| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. бод̇алияасуд̇д̇аван̣н̣анаа
4. Potaliyasuttavaṇṇanā
31. ан̇г̇аа наама ж̇анабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хивасзна ан̇г̇аад̇взва вужжад̇ийд̇и ааха ‘‘ан̇г̇ааязва со ж̇анабад̣̇о’’д̇и. махияаа банасса уд̇д̇арзна яаа аабод̇и махияаа над̣̇ияаа яаа аабо д̇асса ж̇анабад̣̇асса уд̇д̇арзна хонд̇и. д̇аасам̣ авид̣̇уурад̇д̇аа со ж̇анабад̣̇о уд̇д̇араабод̇и вужжад̇и. саа бана махий гад̇т̇ажи гад̇т̇ажи бхиж̇ж̇ид̇ваа г̇ад̇аад̇и ааха ‘‘гад̇арамахияаа уд̇д̇арзна яаа аабо’’д̇и. д̇ад̇т̇аад̇и д̇ассаа махияаа ааг̇аманад̇о бадтааяа аяам̣ аавибхаавагат̇аа. яасмаа (а. ни. дий. 3.8.19) логияаа ж̇амб̣уд̣̇ийбо химаваа д̇ад̇т̇а бад̇идтид̇асамуд̣̇д̣̇ад̣̇ахабаб̣б̣ад̇анад̣̇ияод̇и зд̇зсу яам̣ яам̣ на мануссаг̇ожарам̣, д̇ад̇т̇а саяам̣ саммуул̣хаа ан̃н̃зби саммохаяанд̇и, д̇ад̇т̇а д̇ад̇т̇а саммохавид̇хаманад̇т̇ам̣ ‘‘аяам̣ гира ж̇амб̣уд̣̇ийбо’’д̇иаад̣̇имаарад̣̇д̇хам̣. д̣̇асасахассаяож̇анабаримаан̣о ааяаамад̇о жа вид̇т̇аарад̇о жаад̇и ад̇хиббааяо. д̇знааха ‘‘д̇ад̇т̇аа’’д̇иаад̣̇и. уд̣̇агзна аж̇жход̇т̇адо д̇ад̣̇убабхог̇исад̇д̇аанам̣ бун̃н̃агкаязна.
31. Aṅgā nāma janapadino rājakumārā, tesaṃ nivāso ekopi janapado ruḷhivasena aṅgātveva vuccatīti āha ‘‘aṅgāyeva so janapado’’ti. Mahiyā panassa uttarena yā āpoti mahiyā nadiyā yā āpo tassa janapadassa uttarena honti. Tāsaṃ avidūrattā so janapado uttarāpoti vuccati. Sā pana mahī katthaci katthaci bhijjitvā gatāti āha ‘‘kataramahiyā uttarena yā āpo’’ti. Tatthāti tassā mahiyā āgamanato paṭṭhāya ayaṃ āvibhāvakathā. Yasmā (a. ni. ṭī. 3.8.19) lokiyā jambudīpo himavā tattha patiṭṭhitasamuddadahapabbatanadiyoti etesu yaṃ yaṃ na manussagocaraṃ, tattha sayaṃ sammūḷhā aññepi sammohayanti, tattha tattha sammohavidhamanatthaṃ ‘‘ayaṃ kira jambudīpo’’tiādimāraddhaṃ. Dasasahassayojanaparimāṇo āyāmato ca vitthārato cāti adhippāyo. Tenāha ‘‘tatthā’’tiādi. Udakena ajjhotthaṭo tadupabhogisattānaṃ puññakkhayena.
