| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. бод̇т̇агасуд̇д̇аван̣н̣анаа
8. Potthakasuttavaṇṇanā
100. адтамз навод̇и нававааяимо. д̇знааха ‘‘гаран̣ам̣ убаад̣̇ааяа вужжад̇ий’’д̇и. ваагамаяавад̇т̇анд̇и саан̣аад̣̇иваагасаадагам̣. д̣̇уб̣б̣ан̣н̣од̇и виван̣н̣о. д̣̇угкасампассод̇и карасампассо. аббам̣ аг̇гхад̇ийд̇и аббаг̇гхо. ад̇иб̣ахум̣ аг̇гханд̇о гахаабан̣аг̇гханаго ход̇и. барибхог̇амаж̇жхимод̇и барибхог̇агаалавасзна маж̇жхимо. со хи навабхаавам̣ ад̇иггамид̇ваа ж̇ин̣н̣абхаавам̣ аббад̇д̇о маж̇жхз барибхог̇агаалзби д̣̇уб̣б̣ан̣н̣о жа д̣̇угкасампассо жа аббаг̇гхоязва ход̇и. ад̇иб̣ахум̣ аг̇гханд̇о ад̣дхам̣ аг̇гхад̇и, ж̇ин̣н̣агаалз бана ад̣дхамаасагам̣ ваа гааган̣игам̣ ваа аг̇гхад̇и. угкалибарибун̃чананд̇и гаал̣угкалибарибун̃чанам̣. навод̇иби убасамбад̣̇ааяа бан̃жавассагаалад̇о хздтаа ж̇аад̇ияаа садтивассоби навоязва. д̣̇уб̣б̣ан̣н̣ад̇ааяаад̇и сарийраван̣н̣знаби г̇ун̣аван̣н̣знаби д̣̇уб̣б̣ан̣н̣ад̇ааяа. д̣̇уссийласса хи барисамаж̇жхз нид̇д̇зж̇ад̇ааяа сарийраван̣н̣оби на самбаж̇ж̇ад̇и, г̇ун̣аван̣н̣зна вад̇д̇аб̣б̣амзва над̇т̇и. адтагат̇ааяам̣ бана сарийраван̣н̣зна д̣̇уб̣б̣ан̣н̣ад̇ааби г̇ун̣аван̣н̣асса абхаавзна д̣̇уб̣б̣ан̣н̣ад̇ааяаад̇и вуд̇д̇ам̣.
100. Aṭṭhame navoti navavāyimo. Tenāha ‘‘karaṇaṃ upādāya vuccatī’’ti. Vākamayavatthanti sāṇādivākasāṭakaṃ. Dubbaṇṇoti vivaṇṇo. Dukkhasamphassoti kharasamphasso. Appaṃ agghatīti appaggho. Atibahuṃ agghanto kahāpaṇagghanako hoti. Paribhogamajjhimoti paribhogakālavasena majjhimo. So hi navabhāvaṃ atikkamitvā jiṇṇabhāvaṃ appatto majjhe paribhogakālepi dubbaṇṇo ca dukkhasamphasso ca appagghoyeva hoti. Atibahuṃ agghanto aḍḍhaṃ agghati, jiṇṇakāle pana aḍḍhamāsakaṃ vā kākaṇikaṃ vā agghati. Ukkhaliparipuñchananti kāḷukkhaliparipuñchanaṃ. Navotipi upasampadāya pañcavassakālato heṭṭhā jātiyā saṭṭhivassopi navoyeva. Dubbaṇṇatāyāti sarīravaṇṇenapi guṇavaṇṇenapi dubbaṇṇatāya. Dussīlassa hi parisamajjhe nittejatāya sarīravaṇṇopi na sampajjati, guṇavaṇṇena vattabbameva natthi. Aṭṭhakathāyaṃ pana sarīravaṇṇena dubbaṇṇatāpi guṇavaṇṇassa abhāvena dubbaṇṇatāyāti vuttaṃ.
яз ко банассаад̇и яз ко бана д̇асса убадтаагаа ваа н̃аад̇имид̇д̇аад̣̇аяо ваа зд̇ам̣ буг̇г̇алам̣ сзванд̇и. д̇зсанд̇и д̇зсам̣ буг̇г̇алаанам̣ ча сад̇т̇аарз сзванд̇аанам̣ мижчаад̣̇идтигаанам̣ вияа. д̣̇звад̣̇ад̇д̇з сзванд̇аанам̣ гогаалигаад̣̇ийнам̣ вияа жа д̇ам̣ сзванам̣ д̣̇ийгхарад̇д̇ам̣ ахид̇ааяа д̣̇угкааяа ход̇и. маж̇жхимод̇и бан̃жавассагаалад̇о бадтааяа яаава нававассагаалаа маж̇жхимо наама. т̇зрод̇и д̣̇асавассад̇о бадтааяа т̇зро наама. звамаахам̣сууд̇и звам̣ вад̣̇анд̇и. гим̣ ну ко д̇уяханд̇и д̇уяхам̣ б̣ааласса бхан̣ид̇зна го ад̇т̇од̇и вуд̇д̇ам̣ ход̇и. д̇ат̇ааруубанд̇и д̇ат̇ааж̇аад̇игам̣ д̇ат̇аасабхаавам̣ угкзбанийяагаммасса гааран̣абхууд̇ам̣.
