| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. бод̇алияасуд̇д̇ам̣
4. Potaliyasuttaṃ
31. звам̣ мз суд̇ам̣ – згам̣ самаяам̣ бхаг̇аваа ан̇г̇уд̇д̇араабзсу вихарад̇и аабан̣ам̣ наама ан̇г̇уд̇д̇араабаанам̣ ниг̇амо. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа аабан̣ам̣ бин̣д̣ааяа баависи. аабан̣з бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язнан̃н̃ад̇аро ванасан̣д̣о д̇знубасан̇гами д̣̇иваавихаарааяа. д̇ам̣ ванасан̣д̣ам̣ аж̇жхог̇аахзд̇ваа 1 ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. бод̇алияоби ко г̇ахабад̇и самбаннаниваасанабаавуран̣о 2 чад̇д̇убааханаахи 3 ж̇ан̇гхаавихаарам̣ анужан̇гамамаано анувижарамаано язна со ванасан̣д̣о д̇знубасан̇гами; убасан̇гамид̇ваа д̇ам̣ ванасан̣д̣ам̣ аж̇жхог̇аахзд̇ваа язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇ам̣ ко бод̇алияам̣ г̇ахабад̇им̣ бхаг̇аваа зд̇ад̣̇авожа – ‘‘сам̣виж̇ж̇анд̇и ко, г̇ахабад̇и, аасанаани; сажз ааган̇каси нисийд̣̇аа’’д̇и. звам̣ вуд̇д̇з, бод̇алияо г̇ахабад̇и ‘‘г̇ахабад̇иваад̣̇зна мам̣ саман̣о г̇од̇амо самуд̣̇аажарад̇ий’’д̇и губид̇о анад̇д̇амано д̇ун̣хий ахоси. д̣̇уд̇ияамби ко бхаг̇аваа…бз… д̇ад̇ияамби ко бхаг̇аваа бод̇алияам̣ г̇ахабад̇им̣ зд̇ад̣̇авожа – ‘‘сам̣виж̇ж̇анд̇и ко, г̇ахабад̇и, аасанаани; сажз ааган̇каси нисийд̣̇аа’’д̇и. ‘‘звам̣ вуд̇д̇з, бод̇алияо г̇ахабад̇и г̇ахабад̇иваад̣̇зна мам̣ саман̣о г̇од̇амо самуд̣̇аажарад̇ий’’д̇и губид̇о анад̇д̇амано бхаг̇аванд̇ам̣ зд̇ад̣̇авожа – ‘‘д̇аяид̣̇ам̣, бхо г̇од̇ама, нажчаннам̣, д̇аяид̣̇ам̣ наббад̇ируубам̣, яам̣ мам̣ д̇вам̣ г̇ахабад̇иваад̣̇зна самуд̣̇аажарасий’’д̇и. ‘‘д̇з хи д̇з, г̇ахабад̇и, аагаараа, д̇з лин̇г̇аа , д̇з нимид̇д̇аа яат̇аа д̇ам̣ г̇ахабад̇иссаа’’д̇и. ‘‘д̇ат̇аа хи бана мз, бхо г̇од̇ама, саб̣б̣з гамманд̇аа бадигкид̇д̇аа, саб̣б̣з вохаараа самужчиннаа’’д̇и. ‘‘яат̇аа гат̇ам̣ бана д̇з, г̇ахабад̇и, саб̣б̣з гамманд̇аа бадигкид̇д̇аа, саб̣б̣з вохаараа самужчиннаа’’д̇и? ‘‘ид̇ха мз, бхо г̇од̇ама, яам̣ ахоси д̇ханам̣ ваа д̇хан̃н̃ам̣ ваа раж̇ад̇ам̣ ваа ж̇аад̇аруубам̣ ваа саб̣б̣ам̣ д̇ам̣ буд̇д̇аанам̣ д̣̇ааяаж̇ж̇ам̣ нияяаад̇ам̣, д̇ад̇т̇аахам̣ ановаад̣̇ий анубаваад̣̇ий гхаасажчаад̣̇анабарамо вихараами. звам̣ ко мз 4, бхо г̇од̇ама, саб̣б̣з гамманд̇аа бадигкид̇д̇аа, саб̣б̣з вохаараа самужчиннаа’’д̇и. ‘‘ан̃н̃ат̇аа ко д̇вам̣, г̇ахабад̇и, вохаарасамужчзд̣̇ам̣ вад̣̇аси, ан̃н̃ат̇аа жа бана арияасса винаяз вохаарасамужчзд̣̇о ход̇ий’’д̇и. ‘‘яат̇аа гат̇ам̣ бана, бханд̇з, арияасса винаяз вохаарасамужчзд̣̇о ход̇и? саад̇ху мз, бханд̇з , бхаг̇аваа д̇ат̇аа д̇хаммам̣ д̣̇зсзд̇у яат̇аа арияасса винаяз вохаарасамужчзд̣̇о ход̇ий’’д̇и. ‘‘д̇зна хи, г̇ахабад̇и, сун̣аахи, саад̇хугам̣ манаси гарохи, бхаасиссаамий’’д̇и. ‘‘звам̣, бханд̇з’’д̇и ко бод̇алияо г̇ахабад̇и бхаг̇авад̇о бажжассоси.
31. Evaṃ me sutaṃ – ekaṃ samayaṃ bhagavā aṅguttarāpesu viharati āpaṇaṃ nāma aṅguttarāpānaṃ nigamo. Atha kho bhagavā pubbaṇhasamayaṃ nivāsetvā pattacīvaramādāya āpaṇaṃ piṇḍāya pāvisi. Āpaṇe piṇḍāya caritvā pacchābhattaṃ piṇḍapātapaṭikkanto yenaññataro vanasaṇḍo tenupasaṅkami divāvihārāya. Taṃ vanasaṇḍaṃ ajjhogāhetvā 5 aññatarasmiṃ rukkhamūle divāvihāraṃ nisīdi. Potaliyopi kho gahapati sampannanivāsanapāvuraṇo 6 chattupāhanāhi 7 jaṅghāvihāraṃ anucaṅkamamāno anuvicaramāno yena so vanasaṇḍo tenupasaṅkami; upasaṅkamitvā taṃ vanasaṇḍaṃ ajjhogāhetvā yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhitaṃ kho potaliyaṃ gahapatiṃ bhagavā etadavoca – ‘‘saṃvijjanti kho, gahapati, āsanāni; sace ākaṅkhasi nisīdā’’ti. Evaṃ vutte, potaliyo gahapati ‘‘gahapativādena maṃ samaṇo gotamo samudācaratī’’ti kupito anattamano tuṇhī ahosi. Dutiyampi kho bhagavā…pe… tatiyampi kho bhagavā potaliyaṃ gahapatiṃ etadavoca – ‘‘saṃvijjanti kho, gahapati, āsanāni; sace ākaṅkhasi nisīdā’’ti. ‘‘Evaṃ vutte, potaliyo gahapati gahapativādena maṃ samaṇo gotamo samudācaratī’’ti kupito anattamano bhagavantaṃ etadavoca – ‘‘tayidaṃ, bho gotama, nacchannaṃ, tayidaṃ nappatirūpaṃ, yaṃ maṃ tvaṃ gahapativādena samudācarasī’’ti. ‘‘Te hi te, gahapati, ākārā, te liṅgā , te nimittā yathā taṃ gahapatissā’’ti. ‘‘Tathā hi pana me, bho gotama, sabbe kammantā paṭikkhittā, sabbe vohārā samucchinnā’’ti. ‘‘Yathā kathaṃ pana te, gahapati, sabbe kammantā paṭikkhittā, sabbe vohārā samucchinnā’’ti? ‘‘Idha me, bho gotama, yaṃ ahosi dhanaṃ vā dhaññaṃ vā rajataṃ vā jātarūpaṃ vā sabbaṃ taṃ puttānaṃ dāyajjaṃ niyyātaṃ, tatthāhaṃ anovādī anupavādī ghāsacchādanaparamo viharāmi. Evaṃ kho me 8, bho gotama, sabbe kammantā paṭikkhittā, sabbe vohārā samucchinnā’’ti. ‘‘Aññathā kho tvaṃ, gahapati, vohārasamucchedaṃ vadasi, aññathā ca pana ariyassa vinaye vohārasamucchedo hotī’’ti. ‘‘Yathā kathaṃ pana, bhante, ariyassa vinaye vohārasamucchedo hoti? Sādhu me, bhante , bhagavā tathā dhammaṃ desetu yathā ariyassa vinaye vohārasamucchedo hotī’’ti. ‘‘Tena hi, gahapati, suṇāhi, sādhukaṃ manasi karohi, bhāsissāmī’’ti. ‘‘Evaṃ, bhante’’ti kho potaliyo gahapati bhagavato paccassosi.
