| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. босияад̇т̇зраг̇аат̇ааван̣н̣анаа
4. Posiyattheragāthāvaṇṇanā
анаасаннавараад̇и ааяасмад̇о босияад̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а виваддуубаниссаяам̣ б̣ахум̣ гусалам̣ убажинид̇ваа суг̇ад̇ийсу зва сам̣саранд̇о ид̇о д̣̇взнавуд̇з габбз д̇иссасса бхаг̇авад̇о гаалз миг̇алуд̣̇д̣̇о худ̇ваа аран̃н̃з вижарад̇и. ат̇а бхаг̇аваа д̇асса ануг̇г̇ахам̣ гаад̇ум̣ аран̃н̃ам̣ г̇анд̇ваа д̇асса жагкубат̇з ад̇д̇аанам̣ д̣̇ассзси. со бхаг̇аванд̇ам̣ д̣̇исваа басаннажид̇д̇о аавуд̇хам̣ нигкибид̇ваа убасан̇гамид̇ваа ан̃ж̇алим̣ баг̇г̇аяха адтааси. бхаг̇аваа нисийд̣̇ид̇угаамад̇ам̣ д̣̇ассзси. со д̇аавад̣̇зва д̇ин̣амудтияо г̇ахзд̇ваа самз бхуумибхааг̇з саггажжам̣ сант̇арид̇ваа ад̣̇ааси. нисийд̣̇и д̇ад̇т̇а бхаг̇аваа анугамбам̣ убаад̣̇ааяа. нисиннз бана бхаг̇авад̇и анаббагам̣ бийд̇исоманассам̣ бадисам̣взд̣̇знд̇о бхаг̇аванд̇ам̣ ванд̣̇ид̇ваа саяамби згаманд̇ам̣ нисийд̣̇и. ат̇а бхаг̇аваа ‘‘зд̇д̇агам̣ ваддад̇и имасса гусалаб̣ийж̇а’’нд̇и удтааяаасанаа баггаами. ажирабагганд̇з бхаг̇авад̇и д̇ам̣ сийхо миг̇арааж̇аа гхаад̇зси. со гаалан̇гад̇о д̣̇звалогз ниб̣б̣ад̇д̇и. ‘‘со гира бхаг̇авад̇и анубаг̇ажчанд̇з сийхзна гхаад̇ид̇о нираяз ниб̣б̣ад̇д̇иссад̇ий’’д̇и д̇ам̣ д̣̇исваа бхаг̇аваа суг̇ад̇ияам̣ ниб̣б̣ад̇д̇анад̇т̇ам̣ гусалаб̣ийж̇аробанад̇т̇ан̃жа убасан̇гами.
Anāsannavarāti āyasmato posiyattherassa gāthā. Kā uppatti? So kira purimabuddhesu katādhikāro tattha tattha vivaṭṭūpanissayaṃ bahuṃ kusalaṃ upacinitvā sugatīsu eva saṃsaranto ito dvenavute kappe tissassa bhagavato kāle migaluddo hutvā araññe vicarati. Atha bhagavā tassa anuggahaṃ kātuṃ araññaṃ gantvā tassa cakkhupathe attānaṃ dassesi. So bhagavantaṃ disvā pasannacitto āvudhaṃ nikkhipitvā upasaṅkamitvā añjaliṃ paggayha aṭṭhāsi. Bhagavā nisīditukāmataṃ dassesi. So tāvadeva tiṇamuṭṭhiyo gahetvā same bhūmibhāge sakkaccaṃ santharitvā adāsi. Nisīdi tattha bhagavā anukampaṃ upādāya. Nisinne pana bhagavati anappakaṃ pītisomanassaṃ paṭisaṃvedento bhagavantaṃ vanditvā sayampi ekamantaṃ nisīdi. Atha bhagavā ‘‘ettakaṃ vaṭṭati imassa kusalabīja’’nti uṭṭhāyāsanā pakkāmi. Acirapakkante bhagavati taṃ sīho migarājā ghātesi. So kālaṅkato devaloke nibbatti. ‘‘So kira bhagavati anupagacchante sīhena ghātito niraye nibbattissatī’’ti taṃ disvā bhagavā sugatiyaṃ nibbattanatthaṃ kusalabījaropanatthañca upasaṅkami.
