| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. бод̇т̇агасуд̇д̇ам̣
8. Potthakasuttaṃ
100. ‘‘навоби , бхигкавз, бод̇т̇аго д̣̇уб̣б̣ан̣н̣о жа ход̇и д̣̇угкасампассо жа аббаг̇гхо жа; маж̇жхимоби, бхигкавз, бод̇т̇аго д̣̇уб̣б̣ан̣н̣о жа ход̇и д̣̇угкасампассо жа аббаг̇гхо жа; ж̇ин̣н̣оби, бхигкавз, бод̇т̇аго д̣̇уб̣б̣ан̣н̣о жа ход̇и д̣̇угкасампассо жа аббаг̇гхо жа. ж̇ин̣н̣амби, бхигкавз, бод̇т̇агам̣ угкалибаримаж̇ж̇анам̣ ваа гаронд̇и сан̇гаарагуудз ваа нам̣ 1 чад̣д̣знд̇и.
100. ‘‘Navopi , bhikkhave, potthako dubbaṇṇo ca hoti dukkhasamphasso ca appaggho ca; majjhimopi, bhikkhave, potthako dubbaṇṇo ca hoti dukkhasamphasso ca appaggho ca; jiṇṇopi, bhikkhave, potthako dubbaṇṇo ca hoti dukkhasamphasso ca appaggho ca. Jiṇṇampi, bhikkhave, potthakaṃ ukkhaliparimajjanaṃ vā karonti saṅkārakūṭe vā naṃ 2 chaḍḍenti.
‘‘звамзвам̣ ко, бхигкавз, наво жзби бхигку ход̇и д̣̇уссийло баабад̇хаммо. ид̣̇амасса д̣̇уб̣б̣ан̣н̣ад̇ааяа вад̣̇аами. сзяяат̇ааби со, бхигкавз, бод̇т̇аго д̣̇уб̣б̣ан̣н̣о д̇ат̇уубамаахам̣, бхигкавз, имам̣ буг̇г̇алам̣ вад̣̇аами. яз ко банасса сзванд̇и бхаж̇анд̇и баяирубаасанд̇и д̣̇идтаануг̇ад̇им̣ аабаж̇ж̇анд̇и, д̇зсам̣ д̇ам̣ ход̇и д̣̇ийгхарад̇д̇ам̣ ахид̇ааяа д̣̇угкааяа. ид̣̇амасса д̣̇угкасампассад̇ааяа вад̣̇аами. сзяяат̇ааби со, бхигкавз, бод̇т̇аго д̣̇угкасампассо д̇ат̇уубамаахам̣, бхигкавз, имам̣ буг̇г̇алам̣ вад̣̇аами. язсам̣ ко бана со 3 бадиг̇г̇ан̣хаад̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарам̣, д̇зсам̣ д̇ам̣ на махабпалам̣ ход̇и на махаанисам̣сам̣. ид̣̇амасса аббаг̇гхад̇ааяа вад̣̇аами . сзяяат̇ааби со, бхигкавз, бод̇т̇аго аббаг̇гхо д̇ат̇уубамаахам̣, бхигкавз, имам̣ буг̇г̇алам̣ вад̣̇аами. маж̇жхимо жзби, бхигкавз, бхигку ход̇и…бз… т̇зро жзби, бхигкавз, бхигку ход̇и д̣̇уссийло баабад̇хаммо, ид̣̇амасса д̣̇уб̣б̣ан̣н̣ад̇ааяа вад̣̇аами. сзяяат̇ааби со, бхигкавз, бод̇т̇аго д̣̇уб̣б̣ан̣н̣о д̇ат̇уубамаахам̣, бхигкавз, имам̣ буг̇г̇алам̣ вад̣̇аами. яз ко банасса сзванд̇и бхаж̇анд̇и баяирубаасанд̇и д̣̇идтаануг̇ад̇им̣ аабаж̇ж̇анд̇и, д̇зсам̣ д̇ам̣ ход̇и д̣̇ийгхарад̇д̇ам̣ ахид̇ааяа д̣̇угкааяа. ид̣̇амасса д̣̇угкасампассад̇ааяа вад̣̇аами. сзяяат̇ааби со, бхигкавз, бод̇т̇аго д̣̇угкасампассо д̇ат̇уубамаахам̣, бхигкавз, имам̣ буг̇г̇алам̣ вад̣̇аами. язсам̣ ко бана со бадиг̇г̇ан̣хаад̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарам̣, д̇зсам̣ д̇ам̣ на махабпалам̣ ход̇и на махаанисам̣сам̣. ид̣̇амасса аббаг̇гхад̇ааяа вад̣̇аами. сзяяат̇ааби со, бхигкавз, бод̇т̇аго аббаг̇гхо д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Evamevaṃ kho, bhikkhave, navo cepi bhikkhu hoti dussīlo pāpadhammo. Idamassa dubbaṇṇatāya vadāmi. Seyyathāpi so, bhikkhave, potthako dubbaṇṇo tathūpamāhaṃ, bhikkhave, imaṃ puggalaṃ vadāmi. Ye kho panassa