32. бхаг̇аваа зд̇ад̣̇авожа – ‘‘адта ко имз, г̇ахабад̇и, д̇хаммаа арияасса винаяз вохаарасамужчзд̣̇ааяа сам̣вад̇д̇анд̇и. гад̇амз адта? абаан̣аад̇ибаад̇ам̣ ниссааяа баан̣аад̇ибаад̇о бахаад̇аб̣б̣о; д̣̇иннаад̣̇аанам̣ ниссааяа ад̣̇иннаад̣̇аанам̣ бахаад̇аб̣б̣ам̣; сажжаваажам̣ 9 ниссааяа мусааваад̣̇о бахаад̇аб̣б̣о; абисун̣ам̣ ваажам̣ ниссааяа бисун̣аа ваажаа бахаад̇аб̣б̣аа; аг̇ид̣̇д̇хилобхам̣ ниссааяа г̇ид̣̇д̇хилобхо бахаад̇аб̣б̣о; анинд̣̇ааросам̣ ниссааяа нинд̣̇ааросо бахаад̇аб̣б̣о; аггод̇хуубааяаасам̣ ниссааяа год̇хуубааяаасо бахаад̇аб̣б̣о; анад̇имаанам̣ ниссааяа ад̇имаано бахаад̇аб̣б̣о. имз ко, г̇ахабад̇и, адта д̇хаммаа сам̣кид̇д̇зна вуд̇д̇аа, вид̇т̇аарзна авибхад̇д̇аа, арияасса винаяз вохаарасамужчзд̣̇ааяа сам̣вад̇д̇анд̇ий’’д̇и. ‘‘яз мз 10, бханд̇з, бхаг̇авад̇аа адта д̇хаммаа сам̣кид̇д̇зна вуд̇д̇аа, вид̇т̇аарзна авибхад̇д̇аа, арияасса винаяз вохаарасамужчзд̣̇ааяа сам̣вад̇д̇анд̇и, саад̇ху мз, бханд̇з, бхаг̇аваа имз адта д̇хаммз вид̇т̇аарзна 11 вибхаж̇ад̇у анугамбам̣ убаад̣̇ааяаа’’д̇и. ‘‘д̇зна хи, г̇ахабад̇и, сун̣аахи, саад̇хугам̣ манаси гарохи, бхаасиссаамий’’д̇и. ‘‘звам̣, бханд̇з’’д̇и ко бод̇алияо г̇ахабад̇и бхаг̇авад̇о бажжассоси. бхаг̇аваа зд̇ад̣̇авожа –
32. Bhagavā etadavoca – ‘‘aṭṭha kho ime, gahapati, dhammā ariyassa vinaye vohārasamucchedāya saṃvattanti. Katame aṭṭha? Apāṇātipātaṃ nissāya pāṇātipāto pahātabbo; dinnādānaṃ nissāya adinnādānaṃ pahātabbaṃ; saccavācaṃ 12 nissāya musāvādo pahātabbo; apisuṇaṃ vācaṃ nissāya pisuṇā vācā pahātabbā; agiddhilobhaṃ nissāya giddhilobho pahātabbo; anindārosaṃ nissāya nindāroso pahātabbo; akkodhūpāyāsaṃ nissāya kodhūpāyāso pahātabbo; anatimānaṃ nissāya atimāno pahātabbo. Ime kho, gahapati, aṭṭha dhammā saṃkhittena vuttā, vitthārena avibhattā, ariyassa vinaye vohārasamucchedāya saṃvattantī’’ti. ‘‘Ye me 13, bhante, bhagavatā aṭṭha dhammā saṃkhittena vuttā, vitthārena avibhattā, ariyassa vinaye vohārasamucchedāya saṃvattanti, sādhu me, bhante, bhagavā ime aṭṭha dhamme vitthārena 14 vibhajatu anukampaṃ upādāyā’’ti. ‘‘Tena hi, gahapati, suṇāhi, sādhukaṃ manasi karohi, bhāsissāmī’’ti. ‘‘Evaṃ, bhante’’ti kho potaliyo gahapati bhagavato paccassosi. Bhagavā etadavoca –
33. ‘‘‘абаан̣аад̇ибаад̇ам̣ ниссааяа баан̣аад̇ибаад̇о бахаад̇аб̣б̣о’д̇и ид̇и ко банзд̇ам̣ вуд̇д̇ам̣ гин̃жзд̇ам̣ бадижжа вуд̇д̇ам̣ ? ид̇ха, г̇ахабад̇и, арияасааваго ид̇и бадисан̃жигкад̇и – ‘язсам̣ ко ахам̣ сам̣яож̇анаанам̣ хзд̇у баан̣аад̇ибаад̇ий ассам̣, д̇зсаахам̣ сам̣яож̇анаанам̣ бахаанааяа самужчзд̣̇ааяа бадибанно. ахан̃жзва 15 ко бана баан̣аад̇ибаад̇ий ассам̣, ад̇д̇ааби мам̣ убавад̣̇зяяа баан̣аад̇ибаад̇абажжаяаа, анувижжааби мам̣ вин̃н̃уу 16 г̇арахзяяум̣ баан̣аад̇ибаад̇абажжаяаа, гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа баан̣аад̇ибаад̇абажжаяаа. зд̇ад̣̇зва ко бана сам̣яож̇анам̣ зд̇ам̣ нийваран̣ам̣ яад̣̇ид̣̇ам̣ баан̣аад̇ибаад̇о. яз жа баан̣аад̇ибаад̇абажжаяаа уббаж̇ж̇зяяум̣ аасаваа вигхаад̇абарил̣аахаа, баан̣аад̇ибаад̇аа бадивирад̇асса звам̣са д̇з аасаваа вигхаад̇абарил̣аахаа на хонд̇и’. ‘абаан̣аад̇ибаад̇ам̣ ниссааяа баан̣аад̇ибаад̇о бахаад̇аб̣б̣о’д̇и – ид̇и яанд̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
33. ‘‘‘Apāṇātipātaṃ nissāya pāṇātipāto pahātabbo’ti iti kho panetaṃ vuttaṃ kiñcetaṃ paṭicca vuttaṃ ? Idha, gahapati, ariyasāvako iti paṭisañcikkhati – ‘yesaṃ kho ahaṃ saṃyojanānaṃ hetu pāṇātipātī assaṃ, tesāhaṃ saṃyojanānaṃ pahānāya samucchedāya paṭipanno. Ahañceva 17 kho pana pāṇātipātī assaṃ, attāpi maṃ upavadeyya pāṇātipātapaccayā, anuviccāpi maṃ viññū 18 garaheyyuṃ pāṇātipātapaccayā, kāyassa bhedā paraṃ maraṇā duggati pāṭikaṅkhā pāṇātipātapaccayā. Etadeva kho pana saṃyojanaṃ etaṃ nīvaraṇaṃ yadidaṃ pāṇātipāto. Ye ca pāṇātipātapaccayā uppajjeyyuṃ āsavā vighātapariḷāhā, pāṇātipātā paṭiviratassa evaṃsa te āsavā vighātapariḷāhā na honti’. ‘Apāṇātipātaṃ nissāya pāṇātipāto pahātabbo’ti – iti yantaṃ vuttaṃ idametaṃ paṭicca vuttaṃ.
