ам̣ д̇ат̇ааг̇ад̇о б̣яаагарод̇и. ад̇ийд̇ам̣ жзби, жунд̣̇а, ход̇и бхууд̇ам̣ д̇ажчам̣ анад̇т̇асан̃хид̇ам̣, д̇амби д̇ат̇ааг̇ад̇о на б̣яаагарод̇и. ад̇ийд̇ам̣ жзби ко, жунд̣̇а, ход̇и бхууд̇ам̣ д̇ажчам̣ ад̇т̇асан̃хид̇ам̣, д̇ад̇ра гаалан̃н̃уу д̇ат̇ааг̇ад̇о ход̇и д̇ассзва бан̃хасса взяяаагаран̣ааяа. анааг̇ад̇ам̣ жзби, жунд̣̇а, ход̇и…бз… бажжуббаннам̣ жзби, жунд̣̇а, ход̇и абхууд̇ам̣ ад̇ажчам̣ анад̇т̇асан̃хид̇ам̣, на д̇ам̣ д̇ат̇ааг̇ад̇о б̣яаагарод̇и. бажжуббаннам̣ жзби, жунд̣̇а, ход̇и бхууд̇ам̣ д̇ажчам̣ анад̇т̇асан̃хид̇ам̣, д̇амби д̇ат̇ааг̇ад̇о на б̣яаагарод̇и. бажжуббаннам̣ жзби, жунд̣̇а, ход̇и бхууд̇ам̣ д̇ажчам̣ ад̇т̇асан̃хид̇ам̣, д̇ад̇ра гаалан̃н̃уу д̇ат̇ааг̇ад̇о ход̇и д̇асса бан̃хасса взяяаагаран̣ааяа. ид̇и ко, жунд̣̇а, ад̇ийд̇аанааг̇ад̇абажжуббаннзсу д̇хаммзсу д̇ат̇ааг̇ад̇о гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий. д̇асмаа д̇ат̇ааг̇ад̇од̇и вужжад̇и.
Abhijānaṃ tathāgatoti. Abhijānanti abhijānanto vijānanto paṭivijānanto paṭivijjhanto tathāgato. Vuttañhetaṃ bhagavatā – ‘‘atītaṃ cepi kho, cunda, hoti abhūtaṃ atacchaṃ anatthasañhitaṃ, na taṃ tathāgato byākaroti. Atītaṃ cepi, cunda, hoti bhūtaṃ tacchaṃ anatthasañhitaṃ, tampi tathāgato na byākaroti. Atītaṃ cepi kho, cunda, hoti bhūtaṃ tacchaṃ atthasañhitaṃ, tatra kālaññū tathāgato hoti tasseva pañhassa veyyākaraṇāya. Anāgataṃ cepi, cunda, hoti…pe… paccuppannaṃ cepi, cunda, hoti abhūtaṃ atacchaṃ anatthasañhitaṃ, na taṃ tathāgato byākaroti. Paccuppannaṃ cepi, cunda, hoti bhūtaṃ tacchaṃ anatthasañhitaṃ, tampi tathāgato na byākaroti. Paccuppannaṃ cepi, cunda, hoti bhūtaṃ tacchaṃ atthasañhitaṃ, tatra kālaññū tathāgato hoti tassa pañhassa veyyākaraṇāya. Iti kho, cunda, atītānāgatapaccuppannesu dhammesu tathāgato kālavādī bhūtavādī atthavādī dhammavādī vinayavādī. Tasmā tathāgatoti vuccati.
