| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
9. бодтабаад̣̇асуд̇д̇аван̣н̣анаа
9. Poṭṭhapādasuttavaṇṇanā
бодтабаад̣̇абариб̣б̣ааж̇агавад̇т̇уван̣н̣анаа
Poṭṭhapādaparibbājakavatthuvaṇṇanā
406. звам̣ мз суд̇д̇ам̣…бз… саавад̇т̇ияанд̇и бодтабаад̣̇асуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа. саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамзд̇и саавад̇т̇им̣ убаниссааяа яо ж̇зд̇асса гумаарасса ванз анаат̇абин̣д̣игзна г̇ахабад̇инаа аараамо гаарид̇о, д̇ад̇т̇а вихарад̇и. бодтабаад̣̇о бариб̣б̣ааж̇агод̇и наамзна бодтабаад̣̇о наама чаннабариб̣б̣ааж̇аго. со гира г̇ихигаалз б̣раахман̣амахаасаало гаамзсуаад̣̇ийнавам̣ д̣̇исваа жад̇д̇аалийсагодибаримаан̣ам̣ бхог̇агканд̇хам̣ бахааяа баб̣б̣аж̇ид̇ваа д̇ид̇т̇ияаанам̣ г̇ан̣аажарияо ж̇аад̇о. самаяам̣ бавад̣̇анд̇и зд̇т̇аад̇и самаяаббаваад̣̇аго, д̇асмим̣ гира таанз жан̇гийд̇ааругкабогкарасаад̇иббабхуд̇аяо б̣раахман̣аа ниг̇ан̣таажзлагабариб̣б̣ааж̇агаад̣̇аяо жа баб̣б̣аж̇ид̇аа саннибад̇ид̇ваа ад̇д̇ано ад̇д̇ано самаяам̣ вад̣̇анд̇и гат̇знд̇и д̣̇ийбзнд̇и, д̇асмаа со аараамо самаяаббаваад̣̇агод̇и вужжад̇и. свзва жа д̇инд̣̇угаажийрасан̇каад̇ааяа д̇имб̣арууругкабанд̇ияаа баригкид̇д̇ад̇д̇аа д̇инд̣̇угаажийро. яасмаа банзд̇т̇а батамам̣ згаава саалаа ахоси, бажчаа махаабун̃н̃ам̣ бариб̣б̣ааж̇агам̣ ниссааяа б̣ахуу саалаа гад̇аа. д̇асмаа д̇амзва згам̣ саалам̣ убаад̣̇ааяа лад̣̇д̇ханаамавасзна згасаалагод̇и вужжад̇и. маллигааяа бана басзнад̣̇иран̃н̃о д̣̇звияаа уяяаанабхууд̇о со бубпапаласамбанно аараамод̇и гад̇ваа маллигааяа аараамод̇и сан̇кяам̣ г̇ад̇о. д̇асмим̣ самаяаббаваад̣̇агз д̇инд̣̇угаажийрз згасаалагз маллигааяа аараамз.
406.Evaṃme suttaṃ…pe… sāvatthiyanti poṭṭhapādasuttaṃ. Tatrāyaṃ apubbapadavaṇṇanā. Sāvatthiyaṃ viharati jetavane anāthapiṇḍikassa ārāmeti sāvatthiṃ upanissāya yo jetassa kumārassa vane anāthapiṇḍikena gahapatinā ārāmo kārito, tattha viharati. Poṭṭhapādo paribbājakoti nāmena poṭṭhapādo nāma channaparibbājako. So kira gihikāle brāhmaṇamahāsālo kāmesuādīnavaṃ disvā cattālīsakoṭiparimāṇaṃ bhogakkhandhaṃ pahāya pabbajitvā titthiyānaṃ gaṇācariyo jāto. Samayaṃ pavadanti etthāti samayappavādako, tasmiṃ kira ṭhāne caṅkītārukkhapokkharasātippabhutayo brāhmaṇā nigaṇṭhaacelakaparibbājakādayo ca pabbajitā sannipatitvā attano attano samayaṃ vadanti kathenti dīpenti, tasmā so ārāmo samayappavādakoti vuccati. Sveva ca tindukācīrasaṅkhātāya timbarūrukkhapantiyā parikkhittattā tindukācīro. Yasmā panettha paṭhamaṃ ekāva sālā ahosi, pacchā mahāpuññaṃ paribbājakaṃ nissāya bahū sālā katā. Tasmā tameva ekaṃ sālaṃ upādāya laddhanāmavasena ekasālakoti vuccati. Mallikāya pana pasenadirañño deviyā uyyānabhūto so pupphaphalasampanno ārāmoti katvā mallikāya ārāmoti saṅkhyaṃ gato. Tasmiṃ samayappavādake tindukācīre ekasālake mallikāya ārāme.
бадивасад̇ийд̇и ниваасапаасуд̇ааяа васад̇и. ат̇згад̣̇ивасам̣ бхаг̇аваа бажжуусасамаяз саб̣б̣ан̃н̃уд̇ан̃н̃аан̣ам̣ бад̇т̇арид̇ваа логам̣ бариг̇г̇ан̣ханд̇о н̃аан̣аж̇ааласса анд̇ог̇ад̇ам̣ бариб̣б̣ааж̇агам̣ д̣̇исваа – ‘‘аяам̣ бодтабаад̣̇о маяхам̣ н̃аан̣аж̇аалз бан̃н̃ааяад̇и, гинну ко бхависсад̇ий’’д̇и убабаригканд̇о ад̣̇д̣̇аса – ‘‘ахам̣ аж̇ж̇а д̇ад̇т̇а г̇амиссаами, ат̇а мам̣ бодтабаад̣̇о нирод̇хан̃жа нирод̇хавудтаанан̃жа бужчиссад̇и, д̇ассаахам̣ саб̣б̣аб̣уд̣̇д̇хаанам̣ н̃аан̣зна сам̣санд̣̇ид̇ваа д̇ад̣̇убхаяам̣ гат̇зссаами, ат̇а со гад̇ибаахажжаязна жид̇д̇ам̣ хад̇т̇исаарибуд̇д̇ам̣ г̇ахзд̇ваа мама санд̇игам̣ ааг̇амиссад̇и, д̇зсамахам̣ д̇хаммам̣ д̣̇зсзссаами, д̣̇зсанаавасаанз бодтабаад̣̇о мам̣ саран̣ам̣ г̇амиссад̇и, жид̇д̇о хад̇т̇исаарибуд̇д̇о мама санд̇игз баб̣б̣аж̇ид̇ваа арахад̇д̇ам̣ баабун̣иссад̇ий’’д̇и. д̇ад̇о баад̇ова сарийрабадиж̇аг̇г̇анам̣ гад̇ваа сурад̇д̇ад̣̇убаддам̣ ниваасзд̇ваа виж̇ж̇улад̇аасад̣̇исам̣ гааяаб̣анд̇ханам̣ б̣анд̇хид̇ваа яуг̇анд̇харабаб̣б̣ад̇ам̣ баригкибид̇ваа тид̇амахаамзгхам̣ вияа мзгхаван̣н̣ам̣ бам̣сугуулам̣ згам̣савараг̇ад̇ам̣ гад̇ваа бажжаг̇гхам̣ сзламаяабад̇д̇ам̣ ваамаам̣сагуудз лаг̇г̇зд̇ваа саавад̇т̇им̣ бин̣д̣ааяа бависиссаамийд̇и сийхо вияа химаванд̇абаад̣̇аа вихаараа нигками. имамад̇т̇ам̣ санд̇хааяа – ‘‘ат̇а ко бхаг̇аваа’’д̇иаад̣̇и вуд̇д̇ам̣.
Paṭivasatīti nivāsaphāsutāya vasati. Athekadivasaṃ bhagavā paccūsasamaye sabbaññutaññāṇaṃ pattharitvā lokaṃ pariggaṇhanto ñāṇajālassa antogataṃ paribbājakaṃ disvā – ‘‘ayaṃ poṭṭhapādo mayhaṃ ñāṇajāle paññāyati, kinnu kho bhavissatī’’ti upaparikkhanto addasa – ‘‘ahaṃ ajja tattha gamissāmi, atha maṃ poṭṭhapādo nirodhañca nirodhavuṭṭhānañca pucchissati, tassāhaṃ sabbabuddhānaṃ ñāṇena saṃsanditvā tadubhayaṃ kathessāmi, atha so katipāhaccayena cittaṃ hatthisāriputtaṃ gahetvā mama santikaṃ āgamissati, tesamahaṃ dhammaṃ desessāmi, desanāvasāne poṭṭhapādo maṃ saraṇaṃ gamissati, citto hatthisāriputto mama santike pabbajitvā arahattaṃ pāpuṇissatī’’ti. Tato pātova sarīrapaṭijagganaṃ katvā surattadupaṭṭaṃ nivāsetvā vijjulatāsadisaṃ kāyabandhanaṃ bandhitvā yugandharapabbataṃ parikkhipitvā ṭhitamahāmeghaṃ viya meghavaṇṇaṃ paṃsukūlaṃ ekaṃsavaragataṃ katvā paccagghaṃ selamayapattaṃ vāmaaṃsakūṭe laggetvā sāvatthiṃ piṇḍāya pavisissāmīti sīho viya himavantapādā vihārā nikkhami. Imamatthaṃ sandhāya – ‘‘atha kho bhagavā’’tiādi vuttaṃ.
407. зд̇ад̣̇ахосийд̇и наг̇арад̣̇ваарасамийбам̣ г̇анд̇ваа ад̇д̇ано руживасзна суурияам̣ ологзд̇ваа ад̇иббаг̇абхаавамзва д̣̇исваа зд̇ам̣ ахоси. яам̣нуунааханд̇и сам̣саяабарид̣̇ийбано вияа нибаад̇о, б̣уд̣̇д̇хаанан̃жа сам̣саяо наама над̇т̇и – ‘‘ид̣̇ам̣ гариссаама, ид̣̇ам̣ на гариссаама, имасса д̇хаммам̣ д̣̇зсзссаама, имасса на д̣̇зсзссаамаа’’д̇и звам̣ баривид̇аггабуб̣б̣абхааг̇о банзса саб̣б̣аб̣уд̣̇д̇хаанам̣ лаб̣бхад̇и. д̇знааха – ‘‘яам̣нуунааха’’нд̇и, яад̣̇и банааханд̇и ад̇т̇о.
407.Etadahosīti nagaradvārasamīpaṃ gantvā attano rucivasena sūriyaṃ oloketvā atippagabhāvameva disvā etaṃ ahosi. Yaṃnūnāhanti saṃsayaparidīpano viya nipāto, buddhānañca saṃsayo nāma natthi – ‘‘idaṃ karissāma, idaṃ na karissāma, imassa dhammaṃ desessāma, imassa na desessāmā’’ti evaṃ parivitakkapubbabhāgo panesa sabbabuddhānaṃ labbhati. Tenāha – ‘‘yaṃnūnāha’’nti, yadi panāhanti attho.
408. уннаад̣̇инияаад̇и ужжам̣ над̣̇амаанааяа, звам̣ над̣̇амаанааяа жассаа уд̣̇д̇хам̣ г̇аманавасзна ужжо, д̣̇исаасу бад̇т̇адавасзна махаа сад̣̇д̣̇од̇и ужжаасад̣̇д̣̇амахаасад̣̇д̣̇ааяа, д̇зсан̃хи бариб̣б̣ааж̇агаанам̣ баад̇ова вудтааяа гад̇д̇аб̣б̣ам̣ наама жзд̇ияавад̇д̇ам̣ ваа б̣од̇хивад̇д̇ам̣ ваа аажарияубаж̇жхааяавад̇д̇ам̣ ваа яонисо манасигааро ваа над̇т̇и. д̇зна д̇з баад̇ова вудтааяа б̣аалаад̇абз нисиннаа – ‘‘имасса хад̇т̇о собхано, имасса баад̣̇о’’д̇и звам̣ ан̃н̃аман̃н̃асса хад̇т̇абаад̣̇аад̣̇ийни ваа аараб̣бха, ид̇т̇ибурисад̣̇аарагад̣̇ааригаад̣̇ийнам̣ ван̣н̣з ваа, ан̃н̃ам̣ ваа гаамассаад̣̇абхавассаад̣̇аад̣̇ивад̇т̇ум̣ аараб̣бха гат̇ам̣ самудтаабзд̇ваа анубуб̣б̣зна рааж̇агат̇аад̣̇ианзгавид̇хам̣ д̇иражчаанагат̇ам̣ гат̇знд̇и. д̇зна вуд̇д̇ам̣ – ‘‘уннаад̣̇инияаа ужжаасад̣̇д̣̇амахаасад̣̇д̣̇ааяа анзгавихид̇ам̣ д̇иражчаанагат̇ам̣ гат̇знд̇ияаа’’д̇и.
408.Unnādiniyāti uccaṃ nadamānāya, evaṃ nadamānāya cassā uddhaṃ gamanavasena ucco, disāsu patthaṭavasena mahā saddoti uccāsaddamahāsaddāya, tesañhi paribbājakānaṃ pātova vuṭṭhāya kattabbaṃ nāma cetiyavattaṃ vā bodhivattaṃ vā ācariyupajjhāyavattaṃ vā yoniso manasikāro vā natthi. Tena te pātova vuṭṭhāya bālātape nisinnā – ‘‘imassa hattho sobhano, imassa pādo’’ti evaṃ aññamaññassa hatthapādādīni vā ārabbha, itthipurisadārakadārikādīnaṃ vaṇṇe vā, aññaṃ vā kāmassādabhavassādādivatthuṃ ārabbha kathaṃ samuṭṭhāpetvā anupubbena rājakathādianekavidhaṃ tiracchānakathaṃ kathenti. Tena vuttaṃ – ‘‘unnādiniyā uccāsaddamahāsaddāya anekavihitaṃ tiracchānakathaṃ kathentiyā’’ti.
д̇ад̇о бодтабаад̣̇о бариб̣б̣ааж̇аго д̇з бариб̣б̣ааж̇агз ологзд̇ваа – ‘‘имз бариб̣б̣ааж̇агаа ад̇ивияа ан̃н̃аман̃н̃ам̣ аг̇аараваа, маяан̃жа саман̣асса г̇од̇амасса баад̇убхаавад̇о бадтааяа суурияуг̇г̇аманз каж̇ж̇обанагуубамаа ж̇аад̇аа, лаабхасаггаароби но барихийно. сажз банимам̣ таанам̣ саман̣о г̇од̇амо ваа г̇од̇амасса сааваго ваа г̇ихий убадтааго ваа д̇асса ааг̇ажчзяяа , ад̇ивияа лаж̇ж̇анийяам̣ бхависсад̇и, барисад̣̇осо ко бана барисаж̇здтагассзва убари аарохад̇ий’’д̇и ид̇ожид̇о жа вилогзнд̇о бхаг̇аванд̇ам̣ ад̣̇д̣̇аса. д̇зна вуд̇д̇ам̣ – ‘‘ад̣̇д̣̇асаа ко бодтабаад̣̇о бариб̣б̣ааж̇аго…бз… д̇ун̣хий ахзсу’’нд̇и.
Tato poṭṭhapādo paribbājako te paribbājake oloketvā – ‘‘ime paribbājakā ativiya aññamaññaṃ agāravā, mayañca samaṇassa gotamassa pātubhāvato paṭṭhāya sūriyuggamane khajjopanakūpamā jātā, lābhasakkāropi no parihīno. Sace panimaṃ ṭhānaṃ samaṇo gotamo vā gotamassa sāvako vā gihī upaṭṭhāko vā tassa āgaccheyya , ativiya lajjanīyaṃ bhavissati, parisadoso kho pana parisajeṭṭhakasseva upari ārohatī’’ti itocito ca vilokento bhagavantaṃ addasa. Tena vuttaṃ – ‘‘addasā kho poṭṭhapādo paribbājako…pe… tuṇhī ahesu’’nti.