34. ‘‘‘д̣̇иннаад̣̇аанам̣ ниссааяа ад̣̇иннаад̣̇аанам̣ бахаад̇аб̣б̣а’нд̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? ид̇ха, г̇ахабад̇и, арияасааваго ид̇и бадисан̃жигкад̇и – ‘язсам̣ ко ахам̣ сам̣яож̇анаанам̣ хзд̇у ад̣̇иннаад̣̇ааяий ассам̣, д̇зсаахам̣ сам̣яож̇анаанам̣ бахаанааяа самужчзд̣̇ааяа бадибанно. ахан̃жзва ко бана ад̣̇иннаад̣̇ааяий ассам̣, ад̇д̇ааби мам̣ убавад̣̇зяяа ад̣̇иннаад̣̇аанабажжаяаа, анувижжааби мам̣ вин̃н̃уу г̇арахзяяум̣ ад̣̇иннаад̣̇аанабажжаяаа, гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа ад̣̇иннаад̣̇аанабажжаяаа. зд̇ад̣̇зва ко бана сам̣яож̇анам̣ зд̇ам̣ нийваран̣ам̣ яад̣̇ид̣̇ам̣ ад̣̇иннаад̣̇аанам̣. яз жа ад̣̇иннаад̣̇аанабажжаяаа уббаж̇ж̇зяяум̣ аасаваа вигхаад̇абарил̣аахаа ад̣̇иннаад̣̇аанаа бадивирад̇асса звам̣са д̇з аасаваа вигхаад̇абарил̣аахаа на хонд̇и’. ‘д̣̇иннаад̣̇аанам̣ ниссааяа ад̣̇иннаад̣̇аанам̣ бахаад̇аб̣б̣а’нд̇и – ид̇и яанд̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
34. ‘‘‘Dinnādānaṃ nissāya adinnādānaṃ pahātabba’nti iti kho panetaṃ vuttaṃ, kiñcetaṃ paṭicca vuttaṃ? Idha, gahapati, ariyasāvako iti paṭisañcikkhati – ‘yesaṃ kho ahaṃ saṃyojanānaṃ hetu adinnādāyī assaṃ, tesāhaṃ saṃyojanānaṃ pahānāya samucchedāya paṭipanno. Ahañceva kho pana adinnādāyī assaṃ, attāpi maṃ upavadeyya adinnādānapaccayā, anuviccāpi maṃ viññū garaheyyuṃ adinnādānapaccayā, kāyassa bhedā paraṃ maraṇā duggati pāṭikaṅkhā adinnādānapaccayā. Etadeva kho pana saṃyojanaṃ etaṃ nīvaraṇaṃ yadidaṃ adinnādānaṃ. Ye ca adinnādānapaccayā uppajjeyyuṃ āsavā vighātapariḷāhā adinnādānā paṭiviratassa evaṃsa te āsavā vighātapariḷāhā na honti’. ‘Dinnādānaṃ nissāya adinnādānaṃ pahātabba’nti – iti yantaṃ vuttaṃ idametaṃ paṭicca vuttaṃ.
35. ‘‘‘сажжаваажам̣ ниссааяа мусааваад̣̇о бахаад̇аб̣б̣о’д̇и ид̇и ко банзд̇ам̣ вуд̇д̇ам̣ гин̃жзд̇ам̣ бадижжа вуд̇д̇ам̣? ид̇ха, г̇ахабад̇и, арияасааваго ид̇и бадисан̃жигкад̇и – ‘язсам̣ ко ахам̣ сам̣яож̇анаанам̣ хзд̇у мусааваад̣̇ий ассам̣, д̇зсаахам̣ сам̣яож̇анаанам̣ бахаанааяа самужчзд̣̇ааяа бадибанно. ахан̃жзва ко бана мусааваад̣̇ий ассам̣, ад̇д̇ааби мам̣ убавад̣̇зяяа мусааваад̣̇абажжаяаа, анувижжааби мам̣ вин̃н̃уу г̇арахзяяум̣ мусааваад̣̇абажжаяаа, гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа мусааваад̣̇абажжаяаа. зд̇ад̣̇зва ко бана сам̣яож̇анам̣ зд̇ам̣ нийваран̣ам̣ яад̣̇ид̣̇ам̣ мусааваад̣̇о . яз жа мусааваад̣̇абажжаяаа уббаж̇ж̇зяяум̣ аасаваа вигхаад̇абарил̣аахаа, мусааваад̣̇аа бадивирад̇асса звам̣са д̇з аасаваа вигхаад̇абарил̣аахаа на хонд̇и’. ‘сажжаваажам̣ ниссааяа мусааваад̣̇о бахаад̇аб̣б̣о’д̇и – ид̇и яанд̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
35. ‘‘‘Saccavācaṃ nissāya musāvādo pahātabbo’ti iti kho panetaṃ vuttaṃ kiñcetaṃ paṭicca vuttaṃ? Idha, gahapati, ariyasāvako iti paṭisañcikkhati – ‘yesaṃ kho ahaṃ saṃyojanānaṃ hetu musāvādī assaṃ, tesāhaṃ saṃyojanānaṃ pahānāya samucchedāya paṭipanno. Ahañceva kho pana musāvādī assaṃ, attāpi maṃ upavadeyya musāvādapaccayā, anuviccāpi maṃ viññū garaheyyuṃ musāvādapaccayā, kāyassa bhedā paraṃ maraṇā duggati pāṭikaṅkhā musāvādapaccayā. Etadeva kho pana saṃyojanaṃ etaṃ nīvaraṇaṃ yadidaṃ musāvādo . Ye ca musāvādapaccayā uppajjeyyuṃ āsavā vighātapariḷāhā, musāvādā paṭiviratassa evaṃsa te āsavā vighātapariḷāhā na honti’. ‘Saccavācaṃ nissāya musāvādo pahātabbo’ti – iti yantaṃ vuttaṃ idametaṃ paṭicca vuttaṃ.
36. ‘‘‘абисун̣ам̣ ваажам̣ ниссааяа бисун̣аа ваажаа бахаад̇аб̣б̣аа’д̇и ид̇и ко банзд̇ам̣ вуд̇д̇ам̣ гин̃жзд̇ам̣ бадижжа вуд̇д̇ам̣? ид̇ха, г̇ахабад̇и, арияасааваго ид̇и бадисан̃жигкад̇и – ‘язсам̣ ко ахам̣ сам̣яож̇анаанам̣ хзд̇у бисун̣аваажо ассам̣, д̇зсаахам̣ сам̣яож̇анаанам̣ бахаанааяа самужчзд̣̇ааяа бадибанно. ахан̃жзва ко бана бисун̣аваажо ассам̣, ад̇д̇ааби мам̣ убавад̣̇зяяа бисун̣аваажаабажжаяаа , анувижжааби мам̣ вин̃н̃уу г̇арахзяяум̣ бисун̣аваажаабажжаяаа, гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа бисун̣аваажаабажжаяаа. зд̇ад̣̇зва ко бана сам̣яож̇анам̣ зд̇ам̣ нийваран̣ам̣ яад̣̇ид̣̇ам̣ бисун̣аа ваажаа. яз жа бисун̣аваажаабажжаяаа уббаж̇ж̇зяяум̣ аасаваа вигхаад̇абарил̣аахаа, бисун̣ааяа ваажааяа бадивирад̇асса звам̣са д̇з аасаваа вигхаад̇абарил̣аахаа на хонд̇и’. ‘абисун̣ам̣ ваажам̣ ниссааяа бисун̣аа ваажаа бахаад̇аб̣б̣аа’д̇и – ид̇и яанд̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
36. ‘‘‘Apisuṇaṃ vācaṃ nissāya pisuṇā vācā pahātabbā’ti iti kho panetaṃ vuttaṃ kiñcetaṃ paṭicca vuttaṃ? Idha, gahapati, ariyasāvako iti paṭisañcikkhati – ‘yesaṃ kho ahaṃ saṃyojanānaṃ hetu pisuṇavāco assaṃ, tesāhaṃ saṃyojanānaṃ pahānāya samucchedāya paṭipanno. Ahañceva kho pana pisuṇavāco assaṃ, attāpi maṃ upavadeyya pisuṇavācāpaccayā , anuviccāpi maṃ viññū garaheyyuṃ pisuṇavācāpaccayā, kāyassa bhedā paraṃ maraṇā duggati pāṭikaṅkhā pisuṇavācāpaccayā. Etadeva kho pana saṃyojanaṃ etaṃ nīvaraṇaṃ yadidaṃ pisuṇā vācā. Ye ca pisuṇavācāpaccayā uppajjeyyuṃ āsavā vighātapariḷāhā, pisuṇāya vācāya paṭiviratassa evaṃsa te āsavā vighātapariḷāhā na honti’. ‘Apisuṇaṃ vācaṃ nissāya pisuṇā vācā pahātabbā’ti – iti yantaṃ vuttaṃ idametaṃ paṭicca vuttaṃ.
