| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
८. पोत्थकसुत्तवण्णना
8. Potthakasuttavaṇṇanā
१००. अट्ठमे नवोति करणं उपादाय वुच्चति। पोत्थकोति वाकमयवत्थं। मज्झिमोति परिभोगमज्झिमो। जिण्णोति परिभोगजिण्णो। उक्खलिपरिमज्जनन्ति उक्खलिपरिपुञ्छनं दुस्सीलोति निस्सीलो। दुब्बण्णतायाति गुणवण्णाभावेन दुब्बण्णताय। दिट्ठानुगतिं आपज्जन्तीति तेन कतं अनुकरोन्ति। न महप्फलं होतीति विपाकफलेन महप्फलं न होति। न महानिसंसन्ति विपाकानिसंसेनेव न महानिसंसं। अप्पग्घतायाति विपाकग्घेन अप्पग्घताय। कासिकं वत्थन्ति तीहि कप्पासअंसूहि सुत्तं कन्तित्वा कतवत्थं, तञ्च खो कासिरट्ठेयेव उट्ठितं। सेसं उत्तानमेव। सीलं पनेत्थ मिस्सकं कथितन्ति।
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ८. पोत्थकसुत्तं • 8. Potthakasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ८. पोत्थकसुत्तवण्णना • 8. Potthakasuttavaṇṇanā