со д̇ад̇т̇а яаавад̇ааяугам̣ тад̇ваа д̇ад̇о д̣̇звалогад̇о жавид̇ваа суг̇ад̇ийсуязва баривад̇д̇знд̇о имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасса махаавибхавасса сздтино буд̇д̇о сан̇г̇аамаж̇ид̇ад̇т̇зрасса ганидтабхаад̇аа худ̇ваа ниб̣б̣ад̇д̇и. босияод̇исса наамам̣ ахоси. со ваяаббад̇д̇о д̣̇аарабариг̇г̇ахам̣ гад̇ваа згам̣ буд̇д̇ам̣ лабхид̇ваа анд̇имабхавигад̇ааяа д̇хаммад̇ааяа жод̣̇ияамаано ж̇аад̇иаад̣̇им̣ бадижжа уббаннасам̣взг̇о баб̣б̣аж̇ид̇ваа аран̃н̃ам̣ бависид̇ваа вуубагадто худ̇ваа жад̇усажжагаммадтаанабхааванам̣ ануяун̃ж̇анд̇о нажирассзва вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.53.1-12) –
So tattha yāvatāyukaṃ ṭhatvā tato devalokato cavitvā sugatīsuyeva parivattento imasmiṃ buddhuppāde sāvatthiyaṃ aññatarassa mahāvibhavassa seṭṭhino putto saṅgāmajitattherassa kaniṭṭhabhātā hutvā nibbatti. Posiyotissa nāmaṃ ahosi. So vayappatto dārapariggahaṃ katvā ekaṃ puttaṃ labhitvā antimabhavikatāya dhammatāya codiyamāno jātiādiṃ paṭicca uppannasaṃvego pabbajitvā araññaṃ pavisitvā vūpakaṭṭho hutvā catusaccakammaṭṭhānabhāvanaṃ anuyuñjanto nacirasseva vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 2.53.1-12) –
‘‘химаванд̇ассаавид̣̇уурз, ламб̣аго наама баб̣б̣ад̇о;
‘‘Himavantassāvidūre, lambako nāma pabbato;
д̇ад̇т̇зва д̇иссо самб̣уд̣̇д̇хо, аб̣бхогаасамхи жан̇гами.
Tattheva tisso sambuddho, abbhokāsamhi caṅkami.
‘‘миг̇алуд̣̇д̣̇о д̇ад̣̇аа аасим̣, аран̃н̃з гаананз ахам̣;
‘‘Migaluddo tadā āsiṃ, araññe kānane ahaṃ;
д̣̇исваана д̇ам̣ д̣̇звад̣̇звам̣, д̇ин̣амудтимад̣̇аасахам̣.
Disvāna taṃ devadevaṃ, tiṇamuṭṭhimadāsahaṃ.
‘‘нисийд̣̇анад̇т̇ам̣ б̣уд̣̇д̇хасса, д̣̇ад̇ваа жид̇д̇ам̣ басаад̣̇аяим̣;
‘‘Nisīdanatthaṃ buddhassa, datvā cittaṃ pasādayiṃ;
самб̣уд̣̇д̇хам̣ абхиваад̣̇зд̇ваа, баггаамим̣ уд̇д̇араамуко.
Sambuddhaṃ abhivādetvā, pakkāmiṃ uttarāmukho.
‘‘ажирам̣ г̇ад̇амад̇д̇асса, миг̇арааж̇аа абот̇аяи;
‘‘Aciraṃ gatamattassa, migarājā apothayi;
сохзна бот̇ид̇о, санд̇о д̇ад̇т̇а гаалан̇гад̇о ахам̣.
Sohena pothito, santo tattha kālaṅkato ahaṃ.
‘‘аасаннз мз гад̇ам̣ гаммам̣, б̣уд̣̇д̇хасздтз анаасавз;
‘‘Āsanne me kataṃ kammaṃ, buddhaseṭṭhe anāsave;
сумуд̇д̇о саравзг̇ова, д̣̇звалогамаг̇ажчахам̣.
Sumutto saravegova, devalokamagacchahaṃ.
‘‘яуубо д̇ад̇т̇а субхо ааси, бун̃н̃агаммаабхиниммид̇о;
‘‘Yūpo tattha subho āsi, puññakammābhinimmito;
сахассаган̣д̣о сад̇абхзн̣д̣у, д̇хаж̇аалу харид̇аамаяо.
Sahassakaṇḍo satabheṇḍu, dhajālu haritāmayo.
‘‘бабхаа нид̣̇д̇хаавад̇з д̇асса, сад̇арам̣сийва уг̇г̇ад̇о;
‘‘Pabhā niddhāvate tassa, sataraṃsīva uggato;
аагин̣н̣о д̣̇зваган̃н̃аахи, аамод̣̇им̣ гаамагаамихам̣.
Ākiṇṇo devakaññāhi, āmodiṃ kāmakāmihaṃ.
‘‘д̣̇звалогаа жавид̇ваана, суггамуулзна жод̣̇ид̇о;
‘‘Devalokā cavitvāna, sukkamūlena codito;
ааг̇анд̇ваана мануссад̇д̇ам̣, бад̇д̇омхи аасавагкаяам̣.