37. ‘‘‘аг̇ид̣̇д̇хилобхам̣ ниссааяа г̇ид̣̇д̇хилобхо бахаад̇аб̣б̣о’д̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? ид̇ха, г̇ахабад̇и, арияасааваго ид̇и бадисан̃жигкад̇и – ‘язсам̣ ко ахам̣ сам̣яож̇анаанам̣ хзд̇у г̇ид̣̇д̇хилобхий ассам̣, д̇зсаахам̣ сам̣яож̇анаанам̣ бахаанааяа самужчзд̣̇ааяа бадибанно. ахан̃жзва ко бана г̇ид̣̇д̇хилобхий ассам̣, ад̇д̇ааби мам̣ убавад̣̇зяяа г̇ид̣̇д̇хилобхабажжаяаа, анувижжааби мам̣ вин̃н̃уу г̇арахзяяум̣ г̇ид̣̇д̇хилобхабажжаяаа, гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа г̇ид̣̇д̇хилобхабажжаяаа. зд̇ад̣̇зва ко бана сам̣яож̇анам̣ зд̇ам̣ нийваран̣ам̣ яад̣̇ид̣̇ам̣ г̇ид̣̇д̇хилобхо. яз жа г̇ид̣̇д̇хилобхабажжаяаа уббаж̇ж̇зяяум̣ аасаваа вигхаад̇абарил̣аахаа, г̇ид̣̇д̇хилобхаа бадивирад̇асса звам̣са д̇з аасаваа вигхаад̇абарил̣аахаа на хонд̇и’. ‘аг̇ид̣̇д̇хилобхам̣ ниссааяа г̇ид̣̇д̇хилобхо бахаад̇аб̣б̣о’д̇и – ид̇и яанд̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
37. ‘‘‘Agiddhilobhaṃ nissāya giddhilobho pahātabbo’ti iti kho panetaṃ vuttaṃ, kiñcetaṃ paṭicca vuttaṃ? Idha, gahapati, ariyasāvako iti paṭisañcikkhati – ‘yesaṃ kho ahaṃ saṃyojanānaṃ hetu giddhilobhī assaṃ, tesāhaṃ saṃyojanānaṃ pahānāya samucchedāya paṭipanno. Ahañceva kho pana giddhilobhī assaṃ, attāpi maṃ upavadeyya giddhilobhapaccayā, anuviccāpi maṃ viññū garaheyyuṃ giddhilobhapaccayā, kāyassa bhedā paraṃ maraṇā duggati pāṭikaṅkhā giddhilobhapaccayā. Etadeva kho pana saṃyojanaṃ etaṃ nīvaraṇaṃ yadidaṃ giddhilobho. Ye ca giddhilobhapaccayā uppajjeyyuṃ āsavā vighātapariḷāhā, giddhilobhā paṭiviratassa evaṃsa te āsavā vighātapariḷāhā na honti’. ‘Agiddhilobhaṃ nissāya giddhilobho pahātabbo’ti – iti yantaṃ vuttaṃ idametaṃ paṭicca vuttaṃ.
38. ‘‘‘анинд̣̇ааросам̣ ниссааяа нинд̣̇ааросо бахаад̇аб̣б̣о’д̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? ид̇ха, г̇ахабад̇и, арияасааваго ид̇и бадисан̃жигкад̇и – ‘язсам̣ ко ахам̣ сам̣яож̇анаанам̣ хзд̇у нинд̣̇ааросий ассам̣, д̇зсаахам̣ сам̣яож̇анаанам̣ бахаанааяа самужчзд̣̇ааяа бадибанно. ахан̃жзва ко бана нинд̣̇ааросий ассам̣, ад̇д̇ааби мам̣ убавад̣̇зяяа нинд̣̇ааросабажжаяаа, анувижжааби мам̣ вин̃н̃уу г̇арахзяяум̣ нинд̣̇ааросабажжаяаа, гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа нинд̣̇ааросабажжаяаа. зд̇ад̣̇зва ко бана сам̣яож̇анам̣ зд̇ам̣ нийваран̣ам̣ яад̣̇ид̣̇ам̣ нинд̣̇ааросо. яз жа нинд̣̇ааросабажжаяаа уббаж̇ж̇зяяум̣ аасаваа вигхаад̇абарил̣аахаа, анинд̣̇ааросисса звам̣са д̇з аасаваа вигхаад̇абарил̣аахаа на хонд̇и’. ‘анинд̣̇ааросам̣ ниссааяа нинд̣̇ааросо бахаад̇аб̣б̣о’д̇и – ид̇и яанд̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
38. ‘‘‘Anindārosaṃ nissāya nindāroso pahātabbo’ti iti kho panetaṃ vuttaṃ, kiñcetaṃ paṭicca vuttaṃ? Idha, gahapati, ariyasāvako iti paṭisañcikkhati – ‘yesaṃ kho ahaṃ saṃyojanānaṃ hetu nindārosī assaṃ, tesāhaṃ saṃyojanānaṃ pahānāya samucchedāya paṭipanno. Ahañceva kho pana nindārosī assaṃ, attāpi maṃ upavadeyya nindārosapaccayā, anuviccāpi maṃ viññū garaheyyuṃ nindārosapaccayā, kāyassa bhedā paraṃ maraṇā duggati pāṭikaṅkhā nindārosapaccayā. Etadeva kho pana saṃyojanaṃ etaṃ nīvaraṇaṃ yadidaṃ nindāroso. Ye ca nindārosapaccayā uppajjeyyuṃ āsavā vighātapariḷāhā, anindārosissa evaṃsa te āsavā vighātapariḷāhā na honti’. ‘Anindārosaṃ nissāya nindāroso pahātabbo’ti – iti yantaṃ vuttaṃ idametaṃ paṭicca vuttaṃ.
39. ‘‘‘аггод̇хуубааяаасам̣ ниссааяа год̇хуубааяаасо бахаад̇аб̣б̣о’д̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? ид̇ха, г̇ахабад̇и, арияасааваго ид̇и бадисан̃жигкад̇и – ‘язсам̣ ко ахам̣ сам̣яож̇анаанам̣ хзд̇у год̇хуубааяаасий ассам̣, д̇зсаахам̣ сам̣яож̇анаанам̣ бахаанааяа самужчзд̣̇ааяа бадибанно. ахан̃жзва ко бана год̇хуубааяаасий ассам̣, ад̇д̇ааби мам̣ убавад̣̇зяяа год̇хуубааяаасабажжаяаа , анувижжааби мам̣ вин̃н̃уу г̇арахзяяум̣ год̇хуубааяаасабажжаяаа, гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа год̇хуубааяаасабажжаяаа. зд̇ад̣̇зва ко бана сам̣яож̇анам̣ зд̇ам̣ нийваран̣ам̣ яад̣̇ид̣̇ам̣ год̇хуубааяаасо. яз жа год̇хуубааяаасабажжаяаа уббаж̇ж̇зяяум̣ аасаваа вигхаад̇абарил̣аахаа, аггод̇хуубааяаасисса звам̣са д̇з аасаваа вигхаад̇абарил̣аахаа на хонд̇и’. ‘аггод̇хуубааяаасам̣ ниссааяа год̇хуубааяаасо бахаад̇аб̣б̣о’д̇и – ид̇и яанд̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
39. ‘‘‘Akkodhūpāyāsaṃ nissāya kodhūpāyāso pahātabbo’ti iti kho panetaṃ vuttaṃ, kiñcetaṃ paṭicca vuttaṃ? Idha, gahapati, ariyasāvako iti paṭisañcikkhati – ‘yesaṃ kho ahaṃ saṃyojanānaṃ hetu kodhūpāyāsī assaṃ, tesāhaṃ saṃyojanānaṃ pahānāya samucchedāya paṭipanno. Ahañceva kho pana kodhūpāyāsī assaṃ, attāpi maṃ upavadeyya kodhūpāyāsapaccayā , anuviccāpi maṃ viññū garaheyyuṃ kodhūpāyāsapaccayā, kāyassa bhedā paraṃ maraṇā duggati pāṭikaṅkhā kodhūpāyāsapaccayā. Etadeva kho pana saṃyojanaṃ etaṃ nīvaraṇaṃ yadidaṃ kodhūpāyāso. Ye ca kodhūpāyāsapaccayā uppajjeyyuṃ āsavā vighātapariḷāhā, akkodhūpāyāsissa evaṃsa te āsavā vighātapariḷāhā na honti’. ‘Akkodhūpāyāsaṃ nissāya kodhūpāyāso pahātabbo’ti – iti yantaṃ vuttaṃ idametaṃ paṭicca vuttaṃ.