‘‘яам̣ ко, жунд̣̇а, сад̣̇звагасса логасса самаарагасса саб̣рахмагасса сассаман̣аб̣раахман̣ияаа баж̇ааяа сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа , саб̣б̣ам̣ д̇ам̣ д̇ат̇ааг̇ад̇зна абхисамб̣уд̣̇д̇хам̣. д̇асмаа д̇ат̇ааг̇ад̇од̇и вужжад̇и. яан̃жа, жунд̣̇а, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, яам̣ зд̇асмим̣ анд̇арз бхаасад̇и лабад̇и нид̣̇д̣̇исад̇и саб̣б̣ам̣ д̇ам̣ д̇ат̇зва ход̇и но ан̃н̃ат̇аа. д̇асмаа д̇ат̇ааг̇ад̇од̇и вужжад̇и. яат̇ааваад̣̇ий, жунд̣̇а, д̇ат̇ааг̇ад̇о д̇ат̇аагаарий; яат̇аагаарий д̇ат̇ааваад̣̇ий. ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий. д̇асмаа д̇ат̇ааг̇ад̇од̇и вужжад̇и. сад̣̇звагз, жунд̣̇а, логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа д̇ат̇ааг̇ад̇о абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий. д̇асмаа д̇ат̇ааг̇ад̇од̇и вужжад̇ий’’д̇и – абхиж̇аанам̣ д̇ат̇ааг̇ад̇о.
‘‘Yaṃ kho, cunda, sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā , sabbaṃ taṃ tathāgatena abhisambuddhaṃ. Tasmā tathāgatoti vuccati. Yañca, cunda, rattiṃ tathāgato anuttaraṃ sammāsambodhiṃ abhisambujjhati, yañca rattiṃ anupādisesāya nibbānadhātuyā parinibbāyati, yaṃ etasmiṃ antare bhāsati lapati niddisati sabbaṃ taṃ tatheva hoti no aññathā. Tasmā tathāgatoti vuccati. Yathāvādī, cunda, tathāgato tathākārī; yathākārī tathāvādī. Iti yathāvādī tathākārī, yathākārī tathāvādī. Tasmā tathāgatoti vuccati. Sadevake, cunda, loke samārake sabrahmake sassamaṇabrāhmaṇiyā pajāya sadevamanussāya tathāgato abhibhū anabhibhūto aññadatthudaso vasavattī. Tasmā tathāgatoti vuccatī’’ti – abhijānaṃ tathāgato.
д̇идтанд̇амзнам̣ ж̇аанаад̇ийд̇и бхаг̇аваа ид̇хад̇т̇ан̃н̃зва 27 ж̇аанаад̇и гаммаабхисан̇кааравасзна – ‘‘аяам̣ буг̇г̇ало гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇ий’’д̇и. бхаг̇аваа ид̇хад̇т̇ан̃н̃зва ж̇аанаад̇и гаммаабхисан̇кааравасзна – ‘‘аяам̣ буг̇г̇ало гааяасса бхзд̣̇аа барам̣ маран̣аа д̇иражчаанаяоним̣ убабаж̇ж̇иссад̇ий’’д̇и. бхаг̇аваа ид̇хад̇т̇ан̃н̃зва ж̇аанаад̇и гаммаабхисан̇кааравасзна – ‘‘аяам̣ буг̇г̇ало гааяасса бхзд̣̇аа барам̣ маран̣аа бзд̇д̇ивисаяам̣ убабаж̇ж̇иссад̇ий’’д̇и. бхаг̇аваа ид̇хад̇т̇ан̃н̃зва ж̇аанаад̇и гаммаабхисан̇кааравасзна – ‘‘аяам̣ буг̇г̇ало гааяасса бхзд̣̇аа барам̣ маран̣аа мануссзсу уббаж̇ж̇иссад̇ий’’д̇и. бхаг̇аваа ид̇хад̇т̇ан̃н̃зва ж̇аанаад̇и гаммаабхисан̇кааравасзна – ‘‘аяам̣ буг̇г̇ало суббадибанно гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссад̇ий’’д̇и.
