| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਪੋਤ੍ਥਕਸੁਤ੍ਤવਣ੍ਣਨਾ
8. Potthakasuttavaṇṇanā
੧੦੦. ਅਟ੍ਠਮੇ ਨવੋਤਿ ਕਰਣਂ ਉਪਾਦਾਯ વੁਚ੍ਚਤਿ। ਪੋਤ੍ਥਕੋਤਿ વਾਕਮਯવਤ੍ਥਂ। ਮਜ੍ਝਿਮੋਤਿ ਪਰਿਭੋਗਮਜ੍ਝਿਮੋ। ਜਿਣ੍ਣੋਤਿ ਪਰਿਭੋਗਜਿਣ੍ਣੋ। ਉਕ੍ਖਲਿਪਰਿਮਜ੍ਜਨਨ੍ਤਿ ਉਕ੍ਖਲਿਪਰਿਪੁਞ੍ਛਨਂ ਦੁਸ੍ਸੀਲੋਤਿ ਨਿਸ੍ਸੀਲੋ। ਦੁਬ੍ਬਣ੍ਣਤਾਯਾਤਿ ਗੁਣવਣ੍ਣਾਭਾવੇਨ ਦੁਬ੍ਬਣ੍ਣਤਾਯ। ਦਿਟ੍ਠਾਨੁਗਤਿਂ ਆਪਜ੍ਜਨ੍ਤੀਤਿ ਤੇਨ ਕਤਂ ਅਨੁਕਰੋਨ੍ਤਿ। ਨ ਮਹਪ੍ਫਲਂ ਹੋਤੀਤਿ વਿਪਾਕਫਲੇਨ ਮਹਪ੍ਫਲਂ ਨ ਹੋਤਿ। ਨ ਮਹਾਨਿਸਂਸਨ੍ਤਿ વਿਪਾਕਾਨਿਸਂਸੇਨੇવ ਨ ਮਹਾਨਿਸਂਸਂ। ਅਪ੍ਪਗ੍ਘਤਾਯਾਤਿ વਿਪਾਕਗ੍ਘੇਨ ਅਪ੍ਪਗ੍ਘਤਾਯ। ਕਾਸਿਕਂ વਤ੍ਥਨ੍ਤਿ ਤੀਹਿ ਕਪ੍ਪਾਸਅਂਸੂਹਿ ਸੁਤ੍ਤਂ ਕਨ੍ਤਿਤ੍વਾ ਕਤવਤ੍ਥਂ, ਤਞ੍ਚ ਖੋ ਕਾਸਿਰਟ੍ਠੇਯੇવ ਉਟ੍ਠਿਤਂ। ਸੇਸਂ ਉਤ੍ਤਾਨਮੇવ। ਸੀਲਂ ਪਨੇਤ੍ਥ ਮਿਸ੍ਸਕਂ ਕਥਿਤਨ੍ਤਿ।
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਪੋਤ੍ਥਕਸੁਤ੍ਤਂ • 8. Potthakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਪੋਤ੍ਥਕਸੁਤ੍ਤવਣ੍ਣਨਾ • 8. Potthakasuttavaṇṇanā