40. ‘‘‘анад̇имаанам̣ ниссааяа ад̇имаано бахаад̇аб̣б̣о’д̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? ид̇ха, г̇ахабад̇и, арияасааваго ид̇и бадисан̃жигкад̇и – ‘язсам̣ ко ахам̣ сам̣яож̇анаанам̣ хзд̇у ад̇имааний ассам̣, д̇зсаахам̣ сам̣яож̇анаанам̣ бахаанааяа самужчзд̣̇ааяа бадибанно. ахан̃жзва ко бана ад̇имааний ассам̣, ад̇д̇ааби мам̣ убавад̣̇зяяа ад̇имаанабажжаяаа, анувижжааби мам̣ вин̃н̃уу г̇арахзяяум̣ ад̇имаанабажжаяаа, гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа ад̇имаанабажжаяаа. зд̇ад̣̇зва ко бана сам̣яож̇анам̣ зд̇ам̣ нийваран̣ам̣ яад̣̇ид̣̇ам̣ ад̇имаано. яз жа ад̇имаанабажжаяаа уббаж̇ж̇зяяум̣ аасаваа вигхаад̇абарил̣аахаа, анад̇имаанисса звам̣са д̇з аасаваа вигхаад̇абарил̣аахаа на хонд̇и’. ‘анад̇имаанам̣ ниссааяа ад̇имаано бахаад̇аб̣б̣о’д̇и – ид̇и яанд̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
40. ‘‘‘Anatimānaṃ nissāya atimāno pahātabbo’ti iti kho panetaṃ vuttaṃ, kiñcetaṃ paṭicca vuttaṃ? Idha, gahapati, ariyasāvako iti paṭisañcikkhati – ‘yesaṃ kho ahaṃ saṃyojanānaṃ hetu atimānī assaṃ, tesāhaṃ saṃyojanānaṃ pahānāya samucchedāya paṭipanno. Ahañceva kho pana atimānī assaṃ, attāpi maṃ upavadeyya atimānapaccayā, anuviccāpi maṃ viññū garaheyyuṃ atimānapaccayā, kāyassa bhedā paraṃ maraṇā duggati pāṭikaṅkhā atimānapaccayā. Etadeva kho pana saṃyojanaṃ etaṃ nīvaraṇaṃ yadidaṃ atimāno. Ye ca atimānapaccayā uppajjeyyuṃ āsavā vighātapariḷāhā, anatimānissa evaṃsa te āsavā vighātapariḷāhā na honti’. ‘Anatimānaṃ nissāya atimāno pahātabbo’ti – iti yantaṃ vuttaṃ idametaṃ paṭicca vuttaṃ.
41. ‘‘имз ко, г̇ахабад̇и, адта д̇хаммаа сам̣кид̇д̇зна вуд̇д̇аа, вид̇т̇аарзна вибхад̇д̇аа 19, яз арияасса винаяз вохаарасамужчзд̣̇ааяа сам̣вад̇д̇анд̇и; на д̇взва д̇аава арияасса винаяз саб̣б̣зна саб̣б̣ам̣ саб̣б̣ат̇аа саб̣б̣ам̣ вохаарасамужчзд̣̇о ход̇ий’’д̇и.
41. ‘‘Ime kho, gahapati, aṭṭha dhammā saṃkhittena vuttā, vitthārena vibhattā 20, ye ariyassa vinaye vohārasamucchedāya saṃvattanti; na tveva tāva ariyassa vinaye sabbena sabbaṃ sabbathā sabbaṃ vohārasamucchedo hotī’’ti.
‘‘яат̇аа гат̇ам̣ бана, бханд̇з, арияасса винаяз саб̣б̣зна саб̣б̣ам̣ саб̣б̣ат̇аа саб̣б̣ам̣ вохаарасамужчзд̣̇о ход̇и? саад̇ху мз, бханд̇з, бхаг̇аваа д̇ат̇аа д̇хаммам̣ д̣̇зсзд̇у яат̇аа арияасса винаяз саб̣б̣зна саб̣б̣ам̣ саб̣б̣ат̇аа саб̣б̣ам̣ вохаарасамужчзд̣̇о ход̇ий’’д̇и. ‘‘д̇зна хи, г̇ахабад̇и, сун̣аахи, саад̇хугам̣ манаси гарохи, бхаасиссаамий’’д̇и. ‘‘звам̣, бханд̇з’’д̇и ко бод̇алияо г̇ахабад̇и бхаг̇авад̇о бажжассоси. бхаг̇аваа зд̇ад̣̇авожа –
‘‘Yathā kathaṃ pana, bhante, ariyassa vinaye sabbena sabbaṃ sabbathā sabbaṃ vohārasamucchedo hoti? Sādhu me, bhante, bhagavā tathā dhammaṃ desetu yathā ariyassa vinaye sabbena sabbaṃ sabbathā sabbaṃ vohārasamucchedo hotī’’ti. ‘‘Tena hi, gahapati, suṇāhi, sādhukaṃ manasi karohi, bhāsissāmī’’ti. ‘‘Evaṃ, bhante’’ti kho potaliyo gahapati bhagavato paccassosi. Bhagavā etadavoca –
гаамаад̣̇ийнавагат̇аа
Kāmādīnavakathā
42. ‘‘сзяяат̇ааби , г̇ахабад̇и, гуггуро ж̇игхажчаад̣̇уб̣б̣аляабарзд̇о г̇огхаад̇агасуунам̣ бажжубадтид̇о асса. д̇амзнам̣ д̣̇агко г̇огхаад̇аго ваа г̇огхаад̇аганд̇зваасий ваа адтиган̇галам̣ сунигганд̇ам̣ нигганд̇ам̣ ниммам̣сам̣ лохид̇амагкид̇ам̣ убасумбхзяяа 21. д̇ам̣ гим̣ ман̃н̃аси, г̇ахабад̇и, аби ну ко со гуггуро амум̣ адтиган̇галам̣ сунигганд̇ам̣ нигганд̇ам̣ ниммам̣сам̣ лохид̇амагкид̇ам̣ балзханд̇о ж̇игхажчаад̣̇уб̣б̣аляам̣ бадивинзяяаа’’д̇и?
42. ‘‘Seyyathāpi , gahapati, kukkuro jighacchādubbalyapareto goghātakasūnaṃ paccupaṭṭhito assa. Tamenaṃ dakkho goghātako vā goghātakantevāsī vā aṭṭhikaṅkalaṃ sunikkantaṃ nikkantaṃ nimmaṃsaṃ lohitamakkhitaṃ upasumbheyya 22. Taṃ kiṃ maññasi, gahapati, api nu kho so kukkuro amuṃ aṭṭhikaṅkalaṃ sunikkantaṃ nikkantaṃ nimmaṃsaṃ lohitamakkhitaṃ palehanto jighacchādubbalyaṃ paṭivineyyā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘д̇ам̣ гисса хзд̇у’’?
‘‘Taṃ kissa hetu’’?
‘‘ад̣̇ун̃хи, бханд̇з, адтиган̇галам̣ сунигганд̇ам̣ нигганд̇ам̣ ниммам̣сам̣ лохид̇амагкид̇ам̣. яаавад̣̇зва бана со гуггуро гиламат̇асса вигхаад̇асса бхааг̇ий ассаад̇и. звамзва ко, г̇ахабад̇и, арияасааваго ид̇и бадисан̃жигкад̇и – ‘адтиган̇галуубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа 23, аад̣̇ийнаво зд̇т̇а бхияяо’д̇и. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа яааяам̣ убзгкаа наанад̇д̇аа наанад̇д̇асид̇аа д̇ам̣ абхиниваж̇ж̇зд̇ваа, яааяам̣ убзгкаа згад̇д̇аа згад̇д̇асид̇аа яад̇т̇а саб̣б̣асо логаамисуубаад̣̇аанаа абарисзсаа нируж̇жханд̇и д̇амзвуубзгкам̣ бхаавзд̇и.
‘‘Aduñhi, bhante, aṭṭhikaṅkalaṃ sunikkantaṃ nikkantaṃ nimmaṃsaṃ lohitamakkhitaṃ. Yāvadeva pana so kukkuro kilamathassa vighātassa bhāgī assāti. Evameva kho, gahapati, ariyasāvako iti paṭisañcikkhati – ‘aṭṭhikaṅkalūpamā kāmā vuttā bhagavatā bahudukkhā bahupāyāsā 24, ādīnavo ettha bhiyyo’ti. Evametaṃ yathābhūtaṃ sammappaññāya disvā yāyaṃ upekkhā nānattā nānattasitā taṃ abhinivajjetvā, yāyaṃ upekkhā ekattā ekattasitā yattha sabbaso lokāmisūpādānā aparisesā nirujjhanti tamevūpekkhaṃ bhāveti.