Tiṭṭhantamenaṃ jānātīti bhagavā idhatthaññeva 28 jānāti kammābhisaṅkhāravasena – ‘‘ayaṃ puggalo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissatī’’ti. Bhagavā idhatthaññeva jānāti kammābhisaṅkhāravasena – ‘‘ayaṃ puggalo kāyassa bhedā paraṃ maraṇā tiracchānayoniṃ upapajjissatī’’ti. Bhagavā idhatthaññeva jānāti kammābhisaṅkhāravasena – ‘‘ayaṃ puggalo kāyassa bhedā paraṃ maraṇā pettivisayaṃ upapajjissatī’’ti. Bhagavā idhatthaññeva jānāti kammābhisaṅkhāravasena – ‘‘ayaṃ puggalo kāyassa bhedā paraṃ maraṇā manussesu uppajjissatī’’ti. Bhagavā idhatthaññeva jānāti kammābhisaṅkhāravasena – ‘‘ayaṃ puggalo suppaṭipanno kāyassa bhedā paraṃ maraṇā sugatiṃ saggaṃ lokaṃ upapajjissatī’’ti.
вуд̇д̇ан̃хзд̇ам̣ бхаг̇авад̇аа – ‘‘ид̇ха банаахам̣, саарибуд̇д̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘д̇ат̇ааяам̣ буг̇г̇ало бадибанно, д̇ат̇аа жа ирияад̇и, д̇ан̃жа маг̇г̇ам̣ самааруул̣хо, яат̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇ий’д̇и.
Vuttañhetaṃ bhagavatā – ‘‘idha panāhaṃ, sāriputta, ekaccaṃ puggalaṃ evaṃ cetasā ceto paricca pajānāmi – ‘tathāyaṃ puggalo paṭipanno, tathā ca iriyati, tañca maggaṃ samārūḷho, yathā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissatī’ti.
‘‘ид̇ха банаахам̣, саарибуд̇д̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘д̇ат̇ааяам̣ буг̇г̇ало бадибанно д̇ат̇аа жа ирияад̇и д̇ан̃жа маг̇г̇ам̣ самааруул̣хо, яат̇аа гааяасса бхзд̣̇аа барам̣ маран̣аа д̇иражчаанаяоним̣ убабаж̇ж̇иссад̇ий’д̇и.
‘‘Idha panāhaṃ, sāriputta, ekaccaṃ puggalaṃ evaṃ cetasā ceto paricca pajānāmi – ‘tathāyaṃ puggalo paṭipanno tathā ca iriyati tañca maggaṃ samārūḷho, yathā kāyassa bhedā paraṃ maraṇā tiracchānayoniṃ upapajjissatī’ti.
‘‘ид̇ха банаахам̣, саарибуд̇д̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘д̇ат̇ааяам̣ буг̇г̇ало бадибанно д̇ат̇аа жа ирияад̇и д̇ан̃жа маг̇г̇ам̣ самааруул̣хо, яат̇аа гааяасса бхзд̣̇аа барам̣ маран̣аа бзд̇д̇ивисаяам̣ убабаж̇ж̇иссад̇ий’д̇и.
‘‘Idha panāhaṃ, sāriputta, ekaccaṃ puggalaṃ evaṃ cetasā ceto paricca pajānāmi – ‘tathāyaṃ puggalo paṭipanno tathā ca iriyati tañca maggaṃ samārūḷho, yathā kāyassa bhedā paraṃ maraṇā pettivisayaṃ upapajjissatī’ti.
‘‘ид̇ха банаахам̣, саарибуд̇д̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘д̇ат̇ааяам̣ буг̇г̇ало бадибанно д̇ат̇аа жа ирияад̇и д̇ан̃жа маг̇г̇ам̣ самааруул̣хо, яат̇аа гааяасса бхзд̣̇аа барам̣ маран̣аа мануссзсу уббаж̇ж̇иссад̇ий’д̇и.
‘‘Idha panāhaṃ, sāriputta, ekaccaṃ puggalaṃ evaṃ cetasā ceto paricca pajānāmi – ‘tathāyaṃ puggalo paṭipanno tathā ca iriyati tañca maggaṃ samārūḷho, yathā kāyassa bhedā paraṃ maraṇā manussesu uppajjissatī’ti.
‘‘ид̇ха банаахам̣, саарибуд̇д̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘д̇ат̇ааяам̣ буг̇г̇ало бадибанно д̇ат̇аа жа ирияад̇и д̇ан̃жа маг̇г̇ам̣ самааруул̣хо, яат̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссад̇ий’д̇и.