409. д̇ад̇т̇а сан̣табзсийд̇и сигкаабзси, важ̇ж̇амассаа бадижчаад̣̇зси. яат̇аа сусан̣тид̇аа ход̇и, д̇ат̇аа нам̣ табзси. яат̇аа наама барисамаж̇жхам̣ бависанд̇о бурисо важ̇ж̇абадижчаад̣̇анад̇т̇ам̣ ниваасанам̣ сан̣табзд̇и, баарубанам̣ сан̣табзд̇и, раж̇огин̣н̣адтаанам̣ бун̃чад̇и; звамассаа важ̇ж̇абадижчаад̣̇анад̇т̇ам̣ – ‘‘аббасад̣̇д̣̇аа бхонд̇о’’д̇и сигкаабзнд̇о яат̇аа сусан̣тид̇аа ход̇и, д̇ат̇аа нам̣ табзсийд̇и ад̇т̇о. аббасад̣̇д̣̇агаамод̇и аббасад̣̇д̣̇ам̣ ижчад̇и, зго нисийд̣̇ад̇и, зго д̇идтад̇и, на г̇ан̣асан̇г̇ан̣игааяа яаабзд̇и. убасан̇гамид̇аб̣б̣ам̣ ман̃н̃зяяаад̇и ид̇хааг̇анд̇аб̣б̣ам̣ ман̃н̃зяяа. гасмаа банзса бхаг̇авад̇о убасан̇гаманам̣ бажжаасийсад̇ийд̇и? ад̇д̇ано вуд̣̇д̇хим̣ бад̇т̇аяамаано. бариб̣б̣ааж̇агаа гира б̣уд̣̇д̇хзсу ваа б̣уд̣̇д̇хасаавагзсу ваа ад̇д̇ано санд̇игам̣ ааг̇ад̇зсу – ‘‘аж̇ж̇а амхаагам̣ санд̇игам̣ саман̣о г̇од̇амо ааг̇ад̇о , саарибуд̇д̇о ааг̇ад̇о, на ко бана д̇з яасса ваа д̇асса ваа санд̇игам̣ г̇ажчанд̇и, бассат̇а амхаагам̣ уд̇д̇амабхаава’’нд̇и ад̇д̇ано убадтаагаанам̣ санд̇игз ад̇д̇аанам̣ угкибанд̇и, ужжз таанз табзнд̇и, бхаг̇авад̇оби убадтаагз г̇ан̣хид̇ум̣ вааяаманд̇и. д̇з гира бхаг̇авад̇о убадтаагз д̣̇исваа звам̣ вад̣̇анд̇и – ‘‘д̇умхаагам̣ сад̇т̇аа бхавам̣ г̇од̇амоби г̇од̇амасаавагааби амхаагам̣ санд̇игам̣ ааг̇ажчанд̇и, маяам̣ ан̃н̃аман̃н̃ам̣ самаг̇г̇аа. д̇умхз бана амхз агкийхиби бассид̇ум̣ на ижчат̇а, саамийжигаммам̣ на гарот̇а, гим̣ во амхзхи абарад̣̇д̇ха’’нд̇и. ат̇згажжз мануссаа – ‘‘б̣уд̣̇д̇хааби зд̇зсам̣ санд̇игам̣ г̇ажчанд̇и гим̣ амхаага’’нд̇и д̇ад̇о бадтааяа д̇з д̣̇исваа наббамаж̇ж̇анд̇и. д̇ун̣хий ахзсунд̇и бодтабаад̣̇ам̣ бариваарзд̇ваа ниссад̣̇д̣̇аа нисийд̣̇им̣су.
409. Tattha saṇṭhapesīti sikkhāpesi, vajjamassā paṭicchādesi. Yathā susaṇṭhitā hoti, tathā naṃ ṭhapesi. Yathā nāma parisamajjhaṃ pavisanto puriso vajjapaṭicchādanatthaṃ nivāsanaṃ saṇṭhapeti, pārupanaṃ saṇṭhapeti, rajokiṇṇaṭṭhānaṃ puñchati; evamassā vajjapaṭicchādanatthaṃ – ‘‘appasaddā bhonto’’ti sikkhāpento yathā susaṇṭhitā hoti, tathā naṃ ṭhapesīti attho. Appasaddakāmoti appasaddaṃ icchati, eko nisīdati, eko tiṭṭhati, na gaṇasaṅgaṇikāya yāpeti. Upasaṅkamitabbaṃ maññeyyāti idhāgantabbaṃ maññeyya. Kasmā panesa bhagavato upasaṅkamanaṃ paccāsīsatīti? Attano vuddhiṃ patthayamāno. Paribbājakā kira buddhesu vā buddhasāvakesu vā attano santikaṃ āgatesu – ‘‘ajja amhākaṃ santikaṃ samaṇo gotamo āgato , sāriputto āgato, na kho pana te yassa vā tassa vā santikaṃ gacchanti, passatha amhākaṃ uttamabhāva’’nti attano upaṭṭhākānaṃ santike attānaṃ ukkhipanti, ucce ṭhāne ṭhapenti, bhagavatopi upaṭṭhāke gaṇhituṃ vāyamanti. Te kira bhagavato upaṭṭhāke disvā evaṃ vadanti – ‘‘tumhākaṃ satthā bhavaṃ gotamopi gotamasāvakāpi amhākaṃ santikaṃ āgacchanti, mayaṃ aññamaññaṃ samaggā. Tumhe pana amhe akkhīhipi passituṃ na icchatha, sāmīcikammaṃ na karotha, kiṃ vo amhehi aparaddha’’nti. Athekacce manussā – ‘‘buddhāpi etesaṃ santikaṃ gacchanti kiṃ amhāka’’nti tato paṭṭhāya te disvā nappamajjanti. Tuṇhī ahesunti poṭṭhapādaṃ parivāretvā nissaddā nisīdiṃsu.
410. свааг̇ад̇ам̣, бханд̇зд̇и судту ааг̇аманам̣, бханд̇з, бхаг̇авад̇о; бхаг̇авад̇и хи но ааг̇ад̇з аананд̣̇о ход̇и, г̇ад̇з согод̇и д̣̇ийбзд̇и. жирассам̣ ко, бханд̇зд̇и гасмаа ааха? гим̣ бхаг̇аваа буб̣б̣зби д̇ад̇т̇а г̇ад̇абуб̣б̣од̇и, на г̇ад̇абуб̣б̣о. мануссаанам̣ бана – ‘‘гухим̣ г̇ажчанд̇аа, гуд̇о ааг̇ад̇ад̇т̇а, гим̣ маг̇г̇амуул̣хад̇т̇а, жирассам̣ ааг̇ад̇ад̇т̇аа’’д̇и звамаад̣̇аяо бияасамуд̣̇аажаараа хонд̇и, д̇асмаа звамааха. зван̃жа бана вад̇ваа на маанат̇ад̣̇д̇хо худ̇ваа нисийд̣̇и, удтааяаасанаа бхаг̇авад̇о бажжуг̇г̇аманамагааси. бхаг̇аванд̇ан̃хи убаг̇ад̇ам̣ д̣̇исваа аасанзна аниманд̇знд̇о ваа абажид̇им̣ агаронд̇о ваа д̣̇уллабхо. гасмаа? ужжаагулийнад̇ааяа. аяамби бариб̣б̣ааж̇аго ад̇д̇ано нисиннаасанам̣ бабподзд̇ваа бхаг̇аванд̇ам̣ аасанзна ниманд̇знд̇о – ‘‘нисийд̣̇ад̇у, бханд̇з, бхаг̇аваа ид̣̇амаасанам̣ бан̃н̃ад̇д̇а’’нд̇и ааха. анд̇араагат̇аа виббагад̇аад̇и нисиннаанам̣ во аад̣̇ид̇о бадтааяа яаава мамааг̇аманам̣, зд̇асмим̣ анд̇арз гаа наама гат̇аа виббагад̇аа, мамааг̇аманабажжаяаа гад̇амаа гат̇аа барияанд̇ам̣ на г̇ад̇аа, вад̣̇ат̇а, яаава нам̣ барияанд̇ам̣ нзд̇ваа д̣̇змийд̇и саб̣б̣ан̃н̃убавааран̣ам̣ баваарзси. ат̇а бариб̣б̣ааж̇аго – ‘‘нирад̇т̇агагат̇аа зсаа ниссаараа ваддасанниссид̇аа, на д̇умхаагам̣ бурад̇о вад̇д̇аб̣б̣ад̇ам̣ арахад̇ий’’д̇и д̣̇ийбзнд̇о ‘‘д̇идтад̇зсаа , бханд̇з’’д̇иаад̣̇имааха.
410.Svāgataṃ, bhanteti suṭṭhu āgamanaṃ, bhante, bhagavato; bhagavati hi no āgate ānando hoti, gate sokoti dīpeti. Cirassaṃ kho, bhanteti kasmā āha? Kiṃ bhagavā pubbepi tattha gatapubboti, na gatapubbo. Manussānaṃ pana – ‘‘kuhiṃ gacchantā, kuto āgatattha, kiṃ maggamūḷhattha, cirassaṃ āgatatthā’’ti evamādayo piyasamudācārā honti, tasmā evamāha. Evañca pana vatvā na mānathaddho hutvā nisīdi, uṭṭhāyāsanā bhagavato paccuggamanamakāsi. Bhagavantañhi upagataṃ disvā āsanena animantento vā apacitiṃ akaronto vā dullabho. Kasmā? Uccākulīnatāya. Ayampi paribbājako attano nisinnāsanaṃ papphoṭetvā bhagavantaṃ āsanena nimantento – ‘‘nisīdatu, bhante, bhagavā idamāsanaṃ paññatta’’nti āha. Antarākathā vippakatāti nisinnānaṃ vo ādito paṭṭhāya yāva mamāgamanaṃ, etasmiṃ antare kā nāma kathā vippakatā, mamāgamanapaccayā katamā kathā pariyantaṃ na gatā, vadatha, yāva naṃ pariyantaṃ netvā demīti sabbaññupavāraṇaṃ pavāresi. Atha paribbājako – ‘‘niratthakakathā esā nissārā vaṭṭasannissitā, na tumhākaṃ purato vattabbataṃ arahatī’’ti dīpento ‘‘tiṭṭhatesā , bhante’’tiādimāha.
абхисан̃н̃аанирод̇хагат̇ааван̣н̣анаа
Abhisaññānirodhakathāvaṇṇanā
411. д̇идтад̇зсаа , бханд̇зд̇и сажз бхаг̇аваа сод̇угаамо бхависсад̇и, бажчаабзсаа гат̇аа на д̣̇уллабхаа бхависсад̇и, амхаагам̣ банимааяа гат̇ааяа ад̇т̇о над̇т̇и. бхаг̇авад̇о банааг̇аманам̣ лабхид̇ваа маяам̣ ан̃н̃ад̣̇зва сугааран̣ам̣ бужчаамаад̇и д̣̇ийбзд̇и. д̇ад̇о д̇ам̣ бужчанд̇о – ‘‘буримаани, бханд̇з’’д̇иаад̣̇имааха. д̇ад̇т̇а год̇уухаласаалааяанд̇и год̇уухаласаалаа наама бажжзгасаалаа над̇т̇и. яад̇т̇а бана наанаад̇ид̇т̇ияаа саман̣аб̣раахман̣аа наанаавид̇хам̣ гат̇ам̣ бавад̇д̇знд̇и, саа б̣ахуунам̣ – ‘‘аяам̣ гим̣ вад̣̇ад̇и, аяам̣ гим̣ вад̣̇ад̇ий’’д̇и год̇уухалуббад̇д̇идтаанад̇о год̇уухаласаалаад̇и вужжад̇и. абхисан̃н̃аанирод̇хзд̇и зд̇т̇а абхийд̇и убасаг̇г̇амад̇д̇ам̣. сан̃н̃аанирод̇хзд̇и жид̇д̇анирод̇хз, кан̣иганирод̇хз гат̇аа уббаннаад̇и ад̇т̇о. ид̣̇ам̣ бана д̇ассаа уббад̇д̇игааран̣ам̣. яад̣̇аа гира бхаг̇аваа ж̇аад̇агам̣ ваа гат̇зд̇и, сигкаабад̣̇ам̣ ваа бан̃н̃абзд̇и д̇ад̣̇аа сагалаж̇амб̣уд̣̇ийбз бхаг̇авад̇о гид̇д̇игхосо бад̇т̇арад̇и, д̇ид̇т̇ияаа д̇ам̣ суд̇ваа – ‘‘бхавам̣ гира г̇од̇амо буб̣б̣ажарияам̣ гат̇зси, маяам̣ гим̣ на саггома д̇аад̣̇исам̣ гин̃жи гат̇зд̇у’’нд̇и бхаг̇авад̇о бадибхааг̇агирияам̣ гаронд̇аа згам̣ бхаванд̇арасамаяам̣ гат̇знд̇и – ‘‘бхавам̣ г̇од̇амо сигкаабад̣̇ам̣ бан̃н̃абзси, маяам̣ гим̣ на саггома бан̃н̃абзд̇у’’нд̇и ад̇д̇ано саавагаанам̣ гин̃жид̣̇зва сигкаабад̣̇ам̣ бан̃н̃абзнд̇и. д̇ад̣̇аа бана бхаг̇аваа адтавид̇хабарисамаж̇жхз нисийд̣̇ид̇ваа нирод̇хагат̇ам̣ гат̇зси. д̇ид̇т̇ияаа д̇ам̣ суд̇ваа – ‘‘бхавам̣ гира г̇од̇амо нирод̇хам̣ наама гат̇зси, маяамби д̇ам̣ гат̇зссаамаа’’д̇и саннибад̇ид̇ваа гат̇аяим̣су. д̇зна вуд̇д̇ам̣ – ‘‘абхисан̃н̃аанирод̇хз гат̇аа уд̣̇абаад̣̇ий’’д̇и.
411.Tiṭṭhatesā, bhanteti sace bhagavā sotukāmo bhavissati, pacchāpesā kathā na dullabhā bhavissati, amhākaṃ panimāya kathāya attho natthi. Bhagavato panāgamanaṃ labhitvā mayaṃ aññadeva sukāraṇaṃ pucchāmāti dīpeti. Tato taṃ pucchanto – ‘‘purimāni, bhante’’tiādimāha. Tattha kotūhalasālāyanti kotūhalasālā nāma paccekasālā natthi. Yattha pana nānātitthiyā samaṇabrāhmaṇā nānāvidhaṃ kathaṃ pavattenti, sā bahūnaṃ – ‘‘ayaṃ kiṃ vadati, ayaṃ kiṃ vadatī’’ti kotūhaluppattiṭṭhānato kotūhalasālāti vuccati. Abhisaññānirodheti ettha abhīti upasaggamattaṃ. Saññānirodheti cittanirodhe, khaṇikanirodhe kathā uppannāti attho. Idaṃ pana tassā uppattikāraṇaṃ. Yadā kira bhagavā jātakaṃ vā katheti, sikkhāpadaṃ vā paññapeti tadā sakalajambudīpe bhagavato kittighoso pattharati, titthiyā taṃ sutvā – ‘‘bhavaṃ kira gotamo pubbacariyaṃ kathesi, mayaṃ kiṃ na sakkoma tādisaṃ kiñci kathetu’’nti bhagavato paṭibhāgakiriyaṃ karontā ekaṃ bhavantarasamayaṃ kathenti – ‘‘bhavaṃ gotamo sikkhāpadaṃ paññapesi, mayaṃ kiṃ na sakkoma paññapetu’’nti attano sāvakānaṃ kiñcideva sikkhāpadaṃ paññapenti. Tadā pana bhagavā aṭṭhavidhaparisamajjhe nisīditvā nirodhakathaṃ kathesi. Titthiyā taṃ sutvā – ‘‘bhavaṃ kira gotamo nirodhaṃ nāma kathesi, mayampi taṃ kathessāmā’’ti sannipatitvā kathayiṃsu. Tena vuttaṃ – ‘‘abhisaññānirodhe kathā udapādī’’ti.