43. ‘‘сзяяат̇ааби, г̇ахабад̇и, г̇иж̇жхо ваа ган̇го ваа гулало ваа мам̣сабзсим̣ аад̣̇ааяа уд̣д̣ийязяяа 25. д̇амзнам̣ г̇иж̇жхааби ган̇гааби гулалааби анубад̇ид̇ваа анубад̇ид̇ваа вид̇ажчзяяум̣ виссаж̇ж̇зяяум̣ 26. д̇ам̣ гим̣ ман̃н̃аси, г̇ахабад̇и, сажз со г̇иж̇жхо ваа ган̇го ваа гулало ваа д̇ам̣ мам̣сабзсим̣ на киббамзва бадиниссаж̇ж̇зяяа, со д̇ад̇онид̣̇аанам̣ маран̣ам̣ ваа ниг̇ажчзяяа маран̣амад̇д̇ам̣ ваа д̣̇угка’’нд̇и?
43. ‘‘Seyyathāpi, gahapati, gijjho vā kaṅko vā kulalo vā maṃsapesiṃ ādāya uḍḍīyeyya 27. Tamenaṃ gijjhāpi kaṅkāpi kulalāpi anupatitvā anupatitvā vitaccheyyuṃ vissajjeyyuṃ 28. Taṃ kiṃ maññasi, gahapati, sace so gijjho vā kaṅko vā kulalo vā taṃ maṃsapesiṃ na khippameva paṭinissajjeyya, so tatonidānaṃ maraṇaṃ vā nigaccheyya maraṇamattaṃ vā dukkha’’nti?
‘‘звам̣, бханд̇з’’.
‘‘Evaṃ, bhante’’.
‘‘звамзва ко, г̇ахабад̇и, арияасааваго ид̇и бадисан̃жигкад̇и – ‘мам̣сабзсуубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’д̇и. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа яааяам̣ убзгкаа наанад̇д̇аа наанад̇д̇асид̇аа д̇ам̣ абхиниваж̇ж̇зд̇ваа яааяам̣ убзгкаа згад̇д̇аа згад̇д̇асид̇аа яад̇т̇а саб̣б̣асо логаамисуубаад̣̇аанаа абарисзсаа нируж̇жханд̇и д̇амзвуубзгкам̣ бхаавзд̇и.
‘‘Evameva kho, gahapati, ariyasāvako iti paṭisañcikkhati – ‘maṃsapesūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti. Evametaṃ yathābhūtaṃ sammappaññāya disvā yāyaṃ upekkhā nānattā nānattasitā taṃ abhinivajjetvā yāyaṃ upekkhā ekattā ekattasitā yattha sabbaso lokāmisūpādānā aparisesā nirujjhanti tamevūpekkhaṃ bhāveti.
44. ‘‘сзяяат̇ааби, г̇ахабад̇и, бурисо аад̣̇ид̇д̇ам̣ д̇ин̣уггам̣ аад̣̇ааяа бадиваад̇ам̣ г̇ажчзяяа. д̇ам̣ гим̣ ман̃н̃аси, г̇ахабад̇и, сажз со бурисо д̇ам̣ аад̣̇ид̇д̇ам̣ д̇ин̣уггам̣ на киббамзва бадиниссаж̇ж̇зяяа д̇асса саа аад̣̇ид̇д̇аа д̇ин̣уггаа хад̇т̇ам̣ ваа д̣̇ахзяяа б̣аахум̣ ваа д̣̇ахзяяа ан̃н̃ад̇арам̣ ваа ан̃н̃ад̇арам̣ ваа ан̇г̇абажжан̇г̇ам̣ 29 д̣̇ахзяяа, со д̇ад̇онид̣̇аанам̣ маран̣ам̣ ваа ниг̇ажчзяяа маран̣амад̇д̇ам̣ ваа д̣̇угка’’нд̇и?
44. ‘‘Seyyathāpi, gahapati, puriso ādittaṃ tiṇukkaṃ ādāya paṭivātaṃ gaccheyya. Taṃ kiṃ maññasi, gahapati, sace so puriso taṃ ādittaṃ tiṇukkaṃ na khippameva paṭinissajjeyya tassa sā ādittā tiṇukkā hatthaṃ vā daheyya bāhuṃ vā daheyya aññataraṃ vā aññataraṃ vā aṅgapaccaṅgaṃ 30 daheyya, so tatonidānaṃ maraṇaṃ vā nigaccheyya maraṇamattaṃ vā dukkha’’nti?
‘‘звам̣, бханд̇з’’.
‘‘Evaṃ, bhante’’.
‘‘звамзва ко, г̇ахабад̇и, арияасааваго ид̇и бадисан̃жигкад̇и – ‘д̇ин̣уггуубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’д̇и. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа…бз… д̇амзвуубзгкам̣ бхаавзд̇и.
‘‘Evameva kho, gahapati, ariyasāvako iti paṭisañcikkhati – ‘tiṇukkūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti. Evametaṃ yathābhūtaṃ sammappaññāya disvā…pe… tamevūpekkhaṃ bhāveti.
45. ‘‘сзяяат̇ааби , г̇ахабад̇и, ан̇г̇аарагаасу саад̇хигаборисаа, буураа ан̇г̇аараанам̣ вийд̇ажжигаанам̣ вийд̇ад̇хуумаанам̣. ат̇а бурисо ааг̇ажчзяяа ж̇ийвид̇угаамо амарид̇угаамо сукагаамо д̣̇угкаббадиггууло. д̇амзнам̣ д̣̇вз б̣алаванд̇о бурисаа наанааб̣аахаасу г̇ахзд̇ваа ан̇г̇аарагаасум̣ убагад̣дхзяяум̣. д̇ам̣ гим̣ ман̃н̃аси, г̇ахабад̇и, аби ну со бурисо ид̇ижид̇ижзва гааяам̣ саннаамзяяаа’’д̇и?
45. ‘‘Seyyathāpi , gahapati, aṅgārakāsu sādhikaporisā, pūrā aṅgārānaṃ vītaccikānaṃ vītadhūmānaṃ. Atha puriso āgaccheyya jīvitukāmo amaritukāmo sukhakāmo dukkhappaṭikkūlo. Tamenaṃ dve balavanto purisā nānābāhāsu gahetvā aṅgārakāsuṃ upakaḍḍheyyuṃ. Taṃ kiṃ maññasi, gahapati, api nu so puriso iticiticeva kāyaṃ sannāmeyyā’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ам̣ гисса хзд̇у’’?
‘‘Taṃ kissa hetu’’?
‘‘вид̣̇ид̇ан̃хи , бханд̇з, д̇асса бурисасса иман̃жаахам̣ ан̇г̇аарагаасум̣ бабад̇иссаами, д̇ад̇онид̣̇аанам̣ маран̣ам̣ ваа ниг̇ажчиссаами маран̣амад̇д̇ам̣ ваа д̣̇угка’’нд̇и. ‘‘звамзва ко, г̇ахабад̇и, арияасааваго ид̇и бадисан̃жигкад̇и – ‘ан̇г̇аарагаасуубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’д̇и. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа…бз… д̇амзвуубзгкам̣ бхаавзд̇и.
‘‘Viditañhi , bhante, tassa purisassa imañcāhaṃ aṅgārakāsuṃ papatissāmi, tatonidānaṃ maraṇaṃ vā nigacchissāmi maraṇamattaṃ vā dukkha’’nti. ‘‘Evameva kho, gahapati, ariyasāvako iti paṭisañcikkhati – ‘aṅgārakāsūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti. Evametaṃ yathābhūtaṃ sammappaññāya disvā…pe… tamevūpekkhaṃ bhāveti.
46. ‘‘сзяяат̇ааби , г̇ахабад̇и, бурисо субинагам̣ бассзяяа аараамарааман̣зяяагам̣ ванарааман̣зяяагам̣ бхуумирааман̣зяяагам̣ богкаран̣ирааман̣зяяагам̣. со бадиб̣уд̣̇д̇хо на гин̃жи бадибассзяяа 31. звамзва ко, г̇ахабад̇и, арияасааваго ид̇и бадисан̃жигкад̇и – ‘субинагуубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’д̇и…бз… д̇амзвуубзгкам̣ бхаавзд̇и.
