| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. бод̇т̇агасуд̇д̇аван̣н̣анаа
8. Potthakasuttavaṇṇanā
100. адтамз навод̇и гаран̣ам̣ убаад̣̇ааяа вужжад̇и. бод̇т̇агод̇и ваагамаяавад̇т̇ам̣. маж̇жхимод̇и барибхог̇амаж̇жхимо. ж̇ин̣н̣од̇и барибхог̇аж̇ин̣н̣о. угкалибаримаж̇ж̇ананд̇и угкалибарибун̃чанам̣ д̣̇уссийлод̇и ниссийло. д̣̇уб̣б̣ан̣н̣ад̇ааяаад̇и г̇ун̣аван̣н̣аабхаавзна д̣̇уб̣б̣ан̣н̣ад̇ааяа. д̣̇идтаануг̇ад̇им̣ аабаж̇ж̇анд̇ийд̇и д̇зна гад̇ам̣ анугаронд̇и. на махабпалам̣ ход̇ийд̇и вибаагапалзна махабпалам̣ на ход̇и. на махаанисам̣санд̇и вибаагаанисам̣сзнзва на махаанисам̣сам̣. аббаг̇гхад̇ааяаад̇и вибаагаг̇гхзна аббаг̇гхад̇ааяа. гаасигам̣ вад̇т̇анд̇и д̇ийхи габбаасаам̣суухи суд̇д̇ам̣ ганд̇ид̇ваа гад̇авад̇т̇ам̣, д̇ан̃жа ко гаасирадтзязва удтид̇ам̣. сзсам̣ уд̇д̇аанамзва. сийлам̣ банзд̇т̇а миссагам̣ гат̇ид̇анд̇и.
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. бод̇т̇агасуд̇д̇ам̣ • 8. Potthakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. бод̇т̇агасуд̇д̇аван̣н̣анаа • 8. Potthakasuttavaṇṇanā