сунд̣̇арад̣̇ассанам̣ гууданд̇и суд̣̇ассанагуудам̣, яам̣ логз ‘‘хзмагууда’’нд̇и вужжад̇и. муулаг̇анд̇хо гаал̣аанусаарияаад̣̇и. саараг̇анд̇хо жанд̣̇анаад̣̇и. пзг̇г̇уг̇анд̇хо салалаад̣̇и. д̇ажаг̇анд̇хо лаван̇г̇аад̣̇и. бабадигаг̇анд̇хо габ̣ид̇т̇аад̣̇и. расаг̇анд̇хо саж̇ж̇аад̣̇и, бад̇д̇аг̇анд̇хо д̇амаалахиривзраад̣̇и. бубпаг̇анд̇хо нааг̇агун̇гумаад̣̇и. палаг̇анд̇хо ж̇аад̇ипалаад̣̇и. г̇анд̇хаг̇анд̇хо саб̣б̣зсам̣ г̇анд̇хаанам̣ г̇анд̇хо. яасса хи ругкасса саб̣б̣зсамби муулаад̣̇ийнам̣ г̇анд̇хо ад̇т̇и, со ид̇ха г̇анд̇хо наама. д̇асса г̇анд̇хасса г̇анд̇хо г̇анд̇хаг̇анд̇хо. саб̣б̣аани бут̇улад̇о бан̃н̃аасаяож̇анаани, ааяаамад̇о бана уб̣б̣зд̇хад̇о вияа д̣̇вияож̇анасад̇аанзваад̇и вад̣̇анд̇и.
Sundaradassanaṃ kūṭanti sudassanakūṭaṃ, yaṃ loke ‘‘hemakūṭa’’nti vuccati. Mūlagandho kāḷānusāriyādi. Sāragandho candanādi. Pheggugandho salalādi. Tacagandho lavaṅgādi. Papaṭikagandho kabitthādi. Rasagandho sajjādi, pattagandho tamālahiriverādi. Pupphagandho nāgakuṅkumādi. Phalagandho jātiphalādi. Gandhagandho sabbesaṃ gandhānaṃ gandho. Yassa hi rukkhassa sabbesampi mūlādīnaṃ gandho atthi, so idha gandho nāma. Tassa gandhassa gandho gandhagandho. Sabbāni puthulato paññāsayojanāni, āyāmato pana ubbedhato viya dviyojanasatānevāti vadanti.
манохарасилаад̇алаанийд̇и од̇аран̣ад̇т̇ааяа манун̃н̃асобаанасилаад̇алаани. субадияад̇д̇аанийд̇и д̇ад̣̇убабхог̇исад̇д̇аанам̣ саад̇хааран̣агаммаанубхаавзна судту бадияад̇д̇аани суббавад̇д̇ид̇аани хонд̇и. мажчагажчабаад̣̇аяо уд̣̇агам̣ малинам̣ гаронд̇и, д̇ад̣̇абхаавад̇о палигасад̣̇исаниммалуд̣̇агаани. д̇ирияад̇о д̣̇ийгхам̣ уг̇г̇ад̇агууданд̇и ‘‘д̇иражчаанабаб̣б̣ад̇а’’нд̇и ааха.
Manoharasilātalānīti otaraṇatthāya manuññasopānasilātalāni. Supaṭiyattānīti tadupabhogisattānaṃ sādhāraṇakammānubhāvena suṭṭhu paṭiyattāni suppavattitāni honti. Macchakacchapādayo udakaṃ malinaṃ karonti, tadabhāvato phalikasadisanimmaludakāni. Tiriyato dīghaṃ uggatakūṭanti ‘‘tiracchānapabbata’’nti āha.
аабан̣аани зва вохаарасса мукабхууд̇аанийд̇и ааха ‘‘аабан̣амукасахассааний’’д̇и. вибхад̇д̇аанийд̇и вавад̇т̇ид̇аани ан̃н̃аман̃н̃аасамбхиннаани. васанадтаананд̇и ад̇д̇ано яат̇аапаасугам̣ васид̇аб̣б̣адтаанам̣. аасад̇и зд̇т̇аад̇и аасанам̣, нисийд̣̇ид̇аб̣б̣адтаанаани.
Āpaṇāni eva vohārassa mukhabhūtānīti āha ‘‘āpaṇamukhasahassānī’’ti. Vibhattānīti vavatthitāni aññamaññāsambhinnāni. Vasanaṭṭhānanti attano yathāphāsukaṃ vasitabbaṭṭhānaṃ. Āsati etthāti āsanaṃ, nisīditabbaṭṭhānāni.