46. ‘‘Seyyathāpi , gahapati, puriso supinakaṃ passeyya ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇirāmaṇeyyakaṃ. So paṭibuddho na kiñci paṭipasseyya 32. Evameva kho, gahapati, ariyasāvako iti paṭisañcikkhati – ‘supinakūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti…pe… tamevūpekkhaṃ bhāveti.
47. ‘‘сзяяат̇ааби, г̇ахабад̇и, бурисо яаажид̇агам̣ бхог̇ам̣ яаажид̇ваа яаанам̣ ваа 33 борисзяяам̣ 34 бавараман̣игун̣д̣алам̣. со д̇зхи яаажид̇агзхи бхог̇зхи бурагкад̇о баривуд̇о анд̇араабан̣ам̣ бадибаж̇ж̇зяяа. д̇амзнам̣ ж̇ано д̣̇исваа звам̣ вад̣̇зяяа – ‘бхог̇ий вад̇а, бхо, бурисо, звам̣ гира бхог̇ино бхог̇аани бхун̃ж̇анд̇ий’д̇и. д̇амзнам̣ саамигаа яад̇т̇а яад̇т̇зва бассзяяум̣ д̇ад̇т̇а д̇ад̇т̇зва саани харзяяум̣. д̇ам̣ гим̣ ман̃н̃аси, г̇ахабад̇и, алам̣ ну ко д̇асса бурисасса ан̃н̃ат̇ад̇д̇ааяаа’’д̇и?
47. ‘‘Seyyathāpi, gahapati, puriso yācitakaṃ bhogaṃ yācitvā yānaṃ vā 35 poriseyyaṃ 36 pavaramaṇikuṇḍalaṃ. So tehi yācitakehi bhogehi purakkhato parivuto antarāpaṇaṃ paṭipajjeyya. Tamenaṃ jano disvā evaṃ vadeyya – ‘bhogī vata, bho, puriso, evaṃ kira bhogino bhogāni bhuñjantī’ti. Tamenaṃ sāmikā yattha yattheva passeyyuṃ tattha tattheva sāni hareyyuṃ. Taṃ kiṃ maññasi, gahapati, alaṃ nu kho tassa purisassa aññathattāyā’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ам̣ гисса хзд̇у’’?
‘‘Taṃ kissa hetu’’?
‘‘саамино хи, бханд̇з, саани харанд̇ий’’д̇и. ‘‘звамзва ко, г̇ахабад̇и, арияасааваго ид̇и бадисан̃жигкад̇и – ‘яаажид̇агуубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’д̇и…бз… д̇амзвуубзгкам̣ бхаавзд̇и.
‘‘Sāmino hi, bhante, sāni harantī’’ti. ‘‘Evameva kho, gahapati, ariyasāvako iti paṭisañcikkhati – ‘yācitakūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti…pe… tamevūpekkhaṃ bhāveti.
48. ‘‘сзяяат̇ааби, г̇ахабад̇и, г̇аамасса ваа ниг̇амасса ваа авид̣̇уурз д̇иб̣б̣о ванасан̣д̣о. д̇ад̇расса ругко самбаннапало жа убабаннапало 37 жа, на жассу гаанижи палаани бхуумияам̣ бад̇ид̇аани. ат̇а бурисо ааг̇ажчзяяа палад̇т̇иго палаг̇авзсий палабариязсанам̣ жарамаано. со д̇ам̣ ванасан̣д̣ам̣ аж̇жхог̇аахзд̇ваа д̇ам̣ ругкам̣ бассзяяа самбаннапалан̃жа убабаннапалан̃жа. д̇асса звамасса – ‘аяам̣ ко ругко самбаннапало жа убабаннапало жа, над̇т̇и жа гаанижи палаани бхуумияам̣ бад̇ид̇аани. ж̇аанаами ко банаахам̣ ругкам̣ аарохид̇ум̣ 38. яам̣нуунаахам̣ имам̣ ругкам̣ аарохид̇ваа яаавад̣̇ад̇т̇ан̃жа каад̣̇зяяам̣ ужчан̇г̇ан̃жа буурзяяа’нд̇и. со д̇ам̣ ругкам̣ аарохид̇ваа яаавад̣̇ад̇т̇ан̃жа каад̣̇зяяа ужчан̇г̇ан̃жа буурзяяа. ат̇а д̣̇уд̇ияо бурисо ааг̇ажчзяяа палад̇т̇иго палаг̇авзсий палабариязсанам̣ жарамаано д̇ин̣хам̣ гутаарим̣ 39 аад̣̇ааяа. со д̇ам̣ ванасан̣д̣ам̣ аж̇жхог̇аахзд̇ваа д̇ам̣ ругкам̣ бассзяяа самбаннапалан̃жа убабаннапалан̃жа. д̇асса звамасса – ‘аяам̣ ко ругко самбаннапало жа убабаннапало жа, над̇т̇и жа гаанижи палаани бхуумияам̣ бад̇ид̇аани. на ко банаахам̣ ж̇аанаами ругкам̣ аарохид̇ум̣. яам̣нуунаахам̣ имам̣ ругкам̣ муулад̇о чзд̇ваа яаавад̣̇ад̇т̇ан̃жа каад̣̇зяяам̣ ужчан̇г̇ан̃жа буурзяяа’нд̇и. со д̇ам̣ ругкам̣ муулад̇ова чинд̣̇зяяа. д̇ам̣ гим̣ ман̃н̃аси, г̇ахабад̇и, амуго 40 яо со бурисо батамам̣ ругкам̣ ааруул̣хо сажз со на киббамзва орохзяяа д̇асса со ругко бабад̇анд̇о хад̇т̇ам̣ ваа бхан̃ж̇зяяа баад̣̇ам̣ ваа бхан̃ж̇зяяа ан̃н̃ад̇арам̣ ваа ан̃н̃ад̇арам̣ ваа ан̇г̇абажжан̇г̇ам̣ бхан̃ж̇зяяа, со д̇ад̇онид̣̇аанам̣ маран̣ам̣ ваа ниг̇ажчзяяа маран̣амад̇д̇ам̣ ваа д̣̇угка’’нд̇и?
48. ‘‘Seyyathāpi, gahapati, gāmassa vā nigamassa vā avidūre tibbo vanasaṇḍo. Tatrassa rukkho sampannaphalo ca upapannaphalo 41 ca, na cassu kānici phalāni bhūmiyaṃ patitāni. Atha puriso āgaccheyya phalatthiko phalagavesī phalapariyesanaṃ caramāno. So taṃ vanasaṇḍaṃ ajjhogāhetvā taṃ rukkhaṃ passeyya sampannaphalañca upapannaphalañca. Tassa evamassa – ‘ayaṃ kho rukkho sampannaphalo ca upapannaphalo ca, natthi ca kānici phalāni bhūmiyaṃ patitāni. Jānāmi kho panāhaṃ rukkhaṃ ārohituṃ 42. Yaṃnūnāhaṃ imaṃ rukkhaṃ ārohitvā yāvadatthañca khādeyyaṃ ucchaṅgañca pūreyya’nti. So taṃ rukkhaṃ ārohitvā yāvadatthañca khādeyya ucchaṅgañca pūreyya. Atha dutiyo puriso āgaccheyya phalatthiko phalagavesī phalapariyesanaṃ caramāno tiṇhaṃ kuṭhāriṃ 43 ādāya. So taṃ vanasaṇḍaṃ ajjhogāhetvā taṃ rukkhaṃ passeyya sampannaphalañca upapannaphalañca. Tassa evamassa – ‘ayaṃ kho rukkho sampannaphalo ca upapannaphalo ca, natthi ca kānici phalāni bhūmiyaṃ patitāni. Na kho panāhaṃ jānāmi rukkhaṃ ārohituṃ. Yaṃnūnāhaṃ imaṃ rukkhaṃ mūlato chetvā yāvadatthañca khādeyyaṃ ucchaṅgañca pūreyya’nti. So taṃ rukkhaṃ mūlatova chindeyya. Taṃ kiṃ maññasi, gahapati, amuko 44 yo so puriso paṭhamaṃ rukkhaṃ ārūḷho sace so na khippameva oroheyya tassa so rukkho papatanto hatthaṃ vā bhañjeyya pādaṃ vā bhañjeyya aññataraṃ vā aññataraṃ vā aṅgapaccaṅgaṃ bhañjeyya, so tatonidānaṃ maraṇaṃ vā nigaccheyya maraṇamattaṃ vā dukkha’’nti?