sevanti bhajanti payirupāsanti diṭṭhānugatiṃ āpajjanti, tesaṃ taṃ hoti dīgharattaṃ ahitāya dukkhāya. Idamassa dukkhasamphassatāya vadāmi. Seyyathāpi so, bhikkhave, potthako dukkhasamphasso tathūpamāhaṃ, bhikkhave, imaṃ puggalaṃ vadāmi. Yesaṃ kho pana so 4 paṭiggaṇhāti cīvarapiṇḍapātasenāsanagilānappaccayabhesajjaparikkhāraṃ, tesaṃ taṃ na mahapphalaṃ hoti na mahānisaṃsaṃ. Idamassa appagghatāya vadāmi . Seyyathāpi so, bhikkhave, potthako appaggho tathūpamāhaṃ, bhikkhave, imaṃ puggalaṃ vadāmi. Majjhimo cepi, bhikkhave, bhikkhu hoti…pe… thero cepi, bhikkhave, bhikkhu hoti dussīlo pāpadhammo, idamassa dubbaṇṇatāya vadāmi. Seyyathāpi so, bhikkhave, potthako dubbaṇṇo tathūpamāhaṃ, bhikkhave, imaṃ puggalaṃ vadāmi. Ye kho panassa sevanti bhajanti payirupāsanti diṭṭhānugatiṃ āpajjanti, tesaṃ taṃ hoti dīgharattaṃ ahitāya dukkhāya. Idamassa dukkhasamphassatāya vadāmi. Seyyathāpi so, bhikkhave, potthako dukkhasamphasso tathūpamāhaṃ, bhikkhave, imaṃ puggalaṃ vadāmi. Yesaṃ kho pana so paṭiggaṇhāti cīvarapiṇḍapātasenāsanagilānappaccayabhesajjaparikkhāraṃ, tesaṃ taṃ na mahapphalaṃ hoti na mahānisaṃsaṃ. Idamassa appagghatāya vadāmi. Seyyathāpi so, bhikkhave, potthako appaggho tathūpamāhaṃ, bhikkhave, imaṃ puggalaṃ vadāmi.
‘‘зваруубо жааяам̣, бхигкавз, т̇зро бхигку сан̇гхамаж̇жхз бхан̣ад̇и. д̇амзнам̣ бхигкуу звамаахам̣су – ‘гим̣ ну ко д̇уяхам̣ б̣ааласса аб̣яад̇д̇асса бхан̣ид̇зна, д̇вамби наама бхан̣ид̇аб̣б̣ам̣ ман̃н̃асий’д̇и! со губид̇о анад̇д̇амано д̇ат̇ааруубим̣ ваажам̣ нижчаарзд̇и яат̇ааруубааяа ваажааяа сан̇гхо д̇ам̣ угкибад̇и, сан̇гаарагуудзва нам̣ бод̇т̇агам̣.
‘‘Evarūpo cāyaṃ, bhikkhave, thero bhikkhu saṅghamajjhe bhaṇati. Tamenaṃ bhikkhū evamāhaṃsu – ‘kiṃ nu kho tuyhaṃ bālassa abyattassa bhaṇitena, tvampi nāma bhaṇitabbaṃ maññasī’ti! So kupito anattamano tathārūpiṃ vācaṃ nicchāreti yathārūpāya vācāya saṅgho taṃ ukkhipati, saṅkārakūṭeva naṃ potthakaṃ.
‘‘навамби, бхигкавз, гаасигам̣ вад̇т̇ам̣ ван̣н̣аванд̇ан̃жзва ход̇и сукасампассан̃жа махаг̇гхан̃жа; маж̇жхимамби, бхигкавз , гаасигам̣ вад̇т̇ам̣ ван̣н̣аванд̇ан̃жзва ход̇и сукасампассан̃жа махаг̇гхан̃жа; ж̇ин̣н̣амби, бхигкавз, гаасигам̣ вад̇т̇ам̣ ван̣н̣аванд̇ан̃жзва ход̇и сукасампассан̃жа махаг̇гхан̃жа. ж̇ин̣н̣амби, бхигкавз, гаасигам̣ вад̇т̇ам̣ рад̇анабаливзтанам̣ ваа гарод̇и г̇анд̇хагаран̣д̣агз ваа нам̣ багкибанд̇и.
‘‘Navampi, bhikkhave, kāsikaṃ vatthaṃ vaṇṇavantañceva hoti sukhasamphassañca mahagghañca; majjhimampi, bhikkhave , kāsikaṃ vatthaṃ vaṇṇavantañceva hoti sukhasamphassañca mahagghañca; jiṇṇampi, bhikkhave, kāsikaṃ vatthaṃ vaṇṇavantañceva hoti sukhasamphassañca mahagghañca. Jiṇṇampi, bhikkhave, kāsikaṃ vatthaṃ ratanapaliveṭhanaṃ vā karoti gandhakaraṇḍake vā naṃ pakkhipanti.