асааруббам̣ бадижжа уббаж̇ж̇анагасса чаад̣̇анад̇о чаннам̣ анужчавигам̣, д̇ад̣̇зва аж̇жхаасаяасамбад̇д̇им̣ бад̇ируубзд̇и багаасзд̇ийд̇и бад̇ируубам̣. д̇знааха ‘‘наббад̇ирууба’’нд̇и. гааран̣авзважанаанийд̇и н̃аабагагааран̣авзважанаани. н̃аабаган̃хи гааран̣ам̣ ад̇хиббзд̇ам̣. ад̇т̇ам̣ аагарод̇и багаасзд̇ийд̇и аагааро, д̇амзва лийнам̣ г̇ул̣хам̣ ад̇т̇ам̣ г̇амзд̇ийд̇и лин̇г̇ам̣, со д̇зна нимийяад̇ийд̇и нимид̇д̇анд̇и вужжад̇и. ид̣̇аани д̇амзвад̇т̇ам̣ виварид̇ум̣ ‘‘д̣̇ийгхад̣̇асавад̇т̇а…бз… нимид̇д̇аад̇и вуд̇д̇аа’’д̇и ааха. д̇зд̇и аагаараад̣̇аяо. д̇ат̇аа хи бана мзд̇иаад̣̇инаа бод̇алияо г̇ахабад̇и ‘‘бариб̣б̣ааж̇аганияаамзна ахам̣ ж̇ийваами, д̇асмаа г̇ахабад̇и на хомийд̇и вад̣̇ад̇и. овад̣̇анд̇од̇и анусаасанд̇о. убавад̣̇анд̇од̇и барибхаасанд̇о.
Asāruppaṃ paṭicca uppajjanakassa chādanato channaṃ anucchavikaṃ, tadeva ajjhāsayasampattiṃ patirūpeti pakāsetīti patirūpaṃ. Tenāha ‘‘nappatirūpa’’nti. Kāraṇavevacanānīti ñāpakakāraṇavevacanāni. Ñāpakañhi kāraṇaṃ adhippetaṃ. Atthaṃ ākaroti pakāsetīti ākāro, tameva līnaṃ guḷhaṃ atthaṃ gametīti liṅgaṃ, so tena nimīyatīti nimittanti vuccati. Idāni tamevatthaṃ vivarituṃ ‘‘dīghadasavattha…pe… nimittāti vuttā’’ti āha. Teti ākārādayo. Tathā hi pana metiādinā potaliyo gahapati ‘‘paribbājakaniyāmena ahaṃ jīvāmi, tasmā gahapati na homīti vadati. Ovadantoti anusāsanto. Upavadantoti paribhāsanto.
32. г̇зд̇хабхууд̇о лобход̇и г̇иж̇жханасабхааво лобхо. аг̇иж̇жханалагкан̣о на лобхо, анинд̣̇аабхууд̇ам̣ агхаддананд̇и нинд̣̇ааяа бадибагкабхууд̇ам̣ барзсам̣ агхадданам̣. нинд̣̇аагхадданаад̇и нинд̣̇аавасзна барзсам̣ гхадданаа аггосанаа. б̣яавахааравохааробийд̇и гаяавиггаяалагкан̣о саб̣яохаароби д̣̇аанаг̇г̇ахан̣ам̣ вохааро. ‘‘д̣̇ад̇д̇о д̇иссо’’ д̇иаад̣̇инаа вохаран̣ам̣ бан̃н̃аабананд̇и бан̃н̃ад̇д̇и вохааро. яат̇аад̇хиббзд̇асса ад̇т̇асса вохаран̣ам̣ гат̇анам̣ б̣од̇хананд̇и важанам̣ вохааро. яаат̇аавад̇о аяаат̇аавад̇о жа вохарад̇и зд̇знаад̇и вохааро, жзд̇анаа. аяамид̇хаад̇хиббзд̇од̇и аяам̣ жзд̇анаалагкан̣о вохааро ид̇ха имасмим̣ ад̇т̇з ад̇хиббзд̇о, со жа ко сааваж̇ж̇ова самужчзд̣̇асса ижчид̇ад̇д̇аа. ид̣̇аани жад̇уб̣б̣ид̇хассаби вохаарасса ид̇ха самбхавам̣ д̣̇ассзд̇ум̣ ‘‘яасмаа ваа’’д̇иаад̣̇и вуд̇д̇ам̣. г̇ихийд̇и жзд̇анаа над̇т̇ийд̇и ахам̣ г̇ихийд̇и жзд̇анаабавад̇д̇и над̇т̇и. г̇ихийд̇и важанам̣ над̇т̇ийд̇и г̇ихийд̇и ад̇д̇ано барзсан̃жа важанаббавад̇д̇и над̇т̇и. г̇ихийд̇и бан̣н̣ад̇д̇и над̇т̇ийд̇и г̇ихийд̇и саман̃н̃аа над̇т̇и. г̇ихийд̇и б̣яавахааро над̇т̇ийд̇и самуд̣̇аажааро над̇т̇и.