‘‘звам̣, бханд̇з’’.
‘‘Evaṃ, bhante’’.
‘‘звамзва ко, г̇ахабад̇и, арияасааваго ид̇и бадисан̃жигкад̇и – ‘ругкапалуубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’д̇и. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа яааяам̣ убзгкаа наанад̇д̇аа наанад̇д̇асид̇аа д̇ам̣ абхиниваж̇ж̇зд̇ваа яааяам̣ убзгкаа згад̇д̇аа згад̇д̇асид̇аа яад̇т̇а саб̣б̣асо логаамисуубаад̣̇аанаа абарисзсаа нируж̇жханд̇и д̇амзвуубзгкам̣ бхаавзд̇и.
‘‘Evameva kho, gahapati, ariyasāvako iti paṭisañcikkhati – ‘rukkhaphalūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti. Evametaṃ yathābhūtaṃ sammappaññāya disvā yāyaṃ upekkhā nānattā nānattasitā taṃ abhinivajjetvā yāyaṃ upekkhā ekattā ekattasitā yattha sabbaso lokāmisūpādānā aparisesā nirujjhanti tamevūpekkhaṃ bhāveti.
49. ‘‘са ко со, г̇ахабад̇и, арияасааваго имам̣язва ануд̇д̇арам̣ убзгкаасад̇ибаарисуд̣̇д̇хим̣ ааг̇амма анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и.
49. ‘‘Sa kho so, gahapati, ariyasāvako imaṃyeva anuttaraṃ upekkhāsatipārisuddhiṃ āgamma anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati.
‘‘са ко со, г̇ахабад̇и, арияасааваго имам̣язва ануд̇д̇арам̣ убзгкаасад̇ибаарисуд̣̇д̇хим̣ ааг̇амма д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з…бз… яат̇аагаммуубаг̇з сад̇д̇з баж̇аанаад̇и.
‘‘Sa kho so, gahapati, ariyasāvako imaṃyeva anuttaraṃ upekkhāsatipārisuddhiṃ āgamma dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate…pe… yathākammūpage satte pajānāti.
‘‘са ко со, г̇ахабад̇и, арияасааваго имам̣язва ануд̇д̇арам̣ убзгкаасад̇ибаарисуд̣̇д̇хим̣ ааг̇амма аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. зд̇д̇аавад̇аа ко, г̇ахабад̇и, арияасса винаяз саб̣б̣зна саб̣б̣ам̣ саб̣б̣ат̇аа саб̣б̣ам̣ вохаарасамужчзд̣̇о ход̇и.
‘‘Sa kho so, gahapati, ariyasāvako imaṃyeva anuttaraṃ upekkhāsatipārisuddhiṃ āgamma āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ettāvatā kho, gahapati, ariyassa vinaye sabbena sabbaṃ sabbathā sabbaṃ vohārasamucchedo hoti.
50. ‘‘д̇ам̣ гим̣ ман̃н̃аси, г̇ахабад̇и, яат̇аа арияасса винаяз саб̣б̣зна саб̣б̣ам̣ саб̣б̣ат̇аа саб̣б̣ам̣ вохаарасамужчзд̣̇о ход̇и, аби ну д̇вам̣ зваруубам̣ вохаарасамужчзд̣̇ам̣ ад̇д̇ани саманубассасий’’д̇и? ‘‘го жаахам̣, бханд̇з, го жа арияасса винаяз саб̣б̣зна саб̣б̣ам̣ саб̣б̣ат̇аа саб̣б̣ам̣ вохаарасамужчзд̣̇о! аарагаа ахам̣, бханд̇з, арияасса винаяз саб̣б̣зна саб̣б̣ам̣ саб̣б̣ат̇аа саб̣б̣ам̣ вохаарасамужчзд̣̇аа. маяан̃хи, бханд̇з, буб̣б̣з ан̃н̃ад̇ид̇т̇ияз бариб̣б̣ааж̇агз анааж̇аанийязва самаанз ааж̇аанийяаад̇и аман̃н̃имха, анааж̇аанийязва самаанз ааж̇аанийяабхож̇анам̣ бхож̇имха, анааж̇аанийязва самаанз ааж̇аанийяатаанз табимха; бхигкуу бана маяам̣, бханд̇з, ааж̇аанийязва самаанз анааж̇аанийяаад̇и аман̃н̃имха, ааж̇аанийязва самаанз анааж̇аанийяабхож̇анам̣ бхож̇имха, ааж̇аанийязва самаанз анааж̇аанийяатаанз табимха; ид̣̇аани бана маяам̣, бханд̇з, ан̃н̃ад̇ид̇т̇ияз бариб̣б̣ааж̇агз анааж̇аанийязва самаанз анааж̇аанийяаад̇и ж̇ааниссаама, анааж̇аанийязва самаанз анааж̇аанийяабхож̇анам̣ бхож̇зссаама, анааж̇аанийязва самаанз анааж̇аанийяатаанз табзссаама. бхигкуу бана маяам̣, бханд̇з, ааж̇аанийязва самаанз ааж̇аанийяаад̇и ж̇ааниссаама ааж̇аанийязва самаанз ааж̇аанийяабхож̇анам̣ бхож̇зссаама, ааж̇аанийязва самаанз ааж̇аанийяатаанз табзссаама. аж̇анзси вад̇а мз, бханд̇з, бхаг̇аваа саман̣зсу саман̣аббзмам̣, саман̣зсу саман̣аббасаад̣̇ам̣, саман̣зсу саман̣аг̇ааравам̣. абхигганд̇ам̣, бханд̇з, абхигганд̇ам̣, бханд̇з ! сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, жагкуманд̇о руубаани д̣̇агканд̇ийд̇и; звамзвам̣ ко, бханд̇з, бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
50. ‘‘Taṃ kiṃ maññasi, gahapati, yathā ariyassa vinaye sabbena sabbaṃ sabbathā sabbaṃ vohārasamucchedo hoti, api nu tvaṃ evarūpaṃ vohārasamucchedaṃ attani samanupassasī’’ti? ‘‘Ko cāhaṃ, bhante, ko ca ariyassa vinaye sabbena sabbaṃ sabbathā sabbaṃ vohārasamucchedo! Ārakā ahaṃ, bhante, ariyassa vinaye sabbena sabbaṃ sabbathā sabbaṃ vohārasamucchedā. Mayañhi, bhante, pubbe aññatitthiye paribbājake anājānīyeva samāne ājānīyāti amaññimha, anājānīyeva samāne ājānīyabhojanaṃ bhojimha, anājānīyeva samāne ājānīyaṭhāne ṭhapimha; bhikkhū pana mayaṃ, bhante, ājānīyeva samāne anājānīyāti amaññimha, ājānīyeva samāne anājānīyabhojanaṃ bhojimha, ājānīyeva samāne anājānīyaṭhāne ṭhapimha; idāni pana mayaṃ, bhante, aññatitthiye paribbājake anājānīyeva samāne anājānīyāti jānissāma, anājānīyeva samāne anājānīyabhojanaṃ bhojessāma, anājānīyeva samāne anājānīyaṭhāne ṭhapessāma. Bhikkhū pana mayaṃ, bhante, ājānīyeva samāne ājānīyāti jānissāma ājānīyeva samāne ājānīyabhojanaṃ bhojessāma, ājānīyeva samāne ājānīyaṭhāne ṭhapessāma. Ajanesi vata me, bhante, bhagavā samaṇesu samaṇappemaṃ, samaṇesu samaṇappasādaṃ, samaṇesu samaṇagāravaṃ. Abhikkantaṃ, bhante, abhikkantaṃ, bhante ! Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, cakkhumanto rūpāni dakkhantīti; evamevaṃ kho, bhante, bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti.
бод̇алияасуд̇д̇ам̣ нидтид̇ам̣ жад̇уд̇т̇ам̣.
Potaliyasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. бод̇алияасуд̇д̇аван̣н̣анаа • 4. Potaliyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. бод̇алияасуд̇д̇аван̣н̣анаа • 4. Potaliyasuttavaṇṇanā