д̇ад̇рзгажжзд̇и д̇зсу згажжз. буримо жзд̇т̇а явааяам̣ б̣аахирз д̇ид̇т̇ааяад̇анз баб̣б̣аж̇ид̇о жид̇д̇аббавад̇д̇ияам̣ д̣̇осам̣ д̣̇исваа ажид̇д̇агабхааво санд̇од̇и самаабад̇д̇им̣ бхаавзд̇ваа ид̇о жуд̇о бан̃жа габбасад̇аани асан̃н̃ийбхавз тад̇ваа буна ид̇ха уббаж̇ж̇ад̇и. д̇асса сан̃н̃уббаад̣̇з жа нирод̇хз жа хзд̇ум̣ абассанд̇о – ахзд̇уу аббажжаяаад̇и ааха.
Tatrekacceti tesu ekacce. Purimo cettha yvāyaṃ bāhire titthāyatane pabbajito cittappavattiyaṃ dosaṃ disvā acittakabhāvo santoti samāpattiṃ bhāvetvā ito cuto pañca kappasatāni asaññībhave ṭhatvā puna idha uppajjati. Tassa saññuppāde ca nirodhe ca hetuṃ apassanto – ahetū appaccayāti āha.
д̣̇уд̇ияо нам̣ нисзд̇хзд̇ваа миг̇асин̇г̇ад̇аабасасса асан̃н̃агабхаавам̣ г̇ахзд̇ваа – ‘‘убзд̇иби абзд̇ибий’’д̇и ааха. миг̇асин̇г̇ад̇аабасо гира ад̇д̇анд̇або гхорад̇або барамад̇хид̇инд̣̇рияо ахоси. д̇асса сийлад̇зж̇зна саггавимаанам̣ ун̣хам̣ ахоси. сагго д̣̇зварааж̇аа ‘‘саггадтаанам̣ ну ко д̇аабасо бад̇т̇зд̇ий’’д̇и аламб̣усам̣ наама д̣̇зваган̃н̃ам̣ – ‘д̇аабасасса д̇абам̣ бхинд̣̇ид̇ваа зхий’д̇и бзсзси. саа д̇ад̇т̇а г̇ад̇аа. д̇аабасо батамад̣̇ивасз д̇ам̣ д̣̇исваава балааяид̇ваа бан̣н̣асаалам̣ баависи. д̣̇уд̇ияад̣̇ивасз гаамажчанд̣̇анийваран̣зна бхаг̇г̇о д̇ам̣ хад̇т̇з аг̇г̇ахзси, со д̇зна д̣̇иб̣б̣апассзна пудто висан̃н̃ий худ̇ваа д̇ин̣н̣ам̣ сам̣важчараанам̣ ажжаязна сан̃н̃ам̣ бадилабхи. д̇ам̣ со д̣̇идтиг̇ад̇иго – ‘‘д̇ин̣н̣ам̣ сам̣важчараанам̣ ажжаязна нирод̇хаа вудтид̇о’’д̇и ман̃н̃амаано звамааха.
Dutiyo naṃ nisedhetvā migasiṅgatāpasassa asaññakabhāvaṃ gahetvā – ‘‘upetipi apetipī’’ti āha. Migasiṅgatāpaso kira attantapo ghoratapo paramadhitindriyo ahosi. Tassa sīlatejena sakkavimānaṃ uṇhaṃ ahosi. Sakko devarājā ‘‘sakkaṭṭhānaṃ nu kho tāpaso patthetī’’ti alambusaṃ nāma devakaññaṃ – ‘tāpasassa tapaṃ bhinditvā ehī’ti pesesi. Sā tattha gatā. Tāpaso paṭhamadivase taṃ disvāva palāyitvā paṇṇasālaṃ pāvisi. Dutiyadivase kāmacchandanīvaraṇena bhaggo taṃ hatthe aggahesi, so tena dibbaphassena phuṭṭho visaññī hutvā tiṇṇaṃ saṃvaccharānaṃ accayena saññaṃ paṭilabhi. Taṃ so diṭṭhigatiko – ‘‘tiṇṇaṃ saṃvaccharānaṃ accayena nirodhā vuṭṭhito’’ti maññamāno evamāha.
д̇ад̇ияо нам̣ нисзд̇хзд̇ваа аат̇аб̣б̣ан̣абаяог̇ам̣ санд̇хааяа ‘‘убагад̣дханд̇иби абагад̣дханд̇ибий’’д̇и ааха. аат̇аб̣б̣ан̣игаа гира аат̇аб̣б̣ан̣ам̣ баяож̇зд̇ваа сад̇д̇ам̣ сийсажчиннам̣ вияа хад̇т̇ажчиннам̣ вияа мад̇ам̣ вияа жа гад̇ваа д̣̇ассзнд̇и. д̇асса буна баагад̇игабхаавам̣ д̣̇исваа со д̣̇идтиг̇ад̇иго – ‘‘нирод̇хаа вудтид̇о аяа’’нд̇и ман̃н̃амаано звамааха.
Tatiyo naṃ nisedhetvā āthabbaṇapayogaṃ sandhāya ‘‘upakaḍḍhantipi apakaḍḍhantipī’’ti āha. Āthabbaṇikā kira āthabbaṇaṃ payojetvā sattaṃ sīsacchinnaṃ viya hatthacchinnaṃ viya mataṃ viya ca katvā dassenti. Tassa puna pākatikabhāvaṃ disvā so diṭṭhigatiko – ‘‘nirodhā vuṭṭhito aya’’nti maññamāno evamāha.
жад̇уд̇т̇о нам̣ нисзд̇хзд̇ваа яагкад̣̇аасийнам̣ мад̣̇анид̣̇д̣̇ам̣ санд̇хааяа ‘‘санд̇и хи бхо д̣̇звад̇аа’’д̇иаад̣̇имааха. яагкад̣̇аасияо гира саб̣б̣арад̇д̇им̣ д̣̇звад̇уубахаарам̣ гурумаанаа нажжид̇ваа г̇ааяид̇ваа арун̣од̣̇аяз згам̣ сураабаад̇им̣ бивид̇ваа баривад̇д̇ид̇ваа субид̇ваа д̣̇иваа вудтаханд̇и. д̇ам̣ д̣̇исваа со д̣̇идтиг̇ад̇иго – ‘‘суд̇д̇агаалз нирод̇хам̣ самаабаннаа, баб̣уд̣̇д̇хагаалз нирод̇хаа вудтид̇аа’’д̇и ман̃н̃амаано звамааха.
Catuttho naṃ nisedhetvā yakkhadāsīnaṃ madaniddaṃ sandhāya ‘‘santi hi bho devatā’’tiādimāha. Yakkhadāsiyo kira sabbarattiṃ devatūpahāraṃ kurumānā naccitvā gāyitvā aruṇodaye ekaṃ surāpātiṃ pivitvā parivattitvā supitvā divā vuṭṭhahanti. Taṃ disvā so diṭṭhigatiko – ‘‘suttakāle nirodhaṃ samāpannā, pabuddhakāle nirodhā vuṭṭhitā’’ti maññamāno evamāha.
аяам̣ бана бодтабаад̣̇о бариб̣б̣ааж̇аго бан̣д̣ид̇аж̇аад̇иго. д̇знасса д̇ам̣ гат̇ам̣ суд̇ваа виббадисааро уббаж̇ж̇и. ‘‘имзсам̣ гат̇аа зл̣амууг̇агат̇аа вияа жад̇д̇ааро хи нирод̇хз зд̇з бан̃н̃абзнд̇и, иминаа жа нирод̇хзна наама згзна бхавид̇аб̣б̣ам̣, на б̣ахунаа. д̇знааби згзна ан̃н̃знзва бхавид̇аб̣б̣ам̣, со бана ан̃н̃зна н̃аад̇ум̣ на саггаа ан̃н̃ад̇ра саб̣б̣ан̃н̃унаа. сажз бхаг̇аваа ид̇ха абхависса ‘аяам̣ нирод̇хо аяам̣ на нирод̇хо’д̇и д̣̇ийбасахассам̣ вияа уж̇ж̇аалзд̇ваа аж̇ж̇амзва баагадам̣ агариссаа’’д̇и д̣̇асаб̣алан̃н̃зва ануссари. д̇асмаа ‘‘д̇асса маяхам̣ бханд̇з’’д̇иаад̣̇имааха. д̇ад̇т̇а ахо нуунаад̇и ануссаран̣ад̇т̇з нибаад̇ад̣̇ваяам̣, д̇зна д̇асса бхаг̇аванд̇ам̣ ануссаранд̇асса зд̇ад̣̇ахоси ‘‘ахо нууна бхаг̇аваа ахо нууна суг̇ад̇о’’д̇и. яо имзсанд̇и яо зд̇зсам̣ нирод̇хад̇хаммаанам̣ сугусало нибун̣о чзго, со бхаг̇аваа ахо нууна гат̇зяяа, суг̇ад̇о ахо нууна гат̇зяяаад̇и аяамзд̇т̇а ад̇хиббааяо. багад̇ан̃н̃ууд̇и жин̣н̣авасид̇ааяа багад̇им̣ сабхаавам̣ ж̇аанаад̇ийд̇и багад̇ан̃н̃уу. гат̇ам̣ ну код̇и ид̣̇ам̣ бариб̣б̣ааж̇аго ‘‘маяам̣ бхаг̇аваа на ж̇аанаама, д̇умхз ж̇аанаат̇а, гат̇зт̇а но’’д̇и ааяаажанд̇о вад̣̇ад̇и. ат̇а бхаг̇аваа гат̇знд̇о ‘‘д̇ад̇ра бодтабаад̣̇аа’’д̇иаад̣̇имааха.
Ayaṃ pana poṭṭhapādo paribbājako paṇḍitajātiko. Tenassa taṃ kathaṃ sutvā vippaṭisāro uppajji. ‘‘Imesaṃ kathā eḷamūgakathā viya cattāro hi nirodhe ete paññapenti, iminā ca nirodhena nāma ekena bhavitabbaṃ, na bahunā. Tenāpi ekena aññeneva bhavitabbaṃ, so pana aññena ñātuṃ na sakkā aññatra sabbaññunā. Sace bhagavā idha abhavissa ‘ayaṃ nirodho ayaṃ na nirodho’ti dīpasahassaṃ viya ujjāletvā ajjameva pākaṭaṃ akarissā’’ti dasabalaññeva anussari. Tasmā ‘‘tassa mayhaṃ bhante’’tiādimāha. Tattha aho nūnāti anussaraṇatthe nipātadvayaṃ, tena tassa bhagavantaṃ anussarantassa etadahosi ‘‘aho nūna bhagavā aho nūna sugato’’ti. Yo imesanti yo etesaṃ nirodhadhammānaṃ sukusalo nipuṇo cheko, so bhagavā aho nūna katheyya, sugato aho nūna katheyyāti ayamettha adhippāyo. Pakataññūti ciṇṇavasitāya pakatiṃ sabhāvaṃ jānātīti pakataññū. Kathaṃ nu khoti idaṃ paribbājako ‘‘mayaṃ bhagavā na jānāma, tumhe jānātha, kathetha no’’ti āyācanto vadati. Atha bhagavā kathento ‘‘tatra poṭṭhapādā’’tiādimāha.
ахзд̇угасан̃н̃уббаад̣̇анирод̇хагат̇ааван̣н̣анаа
Ahetukasaññuppādanirodhakathāvaṇṇanā
412. д̇ад̇т̇а д̇ад̇раад̇и д̇зсу саман̣аб̣раахман̣зсу. аад̣̇ид̇ова д̇зсам̣ абарад̣̇д̇ханд̇и д̇зсам̣ аад̣̇имхиязва вирад̣̇д̇хам̣, гхарамаж̇жхзязва багкалид̇аад̇и д̣̇ийбзд̇и. сахзд̇уу саббажжаяаад̇и зд̇т̇а хзд̇уби бажжаяоби гааран̣ассзва наамам̣, сагааран̣аад̇и ад̇т̇о. д̇ам̣ бана гааран̣ам̣ д̣̇ассзнд̇о ‘‘сигкаа згаа’’д̇и ааха. д̇ад̇т̇а сигкаа згаа сан̃н̃аа уббаж̇ж̇анд̇ийд̇и сигкааяа згажжаа сан̃н̃аа ж̇ааяанд̇ийд̇и ад̇т̇о.
412. Tattha tatrāti tesu samaṇabrāhmaṇesu. Āditova tesaṃ aparaddhanti tesaṃ ādimhiyeva viraddhaṃ, gharamajjheyeva pakkhalitāti dīpeti. Sahetū sappaccayāti ettha hetupi paccayopi kāraṇasseva nāmaṃ, sakāraṇāti attho. Taṃ pana kāraṇaṃ dassento ‘‘sikkhā ekā’’ti āha. Tattha sikkhā ekā saññā uppajjantīti sikkhāya ekaccā saññā jāyantīti attho.
413. гаа жа сигкаад̇и бхаг̇аваа авожаад̇и гад̇амаа жа саа сигкаад̇и бхаг̇аваа вид̇т̇аарзд̇угамяад̇аабужчаавасзна авожа. ат̇а яасмаа ад̇хисийласигкаа ад̇хижид̇д̇асигкаа ад̇хибан̃н̃аасигкаад̇и д̇иссо сигкаа хонд̇и. д̇асмаа д̇аа д̣̇ассзнд̇о бхаг̇аваа сан̃н̃ааяа сахзд̇угам̣ уббаад̣̇анирод̇хам̣ д̣̇ийбзд̇ум̣ б̣уд̣̇д̇хуббаад̣̇ад̇о бабхуд̇и д̇анд̇ид̇хаммам̣ табзнд̇о ‘‘ид̇ха бодтабаад̣̇а, д̇ат̇ааг̇ад̇о логз’’д̇иаад̣̇имааха. д̇ад̇т̇а ад̇хисийласигкаа ад̇хижид̇д̇асигкаад̇и д̣̇вз зва сигкаа саруубзна ааг̇ад̇аа, д̇ад̇ияаа бана ‘‘аяам̣ д̣̇угканирод̇хаг̇ааминий бадибад̣̇аад̇и ко бодтабаад̣̇а маяаа згам̣сиго д̇хаммо д̣̇зсид̇о’’д̇и зд̇т̇а саммаад̣̇идтисаммаасан̇габбавасзна барияаабаннад̇д̇аа ааг̇ад̇аад̇и взд̣̇ид̇аб̣б̣аа. гаамасан̃н̃аад̇и бан̃жагаамаг̇ун̣игарааг̇оби асамуббаннагаамажаароби . д̇ад̇т̇а бан̃жагаамаг̇ун̣игарааг̇о анааг̇аамимаг̇г̇зна самуг̇гхаад̇ам̣ г̇ажчад̇и, асамуббаннагаамажааро бана имасмим̣ таанз ваддад̇и. д̇асмаа д̇асса яаа буримаа гаамасан̃н̃аад̇и д̇асса батамаж̇жхаанасаман̇г̇ино яаа буб̣б̣з уббаннабуб̣б̣ааяа гаамасан̃н̃ааяа сад̣̇исад̇д̇аа буримаа гаамасан̃н̃аад̇и вужжзяяа, саа нируж̇жхад̇и, ануббаннаава нуббаж̇ж̇ад̇ийд̇и ад̇т̇о.
413.Kā ca sikkhāti bhagavā avocāti katamā ca sā sikkhāti bhagavā vitthāretukamyatāpucchāvasena avoca. Atha yasmā adhisīlasikkhā adhicittasikkhā adhipaññāsikkhāti tisso sikkhā honti. Tasmā tā dassento bhagavā saññāya sahetukaṃ uppādanirodhaṃ dīpetuṃ buddhuppādato pabhuti tantidhammaṃ ṭhapento ‘‘idha poṭṭhapāda, tathāgato loke’’tiādimāha. Tattha adhisīlasikkhā adhicittasikkhāti dve eva sikkhā sarūpena āgatā, tatiyā pana ‘‘ayaṃ dukkhanirodhagāminī paṭipadāti kho poṭṭhapāda mayā ekaṃsiko dhammo desito’’ti ettha sammādiṭṭhisammāsaṅkappavasena pariyāpannattā āgatāti veditabbā. Kāmasaññāti pañcakāmaguṇikarāgopi asamuppannakāmacāropi . Tattha pañcakāmaguṇikarāgo anāgāmimaggena samugghātaṃ gacchati, asamuppannakāmacāro pana imasmiṃ ṭhāne vaṭṭati. Tasmā tassa yā purimā kāmasaññāti tassa paṭhamajjhānasamaṅgino yā pubbe uppannapubbāya kāmasaññāya sadisattā purimā kāmasaññāti vucceyya, sā nirujjhati, anuppannāva nuppajjatīti attho.