32.Gedhabhūto lobhoti gijjhanasabhāvo lobho. Agijjhanalakkhaṇo na lobho, anindābhūtaṃ aghaṭṭananti nindāya paṭipakkhabhūtaṃ paresaṃ aghaṭṭanaṃ. Nindāghaṭṭanāti nindāvasena paresaṃ ghaṭṭanā akkosanā. Byavahāravohāropīti kayavikkayalakkhaṇo sabyohāropi dānaggahaṇaṃ vohāro. ‘‘Datto tisso’’ tiādinā voharaṇaṃ paññāpananti paññatti vohāro. Yathādhippetassa atthassa voharaṇaṃ kathanaṃ bodhananti vacanaṃ vohāro. Yāthāvato ayāthāvato ca voharati etenāti vohāro, cetanā. Ayamidhādhippetoti ayaṃ cetanālakkhaṇo vohāro idha imasmiṃ atthe adhippeto, so ca kho sāvajjova samucchedassa icchitattā. Idāni catubbidhassapi vohārassa idha sambhavaṃ dassetuṃ ‘‘yasmā vā’’tiādi vuttaṃ. Gihīti cetanā natthīti ahaṃ gihīti cetanāpavatti natthi. Gihīti vacanaṃ natthīti gihīti attano paresañca vacanappavatti natthi. Gihīti paṇṇatti natthīti gihīti samaññā natthi. Gihīti byavahāro natthīti samudācāro natthi.
33. баан̣аад̇ибаад̇ова сам̣яож̇анам̣. гасмаа? б̣анд̇ханабхаавзна бавад̇д̇анад̇о ниссарид̇ум̣ аббад̣̇аанад̇о. баан̣аад̇ибаад̇асса ад̇т̇ид̇ааяа со буг̇г̇ало ‘‘баан̣аад̇ибаад̇ий’’д̇и вужжад̇ийд̇и ааха – ‘‘баан̣аад̇ибаад̇асса…бз… ход̇ий’’д̇и. яан̃хи яасса ад̇т̇и, д̇зна со абад̣̇иссад̇ийд̇и. б̣ахуд̇ааяаад̇и ажагкугаад̣̇ибхзд̣̇зна б̣ахубхаавад̇о. баан̣аад̇ибаад̇асса бадибагко абаан̣аад̇ибаад̇о. со бана ад̇т̇ад̇о гааяад̣̇ваариго сийласам̣варод̇и ааха ‘‘гааяигасийласам̣варзнаа’’д̇и. ад̇д̇ааби мам̣ убавад̣̇зяяаад̇иаад̣̇и баан̣аад̇ибаад̇з аад̣̇ийнавад̣̇ассанам̣. аад̣̇ийнавад̣̇ассино хи д̇ад̇о ораман̣ам̣. д̣̇зсанаавасзнаад̇и ан̃н̃ад̇т̇а суд̇д̇з абхид̇хаммз жа д̣̇асасу сам̣яож̇анзсу бан̃жасу нийваран̣зсу д̣̇зсанаавасзна абарияаабаннамби сам̣яож̇ананд̇иби нийваран̣анд̇иби ид̇ха вуд̇д̇ам̣. гасмаа? д̇ад̣̇ад̇т̇асамбхавад̇о. д̇знааха – ‘‘ваддаб̣анд̇ханадтзна хид̇аббадижчаад̣̇анадтзна жаа’’д̇и, баан̣аад̇ибаад̇о хи абаан̣аад̇ибаад̇абажжаяам̣ хид̇ам̣ бадижчаад̣̇знд̇ова уббаж̇ж̇ад̇ийд̇и. зго авиж̇ж̇аасавод̇и ид̣̇ам̣ сахаж̇аад̇авасзна вуд̇д̇ам̣, убаниссаяавасзна бана ид̇арзсамби аасаваанам̣ яат̇аарахам̣ самбхаво взд̣̇ид̇аб̣б̣о. баан̣аад̇ибаад̇ий хи буг̇г̇ало ‘‘д̇аббажжаяам̣ ад̇т̇ам̣ гариссаамий’’д̇и гаамз бад̇т̇зд̇и. д̣̇идтим̣ г̇ан̣хаад̇и, бхавависзсам̣ бажжаасийсад̇и. д̇ад̇т̇а уббаннам̣ виханад̇и б̣аад̇хад̇ийд̇и вигхаад̇о, д̣̇угкам̣, барил̣ааханам̣ анад̇т̇уббаад̣̇авасзна убад̇аабанам̣ барил̣аахо, аяамзд̇зсам̣ висзсо. саб̣б̣ад̇т̇аад̇и саб̣б̣зсу ваарзсу. иминаа убааязнаад̇и ад̇ид̣̇зсзна бана бариг̇г̇ахид̇о ад̇т̇о барад̇о ааг̇амиссад̇ийд̇и.
