| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๘. โปตฺถกสุตฺตวณฺณนา
8. Potthakasuttavaṇṇanā
๑๐๐. อฎฺฐเม นโวติ กรณํ อุปาทาย วุจฺจติฯ โปตฺถโกติ วากมยวตฺถํฯ มชฺฌิโมติ ปริโภคมชฺฌิโมฯ ชิโณฺณติ ปริโภคชิโณฺณฯ อุกฺขลิปริมชฺชนนฺติ อุกฺขลิปริปุญฺฉนํ ทุสฺสีโลติ นิสฺสีโลฯ ทุพฺพณฺณตายาติ คุณวณฺณาภาเวน ทุพฺพณฺณตายฯ ทิฎฺฐานุคติํ อาปชฺชนฺตีติ เตน กตํ อนุกโรนฺติฯ น มหปฺผลํ โหตีติ วิปากผเลน มหปฺผลํ น โหติฯ น มหานิสํสนฺติ วิปากานิสํเสเนว น มหานิสํสํฯ อปฺปคฺฆตายาติ วิปากเคฺฆน อปฺปคฺฆตายฯ กาสิกํ วตฺถนฺติ ตีหิ กปฺปาสอํสูหิ สุตฺตํ กนฺติตฺวา กตวตฺถํ, ตญฺจ โข กาสิรเฎฺฐเยว อุฎฺฐิตํฯ เสสํ อุตฺตานเมวฯ สีลํ ปเนตฺถ มิสฺสกํ กถิตนฺติฯ
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๘. โปตฺถกสุตฺตํ • 8. Potthakasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๘. โปตฺถกสุตฺตวณฺณนา • 8. Potthakasuttavaṇṇanā
