| Tipiṭaka / Tipiṭaka (English) / Aṅguttara Nikāya, English translation |
Show IAST transliterationඅඞ්ගුත්තර නිකාය 3.99
Numbered Discourses 3.99
10. ලෝණකපල්ලවග්ග
10. A Lump of Salt
පෝත්ථකසුත්ත
Jute
“නවෝපි, භික්ඛවේ, පෝත්ථකෝ දුබ්බණ්ණෝ ච හෝති දුක්ඛසම්ඵස්සෝ ච අප්පග්ඝෝ ච; මජ්ඣිමෝපි, භික්ඛවේ, පෝත්ථකෝ දුබ්බණ්ණෝ ච හෝති දුක්ඛසම්ඵස්සෝ ච අප්පග්ඝෝ ච; ජිණ්ණෝපි, භික්ඛවේ, පෝත්ථකෝ දුබ්බණ්ණෝ ච හෝති දුක්ඛසම්ඵස්සෝ ච අප්පග්ඝෝ ච. ජිණ්ණම්පි, භික්ඛවේ, පෝත්ථකං උක්ඛලිපරිමජ්ජනං වා කරෝන්ති සඞ්කාරකූටේ වා නං ඡඩ්ඩේන්ති.
“Jute canvas is ugly, unpleasant to touch, and worthless whether it’s new, worn in, or worn out. They use worn out jute canvas for scrubbing pots, or else they just throw it away on the rubbish heap.
ඒවමේවං ඛෝ, භික්ඛවේ, නවෝ චේපි භික්ඛු හෝති දුස්සීලෝ පාපධම්මෝ. ඉදමස්ස දුබ්බණ්ණතාය වදාමි. සේය්‍යථාපි සෝ, භික්ඛවේ, පෝත්ථකෝ දුබ්බණ්ණෝ තථූපමාහං, භික්ඛවේ, ඉමං පුග්ගලං වදාමි. යේ ඛෝ පනස්ස සේවන්ති භජන්ති පයිරුපාසන්ති දිට්ඨානුගතිං ආපජ්ජන්ති, තේසං තං හෝති දීඝරත්තං අහිතාය දුක්ඛාය. ඉදමස්ස දුක්ඛසම්ඵස්සතාය වදාමි. සේය්‍යථාපි සෝ, භික්ඛවේ, පෝත්ථකෝ දුක්ඛසම්ඵස්සෝ තථූපමාහං, භික්ඛවේ, ඉමං පුග්ගලං වදාමි. යේසං ඛෝ පන සෝ පටිග්ගණ්හාති චීවරපිණ්ඩපාතසේනාසනගිලානප්පච්චයභේසජ්ජපරික්ඛාරං, තේසං තං න මහප්ඵලං හෝති න මහානිසංසං. ඉදමස්ස අප්පග්ඝතාය වදාමි. සේය්‍යථාපි සෝ, භික්ඛවේ, පෝත්ථකෝ අප්පග්ඝෝ තථූපමාහං, භික්ඛවේ, ඉමං පුග්ගලං වදාමි.
In the same way, if a junior bhikkhu is unethical, of bad character, this is how they’re ugly, I say. That person is just as ugly as jute canvas. If you associate with, accompany, and attend to that person, following their example, it’ll be for your lasting harm and suffering. This is how they’re unpleasant to touch, I say. That person is just as unpleasant to touch as jute canvas. Any robes, almsfood, lodgings, and medicines and supplies for the sick that they receive are not very fruitful or beneficial for the donor. This is how they’re worthless, I say. That person is just as worthless as jute canvas.
මජ්ඣිමෝ චේපි, භික්ඛවේ, භික්ඛු හෝති …පේ…
If a middle bhikkhu is unethical, of bad character, this is how they’re ugly, I say. …
ථේරෝ චේපි, භික්ඛවේ, භික්ඛු හෝති දුස්සීලෝ පාපධම්මෝ, ඉදමස්ස දුබ්බණ්ණතාය වදාමි. සේය්‍යථාපි සෝ, භික්ඛවේ, පෝත්ථකෝ දුබ්බණ්ණෝ තථූපමාහං, භික්ඛවේ, ඉමං පුග්ගලං වදාමි. යේ ඛෝ පනස්ස සේවන්ති භජන්ති පයිරුපාසන්ති දිට්ඨානුගතිං ආපජ්ජන්ති, තේසං තං හෝති දීඝරත්තං අහිතාය දුක්ඛාය. ඉදමස්ස දුක්ඛසම්ඵස්සතාය වදාමි. සේය්‍යථාපි සෝ, භික්ඛවේ, පෝත්ථකෝ දුක්ඛසම්ඵස්සෝ තථූපමාහං, භික්ඛවේ, ඉමං පුග්ගලං වදාමි. යේසං ඛෝ පන සෝ පටිග්ගණ්හාති චීවරපිණ්ඩපාතසේනාසනගිලානප්පච්චයභේසජ්ජපරික්ඛාරං, තේසං තං න මහප්ඵලං හෝති න මහානිසංසං. ඉදමස්ස අප්පග්ඝතාය වදාමි. සේය්‍යථාපි සෝ, භික්ඛවේ, පෝත්ථකෝ අප්පග්ඝෝ තථූපමාහං, භික්ඛවේ, ඉමං පුග්ගලං වදාමි.