33.Pāṇātipātova saṃyojanaṃ. Kasmā? Bandhanabhāvena pavattanato nissarituṃ appadānato. Pāṇātipātassa atthitāya so puggalo ‘‘pāṇātipātī’’ti vuccatīti āha – ‘‘pāṇātipātassa…pe… hotī’’ti. Yañhi yassa atthi, tena so apadissatīti. Bahutāyāti acakkhukādibhedena bahubhāvato. Pāṇātipātassa paṭipakkho apāṇātipāto. So pana atthato kāyadvāriko sīlasaṃvaroti āha ‘‘kāyikasīlasaṃvarenā’’ti. Attāpi maṃ upavadeyyātiādi pāṇātipāte ādīnavadassanaṃ. Ādīnavadassino hi tato oramaṇaṃ. Desanāvasenāti aññattha sutte abhidhamme ca dasasu saṃyojanesu pañcasu nīvaraṇesu desanāvasena apariyāpannampi saṃyojanantipi nīvaraṇantipi idha vuttaṃ. Kasmā? Tadatthasambhavato. Tenāha – ‘‘vaṭṭabandhanaṭṭhena hitappaṭicchādanaṭṭhena cā’’ti, pāṇātipāto hi apāṇātipātapaccayaṃ hitaṃ paṭicchādentova uppajjatīti. Eko avijjāsavoti idaṃ sahajātavasena vuttaṃ, upanissayavasena pana itaresampi āsavānaṃ yathārahaṃ sambhavo veditabbo. Pāṇātipātī hi puggalo ‘‘tappaccayaṃ atthaṃ karissāmī’’ti kāme pattheti. Diṭṭhiṃ gaṇhāti, bhavavisesaṃ paccāsīsati. Tattha uppannaṃ vihanati bādhatīti vighāto, dukkhaṃ, pariḷāhanaṃ anatthuppādavasena upatāpanaṃ pariḷāho, ayametesaṃ viseso. Sabbatthāti sabbesu vāresu. Iminā upāyenāti atidesena pana pariggahito attho parato āgamissatīti.
34-40. имасмим̣ бад̣̇зд̇и зд̇зна сад̇д̇асуби ваарзсу д̇ат̇аа ааг̇ад̇ам̣ бад̣̇ам̣ сааман̃н̃ад̇о г̇ахид̇ам̣. д̇знааха ‘‘иминаа’’д̇иаад̣̇и. росанам̣ гааяигам̣ ваажасиган̃жаад̇и д̇аббадибагко арособи д̇ат̇аа д̣̇увид̇ход̇и ааха ‘‘гааяигаваажасигасам̣варзнаа’’д̇и. яат̇аа абхиж̇жхаа лобхо, анабхиж̇жхаа алобхо, звам̣ агод̇хуубааяаасо аб̣яаабаад̣̇о, сам̣варз суканд̇и сам̣варод̇и д̣̇адтаб̣б̣о, анад̇илобхо бана сад̇исам̣варз, анад̇имаано н̃аан̣асам̣варз сан̇г̇ахам̣ г̇ажчад̇ийд̇и д̣̇адтаб̣б̣ам̣. имзсу бана бад̣̇зсу звам̣ саб̣б̣аваарзсу яож̇анаа гаад̇аб̣б̣аад̇и самб̣анд̇хо.