вивзгаж̇абийд̇исукасукумасажжасан̃н̃ийязва д̇асмим̣ самаяз ход̇ийд̇и д̇асмим̣ батамаж̇жхаанасамаяз вивзгаж̇абийд̇исукасан̇каад̇аа сукумасан̃н̃аа сажжаа ход̇и, бхууд̇аа ход̇ийд̇и ад̇т̇о. ат̇а ваа гаамажчанд̣̇аад̣̇иол̣аариган̇г̇аббахаанавасзна сукумаа жа саа бхууд̇ад̇ааяа сажжаа жа сан̃н̃аад̇и сукумасажжасан̃н̃аа, вивзгаж̇зхи бийд̇исукзхи самбаяуд̇д̇аа сукумасажжасан̃н̃аад̇и вивзгаж̇абийд̇исукасукумасажжасан̃н̃аа саа асса ад̇т̇ийд̇и вивзгаж̇абийд̇исукасукумасажжасан̃н̃ийд̇и звамзд̇т̇а ад̇т̇о д̣̇адтаб̣б̣о. зса наяо саб̣б̣ад̇т̇а. звамби сигкаад̇и зд̇т̇а яасмаа батамаж̇жхаанам̣ самаабаж̇ж̇анд̇о ад̇хидтаханд̇о, вудтаханд̇о жа сигкад̇и, д̇асмаа д̇ам̣ звам̣ сигкид̇аб̣б̣ад̇о сигкаад̇и вужжад̇и. д̇знаби сигкаасан̇каад̇зна батамаж̇жхаанзна звам̣ згаа вивзгаж̇абийд̇исукасукумасажжасан̃н̃аа уббаж̇ж̇ад̇и. звам̣ згаа гаамасан̃н̃аа нируж̇жхад̇ийд̇и ад̇т̇о. аяам̣ сигкаад̇и бхаг̇аваа авожаад̇и аяам̣ батамаж̇жхаанасан̇каад̇аа згаа сигкаад̇и, бхаг̇аваа ааха. зд̇знубааязна саб̣б̣ад̇т̇а ад̇т̇о д̣̇адтаб̣б̣о.
Vivekajapītisukhasukhumasaccasaññīyeva tasmiṃ samaye hotīti tasmiṃ paṭhamajjhānasamaye vivekajapītisukhasaṅkhātā sukhumasaññā saccā hoti, bhūtā hotīti attho. Atha vā kāmacchandādioḷārikaṅgappahānavasena sukhumā ca sā bhūtatāya saccā ca saññāti sukhumasaccasaññā, vivekajehi pītisukhehi sampayuttā sukhumasaccasaññāti vivekajapītisukhasukhumasaccasaññā sā assa atthīti vivekajapītisukhasukhumasaccasaññīti evamettha attho daṭṭhabbo. Esa nayo sabbattha. Evampi sikkhāti ettha yasmā paṭhamajjhānaṃ samāpajjanto adhiṭṭhahanto, vuṭṭhahanto ca sikkhati, tasmā taṃ evaṃ sikkhitabbato sikkhāti vuccati. Tenapi sikkhāsaṅkhātena paṭhamajjhānena evaṃ ekā vivekajapītisukhasukhumasaccasaññā uppajjati. Evaṃ ekā kāmasaññā nirujjhatīti attho. Ayaṃ sikkhāti bhagavā avocāti ayaṃ paṭhamajjhānasaṅkhātā ekā sikkhāti, bhagavā āha. Etenupāyena sabbattha attho daṭṭhabbo.
яасмаа бана адтамасамаабад̇д̇ияаа ан̇г̇ад̇о саммасанам̣ б̣уд̣̇д̇хаанам̣язва ход̇и, саавагзсу саарибуд̇д̇асад̣̇исаанамби над̇т̇и, галаабад̇о саммасанам̣язва бана саавагаанам̣ ход̇и, ид̣̇ан̃жа ‘‘сан̃н̃аа сан̃н̃аа’’д̇и, звам̣ ан̇г̇ад̇о саммасанам̣ уд̣̇д̇хадам̣. д̇асмаа аагин̃жан̃н̃ааяад̇анабарамам̣язва сан̃н̃ам̣ д̣̇ассзд̇ваа буна д̇ад̣̇зва сан̃н̃аг̇г̇анд̇и д̣̇ассзд̇ум̣ ‘‘яад̇о ко бодтабаад̣̇а…бз… сан̃н̃аг̇г̇ам̣ пусад̇ий’’д̇и ааха.
Yasmā pana aṭṭhamasamāpattiyā aṅgato sammasanaṃ buddhānaṃyeva hoti, sāvakesu sāriputtasadisānampi natthi, kalāpato sammasanaṃyeva pana sāvakānaṃ hoti, idañca ‘‘saññā saññā’’ti, evaṃ aṅgato sammasanaṃ uddhaṭaṃ. Tasmā ākiñcaññāyatanaparamaṃyeva saññaṃ dassetvā puna tadeva saññagganti dassetuṃ ‘‘yato kho poṭṭhapāda…pe… saññaggaṃ phusatī’’ti āha.
414. д̇ад̇т̇а яад̇о ко бодтабаад̣̇а бхигкууд̇и яо наама бодтабаад̣̇а бхигку. ид̇ха сагасан̃н̃ий ход̇ийд̇и ид̇ха саасанз сагасан̃н̃ий ход̇и, аяамзва ваа баато, ад̇д̇ано батамаж̇жхаанасан̃н̃ааяа сан̃н̃аваа ход̇ийд̇и ад̇т̇о. со д̇ад̇о амуд̇ра д̇ад̇о амуд̇раад̇и со бхигку д̇ад̇о батамаж̇жхаанад̇о амуд̇ра д̣̇уд̇ияаж̇жхаанз, д̇ад̇оби амуд̇ра д̇ад̇ияаж̇жхаанзд̇и звам̣ д̇ааяа д̇ааяа жхаанасан̃н̃ааяа сагасан̃н̃ий сагасан̃н̃ий худ̇ваа анубуб̣б̣зна сан̃н̃аг̇г̇ам̣ пусад̇и. сан̃н̃аг̇г̇анд̇и аагин̃жан̃н̃ааяад̇анам̣ вужжад̇и. гасмаа? логияаанам̣ гижжагаарагасамаабад̇д̇ийнам̣ аг̇г̇ад̇д̇аа. аагин̃жан̃н̃ааяад̇анасамаабад̇д̇ияан̃хи тад̇ваа нзвасан̃н̃аанаасан̃н̃ааяад̇анамби нирод̇хамби самаабаж̇ж̇анд̇и. ид̇и саа логияаанам̣ гижжагаарагасамаабад̇д̇ийнам̣ аг̇г̇ад̇д̇аа сан̃н̃аг̇г̇анд̇и вужжад̇и, д̇ам̣ пусад̇и баабун̣аад̇ийд̇и ад̇т̇о.
414. Tattha yato kho poṭṭhapāda bhikkhūti yo nāma poṭṭhapāda bhikkhu. Idha sakasaññī hotīti idha sāsane sakasaññī hoti, ayameva vā pāṭho, attano paṭhamajjhānasaññāya saññavā hotīti attho. So tato amutra tato amutrāti so bhikkhu tato paṭhamajjhānato amutra dutiyajjhāne, tatopi amutra tatiyajjhāneti evaṃ tāya tāya jhānasaññāya sakasaññī sakasaññī hutvā anupubbena saññaggaṃ phusati. Saññagganti ākiñcaññāyatanaṃ vuccati. Kasmā? Lokiyānaṃ kiccakārakasamāpattīnaṃ aggattā. Ākiñcaññāyatanasamāpattiyañhi ṭhatvā nevasaññānāsaññāyatanampi nirodhampi samāpajjanti. Iti sā lokiyānaṃ kiccakārakasamāpattīnaṃ aggattā saññagganti vuccati, taṃ phusati pāpuṇātīti attho.
ид̣̇аани абхисан̃н̃аанирод̇хам̣ д̣̇ассзд̇ум̣ ‘‘д̇асса сан̃н̃аг̇г̇з тид̇ассаа’’д̇иаад̣̇имааха. д̇ад̇т̇а жзд̇зяяам̣, абхисан̇карзяяанд̇и бад̣̇ад̣̇ваяз жа жхаанам̣ самаабаж̇ж̇анд̇о жзд̇зд̇и наама, бунаббунам̣ габбзд̇ийд̇и ад̇т̇о. убарисамаабад̇д̇иад̇т̇ааяа ниганд̇им̣ гурумаано абхисан̇карод̇и наама. имаа жа мз сан̃н̃аа нируж̇жхзяяунд̇и имаа аагин̃жан̃н̃ааяад̇анасан̃н̃аа нируж̇жхзяяум̣. ан̃н̃аа жа ол̣ааригаад̇и ан̃н̃аа жа ол̣ааригаа бхаван̇г̇асан̃н̃аа уббаж̇ж̇зяяум̣. со на жзва жзд̇зд̇и на абхисан̇карод̇ийд̇и зд̇т̇а гаамам̣ жзса жзд̇знд̇ова на жзд̇зд̇и, абхисан̇каронд̇ова наабхисан̇карод̇и. имасса бхигкуно аагин̃жан̃н̃ааяад̇анад̇о вудтааяа нзвасан̃н̃аанаасан̃н̃ааяад̇анам̣ самаабаж̇ж̇ид̇ваа ‘‘згам̣ д̣̇вз жид̇д̇аваарз тассаамий’’д̇и аабхог̇асаманнаахааро над̇т̇и. убаринирод̇хасамаабад̇д̇ад̇т̇ааяа зва бана аабхог̇асаманнаахааро ад̇т̇и, свааяамад̇т̇о буд̇д̇агхараажигкан̣зна д̣̇ийбзд̇аб̣б̣о.
Idāni abhisaññānirodhaṃ dassetuṃ ‘‘tassa saññagge ṭhitassā’’tiādimāha. Tattha ceteyyaṃ, abhisaṅkhareyyanti padadvaye ca jhānaṃ samāpajjanto ceteti nāma, punappunaṃ kappetīti attho. Uparisamāpattiatthāya nikantiṃ kurumāno abhisaṅkharoti nāma. Imā ca me saññā nirujjheyyunti imā ākiñcaññāyatanasaññā nirujjheyyuṃ. Aññā ca oḷārikāti aññā ca oḷārikā bhavaṅgasaññā uppajjeyyuṃ. So na ceva ceteti na abhisaṅkharotīti ettha kāmaṃ cesa cetentova na ceteti, abhisaṅkharontova nābhisaṅkharoti. Imassa bhikkhuno ākiñcaññāyatanato vuṭṭhāya nevasaññānāsaññāyatanaṃ samāpajjitvā ‘‘ekaṃ dve cittavāre ṭhassāmī’’ti ābhogasamannāhāro natthi. Uparinirodhasamāpattatthāya eva pana ābhogasamannāhāro atthi, svāyamattho puttagharācikkhaṇena dīpetabbo.
бид̇угхарамаж̇жхзна гира г̇анд̇ваа бажчаабхааг̇з буд̇д̇асса гхарам̣ ход̇и, д̇ад̇о бан̣ийд̇ам̣ бхож̇анам̣ аад̣̇ааяа аасанасаалам̣ ааг̇ад̇ам̣ д̣̇ахарам̣ т̇зро – ‘‘манаабо бин̣д̣абаад̇о гуд̇о аабхад̇о’’д̇и бужчи. со ‘‘асугасса гхарад̇о’’д̇и лад̣̇д̇хагхарамзва аажигки. язна банасса бид̇угхарамаж̇жхзна г̇ад̇оби ааг̇ад̇оби д̇ад̇т̇а аабхог̇оби над̇т̇и. д̇ад̇т̇а аасанасаалаа вияа аагин̃жан̃н̃ааяад̇анасамаабад̇д̇и д̣̇адтаб̣б̣аа, бид̇уг̇зхам̣ вияа нзвасан̃н̃аанаасан̃н̃ааяад̇анасамаабад̇д̇и, буд̇д̇аг̇зхам̣ вияа нирод̇хасамаабад̇д̇и, аасанасаалааяа тад̇ваа бид̇угхарам̣ аманасигарид̇ваа буд̇д̇агхараажигкан̣ам̣ вияа аагин̃жан̃н̃ааяад̇анад̇о вудтааяа нзвасан̃н̃аанаасан̃н̃ааяад̇анам̣ самаабаж̇ж̇ид̇ваа ‘‘згам̣ д̣̇вз жид̇д̇аваарз тассаамий’’д̇и бид̇угхарам̣ аманасигарид̇ваава убаринирод̇хасамаабад̇д̇ад̇т̇ааяа манасигааро, звамзса жзд̇знд̇ова на жзд̇зд̇и, абхисан̇каронд̇ова наабхисан̇карод̇и. д̇аа жзва сан̃н̃аад̇и д̇аа жхаанасан̃н̃аа нируж̇жханд̇и. ан̃н̃аа жаад̇и ан̃н̃аа жа ол̣ааригаа бхаван̇г̇асан̃н̃аа нуббаж̇ж̇анд̇и. со нирод̇хам̣ пусад̇ийд̇и со звам̣ бадибанно бхигку сан̃н̃аавзд̣̇аяид̇анирод̇хам̣ пусад̇и винд̣̇ад̇и бадилабхад̇и.
Pitugharamajjhena kira gantvā pacchābhāge puttassa gharaṃ hoti, tato paṇītaṃ bhojanaṃ ādāya āsanasālaṃ āgataṃ daharaṃ thero – ‘‘manāpo piṇḍapāto kuto ābhato’’ti pucchi. So ‘‘asukassa gharato’’ti laddhagharameva ācikkhi. Yena panassa pitugharamajjhena gatopi āgatopi tattha ābhogopi natthi. Tattha āsanasālā viya ākiñcaññāyatanasamāpatti daṭṭhabbā, pitugehaṃ viya nevasaññānāsaññāyatanasamāpatti, puttagehaṃ viya nirodhasamāpatti, āsanasālāya ṭhatvā pitugharaṃ amanasikaritvā puttagharācikkhaṇaṃ viya ākiñcaññāyatanato vuṭṭhāya nevasaññānāsaññāyatanaṃ samāpajjitvā ‘‘ekaṃ dve cittavāre ṭhassāmī’’ti pitugharaṃ amanasikaritvāva uparinirodhasamāpattatthāya manasikāro, evamesa cetentova na ceteti, abhisaṅkharontova nābhisaṅkharoti. Tā ceva saññāti tā jhānasaññā nirujjhanti. Aññā cāti aññā ca oḷārikā bhavaṅgasaññā nuppajjanti. So nirodhaṃ phusatīti so evaṃ paṭipanno bhikkhu saññāvedayitanirodhaṃ phusati vindati paṭilabhati.
анубуб̣б̣аабхисан̃н̃аанирод̇хасамбаж̇аанасамаабад̇д̇инд̇и зд̇т̇а абхийд̇и убасаг̇г̇амад̇д̇ам̣, самбаж̇аанабад̣̇ам̣ нирод̇хабад̣̇зна анд̇аригам̣ гад̇ваа вуд̇д̇ам̣. анубадибаадияаа самбаж̇аанасан̃н̃аанирод̇хасамаабад̇д̇ийд̇и аяам̣ банзд̇т̇ад̇т̇о. д̇ад̇рааби самбаж̇аанасан̃н̃аанирод̇хасамаабад̇д̇ийд̇и самбаж̇аананд̇асса анд̇з сан̃н̃аа нирод̇хасамаабад̇д̇и самбаж̇аананд̇асса ваа бан̣д̣ид̇асса бхигкуно сан̃н̃аанирод̇хасамаабад̇д̇ийд̇и аяам̣ висзсад̇т̇о.