‘‘Idha panāhaṃ, sāriputta, ekaccaṃ puggalaṃ evaṃ cetasā ceto paricca pajānāmi – ‘tathāyaṃ puggalo paṭipanno tathā ca iriyati tañca maggaṃ samārūḷho, yathā kāyassa bhedā paraṃ maraṇā sugatiṃ saggaṃ lokaṃ upapajjissatī’ti.
‘‘ид̇ха банаахам̣, саарибуд̇д̇а, згажжам̣ буг̇г̇алам̣ звам̣ жзд̇асаа жзд̇о барижжа баж̇аанаами – ‘д̇ат̇ааяам̣ буг̇г̇ало бадибанно д̇ат̇аа жа ирияад̇и д̇ан̃жа маг̇г̇ам̣ самааруул̣хо, яат̇аа аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’’д̇и – д̇идтанд̇амзнам̣ ж̇аанаад̇и.
‘‘Idha panāhaṃ, sāriputta, ekaccaṃ puggalaṃ evaṃ cetasā ceto paricca pajānāmi – ‘tathāyaṃ puggalo paṭipanno tathā ca iriyati tañca maggaṃ samārūḷho, yathā āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’’ti – tiṭṭhantamenaṃ jānāti.
д̇химуд̇д̇ам̣ д̇аббарааяан̣анд̇и. д̇химуд̇д̇анд̇и аагин̃жан̃н̃ааяад̇анам̣. д̇химуд̇д̇анд̇и вимогкзна д̇химуд̇д̇ам̣ д̇ад̇раад̇химуд̇д̇ам̣ д̇ад̣̇ад̇химуд̇д̇ам̣ д̇ад̣̇аад̇хибад̇зяяам̣. ат̇а ваа, бхаг̇аваа ж̇аанаад̇и – ‘‘аяам̣ буг̇г̇ало руубаад̇химуд̇д̇о сад̣̇д̣̇аад̇химуд̇д̇о г̇анд̇хаад̇химуд̇д̇о расаад̇химуд̇д̇о подтаб̣б̣аад̇химуд̇д̇о гулаад̇химуд̇д̇о г̇ан̣аад̇химуд̇д̇о ааваасаад̇химуд̇д̇о лаабхаад̇химуд̇д̇о яасаад̇химуд̇д̇о басам̣саад̇химуд̇д̇о сукаад̇химуд̇д̇о жийвараад̇химуд̇д̇о бин̣д̣абаад̇аад̇химуд̇д̇о сзнаасанаад̇химуд̇д̇о г̇илаанабажжаяабхзсаж̇ж̇абаригкаараад̇химуд̇д̇о суд̇д̇анд̇аад̇химуд̇д̇о винаяаад̇химуд̇д̇о абхид̇хаммаад̇химуд̇д̇о ааран̃н̃аган̇г̇аад̇химуд̇д̇о бин̣д̣абаад̇иган̇г̇аад̇химуд̇д̇о бам̣сугуулиган̇г̇аад̇химуд̇д̇о д̇зжийвариган̇г̇аад̇химуд̇д̇о сабад̣̇аанажаариган̇г̇аад̇химуд̇д̇о калубажчаабхад̇д̇иган̇г̇аад̇химуд̇д̇о нзсаж̇ж̇иган̇г̇аад̇химуд̇д̇о яат̇аасант̇ад̇иган̇г̇аад̇химуд̇д̇о батамаж̇жхаанаад̇химуд̇д̇о д̣̇уд̇ияаж̇жхаанаад̇химуд̇д̇о д̇ад̇ияаж̇жхаанаад̇химуд̇д̇о жад̇уд̇т̇аж̇жхаанаад̇химуд̇д̇оаагаасаанан̃жааяад̇анасамаабад̇д̇аад̇химуд̇д̇о вин̃н̃аан̣ан̃жааяад̇анасамаабад̇д̇аад̇химуд̇д̇о аагин̃жан̃н̃ааяад̇анасамаабад̇д̇аад̇химуд̇д̇о нзвасан̃н̃аанаасан̃н̃ааяад̇анасамаабад̇д̇аад̇химуд̇д̇о’’д̇ид̇химуд̇д̇ам̣.