Āgantvāna manussattaṃ, pattomhi āsavakkhayaṃ.
‘‘жад̇уннавуд̇ид̇о габбз, нисийд̣̇анамад̣̇аасахам̣;
‘‘Catunnavutito kappe, nisīdanamadāsahaṃ;
д̣̇уг̇г̇ад̇им̣ наабхиж̇аанаами, д̇ин̣амудтз ид̣̇ам̣ палам̣.
Duggatiṃ nābhijānāmi, tiṇamuṭṭhe idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа бхаг̇аванд̇ам̣ ванд̣̇ид̇ум̣ саавад̇т̇им̣ ааг̇ад̇о н̃аад̇им̣ анугамбааяа н̃аад̇иг̇зхам̣ аг̇амааси. д̇ад̇т̇а нам̣ бураан̣ад̣̇уд̇ияигаа ванд̣̇ид̇ваа аасанад̣̇аанаад̣̇инаа батамам̣ убаасигаа вияа вад̇д̇ам̣ д̣̇ассзд̇ваа т̇зрасса аж̇жхаасаяам̣ аж̇аананд̇ий бажчаа ид̇т̇игуд̇д̇аад̣̇ийхи балобхзд̇угаамаа ахоси . т̇зро ‘‘ахо анд̇хаб̣аалаа маад̣̇исзби наама звам̣ бадибаж̇ж̇ад̇ий’’д̇и жинд̇зд̇ваа гин̃жи авад̇ваа удтааяаасанаа аран̃н̃амзва г̇ад̇о. д̇ам̣ ааран̃н̃агаа бхигкуу ‘‘гим̣, аавусо, ад̇илахум̣, нивад̇д̇оси, н̃аад̇агзхи на д̣̇идтосий’’д̇и бужчим̣су. т̇зро д̇ад̇т̇а бавад̇д̇им̣ аажигканд̇о ‘‘анаасаннавараа зд̇аа’’д̇и г̇аат̇ам̣ абхааси.
Arahattaṃ pana patvā bhagavantaṃ vandituṃ sāvatthiṃ āgato ñātiṃ anukampāya ñātigehaṃ agamāsi. Tattha naṃ purāṇadutiyikā vanditvā āsanadānādinā paṭhamaṃ upāsikā viya vattaṃ dassetvā therassa ajjhāsayaṃ ajānantī pacchā itthikuttādīhi palobhetukāmā ahosi . Thero ‘‘aho andhabālā mādisepi nāma evaṃ paṭipajjatī’’ti cintetvā kiñci avatvā uṭṭhāyāsanā araññameva gato. Taṃ āraññakā bhikkhū ‘‘kiṃ, āvuso, atilahuṃ, nivattosi, ñātakehi na diṭṭhosī’’ti pucchiṃsu. Thero tattha pavattiṃ ācikkhanto ‘‘anāsannavarā etā’’ti gāthaṃ abhāsi.
34. д̇ад̇т̇а анаасаннавараад̇и зд̇аа ид̇т̇ияо на аасаннаа анубаг̇ад̇аа, д̣̇уурз зва ваа тид̇аа худ̇ваа вараа бурисасса сздтаа хид̇аавахаа, д̇ан̃жа ко нижжамзва саб̣б̣агааламзва, на рад̇д̇имзва, на д̣̇ивааби, на раховзлааяаби. виж̇аанад̇аад̇и виж̇аананд̇зна. ‘‘анаасаннабараа’’д̇иби баал̣и, со звад̇т̇о. аяан̃хзд̇т̇а ад̇хиббааяо – жан̣д̣ахад̇т̇иассамахим̣сасийхаб̣яаг̇гхаяагкарагкасабисаажааби мануссаанам̣ анубасан̇гаманд̇о вараа сздтаа, на анад̇т̇аавахаа, д̇з бана убасан̇гаманд̇аа д̣̇идтад̇хаммигам̣язва анад̇т̇ам̣ гарзяяум̣. ид̇т̇ияо бана убасан̇гамид̇ваа д̣̇идтад̇хаммигам̣ самбарааяигам̣ вимогканиссид̇амби ад̇т̇ам̣ винаасзд̇ваа маханд̇ам̣ анад̇т̇ам̣ аабаад̣̇знд̇и, д̇асмаа анаасаннавараа зд̇аа нижжамзва виж̇аанад̇аад̇и. ид̣̇аани д̇амад̇т̇ам̣ ад̇д̇уубанааяигам̣ гад̇ваа д̣̇ассзнд̇о ‘‘г̇аамаа’’д̇иаад̣̇имааха. д̇ад̇т̇а г̇аамаад̇и г̇аамам̣. убаяог̇ад̇т̇з хи зд̇ам̣ ниссаггаважанам̣. аран̃н̃амааг̇аммаад̇и аран̃н̃ад̇о ааг̇анд̇ваа. ма-гааро бад̣̇асанд̇хигаро, ниссаггз жзд̇ам̣ убаяог̇аважанам̣. д̇ад̇од̇и ман̃жагад̇о. анааманд̇зд̇ваад̇и анаалабид̇ваа бураан̣ад̣̇уд̇ияигам̣ ‘‘аббамад̇д̇аа хохий’’д̇и зд̇д̇агамби авад̇ваа. босияод̇и ад̇д̇аанамзва барам̣ вияа вад̣̇ад̇и. яз бана ‘‘баггаами’’нд̇и батанд̇и, д̇зсам̣ ахам̣ босияо баггааминд̇и яож̇анаа. яз бана ‘‘саа ид̇т̇ий т̇зрам̣ гхарам̣ убаг̇ад̇ам̣ бхож̇зд̇ваа балобхзд̇угаамаа ж̇аад̇аа, д̇ам̣ д̣̇исваа т̇зро д̇аавад̣̇зва г̇зхад̇о нигкамид̇ваа вихаарам̣ г̇анд̇ваа ад̇д̇ано васанадтаанз ман̃жагз нисийд̣̇и. сааби ко ид̇т̇ий бажчаабхад̇д̇ам̣ алан̇гад̇абадияад̇д̇аа вихаарз т̇зрасса васанадтаанам̣ убасан̇гами. д̇ам̣ д̣̇исваа т̇зро гин̃жи авад̇ваа удтааяа д̣̇иваадтаанамзва г̇ад̇о’’д̇и вад̣̇анд̇и, д̇зсам̣ ‘‘г̇аамаа аран̃н̃амааг̇аммаа’’д̇и г̇аат̇аабад̣̇асса ад̇т̇о яат̇ааруд̇авасзнзва нияяад̇и. вихааро хи ид̇ха ‘‘аран̃н̃а’’нд̇и ад̇хиббзд̇о.
34. Tattha anāsannavarāti etā itthiyo na āsannā anupagatā, dūre eva vā ṭhitā hutvā varā purisassa seṭṭhā hitāvahā, tañca kho niccameva sabbakālameva, na rattimeva, na divāpi, na rahovelāyapi. Vijānatāti vijānantena. ‘‘Anāsannaparā’’tipi pāḷi, so evattho. Ayañhettha adhippāyo – caṇḍahatthiassamahiṃsasīhabyagghayakkharakkhasapisācāpi manussānaṃ anupasaṅkamanto varā seṭṭhā, na anatthāvahā, te pana upasaṅkamantā diṭṭhadhammikaṃyeva anatthaṃ kareyyuṃ. Itthiyo pana upasaṅkamitvā diṭṭhadhammikaṃ samparāyikaṃ vimokkhanissitampi atthaṃ vināsetvā mahantaṃ anatthaṃ āpādenti, tasmā anāsannavarā etā niccameva vijānatāti. Idāni tamatthaṃ attūpanāyikaṃ katvā dassento ‘‘gāmā’’tiādimāha. Tattha gāmāti gāmaṃ. Upayogatthe hi etaṃ nissakkavacanaṃ. Araññamāgammāti araññato āgantvā. Ma-kāro padasandhikaro, nissakke cetaṃ upayogavacanaṃ. Tatoti mañcakato. Anāmantetvāti anālapitvā purāṇadutiyikaṃ ‘‘appamattā hohī’’ti ettakampi avatvā. Posiyoti attānameva paraṃ viya vadati. Ye pana ‘‘pakkāmi’’nti paṭhanti, tesaṃ ahaṃ posiyo pakkāminti yojanā. Ye pana ‘‘sā itthī theraṃ gharaṃ upagataṃ bhojetvā palobhetukāmā jātā, taṃ disvā thero tāvadeva gehato nikkhamitvā vihāraṃ gantvā attano vasanaṭṭhāne mañcake nisīdi. Sāpi kho itthī pacchābhattaṃ alaṅkatapaṭiyattā vihāre therassa vasanaṭṭhānaṃ upasaṅkami. Taṃ disvā thero kiñci avatvā uṭṭhāya divāṭṭhānameva gato’’ti vadanti, tesaṃ ‘‘gāmā araññamāgammā’’ti gāthāpadassa attho yathārutavaseneva niyyati. Vihāro hi idha ‘‘arañña’’nti adhippeto.
босияад̇т̇зраг̇аат̇ааван̣н̣анаа нидтид̇аа.
Posiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. босияад̇т̇зраг̇аат̇аа • 4. Posiyattheragāthā