If a senior bhikkhu is unethical, of bad character, this is how they’re ugly, I say. … If you associate with, accompany, and attend to that person, following their example, it’ll be for your lasting harm and suffering. …
ඒවරූපෝ චායං, භික්ඛවේ, ථේරෝ භික්ඛු සඞ්ඝමජ්ඣේ භණති. තමේනං භික්ඛූ ඒවමාහංසු: ‘කිං නු ඛෝ තුය්හං බාලස්ස අබ්‍යත්තස්ස භණිතේන, ත්වම්පි නාම භණිතබ්බං මඤ්ඤසී(අ)ති. සෝ කුපිතෝ අනත්තමනෝ තථාරූපිං වාචං නිච්ඡාරේති යථාරූපාය වාචාය සඞ්ඝෝ තං උක්ඛිපති, සඞ්කාරකූටේව නං පෝත්ථකං.
If such a senior bhikkhu speaks among the Saṅgha, the bhikkhus say: ‘What’s an incompetent fool like you got to say? How on earth could you imagine you’ve got something worth saying!’ That person becomes angry and upset, and blurts out things that make the Saṅgha throw them out, as if they were throwing jute canvas away on the rubbish heap.
නවම්පි, භික්ඛවේ, කාසිකං වත්ථං වණ්ණවන්තඤ්චේව හෝති සුඛසම්ඵස්සඤ්ච මහග්ඝඤ්ච; මජ්ඣිමම්පි, භික්ඛවේ, කාසිකං වත්ථං වණ්ණවන්තඤ්චේව හෝති සුඛසම්ඵස්සඤ්ච මහග්ඝඤ්ච; ජිණ්ණම්පි, භික්ඛවේ, කාසිකං වත්ථං වණ්ණවන්තඤ්චේව හෝති සුඛසම්ඵස්සඤ්ච මහග්ඝඤ්ච. ජිණ්ණම්පි, භික්ඛවේ, කාසිකං වත්ථං රතනපලිවේඨනං වා කරෝති ගන්ධකරණ්ඩකේ වා නං පක්ඛිපන්ති.
Cloth from Kāsi is beautiful, pleasant to touch, and valuable whether it’s new, worn in, or worn out. They use worn out cloth from Kāsi for wrapping, or else they place it in a fragrant casket.
ඒවමේවං ඛෝ, භික්ඛවේ, නවෝ චේපි භික්ඛු හෝති සීලවා කල්‍යාණධම්මෝ, ඉදමස්ස සුවණ්ණතාය වදාමි. සේය්‍යථාපි තං, භික්ඛවේ, කාසිකං වත්ථං වණ්ණවන්තං තථූපමාහං, භික්ඛවේ, ඉමං පුග්ගලං වදාමි. යේ ඛෝ පනස්ස සේවන්ති භජන්ති පයිරුපාසන්ති දිට්ඨානුගතිං ආපජ්ජන්ති, තේසං තං හෝති දීඝරත්තං හිතාය සුඛාය. ඉදමස්ස සුඛසම්ඵස්සතාය වදාමි. සේය්‍යථාපි තං, භික්ඛවේ, කාසිකං වත්ථං සුඛසම්ඵස්සං තථූපමාහං, භික්ඛවේ, ඉමං පුග්ගලං වදාමි. යේසං ඛෝ පන සෝ පටිග්ගණ්හාති චීවරපිණ්ඩපාතසේනාසනගිලානප්පච්චයභේසජ්ජපරික්ඛාරං, තේසං තං මහප්ඵලං හෝති මහානිසංසං. ඉදමස්ස මහග්ඝතාය වදාමි. සේය්‍යථාපි තං, භික්ඛවේ, කාසිකං වත්ථං මහග්ඝං තථූපමාහං, භික්ඛවේ, ඉමං පුග්ගලං වදාමි.
In the same way, if a junior bhikkhu is ethical, of good character, this is how they’re beautiful, I say. That person is just as beautiful as cloth from Kāsi. If you associate with, accompany, and attend to such a person, following their example, it will be for your lasting welfare and happiness. This is how they’re pleasant to touch, I say. That person is just as pleasant to touch as cloth from Kāsi. Any robes, almsfood, lodgings, and medicines and supplies for the sick that they receive are very fruitful and beneficial for the donor. This is how they’re valuable, I say. That person is just as valuable as cloth from Kāsi.
මජ්ඣිමෝ චේපි, භික්ඛවේ, භික්ඛු හෝති …පේ…
If a middle bhikkhu is ethical, of good character, this is how they’re beautiful, I say. …
ථේරෝ චේපි, භික්ඛවේ, භික්ඛු හෝති …පේ… පුග්ගලං වදාමි.
If a senior bhikkhu is ethical, of good character, this is how they’re beautiful, I say. …
ඒවරූපෝ චායං, භික්ඛවේ, ථේරෝ භික්ඛු සඞ්ඝමජ්ඣේ භණති. තමේනං භික්ඛූ ඒවමාහංසු: ‘අප්පසද්දා ආයස්මන්තෝ හෝථ, ථේරෝ භික්ඛු ධම්මඤ්ච විනයඤ්ච භණතී(අ)ති.
If such a senior bhikkhu speaks in the midst of the Saṅgha, the bhikkhus say: ‘Venerables, be quiet! The senior bhikkhu is speaking on the teaching and training.’
තස්මාතිහ, භික්ඛවේ, ඒවං සික්ඛිතබ්බං: ‘කාසිකවත්ථූපමා භවිස්සාම, න පෝත්ථකූපමා(අ)ති. ඒවඤ්හි වෝ, භික්ඛවේ, සික්ඛිතබ්බන්”ති.
So you should train like this: ‘We will be like cloth from Kāsi, not like jute canvas.’ That’s how you should train.”
අට්ඨමං.
The authoritative text of the Aṅguttara Nikāya is the Pāli text. The English translation is provided as an aid to the study of the original Pāli text. [CREDITS »]