Anupubbābhisaññānirodhasampajānasamāpattinti ettha abhīti upasaggamattaṃ, sampajānapadaṃ nirodhapadena antarikaṃ katvā vuttaṃ. Anupaṭipāṭiyā sampajānasaññānirodhasamāpattīti ayaṃ panetthattho. Tatrāpi sampajānasaññānirodhasamāpattīti sampajānantassa ante saññā nirodhasamāpatti sampajānantassa vā paṇḍitassa bhikkhuno saññānirodhasamāpattīti ayaṃ visesattho.
ид̣̇аани ид̇ха тад̇ваа нирод̇хасамаабад̇д̇игат̇аа гат̇зд̇аб̣б̣аа. саа банзсаа саб̣б̣аагаарзна висуд̣̇д̇химаг̇г̇з бан̃н̃аабхааванаанисам̣саад̇хигаарз гат̇ид̇аа, д̇асмаа д̇ад̇т̇а гат̇ид̇ад̇ова г̇ахзд̇аб̣б̣аа.
Idāni idha ṭhatvā nirodhasamāpattikathā kathetabbā. Sā panesā sabbākārena visuddhimagge paññābhāvanānisaṃsādhikāre kathitā, tasmā tattha kathitatova gahetabbā.
звам̣ бхаг̇аваа бодтабаад̣̇асса бариб̣б̣ааж̇агасса нирод̇хагат̇ам̣ гат̇зд̇ваа – ат̇а нам̣ д̇аад̣̇исааяа гат̇ааяа ан̃н̃ад̇т̇а абхаавам̣ бадиж̇аанаабзд̇ум̣ ‘‘д̇ам̣ гим̣ ман̃н̃асий’’д̇иаад̣̇имааха. бариб̣б̣ааж̇агоби ‘‘бхаг̇аваа аж̇ж̇а д̇умхаагам̣ гат̇ам̣ табзд̇ваа на маяаа зваруубаа гат̇аа суд̇абуб̣б̣аа’’д̇и бадиж̇аананд̇о, ‘‘но хзд̇ам̣ бханд̇з’’д̇и вад̇ваа буна саггажжам̣ бхаг̇авад̇о гат̇ааяа уг̇г̇ахид̇абхаавам̣ д̣̇ассзнд̇о ‘‘звам̣ ко ахам̣ бханд̇з’’д̇иаад̣̇имааха. ат̇асса бхаг̇аваа ‘‘сууг̇г̇ахид̇ам̣ д̇аяаа’’д̇и ануж̇аананд̇о ‘‘звам̣ бодтабаад̣̇аа’’д̇и ааха.
Evaṃ bhagavā poṭṭhapādassa paribbājakassa nirodhakathaṃ kathetvā – atha naṃ tādisāya kathāya aññattha abhāvaṃ paṭijānāpetuṃ ‘‘taṃ kiṃ maññasī’’tiādimāha. Paribbājakopi ‘‘bhagavā ajja tumhākaṃ kathaṃ ṭhapetvā na mayā evarūpā kathā sutapubbā’’ti paṭijānanto, ‘‘no hetaṃ bhante’’ti vatvā puna sakkaccaṃ bhagavato kathāya uggahitabhāvaṃ dassento ‘‘evaṃ kho ahaṃ bhante’’tiādimāha. Athassa bhagavā ‘‘suuggahitaṃ tayā’’ti anujānanto ‘‘evaṃ poṭṭhapādā’’ti āha.
415. ат̇а бариб̣б̣ааж̇аго ‘‘бхаг̇авад̇аа ‘аагин̃жан̃н̃ааяад̇анам̣ сан̃н̃аг̇г̇а’нд̇и вуд̇д̇ам̣. зд̇ад̣̇зва ну ко сан̃н̃аг̇г̇ам̣, уд̣̇ааху авасзсасамаабад̇д̇ийсуби сан̃н̃аг̇г̇ам̣ ад̇т̇ий’’д̇и жинд̇зд̇ваа д̇амад̇т̇ам̣ бужчанд̇о ‘‘зган̃н̃зва ну ко’’д̇иаад̣̇имааха. бхаг̇аваабисса виссаж̇ж̇зси. д̇ад̇т̇а бут̇уубийд̇и б̣ахууниби. яат̇аа яат̇аа ко, бодтабаад̣̇а, нирод̇хам̣ пусад̇ийд̇и бат̇авийгасин̣аад̣̇ийсу язна язна гасин̣зна, батамаж̇жхаанаад̣̇ийнам̣ ваа язна язна жхаанзна. ид̣̇ам̣ вуд̇д̇ам̣ ход̇и – сажз хи бат̇авийгасин̣зна гаран̣абхууд̇зна бат̇авийгасин̣асамаабад̇д̇им̣ згаваарам̣ самаабаж̇ж̇анд̇о буримасан̃н̃аанирод̇хам̣ пусад̇и згам̣ сан̃н̃аг̇г̇ам̣, ат̇а д̣̇вз ваарз, д̇аяо ваарз, ваарасад̇ам̣, ваарасахассам̣, ваарасад̇асахассам̣ ваа самаабаж̇ж̇анд̇о буримасан̃н̃аанирод̇хам̣ пусад̇и, сад̇асахассам̣, сан̃н̃аг̇г̇аани. зса наяо сзсагасин̣зсу. жхаанзсуби сажз батамаж̇жхаанзна гаран̣абхууд̇зна згаваарам̣ буримасан̃н̃аанирод̇хам̣ пусад̇и згам̣ сан̃н̃аг̇г̇ам̣. ат̇а д̣̇вз ваарз , д̇аяо ваарз, ваарасад̇ам̣, ваарасахассам̣, ваарасад̇асахассам̣ ваа буримасан̃н̃аанирод̇хам̣ пусад̇и, сад̇асахассам̣ сан̃н̃аг̇г̇аани. зса наяо сзсаж̇жхаанасамаабад̇д̇ийсуби. ид̇и згаваарам̣ самаабаж̇ж̇анавасзна ваа саб̣б̣амби сан̃ж̇аананалагкан̣зна сан̇г̇ахзд̇ваа ваа згам̣ сан̃н̃аг̇г̇ам̣ ход̇и, абараабарам̣ самаабаж̇ж̇анавасзна б̣ахууни.
415. Atha paribbājako ‘‘bhagavatā ‘ākiñcaññāyatanaṃ saññagga’nti vuttaṃ. Etadeva nu kho saññaggaṃ, udāhu avasesasamāpattīsupi saññaggaṃ atthī’’ti cintetvā tamatthaṃ pucchanto ‘‘ekaññeva nu kho’’tiādimāha. Bhagavāpissa vissajjesi. Tattha puthūpīti bahūnipi. Yathā yathā kho, poṭṭhapāda, nirodhaṃphusatīti pathavīkasiṇādīsu yena yena kasiṇena, paṭhamajjhānādīnaṃ vā yena yena jhānena. Idaṃ vuttaṃ hoti – sace hi pathavīkasiṇena karaṇabhūtena pathavīkasiṇasamāpattiṃ ekavāraṃ samāpajjanto purimasaññānirodhaṃ phusati ekaṃ saññaggaṃ, atha dve vāre, tayo vāre, vārasataṃ, vārasahassaṃ, vārasatasahassaṃ vā samāpajjanto purimasaññānirodhaṃ phusati, satasahassaṃ, saññaggāni. Esa nayo sesakasiṇesu. Jhānesupi sace paṭhamajjhānena karaṇabhūtena ekavāraṃ purimasaññānirodhaṃ phusati ekaṃ saññaggaṃ. Atha dve vāre , tayo vāre, vārasataṃ, vārasahassaṃ, vārasatasahassaṃ vā purimasaññānirodhaṃ phusati, satasahassaṃ saññaggāni. Esa nayo sesajjhānasamāpattīsupi. Iti ekavāraṃ samāpajjanavasena vā sabbampi sañjānanalakkhaṇena saṅgahetvā vā ekaṃ saññaggaṃ hoti, aparāparaṃ samāpajjanavasena bahūni.
416. сан̃н̃аа ну ко, бханд̇зд̇и бханд̇з нирод̇хасамаабаж̇ж̇анагасса бхигкуно ‘‘сан̃н̃аа ну ко батамам̣ уббаж̇ж̇ад̇ий’’д̇и бужчад̇и. д̇асса бхаг̇аваа ‘‘сан̃н̃аа ко, бодтабаад̣̇аа’’д̇и б̣яаагааси. д̇ад̇т̇а сан̃н̃аад̇и жхаанасан̃н̃аа. н̃аан̣анд̇и вибассанаан̃аан̣ам̣. абаро наяо, сан̃н̃аад̇и вибассанаа сан̃н̃аа. н̃аан̣анд̇и маг̇г̇ан̃аан̣ам̣. абаро наяо, сан̃н̃аад̇и маг̇г̇асан̃н̃аа. н̃аан̣анд̇и палан̃аан̣ам̣. д̇ибидагамахаасивад̇т̇зро банааха –
416.Saññā nu kho, bhanteti bhante nirodhasamāpajjanakassa bhikkhuno ‘‘saññā nu kho paṭhamaṃ uppajjatī’’ti pucchati. Tassa bhagavā ‘‘saññā kho, poṭṭhapādā’’ti byākāsi. Tattha saññāti jhānasaññā. Ñāṇanti vipassanāñāṇaṃ. Aparo nayo, saññāti vipassanā saññā. Ñāṇanti maggañāṇaṃ. Aparo nayo, saññāti maggasaññā. Ñāṇanti phalañāṇaṃ. Tipiṭakamahāsivatthero panāha –
гим̣ имз бхигкуу бхан̣анд̇и, бодтабаад̣̇о хздтаа бхаг̇аванд̇ам̣ нирод̇хам̣ бужчи. ид̣̇аани нирод̇хаа вудтаанам̣ бужчанд̇о ‘‘бхаг̇аваа нирод̇хаа вудтаханд̇асса гим̣ батамам̣ арахад̇д̇апаласан̃н̃аа уббаж̇ж̇ад̇и, уд̣̇ааху бажжавзгкан̣ан̃аан̣а’’нд̇и вад̣̇ад̇и. ат̇асса бхаг̇аваа яасмаа паласан̃н̃аа батамам̣ уббаж̇ж̇ад̇и, бажчаа бажжавзгкан̣ан̃аан̣ам̣ . д̇асмаа ‘‘сан̃н̃аа ко бодтабаад̣̇аа’’д̇и ааха. д̇ад̇т̇а сан̃н̃уббаад̣̇аад̇и арахад̇д̇апаласан̃н̃ааяа уббаад̣̇аа, бажчаа ‘‘ид̣̇ам̣ арахад̇д̇апала’’нд̇и звам̣ бажжавзгкан̣ан̃аан̣уббаад̣̇о ход̇и. ид̣̇аббажжаяаа гира мзд̇и паласамаад̇хисан̃н̃аабажжаяаа гира маяхам̣ бажжавзгкан̣ан̃аан̣ам̣ уббаннанд̇и.
Kiṃ ime bhikkhū bhaṇanti, poṭṭhapādo heṭṭhā bhagavantaṃ nirodhaṃ pucchi. Idāni nirodhā vuṭṭhānaṃ pucchanto ‘‘bhagavā nirodhā vuṭṭhahantassa kiṃ paṭhamaṃ arahattaphalasaññā uppajjati, udāhu paccavekkhaṇañāṇa’’nti vadati. Athassa bhagavā yasmā phalasaññā paṭhamaṃ uppajjati, pacchā paccavekkhaṇañāṇaṃ . Tasmā ‘‘saññā kho poṭṭhapādā’’ti āha. Tattha saññuppādāti arahattaphalasaññāya uppādā, pacchā ‘‘idaṃ arahattaphala’’nti evaṃ paccavekkhaṇañāṇuppādo hoti. Idappaccayā kira meti phalasamādhisaññāpaccayā kira mayhaṃ paccavekkhaṇañāṇaṃ uppannanti.
сан̃н̃ааад̇д̇агат̇ааван̣н̣анаа
Saññāattakathāvaṇṇanā
417. ид̣̇аани бариб̣б̣ааж̇аго яат̇аа наама г̇аамасуугаро г̇анд̇ход̣̇агзна нхаабзд̇ваа г̇анд̇хзхи анулимбид̇ваа маалаад̣̇аамам̣ бил̣анд̇хид̇ваа сирисаяанз ааробид̇оби сукам̣ на винд̣̇ад̇и, взг̇зна г̇уут̇адтаанамзва г̇анд̇ваа сукам̣ винд̣̇ад̇и. звамзва бхаг̇авад̇аа сан̣хасукумад̇илагкан̣аб̣бхаахад̇ааяа д̣̇зсанааяа нхаабид̇авилид̇д̇аман̣д̣ид̇оби нирод̇хагат̇аасирисаяанам̣ ааробид̇оби д̇ад̇т̇а сукам̣ на винд̣̇анд̇о г̇уут̇адтаанасад̣̇исам̣ ад̇д̇ано лад̣̇д̇хим̣ г̇ахзд̇ваа д̇амзва бужчанд̇о ‘‘сан̃н̃аа ну ко, бханд̇з, бурисасса ад̇д̇аа’’д̇иаад̣̇имааха. ат̇ассаанумад̇им̣ г̇ахзд̇ваа б̣яаагаад̇угаамо бхаг̇аваа – ‘‘гам̣ бана д̇ва’’нд̇иаад̣̇имааха. д̇ад̇о со ‘‘аруубий ад̇д̇аа’’д̇и звам̣ лад̣̇д̇хиго самааноби ‘‘бхаг̇аваа д̣̇зсанааяа сугусало, со мз аад̣̇ид̇ова лад̣̇д̇хим̣ маа вид̣̇д̇хам̣сзд̇уу’’д̇и жинд̇зд̇ваа ад̇д̇ано лад̣̇д̇хим̣ барихаранд̇о ‘‘ол̣ааригам̣ ко’’д̇иаад̣̇имааха. ат̇асса бхаг̇аваа д̇ад̇т̇а д̣̇осам̣ д̣̇ассзнд̇о ‘‘ол̣аариго жа хи д̇з’’д̇иаад̣̇имааха . д̇ад̇т̇а звам̣ санд̇анд̇и звам̣ санд̇з. бхуммад̇т̇з хи зд̇ам̣ убаяог̇аважанам̣. звам̣ санд̇ам̣ ад̇д̇аанам̣ бажжааг̇ажчад̇о д̇аваад̇и аяам̣ ваа зд̇т̇а ад̇т̇о. жад̇уннам̣ канд̇хаанам̣ згуббаад̣̇зганирод̇хад̇д̇аа гин̃жааби яаа сан̃н̃аа уббаж̇ж̇ад̇и, саава нируж̇жхад̇и. абараабарам̣ убаад̣̇ааяа бана ‘‘ан̃н̃аа жа сан̃н̃аа уббаж̇ж̇анд̇и, ан̃н̃аа жа сан̃н̃аа нируж̇жханд̇ий’’д̇и вуд̇д̇ам̣.
417. Idāni paribbājako yathā nāma gāmasūkaro gandhodakena nhāpetvā gandhehi anulimpitvā mālādāmaṃ piḷandhitvā sirisayane āropitopi sukhaṃ na vindati, vegena gūthaṭṭhānameva gantvā sukhaṃ vindati. Evameva bhagavatā saṇhasukhumatilakkhaṇabbhāhatāya desanāya nhāpitavilittamaṇḍitopi nirodhakathāsirisayanaṃ āropitopi tattha sukhaṃ na vindanto gūthaṭṭhānasadisaṃ attano laddhiṃ gahetvā tameva pucchanto ‘‘saññā nu kho, bhante, purisassa attā’’tiādimāha. Athassānumatiṃ gahetvā byākātukāmo bhagavā – ‘‘kaṃ pana tva’’ntiādimāha. Tato so ‘‘arūpī attā’’ti evaṃ laddhiko samānopi ‘‘bhagavā desanāya sukusalo, so me āditova laddhiṃ mā viddhaṃsetū’’ti cintetvā attano laddhiṃ pariharanto ‘‘oḷārikaṃ kho’’tiādimāha. Athassa bhagavā tattha dosaṃ dassento ‘‘oḷāriko ca hi te’’tiādimāha . Tattha evaṃ santanti evaṃ sante. Bhummatthe hi etaṃ upayogavacanaṃ. Evaṃ santaṃ attānaṃ paccāgacchato tavāti ayaṃ vā ettha attho. Catunnaṃ khandhānaṃ ekuppādekanirodhattā kiñcāpi yā saññā uppajjati, sāva nirujjhati. Aparāparaṃ upādāya pana ‘‘aññā ca saññā uppajjanti, aññā ca saññā nirujjhantī’’ti vuttaṃ.