Ye kho panassāti ye kho pana tassa upaṭṭhākā vā ñātimittādayo vā etaṃ puggalaṃ sevanti. Tesanti tesaṃ puggalānaṃ cha satthāre sevantānaṃ micchādiṭṭhikānaṃ viya. Devadatte sevantānaṃ kokālikādīnaṃ viya ca taṃ sevanaṃ dīgharattaṃ ahitāya dukkhāya hoti. Majjhimoti pañcavassakālato paṭṭhāya yāva navavassakālā majjhimo nāma. Theroti dasavassato paṭṭhāya thero nāma. Evamāhaṃsūti evaṃ vadanti. Kiṃ nu kho tuyhanti tuyhaṃ bālassa bhaṇitena ko atthoti vuttaṃ hoti. Tathārūpanti tathājātikaṃ tathāsabhāvaṃ ukkhepanīyakammassa kāraṇabhūtaṃ.
д̇ийхи габбаасаам̣суухи суд̇д̇ам̣ ганд̇ид̇ваа гад̇авад̇т̇анд̇и д̇аяо габбаасаам̣суу г̇ахзд̇ваа ганд̇ид̇асуд̇д̇зна вааяид̇ам̣ сукумавад̇т̇ам̣, д̇ам̣ нававааяимам̣ анаг̇гхам̣ ход̇и, барибхог̇амаж̇жхимам̣ вийсамби д̇им̣самби сахассаани аг̇гхад̇и, ж̇ин̣н̣агаалз, адтаби д̣̇асаби сахассаани аг̇гхад̇и.
Tīhi kappāsaaṃsūhi suttaṃ kantitvā katavatthanti tayo kappāsaaṃsū gahetvā kantitasuttena vāyitaṃ sukhumavatthaṃ, taṃ navavāyimaṃ anagghaṃ hoti, paribhogamajjhimaṃ vīsampi tiṃsampi sahassāni agghati, jiṇṇakāle, aṭṭhapi dasapi sahassāni agghati.
д̇зсам̣ д̇ам̣ ход̇ийд̇и д̇зсам̣ саммаасамб̣уд̣̇д̇хаад̣̇аяо сзванд̇аа вияа д̇ам̣ сзванам̣ д̣̇ийгхарад̇д̇ам̣ хид̇ааяа сукааяа ход̇и. саммаасамб̣уд̣̇д̇хан̃хи згам̣ ниссааяа яааваж̇ж̇агаалаа мужжанагасад̇д̇аанам̣ бамаан̣ам̣ над̇т̇и, д̇ат̇аа саарибуд̇д̇ад̇т̇зрамахаамог̇г̇аллаанад̇т̇зрз авасзсз жа асийд̇и махаасаавагз ниссааяа саг̇г̇аг̇ад̇асад̇д̇аанам̣ бамаан̣ам̣ над̇т̇и, яааваж̇ж̇агаалаа д̇зсам̣ д̣̇идтаануг̇ад̇им̣ бадибаннасад̇д̇аанамби бамаан̣ам̣ над̇т̇иязва. аад̇хзяяам̣ г̇ажчад̇ийд̇и д̇асса махаат̇зрасса д̇ам̣ ад̇т̇аниссид̇ам̣ важанам̣ яат̇аа г̇анд̇хагаран̣д̣агз гаасигавад̇т̇ам̣ аад̇хаад̇аб̣б̣ад̇ам̣ табзд̇аб̣б̣ад̇ам̣ г̇ажчад̇и, звам̣ уд̇д̇аман̇г̇з сирасмим̣ хад̣̇аяз жа аад̇хаад̇аб̣б̣ад̇ам̣ табзд̇аб̣б̣ад̇ам̣ г̇ажчад̇и.
Tesaṃtaṃ hotīti tesaṃ sammāsambuddhādayo sevantā viya taṃ sevanaṃ dīgharattaṃ hitāya sukhāya hoti. Sammāsambuddhañhi ekaṃ nissāya yāvajjakālā muccanakasattānaṃ pamāṇaṃ natthi, tathā sāriputtattheramahāmoggallānatthere avasese ca asīti mahāsāvake nissāya saggagatasattānaṃ pamāṇaṃ natthi, yāvajjakālā tesaṃ diṭṭhānugatiṃ paṭipannasattānampi pamāṇaṃ natthiyeva. Ādheyyaṃ gacchatīti tassa mahātherassa taṃ atthanissitaṃ vacanaṃ yathā gandhakaraṇḍake kāsikavatthaṃ ādhātabbataṃ ṭhapetabbataṃ gacchati, evaṃ uttamaṅge sirasmiṃ hadaye ca ādhātabbataṃ ṭhapetabbataṃ gacchati.
бод̇т̇агасуд̇д̇аван̣н̣анаа нидтид̇аа.
Potthakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. бод̇т̇агасуд̇д̇ам̣ • 8. Potthakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. бод̇т̇агасуд̇д̇аван̣н̣анаа • 8. Potthakasuttavaṇṇanā