Dhimuttaṃ tapparāyaṇanti. Dhimuttanti ākiñcaññāyatanaṃ. Dhimuttanti vimokkhena dhimuttaṃ tatrādhimuttaṃ tadadhimuttaṃ tadādhipateyyaṃ. Atha vā, bhagavā jānāti – ‘‘ayaṃ puggalo rūpādhimutto saddādhimutto gandhādhimutto rasādhimutto phoṭṭhabbādhimutto kulādhimutto gaṇādhimutto āvāsādhimutto lābhādhimutto yasādhimutto pasaṃsādhimutto sukhādhimutto cīvarādhimutto piṇḍapātādhimutto senāsanādhimutto gilānapaccayabhesajjaparikkhārādhimutto suttantādhimutto vinayādhimutto abhidhammādhimutto āraññakaṅgādhimutto piṇḍapātikaṅgādhimutto paṃsukūlikaṅgādhimutto tecīvarikaṅgādhimutto sapadānacārikaṅgādhimutto khalupacchābhattikaṅgādhimutto nesajjikaṅgādhimutto yathāsanthatikaṅgādhimutto paṭhamajjhānādhimutto dutiyajjhānādhimutto tatiyajjhānādhimutto catutthajjhānādhimuttoākāsānañcāyatanasamāpattādhimutto viññāṇañcāyatanasamāpattādhimutto ākiñcaññāyatanasamāpattādhimutto nevasaññānāsaññāyatanasamāpattādhimutto’’tidhimuttaṃ.
д̇аббарааяан̣анд̇и аагин̃жан̃н̃ааяад̇анамаяам̣ д̇аббарааяан̣ам̣ гаммабарааяан̣ам̣ вибаагабарааяан̣ам̣ гаммаг̇аругам̣ бадисанд̇хиг̇аругам̣ . ат̇а ваа, бхаг̇аваа ж̇аанаад̇и – ‘‘аяам̣ буг̇г̇ало руубабарааяан̣о…бз… нзвасан̃н̃аанаасан̃н̃ааяад̇анасамаабад̇д̇ибарааяан̣о’’д̇и – д̇химуд̇д̇ам̣ д̇аббарааяан̣ам̣. д̇знааха бхаг̇аваа –
Tapparāyaṇanti ākiñcaññāyatanamayaṃ tapparāyaṇaṃ kammaparāyaṇaṃ vipākaparāyaṇaṃ kammagarukaṃ paṭisandhigarukaṃ . Atha vā, bhagavā jānāti – ‘‘ayaṃ puggalo rūpaparāyaṇo…pe… nevasaññānāsaññāyatanasamāpattiparāyaṇo’’ti – dhimuttaṃ tapparāyaṇaṃ. Tenāha bhagavā –
‘‘вин̃н̃аан̣адтид̇ияо саб̣б̣аа, [босаалаад̇и бхаг̇аваа]
‘‘Viññāṇaṭṭhitiyo sabbā, [posālāti bhagavā]
абхиж̇аанам̣ д̇ат̇ааг̇ад̇о;
Abhijānaṃ tathāgato;
д̇идтанд̇амзнам̣ ж̇аанаад̇и, д̇химуд̇д̇ам̣ д̇аббарааяан̣а’’нд̇и.
Tiṭṭhantamenaṃ jānāti, dhimuttaṃ tapparāyaṇa’’nti.
84.
84.
аагин̃жан̃н̃аасамбхавам̣ н̃ад̇ваа, нанд̣̇исам̣яож̇анам̣ ид̇и;
Ākiñcaññāsambhavaṃ ñatvā, nandisaṃyojanaṃ iti;
звамзд̇ам̣ абхин̃н̃ааяа, д̇ад̇о д̇ад̇т̇а вибассад̇и;
Evametaṃ abhiññāya, tato tattha vipassati;
зд̇ам̣ н̃аан̣ам̣ д̇ат̇ам̣ д̇асса, б̣раахман̣асса вусиймад̇о.