34-40.Imasmiṃ padeti etena sattasupi vāresu tathā āgataṃ padaṃ sāmaññato gahitaṃ. Tenāha ‘‘iminā’’tiādi. Rosanaṃ kāyikaṃ vācasikañcāti tappaṭipakkho arosopi tathā duvidhoti āha ‘‘kāyikavācasikasaṃvarenā’’ti. Yathā abhijjhā lobho, anabhijjhā alobho, evaṃ akodhūpāyāso abyāpādo, saṃvare sukhanti saṃvaroti daṭṭhabbo, anatilobho pana satisaṃvare, anatimāno ñāṇasaṃvare saṅgahaṃ gacchatīti daṭṭhabbaṃ. Imesu pana padesu evaṃ sabbavāresu yojanā kātabbāti sambandho.
звам̣ аасавуббад̇д̇и взд̣̇ид̇аб̣б̣аад̇и зд̇т̇а вуд̇д̇ассаби згаж̇жхам̣ вужжамаанад̇д̇аа ‘‘буна аяам̣ сан̇кзбавинижчаяо’’д̇и вуд̇д̇ам̣. асаммохад̇т̇ам̣ аарамман̣асса. буримзсу д̇аава жад̇уусу ваарзсу вирамид̇ум̣ на саггомийд̇и вад̇д̇аб̣б̣ам̣. ‘‘ад̇д̇ааби мам̣ убавад̣̇зяяаа’’д̇и зд̇асса бад̣̇асса ад̇т̇аван̣н̣анааяам̣ ‘‘на саггомий’’д̇и, ‘‘анувиж̇ж̇ааби мам̣ вин̃н̃уу г̇арахзяяу’’нд̇и зд̇асса бад̣̇асса ад̇т̇аван̣н̣анааяам̣ ‘‘на саггод̇ий’’д̇и вад̇д̇аб̣б̣ам̣, иминаа наязна бажчимзсуби жад̇уусу яат̇аарахам̣ яож̇анаа взд̣̇ид̇аб̣б̣аа. ад̇имаанз бхаваасаваавиж̇ж̇аасаваад̇и вуд̇д̇ам̣ маанзна саха д̣̇идтияаа ануббаж̇ж̇анад̇о, ад̇имаано бана гаамарааг̇знаби уббаж̇ж̇ад̇зваад̇и ‘‘ад̇имаанз гаамаасаваавиж̇ж̇аасаваа’’д̇и вад̇д̇аб̣б̣ам̣ сияаа, свааяам̣ наяо вуд̇д̇анаяад̇д̇аа сувин̃н̃зяяод̇и на д̣̇ассид̇о. баад̇имогкасам̣варасийлам̣ гат̇ид̇ам̣ аад̣̇ид̇о жад̇уухи чадтзна ваад̇и бан̃жахи ваарзхи, сзсзхи д̇ийхи баад̇имогкасам̣варасийлз тид̇асса бхигкуно бадисан̇каабахаанам̣, саб̣б̣зхиби бана бхигкубхаавз тид̇асса г̇ихивохаарасамужчзд̣̇о гат̇ид̇о. д̇ад̇т̇а саб̣б̣ад̇т̇а вад̇д̇ам̣ ‘‘ид̣̇ан̃жид̣̇ан̃жа маяхам̣ гаад̇ум̣ наббад̇ирууба’’нд̇и бадисан̇каанавасзна агаран̣ам̣ баж̇аханан̃жа бадисан̇каабахаанам̣.