418-420. ид̣̇аани ан̃н̃ам̣ лад̣̇д̇хим̣ д̣̇ассзнд̇о – ‘‘маномаяам̣ ко ахам̣, бханд̇з’’д̇иаад̣̇им̣ вад̇ваа д̇ад̇рааби д̣̇осз д̣̇иннз яат̇аа наама уммад̇д̇аго яаавасса сан̃н̃аа наббад̇идтаад̇и, д̇аава ан̃н̃ам̣ г̇ахзд̇ваа ан̃н̃ам̣ виссаж̇ж̇зд̇и, сан̃н̃аабад̇идтаанагаалз бана вад̇д̇аб̣б̣амзва вад̣̇ад̇и, звамзва ан̃н̃ам̣ г̇ахзд̇ваа ан̃н̃ам̣ виссаж̇ж̇зд̇ваа ид̣̇аани ад̇д̇ано лад̣̇д̇хим̣язва вад̣̇анд̇о ‘‘аруубий ко’’д̇иаад̣̇имааха. д̇ад̇рааби яасмаа со сан̃н̃ааяа уббаад̣̇анирод̇хам̣ ижчад̇и, ад̇д̇аанам̣ бана сассад̇ам̣ ман̃н̃ад̇и. д̇асмаа д̇ат̇звасса д̣̇осам̣ д̣̇ассзнд̇о бхаг̇аваа ‘‘звам̣ санд̇амбий’’д̇иаад̣̇имааха. д̇ад̇о бариб̣б̣ааж̇аго мижчаад̣̇ассанзна абхибхууд̇ад̇д̇аа бхаг̇авад̇аа вужжамаанамби д̇ам̣ наанад̇д̇ам̣ аж̇аананд̇о ‘‘саггаа банзд̇ам̣, бханд̇з, маяаа’’д̇иаад̣̇имааха. ат̇асса бхаг̇аваа яасмаа со сан̃н̃ааяа уббаад̣̇анирод̇хам̣ бассанд̇оби сан̃н̃аамаяам̣ ад̇д̇аанам̣ нижжамзва ман̃н̃ад̇и. д̇асмаа ‘‘д̣̇уж̇ж̇аанам̣ ко’’д̇иаад̣̇имааха.
418-420. Idāni aññaṃ laddhiṃ dassento – ‘‘manomayaṃ kho ahaṃ, bhante’’tiādiṃ vatvā tatrāpi dose dinne yathā nāma ummattako yāvassa saññā nappatiṭṭhāti, tāva aññaṃ gahetvā aññaṃ vissajjeti, saññāpatiṭṭhānakāle pana vattabbameva vadati, evameva aññaṃ gahetvā aññaṃ vissajjetvā idāni attano laddhiṃyeva vadanto ‘‘arūpī kho’’tiādimāha. Tatrāpi yasmā so saññāya uppādanirodhaṃ icchati, attānaṃ pana sassataṃ maññati. Tasmā tathevassa dosaṃ dassento bhagavā ‘‘evaṃ santampī’’tiādimāha. Tato paribbājako micchādassanena abhibhūtattā bhagavatā vuccamānampi taṃ nānattaṃ ajānanto ‘‘sakkā panetaṃ, bhante, mayā’’tiādimāha. Athassa bhagavā yasmā so saññāya uppādanirodhaṃ passantopi saññāmayaṃ attānaṃ niccameva maññati. Tasmā ‘‘dujjānaṃ kho’’tiādimāha.
д̇ад̇т̇ааяам̣ сан̇кзбад̇т̇о – д̇ава ан̃н̃аа д̣̇идти, ан̃н̃аа канд̇и, ан̃н̃аа ружи, ан̃н̃ат̇ааязва д̇з д̣̇ассанам̣ бавад̇д̇ам̣, ан̃н̃ад̣̇зва жа д̇з камад̇и жзва ружжад̇и жа, ан̃н̃ад̇ра жа д̇з ааяог̇о, ан̃н̃иссааязва бадибад̇д̇ияаа яуд̇д̇абаяуд̇д̇ад̇аа, ан̃н̃ад̇т̇а жа д̇з аажарияагам̣, ан̃н̃асмим̣ д̇ид̇т̇ааяад̇анз аажарияабхааво. д̇зна д̇аяаа звам̣ ан̃н̃ад̣̇идтигзна ан̃н̃аканд̇игзна ан̃н̃аружигзна ан̃н̃ад̇рааяог̇зна ан̃н̃ад̇раажарияагзна д̣̇уж̇ж̇аанам̣ зд̇анд̇и. ат̇а бариб̣б̣ааж̇аго – ‘‘сан̃н̃аа ваа бурисасса ад̇д̇аа ход̇у, ан̃н̃аа ваа сан̃н̃аа, д̇ам̣ сассад̇аад̣̇и бхаавамасса бужчисса’’нд̇и буна ‘‘гим̣ бана бханд̇з’’д̇иаад̣̇имааха.
Tatthāyaṃ saṅkhepattho – tava aññā diṭṭhi, aññā khanti, aññā ruci, aññathāyeva te dassanaṃ pavattaṃ, aññadeva ca te khamati ceva ruccati ca, aññatra ca te āyogo, aññissāyeva paṭipattiyā yuttapayuttatā, aññattha ca te ācariyakaṃ, aññasmiṃ titthāyatane ācariyabhāvo. Tena tayā evaṃ aññadiṭṭhikena aññakhantikena aññarucikena aññatrāyogena aññatrācariyakena dujjānaṃ etanti. Atha paribbājako – ‘‘saññā vā purisassa attā hotu, aññā vā saññā, taṃ sassatādi bhāvamassa pucchissa’’nti puna ‘‘kiṃ pana bhante’’tiādimāha.
д̇ад̇т̇а логод̇и ад̇д̇аанам̣ санд̇хааяа вад̣̇ад̇и. на хзд̇ам̣ бодтабаад̣̇а ад̇т̇асан̃хид̇анд̇и бодтабаад̣̇а зд̇ам̣ д̣̇идтиг̇ад̇ам̣ на ид̇халогабаралогаад̇т̇аниссид̇ам̣, на ад̇д̇ад̇т̇абарад̇т̇аниссид̇ам̣. на д̇хаммасам̣хид̇анд̇и на навалогуд̇д̇арад̇хамманиссид̇ам̣. наад̣̇иб̣рахмажарияаганд̇и сигкад̇д̇аяасан̇каад̇асса саасанаб̣рахмажарияагасса на аад̣̇имад̇д̇ам̣, ад̇хисийласигкаамад̇д̇амби на ход̇и. на ниб̣б̣ид̣̇ааяаад̇и сам̣саараваддз ниб̣б̣инд̣̇анад̇т̇ааяа на сам̣вад̇д̇ад̇и. на вирааг̇ааяаад̇и ваддавирааг̇ад̇т̇ааяа на сам̣вад̇д̇ад̇и. на нирод̇хааяаад̇и ваддасса нирод̇хагаран̣ад̇т̇ааяа на сам̣вад̇д̇ад̇и. на убасамааяаад̇и ваддасса вуубасаманад̇т̇ааяа на сам̣вад̇д̇ад̇и. на абхин̃н̃ааяаад̇и ваддаабхиж̇аананааяа бажжагкагирияааяа на сам̣вад̇д̇ад̇и. на самб̣од̇хааяаад̇и ваддасамб̣уж̇жханад̇т̇ааяа на сам̣вад̇д̇ад̇и. на ниб̣б̣аанааяаад̇и амад̇амахааниб̣б̣аанасса бажжагкагирияааяа на сам̣вад̇д̇ад̇и.
Tattha lokoti attānaṃ sandhāya vadati. Na hetaṃ poṭṭhapāda atthasañhitanti poṭṭhapāda etaṃ diṭṭhigataṃ na idhalokaparalokaatthanissitaṃ, na attatthaparatthanissitaṃ. Na dhammasaṃhitanti na navalokuttaradhammanissitaṃ. Nādibrahmacariyakanti sikkhattayasaṅkhātassa sāsanabrahmacariyakassa na ādimattaṃ, adhisīlasikkhāmattampi na hoti. Na nibbidāyāti saṃsāravaṭṭe nibbindanatthāya na saṃvattati. Navirāgāyāti vaṭṭavirāgatthāya na saṃvattati. Na nirodhāyāti vaṭṭassa nirodhakaraṇatthāya na saṃvattati. Na upasamāyāti vaṭṭassa vūpasamanatthāya na saṃvattati. Na abhiññāyāti vaṭṭābhijānanāya paccakkhakiriyāya na saṃvattati. Na sambodhāyāti vaṭṭasambujjhanatthāya na saṃvattati. Na nibbānāyāti amatamahānibbānassa paccakkhakiriyāya na saṃvattati.
ид̣̇ам̣ д̣̇угканд̇иаад̣̇ийсу д̇ан̣хам̣ табзд̇ваа д̇збхуумагаа бан̃жагканд̇хаа д̣̇угканд̇и, д̇ассзва д̣̇угкасса бабхааванад̇о саббажжаяаа д̇ан̣хаа д̣̇угкасамуд̣̇аяод̇и. убхиннам̣ аббавад̇д̇и д̣̇угканирод̇ход̇и, арияо адтан̇г̇иго маг̇г̇о д̣̇угканирод̇хаг̇ааминий бадибад̣̇аад̇и маяаа б̣яаагад̇анд̇и ад̇т̇о. зван̃жа бана вад̇ваа бхаг̇аваа ‘‘имасса бариб̣б̣ааж̇агасса маг̇г̇абаад̇убхааво ваа паласажчигирияаа ваа над̇т̇и, маяхан̃жа бхигкаажааравзлаа’’д̇и жинд̇зд̇ваа д̇ун̣хий ахоси. бариб̣б̣ааж̇агоби д̇ам̣ аагаарам̣ н̃ад̇ваа бхаг̇авад̇о г̇аманагаалам̣ аарожзнд̇о вияа ‘‘звамзд̇а’’нд̇иаад̣̇имааха.
Idaṃ dukkhantiādīsu taṇhaṃ ṭhapetvā tebhūmakā pañcakkhandhā dukkhanti, tasseva dukkhassa pabhāvanato sappaccayā taṇhā dukkhasamudayoti. Ubhinnaṃ appavatti dukkhanirodhoti, ariyo aṭṭhaṅgiko maggo dukkhanirodhagāminī paṭipadāti mayā byākatanti attho. Evañca pana vatvā bhagavā ‘‘imassa paribbājakassa maggapātubhāvo vā phalasacchikiriyā vā natthi, mayhañca bhikkhācāravelā’’ti cintetvā tuṇhī ahosi. Paribbājakopi taṃ ākāraṃ ñatvā bhagavato gamanakālaṃ ārocento viya ‘‘evameta’’ntiādimāha.
421. ваажаасаннид̇од̣̇агзнаад̇и важанабад̇од̣̇зна. сан̃жхаб̣бхаримагам̣сууд̇и сан̃жхаб̣бхарид̇ам̣ ниранд̇арам̣ пудтам̣ агам̣су, убари виж̇жхим̣сууд̇и вуд̇д̇ам̣ ход̇и. бхууд̇анд̇и сабхаавад̇о виж̇ж̇амаанам̣. д̇ажчам̣, д̇ат̇анд̇и д̇ассзва взважанам̣. д̇хаммадтид̇ад̇анд̇и навалогуд̇д̇арад̇хаммзсу тид̇асабхаавам̣. д̇хамманияаамад̇анд̇и логуд̇д̇арад̇хамманияаамад̇ам̣. б̣уд̣̇д̇хаанан̃хи жад̇усажжавинимуд̇д̇аа гат̇аа наама над̇т̇и. д̇асмаа саа зд̣̇исаа ход̇и.
421.Vācāsannitodakenāti vacanapatodena. Sañjhabbharimakaṃsūti sañjhabbharitaṃ nirantaraṃ phuṭṭhaṃ akaṃsu, upari vijjhiṃsūti vuttaṃ hoti. Bhūtanti sabhāvato vijjamānaṃ. Tacchaṃ, tathanti tasseva vevacanaṃ. Dhammaṭṭhitatanti navalokuttaradhammesu ṭhitasabhāvaṃ. Dhammaniyāmatanti lokuttaradhammaniyāmataṃ. Buddhānañhi catusaccavinimuttā kathā nāma natthi. Tasmā sā edisā hoti.
жид̇д̇ахад̇т̇исаарибуд̇д̇абодтабаад̣̇авад̇т̇уван̣н̣анаа
Cittahatthisāriputtapoṭṭhapādavatthuvaṇṇanā
422. жид̇д̇о жа хад̇т̇исаарибуд̇д̇од̇и со гира саавад̇т̇ияам̣ хад̇т̇иаажарияасса буд̇д̇о бхаг̇авад̇о санд̇игз баб̣б̣аж̇ид̇ваа д̇ийн̣и бидагаани уг̇г̇ахзд̇ваа сукумзсу ад̇т̇анд̇арзсу гусало ахоси, буб̣б̣з гад̇абаабагаммавасзна бана сад̇д̇аваарз виб̣бхамид̇ваа г̇ихи ж̇аад̇о. гассабасаммаасамб̣уд̣̇д̇хасса гира саасанз д̣̇вз сахааяагаа ахзсум̣, ан̃н̃аман̃н̃ам̣ самаг̇г̇аа згад̇ова саж̇жхааяанд̇и. д̇зсу зго анабхирад̇о г̇ихибхаавз жид̇д̇ам̣ уббаад̣̇зд̇ваа ид̇арасса аарожзси. со г̇ихибхаавз аад̣̇ийнавам̣ баб̣б̣аж̇ж̇ааяа аанисам̣сам̣ д̣̇ассзд̇ваа д̇ам̣ овад̣̇и. со д̇ам̣ суд̇ваа абхирамид̇ваа бунзгад̣̇ивасам̣ д̇аад̣̇исз жид̇д̇з уббаннз д̇ам̣ зд̇ад̣̇авожа ‘‘маяхам̣ аавусо зваруубам̣ жид̇д̇ам̣ уббаж̇ж̇ад̇и – ‘имаахам̣ бад̇д̇ажийварам̣ д̇уяхам̣ д̣̇ассаамий’д̇и’’. со бад̇д̇ажийваралобхзна д̇асса г̇ихибхаавз аанисам̣сам̣ д̣̇ассзд̇ваа баб̣б̣аж̇ж̇ааяа аад̣̇ийнавам̣ гат̇зси. ат̇асса д̇ам̣ суд̇ваава г̇ихибхаавад̇о жид̇д̇ам̣ вираж̇ж̇ид̇ваа баб̣б̣аж̇ж̇ааяамзва абхирами. звамзса д̇ад̣̇аа сийлаванд̇асса бхигкуно г̇ихибхаавз аанисам̣сагат̇ааяа гат̇ид̇ад̇д̇аа ид̣̇аани ча ваарз виб̣бхамид̇ваа сад̇д̇амз ваарз баб̣б̣аж̇ид̇о. махаамог̇г̇аллаанасса, махаагодтигад̇т̇зрасса жа абхид̇хаммагат̇ам̣ гат̇знд̇аанам̣ анд̇аранд̇араа гат̇ам̣ обаад̇зд̇и. ат̇а нам̣ махаагодтигад̇т̇зро абасаад̣̇зд̇и. со махаасаавагасса гат̇ид̇з бад̇идтаад̇ум̣ асаггонд̇о виб̣бхамид̇ваа г̇ихи ж̇аад̇о. бодтабаад̣̇асса банааяам̣ г̇ихисахааяаго ход̇и. д̇асмаа виб̣бхамид̇ваа д̣̇вийхад̇ийхажжаязна бодтабаад̣̇асса санд̇игам̣ г̇ад̇о. ат̇а нам̣ со д̣̇исваа ‘‘самма гим̣ д̇аяаа гад̇ам̣, зваруубасса наама сад̇т̇у саасанаа абасагганд̇оси, зхи баб̣б̣аж̇ид̇ум̣ ид̣̇аани д̇з ваддад̇ий’’д̇и д̇ам̣ г̇ахзд̇ваа бхаг̇авад̇о санд̇игам̣ аг̇амааси. д̇зна вуд̇д̇ам̣ ‘‘жид̇д̇о жа хад̇т̇исаарибуд̇д̇о бодтабаад̣̇о жа бариб̣б̣ааж̇аго’’д̇и.