Etaṃ ñāṇaṃ tathaṃ tassa, brāhmaṇassa vusīmato.
аагин̃жан̃н̃аасамбхавам̣ н̃ад̇ваад̇и аагин̃жан̃н̃аасамбхавод̇и вужжад̇и аагин̃жан̃н̃ааяад̇анасам̣вад̇д̇аниго гаммаабхисан̇кааро. аагин̃жан̃н̃ааяад̇анасам̣вад̇д̇анигам̣ гаммаабхисан̇каарам̣ аагин̃жан̃н̃аасамбхавод̇и н̃ад̇ваа, лаг̇г̇ананд̇и н̃ад̇ваа, б̣анд̇хананд̇и н̃ад̇ваа, балиб̣од̇ход̇и н̃ад̇ваа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваад̇и – аагин̃жан̃н̃аасамбхавам̣ н̃ад̇ваа.
Ākiñcaññāsambhavaṃ ñatvāti ākiñcaññāsambhavoti vuccati ākiñcaññāyatanasaṃvattaniko kammābhisaṅkhāro. Ākiñcaññāyatanasaṃvattanikaṃ kammābhisaṅkhāraṃ ākiñcaññāsambhavoti ñatvā, laggananti ñatvā, bandhananti ñatvā, palibodhoti ñatvā jānitvā tulayitvā tīrayitvā vibhāvayitvā vibhūtaṃ katvāti – ākiñcaññāsambhavaṃ ñatvā.
нанд̣̇исам̣яож̇анам̣ ид̇ийд̇и нанд̣̇исам̣яож̇анам̣ вужжад̇и аруубарааг̇о. аруубарааг̇зна д̇ам̣ гаммам̣ лаг̇г̇ам̣ лаг̇г̇ид̇ам̣ балиб̣уд̣̇д̇хам̣ аруубарааг̇ам̣ нанд̣̇исам̣яож̇ананд̇и н̃ад̇ваа, лаг̇г̇ананд̇и н̃ад̇ваа, б̣анд̇хананд̇и н̃ад̇ваа, балиб̣од̇ход̇и н̃ад̇ваа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа. ид̇ийд̇и бад̣̇асанд̇хи бад̣̇асам̣саг̇г̇о бад̣̇абаарибуурий агкарасамавааяо б̣яан̃ж̇анасилидтад̇аа бад̣̇аанубуб̣б̣ад̇аабзд̇ам̣ ид̇ийд̇и – нанд̣̇исам̣яож̇анам̣ ид̇и.
Nandisaṃyojanaṃ itīti nandisaṃyojanaṃ vuccati arūparāgo. Arūparāgena taṃ kammaṃ laggaṃ laggitaṃ palibuddhaṃ arūparāgaṃ nandisaṃyojananti ñatvā, laggananti ñatvā, bandhananti ñatvā, palibodhoti ñatvā jānitvā tulayitvā tīrayitvā vibhāvayitvā vibhūtaṃ katvā. Itīti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ itīti – nandisaṃyojanaṃ iti.
звамзд̇ам̣ абхин̃н̃ааяаад̇и звам̣ зд̇ам̣ абхин̃н̃ааяа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваад̇и – звамзд̇ам̣ абхин̃н̃ааяа.
Evametaṃ abhiññāyāti evaṃ etaṃ abhiññāya jānitvā tulayitvā tīrayitvā vibhāvayitvā vibhūtaṃ katvāti – evametaṃ abhiññāya.
д̇ад̇о д̇ад̇т̇а вибассад̇ийд̇и. д̇ад̇т̇аад̇и аагин̃жан̃н̃ааяад̇анам̣ самаабаж̇ж̇ид̇ваа д̇ад̇о вудтахид̇ваа д̇ад̇т̇а ж̇аад̇з жид̇д̇ажзд̇асигз д̇хаммз анижжад̇о вибассад̇и, д̣̇угкад̇о вибассад̇и, рог̇ад̇о…бз… ниссаран̣ад̇о вибассад̇и д̣̇агкад̇и ологзд̇и ниж̇жхааяад̇и убабаригкад̇ийд̇и – д̇ад̇о д̇ад̇т̇а вибассад̇и.