Evaṃ āsavuppatti veditabbāti ettha vuttassapi ekajjhaṃ vuccamānattā ‘‘puna ayaṃ saṅkhepavinicchayo’’ti vuttaṃ. Asammohatthaṃ ārammaṇassa. Purimesu tāva catūsu vāresu viramituṃ na sakkomīti vattabbaṃ. ‘‘Attāpi maṃ upavadeyyā’’ti etassa padassa atthavaṇṇanāyaṃ ‘‘na sakkomī’’ti, ‘‘anuvijjāpi maṃ viññū garaheyyu’’nti etassa padassa atthavaṇṇanāyaṃ ‘‘na sakkotī’’tivattabbaṃ, iminā nayena pacchimesupi catūsu yathārahaṃ yojanā veditabbā. Atimāne bhavāsavaavijjāsavāti vuttaṃ mānena saha diṭṭhiyā anuppajjanato, atimāno pana kāmarāgenapi uppajjatevāti ‘‘atimāne kāmāsavaavijjāsavā’’ti vattabbaṃ siyā, svāyaṃ nayo vuttanayattā suviññeyyoti na dassito. Pātimokkhasaṃvarasīlaṃ kathitaṃ ādito catūhi chaṭṭhena vāti pañcahi vārehi, sesehi tīhi pātimokkhasaṃvarasīle ṭhitassa bhikkhuno paṭisaṅkhāpahānaṃ, sabbehipi pana bhikkhubhāve ṭhitassa gihivohārasamucchedo kathito. Tattha sabbattha vattaṃ ‘‘idañcidañca mayhaṃ kātuṃ nappatirūpa’’nti paṭisaṅkhānavasena akaraṇaṃ pajahanañca paṭisaṅkhāpahānaṃ.
гаамаад̣̇ийнавагат̇ааван̣н̣анаа
Kāmādīnavakathāvaṇṇanā
42. убасумбхзяяаад̇и зд̇т̇а уба-сад̣̇д̣̇о самийбад̇т̇о, сумбханам̣ вигкзбанам̣. д̇знзва д̇амзнанд̇и бхуммад̇т̇з убаяог̇аважананд̇и ааха – ‘‘д̇асса самийбз кибзяяаа’’д̇и, д̇асса гуггурасса самийбз адтиган̇галам̣ кибзяяаад̇и ад̇т̇о. ниммам̣сад̇д̇аа ган̇галанд̇и вужжад̇ийд̇и иминаа виг̇ад̇амам̣сааяа адтиган̇галигааяа урадтимхи ваа бидтиган̣дагз ваа сийсадтимхи ваа ган̇гала-сад̣̇д̣̇о нирул̣ход̇и д̣̇ассзд̇и. сунигганд̇анд̇и нилликид̇ам̣ гад̇ваава ниб̣б̣исзсам̣ ликид̇ам̣.
42.Upasumbheyyāti ettha upa-saddo samīpattho, sumbhanaṃ vikkhepanaṃ. Teneva tamenanti bhummatthe upayogavacananti āha – ‘‘tassa samīpe khipeyyā’’ti, tassa kukkurassa samīpe aṭṭhikaṅkalaṃ khipeyyāti attho. Nimmaṃsattā kaṅkalanti vuccatīti iminā vigatamaṃsāya aṭṭhikaṅkalikāya uraṭṭhimhi vā piṭṭhikaṇṭake vā sīsaṭṭhimhi vā kaṅkala-saddo niruḷhoti dasseti. Sunikkantanti nillikhitaṃ katvāva nibbisesaṃ likhitaṃ.
згад̇д̇убадтаанасса аж̇жхубзгканавасзна бавад̇д̇ияаа згад̇д̇аа. д̇знааха ‘‘жад̇уд̇т̇ажхаанубзгкаа’’д̇и. яасмаа банасса аарамман̣амби згасабхаавамзва, д̇асмаа ааха ‘‘саа хий’’д̇иаад̣̇и. логаамисасан̇каад̇аад̇и абарин̃н̃аад̇авад̇т̇унаа логзна аамасид̇аб̣б̣ад̇о, логз ваа аамисод̇и сан̇кам̣ г̇ад̇ааяа васзна гаамаг̇ун̣аанам̣ гаамабхааво жа аамисабхааво жа, со зва ниббарияааяад̇о аамисанд̇и вад̇д̇аб̣б̣ад̇ам̣ арахад̇и. гаамаг̇ун̣аамисаад̇и гаамаг̇ун̣з чанд̣̇арааг̇аа. г̇ахан̣адтзна бхусам̣ аад̣̇аанадтзна.