422.Citto ca hatthisāriputtoti so kira sāvatthiyaṃ hatthiācariyassa putto bhagavato santike pabbajitvā tīṇi piṭakāni uggahetvā sukhumesu atthantaresu kusalo ahosi, pubbe katapāpakammavasena pana sattavāre vibbhamitvā gihi jāto. Kassapasammāsambuddhassa kira sāsane dve sahāyakā ahesuṃ, aññamaññaṃ samaggā ekatova sajjhāyanti. Tesu eko anabhirato gihibhāve cittaṃ uppādetvā itarassa ārocesi. So gihibhāve ādīnavaṃ pabbajjāya ānisaṃsaṃ dassetvā taṃ ovadi. So taṃ sutvā abhiramitvā punekadivasaṃ tādise citte uppanne taṃ etadavoca ‘‘mayhaṃ āvuso evarūpaṃ cittaṃ uppajjati – ‘imāhaṃ pattacīvaraṃ tuyhaṃ dassāmī’ti’’. So pattacīvaralobhena tassa gihibhāve ānisaṃsaṃ dassetvā pabbajjāya ādīnavaṃ kathesi. Athassa taṃ sutvāva gihibhāvato cittaṃ virajjitvā pabbajjāyameva abhirami. Evamesa tadā sīlavantassa bhikkhuno gihibhāve ānisaṃsakathāya kathitattā idāni cha vāre vibbhamitvā sattame vāre pabbajito. Mahāmoggallānassa, mahākoṭṭhikattherassa ca abhidhammakathaṃ kathentānaṃ antarantarā kathaṃ opāteti. Atha naṃ mahākoṭṭhikatthero apasādeti. So mahāsāvakassa kathite patiṭṭhātuṃ asakkonto vibbhamitvā gihi jāto. Poṭṭhapādassa panāyaṃ gihisahāyako hoti. Tasmā vibbhamitvā dvīhatīhaccayena poṭṭhapādassa santikaṃ gato. Atha naṃ so disvā ‘‘samma kiṃ tayā kataṃ, evarūpassa nāma satthu sāsanā apasakkantosi, ehi pabbajituṃ idāni te vaṭṭatī’’ti taṃ gahetvā bhagavato santikaṃ agamāsi. Tena vuttaṃ ‘‘citto ca hatthisāriputto poṭṭhapādo ca paribbājako’’ti.
423. анд̇хаад̇и бан̃н̃аажагкуно над̇т̇ид̇ааяа анд̇хаа, д̇ассзва абхаавзна ажагкугаа. д̇вам̣язва нзсам̣ зго жагкумаад̇и субхаасид̇ад̣̇уб̣бхаасид̇аж̇аананабхаавамад̇д̇зна бан̃н̃аажагкунаа жагкумаа. згам̣сигаад̇и згагодтаасаа. бан̃н̃ад̇д̇аад̇и табид̇аа. анзгам̣сигаад̇и на згагодтаасаа згзнзва годтаасзна сассад̇аад̇и ваа асассад̇аад̇и ваа на вуд̇д̇аад̇и ад̇т̇о.
423.Andhāti paññācakkhuno natthitāya andhā, tasseva abhāvena acakkhukā. Tvaṃyeva nesaṃ eko cakkhumāti subhāsitadubbhāsitajānanabhāvamattena paññācakkhunā cakkhumā. Ekaṃsikāti ekakoṭṭhāsā. Paññattāti ṭhapitā. Anekaṃsikāti na ekakoṭṭhāsā ekeneva koṭṭhāsena sassatāti vā asassatāti vā na vuttāti attho.
згам̣сигад̇хаммаван̣н̣анаа
Ekaṃsikadhammavaṇṇanā
424-425. санд̇и бодтабаад̣̇аад̇и ид̣̇ам̣ бхаг̇аваа гасмаа аарабхи? б̣аахирагзхи бан̃н̃аабид̇анидтааяа анияяаанигабхаавад̣̇ассанад̇т̇ам̣. саб̣б̣з хи д̇ид̇т̇ияаа яат̇аа бхаг̇аваа амад̇ам̣ ниб̣б̣аанам̣, звам̣ ад̇д̇ано ад̇д̇ано самаяз логат̇убигаад̣̇ивасзна нидтам̣ бан̃н̃абзнд̇и, саа жа на нияяаанигаа. яат̇аа бан̃н̃ад̇д̇аа худ̇ваа на нияяаад̇и на г̇ажчад̇и, ан̃н̃ад̣̇ад̇т̇у бан̣д̣ид̇зхи бадигкид̇д̇аа нивад̇д̇ад̇и, д̇ам̣ д̣̇ассзд̇ум̣ бхаг̇аваа звамааха. д̇ад̇т̇а зганд̇асукам̣ логам̣ ж̇аанам̣ бассанд̇и бурад̇т̇имааяа д̣̇исааяа зганд̇асуко лого бажчимаад̣̇ийнам̣ ваа ан̃н̃ад̇арааяаад̇и звам̣ ж̇аананд̇аа звам̣ бассанд̇аа вихарат̇а. д̣̇идтабуб̣б̣аани ко д̇асмим̣ логз мануссаанам̣ сарийрасан̣таанаад̣̇ийнийд̇и. аббаадихийрагад̇анд̇и аббаадихийрагад̇ам̣ бадихаран̣авирахид̇ам̣, анияяааниганд̇и вуд̇д̇ам̣ ход̇и.
424-425.Santi poṭṭhapādāti idaṃ bhagavā kasmā ārabhi? Bāhirakehi paññāpitaniṭṭhāya aniyyānikabhāvadassanatthaṃ. Sabbe hi titthiyā yathā bhagavā amataṃ nibbānaṃ, evaṃ attano attano samaye lokathupikādivasena niṭṭhaṃ paññapenti, sā ca na niyyānikā. Yathā paññattā hutvā na niyyāti na gacchati, aññadatthu paṇḍitehi paṭikkhittā nivattati, taṃ dassetuṃ bhagavā evamāha. Tattha ekantasukhaṃ lokaṃ jānaṃ passanti puratthimāya disāya ekantasukho loko pacchimādīnaṃ vā aññatarāyāti evaṃ jānantā evaṃ passantā viharatha. Diṭṭhapubbāni kho tasmiṃ loke manussānaṃ sarīrasaṇṭhānādīnīti. Appāṭihīrakatanti appāṭihīrakataṃ paṭiharaṇavirahitaṃ, aniyyānikanti vuttaṃ hoti.
426-427. ж̇анабад̣̇агаляаан̣ийд̇и ж̇анабад̣̇з ан̃н̃аахи ид̇т̇ийхи ван̣н̣асан̣таанавилаасаагаббаад̣̇ийхи асад̣̇исаа.
426-427.Janapadakalyāṇīti janapade aññāhi itthīhi vaṇṇasaṇṭhānavilāsākappādīhi asadisā.
д̇аяоад̇д̇абадилаабхаван̣н̣анаа
Tayoattapaṭilābhavaṇṇanā
428. звам̣ бхаг̇аваа барзсам̣ нидтааяа анияяаанигад̇д̇ам̣ д̣̇ассзд̇ваа ад̇д̇ано нидтааяа нияяаанигабхаавам̣ д̣̇ассзд̇ум̣ ‘‘д̇аяо ко мз бодтабаад̣̇аа’’д̇иаад̣̇имааха. д̇ад̇т̇а ад̇д̇абадилаабход̇и ад̇д̇абхаавабадилаабхо, зд̇т̇а жа бхаг̇аваа д̇ийхи ад̇д̇абхаавабадилаабхзхи д̇аяо бхавз д̣̇ассзси. ол̣ааригад̇д̇абхаавабадилаабхзна авийжид̇о бадтааяа бараниммид̇авасавад̇д̇ибарияосаанам̣ гаамабхавам̣ д̣̇ассзси. маномаяаад̇д̇абхаавабадилаабхзна батамаж̇жхаанабхуумид̇о бадтааяа аганидтаб̣рахмалогабарияосаанам̣ руубабхавам̣ д̣̇ассзси. аруубаад̇д̇абхаавабадилаабхзна аагаасаанан̃жааяад̇анаб̣рахмалогад̇о бадтааяа нзвасан̃н̃аанаасан̃н̃ааяад̇анаб̣рахмалогабарияосаанам̣ аруубабхавам̣ д̣̇ассзси. сам̣гилзсигаа д̇хаммаа наама д̣̇ваад̣̇аса агусалажид̇д̇уббаад̣̇аа. вод̣̇аанияаа д̇хаммаа наама самат̇авибассанаа.
428. Evaṃ bhagavā paresaṃ niṭṭhāya aniyyānikattaṃ dassetvā attano niṭṭhāya niyyānikabhāvaṃ dassetuṃ ‘‘tayo kho me poṭṭhapādā’’tiādimāha. Tattha attapaṭilābhoti attabhāvapaṭilābho, ettha ca bhagavā tīhi attabhāvapaṭilābhehi tayo bhave dassesi. Oḷārikattabhāvapaṭilābhena avīcito paṭṭhāya paranimmitavasavattipariyosānaṃ kāmabhavaṃ dassesi. Manomayaattabhāvapaṭilābhena paṭhamajjhānabhūmito paṭṭhāya akaniṭṭhabrahmalokapariyosānaṃ rūpabhavaṃ dassesi. Arūpaattabhāvapaṭilābhena ākāsānañcāyatanabrahmalokato paṭṭhāya nevasaññānāsaññāyatanabrahmalokapariyosānaṃ arūpabhavaṃ dassesi. Saṃkilesikā dhammā nāma dvādasa akusalacittuppādā. Vodāniyā dhammā nāma samathavipassanā.
429. бан̃н̃аабаарибуурим̣ взбуллад̇д̇анд̇и маг̇г̇абан̃н̃аапалабан̃н̃аанам̣ баарибуурин̃жзва вибулабхааван̃жа. баамуж̇ж̇анд̇и д̇арун̣абийд̇и. бийд̇ийд̇и б̣алавад̇удти. гим̣ вуд̇д̇ам̣ ход̇и? яам̣ авожумха ‘‘саяам̣ абхин̃н̃аа сажчигад̇ваа убасамбаж̇ж̇а вихирад̇ий’’д̇и, д̇ад̇т̇а д̇асса звам̣ вихарад̇о д̇ам̣ баамож̇ж̇ан̃жзва бхависсад̇и, бийд̇и жа наамагааяабассад̣̇д̇хи жа сад̇и жа суубадтид̇аа уд̇д̇аман̃аан̣ан̃жа суко жа вихааро. саб̣б̣авихаарзсу жа аяамзва вихааро ‘‘суко’’д̇и вад̇д̇ум̣ яуд̇д̇о ‘‘убасанд̇о барамамад̇хуро’’д̇и. д̇ад̇т̇а батамаж̇жхаанз баамож̇ж̇аад̣̇аяо чаби д̇хаммаа лаб̣бханд̇и, д̣̇уд̇ияаж̇жхаанз д̣̇уб̣б̣алабийд̇исан̇каад̇ам̣ баамож̇ж̇ам̣ нивад̇д̇ад̇и, сзсаа бан̃жа лаб̣бханд̇и. д̇ад̇ияз бийд̇и нивад̇д̇ад̇и, сзсаа жад̇д̇ааро лаб̣бханд̇и. д̇ат̇аа жад̇уд̇т̇з. имзсу жад̇уусу жхаанзсу самбасаад̣̇анасуд̇д̇з суд̣̇д̇хавибассанаа баад̣̇агаж̇жхаанамзва гат̇ид̇ам̣. баасаад̣̇игасуд̇д̇з жад̇уухи маг̇г̇зхи сад̣̇д̇хим̣ вибассанаа гат̇ид̇аа. д̣̇асуд̇д̇арасуд̇д̇з жад̇уд̇т̇аж̇жхаанигапаласамаабад̇д̇и гат̇ид̇аа. имасмим̣ бодтабаад̣̇асуд̇д̇з баамож̇ж̇ам̣ бийд̇ивзважанамзва гад̇ваа д̣̇уд̇ияаж̇жхаанигапаласамаабад̇д̇инаама гат̇ид̇аад̇и взд̣̇ид̇аб̣б̣аа.
429.Paññāpāripūriṃvepullattanti maggapaññāphalapaññānaṃ pāripūriñceva vipulabhāvañca. Pāmujjanti taruṇapīti. Pītīti balavatuṭṭhi. Kiṃ vuttaṃ hoti? Yaṃ avocumha ‘‘sayaṃ abhiññā sacchikatvā upasampajja vihiratī’’ti, tattha tassa evaṃ viharato taṃ pāmojjañceva bhavissati, pīti ca nāmakāyapassaddhi ca sati ca sūpaṭṭhitā uttamañāṇañca sukho ca vihāro. Sabbavihāresu ca ayameva vihāro ‘‘sukho’’ti vattuṃ yutto ‘‘upasanto paramamadhuro’’ti. Tattha paṭhamajjhāne pāmojjādayo chapi dhammā labbhanti, dutiyajjhāne dubbalapītisaṅkhātaṃ pāmojjaṃ nivattati, sesā pañca labbhanti. Tatiye pīti nivattati, sesā cattāro labbhanti. Tathā catutthe. Imesu catūsu jhānesu sampasādanasutte suddhavipassanā pādakajjhānameva kathitaṃ. Pāsādikasutte catūhi maggehi saddhiṃ vipassanā kathitā. Dasuttarasutte catutthajjhānikaphalasamāpatti kathitā. Imasmiṃ poṭṭhapādasutte pāmojjaṃ pītivevacanameva katvā dutiyajjhānikaphalasamāpattināma kathitāti veditabbā.
432-437. аяам̣ ваа сод̇и зд̇т̇а ваа сад̣̇д̣̇о вибхааванад̇т̇о ход̇и. аяам̣ сод̇и звам̣ вибхаавзд̇ваа багаасзд̇ваа б̣яаагарзяяаама. яат̇аабарз ‘‘зганд̇асукам̣ ад̇д̇аанам̣ сан̃ж̇аанаат̇аа’’д̇и будтаа ‘‘но’’д̇и вад̣̇анд̇и, на звам̣ вад̣̇аамаад̇и ад̇т̇о. саббаадихийрагад̇анд̇и саббаадихаран̣ам̣, нияяааниганд̇и ад̇т̇о. могхо ход̇ийд̇и д̇ужчо ход̇и, над̇т̇и со д̇асмим̣ самаязд̇и ад̇хиббааяо. сажжо ход̇ийд̇и бхууд̇о ход̇и, свзва д̇асмим̣ самаяз сажжо ход̇ийд̇и ад̇т̇о. зд̇т̇а банааяам̣ жид̇д̇о ад̇д̇ано асаб̣б̣ан̃н̃уд̇ааяа д̇аяо ад̇д̇абадилаабхз гат̇зд̇ваа ад̇д̇абадилаабхо наама бан̃н̃ад̇д̇имад̇д̇ам̣ зд̇анд̇и уд̣̇д̇харид̇ум̣ наасагки, ад̇д̇абадилаабхо д̇взва нияяаад̇зси. ат̇асса бхаг̇аваа руубаад̣̇аяо жзд̇т̇а д̇хаммаа, ад̇д̇абадилаабход̇и бана наамамад̇д̇амзд̇ам̣, д̇зсу д̇зсу руубаад̣̇ийсу сад̇и зваруубаа вохаараа хонд̇ийд̇и д̣̇ассзд̇угаамо д̇ассзва гат̇ам̣ г̇ахзд̇ваа наамабан̃н̃ад̇д̇ивасзна нияяаад̇анад̇т̇ам̣ ‘‘яасмим̣ жид̇д̇а самаяз’’д̇иаад̣̇имааха.