Tato tattha vipassatīti. Tatthāti ākiñcaññāyatanaṃ samāpajjitvā tato vuṭṭhahitvā tattha jāte cittacetasike dhamme aniccato vipassati, dukkhato vipassati, rogato…pe… nissaraṇato vipassati dakkhati oloketi nijjhāyati upaparikkhatīti – tato tattha vipassati.
зд̇ам̣ н̃аан̣ам̣ д̇ат̇ам̣ д̇ассаад̇и зд̇ам̣ н̃аан̣ам̣ д̇ажчам̣ бхууд̇ам̣ яаат̇аавам̣ авибарийд̇ам̣ д̇ассаад̇и – зд̇ам̣ н̃аан̣ам̣ д̇ат̇ам̣ д̇асса.
Etaṃ ñāṇaṃ tathaṃ tassāti etaṃ ñāṇaṃ tacchaṃ bhūtaṃ yāthāvaṃ aviparītaṃ tassāti – etaṃ ñāṇaṃ tathaṃ tassa.
б̣раахман̣асса вусиймад̇од̇и. б̣раахман̣од̇и сад̇д̇аннам̣ д̇хаммаанам̣ б̣аахид̇ад̇д̇аа б̣раахман̣о…бз… асид̇о д̇аад̣̇и бавужжад̇з са б̣рахмаад̇и. б̣раахман̣асса вусиймад̇од̇и бут̇уж̇ж̇анагаляаан̣ам̣ убаад̣̇ааяа сад̇д̇а сзгкаа аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа васанд̇и сам̣васанд̇и аавасанд̇и баривасанд̇и; арахаа вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о; со вуд̇т̇аваасо жин̣н̣ажаран̣о…бз… ж̇аад̇имаран̣асам̣сааро; над̇т̇и д̇асса бунаб̣бхавод̇и – б̣раахман̣асса вусиймад̇о. д̇знааха бхаг̇аваа –
Brāhmaṇassavusīmatoti. Brāhmaṇoti sattannaṃ dhammānaṃ bāhitattā brāhmaṇo…pe… asito tādi pavuccate sa brahmāti. Brāhmaṇassa vusīmatoti puthujjanakalyāṇaṃ upādāya satta sekkhā appattassa pattiyā anadhigatassa adhigamāya asacchikatassa sacchikiriyāya vasanti saṃvasanti āvasanti parivasanti; arahā vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto; so vutthavāso ciṇṇacaraṇo…pe… jātimaraṇasaṃsāro; natthi tassa punabbhavoti – brāhmaṇassa vusīmato. Tenāha bhagavā –
‘‘аагин̃жан̃н̃аасамбхавам̣ н̃ад̇ваа, нанд̣̇исам̣яож̇анам̣ ид̇и;
‘‘Ākiñcaññāsambhavaṃ ñatvā, nandisaṃyojanaṃ iti;
звамзд̇ам̣ абхин̃н̃ааяа, д̇ад̇о д̇ад̇т̇а вибассад̇и;
Evametaṃ abhiññāya, tato tattha vipassati;
зд̇ам̣ н̃аан̣ам̣ д̇ат̇ам̣ д̇асса, б̣раахман̣асса вусиймад̇о’’д̇и.
Etaṃ ñāṇaṃ tathaṃ tassa, brāhmaṇassa vusīmato’’ti.
саха г̇аат̇аабарияосаанаа…бз… сад̇т̇аа мз, бханд̇з бхаг̇аваа, саавагохамасмийд̇и.
Saha gāthāpariyosānā…pe… satthā me, bhante bhagavā, sāvakohamasmīti.
босааламаан̣авабужчаанид̣̇д̣̇зсо жуд̣̇д̣̇асамо.
Posālamāṇavapucchāniddeso cuddasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 14. босааламаан̣авасуд̇д̇анид̣̇д̣̇зсаван̣н̣анаа • 14. Posālamāṇavasuttaniddesavaṇṇanā