Ekattupaṭṭhānassa ajjhupekkhanavasena pavattiyā ekattā. Tenāha ‘‘catutthajhānupekkhā’’ti. Yasmā panassa ārammaṇampi ekasabhāvameva, tasmā āha ‘‘sā hī’’tiādi. Lokāmisasaṅkhātāti apariññātavatthunā lokena āmasitabbato, loke vā āmisoti saṅkhaṃ gatāya vasena kāmaguṇānaṃ kāmabhāvo ca āmisabhāvo ca, so eva nippariyāyato āmisanti vattabbataṃ arahati. Kāmaguṇāmisāti kāmaguṇe chandarāgā. Gahaṇaṭṭhena bhusaṃ ādānaṭṭhena.
43. д̣аяанам̣ аагаасзна г̇амананд̇и ааха ‘‘уббад̇ид̇ваа г̇ажчзяяаа’’д̇и. г̇иж̇жхаад̣̇ийнам̣ ваасипарасу на ход̇ийд̇и ааха – ‘‘мукад̇ун̣д̣агзна д̣асанд̇аа д̇ажчзяяу’’нд̇и. виссаж̇ж̇зяяунд̇и зд̇т̇а ‘‘виссаж̇ж̇ана’’нд̇и аагад̣дханам̣ ад̇хиббзд̇ам̣ анзгад̇т̇ад̇д̇аа д̇хаад̇уунам̣, аагад̣дханан̃жа ануб̣анд̇хид̇ваа баад̇ананд̇и ааха ‘‘мам̣сабзсим̣ накзхи гад̣дхид̇ваа баад̇зяяу’’нд̇и.
43. Ḍayanaṃ ākāsena gamananti āha ‘‘uppatitvā gaccheyyā’’ti. Gijjhādīnaṃ vāsipharasu na hotīti āha – ‘‘mukhatuṇḍakena ḍasantā taccheyyu’’nti. Vissajjeyyunti ettha ‘‘vissajjana’’nti ākaḍḍhanaṃ adhippetaṃ anekatthattā dhātūnaṃ, ākaḍḍhanañca anubandhitvā pātananti āha ‘‘maṃsapesiṃ nakhehi kaḍḍhitvā pāteyyu’’nti.
47. бурисасса аароханаяог̇яам̣ борисзяяам̣.
47. Purisassa ārohanayogyaṃ poriseyyaṃ.
48. самбаннам̣ сунд̣̇арам̣ паламассаад̇и самбаннапалам̣. палуубабаннанд̇и палзхи убзд̇анд̇и ааха ‘‘б̣ахупала’’нд̇и.
48. Sampannaṃ sundaraṃ phalamassāti sampannaphalaṃ. Phalūpapannanti phalehi upetanti āha ‘‘bahuphala’’nti.
50. сувид̣̇ууравид̣̇уурзд̇и арияасса винаяз вохаарасамужчзд̣̇ад̇о судту вид̣̇уурабхууд̇з зва вид̣̇уурз ахам̣ тид̇о. гассажи наама ад̇т̇ассаби аж̇аананад̇о на ааж̇аананд̇ийд̇и анааж̇аанийяаад̇и гад̇д̇усаад̇ханамасса д̣̇ассзнд̇о аж̇аананагзд̇и аж̇аананд̇абхож̇анасийсзна д̇зсам̣ д̣̇аад̇аб̣б̣абажжаяз вад̣̇ад̇и. сзсам̣ сувин̃н̃зяяамзва.
50.Suvidūravidūreti ariyassa vinaye vohārasamucchedato suṭṭhu vidūrabhūte eva vidūre ahaṃ ṭhito. Kassaci nāma atthassapi ajānanato na ājānantīti anājānīyāti kattusādhanamassa dassento ajānanaketi ajānantabhojanasīsena tesaṃ dātabbapaccaye vadati. Sesaṃ suviññeyyameva.
бод̇алияасуд̇д̇аван̣н̣анааяа лийнад̇т̇аббагаасанаа самад̇д̇аа.
Potaliyasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. бод̇алияасуд̇д̇ам̣ • 4. Potaliyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. бод̇алияасуд̇д̇аван̣н̣анаа • 4. Potaliyasuttavaṇṇanā