‘‘звамзвам̣ ко, бхигкавз, наво жзби бхигку ход̇и сийлаваа галяаан̣ад̇хаммо, ид̣̇амасса суван̣н̣ад̇ааяа вад̣̇аами. сзяяат̇ааби д̇ам̣, бхигкавз, гаасигам̣ вад̇т̇ам̣ ван̣н̣аванд̇ам̣ д̇ат̇уубамаахам̣, бхигкавз, имам̣ буг̇г̇алам̣ вад̣̇аами. яз ко банасса сзванд̇и бхаж̇анд̇и баяирубаасанд̇и д̣̇идтаануг̇ад̇им̣ аабаж̇ж̇анд̇и, д̇зсам̣ д̇ам̣ ход̇и д̣̇ийгхарад̇д̇ам̣ хид̇ааяа сукааяа. ид̣̇амасса сукасампассад̇ааяа вад̣̇аами. сзяяат̇ааби д̇ам̣, бхигкавз, гаасигам̣ вад̇т̇ам̣ сукасампассам̣ д̇ат̇уубамаахам̣, бхигкавз, имам̣ буг̇г̇алам̣ вад̣̇аами. язсам̣ ко бана со бадиг̇г̇ан̣хаад̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарам̣ , д̇зсам̣ д̇ам̣ махабпалам̣ ход̇и махаанисам̣сам̣. ид̣̇амасса махаг̇гхад̇ааяа вад̣̇аами. сзяяат̇ааби д̇ам̣, бхигкавз, гаасигам̣ вад̇т̇ам̣ махаг̇гхам̣ д̇ат̇уубамаахам̣, бхигкавз, имам̣ буг̇г̇алам̣ вад̣̇аами. маж̇жхимо жзби, бхигкавз, бхигку ход̇и…бз… т̇зро жзби, бхигкавз, бхигку ход̇и…бз… буг̇г̇алам̣ вад̣̇аами.
‘‘Evamevaṃ kho, bhikkhave, navo cepi bhikkhu hoti sīlavā kalyāṇadhammo, idamassa suvaṇṇatāya vadāmi. Seyyathāpi taṃ, bhikkhave, kāsikaṃ vatthaṃ vaṇṇavantaṃ tathūpamāhaṃ, bhikkhave, imaṃ puggalaṃ vadāmi. Ye kho panassa sevanti bhajanti payirupāsanti diṭṭhānugatiṃ āpajjanti, tesaṃ taṃ hoti dīgharattaṃ hitāya sukhāya. Idamassa sukhasamphassatāya vadāmi. Seyyathāpi taṃ, bhikkhave, kāsikaṃ vatthaṃ sukhasamphassaṃ tathūpamāhaṃ, bhikkhave, imaṃ puggalaṃ vadāmi. Yesaṃ kho pana so paṭiggaṇhāti cīvarapiṇḍapātasenāsanagilānappaccayabhesajjaparikkhāraṃ , tesaṃ taṃ mahapphalaṃ hoti mahānisaṃsaṃ. Idamassa mahagghatāya vadāmi. Seyyathāpi taṃ, bhikkhave, kāsikaṃ vatthaṃ mahagghaṃ tathūpamāhaṃ, bhikkhave, imaṃ puggalaṃ vadāmi. Majjhimo cepi, bhikkhave, bhikkhu hoti…pe… thero cepi, bhikkhave, bhikkhu hoti…pe… puggalaṃ vadāmi.
‘‘зваруубо жааяам̣, бхигкавз, т̇зро бхигку сан̇гхамаж̇жхз бхан̣ад̇и . д̇амзнам̣ бхигкуу звамаахам̣су – ‘аббасад̣̇д̣̇аа ааяасманд̇о хот̇а, т̇зро бхигку д̇хамман̃жа винаяан̃жа бхан̣ад̇ий’д̇и. д̇асмаад̇иха, бхигкавз, звам̣ сигкид̇аб̣б̣ам̣ – ‘гаасигавад̇т̇уубамаа бхависсаама, на бод̇т̇агуубамаа’д̇и 5. зван̃хи во, бхигкавз, сигкид̇аб̣б̣а’’нд̇и. адтамам̣.
‘‘Evarūpo cāyaṃ, bhikkhave, thero bhikkhu saṅghamajjhe bhaṇati . Tamenaṃ bhikkhū evamāhaṃsu – ‘appasaddā āyasmanto hotha, thero bhikkhu dhammañca vinayañca bhaṇatī’ti. Tasmātiha, bhikkhave, evaṃ sikkhitabbaṃ – ‘kāsikavatthūpamā bhavissāma, na potthakūpamā’ti 6. Evañhi vo, bhikkhave, sikkhitabba’’nti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. бод̇т̇агасуд̇д̇аван̣н̣анаа • 8. Potthakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. бод̇т̇агасуд̇д̇аван̣н̣анаа • 8. Potthakasuttavaṇṇanā