432-437.Ayaṃ vā soti ettha vā saddo vibhāvanattho hoti. Ayaṃ soti evaṃ vibhāvetvā pakāsetvā byākareyyāma. Yathāpare ‘‘ekantasukhaṃ attānaṃ sañjānāthā’’ti puṭṭhā ‘‘no’’ti vadanti, na evaṃ vadāmāti attho. Sappāṭihīrakatanti sappāṭiharaṇaṃ, niyyānikanti attho. Mogho hotīti tuccho hoti, natthi so tasmiṃ samayeti adhippāyo. Sacco hotīti bhūto hoti, sveva tasmiṃ samaye sacco hotīti attho. Ettha panāyaṃ citto attano asabbaññutāya tayo attapaṭilābhe kathetvā attapaṭilābho nāma paññattimattaṃ etanti uddharituṃ nāsakkhi, attapaṭilābho tveva niyyātesi. Athassa bhagavā rūpādayo cettha dhammā, attapaṭilābhoti pana nāmamattametaṃ, tesu tesu rūpādīsu sati evarūpā vohārā hontīti dassetukāmo tasseva kathaṃ gahetvā nāmapaññattivasena niyyātanatthaṃ ‘‘yasmiṃ citta samaye’’tiādimāha.
438. зван̃жа бана вад̇ваа бадибужчид̇ваа винаяанад̇т̇ам̣ буна ‘‘сажз д̇ам̣, жид̇д̇а, звам̣ бужчзяяу’’нд̇иаад̣̇имааха . д̇ад̇т̇а яо мз ахоси ад̇ийд̇о ад̇д̇абадилаабхо , свзва мз ад̇д̇абадилаабхо, д̇асмим̣ самаяз сажжо ахоси, могхо анааг̇ад̇о могхо бажжуббаннод̇и зд̇т̇а д̇аава имамад̇т̇ам̣ д̣̇ассзд̇и – яасмаа яз д̇з ад̇ийд̇аа д̇хаммаа, д̇з зд̇арахи над̇т̇и, ахзсунд̇и бана сан̇кяам̣ г̇ад̇аа, д̇асмаа соби мз ад̇д̇абадилаабхо д̇асмим̣язва самаяз сажжо ахоси. анааг̇ад̇абажжуббаннаанам̣ бана д̇хаммаанам̣ д̇ад̣̇аа абхааваа д̇асмим̣ самаяз ‘‘могхо анааг̇ад̇о, могхо бажжуббанно’’д̇и, звам̣ ад̇т̇ад̇о наамамад̇д̇амзва ад̇д̇абадилаабхам̣ бадиж̇аанаад̇и. анааг̇ад̇абажжуббаннзсуби зсзва наяо.
438. Evañca pana vatvā paṭipucchitvā vinayanatthaṃ puna ‘‘sace taṃ, citta, evaṃ puccheyyu’’ntiādimāha . Tattha yo me ahosi atīto attapaṭilābho , sveva me attapaṭilābho, tasmiṃ samaye sacco ahosi, mogho anāgato mogho paccuppannoti ettha tāva imamatthaṃ dasseti – yasmā ye te atītā dhammā, te etarahi natthi, ahesunti pana saṅkhyaṃ gatā, tasmā sopi me attapaṭilābho tasmiṃyeva samaye sacco ahosi. Anāgatapaccuppannānaṃ pana dhammānaṃ tadā abhāvā tasmiṃ samaye ‘‘mogho anāgato, mogho paccuppanno’’ti, evaṃ atthato nāmamattameva attapaṭilābhaṃ paṭijānāti. Anāgatapaccuppannesupi eseva nayo.
439-443. ат̇а бхаг̇аваа д̇асса б̣яаагаран̣зна сад̣̇д̇хим̣ ад̇д̇ано б̣яаагаран̣ам̣ сам̣санд̣̇ид̇ум̣ ‘‘звамзва ко жид̇д̇аа’’д̇иаад̣̇ийни вад̇ваа буна обаммад̇о д̇амад̇т̇ам̣ саад̇хзнд̇о ‘‘сзяяат̇ааби жид̇д̇а г̇аваа кийра’’нд̇иаад̣̇имааха. д̇ад̇рааяам̣ сан̇кзбад̇т̇о, яат̇аа г̇аваа кийрам̣, кийраад̣̇ийхи жа д̣̇ад̇хиаад̣̇ийни бхаванд̇и, д̇ад̇т̇а яасмим̣ самаяз кийрам̣ ход̇и, на д̇асмим̣ самаяз д̣̇ад̇хийд̇и ваа наванийд̇аад̣̇ийсу ваа ан̃н̃ад̇аранд̇и сан̇кяам̣ нируд̇д̇им̣ наамам̣ вохаарам̣ г̇ажчад̇и. гасмаа? яз д̇хаммз убаад̣̇ааяа д̣̇ад̇хийд̇иаад̣̇и вохаараа хонд̇и, д̇зсам̣ абхааваа. ат̇а ко кийрам̣ д̇взва д̇асмим̣ самаяз сан̇кяам̣ г̇ажчад̇и. гасмаа? яз д̇хаммз убаад̣̇ааяа кийранд̇и сан̇кяаа нируд̇д̇и наамам̣ вохааро ход̇и, д̇зсам̣ бхааваад̇и. зса наяо саб̣б̣ад̇т̇а. имаа ко жид̇д̇аад̇и ол̣аариго ад̇д̇абадилаабхо ид̇и жа маномаяо ад̇д̇абадилаабхо ид̇и жа аруубо ад̇д̇абадилаабхо ид̇и жа имаа ко жид̇д̇а логасаман̃н̃аа логз саман̃н̃аамад̇д̇агаани самануж̇аананамад̇д̇агаани зд̇аани. д̇ат̇аа логанируд̇д̇имад̇д̇агаани важанабат̇амад̇д̇агаани вохаарамад̇д̇агаани наамабан̣н̣ад̇д̇имад̇д̇агаани зд̇аанийд̇и. звам̣ бхаг̇аваа хздтаа д̇аяо ад̇д̇абадилаабхз гат̇зд̇ваа ид̣̇аани саб̣б̣амзд̇ам̣ вохаарамад̇д̇аганд̇и вад̣̇ад̇и. гасмаа? яасмаа барамад̇т̇ад̇о сад̇д̇о наама над̇т̇и, сун̃н̃о д̇ужчо зса лого.
439-443. Atha bhagavā tassa byākaraṇena saddhiṃ attano byākaraṇaṃ saṃsandituṃ ‘‘evameva kho cittā’’tiādīni vatvā puna opammato tamatthaṃ sādhento ‘‘seyyathāpi citta gavā khīra’’ntiādimāha. Tatrāyaṃ saṅkhepattho, yathā gavā khīraṃ, khīrādīhi ca dadhiādīni bhavanti, tattha yasmiṃ samaye khīraṃ hoti, na tasmiṃ samaye dadhīti vā navanītādīsu vā aññataranti saṅkhyaṃ niruttiṃ nāmaṃ vohāraṃ gacchati. Kasmā? Ye dhamme upādāya dadhītiādi vohārā honti, tesaṃ abhāvā. Atha kho khīraṃ tveva tasmiṃ samaye saṅkhyaṃ gacchati. Kasmā? Ye dhamme upādāya khīranti saṅkhyā nirutti nāmaṃ vohāro hoti, tesaṃ bhāvāti. Esa nayo sabbattha. Imā kho cittāti oḷāriko attapaṭilābho iti ca manomayo attapaṭilābho iti ca arūpo attapaṭilābho iti ca imā kho citta lokasamaññā loke samaññāmattakāni samanujānanamattakāni etāni. Tathā lokaniruttimattakāni vacanapathamattakāni vohāramattakāni nāmapaṇṇattimattakāni etānīti. Evaṃ bhagavā heṭṭhā tayo attapaṭilābhe kathetvā idāni sabbametaṃ vohāramattakanti vadati. Kasmā? Yasmā paramatthato satto nāma natthi, suñño tuccho esa loko.
б̣уд̣̇д̇хаанам̣ бана д̣̇вз гат̇аа саммуд̇игат̇аа жа барамад̇т̇агат̇аа жа. д̇ад̇т̇а ‘‘сад̇д̇о босо д̣̇зво б̣рахмаа’’д̇иаад̣̇игаа ‘‘саммуд̇игат̇аа’’ наама. ‘‘анижжам̣ д̣̇угкаманад̇д̇аа канд̇хаа д̇хаад̇уяо ааяад̇анаани сад̇ибадтаанаа саммаббад̇хаанаа’’д̇иаад̣̇игаа барамад̇т̇агат̇аа наама. д̇ад̇т̇а яо саммуд̇ид̣̇зсанааяа ‘‘сад̇д̇о’’д̇и ваа ‘‘босо’’д̇и ваа ‘‘д̣̇зво’’д̇и ваа ‘‘б̣рахмаа’’д̇и ваа вуд̇д̇з виж̇аанид̇ум̣ бадивиж̇жхид̇ум̣ нияяаад̇ум̣ арахад̇д̇аж̇аяаг̇г̇аахам̣ г̇ахзд̇ум̣ саггод̇и, д̇асса бхаг̇аваа аад̣̇ид̇ова ‘‘сад̇д̇о’’д̇и ваа ‘‘босо’’д̇и ваа ‘‘д̣̇зво’’д̇и ваа ‘‘б̣рахмаа’’д̇и ваа гат̇зд̇и, яо барамад̇т̇ад̣̇зсанааяа ‘‘анижжа’’нд̇и ваа ‘‘д̣̇угка’’нд̇и ваад̇иаад̣̇ийсу ан̃н̃ад̇арам̣ суд̇ваа виж̇аанид̇ум̣ бадивиж̇жхид̇ум̣ нияяаад̇ум̣ арахад̇д̇аж̇аяаг̇г̇аахам̣ г̇ахзд̇ум̣ саггод̇и, д̇асса ‘‘анижжа’’нд̇и ваа ‘‘д̣̇угка’’нд̇и ваад̇иаад̣̇ийсу ан̃н̃ад̇арамзва гат̇зд̇и. д̇ат̇аа саммуд̇игат̇ааяа б̣уж̇жханагасад̇д̇ассааби на батамам̣ барамад̇т̇агат̇ам̣ гат̇зд̇и. саммуд̇игат̇ааяа бана б̣од̇хзд̇ваа бажчаа барамад̇т̇агат̇ам̣ гат̇зд̇и. барамад̇т̇агат̇ааяа б̣уж̇жханагасад̇д̇ассааби на батамам̣ саммуд̇игат̇ам̣ гат̇зд̇и. барамад̇т̇агат̇ааяа бана б̣од̇хзд̇ваа бажчаа саммуд̇игат̇ам̣ гат̇зд̇и. багад̇ияаа бана батамамзва барамад̇т̇агат̇ам̣ гат̇знд̇асса д̣̇зсанаа луукаагаараа ход̇и, д̇асмаа б̣уд̣̇д̇хаа батамам̣ саммуд̇игат̇ам̣ гат̇зд̇ваа бажчаа барамад̇т̇агат̇ам̣ гат̇знд̇и. саммуд̇игат̇ам̣ гат̇знд̇ааби сажжамзва сабхаавамзва амусаава гат̇знд̇и. барамад̇т̇агат̇ам̣ гат̇знд̇ааби сажжамзва сабхаавамзва амусаава гат̇знд̇и.
Buddhānaṃ pana dve kathā sammutikathā ca paramatthakathā ca. Tattha ‘‘satto poso devo brahmā’’tiādikā ‘‘sammutikathā’’ nāma. ‘‘Aniccaṃ dukkhamanattā khandhā dhātuyo āyatanāni satipaṭṭhānā sammappadhānā’’tiādikā paramatthakathā nāma. Tattha yo sammutidesanāya ‘‘satto’’ti vā ‘‘poso’’ti vā ‘‘devo’’ti vā ‘‘brahmā’’ti vā vutte vijānituṃ paṭivijjhituṃ niyyātuṃ arahattajayaggāhaṃ gahetuṃ sakkoti, tassa bhagavā āditova ‘‘satto’’ti vā ‘‘poso’’ti vā ‘‘devo’’ti vā ‘‘brahmā’’ti vā katheti, yo paramatthadesanāya ‘‘anicca’’nti vā ‘‘dukkha’’nti vātiādīsu aññataraṃ sutvā vijānituṃ paṭivijjhituṃ niyyātuṃ arahattajayaggāhaṃ gahetuṃ sakkoti, tassa ‘‘anicca’’nti vā ‘‘dukkha’’nti vātiādīsu aññatarameva katheti. Tathā sammutikathāya bujjhanakasattassāpi na paṭhamaṃ paramatthakathaṃ katheti. Sammutikathāya pana bodhetvā pacchā paramatthakathaṃ katheti. Paramatthakathāya bujjhanakasattassāpi na paṭhamaṃ sammutikathaṃ katheti. Paramatthakathāya pana bodhetvā pacchā sammutikathaṃ katheti. Pakatiyā pana paṭhamameva paramatthakathaṃ kathentassa desanā lūkhākārā hoti, tasmā buddhā paṭhamaṃ sammutikathaṃ kathetvā pacchā paramatthakathaṃ kathenti. Sammutikathaṃ kathentāpi saccameva sabhāvameva amusāva kathenti. Paramatthakathaṃ kathentāpi saccameva sabhāvameva amusāva kathenti.
д̣̇увз сажжаани агкааси, самб̣уд̣̇д̇хо вад̣̇ад̇ам̣ варо;
Duve saccāni akkhāsi, sambuddho vadataṃ varo;
саммуд̇им̣ барамад̇т̇ан̃жа, д̇ад̇ияам̣ нуубалаб̣бхад̇и.
Sammutiṃ paramatthañca, tatiyaṃ nūpalabbhati.
сан̇гзд̇аважанам̣ сажжам̣, логасаммуд̇игааран̣ам̣;
Saṅketavacanaṃ saccaṃ, lokasammutikāraṇaṃ;
барамад̇т̇аважанам̣ сажжам̣, д̇хаммаанам̣ бхууд̇алагкан̣анд̇и.
Paramatthavacanaṃ saccaṃ, dhammānaṃ bhūtalakkhaṇanti.
яаахи д̇ат̇ааг̇ад̇о вохарад̇и абараамасанд̇и яаахи логасаман̃н̃аахи логанируд̇д̇ийхи д̇ат̇ааг̇ад̇о д̇ан̣хаамаанад̣̇идтибараамаасаанам̣ абхааваа абараамасанд̇о вохарад̇ийд̇и д̣̇зсанам̣ виниваддзд̇ваа арахад̇д̇анигуудзна нидтаабзси. сзсам̣ саб̣б̣ад̇т̇а уд̇д̇аанад̇т̇амзваад̇и.
Yāhi tathāgato voharati aparāmasanti yāhi lokasamaññāhi lokaniruttīhi tathāgato taṇhāmānadiṭṭhiparāmāsānaṃ abhāvā aparāmasanto voharatīti desanaṃ vinivaṭṭetvā arahattanikūṭena niṭṭhāpesi. Sesaṃ sabbattha uttānatthamevāti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
бодтабаад̣̇асуд̇д̇аван̣н̣анаа нидтид̇аа.
Poṭṭhapādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 9. бодтабаад̣̇асуд̇д̇ам̣ • 9. Poṭṭhapādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 9. бодтабаад̣̇асуд̇д̇аван̣н̣анаа • 9. Poṭṭhapādasuttavaṇṇanā
